अज्ज गुरशरन सिंघ अजीब “समराट उसताद ग़ज़लगो” वजों, संसार भर दे पंजाबीआं दे दिलां ‘च आपणी विशेश थां बणा चुक्किआ है। उह खुभ्भह के पिआरीआं ते मिआरीआं ग़ज़लां कहि कहि के ख़ूब जस्स खट्ट रिहा है पर उस नें इस मुकाम तक पुज्जण लई बड़ा लंबा सफर तैअ करदिआं जीवन विच्च पल पल मिलदे तज़रबिआं नूं वी आतमसात कीता है।

हां! इह दरुसत है कि उसनूं शाइरी, ग़ज़ल लिखण-पहड़ण, बोलण अते गाउण दा बहुत पहिलां तों ही शौक सी पर अज्ज उह “उमर” अते “हुनर” दे जिस मुकाम ‘ते पुज्ज के बड़े सलीके नाल ग़ज़लां दी पेशकारी कर रिहा है, इह “हुनर” उसने बड़े सिरड़ नाल सिख्ख-पहड़के, मिहनत करदिआं, लंबे अभिआस नाल लिआ है।

उसने “ग़ज़ल” कहिण लई “इलम-ए-अरूज़” (ग़ज़ल विधान) नूं चंगी तरहां समझिआ-विचारिआ अते परपक्क करके, भावां नूं विअकत करदिआं, आपणीआं “ग़ज़लां” नूं मिआरी अते सारथक बणाइआ है॥

साडी जाचे कुझ वरतारे उसदी प्रगती लई बड़े लाहेवंद रहे जिवें कि “इंटरनैशनल पंजाबी साहित सभा लंडन” दे 21-22 वरੵे दीआं लगातर नियम-बध्ध लिखण सरगरमीआं। उह सभा दे प्रधान, सकत्तर जां विशेश मैंबर वजों वी कारज-रत्त रिहा है। साहितकार, अदीब मिल बैठदे रहे, समागम-कानफ़रंसां, बैठकां हुंदीआं रहीआं। भारत पाकिसतान तों वी लिखारी आउंदे रहे अते ‘अजीब’ लई ज़मीन तिआर हुंदी गई।

इसदे नाल ही “रचना” मासक परचे दी लगपग दस कु साल दी संपादना नें ‘अजीब’ दे सुभाअ विच्च संजम नूं पुख़ता कीता, शबदां नाल मेल-जोल वधाइआ, दूजे लेखकां दीआं रचनावां नूं पहड़ण अते घोखण-विचारन लई राह खोल्हे अते उह सिरजणा (लिखण) दे कारज विच्च खुभ्भहदा गिआ। समें दी गतीशीलता नाल ग़ज़लां दी आमद लई दर खुल्ल्हणे आरंभ हो गए। भावना नें पंख खोल्हे ते उसदे हिरदे विच्चों ग़ज़लां नें छहिबर ला दित्ती। आप मुहारे हो “ग़ज़लां” नें अजीब दे बुल्ल्हां ‘ते गुनगुनाउणा आरंभिआ। कलम दी नोक नें पुख़ता ग़ज़ल दे नकश उभारने शुरू कर दित्ते। “ग़ज़ल” दी पैरीं पए घुंगरूआं नें ताल आरंभ दित्ती। सिट्टे वजों गुरशरन सिंघ अजीब नें ग़ज़ल नूं पूरी तरहां समरपित होण दी कगार ते पुज्जण लई आपणी तोर होर तेज़ कर लई। मंज़िल दूर सी, सफ़र लंमा सी पर विशवाश दे पक्के ‘अजीब’ नें, करड़ी मिहनत अते साधना दा राह अपनाई रख्खिआ। सिट्टे वजों आस नूं बूर तां पैणे ही सन।

1997 विच्च संपादित “बरतानवी पंजाबी ग़ज़ल” संग्रहि छपिआ। जिसदे संपादक गुरशरन सिंघ अजीब अते ग़ज़लगो/कहाणीकार गुरनाम गिल्ल सन। इस संग्रहि विच्च “भारती ते पाकिसतानी पंजाबां” तों आ के बरतानीआ विच पक्के तौर ‘ते सैटल होए “बरतानवी पंजाबी ग़ज़लकारां” दीआं शाहमुखी ते गुरमुखी लिपी” विच्च ग़ज़लां शामल सन।

इस संग्रहि उपरंत फिर लगपग गिआरां साल बाअद 2008 विच्च 120 ग़ज़लां दा “कूंजांवली”, छे साल उपरंत 2014 विच्च 189 ग़ज़लां दा “पुशपांजली”, चार साल बाअद 2018 विच्च 312 ग़जलां दा “ग़ज़लांजली”, अते हुण तिंन साल उपरंत 2021 विच्च 256 ग़ज़लां दा “रमज़ांवली” संग्रहि छपिआ। हुणे हुणे “पुशपांजली’ ग़ज़ल संग्रहि शाहमुखी विच्च वी छप्प चुक्किआ है।

जेकर ग़ज़लगो ‘अजीब’ वलों ग़ज़ल-साधना नूं समरपित कीता गिआ आपणी हयाती दा, असीं पहिला कुझ समां नां वी गिणीए तां वी 1997 विच संपादित कीते “बरतानवी पंजाबी ग़ज़ल” नाम दे ग़ज़ल संग्रहि उपरंत अज्ज 1997 तों 2021 तक्क दी घालणा नूं ही लगपग 24 साल लग्ग गए हन। पहिले साल पा लईए तां घट्टो घट्ट 30 साल होर बण जांदे हन। अदीब दोसतो! इत्थों तक्क पुज्जण लई लग्गपग्ग 54 साल दी घालणा थोड़ी नहीं हुंदी। लिखणा तपस्सिआ है। सहिज नहीं हुंदा। अशके जाईए अदीब ‘गुरशरन सिंघ अजीब’ दे, उसने आपणा समुच्चा जीवन ही ‘ग़ज़ल’ दे लेखे ला दित्ता है।

उसने हुण तक्क लगपग 1500 तों वी वध्ध ग़ज़लां लिखीआं। इंनीआं ग़ज़लां होर किसे वी ग़ज़लगो नें शाइद नहीं लिखीआं होणगीआं । दो होर ग़ज़ल संग्रहि: ‘बंदगी’ अते ‘’जामे-ग़ज़ल’ वी छेती ही प्रकाशित हो रहे हन।

इस पंछी झात राहीं असीं वेखदे हां कि ग़ज़लगो गुरशरन सिंघ अजीब नूं, ग़ज़लगो तों “समराट अते उसताद ग़ज़लगो” बणन विच्च बहुत लंमा समां लग्गिआ है।

जीवन बड़ा विशाल अते गुंझलदार है। निरंतर साधना विच्च जुट्टे ग़ज़लगो ‘अजीब’ नें आपणीआं ग़ज़लां लई जीवन नूं चुनौतीआं देंदे बहुत सारे विशे अते समस्सिआवां नूं आधार बणाइआ है। उसने प्रमुख्ख तौर ते पिआर, परवास, समाजिक रिशते अते रिशतिआं दी टुट्ट-भज्ज, नवीं पीहड़ी दी दुबिधा जां समें कारन पीहड़ी-पाड़े दे नाल नाल समुच्चे जीवन साहमणे आ रहीआं चुनौतीआं नूं वी चितरिआ है। उह सुंदरता दा पुजारी है। सुंदरता नूं माणदिआं माणदिआं उह रूहानीअत दे सनमुख्ख हो गिआ। इशक, मजाज़ी तों अग्गे हकीकी पिआर दीआं बातां करन लग्ग पिआ है। उसदी नज़र दे घेरे विच्च सारी मनुख्खता दे नाल नाल निज्ज तों अग्गे सारा संसार ही आ बहुड़िआ अते उह ग़ज़ल कहिंदा होइआ ग़ज़ल नूं ही परनाइआ गिआ है। ग़ज़ल ही उस लई जीण दा इक मकसद बण गिआ है।

प्रो. शिंगारा सिंघ ढिल्लों लिखदे हन: “रमज़ांवली” दा विशा वसतू बहु-पख्खी है। बेशक इस विच्च दरज बहुतीआं ग़ज़लां पिआर मुहब्बत दे विशे नाल सबंधित हन पर इस तों इलावा भू-हेरवा, मौजूदा पंजाब दे हालातां दा दरद,…..वध रिहा पीहड़ी पाड़ा, मनुख्खी जीवन दी हो रही मानिसक टुट्ट भज्ज, मनुख्खी रिशतिआं दे नित्त बदलदे समीकरन, राजनीतक गिरावट, समाज विच वध्ध रिहा भरिशटाचार, अनाचार ते अनरथ, किरती किरसान दी निघरदी जा रही हालत अते मनुख्खी सोच विच भारू हो रहीआं पदारथी रुचीआं कारन आ रही संकीरनता आदि अनेकां विशिआ उत्ते कलम चलाई गई है।”

होर बहुते विसथार विच्च नां जांदिआं हाज़र हन उस दीआं ग़ज़लां दीआं कुझ वंनगीआं:

1. ग़ज़लगो गुरशरन सिंघ अजीब दा मंनणा है कि “ग़ज़ल” कहिण लई “ग़ज़ल-पिंगल” अरथात “इलम-ए-अरूज़” सिख्खणा-पहड़णा बेहद्द ज़रूरी है:

ग़ज़ल जे आखणी मितरो ग़ज़ल-पिंगल पहड़ो पहिलां,

अखाड़ा एस दा डाढा ग़लत घोली ढहे यारो।

….

ग़ज़ल पक्की असूलां दी सदा बंदश ‘च रहिंदी है,

करे नां पार रेखावां इह सीता बण रहे यारो। (ग़ज़ल 191)

2. “ग़ज़ल” नूं बंदगी मंनदिआं अते अभिआस ‘ते ज़ोर देदिआं —बड़ी ही हलीमी नाल — संपूरन हुंदिआं होइआं वी उह “रमज़ांवली” विच लिखदा है:

होई ग़ज़ल दी बंदगी तेरी पूरी नहीं,

करना अजे ‘गुरशरन’ कुझ अभिआस बाकी है। (ग़ज़ल 8)

3. इनसानीअत लई फि਼कर करदिआं चानण भालदा है:

(उ)

चानण मुनारा बण के आवे जो सभना ख़ातर,

लै के जो आए ख़ुशीआं परभात लिख ‘अजीबा’।

एके दे जो नें हामी तूं भर उनहां दी हामी,

वंडे जो लोकता नूं नां ज़ात लिख ‘अजीबा’॥

(ग़ज़ल 58)

(अ)

नां मैं हिंदू, सिख्ख, मुसलमां, बोधी नां इसाई।

मैं आशक इनसानीअत दा मुढ तों जो अपनाई। (ग़ज़ल 40)

4. ‘अजीब’ सभ दा भला मंगदा है अते मनुख्खी हक्क लई खहड़ना लोचदा है:

सभ दा भला इह सोचे माड़ा कदे नां लोचे,

लोकां दी भाईवालण असली ग़ज़ल है मेरी।

—

हक्कां लई है लड़ना तकीआ-कलाम इस दा,

फहड़ के मशाल हथ विच बलदी ग़ज़ल है मेरी। (ग़ज़ल 67)

5. किंनी सादगी नाल जीवन दी सचिआई पेश करदिआ लिखदा है:

(उ)

दिन चार ज़िंदगी दे हस के गुज़ार बंदे।

जिंना कु कर हैं सकदा कर लै ऐ पिआर बंदे।

छोटी है ज़िंदगानी जिद्दां है वा-वरोला,

इस बीत जाणा फ़ौरन इह नां विसार बंदे।

(ग़ज़ल 172)

(अ)

वगदी नदी दा पाणी वापस कदे नां मुड़णा।

जग तों गिआ पराणी वापस कदे नां मुड़ना। (ग़ज़ल 35)

(6) भारत विच करज़िआं हेठ मर रहे किसानां नूं वेखदिआं लिखदा है:

करज़िआं विच मर रिहा किरसान मैं नित वेखदां।

चुप्प उस दी मौत ‘ते सुलतान मैं नित वेखदां।

(7) ‘बेटी बचाओ’ दे नाहरे लग्ग रहे नें पर नाल ही नारी दा सोशण वी जारी है:

“बेटी बचाओ” नाहरा सुण सुण गए हां थक्क,

फिर हो रिहा किउं सोशण नाज़ुक-कली दे नाल। (ग़ज़ल 124)

बरतानीआ वस्सदा इक्क होर समरत्थ ग़ज़लगो भुपिंदर सग्गू “रमज़ांवली” सबंधी लिखदा है: “इस ग़जल संग्रहि विच्च शामल कीतीआ ग़ज़लां पहड़ण तों बाअद मालूम हुंदा है कि शिअरां विच दलील, दानशवरी, पाकीज़गी, पुख़तगी नाल भरपूर है। आप दीआं ख़िआल-उडारीआं गगनां नूं छोंहदीआं हन।”

ग़ज़लगो ‘अजीब’ दे शबदकोश विच “खड़ोत” नूं कोई थां नहीं। उह इक्क होर, इक्क होर ‘ग़ज़ल’ कहिण लई हर समें तिआर बर तिआर है। उसदी इक्क ग़ज़ल जदों देखी तां मैं 60-65 साल पिछ्छे चला गिआ। आदमपुर तों निकलदे मासिक परचे ‘पत्तण’ विच्च छपी सवरगवासी रणजीत सिंघ खड़ग दी इक्क ग़ज़ल दे कुझ शेअर सुभाइके ही मेरे बुल्ल्हां ते आ गए:

मेरी सज्जणी मेरी दरदन अजे तक रात बाकी है।

लहू लिबड़ी भरी हंझूआं दी कुझ कु बात बाकी है।

हुणे नां सौं हुंगारा भर हुलारा आउण दे जीअ नूं,

कि ग़म नाल ग़म नूं परचाईए बड़ी आफ़ात बाकी है।

ग़ज़लगो अजीब नें तां होर वी कमाल कर दित्ती:

============================

कहांगा मैं ग़ज़ल इक होर यारो रात बाकी है।

जो कहिणी आपणे दिल दी अजे उह बात बाकी है।

ग़ज़ल मेरी नें इक दिन ढुक्कणैं लाड़े किसे वांगर,

जो जाणी अपसरावां घर अजे बारात बाकी है।

मेरे साहां ‘च जुंबश है मेरे जज़बात वी काइम,

मैं जो गल आखणी रूह दी अजे हज़रात बाकी है।

नां चाहां मैं कोई तग़में रतन-भारत किसे कोलों,

जु मिलणी पाठकां पासों अजे सौग़ात बाकी है।

विशे भरने ग़ज़ल अंदर अजे मैं होर नें यारो,

भरूं-हत्तिआ निआं हक सच नशे अरथात बाकी है।

‘अजीबा’ मेघ खुशीआं दे वरहनगे घर तेरे अंदर,

खुशी जो बखशणी रब्ब नें उह मिलणी दात बाकी है।

दोसतो! इह दीवान “रमज़ांवली” पहड़ण अते संभालण योग दसतावेज़ है। “रमज़ांवली” ग़ज़ल संग्रहि लई “उसताद-समराट ग़ज़लगो गुरशरन सिंघ अजीब” नूं हारदिक वधाई देंदिआं कहिणा बणदा है:

जापदै ‘गुरशरन’ सिरजेंगा ग़ज़ल इतिहास तूं,

कर रिहा तेरे ‘ते किरपा कावि दा भगवान है।

आमीन!

23 दसंबर 2021