सोच फ़िकर दे खंभ नां कटो नां सध्धरां नूं रस्से पाओ

आउण समें दीआं लोड़ां दे लई राहवां औखीआं नां बणाओ

दरिआवां दे वहिण नां बदलो नां ई लांभीं बंनह बणाओ

बंदिआं दा दिल वड्डा काअबा इहनूं सट्टां नाळ नां ढाओ

सच्च नूं परखण दे वल्ल आओ सच्च नूं परखण वल्ल आओ

हर दिल अंदर रांझा वसदा होरां मगर नां कैदो लाओ

वगदे वहिण कदी नां डक्को नां हहड़ मोड़ लिआओ

जिहड़े राह कोई चहड़दा नाहीं डंडे नाळ नां राहे पाओ

आपणे महिल उसारन दे लई माड़िआं दे नां ढाओ

जेकर दारू दे नहीं सकदे माड़िआं दा दिल वी नां तोड़ो

जबर धरू दे नाळ कदी नां वागां किसे दीआं वी मोड़ो

आपणे कंम सवारन दे लई नां लोकां नूं खेड खिडाओ

नां सोचां नूं जिंदरे लाओ नां सोचां जिंदरे लाओ

जो कानूंन नां मंनण लोकी धक्के नाळ नां मूल मनाओ

वेले दी रफ़तार नूं वेखो वेले नाळ ही कदम वधाओ

साडी मंज़िल अग्गे वल्ल है सानूं पिछ्छे नां परताओ

साडी मंज़िल अग्गे वल्ल है सानूं पिछ्छे नां परताओ