मशहूर अंगरेज़ी कवी जौहन कीटस 28 सालां दी उमर विच्च ही जहान तों तुर गिआ सी। उस दी मौत ते उस दे समकाली कवी शैले नें मरसीआ लिखिआ। उसदीआं पहिलीआं दो सतरां हन: 

किस नें हत्तिआ कीती जौहन कीटस दी?
मैं कीती, इक्क त्रैमासिक पत्त्रिका बोली

शैले  दा कहिणा सी कि कीटस किसे बीमारी नाल नहीं मरिआ, उस नूं इक्क तैमासिक पत्त्रिका नें मारिआ है। इस पत्त्रिका दा नां ‘कुआरटरली रिविऊ’ सी। इस विच्च अकसर कीटस दे ख़िलाफ़ लिखिआ जांदा। जदों कीटस दी लंमी कविता ऐनडीमाइन प्रकाशित होई तां इस पत्त्रिका विच्च उस बारे बहुत निरादर ते नफ़रत भरिआ लेख छपिआ। शैले दा कहिणा है कि इस लेख नें कीटस दे दिल नूं बहुत डूंघे घाउ दित्ते। इह घाउ ही अंत उस दी मौत दा कारन बणे। 
 जदों इक्क होर प्रसिध्ध समकाली कवी लारड बाइरन नें शैली दा लिखिआ मरसीआ पहड़िआ तां उहने शैली नूं ते आपणे होर दोसतां नूं लिखे ख़तां विच्च लिखिआ: मैं तां कदी नां मरदा, इहो जिही निगूणी गल्ल नाल। उज मैं इह गल्ल आपणे तजरबे तों जाणदां कि इहो जिहीआं गल्लां कवीआं नूं बहुत दुख्ख दिंदीआं हन। जदों मेरी किताब Hours of Idleness छपी तां उस बारे किसे नें इस तो वीं ज़िआदा ज़हिरीला लेख लिखिआ सी। इक्क वार तां उस लेख नें मैनूं पटकाअ मारिआ। पर मैं फेर उठ पिआ सी। इस भज्ज दौड़ ते मुकाबलेबाज़ी दी दुनीआ विच्च दम ख़म रख्खणा चाहीदा, ख़ास कर साहित दी दुनीआ विच। मैं कीटस वांग आपणी लहू दी नाड़ी नहीं फटण दित्ती। मैं आपणा लहू नहीं डुल्लण दित्ता मैं तां रैड वाईन दीआं तिंन बोतलां पीतीआं। 
बाइरन नें आपणी इक्क कविता विच्च वी इस दा ज़िकर कीता है: 
हैरानी दी गल्ल है
कि कीटस वरगी आतिश
किसे दे चार लफ़ज़ां नाल आपणे आप नूं बुझ जाण देवे। 
तूं तां नहीं मरेगा किसे इहो जिहे लेख नाल? 
मैनूं मेरा दोसत सुरजीत मान नें पुछ्छदा है। 
मै? मैं ंजे मरना हुंदा हुण तक्क कई वार मर जांदा। कई वार मरिआ वी हां। मै ਼उस नूं किहा। मेरा इक्क शेअर है: 
ज़हिर तेरी तां मैं हज़म वी कर लई
तेरी नफ़रत तां मैं नज़म वी कर लई
तूं जो बख़शे सी उह ज़ख़म फुल बण गए
मैं तुकां विच्च उनहां नूं परो वी लिआ
मैं आपणे मन दे संताप नूं ऊरजा विच्च बदल लैदां जिवें अग्ग अते भाफ़ नूं बदलीदा। मैं आपणी कविता नूं वधीआ साबत करन दी कोशश करन दी थां कुझ्झ वधीआ पहड़न लग्गदा हां। 
कविता दे काज़ीआं, इहो जिहें आलोचकां बारे मै इह वी लिखिआ है: 
किंनी नें औकात दे मालक, 
किस शिद्दत जज़बात दे मालक
पारखूआं वी परखे जाणा 
तेरी ग़ज़ल नूं परखण लग्गिआं
उज सच्च दस्सां इहो जिहे वेले मेरे अंदर वी पूरा इक्क नाटक चल्लदा है। मेरा इक्क शेअर है
मंच - नाटक कदी कदी होवे
मन च नाटक हमेश चल्लदा है
जदों किसे दे मूंहों आपणे ख़िलाफ़ कोई बोल सुणदा हां जां लिखिआ होइआ पहड़दा हां ते अंदरे अंदर बड़ा तड़पदा हां। विस घोलदा हां, गुर्राउदा हां, घुरकदा हां, चिंघाड़दा हां, हूंगदा हां, कुरलाउदा हां। यानी कई जूनां पलटदा हां। लिखण वाले नाल ख़फ़ा हो जांदा हां पर जलदी ही मैनूं निदा फ़ाज़ली दा शेअर याद आ जांदा है: 
अपना चिहरा न बदला गया
आईने से ख़फ़ा हो गए
सोचदा हां: ऐ मना, तेरे ख़िलाफ़ लिखण बोलण वाला तां आईना है, उसने तैनूं तेरा बदसूरत चिहरा दिखाइआ तां तूं शीशे नाल गुस्से हो गिआ। 
शीशे नाल गुस्से नां हो
हो सके तां अपणा चिहरा बदल। 
चिहरे दी गरद साफ़ कर। 
चिहरे दे दाग़ धो
शीशे नाल ख़फ़ा नां हो।। 
पर की शीशा हमेशा सच्च बोलदा है? 
हां राहत इंदौरी साहिब तां एही आखदे हन: 
चाहे सोने के फ़्रेम में जड़ दो
आईना झूठ बोलता ही नहीं
पर राहत इंदौरी साहिब नें शाइद कदी उह विक्रित शीशे (distorted mirrors) नहीं देखे जिहड़े तुहाडी शकल तुहानूं अजीबो ग़रीब बणा के दिखाउदे नें। सो मैं तैनूं कहिणा चाहुंदा हां: 
हर वारी मैला जाण के तूं
किउं अपणा ही मुख नोच लिआ
शीशे वी मैले हुंदे नें
पाणी वी गंधले हुंदे नें। 
ते इह वी: 
 
किसे वी शीशे च अकस अपणा
गंधलदा तक्क न उदास होवीं
सजन दी निरमल नदर च हरदम
तूं धिआन अपणे नूं लीन रख्खीं
 
किसे नूं मारन दा ढंग ए इह वी
कि शीशिआं च विकार पावो
ते शख़सों पहिलां ही अकस मारो
सो ख़ुद च पूरा यकीन रख्खीं।। 
 
मैं इक्क वार फेर कीटस दी मौत बारे कही बाइरन दी गल्ल दुहराउणी चाहुंदा हां: 
 
हैरानी दी गल्ल है
कि कीटस वरगी आतिश
किसे दे चार लफ़ज़ां नाल आपणे आप नूं बुझ जाण देवे।।