कथा संग्रहि ‘मनुख्ख ते मनख्ख’ विच दरज कहाणीआं

उनहीं दिनीं जिहड़ीआं कहाणीआं दा ताणा-बाणा मेरे अंदर चल्ल रिहा सी उह किसानी ते फौजी जीवन दे समाचारां ते मसलिआं बारे सन। इस संग्रहि दीआं कुझ कहाणीआं विच मैं अपणे परिवार दे मैंबरां, आस-पास दे जाण-पछाण वाळिआं अते रिशतेदार नं पातर बणाइआ है।

‘बंनह उठाई पोटली’

इस कहाणी दा मुख्ख पातर चंनण सिंघ मेरे मामे बिक्कर सिंघ दा समरूप है। साडे नानका-परिवार विच मौत नें बड़ा कहिर वरताइआ सी। मामे दा दो वारी विआह होइआ। दोनां मामीआं दी विआह तों छेती बाअद मौत हो गई। फिर छोटे मामे प्रीतम सिंघ दे विआह ’च थोहड़े कु दिन ही बाकी सन कि मौत उसनूं वी खोह के लै गई। करमां नूं कोसदे नाना-नानी नें मामे बिक्कर सिंघ दा तीजी वार विआह कीता। मामी दी कुख्खों तिंन धीआं ते दो पुत्तर जनमे। निआणे अजे छोटे-छोटे ही सन कि साडी तीजी मामी वी चल्ल वसी। नाना वड्डे दिल-गुरदे वाळा सी। एनीआं त्रासदीआं वाळी ज़िंदगी तों उह हारिआ नहीं सी। 98 साल जीविआ। मामा वी नाने वांग ही सी। दुख्खां-दुशवारीआं नाळ भिड़दिआं उसने खेती वी कीती ते निआणे वी पाळे। साडा पिंड नानकिआं दे लागे है। साडी बीबी नें दसीं-बारीं दिनीं जा के कप्पड़ा-लीड़ा धो आउणा। घर दी सफाई ते रसोई दे कंमां बारे मामे दी वड्डी कुड़ी नूं समझा आउणा। खैर समां बदलिआ। साडे वड्डे ममेर भरा दा विआह हो गिआ। इक दिन किसे कारन मामे अते नूंह-पुत्त दी लड़ाई हो गई। ममेर भरा नें मामे नूं अपमानजनक लफज़ कहि दित्ते। गुस्से ’च भुज्जदा मामा साडे पिंड नूं आ गिआ। वार-वार आखी जाए, “कुत्ते भजन (साडा ममेर भरा) दे मैं कदे वी मत्थे नहीं लग्गणा। उहनूं ज़मीन दा इक वी सिआड़ नहीं देणा। साळा रुलदा फिरू।” शाम नूं भजन आ के मामे दे पैरां ’च ढहि पिआ। मामे दा गुस्सा पता नहीं किध्धर उड्ड गिआ। मोम बण के उसे वेले पुत्त दे नाळ टुर पिआ— अखे मेरा तां झोना सुक्कदै। जा के पाणी लाउणै। घटना दा इह अंत हकीकत है। पर परिवारक रिशतिआं दी अटुट्टता नूं संवेदनी टच्च देण लई, मैं कहाणी दा अंत होर तरहां कीता है। कहाणी विच चंनण सिंघ दी भैण मेरी बीबी है ते उसदा भाणजा गुरबखश मेरा वड्डा भरा।

‘टट्टदीआं-जुड़दीआं बाहां’

इस कहाणी विच मैं परिवारक ते समाजक रिशतिआं दे टकराओ विच्चों उपजदे नवें जोड़-तोड़ दी बात पाई है। दो भरावां सरवण ते देव अते पिंड दे कुरप्पट सरपंच दी कहाणी है। मोह दीआं तंदा विच बझ्झे दोवें भरा खेती करदे हन। देव ते सरपंच दा पुत्त शिंगारा कबड्डी-खिडारी होण दे नाते दोसत हन। शिंगारे दे मामे दी कुड़ी देव दी वहुटी है। उह मूंहज़ोर है। सरपंच ते उसदी पतनी दी चुक्क ’च आ के उह घर ’च कलेश पा दिंदी है… भरा अलग्ग-अलग्ग हो जांदे हन। देव ते उसदी वहुटी सरपंच दे टब्बर नाळ घिउ-खिचड़ी हो जांदे हन। सरवण आपणे ताए दे पुत्त दे नेड़े हो जांदा है। दोनां धिरां ’च चल्लदीआं खहिबाज़ीआं लड़ाई दा रूप धारन कर जांदीआं हन। लड़ाई ’च चल्लीआं तलवारां-गंडासीआं नाळ भरा ज़खमी हो जांदे हन… आखर सरपंच दीआं चालबाज़ीआं ते हेराफेरीआं दा भांडा फुट्टण ’ते भरावां दीआं टुट्टीआं बाहां मुड़ गळे आ लगदीआं हन। सरवण अते देव दा मुढ्ढला आपसी विवहार मैं आपणे भरावां दे सुभावां विच्चों चित्तरिआ ते बाअद वाळा, पिंड दे उनहां भरावां दे सुभावां विच्चों, जो सारी उमर आपस विच पग्गोलत्थी हुंदे रहे।

‘काणसूते वगदे बळद’

हरे इनकलाब नाळ लाहेवंद बणी खेती-बाड़ी घाटे दा कित्ता बण गई सी। खरचिआं दे मुकाबले किसान दी पैदावार दा भाअ बहुत थोहड़ा सी। इस कहाणी दे द्रिश विच इक किसान परिवार आलू ला रिहै। नवीं फसल बीजण दे चाअ नूं आलूआं दे भाअ दी अनिशचितता नें दबोचिआ होइआ है। परिवार दे जीअ आपसी गल्लबात राहीं किसान दी जिणस दी बेकदरी लई जित्थे हकूमतां नूं कोसदे हन, ओथे किसानां नूं वी दोश दिंदे हन, जिहड़े सरकारां नाळ लड़न लई इकजुट्ट नहीं हो रहे, काणसूते वगदे हन ते मार खाई जा रहे सन। मैनूं याद है उदों लगातार दो साल आलूआं नूं किसे नें कौडीआं दे भाअ नहीं सी पुछ्छिआ। अनेक किसानां वांग असीं वी आलू पुट्टण दी बजाइ ज़मीन विच ही वाह दित्ते सन। पर कहाणी विचले जीप वाळे सरदार नें आपणे आलू ठीक भाअ ’ते वेच लए सन।

रचनाकारी दे सफर ’च एथे कु पहुंच के मेरी पातर उसारी ’च तबदीली वापरदी है। पहिलां मेरे पातर, रिशतेदारां ते जाण-पछाण वाळिआं नाळ मिळदे-जुळदे सन पर हुण मैं जाण-पछाण वाळिआं नूं पातरां दे आधार/ मूल वजों ही वरतदा हां।

‘कंडिआळी धरती’

इस विच मैं किसानी दीआं दूजे वरगां नाळ विरोधताईआं दरसाईआं हन। इक विरोध मुख्ख पातर कुंदन ते खेत मज़दूर चेतू दा है। कुंदन छल्लीआं दे कलावे बदले चेतू तों कंम लैणा चाहुंदा है, जदों कि चेतू उस नाळ पूरा दिन मक्की वढा के भरी दे सिर होणा चाहुंदा है। दूजा विरोध कुंदन ते लोकां नूं विआजू पैसे देण वाळे तुलसी राम दा है। कुंदन नें बैंक दे करजे दा निपटारा करन लई आपणा चार कनाळ दा खत्ता तुलसी कोळ गहिणे रख्खिआ होइऐ। वाहुंदा उह आप ही है अध्ध ’ते। उह चेतू नूं नाळ लै के उस खत्ते दी मक्की वढ्ढ लैंदा है ते जदों उस खत्ते दीआं भरीआं विच्चों इक भरी चेतू नूं दे रिहा है तां तुलसी आखदै, “इहनूं तूं आपणे खेत ’चों दे।” कुंदन जवाब दिंदै कि इस भरी विच अध्ध मेरा वी है। पर तुलसी नूं इह गल्ल प्रवान नहीं। बहिस छिड़ पैंदी है। तुलसी हुकमराना अंदाज़ ’च आखदै, “अगांह तों मेरे खत्ते ’च हळ नां वाड़ी।” खेती दे धंदे विच आपणी ते आपणे परिवार दी धक्के-धोड़िआं वाळी ज़िंदगी तों अति दुखी होए कुंदन नूं जापदा है कि जिहड़ी ज़मीन कदे किसान दी मां हुंदी सी अज्ज उही ज़मीन आपणे पुत्तां भाव किसानां नूं खाण लग्ग पई है। कुंदन दे पातर दा मूल भरा कुलदीप है, चेतू दा मूल पाल सिंघ जुलाहा ते तुलसी दा मूल पंडत राम रख्खा है।

‘मनुख्ख ते मनुख्ख’

कहाणीआं दी थीमक भिंनता दे नाळ-नाळ पातरां दा घेरा वी वसीह हो रिहा सी। एअरफोरस विच मेरी दोसती गैर पंजाबीआं नाळ वी सी। आगरा विखे मेरे दोसतां विच दो बंगाली वी सन— सचिन भट्टाचारीआ ते सेनगुपता। सेनगुपता कमिशन लै गिआ सी। सचिन ते मैं तिंन साल इक्को सुकआडरन ’च रहे। फिर मेरी बदली पूने दी हो गई ते उसदी कलकत्ते लागे पैंदे एअर फोरस सटेशन बैरकपुर दी। उह बहुत खुश सी, आपणे घर दे लागे जा रिहा सी। पर कौण जाणदा सी कि बैरकपुर विच उसनूं उसदी मौत उडीक रही सी। उह ते कुझ होर तकनीशन एअर फोरस दे टरांसपोरट जहाज़ विच किते टैंपरेरी डिऊटी ’ते जा रहे सन कि जहाज़ करैश हो गिआ। सचिन समेत सारे तकनीशन ते पाइलट मौत नें हड़प लए।

सचिन दी मौत 1969 ’च होई सी। 1982 विच मैं उसनूं ‘मनुख्ख ते मनुख्ख’ कहाणी विच ‘मुकती बाहिनी’ दे कैपटन जावेद हुसैन दे पातर वजों पेश कीता। सचिन दे मूल विच्चों उसरिआ जावेद आपणी वख्खरी हसती दा मालक है। जावेद नाळ दूजा मुख्ख पातर हौलदार बलजीत सिंघ है। बलजीत दा पातर मैं आपणे मित्तर पैराशूट इंसटरकटर चितरंजन सिंघ चीमा विच्चों सिरजिआ। कहाणी, 1971 दी भारत-पाकि जंग, जिसनूं बंगला देश जंग वी किहा जांदै, नाळ संबंधित है। उस जंग दे वेरवे मैं जोधपुर वाळे कांड विच बिआन कर चुक्का हां। इस कहाणी विच हवाई सैना दे जहाज़ राहीं पैराटरुपरज़ दी इक टुकड़ी तंगोल शहिर लागले जंगल ’च उतारी गई है। टुकड़ी दा इंचारज हौलदार बलजीत सिंघ है। इस टुकड़ी नें आपणी बटालीअन, जो पहिलां ही उतारी जा चुक्की है, नाळ पाकिसतानी फौज दे गहड़, ढाके वल्ल नूं मारच करना है। बटालीअन नूं उस एरीए ’च पाकिसतानी फौज दे वेरवे दस्सण लई मुकती बाहिनी (पूरबी पाकिसतान दी गुरीला किसम दी सैना) दे जवान जंगल विच मौजूद हन। उनहां दा कमांडर कैपटन जावेद हुसैन है। ढाका यूनीवरसटी दे विदिआरथी जावेद नूं कैपटन दा रैंक मुकती बाहिनी दी कमांड वल्लों दित्ता होइऐ। जावेद उनहां हज़ारां पीड़तां विच्चों है जिनहां दे पूरे दे पूरे परिवार पाकिसतानी फौज नें कोह-कोह के मार छड्डे हन। जंगल विच जावेद दी मां वी उसदे नाळ है। परविार दे पंज जीआं दी मौत दे सदमे कारन उस विचारी दा दिमाग हिल्ल गिआ है। टैंकां, तोपां, राईफलां ते सटेनां नाळ हजारां लोकां दे वहिशीआना कतल, हज़ारां औरतां दे बलातकार अते चुण-चुण के खतम कीते गए बुध्धीजीवीआं बाबत जावेद वलों बिआन कीती वारता रोंगटे खहड़े करन वाळी है।

जावेद दी सलाह नाळ ढुक्कवां रूट उलीक के कमांडरां वल्लों मारच दा आरडर हो जांदा है। हौलदार बलजीत सिंघ, मारच विच सभ तों मूहरे ‘फरंट गारड’ दी टुकड़ी विच है। दुशमण फौज दी नकलो-हरकत घोखण अते उनहां नाळ सिझण लई उह चौकस ते द्रिड़ है पर मन दे किसे कोने विच डर अते फिकर वी उभ्भर रहे हन कि जेकर उसनूं कुझ हो गिआ तां उसदे परिवार दा की बणेगा। घर दी ज़मीन तां उसदे पिउ नें शराब ते अफीम दे नशिआं ’च झोक छड्डी सी, तां ही तां उसनूं फौज विच भरती होणा पिआ सी, आपणी ते परिवार दी रोटी खातर। जदों मारच कुझ देर लई दम मारन वासते रुकदी है तां बलजीत सिंघ दे साथी सैनिकां दरमिआन सरासर चल्लीआं गल्लां, उनहां दे मनां-दिलां दी दशा तक्क पहुंच जांदीआं हन। उनहां दीआं गल्लां तों पता लगदै कि उह वी रोटी-रोज़ी खातर ही फौज विच आए सन। परिवारां दी याद उनहां दे बोलां विच्चों वी झलकदी है।

मारच दौरान बटालीअन दी, इक पाकिसतानी फौजी टुकड़ी नाळ होई मुठ्ठ-भेड़ विच हौलदार बलजीत सिंघ ते कुझ होर फौजी ज़खमी हो जांदे हन। डाकटर उनहां दी मल्हम-पट्टी कर रिहा है। ज़खमीआं लागे गुआचिआं वांग घुंम रही जावेद दी मां वल्ल तक्कदिआं बलजीत अंदरों चीस उठ्ठदी है, ‘इस विचारी दी टहिकदी फुलवाड़ी नूं मसलण दा ज़िंमेवार कौण है? मनुख्ख राकश-रूपी मनख्ख।… मनुख्ख ही मनुख्ख दा लहू पींदा है… पर मनुख्ख, मनुख्ख वासते आपणा लहू वी डोल्हदा है।’ बलजीत सिंघ दी इस मनबचनी नूं महत्तव देंदिआं मैं किताब दा नां ‘मनख्ख ते मनुख्ख’ रख्ख दित्ता।

कंबदा चानण’

इस कहाणी दा सूबेदार जगमीत सिंघ वी मज़बूरी-वस्स भरती होइआ सी। गुंडा किसम दा लंबड़दार जैमल सिंघ जगमीत दे बापू दा कतल कर दिंदा है ते मुकद्दमे विच्चों बरी हो जांदै। जगमीत दी मां नूं डर है कि लंबड़दार उसदे इक्कलौते पुत्तर दा वी किते कतल नां कर देवे… ते उह फौज विच भरती हो जांदा है। बापू दे कतल दा बदला लैण पहुंचे जगमीत तों डरदा लंबड़दार पिंड छड्ड के यू.पी ’च जा टिकदै। पाकिसतान नाळ लड़ाई लग्ग जांदी है। उस जंग विच ज़खमी होण ’ते जगमीत सिंघ दी लत्त कट्टी जांदी है। अपंग हो जाणा उस लई डाढे दुख्ख वाळी गल्ल है। फहुड़ीआं दे सहारे उह पिंड दे उस छप्पड़ कोळों लंघ रिहा है जिस विच कदी उह आपणीआं लत्तां ते बाहां दे बल तैरदा हुंदा सी। पर अज्ज उसनूं इंज महिसूस हो रिहा है जिवें उह छप्पड़ दे बाहर ही गोते खा रिहा होवे। जगमीत सिंघ दे पातर दा मूल, अपंग होइआ मेरा गराईं हौलदार परकाश सिंघ है।

‘काला सूरज’

इस कहाणी विच मैं समुंदरी जंग नूं चित्तरिआ है। इह कहाणी 1971 दी भारत-पाकि जंग दी उस भिआनक ते घोर दुखदाई घटना ’ते आधारित है जिस विच पाकिसतानी नेवी नें तारपीडो राहीं भारती समुंदरी जंगी जहाज़ ‘खुख्खरी’ नूं तबाह कर दित्ता सी। उस विच 150 तों वध्ध नौसैनिक ताइनात सन। थोहड़े ही सही सलामत बचे सन। बाकी सारे शहीदीआं पा गए जां गंभीर ज़खमी हो गए। कहाणी विच जहाज़ दा नां ‘विकरम’ रख्खिआ है। कहाणी दा मुख्ख पातर इंजण सैकशन दा इंचारज, पैटी अफसर रणधीर सिंघ है। तारपीडो नाळ हिट्ट होण ’ते ‘विकरम शिप्प’ दे फिऊल टैंक फट जांदे हन ते शिप्प नूं अग्ग लग्ग जांदी है। शिप्प दा कैपटन, नौसैनिकां नूं, समुंदर ’च धसदे जा रहे शिप्प तों बाहर कुद्दण दा आरडर दिंदा है। टैंकां ’चों निकळ रिहा फिऊल जिउं-जिउं पाणी दी सतह ’ते फैलदा है, तिउं-तिउं अग्ग पाणी ’ते फैलदी जा रही है। समुंदर ’च कुद्दे नौसैनिक अग्ग दी लपेट विच आ जांदे हन। मुख्ख पातर रणधीर दे सरीर दा इक पासा अग्ग नाळ सड़ जांदा है। नेवी हसपताल ’च उसदी बांह कट्ट दित्ती जांदी है। हसपताल दे बैड्ड ’ते पिआ, जखमां दी असहि पीड़ अते करूप होए सरीर दे गम विच गोते खांदा, उह मां, पतनी ते धीआं नूं याद कर रिहा है।

जंगां दा सिलसिला मुढ्ढ-कदीम तों चल्लिआ आ रिहै। बहुतीआं जंगां सिआसत विचों उग्गदीआं हन। जंगां विच सभ तों वध्ध कहिर फौजीआं ते उनहां दे परिवारां ’ते ढहिंदा है। जंगां दी भेट चहड़े ते अंगहीण होए फौजीआं दे घरां विच उमरां जेडे हनहेरे छा जांदे हन।

‘लैंटर हेठले फट्टे’

जंग दे दिनां विच फौजीआं दी बहादरी ते कुरबानी दे प्रशंसकी गीत गाए जांदे हन। पर जंग मुक्कदिआं ही उनहां दी पुछ्छ-प्रतीत खतम हो जांदी है। इस कहाणी विच मैं फौजीआं प्रती लोकां दा इह विहार पेश कीता है। इस प्रतीक राहीं मैं इह दरसाइआ है कि जिवें फट्टिआं दी कदर लैंटरां दा अथाह भार चुक्कण समें ही हुंदी है, इवें ही फौजीआं दी कदर वी जंग समें ही हुंदी है। जंग तों बाअद उह लोकां दीआं नज़रां विच महत्तवहीण हो जांदे हन। इस कहाणी दी शुरूआती घटना ते उस विचला मैं पातर अते अनिल गंगोली दा पातर वासतविक हन। मैं पातर, मैं आप हां ते अनिल गंगोली मेरा मित्तर सचिन भटाचारीआ। पर बाअद दीआं घटनावां ते उनहां विच दोनां पातरां दे रोल कालपनिक हन।

‘मनुख्ख ते मनुख्ख’ संग्रहि 1983 ’च छपिआ। प्रकाशक पहिलां वाळा ही सी— दीपक पबलिशरज़, जलंधर। संग्रहि दीआं उपरोकत अठ्ठ कहाणीआं किसानी ते फौजी जीवन नाळ सबंधित हन। दोनां खेतरां बारे मेरा नेड़ला अनुभव किसानां ते फौजी जवानां दे बहुभांती मसलिआं नूं यथारथक रूप ’च पेश करन विच सहाई होइआ। दो कहाणीआं (दाती ते रज्जे पुज्जे) ज़मीन अते पैसे दे मामलिआं विच दूजिआं दे हक्कां ते छापा मारन वाळे लोकां बारे हन। गिआरवीं कहाणी ‘हक्क’ ‘मैनूं की’ संग्रहि ’च आ चुक्की है।

इस किताब ’ते होई गी विच डा. करमजीत सिंघ ते प्रो. परबिंदर सिंघ (सरकारी कालज हुशिआरपुर) नें परचे पहड़े। प्रो. परबिंदर सिंघ दा परचा मैथों गुंम हो गिआ है। पर मैनूं याद है कि उसने कहाणीआं दे विशा वसतू ते पेशकारी बारे ‘हां पख्खी’ विचार प्रगटाए सन। डा. करमजीत सिंघ दे परचे विच्चों कुझ सतरां: जरनैल सिंघ फौजी नूं बाहरी कप्पड़िआं तों नहीं पछाणदा, उह तां उसदे फौज विच भरती होण दीआं मज़बूरीआं अते वरदी हेठ धड़कदे दिल दीआं उमंगां-भावनावां नूं शाबदिक रूप पहिनाउंदा है… किसानी जीवन नाळ संबंधित कहाणीआं विच उह प्रकिरतक चितरण राहीं पातरां दी मानसिकता नूं उभारन विच सफल होइआ है। प्रो. निरंजण सिंघ ढेसी (लाइलपुर खालसा कालज जलंधर), प्रो. प्रितपाल सिंघ महिरोक ते गुरमीत हेअर नें वी विचार पेश कीते।

पंजाबी ट्रिबिऊन (14 अगसत 1983) ’च प्रीतम सिंघ पी.सी.ऐस्स वल्लों कीते रीविऊ विच्चों कुझ शबद: ‘जरनैल सिंघ दे हथले कहाणी संग्रहि नूं पहड़ के ताज़ा हवा दा बुला मानण दा अहिसास होइआ है… उसने जिनहां विशिआं उत्ते कहाणीआं लिखीआं हन, उनहां दा उस नूं डूंघा गिआन है… इस लेखक तों भव्विख विच कथाकारी दे खेतर ’च वड्डीआं प्रापतीआं दी आस कीती जा सकदी है।’

जलंधर रेडीओ सटेशन दे ‘दिहाती प्रोगराम’ दा कंपीअर, मासटर जी वजों पेश हुंदा, अविनाश भाखड़ी, आदमपुर साडे घर दे साहमणे ही रहिंदा सी। मैं उसनूं ‘मैनूं की’ संग्रहि भेट कीता। उदों रेडीओ तों हफते ’च इक दिन ‘कथा लोक’ प्रोगराम प्रसारत हुंदा सी। उस पोगराम विच किसे लेखक दी कहाणी दा अध्धा कु नाटकीकरन कीता हुंदा सी— रेडीओ दा इक कलाकार कहाणी नूं बोल के पहड़दा सी। जित्थे डाइलाग हुंदे, ओथे उह रुक जांदा। डाइलाग होर कलाकारां वल्लों पातर बण के बोले जांदे सन। उनहां दे बोलण दा अंदाज़ कहाणी विचली सथिती ते पातरां दी टोन अनुसार हुंदा सी। प्रोगराम दी प्रोडिऊसर सुखजिंदर चूड़ामनी सी। अविनाश नें किताब विचली कहाणी ‘सुआह दी ढेरी’ उसनूं पहड़ाई। चूड़ामनी नें नाटकीकरन करवा के प्रसारत कर दित्ती। सरोतिआं वल्लों चंगा हुंगारा मिलण ’ते ‘बंन उठाई पोटली’ अते ‘कंडिआली धरती’ वी ‘कथा लोक’ ’च पेश कीतीआं गईआं। तिंने कहाणीआं दा नाटकी रूप ‘कथा लोक’ ’च कई वार दुहराइआ गिआ। कुझ कहाणीआं मैं ‘दिहाती प्रोगराम’ ’च आप वी पहड़ीआं। दोनां प्रोगरामां ’च पेश होईआं कहाणीआं दे चोखे पैसे मिळे सन।

कबीलदारी कहाणीआं नाळ नहीं, नौकरी नाळ चल्लदी सी। सो नौकरी बारे वी गल्ल करनी बणदी है। पंज साल तों वध्ध डिफालर सुसाइटीआं दी इनवैसटीगेशन दा कंम मुक्कण बाअद अपैकस बैंक चंडीगहड़ नें फीलड इकनामिकस इनवैसटीगेटरां दीआं पोसटां जूनीअर अकाऊंटैंटां ’च कनवरट कर दित्तीआं। जनरल मैनेजर अमर नें मेरी ऊणी होई डिऊटी लिसट विच रिज़रव बैंक दी इनसपैकशन दी कंपलाइंस (Compliance) अते औडीटर रिपोरट दी कंपलाइंस दे कंम पा दित्ते। इह कंम पहिलां असिसटैंट मैनेजर करदा सी। उस कोळ वरक लोड ज़िआदा होण कारन कंपलाइंस दा कारज ठीक तरहां नहीं सी हो रिहा। रिज़रव बैंक दी इनसपैकशन हर दो साल बाअद हुंदी सी। इंसपैकशन मैं ते बंगा करवाउंदे सां। इनसपैकशन टीम दे करमचारी ढाई-तिंन हफते ला के हैड्ड आफिस ते कुझ बरांचां दे रिकारडां दी घोखवीं पड़ताल करदे सन। ते फिर उनहां दे दफतर चंडीगहड़ तों विसथारत इंनसपैकशन रिपोरट आउंदी सी। पंजाब कोआप्रेटिव महिकमे दे औडीटरां वल्लों हैड्ड आफिस ते सारीआं बरांचां दी पड़ताल सारा साल चल्लदी रहिंदी ते साल दे अखीर विच विसथारत औडिट रिपोरट जारी हुंदी सी। इनसपैकशन रिपोरटां अंग्रेज़ी ’च हुंदीआं सन। कंपलाइंस वी अंग्रेज़ी ’च कीती जांदी सी।

रिपोरटां विच दरज छोटे-वड्डे इतराज़ जिनहां बरांचां अते हैड्ड आफिस दे करमचारीआं नाळ संबंधित हुंदे, उनहां नूं भेज के कंपलाइंस करवाउणी हुंदी सी। जनरल हदाइतां सारीआं बरांचां ते हैड्ड आफिस दे सबंधित सैकशनां नूं सरकूलेट करनीआं हुंदीआं सन ते फिर समुच्ची कंपलाइंस संकलित (Compile) करके संबंधित दफतरां नूं भेजणी हुंदी सी।

कंम लंमा-चौड़ा सी। दोवें कंपलाइंसां इक वार करन बाअद तज़रबा हो गिआ। फिर मैं टाईपिसट नूं कोळ बिठा के इतराज़ां दीआं चिठ्ठीआं डिकटेट कर देंदा अते टाईप होण बाअद मैनेजर दे टेबल ’ते भेज देंदा। उसदे दसतखतां बाअद चिठ्ठीआं डिसपैच कलरक दे टेबल ’ते चलीआं जांदीआं। जदों सारीआं बरांचां ते हैड्ड आफिस दे करमचारीआं दे जवाब आ जांदे तां सारे कुझ नूं पैरहा-वाईज़ ते पेज़-वाईज़ कंपाइल करन लई डिकटेशन देण लग्ग जांदा। ते जदों समुच्ची कंपलाइंस मुकंमल हो जांदी जनरल मैनेजर तों दसतखत करवा के सबंधित दफतरां नूं भेज देंदा। रिज़रव बैंक ते आडीटरां दीआं इनसपैकशनां दी कंपलाइंस दा इह कंम दिनां-हफतिआं ’च नहीं, महीनिआं ’च मुक्कदा सी।

कंम दे नाळ-नाळ शुगल-मेला वी चलदा रहिंदा। मैं, बंगा ते लाला तिंने पेंडू पिछोकड़ वाळे सां। लाला टिच्चरी सी। मेरे ते बंगे दीआं सीटां नाळ संबंधित कंमां दे सिलसिले विच बरांचां दे करमचारी आउंदे रहिंदे सन। जदों कदी बंगा बाथरूम ’च हुंदा, उस नूं मिलण आइआ करमचारी, बंगे दी खाली कुरसी देख के पुछ्छदा, “जी ! बंगा साहिब आए नहीं?”

लाले दा तटफट जवाब हुंदा, “आइओ आ। पर उनहां दा पिशाब निकळ गिआ।”

हैरानगी ते सवालीआ टोन विच अगले दे मूंहों, “हैंअ जी।” निक्कळ जांदा।

लाला मुसकरा के आखदा, “उह पिशाब करन गए आ।”

इसे तरहां जदों मैं टूर ’ते हुंदा, मैनूं मिलण आइआ बंदा पुछ्छदा, “स. जरनैल सिंघ नूं मिलणा सी।”

“उनहां नूं दौरा पै गिआ।” लाला डेअ-बुक्क तों नज़रां उठा के दस्सदा। झटका जिहा महिसूसदिआं अगले दे मूंहों, “ओ-होअ” निकळ जांदा।

“उह दौरे ’ते गइओ आ जी।” खचरी मुसकराहट केरदा लाला असल गल्ल दस्सदा।

लाला हुक्का पींदा सी। उसने लंमी पाईप वाळा हुक्का माली दे कुआटर ’च रख्खिआ होइआ सी। उह उत्थे जा के सूटहे लाउंदा सी। अजिहे मौके जे किसे नें आ के पुछ्छणा, “लाला जी किध्धर गए?”

“उनहां दे मूंह ’च नाळी लग्गीओ आ।” मेरा जवाब हुंदा।

“उनहां नूं की हो गिआ, चंगे भले सी।” अगला हैरानी ’च डुब्ब जांदा।

“ज़बान टपला खा गई जी, उह हुक्का पींदे आ।” मैं मत्थे ’ते हत्थ मार के आखदा।

बैंक दा जनरल मैनेजर स. अमर सिंघ मुड़ लुधिआणे चला गिआ। उसदी जगहा लुधिआणे तों स. जगतार सिंघ संधू आ गिआ।

मैं कंपलाइंस दे कंम तों इलावा रिवीऊ कमेटी दीआं त्रैमासक मीटिंगां अते बरांचां दे टारगिट दीआं डिऊटीआं वी निभा रिहा सां।

कहाणी संग्रहि ‘समें दे हाणी’ दा सिजणातमिक कारज

पंजाब संकट ते सिख्ख कतलेआम बारे काफी साहित रचिआ गिआ। अखबारी रिपोरटां वरगीआं सिध्धीआं सपाट रचनावां छेती ही समें दी धूड़ विच गुआच गईआं। मकबूल उही रचनावां होईआं जिनहां विच गहिराई, चिंतन ते सुहज दे गुण सन। इक कहाणी मैं वी लिखी सी ‘अविशवास’ इस कहाणी दी मुख्ख पातर चरन कौर फौजी विधवा है। उसदा पुत्तर रोज़ी–रोटी खातर दुबई गिआ होइऐ। उसदी नूंह ते छोटे–छोटे पोता–पोती हरिमंदर साहिब दे दरशनां लई जांदे हन। ओथे होर शरधालूआं समेत नीला तारा फौजी ऐकशन दी लपेट ’च आ जांदे हन। जदों उह घर नहीं परतदे, चरन कौर उनहां दी तलाश विच हरिमंदर साहिब जांदी है। ओथों पता लगदै कि फौजी ऐकशन विच शरधालूआं दीआं जानां वी गईआं सन। नाळ इह वी दस्स पैंदी है कि कुझ लोकां नूं फौज नें हिरासत ’च लिआ होइऐ। उसदे मन विच आपणे जीआं दे मारे जाण दा खदशा वी है ते आस दी किरन वी कि शाइद बच गए होण। नीला तारा ऐकशन तों बाअद फौजी यूनिटां नें पंजाब दे कुझ थावां ’ते डेरे लाए होए सन। उह लुके–छिपे अतिवादीआं दी तलाश विच ‘कंघी करो अपरेशन’ (Combing Operation) चला रहे सन। चरन कौर आपणे जीआं दी तलाश विच फौजी यूनिटां अते होर संबंधित थावां ’ते जित्थे वी जांदी है, ओथों दे अधिकारी उसदे अतिवादीआं नाळ संबंधां दी शक्क हेठ पुछ्छ-पड़ताल करन लग्ग पैंदे हन— उसदे आपणे ते नूंह दे पेका परिवार बाबत लंमे-चौड़े सवाल पुछण लगदे हन… अखीर विच चरन कौर नूं उमर भर दे हौकिआं–हाविआं वाळी घोर दुखदाई हकीकत दा पता लगदै… उसदी नूंह ते नंनहे पोता–पोती ‘साका नीला तारा’ विच मारे जा चुक्के सन। कहाणी विच मैं इह कहिण दी कोशिश कीती सी कि भारत दी सरकारी मशीनरी सिख्खां नूं अविशवास दी निगहा नाळ देख रही सी। ‘लोअ’ परचे विच छपी सी इह कहाणी।

कहाणी ‘बोहळ दे राखे’

इस कहाणी दा मुख्ख पातर, निमन किसान शमीर मंदी आरथिकता दा झंबिआ होइऐ। परिवार दीआं होर तंगीआं नाळ उसदे पुत्तर दी पहड़ाई वी खतरे ’च पै चुक्की है। उसने कणक दी फसल ’ते आसां लाईआं होईआं सन। पर गड़िआं नें, पकण्ण ते आई कणक फूसड़ा– फूसड़ा कर छड्डी ए।

सरकार वल्लों ऐलानिआं निगूणा मुआवज़ा किसानां नाळ घोर बेइनसाफी है। पुत्तर दी पहड़ाई ते घर दे होर खरचिआं दी चिंता विच शमीर दी भुख्ख–नींद हराम हो जांदी है। मानसिक छटपटाहट ’च उह ज़मीन वेचण दा फैसला करदा है। पर वाजब मुआवज़े दी मंग नूं लै के मुज़ाहरा करन वाळी जथेबंदी दे आगू वल्लों इह समझाउण ’ते कि मसला ज़मीनां वेचण नाळ हल्ल नहीं होणा, संघरश राहीं होणा है। रेशम सिंघ राहीं प्रेरित होइआ शमीर सिंघ, टरैकटरां–टरालीआं अते साईकलां ’ते प्रधान मंतरी अग्गे मुज़ाहरा करन जा रहे, किसानां दे जलूस विच शामल हो जांदा है। कहाणी विच पेश किसानी संघरश नूं, किसानां दे अजोके इतिहासक अंदोलन दे प्रसंग विच वाचदिआं, 33 साल पहिलां लिखी मेरी इस कहाणी विचली भव्विखमुख्खता ज़ाहर हुंदी है।

कहाणी ‘कंडे बीजण वाळे’

इस कहाणी विच मैं उनहां किसानां दी बात पाई है जो भ्रिशट राजनीतकां नाळ कुनैकशनज़ बणा के अमीर हो रहे हन, आम लोकां दे राहां विच कंडे बीज रहे हन। इस कहाणी दा पातर तारा सिंघ पिंड दी कोआप्रेटिव सुसाइटी दा प्रधान है। करम सिंघ खजानची है। तारा सिंघ नें आपणे हलके दे ऐम. ऐल. ए नाळ नेड़ता बणाई होई ए। ऐम. ऐल. ए नें ‘वकफ बोरड’ दी ज़मीन सांभी होई ए। उस ज़मीन विच तारा सिंघ वी हिस्सेदार है। सत्ता दी नेड़ता राहीं तारा सिंघ नें आपणे अधिआपक पुत्तरां ते नूंहां दीआं बदलीआं गवांढी पिंड दे सकूल ’च करवाईआं होईआं हन। उनहां दी दिलचसपी अधिआपकी विच नहीं आपणी वड्डे पध्धर दी खेती विच है। बखतावर सिंघ नें ऐम. ऐल. ए दी चोण लड़न समें, तारा सिंघ दी सकीम अनुसार, करम सिंघ नाळ मिठ्ठा-पिआरा हो के उस तों सुसाइटी दा पच्ची हजार रुपई्ईआ उधारा लिआ होइआ है। करम सिंघ नें इह रकम कोआप्रेटिव बैंक तों चुक्क के दित्ती होई है। बखतावर सिंघ इक कारपोरेशन दा चेअरमैन वी है। करम सिंघ ’ते घपलेबाज़ी दा केस बण जांदा है। बखतावर सिंघ दे कहिण ’ते कोआप्रेटिव महिकमे दे करमचारी केस रोक लैंदे हन… कुझ अरसे बाअद पारटी हाईकमांड दी नाराज़गी कारन उसदी चेअरमैनी खुस्स जांदी है। उसदा पहिलां वाळा प्रभाव नां रहिण करके केस विच तेजी आ जांदी है। कोआप्रेटिव बैंक तों चुक्किआ पच्ची हजार, विआज ते खरचा पै के सैंती हजार बण चक्कै। इह रकम वसूलण लई बैंक करम सिंघ दी ज़मीन दी नीलामी दा आरडर हासल कर लैंदी है। तारा सिंघ बोली दे के करम सिंघ दे इक खेत दा मालक बण जांदा है। तारा सिंघ ते बखतावर सिंघ दीआं भैड़ीआं चालां विरध्ध पिंड दे अगांहवधू सरपंच जसबीर सिंघ दा रोह जागदा है। उह करम सिंघ दे पुत्तर सवरन नाळ आ खहड़दा है… बखतावर सिंघ दूजी वार ऐम. ऐल. ए दी चोण लड़ रिहा है। उस वसते वोटां मंगण लई तारा सिंघ पिंड ’च वड्डे इकठ्ठ दा प्रोगराम बणाउंदा है। इकठ्ठ ’च उनहां दीआं करतूतां दा भांडा भंनण लई जसबीर सिंघ इलाके दे लोकां नुं लामबंद करदा है। बखतावर सिंघ वल्लों भाशण श਼ुरू करन ’ते पहिलां सवरन उसनूं ललकारदा है ते फिर जसबीर पूरे गहड़के नाळ बखतावर सिंघ अते तारा सिंघ दीआं करतूतां दा भांडा भंनदा है। काफी लोक पहिलां ही उनहां तों दुखी हन। हुण जसबीर सिंघ ते उसदे साथीआं वल्लों डंका वजाउण ’ते उनहां विच विदरोह उभ्भर पैंदा है। बखतावर सिंघ ते तारा सिंघ विरुध्ध गुसे भरे बोलां नाळ उह सटेज वल्ल वधदे हन। कहाणी दे आखरी शबद इउं हन— गुसे दी लहिर वेख के नेता-लोक मूंह दुआळे बाहां लपेटी ते सिर लुकोई इंज दौड़े जा रजे सन जिवें उभ्भर-उभ्भर पैंदे निउळिआं नुं वेख के ज़हिर उग्गलदे सप्प खल्लां-खूंजे लभ्भ रहे होण।

उप्रोकत कहाणीआं विच निमन किसानी दे आरथिक संकटां दे नाळ– नाळ मैं, रिशतिआं विच मोह–पिआर दी थां लै रहीआं गरजां अते संयुकत परिवारां दी टुट्ट– भज्ज दा चितरण वी कीता है। ‘कंडे बीजण वाले’ अते ‘बोहल दे राखे’ विच अनैतिक रिशतिआं ’ते वी झात पुआई है।

कहाणी ‘शकती’

इस कहाणी दा कच्चा माल मैनूं हुशिआरपुर दी ‘महांवीर सपिनिंग मिल्ल’ दी फेल्ह होई हड़ताल तों मिळिआ सी। वाजब मंगां वाळी उस हड़ताल नूं कुझ कामिआं नें ही तारपीडो कीता सी। इस यथारथक मसले नूं रिशतिआं दे टकराओ विच्चीं पेश करन लई मैं आपणे पिंड दे भैण–भरा, जो इसे मिल्ल विच कंम करदे सन, नूं पातर बणाइआ। कहाणी विच भैण वल्लों छोटे भरा दी अध्धवाटे छुट्टी पहड़ाई नूं सिरे लुआउण ते फिर उसनूं आपणे नाळ नौकरी दिवाउण तक्क ही उस भैण–भरा दी गल्ल असल है। भैण–भरा दे टकराओ वाळीआं सथितीआं कालपनिक हन।

कहाणी ‘समें दे हाणी’

इस कहाणी ’च मैं रिशतिआं विच पैसे ते रुतबिआं दे आधार ’ते बणदीआं नेड़तावां अते दूरीआं नूं पेश कीता है। बैंक ’च मेरा दोसत दरशन मरवाहा आपणी पतनी ते बच्चिआं समेत, कनेडा तों गए आपणे साळे दे विआह ’ते गिआ। दरशन दे सहुरा साहिब नें रिशतिआं नाळ वरताओ उनहां दी अमीरी ते रुतबिआं मुताबिक कीता।

जंञ चहड़न समें, बदेशों गए धी–जुआई अते दूर दी रिशतेदारी दे इक वड्डे अफसर नूं कारां ’च बिठाउण लई, उसने वड्डी धी (दरशन दी पतनी) ते उसदे बच्चिआ नूं कार विच्चों लाह के बस्स वल्ल तोर दित्ता। इस निरादर नें, मापिआं (अते भैण भरा) दे साहीं जीण वाळी उस धी दा दिल तोड़ दित्ता। उस विचारी नूं कई महीने टैनशन दी दवाई खाणी पई। उनहां नाळ वापरी इस घटना दुआळे, कलपना राहीं शिद्दत भरपूर सथितीआं गुंद के मैं इह कहाणी सिरजी। ‘लोअ’ परचे विच छपी। कहाणी बारे दस्सदिआं मैं परचा दरशन नूं फड़ा दित्ता। कुझ दिनां बाअद मैं उनहां दे घर गिआ। दरशन दी पतनी दे भावुकता भिज्जे बोल इस तरहां सन, ‘भा जी! कहाणी पहड़दिआं मैं कई वार रोई। कहाणी पहड़ के जिंना दिल हलका होइआ, एना दुआईआं नाळ नहीं सी होइआ।”

कहाणी ‘जंग छिड़न तों पहिलां’

इस कहाणी दा कच्चा माल वी मैनूं बैंक दी नौकरी ’चों मिळिआ। इस कहाणी दे पातर अमरीक सिंघ दा आधार साडी बैंक दा डराईवर चैन सिंघ है। साबका फौजी चैन सिंघ कंम नूं हमेशा सिंनह के रख्खदा। इक अख्ख विच खराबी पै जाण कारन उसनूं लंमी छुट्टी लैणी पै गई। अख्ख ठीक हो गई सी। पर बैंक दे मैनेजिंग डाइरैकटर काबल सिंघ नें सी. ऐम. ओ ते बैंक दी ऐगज़ैकटिव कमेटी दे मैंबरां नाळ गंढ–तुप करके चैन सिंघ नूं चपड़ासी बणा दित्ता ते टैंपरेरी डराईवर– जो उसदा खास बंदा सी– नूं पक्का कर लिआ। चैन सिंघ लई इह घटना डाढी दुखदाई सी। बेइनसाफी नाळ ज़खमी होई, उसदी मनोदशा दा मेरे ’ते गहिरा असर पिआ… चैन सिंघ नूं मैं, बैंक दी बजाइ, बिजली महिकमे दा डराईवर बणा लिआ ते उस नाळ होए अनिआं नाळ कुझ होर घटनावां जोड़ के भ्रिशटाचार दी भरवीं तसवीर पेश कीती।

‘समें दे हाणी’ कथा संग्रहि दीपक पबलिशरज़ जलंधर नें 1987 ’च छापिआ। इस विच उपरोकत पंज कहाणीआं नाळ छेवीं कहाणी ‘मावां बाझों’ वी शामल है। कहाणी ‘अविशवास’ इस विच दरज नहीं। इह कहाणी मैं 1985 ’च लिखी सी। साका नीला तारा, इंदरा गांधी दा कतल ते सिख्ख कतलेआम दे घटनाक्रम तों बाअद इंज जापण लग्ग पिआ सी जिवें देश वासीआं दा सिख्खां तों विशवास उठ्ठ गिआ होवे। आसिओं-पासिओं कुझ इस तरहां दी चरचा वी सुणी सी कि भविख्ख विच सिख्खां नूं राजनीती अते फौज दीआं सिखरलीआं पोसटां नहीं दित्तीआं जाणगीआं। पर दो साल बाअद तलखीआं मध्धम पैण ’ते मैं समझ गिआ सां कि सिख्खां प्रती बेयकीनी वकती मामला है। वकती गल्लां वालीआं कहाणीआं समें दी सकरीन ’ते टिकणयोग नहीं हुंदीआं। इस करके ‘अविशवास’ कहाणी मैं नशट कर दित्ती सी।

‘समें दे हाणी’ संग्रहि ’ते होई गोशटी विच डा. करमजीत सिंघ नें परचा पहड़िआ। परचे दीआं कुझ सतरां: जरनैल सिंघ बाहरी यथारथ दी जट्टिलता मुताबिक पातरां दीआं मानसिक जट्टिलतावां नूं पेश करदा है… उसदे पातर आपणी निराशता उप्पर लोकां दे संघरश दा अंग बण के काबू पाउंदे हन।’

डा. जगजीत सिंघ जो उदों गुरू नानक देव यूनीवरसिटी, रिजनल सैंटर जलंधर ’च सी, जसवंत सिंघ विरदी, पिआरा सिंघ भोगल ते डा. प्रितपाल सिंघ महिरोक नें वी विचार पेश कीते।

इस संग्रहि बारे दो रीवीऊ छपे। प्रो. ब्रहमजगदीश दा रीवीऊ ‘जग्ग बाणी’ अखबार विच छपिआ। उसने कहाणीआं दे गुणां नूं बाखूबी उभारिआ। दूजा रिवीऊ डा. जगतार दा सी, जो अजीत अखबार ’च छपिआ। उसने किताब नूं रज्ज के भंडिआ। समीखिआ दे नां ’ते उसने किड़ कढ्ढी सी— डा. जगतार दा पबलिशर वी मेरे वाळा ही सी। मैनूं आस सी कि मेरा इह तीजा संग्रहि पबलिशर मुफत छापेगा। जदों उसने पैसे मंगे, मेरे मूंहों निकळ गिआ कि जद डा. जगतार नूं मुफत छापदे हो तां मैथों पैसे किउं? पर इह मेरी गलती सी। डा. जगतार सिखरलिआं ’च सी। मेरा उस नाळ कोई मुकाबला नहीं सी बणदा। पबलिशर नें पैसे तां कुझ घटा लए पर सारी गल्ल डा. जगतार नूं दस्स दित्ती। मैं उह गल्ल भुला दित्ती सी पर डा. जगतार नें दिल ’च रख्खी। मैनूं उस अंदर जमहां होए गुबार दा उदों ही पता लग्गा जदों अखबार विच उसदा रिवीऊ देखिआ।

इसटैबलिशमैंट इंचारज दी पोसट ’ते रिज़रव बैंक ते आडीटरां दीआं इनसपैकशनां दी कंपलाइंस दे मिआरी कंम तों प्रभावित होए मैनेजर जगतार सिंघ संधू नें मैनूं इसटैबलिशमैंट इंचारज ला दित्ता। बैंक दे प्रबंधकी ढांचे विच मैनेजर तों बाअद दूजे नंबर दी पुज़ीशन सी इह। इस पुज़ीशन ’ते पिछले कई सालां तों सीनीअर अकाऊंटैंट बलबीर सिंघ गिल्ल कंम कर रिहा सी। बैंक दे बाकी सीनीअर–जूनीअर अकाऊंटैंटा लई इह कंम मुशकल सी। डिपटी मैनेजर ते असिसटैंट मैनेजर इह कंम कर सकदे सन पर उनहां दोनां दी इस विच दिलचसपी नहीं सी। दरअसल बैंकां दे आम करमचारीआं दी कुशलता वधेरे करके ‘फिग्गर वरक’ (हिंदसिआं दे कंम) विच ही हुंदी है।

इस पुज़ीशन ’ते बणे गिल्ल दे एकाधिकार नें उसनूं घमंडी बणा दित्ता सी। उह करमचारीआं दीआं निक्कीआं–निक्कीआं गलतीआं ’ते उनहां दीआं इनकरीमैंटा रुकवा दिंदा। उनहां दे जाइज़ टी. ए, डी. ए बिल्लां ’ते इतराज़ ला के वापस मोड़ दिंदा। जदों करमचारी आपणी किसे तकलीफ दी गल्ल करदे, उनहां नूं सहिज नाळ सुणन दी बजाइ, विच्चों ही टोकण लग्ग जांदा। उस विरुध्ध करमचारीआं दीआं शिकाइतां, यूनीअन राहीं, मैनेजर कोळ पहुंचीआं। गिल्ल दी थां लैण लई मेरी समरत्था आंकदिआं मैनेजर नें मैनूं पुछ्छिआ। मैं ‘हां’ कर दित्ती। मैनेजर नें कंपलाइंसां दा कंम डिपटी मैनेजर नूं दे दित्ता ते गिल्ल दी बदली इक बरांच विच कर दित्ती, बतौर बरांच मैनेजर। इसटैबलिशमैंट सैकशन विच मेरे नाळ चार कलर्रक सन। कंम घणा सी। हैड्ड आफिस ते बरांचा दे सारे करमचारीआं दीआं तनखाहां बणा के उनहां दे खातिआं ’च पाउणीआं, उनहां दे टी. ए, डी. ए दे कलेम चैक्क करके मैनेजर तों पास करवाउणे, करमचारीआं दीआं इनकरीमैंटां ते छुट्टीआं मैनेजर तों मनज़ूर करवाउणीआं वगैरा–वगैरा। इह सारे कंम कलर्रक करदे सन। मैं निगहा मार के दसतखत कर देंदा।

मेरे मुख्ख कंम इह सन: मैनेजर नाळ बैठ के बोरड आफ डाइरैकटरज़ ते ऐगज़ैकटिव कमेटी दीआं मीटिंगां दे अजंडे तिआर करने। मीटिंगां दीआं परोसीडिंगज़ लिखणीआं अते डाइरैकटरां ते संबंधित दफतरां नूं भेजणीआं। रजिसटरार ते अपैकस बैंक नाळ खतोखिताबत चलदी रहिंदी सी। चिठ्ठीआं दे खरड़े बणा के मैनेजर दे टेबल ’ते भेजणे। करमचारीआं दीआं अणगहिलीआं ते कुताहीआं बारे जवाब–तलबीआं करनीआं। संबंधित करमचारीआं दे जवाबां दी पुण–छाण अते सज़ा दे सुझाअ बारे संखेप नोट दे के फाईल मैनेजर दे टेबल ’ते भेजणी। आम तौर ’ते मेरा सुझाअ करमचारीआं नूं वारनिंग देण दा ही हुंदा सी। गंभीर कुताहीआं जां वार–वार गलतीआं करन वालिआं विरुध्ध ही इंनकरीमैंटां रोकण जां मुअत्तली दा सुझाअ देंदा सां। मैनेजर नूं मेरे कंम ’ते तसल्ली सी, विशवास सी। इक–दो कसूरवारां नें नरम सज़ा तजवीज़ करवाउण लई मैनूं ‘सपैशल पारटी’ दा चोगा पाइआ सी। पर मेरे आचरण तों नीवीआं सन इस तरहां दीआं हरकतां।

कंम सी तां ज़िआदा पर मेरी रुची दे अनुकूल सी। जिहड़ा कंम साडी रुची दे अनुकूल होवे उह वाधू हुंदा होइआ वी अकाऊ नहीं हुंदा। रुज़गार अते मन–इछ्छत रुज़गार विच ढेर अंतर हुंदा है। एअर फोरस विच मैं तकनीकी कंम करदा तां रिहा सां पर कंम करदिआं खुशी महिसूस नहीं सी हुंदी। डिफालटर सुसाइटीआं दी पड़ताल, रिज़रव बैंक ते आडीटरां दीआं इनसपैकशन रिपोरटां दी कंपलाइंस ते हुण इसटैबळिशमैंट इंचारजी— इह सारे कंम मेरी रुची दे अनुकूल सन। इनहां कंमां ’च रुझ्झिआं दिन कदों बीत जांदा, पता ही नां लगदा। जदों मैं बैंक विच आइआ उदों करमचारीआं लई उप्परों ठोसिआ बंदा सां। पर हुण मैं उनहां दा संगी–साथी सां। उह, मेरे इसटैबळिशमैंट सैकशन– इंचारज दे काज–विहार तों खुश सन। उनहां दी खुशी मेरी रूह दा सकून सी।

कोआप्रेटिव बैंकां उत्ते पै रहे पंजाब सरकार दे कोआप्रेटिव विभाग दे बोझ बारे मैनूं इलम तां सी पर नेड़ली जाणकारी इसटैबलिशमैंट सैकशन ’च कंम करदिआं हासल होई। बैंक विच चीफ ऐगज़ैकटिव आफिसर (C.E.O) दी पोसट बणाई होई सी। उह सी. ई. ओ कोआप्रेटिव विभाग दा असिसटैंट रजिसटरार सी। उस नाळ विभाग दे चार इनसपैकटर सन। उह ऐगज़ैकटिव आफिसर अखवाउंदे सन। उनहां दा कंम सखत ऐकशनां राहीं पुराणे करजे वसूलणा सी। वसूली तां ऐवें नां मातर सी पर उनहां दीआं तनखाहां ते टी. ए, डी. ए दे बिल्लां दी रकम चोखी बण जांदी सी। बैंक ’ते पै रहे उस तरकहीण आरथिक बोझ नूं रोकण लई बैंक कोळ कोई पावर नहीं सी। सखत ऐकशनां दा जिहड़ा कंम उह पंज अफसर कर रहे सन, उही कंम बैंक दे दो कलरक आसानी नाळ कर सकदे सन। विभाग दा इस तरहां दा तरकहीण बोझ सारीआं कोआप्रेटिव बैंकां ते पै रिहा सी। मसले नूं जहड़ तों फरोलण ’ते सिट्टा इह निकलदा है कि कोआप्रेटिव बैंकां दे करजिआं दी वसूली दा सिसटम बुनिआदी तौर ’ते ही गलत है। कोआप्रेटिव सुसाइटीआं राहीं लोकां नूं करजा सरकार नहीं, बैंकां दिंदीआं हन। वसूली वी बैंकां कोळ ही होणी चाहीदी है। आपणे पैसे दा जो फिकर बैंकां नूं हुंदा है, उह विभाग दे इनसपैकटरां नूं नहीं हो सकदा। हाहड़ी–साउणी दीआं फसलां दी वाढी–गहाई तों बाअद वसूली दीआं जिहड़ीआं मुहिंमां विभाग दे इनसपैकटर चलाउंदे हन, उही मुहिंमां बैंकां दे करमचारी वधीआ ढंग नाळ चला सकदे हन।

विभाग दे वड्डे अफसरां दे दौरिआं समें उनहां दे खाण–पीण दे खरचे वी बैंकां दे सिर पैंदे हन।

पिंड गेड़ा वज्जदा रहिंदा सी। पर पिंड हुण पहिलां वाळा नहीं सी रहि गिआ।। तरखाण, लुहार, ब्राहमण, आधरमी, झिउर, नाई, छींबे सुनिआरे आदि जातां दे बहुते परिवार शहिरां ’च जा वसे सन। कई जट्टां नें बाहर फिरनी ’ते घर बणा लए सन। पिंड विच खोळे पै गए सन। लोकां विच पहिलां वाळा सनेह वी नहीं सी रिहा। गरजां प्रधान हो गईआं सन। खैर साडे परिवार दा माहौल ठीक सी।

मेरे भरावां दा इकठ्ठ ठीक निभ रिहा सी। मैं उनहां तों आपणे हिस्से दी ज़मीन दा ठेका नहीं सी लैंदा। दलजीत सिंघ हुण पिंड ही सी। उह 23 साल बाबा निहाल सिंघ, हरीआं वेलां दा डराईवर रिहा सी। उसदी इह निशकाम सेवा छोटे भरा सुहेल सिंघ दे सहियोग सदका ही संभव हो सकी सी। जे उह खेती दी सारी ज़िंमेवारी आपणे सिर लैण तों इनकारी हो जांदा तां दलजीत सिंघ लई जथेबंदी वासते एना टाईम कढ्ढणा मुशकल हो जाणा सी।

दलजीत सिंघ आपणी रहित-मरिआदा ’च तां पक्का सी पर लोकां प्रती उह उदारवादी सी। उसदे इस गुण करके ही पिंड वालिआं नें उसनूं मैंबर पंचाइत चुण लिआ। दूजी वार दी चोण विच उसनूं सारे मैंबरां तों वध्ध वोटां पईआं सन।

आदमपुर–हरीपुर रोड ’ते नवीं कलोनी बण रही सी। उस कलोनी ’च मैं इक खुल्ल्हा पलाट खरीद लिआ सी। घर बणाउण लई आपणी बैंक तों लोन मिळ जाणा सी। सीनीअर अकांऊंटैंट दी परमोशन वासते मेरा नंबर लागे ही सी।

भैण जी अमर कौर दे परिवार नाळ बणिआं मोह–तेह होर गूहड़ा हो गिआ सी। हुण अमर कौर मेरे लई तीजी सकी भैण सी ते मैं भैण जी लई उसदा सका भरा। बलविंदर दा रिशता इंगलैंड विच ही हो गिआ सी। उसने मैनूं विआह ’ते सद्दिआ पर मैं घौळ कर गिआ। इंगलैंड दी जंम–पळ उसदी बहू कुलविंदर रळमिळे सुभाअ दी मुटिआर है। भा जी लाल सिंघ रिटाइर हो चुक्के सन। हर तीजे–चौथे साल कदी उह इकल्ले ते कदी भैण जी नाळ आ के कुझ समां साडे विच रहि जांदे। कदी–कदी सारे बैंस परिवार दा गेड़ा लग्ग जांदा। जिवें मैं पहिलां दस्सिऐ, उनहां दा रोटी–पाणी वख्खरा नहीं साडे नाळ ही हुंदा सी। उनहां नूं मिलण आउंदे रिशतेदारां दी आओ–भगत वी असीं आपणे रिशतेदारां वांग करदे सां। जदों बैंस परिवार इंगलैंड हुंदा, उदों वी मैं ते कुलवंत उनहां दे रिशतेदारां दे जांदे–आउंदे रहिंदे सां। गुआंढ विच रहिंदे भा जी लाल सिंघ दे भरा सूबेदार जोगिंदर सिंघ ते इक विधवा भरजाई करतार कौर नाळ वी साडी अपणत बणी होई सी।

दूसरे गुआढीआं दी कुड़ी सरोज, जो नरस दी जौब करदी सी, साडे परिवार दा अंग बण गई सी। मेरे लई उह धीआं बराबर सी ते बच्चिआं लई वड्डी भैण। उसदी लिखाई बहुत वधीआ सी। जदों मैं आपणी नवीं कहाणी किसे परचे नूं भेजणी हुंदी, उह शौक नाळ कापी कर देंदी।

बदेश दी तिआरी

1988 ’च बलविंदर नें आपणे विआह दी पंजवीं वरहे–गंढ अते पुत्तर दा दूजा जनम दिन मनाउण लई इंगलैंड ’च पारटी दा प्रोगराम बणा लिआ। पारटी दा कारड ते राहदारी भेज के उसने मैनूं वी ताकीद कीती कि ज़रूर आओ। मैं बैंक तों चार महीने दी ऐकस–इंडीआ छुट्टी मनज़ूर करवा लई… ते दिल्ली जा पुज्जा। रात रघबीर सिंघ दे घर कट्टी ते सवेरे इंगलैंड ऐंबैसी ’च पेपर भर दित्ते। गोरी वीज़ा अफसर नें किंतू कीता, “बलविंदर तुहाडा सका भाणजा नहीं।” भैण जी अमर कौर दे परिवार नाळ निभ रहे मोह–पिआर दे रिशते बारे संखेप ’च गल्ल करदिआं मैं किहा, “मोह-पिआर दे नाते अमर कौर मेरी तीजी सकी भैण है।” वीज़ा अफसर नें छे महीने दा वीज़ा ला दित्ता। मेरी इछ्छा अमरीका, कनेडा देखण दी वी सी।

साली–सांढू टरांटो ’च सन। मैं फोन कीता। उनहां राहदारी भेज दित्ती। दूजे गेड़े दिल्ली जा के कनेडा दे वीज़े लई पेपर भर दित्ते। “कनेडा किउं जाणै?” वीज़ा अफसर दा प्रशन सी। मैं आखिआ कि मैं लेखक हां। रिशतेदारां नूं वी मिलणै ते कनेडीअन लोकां दे ‘लाईफ सटाईल’ ’ते वी झात मारनी है। उसने छे महीने दा वीज़ा दे दित्ता। अगले दिन अमरीका दी ऐंबैसी ’च जा वड़िआ। वीज़ा अफसर दे पुछ्छण ’ते मैं किहा कि दुनीआं दे शकतीशाली देश नूं देखणा चाहुंना। मेरे कोळ राहदारी है नहीं सी पर उसने इंगलैंड ते कनेडा दे वीज़े देख के इक साल दा वीज़ा दे दित्ता।

मेरे भरा ते बीबी मैनूं कनेडा जां अमरीका ’च टिकण दीआं सलाहां देण लग्ग पए। पर मेरी चाहत रिशतेदारां नाळ मेला-गेला ते सैर-सपाटे करन दी ही सी। मेरी नौकरी ठीक सी। बाहरले मुलक ’च सैट्ट होण बारे कदी सोचिआ ही नहीं सी। मेरा जवाब घरदिआं नूं इह सी कि ओथों दे हालात देखण– समझण तों बाअद ही टिकण बारे सोचांगा।

मेरी हवाई टिकट दिल्ली तों लंडन, लंडन तों निऊयारक ते निऊयारक तों टरांटो दी सी। वापसी दा वी एही रूट सी। निऊयारक ते टरांटो लई एअर कनेडा दीआं फलाईटां दीआं तरीखां मैं आपणी सुविधा अनुसार बदलवा सकदा सां।

3 अगसत 1988 नूं मैं दिल्ली एअरपोरट तों कुवेत एअरवेज़ दी फलाईट फड़ी। अज्ज-कल्ल्ह तां पंजाब दे लोकां दा बदेशां नूं जाणा-आउणा आम जिहा वरतारा बण गिआ है पर 33 साल पहिलां इंगलैंड, अमरीका ते कनेडा दी सैर लई वीज़े बहुत घट्ट मिलदे सन। जहाज़ ’च बैठा मैं आपणे आप नूं खुशकिसमत महिसूस कर रिहा सां… ऐम.ए अंग्रेज़ी दे सिलेबस ते सिलेबस तों बाहरे लेखकां जिवें जारज इलीअट, चारलस डिकनज़, डी. ऐच लारैंस, वरजीनीआ वूलफ, विलीअम शैकसपीअर, बरनारड शाअ, विलीअम वरडज़वरथ, पी. बी शैले, जौहन कीटस आदि दे नावल, नाटक ते कवितावां पहड़दिआं इनहां लेखकां दीआं यादगारां ते इंगलैंड दे गोरे समाज नूं देखण लई कदी-कदी मेरी सोच नूं पर लग्ग जांदे सन… ते हुण सच्चीं-मुच्चीं परां वाळी मशीन ’ते सवार सां। उस उन्नत देश ’च वसदे ‘आपणिआं’ नूं मिलण जा रिहा सां। मां बोली पंजाबी दे लेखकां नूं मिलण दी चाहत वी सी।

इंगलैंड विच खुशीआं भरे 20 दिन

लंडन एअरपोरट ’ते बलविंदर मैनूं लैण आइआ होइआ सी। उनहां दा घर एअरपोरट लागले शहिर ‘सलाउ’ ’च सी। बैंस परिवार दे सारे जीआं नें मेरा बहुत चाअ कीता।

इंगलैंड मेरीआं अख्खां ते मन नूं सुहणा लग्ग रिहा सी। घरां-सड़कां दुआले घाह ते दरखतां दी हरिआवल, हवाई-पटड़ीआं वरगीआं सड़कां, वाहनां दा नियमत टरैफिक, हर पासे सफाई, नां धूड़-धप्पा, नां मछ्छर-मख्खीआं, साफ सुथरे घरां विच बिनां सलंडर तों चलदे चुल्ल्हे, कप्पड़े धोण लई लांडरी मशीनां, नहाउण-धोण लई टूटीआं ’चों निकळदा गरम पाणी— इह सारा कुझ मैनूं वधीआ लग्ग रिहा सी।

5 अगसत दी शाम बैंकुइट हाल ’च पारटी सी। बैंस परिवार दे रिशतेदार, दोसत-मित्तर ते सांझ वाले, परिवारां समेत सज-धज के आए सन। कोलड डरिंकां, बीअरां, विसकीआं ते सनैकस दे दौर तों बाअद गाइकां दे गरुप्प नें गीत-संगीत आरंभ कर दित्ता। मुंडे, कुड़ीआं, औरतां ते मरद नच्चण डहि पए। गाउण-नच्चण काफी देर चलदा रिहा। फिर दो केक कट्टे गए। इक बलविंदर-कुलविंदर दे विआह दी वरहे-गंढ दा ते दूजा उनहां दे काके एकरीत दे जनम दिन दा। केक दी रसम तों बाअद गीत-संगीत मुड़ शुरू हो गिआ। वंन-सुवंने पकवानां वाळा डिनर ला दित्ता गिआ। नाळ ‘शराब वी चल्लदी रही। अध्धी रात तक्क चल्ली उस पारटी दा सारिआं नें रज्ज के अनंद माणिआं।

पारटी तों आ के मैनूं इकदम नींद नां आई। आम तौर ’ते मैं बैड्ड ’ते पैंदा ही सौं जांदा हां। किसे वड्डी प्रेशानी जां खुशी दे मौके ही नींद देर नाळ आउंदी है। उस रात मेरे अंदर खुशी दा वेग सी। पारटी विच मिळे आदर-माण नाळ रूह सरशार होई पई सी। पर आदर-माण मिलण दी सथिती चाणचक्क नहीं सी वापरी। इसदा संबंध बीते 11 साल दे समें नाळ सी। 1977 विच भैण जी अमर कौर दे कहिण ’ते असीं आदमपुर उनहां दे मकान ’च रहिणा शुरू कीता सी। भैण जी नें मैनूं घर, ज़मीन ते दुकानां दी देख-भाल करन दी ज़िंमेवारी सौपी सी। उस ज़िंमेवारी लई उह आपणे किसे नेड़ले रिशतेदार नूं वी कहि सकदे सन। पर उनहां दा विशवास मेरे ’ते ही टिकिआ सी, चंगिआई दे तत्त उनहां नें मेरे मापिआं ’च देखे होए सन। मैं ते कुलवंत नें उह ज़िंमेवारी साफ नीअत ते ईमानदारी नाळ निभाई सी… ते साडे विहार तों प्रभावित होए बैंस परिवार नें सानूं घर दे जीअ बणा लिआ सी। उनहां दा इह विहार साबत करदा है कि उह साथों वध्ध चंगे निकळे। साडी चंगिआई दी उनहां नें पूरी कदर पाई। जिंना पिआर-सतिकार असीं उनहां दा करदे सां, उस तों किते वध्ध उह साडा करदे रहे… ते फिर मेरे कहिण तों बिनां ही मैनूं पारटी लई सद्दिआ। पारटी ’च परिवार दे जीआं वांग मेरा आदर-माण कीता।

पाठकां नूं शाइद इंज जापे कि उपरोकत सतरां विच मैं आपणी वडिआई कीती है। दरअसल मैं इह कहिणा चाहिआ है कि ईमानदारी ते साफ नीअत वरगे गुण समाजक कदरां-कीमतां नूं पक्कीआं करदे हन। अजोके समें विच निज्जी लाभां लई वरतीआं जा रहीआं चुसतीआं-चलाकीआं साडीआं कदरां-कीमतां नूं वड्डी ढाह ला रहीआं हन।

पारटी दी खुशी दा हुलारा माणदिआं चार कु घंटे ही सुत्ता सां कि फोन खड़क गिआ… शरीके ’चों लगदा साडा कज़न परीतम सिंघ इंगलैंड दे कसबे ‘टैलफोरड’ रहिंदा है। पारटी तों अगले दिन उनहां दी लड़की बलबीर दा विआह सी। विआह ’च शामल होण लई उनहां नें मैनूं पहिलां ही ताकीद कीती होई सी। इस बाबत मैं बलविंदर नूं वी दस्सिआ होइआ सी। फोन प्रीतम दे ‘सलाउ’ ’च रहिंदे रिशतेदार दा सी, जिसदी कार विच मैं विआह ’ते जाणा सी। सो साझरे ही उह ते उसदा परिवार मैनूं ‘टैलफोरड’ लै तुरे। प्रीतम सिंघ ते भाबी सतनाम कौर नें बहुत ही मोह नाळ मैनूं “जी आइआं” किहा। गुरदवारे ’च आनंद कारज तों बाअद बैंकुइट हाल ’च पारटी सी। बलविंदर हुरां दी पारटी वांग उस विच वी कई तरहां दीआं बीअरां-विसकीआं ते भांत-सुभांते खाणिआं दा प्रबंध सी। गाइकां दे इक गरुप्प दे गीत-संगीत नाळ उतेजित होए लोक घंटिआं-बध्धी नच्चदे रहे। खाण-पीण वी चलदा रिहा। साडे शरीके ’चों चाची ईशर कौर ते भैण बखशीश कौर दी नणान तेज कौर हुरां दे परिवार वी विआह ’च आए होए सन। दोवें परिवार लागले शहिर ‘कवैंटरी’ रहिंदे सन। दो दिन प्रीतम सिंघ दे घर रहि के मैं कुवैंटरी चला गिआ। चाची ईशर कौर बीबी दी सहेली सी। उस तों मावां वरगा पिआर मिळिआ। तेज कौर ते उसदे पती दिलावर सिंघ नें वी आउ-भगत कीती। साडे बापू जी दा जैतो दे मोरचे दा सहिभागी गंडा सिंघ अफरीका तों इंगलैंड (कुवैंटरी) आ वसिआ सी। उह सुरगवास हो चुक्का सी। उसदी पतनी ते बच्चे मैनूं जाणदे तां नहीं सन पर बज़ुरगां दी सांझ ताज़ी करन लई उनहां मैनूं चाह ’ते सद्दिआ। उस परिवार नूं मिळ के चंगा लग्गा।

इंगलैंड मैं 40 दिन रहिणा सी। रिशतेदारां ते आपणे पेंडूआं वल्लों मिळ रहे मोह-पिआर सदका दिल वी लग्ग गिआ सी। अंग्रेज़ लेखकां दीआं यादगारां देखणीआं सन। आपणे साहितकारां नूं वी मिलणा सी। पर उह सकीम बदलणी पै गई। टरांटो तों मेरे सांढू रणजीत सिंघ अठवाल नें मैनूं ‘टैलफोरड’ ते ‘कवैंटरी’ ’च उपरोथली तिंन वार फोन कीता। उस अनुसार कनेडा ’च कच्चे तौर ’ते रहि रहे लोकां नूं पक्के करन लई कनेडा सरकार वल्लों ऐमनिसटी दा ऐलान कीते जाण दी संभावना सी। अजिहा ऐलान होण तों पहिलां कनेडा ’च दाखल होणा मेरे लई फाइदेमंद साबत हो सकदा सी।

चाची ईशर कौर ते प्रीतम सिंघ मैनूं होर रहिण लई कहि रहे सन। पर मैं चौथे दिन ही कोच (बस्स) राहीं सलाउ परत आइआ। बैंस परिवार नाळ सलाह कीती। उनहां रणजीत दी तजवीज़ ’ते अमल करन लई किहा। मैं लंडन तों सिध्धा वी टरांटो आ सकदा सां। पर टरांटो आउण तों पहिलां मैं दुनीआं दा मशहूर मैगासिटी निऊयारक वी देखणा चाहुंदा सां। घरदिआं दी इछा अनुसार अमरीका ’च पक्के होण बारे वी पता करना सी।

एअर कनेडा नूं फोन कीता। 23 अगसत दी बुकिंग मिळी। इंगलैंड ’च मेला-गेला करन लई 10 कु दिन बाकी सन। रघबीर सिंघ दे बेटा-बेटी (कुलवंत दे भतीजा-भतीजी) दीपक ते हरदीप वी इंगलैंड ’च सन। दो दिन उनहां संग बिताए। उनहां बड़ा आदर-माण कीता। मैनूं इंगलैंड दी राणी दी रिहाइश ते रौइल फैमिली दा प्रबंधकी हैडकुआटर ‘बकिंगम पैलेस’ दिखाइआ ते इंगलैंड दी ज़मीनदोज़ रेल ‘टिऊब’ विच सफर वी करवाइआ। साडी बीबी दे दो चाचे सन। इक चाचे दा पुत्तर, साडा मामा बचित्तर सिंघ पंनू गरेवसंड रहिंदा सी। पहिली पलान अनुसार उस कोळ दो क हफतिआं बाअद जाणा सी। उसनूं फोन करके 23 अगसत नूं चले जाण बारे दस्सिआ। उसदे पुत्तर अजीत ते पाल उसे शाम मैनूं लैण आ गए। मामा-मामी निघ्घ नाळ मिळे। उह दोवें रिटाइरमैंट दा सख्ख माण रहे सन। पुत्तर ते नंहां जौबां करदे सन। वधीआ गुज़ारा सी मामे दे परिवार दा। मैं ओथों दूजे दिन मुड़ना चाहुंदा सी पर उनहां दो दिन होर अटका लिआ। दोवें दिन शाम वेले मामा ते ममेर भरा पब्ब अते घर विच मेरे नाळ गलासीआं खड़काउंदे रहे। मामा इंगलैंड वसदे पंजाबीआं दी पहिली पीहड़ी विच्चों सी। उसने आपणी ते उस समें दे पंजाबीआं दी हड्ड-तोड़वीं मिहनत दीआं गल्लां सुणाईआं। भठ्ठीआं दी गरमी नाळ तपदीआं फाऊंडरीआं विच लोहे दी ढलाई नाळ संबंधित जौबां करनीआं सरीरां नूं अग्ग विच झोकण दे तुल सी। पर उह हारे नहीं। डटे रहे। करड़े-कठिन कंमां नाळ जूझ के उनहां पराई धरती ’ते पैर जमाए ते नाळ दी नाळ पिछले परिवारां दी आरथिकता वी बिहतर बणाई।

मामे दे परिवार नाळ सोहणा समां बिता के मैं सलाउ परत आइआ। किसे कोलों पता लग्गा कि सवरन चंदन इक लाइबरेरी ’च जौब करदा है। बलविंदर मैनूं उस लाइबरेरी ’च लै गिआ। पर सवरन चंदन उस दिन ‘औफ’ ’ते सी। लाइबरेरी इंचारज कोळों उसदे घर दा फोन नंबर मंगिआ। इंचारज कहिण लग्गी कि नियमां मुताबिक उह उसदा फोन नंबर नहीं दे सकदी।

इक दिन मैं आपणे पिंड दे परशण सिंघ कोल रिहा ते बाकी दे तिंन-चार दिन बैंस परिवार नाळ बिताए। बलविंदर ते उसदे सहुरा साहिब सुच्चा सिंघ धामी, मैनूं रोज़ पब्ब ’च लै जांदे। लक्कड़ दीआं बैरलां वाळी बीअर दा सवाद वख्खरा ही सी। घर आ के विसकी ते फिर डिनर। भा जी लाल सिंघ शराब घट्ट ही पींदे सन।

अगले सफर लई टुरन लग्गिआं भैण जी कहिण लग्गे, “तैनूं एनी छेती तोरन नूं दिल तां नहीं करदा पर कनेडा आळी सकीम लड़ाउणी वी ज़रूरी आ।”

“मौका ही हुंदै, पिछांह नूं नां दौड़ीं, ओथे पैर जमाउण दी कोशिश करीं।” भा जी लाल सिंघ नें किहा सी।

बलविंदर ते कुलविंदर वी कोळ खलोते सन। मेरे अंदर अहिसानमंदी दा अहिसास सी। सारिआं नाळ नज़रां मिलाउंदिआं मैं आखिआ, “तुसीं मैनूं एथे सद्दिआ। मेरा आदर-माण कीता। सबब्ब नाळ मैं आपणे रिशतेदारां ते पेंडूआं नूं वी मिळ लिआ। तुहाडा बहुत बहुत धंनवाद।”

“धंनवाद आळी कोई गल्ल नहीं। भैण-भरा काहदे जे इक-दूजे दे कंम नां आ सके… तूं ते कुलवंत नें वी साडे लई बहुत कुश कीता आ।” भैण जी दे चिहरे ’ते सनेह झलक रिहा सी।

भैण जी ते भा जी नूं गलवकड़ी पाउण बाअद मैं कुलविंदर ते काके एकरीत नूं पिआर दित्ता। बलविंदर एअरपोरट ’ते छड्डण आइआ। उदों एअरपोरटां ’ते अज्ज वांग सखती नहीं सी हुंदी। चैक्क-इन करवा के मेरे नाळ अगांह तक्क आउंदिआं उसने किहा, “भा जी! जे पैसिआं दी लोड़ पई तां दस्स दिउ, भेज दिआंगे… तुहाडे अगले सफर लई बैसट विशज़।”उसनूं जफ्फी पाउंदिआं मेरे मूंहों आप-मुहारे ही दो तिंन वार “बहुत शुकरीआ” निकळ गिआ।

ऐटलांटिक महांसागर किनारे फैलिआ मैगासिटी निऊयारक

निऊयारक मैं आपणे, दूरों लगदे भाणजे, अवतार कोळ रिहा। बीबी नें आपणे दूजे चाचे दी पोतरी गुरमीत कौर दा रिशता साडे पिंड करवाइआ होइआ ए। अवतार गुरमीत कौर दा पुत्तर है। उह ते उसदे तिंन दोसत ‘बरौंकस’ काऊंटी विच इक अपारटमैंट ’च रहिंदे सन। उनहां नूं ‘गरीन कारड’ तां नहीं वरक परमिट मिळे होए सन। अवतार समेत तिंन जणे रैसटोरैंटां ’च कंम करदे सन। उह शाम पंज वजे चले जांदे ’ते रात नूं दो-ढाई वजे मुड़दे। सवेरे उह काफी देर नाळ उठदे सन। उनहां दा चौथा साथी किसे सटोर विच जौब ’ते चला जांदा। अपारटमैंट ’च इकल्ले बैठणा मेरे लई बोरीअत सी। अवतार नें मैनूं ‘हैनरी हडसन पारक’ दिखा दित्ता सी। मैं नाशता करके ओथे चला जांदा। अपारटमैंट तों सबवेअ (ज़मीनदोज रेल) राहीं 20 कु मिंट लगदे सन। उह पारक नवीआं थावां दे खोजी हैनरी हडसन दी याद विच बणाइआ होइआ है। पारक दे लागे वगदा ‘हडसन दरिआ’ वी उहदे नां नाळ जाणिआं जांदा है। भांत-सुभांते द्रखतां अते घाह दी घणी हरिअवल, सजावटी बूटिआं दे चितकबरे पत्तिआं अते रंग-बरंगे फुल्लां वाळे उस पारक विच घुंमदिआं वकत सोहणा बीत जांदा। निऊयारक विशेश करके बरौंकस विच वापरदीआं छुरेबाज़ी, खोह-खुहाई ते चोरी दीआं घटनावां दे मद्दे नज़र सबवेअ अते पारक बलकि हर थां ’ते चुकंने रहिणा पैंदा सी।

दुनीआं भर दीआं सभ्भिआचारक, आरथिक ते मीडीआ दीआं सरगरमीआं दे वड्डे केंदर निऊयारक दा रेलवे सिसटम वी बहुत विशाल है। मैगासिटी दे सारे पासिआं नूं रेलां दा जाळ विछिआ होइआ है। ज़मीन दे हेठां अते उत्ते वी लोकल ते ऐकसपरैस्स रेलां चलदीआं हन। 400 तों वध्ध रेलवे सटेशन हन। हर पासे जाण लई सटेशनां ’ते रूट दरसाए हुंदे हन। मैं कुझ कु वार उनहां रेलां ’ते लंमीआं सैरां वी कीतीआं। किसे इक सटेशन ’ते उत्तर के दूजे पासे नूं जाण वाळी रेल फड़ लैणी। फिर अगांह जा के किसे सटेशन तों तीजे पासे नूं चले जाणा। टिकट इक ही चल्लदा सी।

निऊयारक ’च पिंड दौलतपुर (जलंधर) दा अवतार वी सी। उह साडे जीजे फूला सिंघ (संघवाळ) दे दोसत सवरन सिंघ दा पुत्तर सी। अमरीका दी इंमीगरेशन सबंधी जाणकारी लैण लई उह मैनूं इक इंमीगरेशन कंसलटैंट कोळ लै गिआ। कंसलटैंट अनुसार दो तरीके सन। इक तरीका इह सी कि किसे फारम दे मालक नूं रकम तार के हलफनामा लवो। उह हलफनामे ’च लिख देंदा सी कि इस विअकती नें मेरे फारम विच 5 साल कंम कीता है। उस हलफनामे दे आधार ’ते इंमीगरेशन लई अपलाई कीता जा सकदा सी। पर इह तरीका उही विअकती वरत सकदा सी जो अमरीका विच लुक–छिप के दाखल होइआ होवे। मैं तां कानूंनी ढंग नां निऊयारक एअरपोरट ’ते लैंड कीता सी। दूजा तरीका ‘सिआसी शरन’ दा सी। उस तरीके वासते मेरा मन नां मंनिआं।

कंसलटैंट दे दफतरों निकळदिआं मेरी निगहा, कुझ कु सटरीटां तों परे, आसमान छुंहदे टावरां वल्ल चली गई। अवतार नूं पुछ्छण ते पता लग्गा कि उह ‘वरलड टरेड सैंटर दे ‘टविन (जौड़े) टावर’ सन। मैं देखण दी इछा प्रगटाई। अवतार नें अगले अध्धे दिन दी छुट्टी लै लई। अगली सवेर असीं टावरां ’च दाखल हो गए। टावरां नूं देखण वाले होर वी बहुत लोक सन। विज़िटरां नूं अट्टैंड करन वाळे करमचारीआं विच्चों इक नें सानूं ज़रूरी हदाइतां दित्तीआं ते दो कु पंनिआं दा पैंफलिट फड़ा दित्ता। पैंफलिट ’च दित्ती जाणकारी अनुसार टावरां दी उसारी 1972-73 विच मुकंमल होई सी। उसारी लई वरतिआ गिआ मैटीरीअल मुख्ख तौर ’ते सटील अते कंकरीट सी। उत्तरी टावर दुनीआं दी सभ तों उच्ची इमारत सी (1730 फुट्ट) ते दख्खणी टावर दी उचाई (1362 फुट्ट) दुनीआं विच नंबर दो ’ते सी। (टावरां दी उचाई दा इह रिकारड उदों सी, हुण नहीं रिहा) दोवें टावर 110 मंजले सन। टावरां ’च 430 वपारक कंपनीआं दीआं गतीविधीआं चलदीआं सन। जौबां करन वालिआं दी गिणती 50,000 दे करीब सी।

सारीआं मंजलां ते जाणा संभव नहीं सी। असीं हदाइतां अनुसार चोणवीआं मंजला ’ते ही गए। हर मंजल ’ते बणे दफतरां अते उनहां दे साज़ो–सामान विच्चों आधुनिकता ते खूबसूरती झलकदी सी। टावरां दे सिखर तों सैंकड़े मीलां तक पसरे निऊयारक दे घर निक्के–निक्के नज़र आ रहे सन। दोवें टावर देखण लई ढाई घंटे लग्गे।

टावर समारक जां भवन नहीं, कारोबारां ते कंमां नाळ संबंधित इमारतां सन। टावरां दी समुच्ची बणतर–शैली विच्चों अति–आधुनिक तकनालोजी द्रिशटमान हो रही सी। पर उह कोरी–कठोर तकनालोजी नहीं सी। उस विच इमारतसाज़ी दी कला वी मिश्रित सी। मैं ते अवतार नें तकनालोजी ते कला दे सुमेल वाळे टावरां नूं अमरीका दी माअरकेबाज़ी करार दित्ता सी। पर उनहां टावरां विच्चों सानूं अमरीका दे घुमंड दी झलक वी पई सी— दुनीआं विच सभ तों उच्चे कद्द वाळा देश होण दा घुमंड।

निऊयारक विच देखण वाळा तां कई कुझ सी पर दोवें अवतार जौबां ’च खुभ्भे होए सन। दोवें परवास दे मुढ्ढले पड़ाअ ’ते सन। कुझ थावां मैं आपणे आप ही रेल राहीं देख तां सकदा सां पर आळे–दुआळे वापरदीआं घटनावां करके नवीआं थावां ते नवें लोकां विच इकल्ले जाणा सुरख्खिअत नहीं सी।

सो निऊयारक ’च ऐवें बैठे रहिण दा कोई मतलब नहीं सी। कनेडा ’च इंमीगरेशन मिलण दी संभावना वी मेरे मन ’ते सवार सी। टिकट मुताबिक मेरी टरांटो वासते फलाईट अकतूबर दे पहिले हफते दी सी। अगाऊं जाण लई एअर कनेडा नूं फोन कीता। अठ्ठ सतंबर दी फलाईट मिळी। निऊयारक ’च तिंन कु दिन होर सां। ऐटलांटक महांसागर नूं देखण दी रीझ मैं आपणे पिंड वाळे अवतार नूं दस्सी होई सी। इक दिन टाईम कढ्ढ के उह ते उसदे साथी मैनूं लै गए। उह बीच नहीं, शांत जिहा किनारा सी। समुंदर कंढली रेत उत्ते नंगे पैरीं तुरना सौखा हुंदा है। असीं जुत्तीआं लाह के कार ’च रख्ख दित्तीआं। मेरे लई उह विशेश दिन सी। समुंदर मेरी रूह नूं भाउंदा है। चेनई ’च समुंदर दे नज़ारिआं नूं माणन तों 23 साल बाअद महांसागर नूं देखण दा सुभाग प्रापत होइआ सी। अवतार हुरीं घुंमण–फिरन लग्ग पए। मैं इक पासे बैठ महांसागर दे विराट पाणी नाळ सांझ पा लई ते उच्चीआं–नीवीआं छल्लां नाळ खहिसरवां सफर करदे जहाज़ां वल्ल तक्कदिआं आपणे अगले सफर दे नकश उलीकण लग्ग पिआ। दो कु घंटे बाअद असीं वापस तुर पए। पारकिंग लौट ’च पहुंच के अवतार नें जदों कार दे दरवाज़े खोल्हे तां मैनूं आपणीआं अख्खां ’ते विशवाश नां आइआ। पंजे जुत्तीआं चोरी हो गईआं सन। हैरान तां अवतार ते उसदे साथी वी होए पर मेरे जिंने नहीं।

उनहां लई इहो जिहीआं घटनावां नवीआं नहीं सन। मैं इंडीआ तों बाटा दे नवें बूट लै के आइआ सां। दुख्ख तां लग्गा पर ऐटलांटक तों मिळे उमाह नें ज़िआदा महिसूस नां होण दित्ता। उनहां कोळ तां अपारटमैंट ’च होर जुत्तीआं हैगीआं सन पर मेरे कोळ उही बूट सन। ओथों सिध्धे सटोर नूं गए ते अवतार नें बूट खरीद दित्ते।

इंमीगरांटां दे देश कनेडा विच

8 सतंबर नूं मैं टरांटो पहुंच गिआ। सांढू-साळी गरेटर टरांटो दे शहिर वौन (Vaughan) ’च रहिंदे सन। रणजीत सिंघ करेन ओपरेटर सी ते गुरशरन कौर फरनीचर फैकटरी ’च जौब करदी सी। उनहां दा वड्डा लड़का यूनीवरसटी ’च पहड़दा सी ते छोटा हाई सकूल ’च। परिवार चंगा जीवन बतीत कर रिहा सी।

गरेटर टरांटो ’च होर वी रिशतेदार सन। कुलवंत दी भूआ दा पुत्त सुखजीत सिंघ नरवाल (ऐकस एअर फोरस), ताए दा पुत्त करनल जोगिंदर सिंघ खहिरा अते साडी बीबी दे चचेरे भरा दा पुत्त (निऊयारक वाळे अवतार दा सका मामा) सुरिंदरपाल सिंघ पंनूं।

मैं ऐमनिसटी बारे जाणन लई उतसक सां। रणजीत नाळ गल्ल छेड़ी। उह दस्सण लग्ग पिआ “कनेडा सरकार पहिली जनवरी 1989 तों इंमीगरेशन कानूंनां विच कुझ तबदीलीआं करन जा रही आ। सोधिआ होइआ कानूंन कनेडा ’च पहिलां रहिंदे कच्चे लोकां ’ते लागू नहीं हो सकदा। सो अंदाज़ा इह आ कि सोधे होए कानूंन नूं अमल विच लिआउण तों पहिलां, सरकार कच्चे लोकां वाळा खाता पध्धरा करन लई ऐमनिसटी दा ऐलान करेगी। तुसीं रफिऊजी सटैटस लई अपलाई कर दिओ।”

“रणजीत जी! ऐमनिसटी तां किआसअराईआं वाळी गल्ल लगदी आ। जे इह नां होई तां मेरी पुज़ीशन डावांडोल हो जाणी आं। जद मेरी पुलिटीकल परौबलम है ई नहीं, रफिऊजी केस मैं किवें लड़ांगा।” मैं खदशा ज़हिर कीता।

“कनेडा दा ऐटिचिऊड नरमी वाळा हुंदा आ। एथे बहुते इंमीगरांट रफिऊजी केसां राहीं पक्के होइओ आ। तुहाडे हक्क ’च इह गल्ल वी जांदी आ कि इस वकत कनेडा दी इकानमी हौट आ। जौबां बहुत आ। इनहां नूं बंदे चाहीदे आ। औलरैड्डी ईसट यौरप ते होर कई मुलकां दे लोकां नें आ के अपलाई कर दित्तै ते होर वी आई जांदे आ।” रणजीत नें सथिती बिआन कीती।

मैं फोन ’ते सुखजीत नूं पुछ्छिआ। रणजीत दी गल्ल पुशट करदिआं उह बोलिआ, “तुसीं देर नां करो। जिंनी छेती अपलाई करोगे, उनी छेती तुहाडी फाईल खुल्ल्हेगी।”

सुरिंदरपाल वी इवें ही कहि रिहा सी।

साफ-सुथरा, शांतमई ते मलटीकलचरल कनेडा मैनूं ठीक लग रिहा सी।

इंडीआ ’च मेरी नौकरी तां हैगी सी पर ओथे बच्चिआं दा भविख्ख ठीक नहीं सी लग्ग रिहा। मेरी पतनी ते भरावां दे मनां ’च वी इही सी कि चंगेरे भविख्ख लई कनेडा जां अमरीका ’च जहड़ां लाईआं जाण। सो मैं अपलाई कर दित्ता।

कनेडा नाळ वाकफीअत

जिस देश ’च रहिण लई कदम चुक्किआ, उस बारे विसथारत जाणकारी हासल करन लई मैं रणजीत तों किताबां मंगवा लईआं।

तसल्ली नाळ पहड़ीआं। कनेडा दा ढांचा मैनूं वधीआ लग्गा। मोटे तौर ’ते कुझ जाणकारी पाठकां नाळ सांझी कर रिहां:

कनेडा खेतरफल दे हिसाब नाळ दुनीआं दा सभ तों वड्डा दूजा देश है। दख्खण विच कनेडा दा अमरीका नाळ लगदा बारडर दुनीआं दा सभ तों लंमा बारडर है। दिलचसप गल्ल इह है कि 8891 लंमे इस बारडर ’ते फौजीआं दा कोई पहिरा नहीं।

कनेडा दे 10 सूबे (परोविंस) ते तिंन टैरिटरी हन। राजधानी ओटवा है। ओनटेरीओ, ब्रिटिश कोलंबीआ ते किउबैक वड्डी वसों वाळे सूबे हन। टरांटो, मांटरीआल ते वैनकूवर महांनगर हन।

कनेडा दे मुढले वसनीक

कनेडा असल विच नेटिव लोकां दा देश है। नेटिव अमरीका विच वी हन। उत्तरी अमरीका दे मुढले बाशिंदे होण करके इनहां बारे जाणन लई मेरी विशेश जिगिआसा सी। नेटिवां लई वरते जांदे होर नां इह हन: इंडीअन, रैड्ड इंडीअन, ऐबउरिजनल (Aboriginal) फसट नेशनज़ (First Nations) ते इंडीजीनस (Indigenous) इनहां नावां नाळ संबंधित हवाले:

इंडीअन: संन 1472 विच नवें देशां नूं लभ्भण वाळा इटालीअन खोजी करिसटोफर कोलंबस आपणे नाळ कुझ होर मलाह लै के, तिजारती मंतव लई, भारत नूं लभ्भण निकळिआ सी पर भुलेखे नाळ अमरीका पहुंच गिआ। आपणे आप नूं भारत ’च समझदिआं, उसने अमरीकन नेटिवां नूं ‘इंडीअन’ नां नाळ संबोधन कीता। उदों तों अमरीका ते कनेडा दे नेटिवां नाळ ‘इंडीअन’ नां जुड़ गिआ।

रैड्ड इंडीअन: भारत ते उत्तरी अमरीका अंग्रेज़ां दीआं कालोनीआं सन। बसतीवादी अंग्रेज़ भारतीआं नूं बलैक (काळे) इंडीअन ते नेटिवां दा रंग लालगी ’च होण करके उनहां नूं रैड्ड इंडीअन आखदे सन। इह नां नेटिवां नूं भारतीआं नालों वख्खरिआउण लई ही वरतिआ जांदा सी। सो इस नां दी प्रसंगिकता बसतीवादी काल तक्क ही सी।

ऐबउरिजनल: इह शबद भावें वरतिआ तां जांदै पर नेटिव इसनूं प्रवान नहीं करदे। लातीनी शबद Ab (ऐब) दा अरथ है Not यानि नहीं। ऐब दा अरथ नेटिवां नूं उनहां दे मुढ्ढले (Original) होण दे हक्क तों वांझिआं करदा है।

फसट नेशनज़: भाव ‘पहिलीआं कौमां’ नां सही ते ढुक्कवां है।

इंडीजीनस: यानि ‘देसी’ नां वी सही है।

सवाल पैदा हुंदा है कि नेटिव कित्थों ते कदों आए? इस बारे इतिहासक जाणकारी उपलबध नहीं। इक नवीं खोज अनसार तकरीबन 16000 साल पहिलां उह साइबेरीआ ते पूरबी एशीआ (चीन, जापान, मंगोलीआ आदि) तों आए सन। दोनां वरगां दे आपसी संबंधां राहीं उनहां दा विसथार हुंदा रिहा।

नवीआं धरतीआं दे यौरपीन खोजी ते वपारी पंदरवीं ते सोळवीं सदी दौरान कनेडा आए। पहिलां नरम वाळां वाळे चमड़े (FUR), मछ्छी ते कुझ होर वसतां दी खरीद शुरू होई ते फिर अंग्रेज़ां ते फरांसीसीआं दी बसतीवादी बिरती हावी हो गई। उह इलाके मल्लण लग्ग पए। वध्ध तों वध्ध इलाके मल्लण दी होड़ विच दोनां बसतीवादां ’च टकराअ शुरू हो गिआ। लड़ाईआं होईआं। अंग्रेज़ बाज़ी मार गए।

सारे इलाकिआं नूं संगठित करन लई इंगलैंड दी सरकार नें पहिली जुलाई 1867 नूं चार सूबिआं— उनटेरीओ, किऊबैक्क, नोवा सकौशिआ ते निऊबरनज़विक दी कानफैडरेशन बणा दिती। इह तारीख कनेडा दा जनम दिन मंनी गई है। अगले सालां विच बाकी सूबे वी कानफैडरेशन विच शामल हो गए ते कनेडा दा समुच्चा रूप होंद विच आ गिआ।

1931 विच कनेडा आज़ाद हो गिआ।

कनेडा पारलीमैंटरी लोकतंतर है। पारलीमैंट दे दो हाऊस हन। हेठले हाऊस नूं ‘हाऊस आफ कौमनज़’ किहा जांदा है ते उप्परले नूं सैनेट। हेठले हाऊस दे मैंबर लोकां वल्लों चुणे जांदे हन ते सैनेट दे, जिनहां नूं सैनेटर किहा जांदा है, नियुकत कीते जांदे हन। ‘हाऊस आफ कौमनज़’ दी बहुमत पारटी दा लीडर प्रधान मंतरी हुंदा है। इंगलैंड दी राणी कनेडा दी बादशाह है। पर इह उपाधी सिरफ संविधानक है। कनेडा दे सरकारी कारजां विच उसदी कोई सरगरम भूमिका नहीं। कनेडा दा गवरनर जनरल राणी दा प्रतीनिध है। राणी दे कारज उह निभाउंदा है।

कनेडा दे सूबिआं ते टैरिटरीज़ दीआं आपणीआं लैजिसलेटिव असैंबलीआं हन। इनहां नूं ‘परोविंशिअल पारलीमैंट’ वी किहा जांदा है। इनहां दे मैंबरां दी चोण, हलकिआं दे वोटरां वलों हुंदी है। बहुमत वाळी पारटी दा लीडर सूबे दा ‘प्रीमीअर’ (मुख्ख मंतरी) हुंदा है।

सूबिआं विच राणी/ गवरनर जनरल दा प्रतीनिध लैफटीनैंट गवरनर हुंदा है।

कनेडा दीआं राजनीतक पारटीआं: लिबरल पारटी, प्रौगरैसिव कंज़रवेटिव पारटी, नैशनल डैमोक्रैटिक पारटी, गरीन पारटी, बलौक किऊबैक्कवा, पारटी किऊबैक्कवा, (इह दो पारटीआं किऊबैक्क सूबे दे राजनीतकां दीआं हन। इस सूबे विच बहुगिणती फरांसीसी मूल दे कनेडीअनां दी है)।

कनेडा दीआं राशटरी भाशावां दो हन— अंग्रज़ी ते फरैंच।

कनेडा मलटीकलचरल यानि बहुसभिआचारी देश है। मलटीकलचरिज़म कनेडा दे विधान दे ‘चारटर आफ राईटस ऐंड फरीडम’ विच दरज है। दुनीआं दे 158 देशां विच्चों आए लोक एथे वसदे हन। Unity in Diversity यानि ‘वंन-सुवंनता विच एकता’ दे सिधांत अनुसार इंमीगरांटां दीआं चीनी, भारती, इटालीअन, जरमन, फिलपीनी, पाकिसतानी, पुरतगाली, श्री लंकन, ईरानी, गल्ल की हर कमिऊनिटी नूं आपणी भाशा, कलचर ते धरम नूं बरकरार रख्खण दा हक्क हासल है।

कनेडा दुनीआं दा 10वां वड्डा अरथचारा है। इह अरथचारा कुदरती स्रोतां अते अंतरराशटरी वपार दे नैट्टवरक ’ते आधारित है। कुल्ल ज़मीन दे 42% हिस्से विच झूमदे जंगल कनेडा दी इकानमी दा स्रोत तां हन ही, इह वातावरण नूं वी साफ रख्खदे हन।

अंतरराशटरी मापदंडां मुताबिक, कनेडा दीआं सिहत ते विदिअक प्रणालीआं, सरकारां दीआं गतीविधीआं दी पारदरशता, इसदे नागरिकां दे जीवन-पध्धर, उनहां दी सिवल ते आरथिक आज़ादी अते कुझ होर महत्तवपूरन पख्खां तों इह देश दुनीआं दे उच्च–कोटी देशां विच गिणिआं जांदा है।

कनेडा दे मौसम

कनेडा विच चार मौसम हन— सरदी, बहार, गरमी ते पतझड़। वड्डे खेतरफल वाळा देश होण करके सारे सूबिआं विच मौसमां दा समां इकसार नहीं।

ओनटारीओ सूबे विच सरदीआं अति ठंढीआं हुंदीआ नें। आम तौर ते तापमान मनफी 15-20 सैलसिअस अते कई वार मनफी 30-32 तक्क डिग पैंदा है। बरफबारी वी हुंदी रहिंदी है। औसतन बरफ 10-15 सैंटीमीटर ते बरफीले तूफानां दौरान 15-20 सैंटीमीटर। गरमीआं विच आम तौर ’ते तापमान 25-30 सैलसिअस ते कदी-कदी 40 सैलसिअस तों वी उत्ते चला जांदा है। मौसमां विच उतराअ-चहड़ाअ अकसर वापर जांदे हन।

गरमीआं दा मौसम लोकां दा मनभाउंदा मौसम है। सरद रुत्त लंमी होण करके अंदरीं डक्के होए लोक अक्के पए हुंदे हन। गरमी शुरू होण ’ते उनहां नूं घुंमण-फिरन दा झल्ल चहड़ जांदा है। उह इस नूं रज्ज के माणदे हन। परिवारां नूं लै के हौलीडेज़ ’ते जांदे हन। बीचां ’ते जा के तैरदे अते धुप्प इशनान करदे हन। भारती मूल दे कनेडीअन, हरिआवल ते रंग-बरंगे फुल्लां नाळ लद्दे पारकां विच , रिशतेदारां ते दोसतां संग पिकनिकां करदे हन। दिन तकरीबन 15 घंटे लंमे हुंदे हन, सूरज नौं वज दे करीब मिटदा है।

कनेडा ’च पाणी दे अथाह भंडार बारे पहड़दिआं मैनूं ढेर खुशी होई सी। विशाल पाणीआं दे नज़ारे मैं रज्ज के माण सकदा सां। समुंदर ते दरिआवां तों इलावा इस देश विच हज़ारां झीलां हन। 100 वरग किलोमीटर तों वध्ध एरीए वाळीआं झीलां दी गिणती 561 है।

कनेडा-अमरीका विच फैलीआं विशाल झीलां ‘गरेट लेकस’ दे नां नाळ जाणीआं जांदीआं हन। चार ‘गरेट लेकस’ इह हन: लेक सुपीरीअर (82100 वरग किलोमीटर), लेक हिउरोन (60000 वरग किलोमीटर), लेक इरी (25740 वरग किलोमीटर) ते लेक ओनटेरीओ (18960 वरग किलोमीटर)।

पंजवीं ‘गरेट लेक’ लेक मिशीगन (58000 वरग किलोमीटर) सिरफ अमरीका विच ही वगदी है।

निआगरा फालज़

‘गरेट लेकस’ बारे पहड़दिआं ‘निआगरा फालज़’ बाबत वी जाणकारी हासल होई। निआगरा फालज़ (झरनिआं) दा स्रोत ‘इरी झील’ है। इस झील विच्चों निकळदा दरिआ निआगरा 23 किलोमीटर दा सफर करके ‘निआगरा फालज़’ ते पहुंचदा है। इसे दरिआ विच्चों निकळे दो छोटे–छोटे फालज़ अमरीका साईड ’ते वी हन। टरांटो तों 130 किलोमीटर दूर तिंने फालज़ कनेडा–अमरीका दे बारडर ’ते सथित हन। कनेडा वल्ल दे पासे सूबा ओनटेरीओ ते अमरीका वल्ल दे पासे निऊयारक सटेट है। विचाले निआगरा दरिआ वगदा है। दरिआ ’ते बणिआ पुळ दोनां देशा नूं जोड़दा है।

अमरीका दे फालज़ बहुत छोटे होण करके, प्रसिध्धी कनेडा दे फाल नूं ही हासल है। मैं इत्थे गल्ल वी इसे फाल दी कर रिहां। निआगरा दरिआ दे वहाअ दी चौड़ाई 8500 फुट्ट अते फाल दी चौड़ाई 2590 फुट्ट है। इस फाल दी उचाई ते पाणी दी विशालता दे पख्खां तों इह दुनीआं दा दूजा वड्डा फाल है। साढे पंज लख्ख लिटर पाणी प्रती सैकिंड 167 फुट्ट दी उचाई तों हेठां डिगदा है। हर साल तकरीबन 12 लख्ख सैलानी इसनूं देखण आउंदे हन।

कुदरत दे इस उघ्घे क्रिशमे नूं देखण लई मन उतावला हो गिआ। रणजीत–गुरशरन वी आऊटिंग दे मूड ’च सन। इक वीक–ऐंड ’ते असीं तिंने फाल ’ते जा पहुंचे। दरशकां दी सुर्रखिआ वासते बणी मज़बूत रेलिंग दे नाळ–नाळ खलोते सैंकड़े लोक फाल दा नज़ारा माण रहे सन। ढुक्कवीं थां वेख के असीं वी रेलिंग नाळ खहड़ गए। फालज़ नूं निहारन तों पहिलां मैं निआगरा दरिआ ’ते भरवीं नज़र सुट्टी। दरिआ हेठली धरती पथरीली होण करके पाणी ऐनह साफ सी। दरिआ दा वहिण धीमा नहीं तेज़ सी। मैनूं इंज जापिआ जिवें फालज़ ’ते आपणा जलौअ दिखाउण लई दरिआ दौड़ा आ रिहा होवे। फिर मेरी निगहा फाल ’ते टिक गई। 167 फुट्ट दी उचाई तों लगातार डिगदे अते उतांह नूं उछ्छलदे बेशुमार पाणी दी खड़कार सोचां–फिकरां ’च डुब्बे मनां नूं उमाह–हुलारा प्रदान कर रही सी। खौळदे पाणी विच्चों उभ्भरदी भूर आसे–पासे दूर तक्क झर रही सी। निख्खरे आसमान ते निघ्घी धुप्प विच वरहदे फुहार–नुमा मींह नूं कुदरत दा कौतक आखिआ जा सकदा है… उतांह नूं उठ्ठ रही भूर विच्चों उपजी विशाल सतरंगी पींघ, फाल दे समुच्चे द्रिश उप्पर खूबसूरत ताज वांग रूपमान हो रही सी।

चोखा समां फाल दा नज़ारा माण के रणजीत ते गुरशरन पिछांह बैंच ’ते जा बैठे। पर मेरा ओथों हिल्लण नूं जीअ नहीं सी कर रिहा। रणजीत दा इशारा देख के मैं उनहां कोळ आ गिआ। कुझ कु देर असीं अमरीका दे निक्क–आकारी फालज़ देखे ते फिर पहिलां बणाई सकीम अनुसार कार ’च सवार हो, निआगरा दरिआ दा फालज़ तों अगला सफर देखण चल पए। डूंघाई ’च वगदे इस दरिआ दे नाळ–नाळ बणी सड़क ’ते जा के रणजीत नें कार इक छोटे जिहे पारकिंग–लौट ’च ला दित्ती। कार तों उत्तर के असीं दरिआ दे किनारे जा खलोए। निआगरा दरिआ दा बिलकुल ही वख्खरा रूप नज़र आइआ— साधारन जिही चाल ते खामोश वहाअ। फाल ’ते आपणा जलौअ दिखाउण बाअद निआगरा सुखद–संतुशट रउं विच वगदा जापिआ।

कार विच मुड़ सवार हो असीं ओनटेरीओ झील ’ते पहुंच गए। निआगरा दरिआ इस झील विच शामल हो रिहा सी। इसे झील दे किसे होर पासिओं ‘सेंट लारैंस दरिआ’ आपणी होंद ग्रहिण कर रिहा सी।

इरी झील—निआगरा दरिआ—ओनटेरीओ झील—सेंट लारैंस दरिआ… जलधारा दे निरंतर सफर दी वडमुल्ली ते रौचिकता भरपूर झाकी है इह।

निआगरा दरिआ ते ओनटेरीओ झील दे मिलण–सथान तों असीं फाल ’ते परत आए। शाम पै गई सी। फालज़ दे इस पासे ते परले पासे दीआं लाईटां जग पईआं। इनहां लाईटां दा स्रोत निआगरा दरिआ है। कनेडा–अमरीका नें आपो आपणे पासे पण–बिजली दे पलांट लाए होए हन। इनहां पलांटां वासते दोवें देश पण–सुरंगां राहीं निआगरा दा पाणी वरतदे हन। बिजली उतपादन तों बाअद पाणी मुड़ दरिआ विच पा दित्ता जांदा है। दिन वेले पाणी दी घटी मिकदार सैलानीआं दी दिलचसपी ’ते असर पा सकदी है, इस करके पण–सुरंगां रात समें ही खोल्हीआं जांदीआं हन। रात नूं सैलानी थोहड़े हुंदे हन।

रात दे 9 वजे फाल ते लाईटां दा प्रोगराम शुरू होणा सी। उह देखण तों बाअद ही असीं घर नूं मुड़ना सी। डिनर वासते असीं मैकडोनल ’च जा वड़े। मैकडोनल ’चों निकळ के ढुक्कवीं थां ’ते बैठे ही सां कि लाईटां दा क्रिशमा शुरू हो गिआ। फाल उप्पर तिंन थावां तों लाईटां बिखेरीआं जा रहीआं सन। मनुख्ख दी कारीगरी नें फाल नूं होर वी मनमोहक बणा दित्ता सी। इसे पाणी विच्चों उपजी बिजली लाल, हरे, नीले, काशणी, गुलाबी आदि रंगां विच सज–धज के आपणे मूल नूं मिल रही सी। इंज लग्ग रिहा सी जिवें मिलाप दी खुशी विच लाईटां अते पाणी न्रित कर रहे होण—डाढा ही अनूठा न्रित… रंगां दीआं बहुपरती शेडां वाळीआं लाईटां नाळ रौशन हो रहे निआगरा फाल दा रमणीक नज़ारा माणदिआं मेरी रूह खिड़ गई। आनंदित होए असीं वापस चल्ल पए।

कनेडा दे पंजाबी भाईचारे विच वीकऐंडां ’ते रिशतेदारां अते दोसतां दीआं परिवारक मिलणीआं दी रीत बणी होई ए। इंडीआ, इंगलैंड, अमरीका आदि देशां अते कनेडा दे दूजे सूबिआं तों आउंदे सके–संबंधीआं दे आदर विच मिलणीआं दे प्रोगराम उचेचे तौर ’ते बणाए जांदे हन रिशतेदारां वल्लों इह आदर मैनूं वी नसीब होइआ नवंबर ’च संघवाल तों मेरा सका भाणजा जसपाल वी कनेडा आ गिआ। उसदी मंगेतर नरिंदर नें उसनूं सपांसर कीता होइआ सी। उदों मंगेतर नूं सपांसर करन दा कानूंन हैगा सी। 3 दसंबर नूं उनहां दा विआह हो गिआ। सवेरे गुरदवारे आनंद कारज सी ते शाम नूं बैंकुइट हाल ’च रिसैपशन पारटी।

दसंबर दा आखरी हफता शुरू हो गिआ सी। ऐमनिसटी दी झाक लाई बैठे मेरे वरगे अनेक लोक, तीबरता नाळ, सरकारी ऐलान दी उडीक कर रहे सन। उदों (1988 ’च) देश दा प्रधान मंतरी बराइन मुलरोनी सी। उसदी कंज़रवटिव पारटी चार साल दी टरम पूरी करके दूजी वार पावर ’च आ चुक्की सी। 31 दसंबर नूं ततकाली इंमीग्रेशन मनिसटर नें जो भाशण दित्ता, उस विच ऐमनिसटी है नहीं सी। मनिसटर अनुसार ’कल्ले- ’कल्ले केस दी सुणवाई होणी सी। सुणवाई दीआं दो सटेजां रख्खीआं गईआं सन। पहिली सटेज ‘हिउमैनीटेरीअन गराऊंडज़’ यानि मानववादी हितां ’ते आधारित सी। इस सटेज ’ते इंमीग्रेशन अफसरां वल्लों हर बिनैकार नूं इंटरविऊ कीता जाणा सी। अंग्रेज़ी दी मुहारत, सथिर जौब ते ठीक आचरण वाले बिनैकार नूं इसे सटेज ’ते पी. आर (Permanent Residency) लई ‘हां’ हो जाणी सी। इनहां पख्खां तों ऊणे बिनैकारां दी फाईल, इंमीग्रेशन अफसर नें रफिऊजी बोरड ’च सुणवाई वासते भेज देणी सी। बोरड ’च रिजैकट होए बिनैकार नूं डिपोरट कीता जा सकदा सी। मनिसटर अनुसार बिनैकारां दी गिणती पौणे दो लख्ख दे करीब पहुंच चुक्की सी। सारे बिनैकारां नूं दो महीने दे विच–विच वरक परमिट ते सोशल इंशोरैंस कारड मिळ जाणे सन।

सरकार दे इस फैसले नें मैनूं सोचां विच पा दित्ता। मैनूं पहिली सटेज ’ते ही कामयाबी दा भरोसा तां सी पर चक्कर लंमा सी। अखबारां ’च छपे वेरविआं तों मैं जो हिसाब लाइआ उस अनुसार सुणवाई वासते मेरी वारी दो साल बाअद आउणी सी। उस तों बाअद पी. आर. मिलण अते मेरे परिवार नूं कनेडा पहुंचण तक साल-डेढ साल होर लग्ग जाणा सी। साढे तिंन साल परिवार तों दूर रहिणा कठ्ठिन जाप रिहा सी। मसला सिरफ परिवार तों दूरी दा ही नहीं, रोटी बणाउण दा वी सी। एना लंमा समां रणजीत-गुरशरन ’ते बोझ बणना मेरी रूह नूं प्रवान नहीं सी। ते आप रोटी बणाउण दे मामले विच मैं बिलकुल ही अनाड़ी सां। कनेडा दा बरफां-लद्दिआ अति ठंढा मौसम वी डरा रिहा सी।

कठिनाईआ बारे सोचदिआं मन इंडीआ वल्ल नूं अहुळ पिआ। ओथे नौकरी अजे हैगी सी। साडी बैंक दे नियमां अनुसार ‘ऐकस इंडीआ लीव’ छे महीने दी सी। चार महीने लै के आइआ सां। चिठ्ठी पा के दो महीने होर वधा लई सी।

इंडीआ मुड़न दी गल्ल मैं रणजीत नाळ कीती। उह कहिण लग्गा, “जिहड़ा टब्बर ’चों पहिला बंदा आउंदै, उहनूं सटरगल तां करनी ही पैंदी आ। मेरे खिआल ’च तुहानूं वापस नहीं जाणा चाहीदा।

मैं जीवन दे पहिले पड़ावां ’ते वी संघरश कीता सी। हुण नवां संघरश विढ्ढण दी लोड़ पै गई सी… भारत दी राजनीती अते प्रबंधकी ढांचे विच फैले भ्रिशटाचार कारन ओथे बच्चिआं दा भविख्ख ठीक नहीं सी नज़र आ रिहा। उसदे मुकाबले कनेडा दे लोक-पख्खी राजनीतक ते प्रबंधकी सिसटम बिहतर जीवन दी आस बंनहा रहे सन। कनेडा ’च मेरे परिवार दे सैट्ट होण बाअद भैणां–भरावां दे बच्चिआं दे वी एधर आउण दे चानस बण सकदे सन।

भारत जिस तरहां दा वी होवे, मेरी जनम-भोइं है। नवीं धरती ’ते वसण दा फैसला करन समें, भारत नाळ नाता बणाई रख्खण दा प्रण वी कीता सी।

फरवरी ’च मैनूं वरक परमिट ते सोशल इंशोरैंस कारड मिळ गए। नवें टिकाणे वासते मैं जसपाल दे चाचे दे पुत्त पिआरे नाळ गल्ल कीती होई सी। उह रफिऊजी साथीआं नाळ इक अपारटमैंट ’च रहिंदा सी।

रणजीत–गुरशरन दा धंनवाद करके मैं पिआरे हुरां कोळ चला गिआ। उस अपारटमैंट ’च चार जणे रहिंदे सन— पिआरा, सुरजीत, सतनाम ते रुलीआ राम। पिआरा ते सुरजीत छड़े सन ते दूजे दोवें बाल–बच्चेदार। आपरटमैंट ’च लिविंग रूम, रसोई अते तिंन बैड्डरूम सन। दो वड्डे बैड्डरूमां ’च दो–दो बैड्ड लाए होए सन अते तीजे छोटे बैड्डरूम ’च कुझ सामान होइआ रख्खिआ सी। सामान उनहां नें लिविंग रूम अते आपणे बैड्डरूमां ’च रख्ख लिआ ते उह बैड्डरूम मैनूं दे दित्ता। रुळीआ राम इक फरनीचर फैकटरी ’च कंम करदा सी। मैनूं वी ओथे ही जौब मिळ गई। जाण–आउण दा साधन बस्सां सन।

रोटी इक्को थां बणदी सी। चारे जणे रळ के बणा लैंदे। मैनूं पक्की–पकाई मिळ जांदी। पर वीक ऐंडां ’ते पराबलम हो जांदी। शुक्करवार शाम नूं शुरू होई उनहां दी शराब दी महिफल ऐतवार तक्क चलदी सी। रात दी रोटी बहुत देर नाळ बणदी। मैं टाईम नाळ सौण ते उठ्ठण दा आदी हां। फुलके लाहुण दा मैनूं पता नहीं सी। बरैड्ड ते डब्बे दी सबज़ी नाळ बुत्ता सार लैंदा।

मैं शराब छड्ड दित्ती सी। अपारटमैंट ’च आउण तों पहिलां संजमी जीवन–शैली दा संकलप धार लिआ सी। वैसे वी जीवन प्रती मेरी ते उनहां दी सूझ–बूझ विच अंतर होण करके उनहां नाळ शराब दा रुटीन मैनूं रास नहीं सी आउणा। पर मैं उनहां विच उनहां तों उच्चा हो के नहीं सी विचरदा। शराब वाळे मौकिआं तों इलावा उनहां विच बहिंदा सां। इंडीआ ’च उनहां दे परिवारां दी सुख-सांद पछ्छदा अते आपणे परिवार दी दस्सदा सां। सांझे खरचिआं दा आपणा हिस्सा हर महीने दी पहिली तारीख ’ते उनहां नूं फड़ा देंदा। उह गुज़ारे जोगी अंग्रेज़ी बोल तां लैंदे सन पर पहड़न-लिखण पख्खों ऊणे सन। आपणे रफिऊज़ी केसां दीआं चिठीआं उह मैथों पहड़वा लैंदे। रळ-मिळ के टाईम ठीक लंघ रिहा सी।

कैनेडीअन कोर आफ कमिशनेअरज़ विच जौब

फरनीचर फैकटरी दी जौब दे दो कु महीने बाअद मैं कनेडा दी नामवर सकिउरटी कंपनी ‘कैनेडीअन कोर आफ कमिशनेअरज़’ (Canadian Corps of Commissionaires) ’च अपलाई कर दित्ता। उनहां टरेनिंग लई सद्द लिआ। 31 जणिआं दी कलास विच मैं ते चरनजीत सिंघ चीमा (एअर फोरस दा साबका फलाईट लैफटीनैंट) भारती सां बाकी सभ गोरे। 8 दिनां दी टरेनिंग बाअद टैसट होए। मैं अव्वल रिहा।

कंपनी दा छोटा नां ‘कमिशनेअरज़ गरेट लेकस’ है। कनेडा दे साबका फौजीआं दी इह कंपनी सारे कनेडा विच फैली होई ए। नैशनल पध्धर दा प्रबंध कनेडा दे रिटाइरड फौजी ते बिज़निस माहिरां दा ‘बोरड आफ डाइरैकटरज़’ चलाउंदा है। सूबिआं विच डिमांड ते नफरी दे आधार ’ते डवीज़नां बणीआं होईआं नें। हुण दा तां पता नहीं उदों डवीजनां दा ढांचा फौजी पलटणां वाळा हुंदा सी। डवीज़न दे हैड्ड नूं ‘कमांडैंट’ आखिआ जांदा सी। साडी डवीज़न दे कमांडैंट दा नां ऐम. ई. रिच ते रैंक करनल सी। ओपरेशनज़ अफसर दा रैंक लैफटीनैंट करनल सी। उनहां तों हेठले प्रबंधकी अफसरां दे रैंक मेजर, कैपटन, लैफटीनैंट सन। सुपरवाईज़रां दे रैंक मासटर वारंट अफसर, वारंट अफसर, सारजैंट ते कारपोरल सन। टरांटो सथित डवीज़न दे दफतर नूं ‘कोर हैडकुआटर’ किहा जांदा सी। कंपनी दा माटो मुनाफाखोरी नहीं, साबका फौजीआं नूं रुज़गार मुहई्ईआ कराउणा सी। उस विच कामनवैलथ देशां दे साबका फौजी इंमीगरांट वी जौब कर सकदे सन। कंपनी विच 85% गोरे सन ते 15% भारत, पाकिसतान, श्री लंका आदि कामनवैलथ देशां तों गए होए साबका फौजी। कंपनी दे उच्चे सटैंडरड मुताबिक अंग्रेज़ी बोलण–लिखण दा गिआन लाज़मी सी।

कंपनी दे उच्च–मिआरी इमेज सदका कनेडा दीआं एअरपोरटां, सरकारी महिकमिआं जिवें पासपोरट दफतरां, इंमीगरेशन दफतरां, रैविनिऊ कनेडा आदि अते वड्डीआं कारपोरेशनां दे सकिउरटी कांटरैकट, इसे कंपनी नूं दित्ते जांदे सन। सकिउरटी तों इलावा इह कंपनी डिजीटल ‘फिंगर परिंटिंग’ दा कारज वी करदी सी।

साडी डवीज़न दीआं साल विच दो पारटीआं हुंदीआं सन। इक करिसमस लागे, वड्डे हाल विच डिनर–पारटी अते दूजी, इक फौजी यूनिट दे लाउंज विच, दिन वेले दी गारडन–पारटी।

मेरी पहिली पोसटिंग सी. बी. सी यानि ‘कनेडीअन बराडकासटिंग कारपोरेशन’ दी इक लोकेशन ’ते सी। उदों (1989 ‘च) सी. बी. सी दी आपणी बिलडिंग नहीं सी। इसने डाऊनटाऊन टरांटो विच चार बिलडिंगां कराए ’ते लईआं होईआं सन। चौहां ’ते 21 कमिशनेअरज़ ताइनात सन। फौजी पैटरन अनुसार साडी नफरी नूं ‘सी. बी. सी डिटैचमैंट’ किहा जांदा सी। डिटैचमैंट कमांडर वारंट अफसर लैरी हाईन सी। उसदा टू. आई. सी यानि ‘सैकंड–इन–कमांड इक सारजैंट सी।

चौवी घंटे दीआं इनहां पोसटां ’ते तिंन शिफटां सन—सवेरे 7 तों बाअद दुपहिर 3 वजे तक्क, 3 तों रात दे 11 वजे तक्क अते 11 तों सवेर दे 7 वजे तक्क। हर पोसट ते चार कमिशनेअर ‘फुल्ल टाईमर’ ते इक ‘पारट टाईमर’ सी। हर पोसट दा इक ‘इंचारज कमिशनेअर’ हुंदा सी। उसदी डिउटी सोमवार तों शुकरवार तक्क 7 तों 3 वजे तक्क हुंदी सी। उसदीआं ‘वीक-ऐंड शिफटां’ पारट-टाईमर करदा सी। बाकी दे तिंन कमिशनेअरज़ वारी सिर बाअद दुपहिर ते रात दीआं शिफटां करदे सन। पंज दिन कंम ते दो दिन आफ।

मैं, 100 कारलटन सटरीट वाळी लोकेशन ’ते इंचारज सां। तिंन मंजली बिलडिंग सी उह। मेरे नाळ तिंन गोरे सन ते इक पाकिसतानी रिटाइरड सूबेदार अनाइत उला। वधीआ बंदा सी उह। बिलडिंग दे प्रवेश-लांघे विच साडा टेबल सी। करमचारीआं दे टेबल ’ते पहुंचण ’ते कमिशनेअर उनहां नूं हाइ, हैलो जां गुड्ड मारनिंग आखदा। ‘हाइ-हैलो’ दा जवाब दे के करमचारी आपणा पास कमिशनेअर वल्ल वधा देंदा। पास ’ते चार चीज़ां गहु नाळ वेखणीआं हुंदीआं सन— सी. बी. सी दा लोगो, करमचारी दा नां, उसदी फोटो अते पास दी मिआद-तारीख। जिस पास दी मिआद खतम हो चुक्की हुंदी उह वापस लै के करमचारी नूं टैंपरेरी पास दे दित्ता जांदा।

करमचारीआं तों बिनां रेडीओ–टी. वी ’ते मुलाकातां जां होर प्रोगराम रिकारड करवाउण वाळे अते डाक लिआउण-लिजाण वाळे कोरीअर वी आइआ करदे सन। उनहां नूं ‘विज़िटर पास’ देणे हुंदे सन। उस पास ते विज़िटर दा संखेप बिउरा लिखिआ जांदा सी। रिकारड वजों पास दे हेठले कागज़ ’ते बिउरे दी डुपलीकेशन (नकल) वी बण जांदी सी। विज़िटर नें सट्टिकर-रूपी पास आपणी छाती ’ते चिपकाउणा हुंदा सी। कमीज़, कोट आदि ते चिपकाइआ उह पास सभ नूं दिसणा चाहीदा सी। विज़िटर बिलडिंग छड्डण तों पहिलां उह पास कमिशनेअर नूं मोड़ देंदा।

साडा अपारटमैंट ‘किपलिंग–फिंच’ चुरसते लागे सी। मैं कंम ’ते पहुंचण लई बस्स राहीं किपलिंग सटेशन ’ते पहुंच के ओथों सबवेअ (ज़मीनदोज़ रेल) ’च बैठ कुईन सटेशन ’ते जा उत्तरदा। सवा घंटा लग्ग जांदा सी। सफर सी तां लंमा पर कंम सौखा सी। तनखाह वी फैकटरीआं नाळों ज़िआदा सी।

बिलडिंग दे आम करमचारी चंगे सन। मरदां नालों औरतां ज़िआदा सन। कईआं दे नां मैनूं याद हो गए सन। गोरे गोरीआं नूं जेकर उनहां दा पहिला नां लै के बुलाईए तां उह खुश हुंदे हन। (जिम कारटर नां वाळे बंदे दा पहिला नां जिम ते अखीरला नां कारटर है) सो जदों मैं हाइ/ हैलो ‘गुड्ड मारनिंग’ नाळ उनहां दा पहिलां नां बोलदा उह खुश हो जांदे। उह वी मैनूं ‘हाइ जरनैल’ आखदे। कुझ हाल चाल वी पुछ्छ लैंदे।

आपणे रंग–रूप ते पहिरावे दी प्रशंसा सुणन दी भुख्ख औरतां विच मरदां नाळों ज़िआदा हुंदी है। शिशटाचार वजों मैं गोरीआं दे रंग–रूप दी तां नहीं, उनहां दे पहिरावे दी प्रशंसा कर देंदा सां। जदों मैं किसे दी टोपी नूं ‘नाईस हैट’ कहिंदा, किसे दे बहु-शेडां वाले सकारफ नूं ‘कुआईट डिफरैंट’ (असलों वख्खरा) आखदा, किसे दे परस दे डिज़ाइन दी सिफत करदा, किसे दी डरैस्स दे रंग नूं ‘इमपरैस्सिव (प्रभावशाली) आखदा तां उह खुश हो के ‘थैंक यू’ आखदीआं। फबदे मरद करमचारीआं ’ते ‘लुकिंग गरेट’ अते चुसत करमचारीआं ‘लुकिंग समारट’ वरगीआं टिप्पणीआं करदा तां उह वी खुश हो के ‘थैंक यू’ आखदे।

मैं इस तरहां दीआं टिप्पणीआं वाजबीअत देख के ही करदा सां, ऐवें नहीं। तिंन करमचारी नसलवादी सन। नसलवाद दा प्रगटाअ उह बोल के नहीं सरीरक भाशा राहीं करदे सन जिवें पास दिखाउण लग्गिआं मूह कस्स लैणा, हाइ–हैलो दा जवाब बुल्ल्ह मीच के माड़ा जिहा सिर हिला के देणा।

कनेडा विच कोई वी कंम घटीआ नहीं समझिआ जांदा। आम तौर ’ते उच्चीआं जौबां वाळे नीवीआं जौबां वाळिआ नूं गरूर जां रोहब नहीं दिखाउंदे। सी. बी. सी दे करमचारीआं दीआं जौबां कमिशनेअरां नाळों उच्चीआं सन। पर उह साडे नाळ साथीआं वांग वरतदे सन।

कनेडा दे राजनीतकां दी सादगी

इक दिन मैनूं दूजी मंज़ल तों ‘निऊज़ डिपारटमैंट’ दे इक प्रोडिऊसर दा फोन आइआ, “गिआरां वजे आपणे परोविंस दा प्रीमीअर आएगा। उसदे आउण ’ते मैनूं फोन कर देणा। मैं उसनूं लैण लई हेठां आ जावांगा।” साडे ओनटेरीओ सूबे ’च उदों सरकार लिबरल पारटी दी सी। प्रीमीअर (मुख्ख मंतरी) पीटर रौबरटसन नूं मैं टी. वी ’ते देखिआ होइआ सी।

आम दिनां विच विज़िटर आउंदे रहिंदे सन। सहिज ढंग नाळ उनहां नूं डील कर लईदा सी। पर उस दिन प्रीमीअर दी आमद सुण के मैं कुझ चौकस हो गिआ… मेरे दिमाग विच भारत दे राजनीतकां दी तसवीर सी। मैं अंदाज़ा लाइआ कि प्रीमीअर नाळ पंज-सत्त बंदिआं दा अमला तां होवेगा ही। एने पास बणाउण नूं टाईम लग्ग जाणा सी। टाईम घट्ट करन दे खिआल नाळ मैं छे पासां दे कुझ खाने जिवें उस दिन दी तारीख, टाईम, उनहां दे बिलडिंग ’च आउण दा मकसद पहिलां ही भर लए।

पूरे गिआरां वजे प्रीमीअर नूं मुख्ख दरवाज़े ’ते देख के मैं हैरान रहि गिआ। हैरानगी इस करके नहीं कि उह वकत सिर आइआ सी। कनेडा ’च समें दी पाबंदी बारे मैं जाणू सां। हैरानगी इस करके सी कि उस नाळ सिरफ इक बंदा सी, (शाइद उसदा सैकटरी)। नां पुलसीए ते नां ही होर अधिकारी।

पारकिंग लौट बिलडिंग तों 300 मीटर दी वित्थ ’ते सी। ओथे कारां पारक करके उह टुर के आए सन। कुरसी तों उठ्ठ के मैं उनहां नूं ‘गुड्ड मारनिंग’ आखी। जवाब ’च ‘गुड्ड मारनिंग’ आखदिआं उनहां आपणे डराईविंग लाइसैंस मैनूं फड़ा दित्ते। उनहां मेरा पास बणाउण दा कंम सौखा कर दित्ता। डराईविंग लाईसैंस ’ते नां अते कुझ होर जाणकारी हुंदी है। मैं प्रोडिऊसर नूं फोन कर दित्ता। उसने आ के उनहां नूं ‘वैलकम’ आखी। मैं पास अते डराईविंग लाइसैंस उनहां नूं फड़ा दित्ते। नाळ ‘थैंक यू’ वी किहा। प्रोडिऊसर उनहां नूं आपणे कमरे ’च लै गिआ।

वापसी ते उनहां पास मोड़ दित्ते अते ‘थैंक यू’ आख के चले गए।

किंना अंतर है भारत अते कनेडा दे राजनीतकां दे विवहार विच। कनेडा दे प्रधान मंतरी ते मुख्ख मंतरीआं समेत सारे राजनीतक लोकां विच साधारन बंदिआं वांग मूव करदे हन। गल्ल सिरफ सादगी–साधारनता नाळ मूव करन दी नहीं, इह लोकां दा खिआल वी रख्खदे हन। लोकां प्रती आपणे फरज निभाउण लई यतनशील रहिंदे हन।

इसदे मुकाबले इंडिआ दे प्रधान मंतरी, मुख्ख मंतरी, उनहां दे कैबनिट मंतरी अते विरोधी पारटीआं दे लीडरां दे लाम–लशकर ते सकिउरटी अमला, रैलीआं वाळीआं थावां नाळ जुड़दीआं दूर-नेड़े दीआं सड़कां दी नाकाबंदी अते कई-कई किलोमीटर तक्क ताइनात कीती पुलिस बारे मैनूं विसथार ’च जाण दी लोड़ नहीं। सभ जाणदे हन।

इस घटना दा इक पख्ख होर वी है। कनेडा विच नियमां (जिवें पास लैण जां दिखाउण) दे मामले विच कोई वड्डा, छोटा नहीं। नियमां–कानूनां दी पालणा सिरफ आम लोकां लई ही नहीं, राजनीतक लीडर, उच्च अधिकारी अते धनाड वी इनहां दी पालणा करदे हन। पर भारत विच राजनीतकां, उच्च अधिकारीआं ते धनाढां साहवें नियम–कानूंन बेमाअना हो जांदे हन।

कंम तों मुड़दिआं शाम पै जांदी सी। कुझ देर टी. वी. देखण बाअद खाणा खा के मैं सौं जांदा। सवेरे साढे चार उठ्ठणा हुंदा सी। नहाउण–धोण, नाशता करन ते लंच वासते सैंडविच बणाउण दा रुटीन निपटा के, कंम ’ते जाण लई साढे पंज वजे बस्स फड़दा सां।

वीकऐंडां ’ते जदों साथी बीअरां-विसकीआं ’च मसत हुंदे मैं आपणे जोगी रोटी बणा लैंदा। आटा गुंनहण ते फुलके बणाउण दी जाच हुण आ गई सी। वैसे खाण लई होर चीज़ां वी हुंदीआं हन जिवें लंच लई पीज़ा, बरगर, नाशते लई सीरीअल, मफिन आदि।

पंज दिनां दी दौड़-भज्ज बाअद वीकऐंडां ’ते रैसट मिल जांदी सी पर कुझ कंम वी हुंदे सन— अपारटमैंट दी सफाई, लांडरी मशीन ’च कप्पड़े धोण ते परैस्स करन दे कंम।

चिठ्ठीआं लिखण लई वी टाईम वीकऐंडां ’ते ही मिळदा सी। आदमपुरों आउंदे लिफाफे विच तिंन चिठ्ठीआं हुंदीआं सन, पतनी ते दोनां बच्चिआं दीआं। मैं वी तिंनां नूं लिखदा सां। छोटा बेटा अमरप्रीत वी बारां गरेड कर के सरकारी कालज हुशिआरपुर ’च दाखल हो चुक्का सी। दोनां नूं दिल ला के पहड़ाई करन लई प्रेरदा सां। बीबी अते भरावां नूं वी चिठ्ठी लिखदा सां।

किसे–किसे वीकऐंड ’ते रणजीत, जसपाल जां सुरिंदरपाल वल्ल चला जांदा।

चंगेरे भविख्ख दी आस विच ज़िंदगी चल्ली जा रही सी पर परिवारक दूरी कदी–कदी उदास कर देंदी। परिवार नूं तां मिस्स करदा सां पर भूहेरवा नहीं सी। मेरी जाचे भूहेरवे दा शिकार उह लोक हुंदे हन जिनहां दी भारत विचली ज़िंदगी आपणे सूबे तक्क ही सीमत हुंदी है। मैं एअरफोरस दी सरविस दौरान भारत दे अनेकां सथान गाहे होए सन। अंग्रेज़ी साहित पहड़िआ होण करके गोरिआं बारे कुझ पता वी सी। सो मेरे अंदर अज़नबीअत दा अहिसास नहीं सी। मैं तां सगों कनेडीअन सिसटमां ते जीवन–वरतारिआं नूं गहु नाळ वेख रिहा सां, घोख रिहा सां। मुखधारा दे लोकां नाळ गल्ल–बात करन लई भाशा दी कोई प्राबलम नहीं सी। अमरीकन अंग्रेज़ी दे प्रभाव वाळी कनेडीअन अंग्रेज़ी दे शबद शुरू ’च अज़ीब लगे सन पर छेती ज़बान ’ते चहड़ गए सन। पाठकां दी जाणकारी लई कुझ शबद— बिजली: हाईडरो, टारच: फलैशलाईट, सैल्ल: बैटरी, नौकरी देणी: हाइर करना, नौकरी तों बरखासत: फाइर करना, बिसकुट: कुक्की, टौफी: कैंडी, कप्पड़े धोणा: लांडरी करना, नाराज़ होणा: मैड होणा, आदि।

कुझ शबदां दे उचारण विच वी फरक है जिवें शडिऊल: शकैजुअल, इनवैंटरी: इनवैंटोरी, कनिंघम—कनिंगहैम

बिलडिंग विच चोरी

इक वीकऐंड ’ते बिलडिंग विच चोरी दी घटना वापर गई। मैं ‘आफ’ ते सां। मेरी शिफट पारट टाईमर कमिशनेअर कर रिहा सी। इक विअकती सकिउरटी–टेबल ’ते आ के उसनूं कहिण लग्गा कि उसने सटूडीओ ’च कुझ कुरसीआं सपलाई कीतीआं सन। उनहां दी कीमत दा चैक्क ‘पिक–अप्प’ करन लई उह तीजी मंजल ’ते जा रिहा ए।

जदों कमिशनेअर पास बणाउण लग्गा तां उसने किहा, “पास दी की लोड़ ए मैं बस्स गिआ ते आइआ। कमिशनेअर नें उस ’ते यकीन कर लिआ। पर इह उसदी कुताही सी। नियमां मुताबिक पास हर इक दा बणाउणा हुंदा सी, भावें कोई पंज मिंट लई आवे।

वीकऐंड होण करके करमचारी घट्ट सन। उनहां विच्चों वी कई लंच वासते बाहर गए होए सन। कोने दी कैबिन वाळी असिसटैंट प्रोडिऊसर सिंडी वाकर वी लंच ’ते सी। उसदा परस टेबल ’ते पिआ सी। चोर नें आसे–पासे देख के परस चुक्क के ओवरकोट थल्ले लुका लिआ ते काहले कदमीं बाहर निकळ गिआ।

लंच तों मुड़ के सिंडी नें देखिआ, उसदा परस गाइब सी। चंगी गल्ल इह होई कि परस विच कुझ डालर ते मेक–अप्प दा सामान ही सी। आई. डी, वीज़ा कारड, बैंक कारड उसदे कोळ सन। पर बिलडिंग विच्चों परस गुंम होणा गंभीर घटना सी। साथी करमचारीआं ’ते कोई शक्क–संदेह नहीं सी। विज़िटरां बारे जाणन लई पास चैक्क कीते गए। उस टाईम दौरान बिलडिंग विच कोई विज़िटर नहीं सी। कमिशनेअर शाइद लुकोअ रख्ख जांदा पर इक करमचारी नें बिनां-पास अज़नबी बंदे नूं पौड़ीआं उत्तरदे देख लिआ होइआ सी… कमिशनेअर नें कुताही सवीकार कर लई ते ‘इनसीडैंट रिपोरट’ लिख के डिटैचमैंट कमांडर नूं भेज दित्ती। उसने अगांह कोर हैडकुआटर नूं तोर दित्ती, नाळ लिख दित्ता कि सखत ऐकशन लिआ जावे। कोर नें पारट टाईमर कमिशनेअर नूं फाइर कर दित्ता।

सोमवार मैं जिस कमिशनेअर तों डिऊटी सांभी उस तों घटना बारे संखेप जाणकारी मिळी। पारट टाईमर कमिशनेअर नें घटना ‘लाग बुक्क’ ’च दरज कीती होई सी। उस विच उसने चोर दा हुलीआ जिवें उसदे रंग, अंदाज़न कद्द, भार ते ओवरकोट दे रंग बारे लिखिआ होइआ सी।

पहिले नियमां अनुसार कमिशनेअरां नूं खास विज़िटरां बारे ही अगाऊं सूचित कीता जांदा सी पर उप्रोकत घटना तों बाअद हर विज़िटर बारे अगाऊं सूचना दित्ती जाण लग्गी।

पहिली घटना तों महीना कु बाअद मेरी डिऊटी दौरान इक विअकती नें आ के किहा कि कुझ दिनां बाअद उसदी इंटरविऊ रिकारड होणी एं। उस संबंधी उह कुझ मैटर निऊज़ डिपारटमैंट ’च फड़ाउण जा रिहा ए। अगले दिनां विच इंटरविऊ लई आउण वाळे विज़िटरां दी सूची वाळा कागज़ उठाउंदिआं मैं उसदा नाम पुछ्छिआ। नाम दस्सण दी बजाए उह जैकट दीआं ज़ेबां विच हत्थ मारन लग्ग पिआ ते कहिण लग्गा कि मैटर वाळे पेपर तां उह घर ही भुल्ल आइआ सी। नाम, नां दस्सण अते उसदे चिहरे ’ते घबराहट दे चिंनह देख के मैनूं शक्क पई। शकल-सूरत तों उह टी. वी. ’ते पेश हुंदे बंदिआं वरगा नहीं सी जापदा। मेरे दिमाग विच चोर दा हुलीआ उभ्भर पिआ। उसने ओवरकोट नहीं जैकट पाई होई सी। पर रंग अते कद-बुत्त चोर नाळ मेळ खांदे सन। उह कहिण लग्गा कि उह कल्ल्ह आएगा। मैं हत्थ दे इशारे नाळ उसनूं रोक लिआ। मेरा मंतव उसनूं अटकाउणा सी। किसे नूं हिरासत ’च लैण दा सानूं अधिकार नहीं सी। हमदरदी दे रउं ’च मैं आखिआ, “बेकार गेड़े कारन तेरा मूड खराब हो गिऐ। दो कु मिंट अटक। मैं बाहर कौफी पीण जा रिहां, आपां ’कठ्ठे बहि के पीवांगे। एथे कंम करन लई मैं इक होर कमिशनेअर नूं फोन कर रिहां।” फोन उठा के मैं सहिज नाळ कोड नंबर दबा दित्ता। कोड राहीं मैं लागली बिलडिंग ’च सथित ‘सकिउरटी कंटरोल रूम’ नूं दस्सिआ सी कि मेरी पोसट ’ते कोई गड़बड़ है। शक्की बंदे नूं मैं बाहर पै रही बरफ बारे गल्लीं ला लिआ। ‘सकिउरटी कंटरोल रूम’ दे दो अधिकारी तुरंत आ गए। “शक्की बंदा है, पड़ताल करो।” मैं आखिआ। उह उसनूं लै गए। मैं इनसीडैंट रिपोरट लिख के डिटैचमैंट कमांडर नूं भेज दित्ती। उसने मेरी कारगुज़ारी दी प्रशंसा कीती।

अगले दिन पता लग्गा कि उह डरग्गी किसम दा चोर सी। सैंडी दा परस उसने ही चुराइआ सी। कुझ होर बिलडिंगां विच वी उसने चोरीआं कीतीआं सन। डिटैचमैंट कमांडर नें मेरी इनसीडैंट रिपोरट नाळ चोर बारे इह तत्थ वी कंपनी हैडकुआटर पुचा दित्ते।

ऐगज़ैंपलरी परफौरमैंस ऐवारड

कुझ दिनां बाअद डिटैचमैंट कमांडर नें फोन ’ते मैनूं मुबारकां दित्तीआं। मैं पुछ्छिआ “काहदीआं?” कहिंदा, “कोर हैड्डकुआटर नें तैनूं Exemplary Performance Award (मिसाली कंम लई इनाम) देण दा फैसला कीता है।”

मेरे कंम दी कदर पई सी। मन नूं खुशी होई। पर मैं इह वी समझदा सां कि मैं कोई माअरका नहीं सी मारिआ। आपणी डिऊटी निभाई सी। बिलडिंग नूं सुरख्खिअत रख्खणा मेरी डिऊटी सी, ज़िंमेवारी सी।

एअरफोरस ते बैंक विच वी जो कंम मैनूं दित्ते गए, उह मैं मिहनत अते लगन नाळ कीते। सुभाअ कहि लओ, असूल कहि लओ, नौकरी तों इलावा मैं सिरजणातमिक अते घर–बार दे कंमां समेत हर कंम निठ्ठ के करदा हां। चलावें ते डंग-टपाऊ कंम मेरी रूह नूं परवान नहीं। संपूरनता (Perfection) मेरे सुभाअ ’च समाई होई ए।

कोर हैडकुआटर तों हर महीने छपदे ‘कोर आरडरज़’ विच वी ऐवारड दी खबर छप गई सी। कोर अते सी. बी. सी दे करमचारी मेरे कंम नूं पहिलां ही पसंद करदे सन। उनहां दी पसंद हुण होर गूहड़ी हो गई सी।

कोर दी सलाना पारटी ’च कमांडैंट अते बोरड आफ डाइरैकटरज़ दे चेअरमैन नें मैनूं अते इक होर डिटैचमैंट दे कमिशनेअर नूं ऐवारड प्रदान कीते। उस पारटी विच दूजीआं डिटैचमैंटां दे भारती मूल दे कमिशनेअरां नाळ वी मुलाकात होई। उनहां विच बहुते उच अहुदिआं दे साबका अफसर सन— करनल राणा, करनल खहिरा, कोर ’च इंसपैकटर दे रैंक वाळा करनल हरबंस गिल्ल, करनल गरेवाल जो वारंट अफसर दे रैंक नाळ एअरपोरट दी वड्डी डिटैचमैंट दी सुपरवाइज़री टीम ’च सी, मेजर भिंडर, मेजर अमरजीत साथी टिवाणा (साहितकार) मेजर बलदेव सिंघ गिल्ल, कैपटन नरंजण सिंघ गिल्ल, पैटी अफसर (नेवी) हरदीप सिंघ दिओल, सूबेदार गुरदेव सिंघ डेल, सूबेदार रंधावा… । होर वी कई सन पर सारिआं दे नां याद नहीं। पाकिसतान दे साबका फौजी अफसर वी सन— विंग कमांडर (एअर फोरस) खान, सूबेदार अनाइत उला, कैपटन अहिमद, एने कु ही याद हन।

साडी डिटैचमैंट दे, डिटैचमैंट कमांडर तों दूजे नंबर वाळा, सारजैंट डौन किसे होर डिटैचमैंट विच चला गिआ। उस पोसट वासते डिटैचमैंट कमांडर लैरी हाईन नें कोर हैडकुआटर नूं दो नां भेजे, गोरे टैरी कौचिंग दा ते मेरा। टैरी मैथों सीनीअर सी। उसदी सरविस 4 साल तों उप्पर सी जदों कि मेरी सिरफ डेढ साल। कुझ कमिशनेअरज़ टैरी तों वी सीनीअर सन पर प्रमोशन वासते सीनिओरटी नहीं, समरत्था देखी जांदी सी। टैरी दी सरविस–बुक विच इक ‘नैगेटिव’ ऐंटरी’ सी। उह रात दी शिफट दौरान सुत्ता होइआ फड़िआ गिआ सी। कमांडैंट नें मैनूं सारजैंट दी प्रमोशन दे दित्ती। खुशी दे नाळ मैनूं हैरानी वी होई। एनी छेती सारजैंट बणन दी गल्ल मेरे चित्त-खिआल वी नहीं सी। लैरी नूं आखी “थैंक यू” मेरे धुर अंदरों निकळी सी। टैरी नूं तकलीफ होई सी पर कर कुझ नहीं सी सकदा। लैरी वल्लों घूरन ’ते ठीक हो गिआ सी।

मेरी पोसट लैरी नाळ 90 सुमैक सटरीट ’ते सी। उसदी शिफट सवेरे 7 तों 3 वजे तक्क सी। मेरी 3 तों रात दे 11 वजे तक्क। 11 तों सवेरे 7 तक्क दी शिफट किसे होर दी सी। पंज मंजली बिलडिंग दा मुख्ख दवार लौबी ’च खुल्ल्हदा सी। लौबी दे सज्जे पासे पौड़ीआं ते खब्बे पासे ‘कमिशनेअर–रूम’ सी। विचाले दो ऐलीवेटर सन। साडे रूम दी इक खिड़की लौबी ’च खुल्हदी सी। असीं करमचारीआं दे पास लौबी ’च खहड़ के चैक्क करदे सां। पास दिखा के उपरलीआं मंजलां ’ते जाण वाळे ऐलीवेटर फड़ लैंदे ते ज़मीनी मंज़ल ते कंम करन वाळे लौबी विचीं आपणे डिपारमैंटां नूं चले जांदे। जदों असीं बिज़ी हुंदे तां करमचारी खिड़की राहीं पास चैक्क करवा लैंदे। मरद करमचारी ज़िआदा सन, औरतां घट्ट। दूजा दरवाज़ा बिलडिंग दी साईड ’ते सी जो बंद रहिंदा सी। सिरफ इलैकट्रानिक कारड नाळ ही खुल्लदा सी। उह कारड कुझ खास करमचारीआं कोळ ही सन। विज़िटर एथे वी आउंदे सन पर घट्ट। पास सिसटम कारलटन बिलडिंग वाळा ही सी।

इस लोकेशन नूं सी. बी. सी दी डिज़ाईन बिलडिंग किहा जांदा सी। इस विच सैट डिज़ाईन, सैट डैकोरेशन, कासटयूम डिज़ाईन, सपैशल इफैकटस दे डिपारटमैंटां तों इलावा टरांसपोरट डिपारटमैंट वी सी, जिस विच कारां, वैनां, छोटे–वड्डे टरक्क ते मुबाइल जनरेटर सन। सारीआं वाहनां दीआं चाबीआं साडे रूम ’च हुंदीआं सन। चाबी लैण वाळे करमचारी नूं ‘वहीकल लाग बुक्क’ विच आपणा नां ते मकसद वगैरा दरज करना हुंदा सी। सी. बी. सी ते करमचारीआं दीआं वाहनां वासते बिलडिंग दे मूहरे, पिछवाड़े अते सज्जे-खब्बे पारकिंग लौट सन। चारे लौटां ’च कैमरे फिट कीते होए सन। लौटां ’च आ, जा रहीआं वाहनां दीआं, पल-पल दीआं तसवीरां टेप ’ते रिकारड होण दे नाळ-नाळ मौनीटर ’ते वी प्रतीबिंबत हुंदीआं सन। वड्डी सकरीन वाळा मौनीटर साडे टेबल दे साहमणे सी।

कासटयूम डिपारटमैंट सभ तों वड्डा सी। चौथी मंजल ’ते वड्डे हाल विच सोळवी सदी तों लै के मौजूदा समें तक्क दे कई वरगां दे मरदां–औरतां दीआं पुशाकां, लाईनां बणा के हैंगरां ’ते टंगीआं होईआं सन। बिलडिंग विच सी. बी. सी दे प्रोगरामां जिवें डरामे, डाकूमैंटरीआं, कामेडी सीरीज़, आईस हाकी, बासकिटबाल, बेसबाल आदि खेडां, कनेडा दे दिनां–तिउहारां अते सपैशल ईवैंटस दी शूटिंग वासते सैट्ट बणाउण, सजाउण ते कलाकारां/ पेशकारां दीआं पुशाकां तिआर करन दे कंम कीते जांदे सन। सैट्ट बणा के उसदे छोटे–वड्डे पारट शूटिंग-लोकेशन ’ते लै जांदे सन, जोड़न–बीड़न दा कंम ओथे कीता जांदा सी।

उनहां दिनां विच सी. बी. सी दे चरचित डरामे, ‘Conspiracy of Silence’ (चुप्प दी साज़स) दी आऊटडोर शूटिंग चल रही सी। ‘टरांटो सटार’ अखबार दी पत्तरकार लीज़ा परीसट दी इसे नां दी पुसतक ’ते आधारित इह डरामा इक नेटिव मुटिआर हैलन बैटी ओसबोरन नां दी कुटमार ते कतल दी वासतविक कहाणी है। इह घटना 1971 ’च मैनीटोबा सूबे दे कसबे पैस विच वापरी सी। कातल चार गोरे सन। कसबे दे कुझ लोकां नूं उनहां बारे पता सी पर नसलवादी सोच कारन उनहां चुप्प धार लई। पुलिस नूं सहियोग नां दित्ता। आखर 16 साल बाअद पुलिस नें सूह कढ्ढ लई ते दोशीआं नूं नप्प लिआ। नसलवाद दी अति घिनाउणी वारदात सी इह डरामे विच दिखाइआ घर अते होर द्रिश मैं आपणी बिलडिंग दे कारपैंटर’ सैकशन `च बणदे देखे सन।

लैरी दीआं ते मेरीआं डिऊटीआं विच करमचारीआं, विज़िटरां ते वाहनां दी आवाजाई नूं वाचण तों इलावा होर कंम वी सन। मैं डिटैचमैंट दे कमिशनेअरां दीआं हर हफते शकैजुअल बणाउंदा सां ते लैरी उनहां दी पेअ-रोल (तनखाह संबंधी लिसट) बणाउंदा सी। नाळ दी नाळ असीं दोवें होर सुपरवाईज़री कारज वी निभाउंदे सां, जिवें कंम संबंधी कमिशनेअरां दीआं समसिआवां नूं सुलझाउणा, बिमारी जां जरूरी कंम लई उनहां नूं ‘आफ’ दे के उनहां दी थां होर कमिशनेअरां दीआं डिऊटीआं लाउणीआं, मामूली कुताहीआं लई वारनिंग देणीआं, गंभीर कुताहीआं दीआं रिपोरटां अगले ऐकशन लई कोर हैडकुआटर नूं भेजणीआं आदि। हर शुकरवार लैरी ते मैं, वारी सिर, पोसटां दी चैकिंग करदे सां।

लैरी दा अपारटमैंट कंम तों लागे ही सी। उसने घर नहीं सी खरीदिआ। घर वासते करजे दी वड्डी पंड चुक्कणी उसदे अते पतनी नोवा दी सोच दे अनुकूल नहीं सी। उह अपारटमैंट विच ही संतुशट सन। अनेकां गोरे अपारटमैंटां विच ही रहिणा पसंद करदे हन।

लैरी ते नोवा दा दूजा विआह सी। लैरी दे पहिले विआह दीआं दो धीआं सन। दोवें विआहीआं होईआं। नोवा दे तिंन पुत्त सन। वड्डे दो आपो आपणे टिकाणिआं ’ते सन। तीजा छोटा सी। उह लैरी-नोवा नाळ रहिंदा सी।

मैं कदी-कदी उनहां दे अपारटमैंट ’च चला जांदा। दो बैड रूम दा उह अपारटमैंट सी तां छोटा पर उनहां नें रैक, शैलफां ते कलौज़िट बणा के घर दी हर चीज सुहणे ढंग नाळ टिकाई होई सी। लैरी दे हत्थां विच कारीगरी सी। पाणी दीआं टूटीआं वगैरा दी ते कार दी छोटी–मोटी रिपेअर उह आप ही कर लैंदा सी। इस तरहां दी कारीगरी मैं होर गोरिआं विच वी देख रिहा सां। लैरी निघ्घे दिल वाळा बंदा सी।

पर घोख पूरी रख्खदा सी। कमिशनेअरां दीआं छोटीआं गलतीआं नज़र अंदाज़ कर देंदा पर लापरवाही ते वड्डी गलती प्रवान नहीं सी करदा। डिटैचमैंट विच मैथों सिवा इक पंजाबी होर वी सी। साडे दोनां दे कंम तों खुश होण करके, डिटैचमैंट विच खाली जगहा होण ’ते कोर हैडकुआटर तों बंदा मंगण समें उसदी तरजीह पंजाबी कमिशनेअर वासते हुंदी सी। सिट्टे वजों दो होर पंजाबी भरा साडे विच शामल हो गए सन।

लैरी नाळ मेरी खूब नेड़ता बण गई सी। उह मैनूं समाल बरद्दर (छोटा भरा) आखदा सी ते मैं उसनूं बिग्ग बरद्दर (वड्डा भरा)। उसदा कद्द साढे पंज फुट्ट ते नोवा दा छे फुट्ट तों उते सी। उनहां दे कद्द विच तां फरक सी पर सुभाअ मिळदे-जुळदे सन। इक–दूजे दे अंग-संग उह ज़िंदगी नूं माण रहे सन।

नोवा नूं इह दस्सण ’ते कि मेरा परिवार इंडीआ ’च है, उह हैरान होई सी। मेरा परिवार तों दूर ते परिवार दा मैथों दूर रहिणा उसनूं अज़ीब लग्गा सी। फिर जदों वी मुलाकात हुंदी उह मेरे परिवार दे चिठ्ठी-पत्तर ते उनहां दी राज़ी-खुशी बारे ज़रूर पुछ्छदी।

उह दोवें मैथों सिख्ख कमिऊनिटी बारे पुछ्छदे रहिंदे। सिख्खां दी अरदास विच ‘सरबत दे भले’ दा कथन उनहां नूं चंगा लग्गा सी। ‘जिन प्रेम कीओ तिन ही प्रभ पाइओ’ दा अंग्रेज़ी अनुवाद उनहां नूं ईसाई मत्त दे ‘लव इज़ गौड’ दा समान–अरथक जापिआ सी। गुरदवारिआं विच लंगर अते पंजाबीआं दीआं विआह-पारटीआं विच महिमानां लई मुफत शराब ते भोजनां दीआं गल्लां सुणदिआं,हैरानी जिही ’च उनहां दे मूहों ‘ओ-वाओ, ओ-वाओ’ दे शबद निकळ जांदे।

‘कोर आफ कमिशनेअरज़’ विच सुपरवाईज़रां नूं ‘ऐडवांसड टरेनिंग कोरस’ करवाइआ जांदा सी। मेरा नंबर सतंबर, 1990 ’च लग्गा। दो हफते दा उह कोरस टरांटो तों 190 किलोमीटर दी दूरी ’ते पैंदे लंडन शहिर दे ‘कनेडीअन फोरसज़ बेस’ (छाउणी) ’च आयोजित कीता गिआ।

‘कमिशनेअरज़’ दीआं तिंन डवीज़नां— उनटेरीओ, ब्रिटिश कोलंबीआ ते अलबरटा दे 60 कमिशनेअर ‘सुपरवाईज़र कोरस’ विच शामल होए। कुझ लेडी कमिशनेअर वी सन। इक करेबीअन ते मैथों सिवा सभ गोरे-गोरीआं। तीहां-तीहां दीआं दो कलासां बणाईआं गईआं। इंसटरकटरां तों इलावा सकिउरटी खेतर दे माहिरां दे लैकचर वी करवाए गए।

साडी रिहाइश ऐस. ऐन. सी. ओज़ (Senior Non Commissioned Officers) दीआं बैरकां ’च सी। चार–चार बैड्डां दे बलाक बणाए होए सन। हरेक दो बलाकां विचकार सांझे वाशरूम सन। सवेरसार गोरे बैड्डां तों उठ्ठ के, वाशरूमां नूं अलफ नंगे ही चल पैंदे। मैनूं बड़ा अज़ीब लग्गा। पता लग्गण ’ते कि इह उनहां दा लाईफ–सटाईल सी, उह मामला मेरे लई आम जिहा बण गिआ।

साडा खाण–पीण वी उप्रोकत फौजीआं दी मैस्स विच सी। खाण-पीण लई बहुत कुझ सी। नाशते विच कई तरहां दे जूस, सीरीअल, दुध्ध, डोनट्ट, बरैड्ड, जैम, बटर, उब्बले होए आंडे। लंच डिनर विच चिकन, लेले दा मीट, उब्बलीआं सबज़ीआं, सलाद, चौळ, बरैड्ड, फरूट आदि। इक दिन उस मैस्स विच कोई फंकशन सी। साडे खाणे दा प्रबंध हेठले रैंकां दी मैस्स विच कीता गिआ। उस मैस्स दे खाणे दा सटैंडरड वी ऐस. ऐन. सी. ओज़ दी मैस्स वाळा ही सी। खाणे दी उह बराबरता मैनूं बहुत चंगी लग्गी। भारती हवाई सैनां दीआं मैस्सां दी कुआलिटी विच फरक रख्खिआ जांदा है।

कोरस दौरान मैं देख रिहा सां कि गोरिआं विच काबल वी सन ते साधारन जिहे वी। कुल्ल मिळा के उनहां दी काबलीअत दा पध्धर भारतीआं नाळों उच्चा नहीं सी। मेरी सारिआं नाळ ठीक निभ रही सी। आपणे बलाक वाळिआं नाळ शाम नूं सैर लई जांदा सां।

कोरस दे अख़ीर विच दो टैसट होए। पहिले विच इक गुंझलदार घटना ’ते इनसीडैंट रिपोरट लिखवाई गई।

दूजे टैसट वासते छे–छे कमिशनेअरां दे 10 गरुप्प बणाए गए। हर गरुप्प दे हरेक कमिशनेअर नूं इंचारज बणा के, उस अग्गे इक संकटमई सथिती रख्खी गई। उस सथिती नूं नजिठ्ठण लई इंचारज नें मित्थे समें विच पलान बणाउणी सी। उह आपणे गरुप वाळिआं दी सलाह–सहाइता लै सकदा सी। इस टैसट दा मकसद संकटमई सथितीआं समें हर सुपरवाइज़र दे ठरहंमे, हौसले ते उसदी पलानिंग–योगता नूं परखणा सी। सथितीआं कोरस विच पहड़ाए गए विशिआं नाळ संबंधित सन। यानि जो सानूं पहड़ाइआ गिआ, उसदी प्रैकटीकल तौर ’ते वरतों करनी सी। गरुप्प तों पासे बैठा इक इंसटरकटर, इंचारज दी कारगुज़ारी नाळ दी नाळ नोट करी जांदा। अखीर विच सारिआं नें आपो आपणी पलान हाल विच पेश करनी सी। हाल विच सारे कमिशनेअरां, इंसटरकटरां तों सिवा तिंनां डवीज़नां दे ओपरेशनज़ आफिसर वी सन जो उस दिन उचेरे तौर ’ते पहुंचे सन।

मैनूं दित्ती गई सथिती इह सी: ‘इक चार मंज़ली बिलडिंग विच दो कमिशनेअरज़ डिऊटी ’ते हन, इनचारज वजों मैं ते मेरा सहाइक। साडे दोनां कोल ‘वाकी-टाकी’ हन। बिलडिंग विच अग्ग लग्ग गई है। उस विच कंम करदे 200 बंदिआं नूं सुरख्खिअत बाहर कढ्ढण लई 10 मिंटां विच पलान बणाउणी है।’ बिलडिंग दा नकशा मेरे टेबल ’ते सी।

मैं सभ तों पहिलां फौरी ऐकशन लई ऐमरजैंसी नंबर 911 ’ते फोन करके बिलडिंग दा ऐडरैस्स दस्स दित्ता। फिर पंजां साथीआं विचों इक नूं आपणा सहाइक बणा लिआ। बाकी चार, बिलडिंग ’च जिहड़ा महिकमा कंम करदा सी, उस महिकमे दे मुख्ख अधिकारी मिथ लए— इक मैनेजर ते तिंन असिसटैंट मैनेजर। असिसटैंट मैनेजर उप्परलीआं तिंन मंज़लां दे निगरान बणा दित्ते। उनहां नूं समझाइआ कि आपो-आपणी मंज़ल ’ते जा के उह पहिलां खिड़कीआं बंद करन तां कि अग्ग नूं फैलण तों रोकिआ जा सके अते बिनां किसे हफड़ा–दफड़ी दे बंदिआं नूं संकट–दरवाजिआं राहीं पौड़ीआं वल्ल तोरन। बिलडिंग दे उत्तरी हिस्से दे बंदे उत्तर वल्ल दीआं पौड़ीआं ते दख्खणी हिस्से दे दख्खण वल्ल दीआं पौड़ीआं वरतण। अपाहजां दी सहाइता लई मंज़ल दा निगरान किसे योग बंदे नूं ज़िंमेवार बणावे। ऐलीवेटर बिलकुल नां वरते जाण। अग्ग नाळ ऐलीवेटरां दे कुनैकशनज़ सड़न कारन ऐलीवेटर विचले बंदे विच–विचाले फस सकदे सन। ज़मीनी मंजल दी देखभाल मैं आपणे ज़िंमे लै लई। मैनेजर नूं आखिआ कि खड़े पैर कोई फैसला लैण लई उह मेरे नाळ रहे। आपणे सहाइक नूं हदाइत कीती कि उह हर मंजल ’ते गेड़ा रख्खे। अग्ग नाळ गंभीर ज़खमी होए किसे बंदे नूं जे सहाइता नां मिळी होवे, मैनूं वाकी–टाकी ’ते दस्से। मैं अग्ग बुझाउण ’च जुटे करमचारीआं अते ऐबूलैंसां वाळिआं नूं सूचित कर सकदा सां। इस पलान बारे मैं पंजां साथीआं दी राइ पुछ्छी। इक–दो नुकतिआं ’ते विचार करन बाअद उनहां पलान ओ. के कर दित्ती। पलान अठ्ठ मिंटां विच तिआर हो गई।

मेरे कहे अनुसार, मेरा सहाइक पलान दे सारे पुआइंट नाळ दी नाळ नोट करी गिआ। उनहां पुआंइटां नूं ज़रा कु विसथार दे के मैं पलान, पेशकारी वासते तिआर कर लई।

पलानां दा सिलसिला मुक्कण बाअद सारे जणे हाल विच पहुंच गए। सुपरवाईज़र आपो-आपणी पलान पेश करन लग्ग पए। जिवें पहड़ाइआ गिआ सी, पेशकारी दौरान असीं सारिआं नें आपणे पेपर ’ते झात मारन दे नाळ-नाळ सरोतिआं नाळ वी अख्खां मिळाईआं।

दो को हफते बाअद टैसटां दी रिपोरट कोर हैडकुआटर तों हुंदी होई लैरी अते मेरे तक्क पहुंच गई। पहड़ के मन खुश हो गिआ। मेरी इनसीडैंट रिपोरट नूं, सारे नुकते छुंहदी सपश्शट ते गुंदवी रिपोरट आखिआ गिआ सी।

पलान बणाउण समें दरसाए ठरहंमे, हौसले, सूझ-बूझ, डिऊटीआं दी ढुक्कवीं वंड दे मेरे गुणां बारे प्रशंसकी शबद लिखे होए सन। टैसटां दी वधीआ रिपोरट दी, लैरी नूं मेरे नाळो वी वध्ध खुशी होई। “वैल्ल डन, समाल बरद्दर” आखदिआं उसने मैनूं जफ्फी पा लई।

साडे अपारटमैंट विच्चों सुरजीत अमरीका चला गिआ। पिआरे दा, एथों दे इक पंजाबी परिवार दी लड़की नाळ, विआह दा सबब्ब बण गिआ। रहि गए असीं तिंन जणे। साडे लई कराइआ ज़िआदा सी। सतनाम नें आपणा बंदोबसत लागली बिलडिंग ’च कर लिआ। मेरी मुढली टरेनिंग दा साथी चरनजीत सिंघ चीमा जिस अपारटमैंट ’च रहिंदा सी ओथे खुश नहीं सी। मैं उस नाळ गल्ल कीती। उसने वख्खरा अपारटमैंट किराए ’ते लै लिआ। मैं ते रुळीआ राम उस नाळ जा रळे। रुळीआ राम वाळी फैकटरी ’च कंम करदा भजन सिंघ सैणी वी साडे विच शामल हो गिआ। चारे बाल-बच्चेदार सां। चीमा साथों उमर विच काफी वड्डा सी। दो बैड्डरूम दा उह अपारटमैंट सटीलज़ ते जेन सड़कां दे इंटरसैकशन ’ते सी। भजन दालां-सबज़ीआं बणाउण दा कारीगर सी ते रुळीआ राम फुलके लाहुण दा। सलाद अते तुड़के छिलण-चीरन दी डिऊटी मेरी सी। चीमे कोल कार सी। गरौसरी लिआउण दी ज़िंमेवारी उसदी सी। भजन सिंघ ते रुळीआ राम कदी-कदी पैग्ग ला लैंदे पर हिसाब नाळ।

कंम ’ते पहुंचण लई एथों वी डेढ घंटा लगदा सी। सवेरे उठ्ठ के नहाउण-धोण, बरेकफासट ते लंच बणाउण, अठ्ठ घंटे जौब ’ते, तिंन घंटे जाण-आउण दे, चल्ल–सो–चल्ल वाळे उस रुटीन विच अकेवां महिसूस करदिआं कदी-कदी मन उदास हो जांदा। इक वीक ऐंड ’ते उदासी तों राहत लभ्भदे मन विच उनटारीओ झील उभ्भर पई। साथीआं नूं पुछ्छिआ। उनहां नूं झील नाळ कोई दिलचसपी नहीं सी।

मैं बस्स फड़ी ते पहुंच गिआ। समुंदर वरगी झील दे किनारे बैठिआं मैं महिसूस कीता कि उनटारीओ झील दे पाणी दा नाता मेरे मन तों वी अगांह मेरी होंद, मेरे जीवन नाळ है, मेरे ही नहीं अनेक लोकां दे जीवन नाळ…गरेटर टरांटो दे लख्खां लोक आपणे खाण–पीण, नहाउण–धोण अते घरां नूं साफ-सुथरे रख्खण लई इस झील दे शुध्ध कीते पाणी ’ते निरभर हन। इस विशेश नाते करके ही, उस दिन किनारे ’ते बैठिआं मैनूं पता ही नां लग्गा कि मैं किहड़े पल झील नाळ इकमिक्क हो गिआ।

फिर जदों वी मन उदास हुंदा मैं उनटेरीओ झील नूं मिलण चला जांदा। पर सरदीआं दे ठंढे मौसम विच बाहर घुंमणा–फिरना संभव नहीं सी। ठरिआ–सुंना वातावरण वी चंगा नहीं सी लगदा। चारे पासे बरफ कज्जी धरत, बिलडिंगां, घरां, सड़कां दे आळे-दुआळे जमहां होई बरफ दे टिब्बे, बरफबारी दे बद्दलां नाळ सुंगड़िआ–घुट्टिआ आकाश— इह सारे द्रिश उदासी पैदा करदे सन। मनफी 25-30 सैलसिअस वाळे बरफीले दिनां विच गोडे–गोडे बरफ ’च तुरदिआं अते हड्ड–चीरवीं ठंढ ’च बस्स उडीकदिआं सरीर सुंन हो जांदा। इह सारीआं कठिनाईआं–दुशवारीआं मैनूं प्रेशान तां करदीआं सन पर इनहां नूं मैं मन ’ते सवार नहीं सी होण देंदा… कनेडा दा इंमीगरांट बणन लई कंम करना ज़रूरी ही नहीं अती ज़रूरी सी।

दसंबर 1991 विच मैनूं इंमीगरेशन महिकमे दी चिठ्ठी आ गई, इंटरविऊ वासते। चिठ्ठी लै के मैं इक इंमीगरेशन कंसलटैंट नूं मिळिआ। उसने मेरी पहड़ाई, इंडीआ ते एथों दीआं जौबां अते साहितक कारजां बाबत केस तिआर कर लिआ। दित्ती होई तारीख ’ते असीं हाज़र हो गए। लेडी इंमीगरेशन अफसर नें गल्ल शुरू करदिआं दस्सिआ कि इंटरविऊ दा मकसद मेरे केस नूं मानववादी हितां दे आधार ’ते परखणा सी। केस पहड़ के उसने मेरे वल्ल तक्किआ अते तसल्ली दे रउं ’च बोली, “सो यू आर कमिशनेअर।” “यैस आई ऐम।” आखदिआं मैं हुंगारा भरिआ। “ही इज़ आऊटसटैंडिंग कमिशनेअर।” कंसलटैंट नें आखिआ। इंमीगरेशन अफसर नें सिर हिला के पुशटी कीती। “इंडीअन एअर फोरस दी सरविस दा कोई डौकूमैंट है?” उसने पुछ्छिआ। मैं डिसचारज–बुक्क फड़ा दित्ती। उस विच मेरा करैकटर ते जनरल बिहेवीअर ऐगजैंपलरी (मिसाली) लिखिआ होइआ ए। अगांह उसने कोई सवाल नां कीता। कहिण लग्गी, “मैं तुहाडा केस प्रवान कर लिआ है। असीं इंडीआ तों तुहाडी सकिउरटी चैक्क करवाउणी है। जदों उसदी रिपोरट ठीक–ठीक आ गई तुहानूं लैंडिड–पेपर मिळ जाएगा।” (अज्ज कल्ल्ह पी. आर कारड है, उदों लैंडिड पेपर हुंदा सी) “थैंक यू।” आख असीं बाहर आ गए। बाहर बरफ पै रही सी। उह बरफ मैनूं चंगी लग्गी सी। मन जु खुश सी। उस खुशी विच्चों भविख्ख दीआं होर खुशीआं दे संकेत वी नज़र आ रहे सन।

जौब ठीक चल्ल रही सी। कारलटन सटरीट वाळी बिलडिंग दे करमचारीआं नाळ हाइ–हैलो उनहां दे कंम ’ते आउण समें ही हुंदी सी। बिलडिंग दे अंदर जाण दी लोड़ नहीं सी पैंदी। पर सुमैक सटरीट वाळी बिलडिंग विच आपणी शिफट दौरान मैं दो वार पैटरोलिंग करदा सां। पैटरोलिंग समें करमचारीआं दे सैकशनां–कैबिनां कोलों लंघदिआं वी हाइ–हैलो जां हाल पुछ्छण–दस्सण दे मौके बण जांदे। मैथों वाहनां दीआं चाबीआं लैण–मोड़न समें वी उनहां नाळ गल्ल–बात हो जांदी। टरांसपोरट इंचारज ऐनथनी कदी–कदी मेरे लई वी कौफी दा कप्प लै आउंदा ते असीं इकठ्ठे बहि के पींदे। डिज़ाईन दे समुच्चे डिपारमैंट दी डाइरैकटर जेन फेअरले बहुत चंगी सी। उस नाळ सांझे हुंदे बोल सिरफ “गुड्ड डेअ” “गुड्ड नाईट” तक्क ही सीमत नहीं सन। उह मेरा हाल वी पुछ्छदी सी। सो वकत सुहणा बीत रिहा सी। पर लैरी दे जौब छड्डण दे मामले नें मैनूं उदास कर दित्ता। उसदी, डाइनासोर बारे किताब लिखण दी सकीम सी। उसने खोज करके काफी मैटर तिआर कीता होइआ सी। मेरी सोच अनुसार किताब जौब करदिआं वी लिखी जा सकदी सी। पर लैरी महांनगर दी हफड़ा–दफड़ी तों दूर, किसे शांत टिकाणे ’ते जा के लिखणा चाहुंदा सी। उसदे धी–जुआई टरांटो तों पूरब वल्ल काफी दूर इक पिंड ’च रहिंदे सन। उह शांत जगहा मैं लैरी नाळ देखी होई सी। लैरी, नोरा ते उनहां दा छोटा पुत्तर ओथे चले गए। आपणा अपारटमैंट उनहां वेच दित्ता।

कोर हैड्डकुआटर नें मैनूं वारंट अफसर दी तरक्की दे के डिटैचमंट कमांडर बणा दित्ता। मेरे कहिण ’ते साडी डिटैचमैंट दा जौहन बेकर सारजैंट बणा दित्ता गिआ। मेरी शिफट सवेर दी हो गई, सवेरे 7 तों 3 वजे तक्क ते मैथों अगली शिफट जौहन करन लग्ग पिआ। लैरी नाळ फोन ’ते गल्ल–बात हुंदी रहिंदी, पर मैं उसनूं मिस्स कर रिहा सां।

22 मई 1992 मेरी ज़िंदगी दा विशेश दिन है। इंमीगरेशन महिकमे दे सद्दा–पत्तर मुताबिक मैं उनहां दे दफतर पहुंच गिआ। संबंधित इंमीगरेशन अफसर नें मैनूं आपणे साहमणे बिठा लिआ। दो कु थाईं मेरे दसतखत करवाए अते लैंडिड पेपर फड़ाउंदिआं हत्थ मिळा के, कनेडा दा इंमीगरांट बणन दी वधाई दित्ती। परिवार नूं सपांसर करन वाळे फारम वी उसने लिफाफे विच पा दित्ते। उसनूं “थैंक यू” आख, खुशी ’च खिड़िआ मैं उठ्ठ पिआ।

लैंडिड पेपर मैनूं पौणे चार साल दी मिहनत बाअद मिळिआ सी। मिहनत नाळ मिली सफलता जित्थे साडे सवै–विशवास नूं पकेरा करदी है, ओथे साडे सुपनिआं नूं वी जीवंत रख्खदी है। आदमपुर साडे गवांढी अविनाश भाखड़ी दे घर टैलीफोन सी। पतनी ते बच्चिआं नूं ओथे सद्द के, खुशखबरी दित्ती। उह बहुत खुश होए। उनहां अगांह, पिंड मेरी बीबी ते भरावां नूं वी खबर पहुंचा दित्ती।

अगले दिन मैं सपांसरशिप फारम भरे ते डाक ’च पा दित्ते।

सी. बी. सी नें आपणी बिलडिंग बणा लई सी। किराए दीआं बिलडिंगां विच्चों आपणी बिलडिंग विच शिफट करन दा सिलसिला शुरू हो गिआ। सभ तों ज़िआदा सामान ते नफरी साडी बिलडिंग ’च सी। ढोअ–ढुआई महीने तों वध्ध चल्लदी रही।

बिलडिंग छडण समें सारे करमचारी तां नहीं पर ऐनथनी वरगे कई हत्थ मिळा के विदा होए। उनहां मैनूं ते मैं उनहां नूं चंगेरे भविख्ख लई शुभ इछावां दित्तीआं।

डाइरैकटर जेन फेअरले नें नवीं बिलडिंग तों विशेश चिठ्ठी भेजी सी, जिस विच उसने मेरे कंम ते विहार बारे प्रशंशकी शबद लिखे सन ते डिज़ाईन–बिलडिंग विच वधीआ सकिउरटी सेवावां देण लई मेरा हारदिक धंनवाद कीता सी। मेरे चंगेरे भविख्ख लई शुभ कामनावां वी भेजीआं सन।

बिलडिंगां खाळी तां हो चुक्कीआं सन पर सी. बी. सी वल्लों अजे मालकां नूं सौंपीआं नहीं सन गईआं। सकिउरटी दा कंम चल्ल रिहा सी। कांटरैकट खतम होण तक्क, कोर हैड्डकुआटर नें सारजैंट जौहन बेकर नूं डिटैचमैंट कमांडर बणा दिता ते मेरी बदली ‘कनेडीअन फोरसज़ बेस’ यानि फौजी छाउणी विच कर दित्ती।

कनेडीअन फोरसज़ बेस ’च

‘कनेडीअन फोरसज़ बेस’ कील–शैपरड, सड़कां दे इंटरसैकशन दे लागे सी। साडे अपारटमैंट तों बस्स दा 15 मिंट दा सफर।

उस डिटैचमैंट विच 10 पोसटां सन, 5 बेस विच ते 5 दूर–नेड़े दीआं लोकेशनां ’ते। कमिशनेअरां दी गिणती 43 दे करीब सी। मासटर वारंट अफसर फरैड्ड करनेगी डिटैचमैंट कमांडर सी। ते मैं, बतौर वारंट अफसर, ‘सैकिंड इन कमांड’ सां। डिटैचमैंट दा कंम–काज असीं मिलटरी पुलिस वलों बणाईआं होईआं गाईडलाईनज़ मुताबिक चलाउंदे सां।

सारीआं पोसटां दे कमिशनेअरां दीआं डिऊटीआं दीआं शकैजुअल मैं बणाउंदा सां। उनहां दी पेअ–रोल फरैड्ड बणाउंदा सी। साडा दफतर सपलाई डिप्पो दे लागे सी। हर रोज़ 10–15 टरक्क डिपो वासते सामान लै के आउंदे सन। उनहां टरक्कां नूं रजिसटर विच लौग करन दी डिऊटी मेरी सी। बाकी सुपरवाइज़री डिऊटीआं सी. बी. सी डिटैचमैंट वालीआं ही सन।

कोर वल्लों सानूं कार मिळी होई सी। हर शुकरवार फरैड्ड ते मैं वारी सिर पोसटां दी चैकिंग करदे सां। उंज वी हर दूजे–चौथे दिन किसे नां किसे पोसट ’ते जाण दी लोड़ पै जांदी सी। वीक–ऐंड ’ते असीं दोवें ‘आफ’ हुंदे सां।

फरैड्ड आदरशवादी सी, इक्को पतनी संग ज़िंदगी बिताउण वाळा गोरा। उह ते उसदी पतनी कैरल आपणी 36 साल लंमी विआहुता–ज़िंदगी ’ते माण महिसूस करदे सन। मौत तों बाअद वी उनहां इक्को कबर ’च दफन होणा सी। पहिलां रुखसत होण वाळे नें कबर दे हेठले हिस्से विच ते बाअद वाळे नें उप्परले हिस्से ’च। कबरसतान विच उनहां कबर दी थां मुल्ल लै रख्खी सी। उनहां दीआं दो धीआं सन। वड्डी धी पती नाळ इकसुर हो के बच्चे पाळ रही सी। फरैड्ड उसदी सिफत करदा सी। छोटी पती नूं तलाक दे के किसे होर नाळ रहिंदी सी। फरैड्ड उस धी नूं गलत आखदा सी। उसने धी नाळों नाता तोड़ लिआ सी पर जुआई नाळ मेल–मिलाप रख्खिआ होइआ सी।

हुण तक मैं आपणी जौब अते होर रुझेविआं बारे ही गल्लां कीतीआं हन, सिरजणातमिकता बारे कोई गल्ल नहीं छोही। दरअसल सिरजणातमिक सरगरमी कोई है ही नहीं सी। कनेडा ’च विचरदिआं साहित जिवें मेरी सोच विच्चों ही विसर गिआ सी। नां कुझ लिखिआ नां पहड़िआ। पहड़न–लिखण दे मूड ही खतम हो गए सन। इंडीआ दे साहितक दोसतां नाळ वी कोई नाता नहीं सी रिहा। नां किसे नूं फोन नां चिठ्ठी।

सिरजणातमिकता लई मन विच चैन होणी ज़रूरी है। मन ’ते किसे मसले दा प्रैशर नहीं होणा चाहीदा। मेरे मन ’ते हैगा सी, इंमीगरेशन दे मसले दा। कामयाबी बारे मैनूं यकीन तां सी पर कामयाबी बैठे–बैठाए नहीं सी मिलणी। मेरा तन–मन संघरश ’च जुट्टिआ होइआ सी।

मन विच्चों साहित भावें विसर गिआ सी पर मेरी आळे–दुआळे नूं वेखण–घोखण दी आलोचनातमिक दिश्रटी कारजशील सी। मैं कनेडा दी विकसत पूंजीवादी विवसथा नूं घोख रिहा सां— घर अते बिलडिंगां बणाउण दा कारोबार अरबां–खरबां दे सरमाए वाळीआं कंपनीआं दे हत्थां विच है। गरौसरी ते कप्पड़े–लीड़े दे छोटे सटोर इंडो–कनेडीअन ते कुझ होर घट्ट गिणती कमिऊनिटीआं दे हन। मुख्ख धारा दी गरौसरी, कप्पड़ा–लीड़ा ते घरां दे होर सामान दा वपार वड्डे–वड्डे सटोरां नें सांभिआ होइआ है। उनहां सटोरां दे धनाढ मालकां दे इक–इक सटोर नहीं, सटोरां दीआं चेनां हन। इवें ही फासट–फूड, शराब, बीअर ते कौफी दीआं चेनां दूर–दूर तक्क पसरीआं होईआं हन।

पर मैं इह वी वेख रिहा सां कि लोक पूंजीवाद दे रहिमो–करम ’ते नहीं सन। कनेडा दा सिसटम लोकां दा मद्ददगार सी। बेरुज़गारी, कंम ’ते सट्ट लग्गण, अपाहज हो जाण दीआं हालतां विच कामिआं लई आरथिक सहाइता उपलबध सी। सिहत ते सिख्खिआ दीआं मुफत सेवावां, बुढापा पैनशन ते होर सहूलतां सदका लोकां दी ज़िंदगी सौखी सी।

मैं गल्ल कर रिहा सी, साहित नाळों नाता टुट्टण दी। इंमीगरेशन मिलण तों बाअद मैनूं साहितक खिआल फुरन लग्ग पए। किसे कोलों इकबाल रामूवालीआ दा फोन नंबर लै के मैं उसनूं काल कीता। कनेडा ’च पहिली वार किसे साहितकार नाळ संपरक कर रिहा सां। असीं क–दूजे नूं नावां तों तां जाणदे सां पर कदी मिळे नहीं सी। उसने सनेह नाळ गल्ल कीती। फिर कदी उह फोन कर लैंदा कदी मैं।

इक दिन उसने फोन ’ते इक साहितक प्रोगराम बारे दस्सिआ। वैनकूवर तों साडे कुझ लेखक आए होए सन। ऐलबीअन लाइबरेरी विच उनहां नाळ मिलणी दा प्रोगराम सी। जिस बस्स विच मैं गिआ, कुदरती ओंकारप्रीत वी उसे बस्स ’च सी। असीं इक दूजे नूं जाणदे नहीं सां। बस्स ’चों इकठ्ठे ही उत्तरे। मेरे कदमां दा रुख भांपदिआं उसने प्रशन कीता, “लाइबरेरी जा रहे ओ?”

“हां जी ओथे इक साहितक प्रोगराम है।” मैं दस्सिआ।

फिर उसने मेरा नां पुछ्छिआ। नां सुण के हिसाब जिहा लाउंदा बोलिआ, “इंडीआ ’च आदमपुर तों।”

“हां पर तुहानूं किवें पता?” मैनूं हैरानी होई।

“मैं इक वार तुहानूं आदमपुर मिलण गिआ सी। पर मैनूं तुहाडा घर नहीं सी लभ्भा।” फिर उसने दस्सिआ कि गज़लां लिखण दे नाळ–नाळ उसने कहाणीआं वी लिखीआं सन। कहाणीआं बारे राइ लैण लई उह जसवंत सिंघ विरदी कोल जांदा हुंदा सी। विरदी नें उसनूं मेरे बारे दस्सिआ ते मिलण लई किहा। पर जिहड़ा ऐडरैस्स उसने ओंकारप्रीत नूं दित्ता उह चिठ्ठी–पत्तर वाळा सी। उस विच घर दा नंबर ही सी, मुहल्ले दा नां नहीं सी। आदमपुर बहुत वड्डा कसबा है। घरां दे नंबर वी उघड़–दुगड़े हन, जिस करके उसनूं मेरा घर नां लभ्भा।

“ओथे तां मुलाकात होई नहीं पर एथे आपां मिलदे रहांगे।” मैं आखिआ।

वैनकूवर दे लेखकां गुरचरन रामपुरी, साधू बिनिंग, सुखवंत हुंदल, अजमेर रोडे ते सुरजीत कलसी नाळ जाण–पछाण तां नहीं सी पर उनहां नूं मिळ के चंगा लग्गा।

कुझ महीनिआं बाअद कैमलूपस वासी प्रगतीवादी शाइर सुरिंदर धंजल एथे आइआ। इकबाल नें उस नाळ मुलाकात रख्ख लई। मैं, ओंकारप्रीत ते उसदा दोसत सुरजीत फलोरा इकठ्ठे गए। उस प्रोगराम विच मेजर मांगट नाळ मुलाकात होई। मेजर राहीं उसदे बेलीआं कुलविंदर खहिरा ते बलतेज पंनूं नाळ संपरक हो गिआ। उदों एथे कोई साहित सभा नहीं सी। साडे छेआं विच साहित सभा दी गल्ल चल पई। इस बाबत पहिली मीटिंग मेजर दे घर होई। दो–तिंन मीटिंगां होर होईआं। विचार–वटांदरे तों बाअद असीं सभा बणाउण दा फैसला कर लिआ।

पंजाबी कलमां दा काफला दी सथापना

फरवरी 1993 ’च एथों दे साहितकारां ते साहित–प्रेमीआं दी मीटिंग विच प्रसतावित सभा दी लोड़ अते उदेश पेश करन तों बाअद सभा दे नां बारे सुझाअ मंगे गए। मिळे सुझावां विचों मेरा सुझाअ प्रवान होइआ— सभा दा नां ‘पंजाबी कलमां दा काफला’ रख्खिआ गिआ। सरबसंमती नाळ हेठ लिखे अहुदेदार चुणे गए।

प्रधान– जरनैल सिंघ, मीत–प्रधान— मेजर मांगट, जनरल सकत्तर— ओंकारप्रीत, सकत्तर— कुलविंदर खहिरा ते बलतेज पंनूं, खजानची— सुरजीत फलोरा।

काफले नें एथों दे लेखकां लई माहौल पैदा कीता। कवितावां, कहाणीआं ते गज़लांदी रचना आरंभ हो गई। मासिक मीटिंगां विच रचनावां पहड़न-विचारन दा सिलसिला चल पिआ। इंडीआ, अमरीका, इंगलैंड ते कनेडा दे दूजे शहिरां तों आउंदे लेखकां नाळ मुलाकातां शुरू हो गईआं। नव-प्रकाशत पुसतकां ’ते गोशटीआं होण लग्ग पईआं।

तिंन कु साल बाअद प्रधान वगैरा दीआं अहुदेदारीआं दी थां तिंन संचालकां दी प्रथा शुरू हो गई सी। हर दो साल बाअद संचालकां दी चोण सरबसंमती हुंदी है। समें-समें काफले दे होर मैंबर वी संचालक बणे हन पर ओंकारप्रीत ते कुलविंदर खहिरा दी वधीआ कारगुज़ारी दे आधार ’ते बहुती वार इनहां नूं ही मुख्ख संचालक चुणिआं जांदा है।

काफले दीआं मासिक मीटिंगां दा अजंडा भारी होण करके कहाणीआं पहड़न–विचारन लई ढुकवां समां नहीं मिळदा सी। कहाणीकारां नें काफले दी शाखा वजों ‘कहाणी मंच टरांटो’ दी सथापना कर लई। मंच दीआं त्रैमासक मीटिंगां विच नवीआं कहाणीआं ’ते वधीआ ढंग नाळ विचार–वटांदरा होण लग्ग पिआ।

काफले नाळ बणे साहितक माहौल दा असर होइआ… मैं कहाणी लिखी ‘जंग बनाम जंग’।

सही अरथां विच इह नवीं कहाणी नहीं सी। 12 साल पहिलां लिखी कहाणी ‘सुआह दी ढेरी’ नाळ नवां पसार जोड़िआ सी। उस कहाणी दा मुख्ख पातर हवाई सैनिक है जो भारत-पाकि जंग दौरान हवाई हमले ’च मारिआ जांदा है। इस कहाणी विच वी केंदरी घटना उही है। फरक इह है कि उस कहाणी दा मुख्ख पातर अणविआहिआ है ते इस (जंग बनाम जंग) कहाणी दा मुख्ख पातर विआहिआ होइआ। इस कहाणी विच मैं मुख्ख पातर दी मौत दी त्रासदी तों इलावा उसदी विधवा, यानि जंगी–विधवा दे दुख्खां–कशटां दी गाथा वी पेश कीती है।

इह कहाणी ‘वतन’ परचे विच छपी। साधू बिनिंग; सुखवंत हुंदल ते अमनपाल सारा दे सहियोग नाळ इह परचा कढ्ढदा सी।

विशेश ते सुभागा दिन

मेरे परिवार नूं वीज़े मिळ गए सन। मैं आपणा वख्खरा अपारटमैंट किराए ’ते लै लिआ। फरनीचर ते होर सामान खरीद लिआ। कार पहिलां ही खरीद लई सी।

19 अप्रैल 1993 नूं तिंने जीअ एथे पहुंच गए। पौणे पंज साल बाअद मिलाप दा उह दिन साडे जीवन दा विशेश ते सुभागा दिन है। दिलां विच उछाले मारदी खुशी नें सानूं चौहां नूं भावुक कर दित्ता। एअरपोरट ’ते पतनी ते पुत्तां नूं बाहां ’च भरदिआं मेरीआं अख्खां नम हो गईआं। कुलवंत दीआं अख्खां विच्चों तां हंझू वहि तुरे। खुशी ते मोह दे वेग विच मैं हरप्रीत ते अमरप्रीत नूं कई चिर छाती नाळ ला रख्खिआ। एअरपोरट तों सिध्धे गुरदवारे जा के असीं प्रमातमा दा शुकराना कीता। पूरा हफता असीं बहुत गल्लां कीतीआं। गल्लां जमहां होईआं पईआं सन। उदों अज्ज वांग टैलीफोनां दी सुविधा नहीं सी।

रिशतेदारां वल्लों पारटीआं शुरू हो गईआं। जिस वीक ऐंड ’ते कोई पारटी नां हुंदी असीं कनेडा दीआं विशेश थावां देखण चले जांदे। सभ तों पहिलां असीं सी. ऐन. टावर गए। इस टावर बारे मैनूं जाणकारी तां सी, टिकटां लैण समें ओथे पए किताबचे ’ते फिर नज़र मार लई। इह टावर कनेडीअन नैशनल रेलवे दी ज़मीन ’ते बणिआ होइआ है। इसे करके इसनूं सी. ऐन टावर किहा जांदा है। इसनूं बणाउण दे दो उदेश सन। टरांटो लई टी. वी ते रेडीओ दे संचार–साधन दा निरमाण अते कनेडा दी उदयोगिक शकती दी प्रदरशनी। इसदी उसारी फरवरी 1973 ’च शुरू होई ते जून 1976 ’च लोकां वासते खोल्हिआ गिआ।

15 फुट्ट डूंघीआं मज़बूत नीहां ते उसरे इस टावर दी उचाई 1815 फुट्ट है। 1465 फुट्ट इमारत कंकरीट दी बणी होई है ते उस उप्पर 335 फुट्ट उच्चा ऐनटेना धात दा बणिआ होइआ है। ऐनटेना कई हिस्सिआं विच पहिलां ज़मीन ’ते तिआर कीता गिआ सी ते फिर हैलीकापटर राहीं तरतीबवार सारे हिस्से कंकरीट बिलडिंग ’ते टिकाए गए सन। उदों इह दुनीआं दा सभ तों उच्चा टावर सी।

टावर ’ते चहड़न लई ऐलीवेटर हन। उप्परलीआं तिंन मंज़लां असीं पौड़ीआं राहीं चहड़े। सिखर तों सारा टरांटो ते आसे–पासे दे सारे शहिर दिस रहे सन। बहुत ज़िआदा उचाई अते उनटारीओ लेक दी नेड़ता कारन हवा विच ठंडक सी। असीं, दूर–दूर तक्क नज़र आउंदे घरां, बिलडिंगां ते सड़कां दे निकचू आकार देखदे रहे। सारे पासिआं दे बाहरले द्रिश देखण बाअद टावर अंदरली बणतर देखी ते फिर इक बैंच ’ते बैठ गए। मेरी निगहा लोकां वल्ल चली गई। उनहां दे रंगां–नसलां विच भिंनता सी, पर विहार विच सहिणशीलता होण करके इक इकाई वांग नज़र आ रहे सन। बैंचां ’ते बैठे, तुरदे, फिरदे अते बाहर दे द्रिश माणदे लोक दूजिआं नूं वी सपेस दे रहे सन। लोकां दी भिंनता वल्ल इशारा करदिआं मैं पतनी ते बच्चिआं नूं आखिआ सी, “इह है कनेडा दे बहुसभिआचारवाद दी मिंनी तसवीर।”

फिर इक वीक ऐंड ’ते मैं परिवार नूं वंडरलैंड लै गिआ। 250 एकड़ ’च फैले वंडरलैंड विच 50 मीटर तों वध्ध उच्चीआं, उप्पर–हेठां, लंमे–दाअ अते गुलाई ’च गेड़े खांदीआं छोटीआं–वड्डीआं अनेक राईडां हन। राईडां तों सिवा पाणी दीआं खेडां अते घाह दे हरे–भरे लाअन वी हन। मैं ते कुलवंत नें तां साधारण जिहीआं राईडां ’ते ही झूटे लए पर हरप्रीत–अमरप्रीत नें हेठों–उप्पर, उप्परों-हेठां घुंमदीआं ते वळ–वलेवें खांदीआं तेज़ रफतार राईडां दीआं थर्रिलां वी माणीआं।

अगले प्रोगराम विच असीं रिशतेदारां नाळ रळ के निआगरा फालज़ ’ते पिकनिक मनाई।

सतंबर विच सकूलां–कालजां दे सैशन शुरू हो गए। हरप्रीत इंडीआ तों ऐम. ए भाग पहिला करके आइआ सी ते अमरप्रीत बी. ए भाग पहिला। दोनां नें सकूल–कालज दी पहड़ाई अंग्रेज़ी मीडीअम ’च कीती होई सी जिस करके उनहां दा अंग्रेज़ी दा पध्धर बिहतर सी। कनेडा दी सिख्खिआ प्रणाली अनुसार अमरप्रीत नूं बारवें गरेड ’च दाखला मिल गिआ ते हरप्रीत नें ऐम. ए दा खिआल छड्ड के कंपिऊटर प्रोगरैमिंग दे डिपलोमे दी पहड़ाई शुरू कर लई। दोवें पहड़ाई दे नाळ–नाळ पारट–टाईम जौबां करनीआं चाहुंदे सन पर कनेडा ’च शुरू होए आरथिक मंदवाड़े कारन जौबां दा मंद पिआ होइआ सी।

मेरे भैण–भणोईआ गुरदीश कौर ते फूला सिंघ आपणीआं दो धीआं जसविंदर ते राजविंदर समेत कनेडा आ गए। जसपाल नें उनहां नूं सपांसर कीता होइआ सी। मां–जाई भैण ते उसदे परिवार दी आमद साडे लई सुखावीं घटना सी।

बेटे अमरप्रीत नूं बारां गरेड तों बाअद पहड़ाउणा मुशकल हो गिआ। आरथिक मंदवाड़े कारन जौबां दा हाल डाढा माड़ा सी। कुलवंत नूं पारट–टाईम जौब मिली सी पर कुझ महीनिआं बाअद खतम हो गई। खैर घर दा गुज़ारा ठीक चल्ल रिहा सी। मैं पैसे जोड़े होए सन। हरप्रीत दी विआह दी उमर हो गई सी। विआह इंडीआ ’च करना चाहुंदे सां। हवाई टिकटां ते विआह–कारजां वासते चोखी रकम चाहीदी सी। हालात नूं समझदिआं अमरप्रीत जौब लभ्भण लग्ग पिआ। टरांटो एअरपोरट ’ते कमिशनेअरज़ तों इलावा ‘गरुप्प-4’ नां दी सकिउरटी कंपनी वी सी। उस विच कुझ खाली थावां बारे पता लग्गण ते अमरप्रीत नें रैज़मे भेज दित्ता। टैसट पास करन ’ते उसनूं मुसाफरां दी सकरीनिंग करन दी जौब मिळ गई।

इंडीआ फेरी

नवंबर 1995 ’च असीं हरप्रीत दा विआह करन लई इंडीआ चले गए। मेरे ’ते कनेडा दा प्रभाव सी। एथों दे साफ-सुथरे वातावरण दे मुकाबले इंडीआ दा वातावरण बहुत गंधळा जिहा लग्गा। दिल्ली एअरपोरट तों बाहर आ के जदों कंनां विच कारां–टरक्कां दे हौरन पए तां इंज लग्गा जिवें वातावरण विच अचानक ही खलल मच गिआ होवे। कनेडा ’च लोक वाहनां नियमां नाळ चलाउंदे हन। पर इंडीआ ’च नियम नां दी कोई चीज़ नहीं सी।

घर पहुंचण ’ते मोह भरे सवागत नें लंमे सफर दी थकावट दा चेता ही भुला दित्ता। बीबी नें छाती नाळ लाउंदिआं आखिआ सी, “मां सदके मेरा पुत्त 7 साल बाअद परदेसों आइऐ। जुग्ग- जुग्ग जीवे मेरा लाल।” उसने कुलवंत ते बच्चिआं नूं वी छाती नाळ ला के असीसां दित्तीआं। परिवार दे सारे जीआं दे चिहरिआं ’ते प्रसंनता झलक रही सी। भैण, भरावां ते भरजाईआं नूं गलवक्कड़ीआं पाउंदिआं अते उनहां दे निआणिआं नूं बाहां ’च भरदिआं मैनूं इंज लग्गा सी जिवें घर विच पिआर ते खुशी दा हहड़ आ गिआ होवे।

पिंड वाळा घर चंगी हालत ’च सी पर भरावां नें खेतां विच नवां घर बणा लिआ सी। पहिलां वांग दोनां दे परिवार इक्को घर ’च सन। दोनां भरावां दीआं धीआं रशपाल ते कुलबीर दे विआह हो चुक्के सन। दलजीत सिंघ दा पुत्तर गुरदेव ते सुहेल सिंघ दा वड्डा पुत्तर हरजीत खेती दे कंम ’च पै गए सन। हरजीत तों छोटा मनजीत कालज ’च पहड़दा सी। भैण बखशीश कौर नूं असीं नवें घर दे नाळ थां दित्ता होइआ सी। उह उत्थे घर बणा रहे सन। उसदा वड्डा पुत्तर तीरथ आपणे भापे जोगिंदर सिंघ नाळ खेती करवाउंदा सी ते छोटे तजिंदर नें टैकसी पाई होई सी। भैण ते भरावां दे निआणिआं दा आपस विच मोह-तेह बणिआं होइआ सी। मेरे बच्चे वी कनेडा जाण तों पहिलां उनहां विच घुळे-मिळे होए सन। हुण सारे निआणिआं नूं इकठ्ठे खांदिआं–पींदिआं ते गल्लां–बातां करदिआं देख के चंगा लग्गा सी।

घर खेतां विच होण कारन पिंड तों थोहड़ा दूर हो गए सां। मैं दो कु वार पिंड वाळिआं नूं उचेचे तौर ’ते मिलण गिआ। पिंड दी वसों विच तां पहिलां ही खोळे पै गए सन, हुण लोकां दे दिल वी खोळिआं वरगे हो गए सन… भाईचारक सांझ तों सख्खणे दिल।

हरप्रीत नूं रिशता करन लई कई लोक पुछ्छ–गिछ्छ कर रहे सन। दहेज विच कार ते होर कई तरहां दीआं गल्लां सुणा रहे सन। पर सानूं इहो जिहा कोई लालच नहीं सी। 12 किल्लोमीटर दी दूरी ’ते पिंड खनौड़ा दे रघबीर सिंघ दी लड़की रिकबाल नाळ रिशते दी गल्ल पक्की हो गई। 15 दसंबर दा विआह मुकर्रर हो गिआ।

असीं शापिंग ’च रुझ गए। हर कंम बीबी ते भरावां दी सलाह नाळ कीता। कपड़ा–लीड़ा, गहिणा–गट्टा जो कुझ वी असीं खरीददे, आदर–माण वजों, कुलवंत हर चीज़ बीबी नूं दिखाउंदी। बीबी खुश हो जांदी।

रघबीर सिंघ नें आपणे खेतां विच कनातां लुआ के अनंद कारज अते रोटी–पाणी दा वधीआ प्रबंध कीता होइआ सी। असीं जनेत वासते मीट–शराब दी मनाही कीती होई सी। विआह दा कारज वधीआ रिहा।

अमरप्रीत दी छुट्टी थोहड़ी सी। उह विआह तों बाअद छेती मुड़ आइआ। मेरी छुट्टी दो महीने दी सी। कुझ साहितकारां नूं मिलणा चाहुंदा सां पर रिशतेदारां नाळ मेला–गेला करदिआं ही दिन बीत गए।

हरप्रीत डिपलोमा कोरस मुका के विआह करवाउण गिआ सी। वापस आ के उसने जौब लई यतन कीते। पर कंपनीआं वाळे तजरबा मंग रहे सन। हरप्रीत दा जवाब सी कि तजरबा तां जौब नाळ ही बणेगा, जौब दिओ। दरअसल समस्सिआ आरथिक मंदवाड़े दी सी। कंपनीआं नूं लोड़ पैण ’ते बेरुज़गार होए तजरबेकार कंपिऊटर प्रोगरामर मिल रहे सन।

हरप्रीत ते अमरप्रीत हिंमती हन। बेकार बैठण दी बजाइ हरप्रीत नें टरक्क डराईवर दी जौब कर लई। ढाई कु साल बाअद इक टरक्किंग कंपनी ’च डिसपैचर बण गिआ मेरे इंडीआं तों परतण दे डेढ महीने बाअद फरैड्ड करनेगी नें रिटाइरमैंट लै लई। उह अजे 65 साल दा तां नहीं सी होइआ पर गोडे दी खराबी कारन तुरना–फिरना कुझ मुशकल हो गिआ सी। कोर हैड्डकुआटर दे आरडरां अनुसार उसदी थां ’ते मासटर वारंट अफसर शैरी माईलज़ आ गई। 40 कु साल दी, गुंदवें सरीर वाळी शैरी समारट औरत सी। उस विच टौप बरांड दीआं पुशाकां ते होर चीज़ां खरीदण दी करेज़ सी। फौज दी सरविस दौरान उसने इक फौजी नाळ विआह करवाइआ सी। पर कुझ कु सालां बाअद ही तलाक हो गिआ। हुण उह ‘कामन लाअ मैरिज’ अनुसार शौन इरविंग नाळ रहिंदी सी। ‘कामन लाअ मैरिज’ सरकारी कागज़ां विच रजिसटरड नहीं हुंदी। इसदी कोई धारमिक रसम वी नहीं कीती जांदी।

शैरी दी कोई औलाद नहीं सी। उह कहिंदी हुंदी सी कि उस विच बच्चे जंमण ते पालण लई लोड़ींदा धीरज नहीं है। उसदा साथी शौन मज़ाकीआ सुभाअ वाळा हाज़र–जवाब बंदा सी। आरथिक मंदवाड़े कारन उसदी जौब खुस गई सी। विहला सी। कदी–कदी साडे दफतर आ जांदा। उह टिका–टिका के गल्ल करदा सी जिस करके उसदी अंग्रेज़ी बहुत सपश्शट सी। उह दोवें भारती खाणिआं दे शोकीन सन। मैं उनहां नूं आपणे घर सद्द के पंजाबी सटाईल डिनर करवाइआ। खाणे दी प्रशंसा करदिआं उनहां नें कुलवंत दा उचेचे तौर ’ते धंनवाद कीता।

शैरी नूं कदी–कदी इंसटरकटर दी जौब वी करनी पैंदी सी। मुख्ख इंसटरकटर कैपटन गरिफथ नूं जदों लोड़ हुंदी उह उसनूं सद्द लैंदा। अजिहे मौकिआ ’ते डिटैचमैंट नूं ठीक तरहां चलाई रख्खण दी मेरी योगता तों शैरी वी खुश सी ते कोर हैडकुआटर वी।

इक वेरां कैलगरी ’च ‘ऐडवांसड ट्रेनिंग कोरस’ सी। ग्रिफथ ते शैरी दोनों गए। ओथों परत के शैरी नें मैनूं जो तसवीरां दिखाईआं उनहां विच उह ते गरिफथ सविमिंग पूल ’ते सन। शैरी बिकनी ’च सी। कुझ तसवीरां गरिफथ नाळ ते कुझ उसदीआं इकल्ली दीआं। शैरी लई उह तसवीरां आम जिहीआं सन पर मेरे लई विशेश। शैरी दे गोरे–गुलाबी गुंदवें जिसम दी खूबसूरती डुल्ल्ह–डुल्ल्ह पै रही सी। मेरा दिल करदा सी कि उसदे हुसन दी प्रशंसा करां पर झिजक गिआ। सिरफ “नाईस पिकचरज़” ही आख सकिआ। पर बाअद विच पछतावा लग्ग गिआ कि मैनूं झिजकणा नहीं सी चाहीदा। मेरी प्रशंसा सुण के शैरी नें खुश होणा सी। उह पछतावा सिरफ शैरी नूं खुशी नां दे सकण दा ही नहीं, मेरा उस सुआद तों वांझा रहि जाण दा वी सी जो प्रशंसा करदिआं मैनूं मिलणा सी। मरदां दी फितरत है इह, सिरफ भारती मरदां दी ही नहीं गोरे मरदां दी वी।

आपणी डिटैचमैंट दे कमिशनेअरां दीआं पेअ–रोल ‘कोर हैड्डकुआटर’ नूं भेजण तों पहिलां मिलटरी पुलिस दे वारंट अफसर सकाट दे दसतखत करवाउणे हुंदे सन। इक दिन जदों मैं उस कोळ बैठा दसतखत करवा रिहा सां तां उसने चसका जिहा लैंदिआं, वरदी विच शबाबी नुहार भरदी शैरी दी छाती दी, प्रशंसा कीती सी।

बेस विच सभ तों वड्डी यूनिट सपलाई डिप्पो सी। डिप्पो विच मिलटरी, एअरफोरस ते नेवी तिंनां सैनावां दे सैनिक सन। तिंना सैनावां विच काफी औरतां वी सन।

डिप्पो नूं सामान लै के आउंदे टर्रकां दी ‘लाग बुक्क’ दी इक कापी मैं लैफटीनैंट डम्मिटरी आरटिनो नूं देण जांदा हुंदा सी। उह गरीकी मूल दा कनेडीअन सी। उसदे सैकशन दे सैनिक कदी–कदी भारती रैसटोरैंट तों समोसे लिआ के खांदे सन। डम्मिटरी नें समोसिआं दी सिफत करदिआं मैनूं भारती खाणिआं बारे पुछ्छिआ। उह शैरी दा पुराणा जाणू सी। किसे होर बेस विच उह इक्को यूनिट ’च हुंदे सन।

इक वीक ऐंड ’ते मैं दोनां नूं भारती रैसटोरैंट ’च लंच करवाइआ। दोवें बहुत खुश होए।

फिर डमिटरी नें मैनूं ते शैरी नूं आफिसरज़ मैस्स विच डिनर करवाउण दा प्रोगराम बणा लिआ। उस मैस्स विच अफसरी–अंदाज़ तां सी पर खाणा दूजीआं मैस्सां वरगा ही सी। ‘ऐडवांसड टरेनिंग कोरस’ दौरान मैं लंडन दे ‘कनेडीअन फोरसज़ बेस’ विच सीनीअर नान कमिशंड आफिसरज़ ते हेठले रैंकां दीआं मैस्सां विच खाणा खाधा होइआ सी। हुण आफिसरज़ मैस्स दा खाणा वी मैनूं उनहां मैस्सां वरगा ही लग्गा सी।

बेस विच मैं देख रिहा सां कि कनेडीअन फौजीआं विच भारती फौज वाळा बेलोड़ा डसिपलिन नहीं सी। हेठले रैंकां वाळे, अफसरां नूं दिन विच, वार–वार नहीं, इक वार ही सैलिऊट करदे सन। जूनीअर आपणे सीनीअरां नूं ‘सर’ कहि के नहीं उसदा पहिला नां (जिवें जौहन, फरैड्ड आदि) लै के गल्ल करदे सन।

कहाणी संग्रहि ‘दो टापू’ दीआं रचनातमिक छल्लां

कहाणी ‘दो टापू’

सहिज-सुखावें हालात दे फलसरूप मेरी सुक्क चुक्की सिरजणातमिक नदी मुड़ सिंम पई। कनेडा ’च पहिली मौलिक कहाणी ‘दो टापू’ लिखी। इसदी रचना इंडीआ फेरी तों पहिलां कर चुक्का सां। इंज सुझी सी मैनूं इह कहाणी… मेरी सोच विच इक अजिही मुटिआर दा अकस उभ्भरिआ जो इंडीआ तों कनेडा आ के बदलदी है। बदलाव दे कारन हन आरथिक ते विअकतीगत सुतंतरता। पती नाळ अणबण ते फिर तलाक तों बाअद वी उह मुटिआर मैनूं छब्ब नाळ ज़िंदगी जिउंदी दिसदी सी।

कुलवंत दे ताए दी पोती पिक्कू मुलतानी कांऊंसलर दी जौब करदी सी। मैं उस वल्लों डील कीते किसे तलाक दे केस बारे पुछ्छिआ। उसने मैनूं इक केस दे वेरवे दस्से ते संबंधित मुटिआर नाळ मिळाइआ। उसदे तलाक दे कारन कुझ होर सन। पर मैं कारन बणाउणा सी रिशतिआं नाळ जुड़ी इंमीगरेशन नूं। इंमीगरेशन दी लालसा रिशतिआं नूं पिछांह ही नहीं सुट्टदी, तोड़दी वी है। उस तलाक–शुदा मुटिआर राहीं ‘दो टापू’ दी मुख्ख पातर पाशी दा ढुकवां किरदार उसर नहीं सी रिहा। इक दिन असीं घर ’च बैठे पंजाब दीआं गल्लां कर रहे सां कि कुलवंत नें नौं साल पहिलां साडे लागे रहिंदी रही नीलम दा ज़िकर छेड़िआ। चेता आउंदिआं ही मैनूं ढुकवीं पातर मिळ गई।

आदमपुर असीं भैण जी अमर कौर दे जिस मकान ’च रहिंदे सां उह काफी वड्डा सी। उसदे इक हिस्से विच नीलम कुझ चिर किराए ’ते रही सी। उह तलाक-शुदा सी। उसदे दो बच्चे सन। उह सैंटरल सकूल ’च अधिआपका सी। सुनख्खी ते ज़हीन नीलम अंदर पती नाळों टुट्टण दा दरद तां सी पर जिस माण अते विशवास नाळ उह ज़िंदगी जिउ रही सी, छोटे-छोटे बच्चे पाळ रही सी, उस विच्चों अज्ज दी औरत दे सवैमाण दी छब्ब साफ झलकदी सी। असल ’च ‘दो टापू’ कहाणी दा बीज–रूप मेरे अवचेतन ’च पिआ नीलम दा ही अकस सी। कहाणी विच मैं सिरफ उसदे अकस नूं ही वरतिआ है। कहिण दा भाव इह कि ‘दो टापू’ दी मुख्ख पातर पाशी (पुशपिंदर) नीलम नहीं। पाशी दी आपणी वख्खरी परसनैलिटी है। उह परसैनलिटी मैं आपणी कलपना राहीं उसारी है।

कहाणी विच दो मुख पातर हन पाशी ते बलराज। कनेडा वासी बलराज दस जमातां पहड़िआ होइआ है। उसदा विआह पंजाब ’च ऐम. ऐस. सी करदी पाशी नाळ हो जांदा है। पाशी कनेडा आ जांदी है। एथे पहड़ाई करके उह कंपिऊटर दी चंगी जौब हासल कर लैंदी है। पती नाळों वधीआ जौब करके कदी-कदी अचेत ही पाशी नूं आपणा मोढा पती नालों उच्चा महिसूस होण लग्ग पैंदा है। उनहां दे दो बच्चे हन। पाशी आपणे मंमी-डैडी ते भैण-भरा नूं वी कनेडा सद्द लैंदी है।

बलराज पाशी दी भैण दा रिशता आपणे भतीजे लई मंगदा है। पाशी दा डैडी ते भरा आखदे हन कि उसदा भतीजा घट्ट पहड़िआ होइऐ।

बलराज नूं गुस्सा चहड़ जांदा है। उह आखदा है, “जदों मेरा रिशता होइआ उदों तुसीं कित्थे गइओ सी बड़े पहड़ाकू। मैं तुहाथों कोई लुकोअ नहीं सी रख्खिआ।”

पाशी वी मापिआं दा पख्ख पूरदी है। इह मसला पती-पतनी विच तणाओ-टकराओ दा रूप धार लैंदा है… आखर उनहां दा तलाक हो जांदा है। कहाणी तलाक ’ते ही नहीं मुक्कदी, तलाक तों बाअद दोनां पातरां दे मनोकळेशां नूं वधाउण–घटाउण वाळीआं सत्थितीआं कहाणी दी विशेशता बणदीआं हन।

पाशी ’ते पछ्छम दी औरत दी विअकतीगत आज़ादी ते आरथिक आज़ादी दा वी प्रभाव है। उह अज्ज दी नारी दे सवैमाण ते गरेस (छब्ब) दी प्रतिनिध है।

बलराज पूरब दी मरदवादी हउं दा प्रतिनिध है। पर आपणे बच्चिआं नाळ उसदा बहुत मोह है। उसने कोरट तों बच्चिआं नूं मिलण दी इजाज़त लई होई ए। हर तीजे वीक ऐंड बच्चे उस कोळ हुंदे हन।

कहाणी विच मनोकळेश हन, मनोसंकट हन, तणाओ है, टकराओ है—प्रंपरिक संसक्रिती अते अति–आधुनिक संसक्रिती दा टकराओ। दोनां धिरां दा आपो आपणा सच्च है। मैं फासले ’ते खहड़ के दोनां धिरां दे सच्च नूं पेश करदा हां। उनहां दोनां दे सच्च पिछ्छे कारजशील समाजक, आरथिक ते सभिआचारक संदरभां नूं उसारदा हां। कहाणी दा खुल्ल्हा अंत अते इसदी वत्थ अते कत्थ विचली इकसुरता, इसनूं पुखता रचना बणाउण विच सहाई हुंदे हन।

प्रतीक-चिहन मेरी सिरजणातमिकता दा अहिम अंग हन। प्रतीकीकरन दी जुगत कहाणी दे विशा वसतू अते पातरां दे किरदार नूं गहिरे ते वडेरे अरथ प्रदान करदी है। मैं शुरू तों ही इस जुगत नूं सफलता नाळ वरतदा आ रिहां। मेरीआं पहिलीआं कुझ कहाणीआं, जिवें बुरज दी इट्ट, काणसूते वगदे बलद, कंबदा चानण, लैंटर हेठले फट्टे आदि दे नां प्रतीकमई हन। ‘दो टापू’ कहाणी विच वरते प्रतीक हेठ लिखे अनुसार हन:

दो टापू: मोढे नाळ मोढा डाह के जीवन–गाडी चलाउण वाळे बलराज ते पाशी जदों इक–दूजे नाळों टुट्टदे हन तां उनहां दी सथिती दो वख्खो-वख्खरे टापूआं वरगी हो जांदी है। उनहां दी सांझ, उनहां दा पिआर आपो–आपणी हसती दी वख्खरता विच तबदील हो जांदा है। दो टापू दे शबद, दो संसक्रितीआं दे प्रतिनिध पातरां नूं वी चिहनत करदे हन।

मेले नूं जा रही बस: इस चिहन राहीं मैं इह कहिणा चाहिआ है कि मेले, जिंदगी दीआं खुशीआं ते रौणकां अध्धे–अधूरे परिवार वी माण तां लैंदे हन पर भरपूरता विच उदों ही माणे जांदे हन, जदों परिवार दे सारे जीअ अंग–संग होण, नाळ-नाळ होण।

अंसरिंग मशीन: इस प्रतीक राहीं मैं रिशतिआं विच्चों खारज हो रहे मोह–तेह वल्ल इशारा कीता है।

कहाणी दा काल–क्रम बारां कु साल बणदा है। बारां साल दे समें नूं मैं फलैश–बैक राहीं तकरीबन 24 घंटिआं विच पेश कीता है। शनीवार सवेरे बलराज बच्चिआं नूं लैण आउंदा है, कहाणी शुरू हुंदी है। ऐतवार सवरे जदों उह बच्चिआं नूं छड्डण आउंदा है तां कहाणी मुक्क जांदी है।

इह कहाणी पंजाबी दे नामवर परचे ‘सिरजणा’ (जनवरी–मारच 1995) विच छपी। मुख्ख पंने उत्ते डा. रघबीर सिंघ नें इह शबद अंकित कीते सन ‘परवासी जीवन–अनुभव बारे इक शकतीशाली रचना: जरनैल सिंघ दी कहाणी— दो टापू’। इस कहाणी दी एनी चरचा होई कि इह मेरे नां नाळ जुड़ गई— जरनैल सिंघ ‘दो टापू’ वाळा। पंजाबी साहित दे प्रमुख्ख विदवानां नें इसनूं ‘कलासिक कहाणी’ दा दरजा दित्ता है।

कहाणी ‘जहड़ां’

मैं पंजाबी कनेडीअन भाईचारे दे उनहां लोकां बारे लिखणा चाहुंदा सां जो कनेडा दी धरती विच जहड़ां लाउण दी बजाइ पंजाब/ भारत दी धरती आपणे नाळ चुक्की फिरदे हन ते वापस मुड़न दीआं गल्लां करदे हन। कारन नसलवाद सी। इंगलैंड, अमरीका दे मुकाबले कनेडा विच नसलवाद बहुत घट्ट है पर इस अणमनुख्खी वरतारे बारे गल्ल करनी बणदी सी।

इकबाल रामूवालीआ नाळ नसलवाद दी इक घटना वापरी सी। उह हाई सकूल ’च टीचर सी। जौब ’ते उसदे मेल–बाकस विच कोई नसलवादी गोरा साबण दी टिक्की रख्ख गिआ। ‘जहड़ां’ कहाणी दे मुख्ख पातर प्रोफैसर कुलवरन नूं मैं आपणी कलपना राहीं इकबाल विच्चों सिरजिआ। इकबाल नसलवाद तों घबरा के इंडीआ नूं नहीं सी मुड़िआ। इत्थे ही आपणीआं ‘जहड़ां’ पक्कीआं कीतीआं। पर कुलवरन नसलवाद मूहरे हार मंन के इंडीआ मुड़ जांदै। पंजाब दे इक कानवैंट सकूल विच प्रिंसीपल दी जौब करदा उह खुश है। कनेडा ’च ग्रहिण कीती ईमानदारी ते मिहनत दे गुणां सदका विदिआरथी ते उनहां दे मापे उसदा आदर करदे हन। संकट उदों पैदा हुंदा है जदों खेतीबाड़ी यूनीवरसिटी लुधिआणा ’च पहड़दे उसदे इकलौते पुत्त नूं, अत्तवादीआं नाळ संबंधां दे झूठे मुकद्दमे विच फसा लिआ जांदा है… इंडीआ दे भ्रिशटचार ते धक्केशाही दा दरड़िआ कुलवरन, आपणा घर ते सारा धंन गुआ के, आपणी जनम-भोइं तों त्राह–त्राह करदा, पतनी ते पुत्त नूं लै के कनेडा परत आउंदा है। इह सच्च है कि बंदे दी जहड़ नूं वधीआ धरत दी तलाश हमेशा रहिंदी है। पर नवीआं धरतीआं ’ते जहड़ां पक्कीआं करन लई लोड़ींदा ऐटीचिऊड बहुत ज़रूरी है।

कहाणी ‘पछाण’

मैं कहाणी वासते कोई विशा लभ्भ रिहा सां… कोर दी गारडन पारटी विच मैं ते जोगिंदर सिंघ खहिरा गल्लां कर रहे सी कि भारती फौज दा इक होर साबका अफसर साडे कोळ आ गिआ। जोगिंदर सिंघ नें उसदा हाल पुछ्छिआ। उह बोलिआ, “नूंह–पुत्त नें दुखी कीता होइऐ। मैं जौब उनहां दी मद्दद करन लई करदां। वाईफ नूंह नाळ घर दा कंम करवाउंदी है पर इनहां नूं भोरा कदर नहीं… ।” अंदरों तपिआ उह जोगिंदर सिंघ कोळ होर गल्लां फोलणा चाहुंदा सी पर मेरे करके झिजक महिसूस कर रिहा सी। मैं उठ्ठ के होर साथीआं वल्ल चला गिआ। खैर मैनूं, समेत पातर कहाणी दा विशा मिळ गिआ सी। बज़ुरगां दी बेकदरी बारे मैनूं पता तां सी पर हुण इस समस्सिआ नूं भोग रहे भारती फौज दे साबका अफसर दे चिहरे ’ते रेखांकित हो रहीआं दुखद भावनावां ते बोल, वेख–सुण के समस्सिआ नूं कहाणी ’च ढालणा सौखा हो गिआ।

इस समस्सिआ नाळ, विअकतीगत आज़ादी ’च उलार होए टीनएजरां ते उनहां दे मापिआं दी डालरां पिछ्छे दौड़ दे कथानक बीड़ के मैं ‘पछाण’ कहाणी लिखी। इह तिंने पहिलू इक परिवार दीआं तिंन पीहड़ीआं दे संसक्रितक पाड़े राहीं पेश कीते। पहिली पीहड़ी दा पातर सुलख्खण सिंघ भारती फौज दा रिटाइरड करनल है। उह ते उसदी पतनी सुरजीत कौर कनेडा ’च आपणे नूंह–पुत्त हरिंदर ते हरचरन (दूजी पीहड़ी) कोळ आ के रहिण लगदे हन। हरिंदर ‘लेडीज़ गारमैंटस सटोर’ चला रही है। हरचरन वी अठ्ठ घंटे जौब ’ते ला के सटोर ’च पहुंच जांदा है।

नूंह–पुत्त दीआं खरचिआं बारे गल्लां सुण के सुलख्खण सिंघ जौब करन लग्ग जांदा है। सुरजीत कौर पोती–पोते पैम ते डैनी (तीजी पीहड़ी) दी देख–भाळ करदी है। उसदी कैंसर नाळ मौत हो जांदी है। पतनी दा विगोचा झल्ल रिहा सुलख्खण सिंघ ज़िंदगी नूं तोरी रख्खदा है। पर घर दा माहौल सुखावां नहीं रहिंदा। पोती–पोता आप हुदरे हो जांदे हन। उह पहड़ाई वल्ल धिआन नहीं दे रहे। डालरां दी दौड़ ’च पए नूंह–पुत्त कोळ बच्चिआं नाळ बहिण अते कमिऊनीकेट करन दा टाईम नहीं।

इक दिन सुलख्खण सिंघ पैम नूं गोरे मुंडे डेव दीआं बाहां ’च लिपटी देखदा है। उह डेव नूं पैम नूं मिलण तों वरजदा है ते पोती नूं समझाउण दी कोशिश करदा है कि उसदी उमर पहड़न–लिखण दी ए… उसनूं आपणे भविख्ख बारे सोचणा चाहीदै… ।

पर उह बाबे दी गल्ल सुणन दी बजाइ उसनूं उख्खड़ी कुहाड़ी वांग पैंदी है, “हू दा हैल्ल आर यू टु सटौप अस्स… मेरी आपणी इंडिवियुअल लाईफ ए… ।” “पैम तेरे इंडिवियुअलिज़म नें मूंह उत्ते नूं चुक्किआ होइऐ, इहनूं पैर नहीं दींहदे… ।” सुलख्खण सिंघ चितावनी सुर ’च आखदा है।

उह नूंह–पुत्त नाळ गल्ल करदा है। पर उह बच्चिआं नूं मिलदी कानूंनी सुरख्खिआ कारन धी दा पख्ख पूरदे हन। सुलख्खण सिंघ पोती नाळों नूंह–पुत्त नूं वध्ध कसूरवार ठहिराउंदा है, जिनहां नें बच्चिआं ’च बहि के उनहां नूं पूरबी ते पछ्छमी संसक्रितीआं ’च संतुलन बणाउण लई कोई सिख्खिआ नहीं दित्ती। उह उनहां नूं आडंबरबाज़ी तिआग के संजम नाळ गुज़ारा करन लई आखदा है। पर नूंह–पुत्त उसनूं अणगौलिआ कर रहे हन।

बेकदरी तों दुखी होइआ सुलख्खण सिंघ घर छड्ड के आपणे दोसत नाळ रहिण लग्ग जांदा है।

हरिंदर ते हरचरन दे पातर, कनेडा ’च कप्पड़े–लीड़े दे छोटे–छोटे सटोर चला रहे पंजाबी औरतां–मरदां नाळ मिळदे–जुलदे हन।

इवें ही पैम वरगे बच्चे वी आपणे भाईचारे विच वेखे–सुणे होए सन।

एथे इह दस्सणा बणदा है कि कनेडीअन पंजाबी परिवारां विच पैम वरगे बच्चे बहुत थोहड़े हन। बहुगिणती उनहां बच्चिआं दी है जो वाजब आज़ादी माणदे होए यूनीवरसिटीआं दी पहड़ाई करके कनेडा दे हर खेतर विच चंगीआं जौबां हासल करदे हन।

20वीं सदी दे आखरी दहाके दौरान पंजाबी कमिऊनिटी दे कुझ सकूली मुंडिआं नें गैंग बणा लए सन। शुरू विच तां, पहड़ाई ’च निकंमे ते अवारा किसम दे बच्चे ही गैंगां विच सरगरम सन। पर बाअद विच उह चंगे बच्चिआं नूं वी वरगलाउण लग्ग पए। गैंगां दीआं आपस विच लड़ाईआं–भिड़ाईआं शुरू हो गईआं। इस गंभीर समस्सिआ नूं विचारन लई प्रभावित सकूलां दे पंजाबी अधिआपकां, पुलिस वाळिआं ते कमिऊनिटी दे बंदिआं नें मीटिंगां कीतीआं। उनहां मीटिंगां विच मैं वी शामल सां। बुलारिआं अनुसार समस्सिआ दा मुख्ख कारन बच्चिआं ते उनहां दे मापिआं दे लाईफ सटाईल विचला पाड़ा सी। इस पाड़े नें घरां दे माहौल नूं नीरस बणाइआ होइआ सी।

फैसला इह होइआ कि मापिआं ते उनहां दे पुत्तां–धीआं दे सैमीनार करवाए जाण। सैमीनारां विच दोनां धिरां दे विचार सुणे जाण ते संतुलिन लभ्भण दी कोशिश कीती जावे। इकबाल रामूवालीआ ते उसदे साथी अधिआपकां नें सैमीनारां दी रूप–रेखा तिआर कीती। सैमीनारां दा प्रबंध वीक ऐंडां ’ते सकूलां विच कीता गिआ। हर सैमीनार तों पहिलां असीं फोनां राहीं मापिआं ’ते उनहां दे बच्चिआं नूं शामल होण लई ताकीद करदे सां।

सद्दे होए परिवार जदों मुकर्रर कीते सकूल ’च पहुंचदे तां उनहां नूं गरुप्पां विच वंड के वख्ख–वख्ख कमरिआं विच बिठा दित्ता जांदा। गरुप्प इस तरीके नाळ बणाए जांदे कि इक्को परिवार दे बच्चिआं ते उनहां दे मापिआं नूं ‘कठे नहीं सी रख्खिआ जांदा। अड्ड–अड्ड कर दित्ता जांदा सी। इसदा फाइदा इह होइआ कि बच्चे बेझिजक हो के आपणी गल्ल दस्सदे। मापे वी खल्ल्ह के बोलदे। दोनां धिरां दीआं इक–दूजे प्रती शिकाइतां उठ्ठदीआं। वासतविक उलझणां ते मसले वी उभ्भरदे। गहिगच संवाद रचदा। अखीर विच सारे गरुप्पां नूं इक हाल विच बिठा के पहिलां दोनां धिरां दीआं शकाइतां दा सार–तत्त पेश कीता जांदा ते फिर उह नुकते उभारे जांदे जिनहां ’ते अमल करके बच्चे ते उनहां दे मापे लोड़ींदी ऐडजसटमैंट कर सकदे सन।

मैं कई गरुप्पां दे संवाद कंडकट कीते। उनहां संवादां विच्चों मैनूं ‘पंध कथा’ ते ‘भविख्ख’ कहाणीआं दे मापिआं ते उनहां दे जवान हो रहे बच्चिआं दे पातर मिळ गए। बच्चिआं दे मनां दीआं उलझणां ते उनहां दे मापिआं नाळ टकराअ दीआं सथितीआं बारे वी पता लग्ग गिआ।

कहाणी ‘पंध कथा’

इस कहाणी दे दो मुख्ख पातर हन, लखबीर सिंघ ते उसदा छोटा पुत्तर रवी। लखबीर सिंघ इकल्ला कनेडा आउंदा है। एथे संघरश करके इंमीगरांट बणदा है। परिवार दे आउण नाळ चावां–उमंगां वाळी ज़िंदगी शुरू हो जांदी है। पर पतनी दी, हाईवेअ हादसे ’च होई मौत नाळ हसद्दे–वसदे घर विच उजाड़ पै जांदी है। लखबीर सिंघ सदमे ’चों उभ्भर के दोनां पुत्तां नूं पाळदा है… वड्डा पुत्त निंद विआह करवा के आपणी मरज़ी दी ज़िंदगी जिऊण लई वख्ख हो जांदा है।

लखबीर सिंघ जौब ’ते बिज़ी रहिंदा है। इकल्लता विच बोरीअत महिसूस करदे रवी नूं सैकस ते मारधाड़ दीआं फिलमां देखण दी आदत पै जांदी है। ते उह आपणे हिसाब नाळ जिऊण दीआं गल्लां करन लगदा है। डैड दी सिख्ख-मत्त उसनूं चंगी नहीं लगदी।

पहड़िआ–लिखिआ लखबीर सिंघ हालात दा विशलेशण करदा होइआ आखदा है, “रवी! आपणे हिसाब नाळ जिऊण वाळी गल्ल एनी सिध्धी नहीं… मैं मंनदां पई इस नाळ बंदे दा सवैमाण वधिऐ पर हुण इह गल्ल एनी ओड़क ’ते पहुंच गई ऐ कि इसने बंदे नूं बंदे नाळो तोड़ दित्तै।”

पर रवी ’ते निज्जी आज़ादी भारू है… उसदे सकूल दे गैंग वाळे उसनूं आपणे विच रळा लैंदे हन। गैंग दे मुंडे ऐश करन लई चोरीआं करदे हन। उनहां लई चोरीआं अपराध नहीं थर्रिलां हन। चोरीआं ’च दलेर होइआ रवी गैंग दा विशेश मैंबर बण जांदा है। दो गैंगां दी लड़ाई विच कमर ’च लग्गी गोली नाळ उसदीआं लत्तां नकारा हो जांदीआं हन। ज़िंदगी वील्ह चेअर नाळ जुड़ जांदी है। घोर निराशता ’च डुब्बिआ उह रिहैब डाकटर दीआं चैक्क–अप्प जां फिज़ीओथैरपी लई तां जा आउंदा है, बाकी समां घर अंदर ही पिआ रहिंदा है।

इक दिन लखबीर सिंघ पुत्तर नूं धक्के नाळ कार ’च बिठा निआगरा फालज़ लै जांदा है। फालज़ ’ते कुझ समां गुज़ार के उह उस नूं निआगरा दरिआ दा फालज़ तों अगला सफर दिखाउंदा होइआ आखदा है, “देख बेटे! इह चुप्प–चाप ते अणगौळिआ जिहा वग रिहा, दुनीआं दा अजूबा कहाउंदे उसे निआगरा फालज़ दा जलौअ–भरपूर पाणी ए जिसनूं दुनीआं भर दे लोक देखण आउंदे नें। पर एथे इह किसे गिणती ’च नहीं। कोई इसनूं देखण नहीं आउंदा। पर इसनूं आपणी इह होणी वी प्रवान ए… इहदी चाल ’च उदासी तां है पर इह वगदा पिऐ।”

लखबीर सिंघ नूं जदों वी टाईम मिळदा उह रवी नूं झीलां ते पारकां विच घुमाउण लै जांदा। रवी नूं आपणी बुझी होई रूह विच चहिक महिसूस होण लगदी है। उह पहड़ाई शुरू कर लैंदा है। यूनीवरसिटी दीआं अपंग विदिआरथीआं दीआं खेडां विच हिस्सा लैण लगदा है। डानस टीम दी डाइरैकटर ऐन उसनूं वील्ह चेअर डानस–टीम ’च शामल कर लैंदी है। फिज़ीओथैरपी ते डानस नाळ उसदी डैमेज होई नाड़ी ’च सुधार दी संभावना बण जांदी है।

कहाणी ‘भविख्ख’

सैमीनारां विच कुझ विदिआरथणां नें आपणे डैडीआं दे कटड़्ड़ वतीरे बारे दस्सिआ सी। उह आपणीआं गल्लां ही मंनवाउंदे सन धीआं दीआं नहीं सुणदे सन। उनहां ’ते विशवास नहीं सन करदे… भारती रसमां–रिवाज़ां दी रट लाई रख्खदे। उनहां गरुप्पां विच शिकाइतां करन वालीआं कुड़ीआं दे डैडी तां होर कमरिआं विच सन, दूजे बच्चिआं दे कुझ डैडी कुड़ीआं दीआं शिकाइतां ’ते कौड़ खा गए। कहिण लग्गे, “सानूं गोरिआं दीआं रीसां नहीं करनीआं चाहीदीआं। साडा आपणा सभिआचार वधीआ है… कुड़ीआं नूं घरां दी इज़त दा खिआल रख्खणा चाहीदै।”

हाल विच जदों सारे गरुप्प इकठ्ठे हो के बैठदे तां असीं होर मुद्दिआं नाळ कुड़ीआं दीआं शिकाइतां वी उभारदे ते मापिआं नूं समझाउंदे कि धीआं ’ते इस तरहां दी सखती वाजब नहीं। साडे बच्चिआं ’ते गोरे समाज दा प्रभाव पैणा सुभावक है। कनेडा दे कानूंन हर विअकती नूं आज़ादी नाळ रहिण दा हक्क देंदे हन। बेलोड़े सखत वतीरे तों अक्क के बच्चे बागी हो सकदे हन। सिरफ आपणीआं ही नां कहो, उनहां दीआं वी सुणो। उनहां ’ते विशवास करो। फिर बच्चिआं नूं वी समझाउंदे कि बेलगाम आज़ादी ठीक नहीं। आज़ादी दे नाळ ज़िंमेवारी दा अहिसास बहुत ज़रूरी है। उनहां नूं मापिआं दा विशवास तोड़ना नहीं चाहीदा। मापे सखत कमाईआं करके उनहां दीआं लोड़ां पूरीआं करदे हन। उनहां नूं मापिआं दा आदर करना चाहीदै।

धीआं ’ते लग्गीआं रोकां–टोकां अते कुझ डैडीआं दीआं रोकां–टोकां नूं जाइज़ ठहिराउंदीआं गल्लां तों मैनूं ‘भविख्ख’ कहाणी दा कच्चा माल मिळ गिआ। इस कहाणी दी मुख्ख पातर नवजोत दा डैडी दिलबाग सिंघ जगीरू सुभाअ दा मालक है। उह पतनी ते दोनां धीआं ’ते दाबा पा के रख्खदा है। हरजोत अजे छोटी है, नवजोत जवान हो रही है। दिलबाग सिंघ नें नवजोत नूं सकूल जाण–आउण लई सिरफ दस्से होए रूट ’ते ही पैर धरन अते अख्खां नीवीआं करके तुरन दी सखत हदाइत कीती होई ए। नवजोत बाकी बच्चिआं नाळ सकूल कैंप ’ते जाणा चाहुंदी है पर उह इजाज़त नहीं देंदा।

नवजोत दी पहड़ाई ते कनेडीअन जीवन–प्रणाली विअकती नूं उचतम मंनदी ते द्रिड़ाउंदी है। पंछीआं वांग खुल्हा उडण दा हक्क देंदी है। डैडी दी सखती कारन उह आपणे आप नूं पिंजरे ’च कैद होई समझदी है। उह इह सोच के हैरान हो रही है कि उसनूं ज़िंदगी दी भरपूरता नूं वेखण–समझण दे मौकिआं तों वांझिआ किउं रख्खिआ जा रिहा है। डैड दीआं कनेडा आ के आपणी करड़ी मिहनत दीआं मुड़–मुड़ दुहराईआं गल्लां उसनूं बोर करन लग्ग जांदीआं हन। उसदा जीअ करदा है कि डैड नूं पुछ्छे कि उसदी जद्दो–जहिद दा मनोरथ की इह सी कि उह आपणी औलाद नूं डब्बी ’च बंद करके रख्खे।

इक वेरां ‘मदरज़ डेअ’ ’ते उह ते हरजोत मौम नूं चाअ ते मोह नाळ कारड देंदीआं हन। दोनां धीआं नूं जफ्फी ’च लै के मौम असीस देंदी है, “जिउंदीआं रवहो, खूब पहड़ो तां कि आपणे पैरां ’ते खहड़ीआं हो सको।” जवाब विच नवजोत अंदरली झुंजलाहट फुट्ट निकळदी है, “ओ नो मौम, किद्दां खहड़ हो जे गा। साडे पैर तां डैड नें आपणे पैरां नाळ बंनहे होए आ।” उसनूं मौम दे अति सहिंदड़ विहार ’ते हैरानी होण लगदी है जो घर दी इज़त बणाई रख्खण लई डैड दीआं वधीकीआं सहारी जा रही है।

घर दे अति सखती वाळे माहौल विच घुटण महिसूसदी नवजोत मानसिक दवंद दा शिकार हो जांदी है। आपणे बुआइ–फरैंडां नाळ डेटिंग करदीआं गोरीआं कुड़ीआं ते मौज–मसती करदीआं कुझ पंजाबी मूल दीआं जमातणां दे असर हेठ उह रणबीर नां दे नौजवान नाळ सरीरक संबंध बणा लैंदी है। इह पता लग्गण ’ते कि रनबीर डरग्गी किसम दा विगड़िआ होइआ मुंडा है उह उसनूं लाहनतां पाउंदी होई संबंध तोड़ लैंदी है। खुद नूं कोसदी है कि उसने रनबीर दीआं झूठीआं गल्लां ’ते विशवास किवें कर लिआ। रनबीर संबंधां दी गल नवजोत दे डैडी नूं दस्स देंदा है। दिलबाग सिंघ लई इह खानदान नूं कलंकित करन वाळी गल्ल है। उह नवजोत दी कुट्ट–मार करदा है… नवजोत शैलटर होम विच चली जांदी है… ते घर परतण तों नांह कर देंदी है। धी नूं कुट्टण दे दोश विच दिलबाग सिंघ नूं दो हफते दी सज़ा हुंदी है।

पंजाबी कांऊंसलर सिंमी दी कांऊंसलिंग राहीं नवजोत संभलदी है। पहड़ाई नाळ जुड़दी है। ते हैमिलटन सत्थित यूनीवरसिटी तों सोशल वरक दी डिगरी हासल करदी है। पहड़ाई दौरान उह, सिंमी दी गोरी दोसत, डोरथी दे घर किराए ’ते रहिंदी है। डोरथी नूं नवजोत नाळ होई–बीती दा पता है। इस संदरभ विच उह आपणा विचार पेश करदी है, “नव! तुहाडी कमिऊनिटी ’च टीनएजरां दी वड्डी समस्सिआ तां सभिआचारक दवंद ही जापदी ए।”

“हां, पर इहदे नाळ कुझ गल्लां होर वी नें… साडे मापे साडे ’ते विशवास नहीं करदे, जिस करके साडे अंदर सवैमाण नहीं बणदा… साडीआं ईमोशनल लोड़ां सानूं बाहर झाकण ला देंदीआं नें। असीं घरदिआं तों चोरीआं करन लग्ग पैने आं… ।” नवजोत दस्सदी है।

पर नवजोत कनेडा दी बेमुहार विअकतीगत आज़ादी दी असलीअत नूं वी समझदी है। इस संबंध विच उह डोरथी नूं कहिंदी है, “डोरथी! तुहाडे लोकां विच आज़ादी सांझ नूं पिछांह छड्डदी जा रही ए।”

“हां नव! एसे करके ही तां साडे रिशतिआं दा हाल एना माड़ा आ।” डोरथी सवीकार करदी है।

इस कहाणी समेत आपणीआं सारीआं कहाणीआं विच मैं इह दरसाइआ है कि सिहतवंद समाज दी सिरजणा वासते नां तां पूरब दा विअकतीवाद विरोधी कट्टड़ रवई्ईआ सही है ते नां ही पछ्छम दा बेमुहारीआं खुल्ल्हां वाळा विअकतीवादी रवई्ईआ। लोड़ हां–मुखी संतुलन लभ्भण दी है।

सैमीनारां विच्चों मैनूं उपरोकत कहाणीआं दा कच्चा माल तां मिळ गिआ सी पर कहाणीआं विचले कनेडा दे जंमपळ टीनएजरां दी गल्ल–बात दे अंदाज़ बारे भरवीं जाणकारी नहीं सी। इह मैं कांऊंसलर (हुण वड्डा अफसर) बलदेव मुट्टा तों हासल कीती।

असीं इह जाणदे सां कि सैमीनारां दे असर हेठ सारे परिवारां दे घरां दा माहौल ठीक हो जाणा संभव नहीं। साडी कोशिश इस समस्सिआ प्रती चेतना पैदा करन दी सी। कोशिश सफल रही। काफी परिवारां ’च मापिआं ते बच्चिआं विच तालमेल शुरू हो गिआ सी। बच्चिआं दी पहड़ाई ते विहार बारे जाणन लई मापिआं नें सकूलां नाळ राबता बणा लिआ सी। पंजाबी टीचरां नें दस्सिआ सी कि अधिआपकां ते मापिआं दीआं मीटिंगां विच पंजाबी मापिआं दी हाज़री वधी सी। आम बच्चे गैंग वाळे मुंडिआं प्रती सावधान हो गए सन। सकूलां दे प्रिसीपलां ते पुलिस वालिआं नें गैंग लीडरां विरुध कारवाई तेज़ कर दिती सी। समां तां लग्गा सी पर गैंग खतम हो गए सन।

कहाणी ‘परछावें’

इह कहाणी इक अजिहे पंजाबी मरद दी गाथा है जो विआह–बाहरे संबंधां दा मज़ा वी लै रिहा है ते इह तवक्को वी रख्खदा है कि उसदी पतनी उस नाळ जुड़ी रहे। उसदा इह विवहार उसनूं बहुत महिंगा पैंदा है।

कहाणी दा मुख्ख पातर जनमीत आधुनिक चेतना वाळा समरत्थ शाइर है। पर मरदावीं हउमै कारन उह आपणी चेतना दे हाण दा नहीं बण सकिआ। उसदी पतनी बलबीर द्रिड़ इरादे वाळी मिहनती ते सुचज्जी औरत है। उह सहुरे–घर विच्चों आलस कढ्ढदी है। ते फिर परिवार दी बिहतरी वासते गहिणे वेच के पती नूं कनेडा भेजदी है।

जनमीत कनेडा ’च जौब दे नाळ–नाळ अंग्रज़ी दी पहड़ाई वी करदा है। उसनूं डाकखाने दी चंगी जौब जांदी है। परवासी जीवन नूं नवें बिंबां ’च ढाळदीआं उसदीआं कवितावां दी शलाघा होण लगदी है। बच्चिआं समेत कनेडा पहुंच के बलबीर वी जौब ते घर दे कंमां विच रुझ जांदी है।

टरांटो दी इक साहित सभा विच जनमीत दी मुलाकात, शरबती अख्खां वाली मुटिआर नीलू नाळ हुंदी है। साहितक रुचीआं वाळी नीलू तलाक–शुदा है। उह जनमीत दीआं कवितावां दी प्रशंसक वी है ते अलोचक वी। जनमीत उस नाळ संबंध बणा लैंदा है।

उनहां दे संबंधां बारे पता लग्गण ’ते बलबीर दे दिल ’ते सट्ट वज्जदी है। रोह नाळ भरी उह पती नूं पुछ्छदी है कि उसने इह कारा किउं कीता?

“तूं मेरे ’ते कोई जज्ज बण के बैठी आं कि तेरे मूहरे मैं बिआन देवां।” जनमीत दा जवाब है।

“मैं जज्ज तां नहीं पर मैनूं आपणी गोली वी नां समझ रख्खिओ। तुहाडे बराबर दा दरजा रख्खदी हां। ते तुहानूं पुछ्छण दा हक्क वी… ।” बलबीर ’ते कनेडीअन औरत दी सुतंतर होंद दा प्रभाव है।

पती दे विवहार ’च कोई फरक नां देखदी होई बलबीर आखदी है, “एदां नहीं घर वसदे हुंदे।”

“नहीं वसदे नां वसण, मैं कोई ठेका नहीं लिआ होइआ।” जनमीत दी हउं जिउं दी तिउं है।

“घरां–परिवारां दे सिलसिले ठेके ’ते नहीं असूलां ’ते चलदे आ। उह असूल जे तुहानूं नहीं मनज़ूर तां पासे होवो।” बलबीर आपणे सटैंड ’ते द्रिड़ है… आखर तलाक हो जांदा है।

जनमीत नीलू नाळ प्रेमिका दा रिशता ही रख्खणा चाहुंदा है। पर नीलू नूं उसदी फालतू औरत बणना प्रवान नहीं। उह नौजवान शाइर हरपाल वल्ल झुक जांदी है।

बलबीर ते नीलू कनेडीअन औरत दे मरद नाळ बराबरी दे हक्कां बारे जागरूक हन। पर उनहां दे ज़िंदगी जिऊण दे ढंगां विच अंतर है। नीलू मरदां नाळ रिशतिआं दे जोड़–तोड़ विच खुल्ल्ह वरतदी है। पर बलबीर तलाक तों बाअद आपणे सुपने धी–पुत्त नाळ जोड़ लैंदी है। उनहां नूं पहड़ाउंदी है, धी दा विआह करदी है। उह तां आपणी बज़ुरग सस्स नाळ वी जुड़ी रहिंदी है।

‘दो टापू’ तों ‘परछावें’ तक्क दीआं 6 कहणीआं नूं मैं वार–वार सोधिआ। इह कहाणीआं सिरजणा, समदरशी ते कहाणी पंजाब परचिआं विच छपीआं सन। परचिआं विच छपण तों बाअद वी मैं सोधां करदा रिहा।

इनहां कहाणीआं बारे मैं आपणे दोसत किरपाल सिंघ पंनूं दी राइ लई। उसदे जिहड़े सुझाउ ठीक लग्गे, उह मैं प्रवान कीते। कहाणीआं नूं नीझ नाळ टाईप करके किताब ‘दो टापू’ दा ढांचा वी कंपिऊटर दे विशेशग पंनूं हुरां नें ही तिआर कीता सी।

किताब 1999 ’च छपी। छपदिआं सार ही चरचा शुरू हो गई… । कई परचिआं ते अखबारां विच पाज़िटिव रीवीऊ छपे।

दो टापू दे प्रसंग विच जरनैल सिंघ दी रचना द्रिशटी

इह आलोचना-पुसतक डा. गुरमीत कल्लरमाजरी नें 2001 विच संपादित कीती। इस विच 14 नामवर विदवानां दे लेख शामल हन। कुझ विदवानां दे मुख्ख विचार अंकित कर रिहां:

डा. करमजीत सिंघ नें मेरे पहिले तिंन कहाणी संग्रिहां ’ते वी परचे लिखे सन। आपणे लेख विच उसने पहिलां उनहां संग्रिहां ’ते झात पुआई है ते फिर ‘दो टापू’ दीआं कहाणीआं दे विशा वसतू, पेशकारी ते शिलप नूं पड़चोलण बाअद आखिआ है, ‘जरनैल सिंघ नें ‘दो टापू’ कहाणी संग्रिह राहीं इक वड्डी पुलांघ पुट्टी है ते उसने पंजाबी कहाणी साहित विच आपणा थां सुरख्खिअत कर लिआ है।’

डा. धनवंत कौर अनुसार, ‘पछ्छम दे विअकतीवाद वल्लों ऐलानी आज़ादी साहवें रिशतिआं दी तिड़क रही सांझ दा प्रतख्खण जरनैल सिंघ दी कहाणी चेतना नूं कुझ अहिम मुद्दिआं ’ते केंद्रित करदा है:’

(1)सांझ ते सुतंतरता दा किहड़ा अंदाज़, किहड़ा अनुपात सावें संतुलित रिशतिआं दा जनमदाता हो सकदा है?

(2)बंदे दा सवैमाण किस ओड़क ’ते पहुंच के बंदे नूं बंदे नाळो तोड़ दिंदा है?

(3)इक संतुलित शखसीअत दी उसारी लई किंना कु विशवास, किंना कु माण, किंनी कु खुल्ल्ह जां किंनी कु ईमोशनल टेक लोड़ींदी है?

इह प्रशन उसदे कालपनिक वेरविआं दे आरपार फैले विखाई दिंदे हन।

डा. बलदेव सिंघ धालीवाल कहाणीआं दा विसत्रित विशलेशण करदिआं आखदा है, ‘जरनैल सिंघ दीआं कहाणीआं समुच्चे रूप विच इह रचना–विवेक सिरजदीआं हन कि वड्डा मसला पूरबी जां पछ्छमी संसक्रिती दे सरवोतम जां तुछ्छ होण दा नहीं बलकि अती विकसित पूंजीवादी प्रबंध विच मनुख्ख दे किसे वी तरहां दे सभिआचार नाळो टुट्ट के वसतू रूप विच परिवरतत हो जाण दा है।’

डा. सरबजीत सिंघ नें कहाणीआं दी बारीकी नाळ पुण–छाण कीती है। उसदा कथन है, ‘विकसित पूंजीवाद दी जिस आज़ादी दा विशव भर विच राम रौळा खड़ा कीता गिआ है, उस नूं जरनैल सिंघ नें परिसथितीआं दे संदरभ विच समझण लई संवाद उतपंन कीता है… भाशा दे प्रतीकीकरन राहीं उसने जीवन दी सूझ ते सुहज नूं सहिज ते सूखम बणा दित्ता है। भाशा दे पख्खों सुचेचता ते उसदी गंभीर ते संजीदगी नाळ वरतों, बदेशी पंजाबी कहाणी दे सुघ्घड़ हो जाण दी गवाही भरदी है।

डा. सुखपाल सिंघ थिंद: ‘कहाणी ‘दो टापू’ दी कथा–चेतना समुच्चीआं जुगतां दे संदरभ विच समूहमुखी बंधेजी बणतरां अते निरोल निज्जमुखता दे आपसी टकराउ अते तणाउ विच आपणा संतुलन तलाशदी जापदी है।’

डा. जगबीर सिंघ अनुसार ‘दो टापू’ परवासी साहित दी प्रमाणिक टैकसट होण दे नाळ–नाळ विशव पंजाबी सहित दी वी मुल्लवान प्रापती है।’

पाकिसतान दे नामवर कहाणीकार इलिआस घुंमण नें ‘दो टापू’ किताब शाहमुखी ’च लिपीआंतर करके ‘पंजाबी भाशा अते सभिआचार विभाग, लाहौर’ राहीं छपवाई।

हिंदी ’च अनुवाद साहितकार सोमा सबलोक नें कीता। किताब छापी सी ‘चेतना प्रकाशन, लुधिआणा’ नें।

टुर गिआ मित्तर पिआरा लैरी हाईन लैरी हाईन नाळ संपरक टुट्ट चुक्का सी। तकरीबन साल बाअद इक दिन उसदी पतनी नोवा दा फोन आइआ। उसने दस्सिआ कि उनहां नें रिहाइश बदल लई सी। “पर तुसीं एना चिर फोन किउं नां कीता?” मेरे प्रशन दे उतर विच नोवा नें जो दस्सिआ, सुण के मेरा साह सूतिआ गिआ। लैरी नूं कैंसर सी। उह बिमारी नाळ जूझिआ सी पर हार गिआ। हुण उह कुझ दिनां दा महिमान सी। मेरे कहिण ’ते नोवा नें फोन लैरी नूं फड़ा दित्ता। कमज़ोरी कारन उसनूं बोलण विच तकलीफ हो रही सी। उस वल्लों आखे ‘हाइ समाल बरद्दर’ दे शबदां विचले सनेह नूं महिसूसदिआं मैं भावुक हो गिआ… उसदा दुख्ख महिसूस करदिआं मैं हमदरदी दे शबद आखे। कुझ कु दिनां बाअद दुखदाई खबर आ गई। नोवा नें मैनूं फिऊनरल (ससकार) दा प्रोगराम नोट करवा दित्ता। फलू होण करके मेरी सिहत ठीक नहीं सी। पर मैं जाण दा इरादा बणा लिआ ते आख दित्ता, “ज़रूर आवांगा।”

पर तीजे दिन सवेरे जदों फिऊनरल ’ते जाण लई तिआर होणा सी, मन नें होर ही दलील घड़ लई, ‘दो घंटे जाण, दो घंटे आउण, ढाई–तिंन घंटे दा फिऊनरल प्रोगराम, मेरा फलू वध जाएगा… ।’ मैं जाण दा प्रोगराम कैंसल कर दित्ता। मन विच लैरी नाळ जुड़ीआं यादां घुंमदीआं रहीआं… कुझ घंटिआं बाअद मेरी आतमा मैनूं कोस रही सी, ‘बंदिआ! फलू दी तूं दवाई लै रिहां। इह कंटरोल ’च ऐ। तेरी सिहत नूं कुझ नहीं सी होणा। अज्ज जदों उस पिआरे इनसान दी आतमा दी शांती बाबत अरदास विच शामल होणा सी, उस नाळ गूहड़ी दोसती दीआं यादां, उसदे रिशतेदारां ते दोसतां–मित्तरां नाळ सांझीआं करनीआं सन, तूं घेसल वट्ट गिऐं। तूं बहुत वड्डी गलती कीती ऐ।’

अगले दिन मैं फोन ’ते नोवा तों मुआफी मंगी। “पर तूं तां किहा सी ज़रूर आवांगा।” नोवा दी टोन उलाभां देण वरगी सी।

“फलू कारन मेरी सिहत डाऊन है।” मैं सफाई दित्ती।

“इज़ दैट राईट?”

नोवा दी आखी इस गल्ल दे दो भाव-अरथ हन: दूजे बंदे दी गल्ल नूं ‘ओ अछ्छा’ कहिण वांग पुशट करना जां उसदी गल्ल ’ते शक्क ज़ाहर करना।

हो सकदै ईवा दा भाव मेरी गल्ल नूं पुशट करना ही होवे। पर जो भाव मेरी आतमा नें समझिआ उह शक्क वाळा सी। मैं गलत जु सां।

मेरीआं कुझ गलतीआं चेतिआं विच्चों विसर गईआं हन। पर कुझ गलतीआं मन दीआं डूंघाईआं ’च उत्तरीआं होईआं हन। उनहां दा चेता आउण ’ते मेरी आतमा मैनूं कोसण लग्ग जांदी है। लैरी हाईन दी फिऊनरल ’ते नां जाण दी गलती इस किसम दी है।

कनेडा दे लंमेरे आरथिक मंदवाड़े कारन देश दा बज्जट बहुत घाटे विच चला गिआ सी। 1993 दीआं फैडरल चोणां विच बहुमत लिबरल पारटी नूं मिळिआ। जौं करेचीअन प्रधान मंतरी बणिआं। अरथचारे दी घाटा–पूरती लई सरकारी महिकमिआं दे खरचिआं ’ते कटौतीआं लग्ग गईआं। बाकी महिकमिआं ’ते तां थोहड़ीआं ही सन पर फौज दे महिकमे ’ते वड्डीआं कटौतीआं लग्गीआं। फौज दी नफरी घटाउण दी कारवाई वी शुरू हो गई। कनेडा दी भाशा विच इसनूं ‘डाऊनसाईज़िंग’ किहा जांदा है। जिहड़े फौजी रिटाइरमैंट दे लागे सन, उनहां नूं समें तों पहिलां ही रिटाइर कर दित्ता गिआ। सैंकड़े फौजी इकठ्ठी रकम जां थोहड़ी रकम दे के फारग कर दिते गए।

साडी डिटैचमैंट ’ते जो असर पिआ, उह बाअद ’च दस्सांगा। पहिलां पहड़ो प्रधान मंतरी करेचीअन दे कारज–काल दौरान कनेडा दी सिआसत विच वापरी विकोलितरी घटना:

कनेडा दे सूबे किउबैक्क विच वड्डी गिणती फरांसीसी मूल दे कनेडीअनां दी है। सूबे दी सरकारी भाशा फरैंच है। तकरीबन 85% लोक फरैंच बोलदे हन। सरकारी भाशा होण करके गैर–फरांसीसी मूल दे लोकां नूं वी फरैंच सिखणी पैंदी है। फरांसीसी मूल दे सिआसतानदान चिरां तों किउबैक्क वासते ‘डिसटिंकट सोसाइटी’ यानि निवेकला समाज दी मंग कर रहे सन।

पिछले प्रधान मंतरी बराइन मलरोनी (कंज़रवेटिव पारटी) नें किऊबैक्क सरकार नाळ समझौता कीता सी। इसनूं ‘मीच लेक अकारड’ किहा जांदा है। इस समझौते विच कनेडा दी फैडरल सरकार नें किउबैक्क सूबे दी ‘डिसटिंकट सुसाइटी’ दी मंग प्रवान कर लई सी। समझौते अनुसार फरैंच भाशा ते कलचर नूं महत्तव देण तों इलावा किउबैक्क सूबे नूं कुझ वध्ध अधिकार वी मिळ जाणे सन।

उस समें पारलीमैंट विच लिबरल पारटी ‘विरोधी पारटी’ सी। इस पारटी दे नेतावां विशेश करके जौं करेचीअन ते लंमा समां कनेडा दे प्रधान मंतरी रहि चुक्के टरूडो (अजोके प्रधान मंतरी जसटिन टरूडो दे पिता) अते कुझ सूबिआं दे नेतावां नें ‘मीच लेक अकारड’ दी विरोधता शुरू कर दित्ती। उनहां दा तरक इह सी कि कनेडा बहुसभिआचारी देश है, इस करके फरांसीसीआं नूं निवेकली/ विशेश सुसाइटी दा दरजा देणा वाजब नहीं। अकारड सारे सूबिआं दीआं असैंबलीआं विच पास हो के ही सिरे चहड़ना सी। पर कुझ प्रीमीअर (मुख्ख मंतरी) इस दे हक्क विच नहीं सन। समझौता फिहल हो गिआ।

किऊबैक्क दे चिड़े होए नेतावां नें ‘आज़ाद किउबैक्क’ दी मंग उभार दित्ती। किउबैक्क विच सरकार ‘पारटी किउबैक्कवा’ दी सी। प्रीमीअर याक परिसो नें आज़ाद किउबैक्क दी मंग बारे रैफरैंडम यानि राइ शुमारी करवाउण दा ऐलान कर दित्ता। अते इस मंग दे हक्क विच लोकां तों ‘YES’ (हां) वोट लई मुहिंम शुरू कर दित्ती। मुहिंम दी अगवाई किऊबैक्क दी फैडरल पारटी ‘बलाक किऊबैकवा’ दे प्रभावशाली बुलारे लूसीओ बुशआरड नें सांभ लई। उसदे चुंबकी भाशणां तों प्रभावित होए आम लोक आज़ाद किउबैक्क दे हक्क विच भुगतण लई तिआर हो गए।

इसे तरहां दी राइ शुमारी 1980 ’च वी होई सी। उदों ‘नांह (No) वोट दी वड्डे फरक नाळ जित्त होई सी। प्रधान मंतरी जौं करेचीअन ऐतकीं वी ‘नो’ वोट दी जित्त दी आस लाई बैठा सी। पर उलटे रुख्ख दी हवा नें उसदे ते उसदी सरकार दे होश उडा दित्ते। फैडरल सरकार वल्लों किउबैक्क दे शहिर मांटरीआल विखे वड्डी रैली कीती गई। पर कोई खास फरक नां पिआ। उदों सथिती होर वी डावांडोल हो गई जदों फरांस नें ऐलान कर दित्ता कि जे किउबैक्क वख्खरा देश बण गिआ, फरांस मानता देवेगा ते यौरप दे होर देशां नूं वी अजिहा करन दी अपील करेगा। करेचीअन नें अंदरखाते अमरीका दे ततकाली राशटरपती बिल्ल कलिंटन नूं संयुकत कनेडा दे हक्क विच सटेटमैंट देण लई गुज़ारिश कीती। बिल्ल कलिंटन नें इक टी. वी इंटरविऊ विच कनेडा दी फैडरल सरकार दा पख्ख पूरदिआं इह वी आख दित्ता कि आज़ाद किउबैक्क नूं अमरीका, कनेडा ते मैकसीको दे ‘फरी टरेड ऐगरीमैंट’ दा मैंबर नहीं मंनिआं जावेगा।

पर किउबैक्क दे लोक आपणी मंग ’ते तुले होए सन। 30 अकतूबर, 1995 नूं राइ शुमारी दीआं वोटां पईआं। 49. 42% वोटर आज़ाद किउबैक्क दे हक्क विच भुगते अते 50. 58% वोटर विरोध विच। टुट्टण किनारे पहुंचिआ कनेडा मामूली जिहे फरक नाळ बच गिआ।

पारटी किउबैक्कवा दे नेता मुड़ राइशुमारी करवाउण दीआं गल्लां करन लग्ग पए। फैडरल सरकार नें, रैफरैंडम बारे कानूंनी उच्चितता पड़तालण लई, मामला कनेडा दी सुपरीम कोरट दे हवाले कर दित्ता। सुपरीम कोरट नें फैसला दे दित्ता कि किउबैक्क नूं कनेडा नाळों इकतरफा वख्ख होण दा कोई अधिकार नहीं।

फौज दे महिकमे ’ते लग्गीआं कटौतीआं दा असर साडे वाळे बेस ’ते वी पिआ। सपलाई डिप्पो नूं मांटरीआल शिफट करन दे आरडर हो गए। बेस तों बाहरलीआं युनिटां दा आसे पासे रलेवां शुरू हो गिआ। फलसरूप कमिशनेअरज़ दीआं पोसटां घट गईआं ते डिटैचमैंट छोटी हो गई। शैरी दी बदली किसे होर डिटैचमैंट ’च हो गई। विहले होए कमिशनेअरज़ किते नां किते ऐडजसट हो जाणे सन।

एअरपोरट ’ते पोसटिंग

असीं बरैंपटन विच घर खरीद लिआ सी। उत्थों एअरपोरट लागे सी। सो मेरी दिलचसपी एअरपोरट दी डिटैचमैंट ’च सी। अपरेशनज़ अफसर कहिण लग्गा कि उत्थे वारंट अफसर दी खाली जगहा है नहीं। मैं आख दित्ता कि जदों खाली होई उदों बणा दिओ वारंट अफसर। मेरी दिलचसपी इस करके वी सी कि एअरपोरट ’ते कमिशनेअरां दी तनखाह दा रेट ज़िआदा सी। शिफटां बारां–बारां घंटिआं दीआं सन। चार दिन कंम ते तिंन दिन आफ। मैनूं लिखण–पहड़न वासते ज़िआदा समां मिळ सकदा सी। एअरपोरट ’ते साडी वड्डी डिटैचमैंट सी। लैफटीनैंट गौरडन डिटैचमैंट कमांडर सी। चार वारंट अफसर सुपरवाइज़री डिऊटीआं निभाउंदे सन।

टरांटो इंटरनैशनल एअरपोरट कनेडा दी सभ तों वड्डी ते बिज़ी एअरपोरट है। प्रबंध गरेटर टरांटो एअरपोरट अथारिटी दे हत्थां विच है।

एअरपोरट ’ते दो तरहां दे एरीए सन— आम एरीआ ते बंदशी एरीआ (Restricted Area)। मुसाफरां दी सकरीनिंग ‘गरुप्प 4’ नां दी सकिउरटी कंपनी करदी सी। कमिशनेअरज़ बंदशी एरीए नूं जांदे राहां ’ते बणीआं पोसटां ’ते ताइनात सन। हर पोसट ते मेज़, कुरसी अते टैलीफोन हुंदा सी। बंदशी एरीए विच सिरफ पास वाले ही जा सकदे सन। छोटे तों वड्डे हर करमचारी नूं पास दिखाउण ते कमिशनेअरां वल्लों चंगी तरहां चैक्क करन दीआं सखत हदाइतां सन। एअरपोरट दी मैनेजमैंट दे वड्डे अधिकारी वी पास दिखाउणा आपणा फरज समझदे सन। कमिशनेअरां वल्लों पास चैक्क करन ’च कीती अणगहिली वड्डी कुताही मंनी जांदी सी।

मैनूं टरमीनलां अंदर पैटरोलिंग दी डिऊटी दित्ती गई। मेरे नाळ इक होर कमिशनेअर वी पैटरोलिंग करदा सी। पर साडे पैटरोलिंग–रूट वख्ख–वख्ख हुंदे सन। दोनां कोळ वाकी–टाकी सन। पैटरोलिंग दौरान, हमेशा बंद रख्खे जांदे, दरवाज़िआं नूं चैक्क करना, शक्की बंदिआं ’ते निगहा रख्खणा अते किसे कमिशनेअर दे कंम विच नज़र आउंदी ढिल्ल-मठ्ठ बारे डिटैचमैंट कमांडर नूं दस्सणा, साडे मुख्ख कंम सन। एअरपोरट अथारिटी दे करमचारी वी सकिओरटी कंटरोल सैंटर ’च लग्गे वड्डीआं सकरीनां वाळे मौनीटरां राहीं एअरपोरट दे हर कोने ’ते निगहा रख्खदे सन। किसे विअकती वल्लों जाणे-अणजाणे हमेशा बंद रख्खे जाण वाळा कोई दरवाज़ा खोल्हण दी कोशिश जां किसे पासे कोई शक्की हरकत देख के उह सानूं वाकी-टाकी ’ते सूचित कर देंदें। मैं जां दूजा पैटरोलमैन सथिती नूं पड़तालण लई दस्सी होई लोकेशन ’ते पहुंच जांदे।

शुरू दे दिनां ’च इक अमरीकन मुसाफर नें मैनूं पुछ्छिआ कि ‘रैसट रूम’ कित्थे हन। टरमीनलां विचलीआं थावां बारे मैनूं जाणकारी तां सी पर ‘रैसट रूम’ पहिली वार सुणिआं। मैं दूजे पैटरोलमैन नूं रेडीओ’ ते पुछ्छिआ। उस तों पता लग्गा कि अमरीकन वाशरूम नूं ‘रैसट रूम’ आखदे हन। मैं मुसाफर नूं फासले ’ते सथित वाशरूम वल्ल तोर दित्ता। वाशरूम नूं ‘रैसट रूम’ आखणा सारथक नहीं जापदा। लगदा है कि अमरीकनां नें आपणे–आप नूं वख्खरा–विशेश बणाउण लई अजिहा कीता है।

कनेडा, अमरीका ते यौरप दे लोक हवाई सफर ज़िआदा करदे हन। एअरपोरट ’ते मेले वरगा माहौल हुंदा सी। मैनूं आपणी डिऊटी पसंद सी। इक पोसट ’ते बझ्झे रहिण दी बजाइ तुर फिर के मेला देखणा चंगा लगदा सी। अनेकां देशां दे कई तरहां दे रंगां, नसलां ते अकीदिआं वाळे लोकां नूं वेखण–गौलण दे मौके मिळ रहे सन।

इक दिन पैटरोलिंग करदिआं मैं देखिआ कि कमिशनेअर बौब समित्थ आपणी पोसट ’ते नहीं सी। उह पोसट इक दरवाज़े ’ते सी जिसदे अंदरले पासे एअर कनेडा दे जहाज़ आ-जा रहे सन। दरवाज़े राहीं ज़िआदा आवाजाई जहाज़ां दे तकनीशनां दी सी। टरमीनल दे आम एरीए तों पोसट तक्क आउंदी गळी दे इक पासे कैफेटेरीआ (भोजनशाला) सी। आम एरीए तों पोसट तक्क दा फासला 150 मीटर ते कैफेटेरीआ तों 80 मीटर सी। बौब गळी दे आम एरीए वल्ल खलोता, आउंदे-जांदे लोकां वल्ल देख रिहा सी। मैनूं देख के उह पोसट ’ते आ गिआ।

उसनूं एअरपोरट डिटैचमैंट ’च आइआं कुझ कु दिन ही होए सन। “बौब! तैनूं इस तरहां पोसट नहीं छड्डणी चाहीदी। कोई गलत बंदा एअरसाईड ’च जा सकदै।” मैं समझाउण दे रउं ’च आखिआ।

“एधर नूं हर बंदे नें आउणा तां ओथों दी है जित्थे मैं खलोता सी।” उह बोलिआ।

“कोई बंदा कैफेटेरीआ विच्चों वी आ सकदै। सभ तों वड्डी गल्ल, पोसट- आरडरज़ मुताबिक तूं पोसट नहीं छड्ड सकदा।”

“मैनूं आपणे कंम दा पतै, तेरी सिखिआ दी लोड़ नहीं।” गलती मंनण दी बजाइ उसने आकड़ दिखाई।

ज़िआदा गल्ल करनी ठीक नहीं सी। अगांह आ के मैं फोन ’ते सारी गल्ल डिटैचमैंट कमांडर लैफटीनैंट हैनरी गौरडन नूं दस्स दित्ती।

“जरनैल कीप ए सपैशल आई औन हिम (इहदे ’ते उचेची निगहा रख्ख) जेकर इह फिर एही गलती करदा दिसिआ मैनूं उसे पल फोन करीं।” हैनरी नें आखिआ।

मैं बौब दी पोसट ’ते जाण दी बजाइ उसनूं फासले तों ही वाचणा शुरू कर दित्ता। कुझ दिनां बाअद उह फिर गळी दे आम एरीए वल्ल खलोता दिस पिआ। फासले ’ते होण करके मैं उसदी निगहा नहीं सी पिआ। मैं हैनरी नूं फोन कर दित्ता। उह डेढ मिंट ’च ही पहुंच गिआ। उसने बौब नूं इक सुंनी जिही पोसट ’ते शिफट कर दित्ता। मुड़ गलती करन ’ते जौब खतम होण दी वारनिंग वी दे दित्ती।

बौब हुण पोसट तों नहीं सी हिलदा। मैं उसदे रवई्ईए विच बदलाव देखणा चाहुंदा सां। इक दिन हाल-चाल पुछ्छण बआद मैं किहा, “बौब! जे तूं मेरी गल्ल ’ते अमल कर लैंदा तेरी पोसट बदली नहीं सी जाणी।”

“आई डोंट लिसन टू दा आऊटसाईडर।” पोसट तों परे होण वाळे दिन वी मैनूं उस विच नसलवाद दी झलक तां पई सी पर हुण तां कोई शंका ही नहीं सी रहि गई।

“मैं आऊटसाईडर (बाहरला विअकती) नहीं, तेरे वांग कनेडा दा सिटीज़न हां”

“मेरे वांग किवें?”

“कनेडा दे संविधान दे चारटर औफ राईटस ऐंड फरीडम अनुसार हर रंग-नसल दे कनेडीअन बराबर हन।”

संविधान दी गल्ल सुण के बौब अंदरों कुझ ढैळा पैंदा जापिआ पर उसदी बाहरली आकड़ बरकरार सी। कहिण लग्गा, “जद मेरा दिल ही नहीं मंनदा, तैनूं मैं आपणे बराबर किवें समझ लवां।”

“समझणा पएगा।” आखदिआं मैं टुर पिआ।

अगांह जा के उसनूं फोन करदिआं मैं किहा, “बौब! मैं तेरीआं गल्लां रिकारड कर लईआं हन। मैं तेरे ’ते नसलवाद दा केस करांगां।”

“ओ नो, फार गौड सेक, पलीज़ फौरगिव मी जरनैल।”

“मुआफी दिलों मंग रिहां।” उस वांग आकड़ दिखाउंदिआं मैं पुछ्छिआ।

“धुर अंदरों जरनैल, मेरे ’ते विशवास कर।” बौब दी टोन विच निरमाणता सी।

“ तैनूं मुआफ कीता बौब पर इह नां समझीं कि गल्ल मुक्क गई ए। जे तूं किसे नाळ वी नसलवाद कीता, तेरा नसलवादी ऐटीचिऊड साबत करन लई इह रिकारडिंग वरती जाएगी… कनेडीअन समाज दी खुशहाली नफरत ’च नहीं आपसी पिआर विच है।”

“आई ऐगरी जरनैल।”

रिकारडिंग दी गल्ल सच्ची नहीं सी, मैं बौब नूं डराउण वासते घड़ी सी। रिकारडिंग होण दी सूरत विच बौब ’ते नसलवाद दा दोश सिध्धा साबत हो सकदा सी किसे गवाह दी लोड़ नहीं सी। डर नें ही उस अंदर बदलाव पैदा कीता सी।

कनेडा दीआं सारीआं कमिऊनिटीआं नूं भरवें रूप ’च वेखण-जाचण दे ज़िआदा मौके गरमीआं विच ही मिळदे हन। आम कनेडीअनां वांग असीं वी वीक ऐंडां ’ते बाहर घुंमण–फिरन जांदे सां। भैण गुरदीश कौर दे परिवार ते होर रिशतेदारां नाळ कदी उनटेरीओ लेक, कदी सैंटर आईलैंड अते कदी निआगरा फालज़ ’ते पिकनिकां दे प्रोगराम बण जांदे सन। इनहां थावां दे हरे-भरे घाह, नवें-पुराणे द्रखतां, अनेक भांतां दे रंग-बरंगे फल्लां दीआं बगीचीआं अते विशाल पाणीआं दे द्रिश माणदिआं मन ’च चल रही कहाणी बारे वी सोच लैंदा सां।