“सेवा देश दी ज़िंदड़ीए बड़ी औखी,

गल्लां करनीआं ढेर सुखल्लीआं नें,

जिनहां देश सेवा विच्च पैर पाइआ,

उनहां लख्ख मुसीबतां झल्लीआं नें।”

इनहां सतरां नूं गाउंदिआं अते इनहां उप्पर अमल कमाउंदिआं आपणी जान उत्ते लख्खां मुसीबतां नूं झल्लदिआं देश दी सेवा करन वाला नौजवान, जिहनूं शहीद-एे-आज़म भगत सिंघ आपणा आदरश मंनदा सी, ग़दर लहिर दे हर कंम विच्च मोढी बण के रोल अदा करन वाला अते सिरफ 19 कु सालां दी उमर विच्च हस्स-हस्स के फांसी दा रस्सा आपणे गळ विच्च पाउण वाला उद्दमी नौजवान है करतार सिंघ, जिसने आपणे नाम नाल आपणे पिंड दा तख़ल्लस ला के ‘सराभे’ पिंड नूं दुनीआं विच्च चमका दित्ता। पिंड सराभा राएेकोट तों लगभग 15 किलोमीटर अते लुधिआणे तों लगभग 28 किलोमीटर दूर घुग्ग वसदा पिंड है, जित्थे करतार सिंघ सराभे नें पिता स. मंगल सिंघ दे घर माता साहिब कौर जी दी कुख्खों 24 मई 1896 नूं जनम लिआ। बचपन विच्च ही मां-बाप दा साइआ सिर तों उठ्ठ गिआ। करतार सिंघ दी पालणा उनहां दे दादे स. बदन सिंघ दी देख-रेख हेठ होई। करतार सिंघ दी इक्क भैण सी, जिसदा नाम धन कौर सी।

करतार सिंघ दा आपणे दादे नाल अंतां दा मोह सी। दादा बदन सिंघ वी करतार सिंघ नूं कोई वड्डा अफसर बणिआ वेखणा चाहुंदा सी। इसे लई करतार सिंघ दी पहड़ाई ’ते पूरा ताण लाइआ गिआ। मुढली सिख्खिआ गुज्जरवाल दे मिडल सकूल तों प्रापत करन उपरंत करतार सिंघ नें मालवा खालसा हाई सकूल विच्च दाख़ला लै लिआ। दसवीं जमात करतार सिंघ नें आपणे चाचे बख़शीश सिंघ कोल उड़ीसा विच्च पास कीती। सकूल समें दौरान करतार सिंघ आपणे जमातीआं विच्च बहुत हरमन पिआरा बण के रिहा किउंकि उह चुसत, चलाक अते मज़ाकीआ लहिजे दा होण करके उसदे साथी विदिआरथी उस नूं ‘अफलातू’ वी कहि दिंदे सन अते कई मित्तर-बेली उसदी चुसती-फुरती नूं देख के उस नूं ‘उड्डणा सप्प’ नाल वी संबोधित हुंदे सन।

चाचे कोल रहिंदिआं करतार सिंघ नें अंगरेज़ी बोलण अते लिखण दा अभिआस वी चंगी तरहां सिख्ख लिआ सी। उह नवें दिसहद्दे सथापित करना चाहुंदा सी। इसे लई उह रसाइण विगिआन दी उचेरी सिख्खिआ प्रापत करन लई अमरीका रवाना हो गिआ। उत्थे पहुंचण ’ते करतार सिंघ दी सख़त पुछ्छगिछ्छ (इंटरविऊ) होई। इंनी सख़त लहिजे विच्च होई पुछ्छगिछ्छ तों सराभा हैरान सी। जदों उसने होर इंमीग्रेटां तों इस बाबत जाणकारी प्रापत कीती तां उस नूं अहिसास हो गिआ कि उह गुलाम देश (भारत) दा वासी होण करके उस नाल अजिहा सलूक कीता गिआ, जिसनूं उह कदे वी भुला नां सकिआ अते इत्थों ही पैदा होइआ उस अंदर आज़ादी लई जूझण दा जनूंन।

अमरीका विच्च पुज्ज के उसने बरकले यूनीवरसिटी विच्च रसाइण विगिआन दी सिख्खिआ प्रापत करन लई दाख़ला लै लिआ। पहिलां-पहिल उह किराएदार बण के किसे परिवार विच्च रहिण लग्ग पिआ। इक्क दिन उस घर दी औरत नें अमरीका दे आज़ादी दिहाड़े नूं मनाउण लई आज़ादी ख़ातर जूझण वाले नौजवानां दीआं तसवीरां नूं फुल्लां नाल सजाइआ होइआ सी। इह सभ कुझ देख के सराभे नें उस नूं पुछ्छिआ कि उह की कर रही है? तां उसदा उत्तर सुण के सराभे नें हउका लिआ अते सोचिआ कि असीं कदों आज़ाद होवांगे? की साडा देश वी इस तरहां आज़ादी दा जशन मनाएेगा?

यूनीवरसिटी विच्च पहड़दिआं सराभे दा मेल होर भारती नौजवानां, जिहड़े वख्ख-वख्ख सूबिआं जिवें बंगाल, मदरास अते पंजाब तों गएे होए सन, नाल होइआ। इह सारे विदिआरथी देश नूं आज़ाद करवाउण दा सुपना आपणे मनां विच्च पाल रहे सन। सराभे समेत सारे पंजाबी नौजवानां दा मत्त सी कि आज़ादी हथिआरबंद घोल लड़ के ही प्रापत कीती जा सकदी है, जदोंकि बंगाली अते मदरासी विदिआरथी अहिंसावादी सन। कुझ वी होवे, देश नूं आज़ाद हुंदा वेखणा हर कोई चाहुंदा सी। इनकलाबी विचारां दे धारनी विदिआरतीआं विच्च करतार सिंघ सराभा आगू दा रूप इखतिआर कर चुक्का सी। उह होरां देशां विच्च हो रहे इनकलाब बारे वी पहड़दा-सुणदा रहिंदा सी अते आपणे साथीआं नाल विचार-वटांदरा वी करदा रहिंदा। जित्थे सराभे नें फरांस, इटली जां होर देशां दे इनकलाबीआं दीआं लिखतां जां जीवनीआं पहड़ीआं, उत्थे उह आपणी सरज़मीं दे महान आगू गुरू गोबिंद सिंघ जी तों बहुत प्रभावित सी।

इस प्रकार देश नूं आज़ाद करवाउण वाले नौजवानां दा काफला वधदा गिआ अते इसे एेके दी लहिर विच्चों ग़दर लहिर दा जनम होइआ। बेशक इस पारटी दा पहिला नांअ ‘हिंदी ऐसोसीएेशन आफ पैसीफिक कोसट’ सी पर ‘ग़दर’ अख़बार दी प्रकाशना नाल पारटी दा नांअ वी ‘ग़दर पारटी’ पै गिआ, जो हौली-हौली पारटी तों लहिर विच्च तबदील हो गिआ।

करतार सिंघ सराभा ग़दर लहिर दा चमकदा सितारा सी। ग़दर अख़बार दी प्रकाशना विच्च वी करतार सिंघ दे निभाए रोल नूं अख्खों परोखे नहीं कीता जा सकदा। जदों कोई लहिर चलदी है तां उसदे सुनेहे नूं लोकां तक पहुंचाउण लई कोई ‘नैट्टवरक’ ज़रूर सथापित करना पैंदा है, जो कि ‘ग़दर’ अख़बार दी प्रकाशना नाल सिरे चहड़ चुक्किआ सी। ‘ग़दर’ अख़बार नूं कई थांवें ‘ग़दर दी गूंज’ लिखिआ वी मिलदा है। उस लहिर दे सुनेहे नूं लोकां तक पहुंचाउण दा सिहरा वी सराभे दे सिर बझ्झदा है। सराभे दा इह मत्त बड़ा धिआन भालदा है कि सुनेहा लोक बोली विच्च ही दित्ता जा सकदा है, जिस तरहां बुध्ध नें आपणा सुनेहा लोक बोली ‘पाली’ विच्च अते गुरू साहिबान नें आपणा सुनेहा पंजाबी लोक बोली विच्च दित्ता, इसे तरहां सराभे दा मत्त सी कि ‘ग़दर’ लहिर दा सुनेहा पंजाबीआं लई पंजाबी विच्च ही होणा चाहीदा है अते होरनां सूबिआं विच्च उनहां लोकां दी भाशा विच्च इह अख़बार 11 गिआरां भाशावां विच्च प्रकाशित हुंदा रिहा।

किसे वी लहिर दा दूजा पख्ख हुंदा है लहिर नूं चलाउण लई माइआ (धन) दी लोड़। बेशक जुझारू सूरमे आपणा तन अते मन लोक लहिरां नूं समरपित कर चुक्के हुंदे हन पर हालात इस तरहां बण जांदे हन कि ‘लहिरां’ पैसे बगैर आपणे कारज नूं निभाउण विच्च असमरत्थ हो जांदीआं हन। अजिहा कुझ ही सराभे वेले वापरिआ। इस खप्पे नूं पूरा करन लई देश भगतां नूं डाके वी मारने पएे।

सराभे दी उच्ची-सुच्ची शखसीअत दा प्रभाव देखण लई इक्क घटना दा ज़िकर करना ज़रूरी होवेगा। सराभा आपणे साथीआं समेत किसे घर डाका मारन गिआ। सराभे दे दूजे साथी नें उस घर दी सुनख्खी मुटिआर दा हत्थ फड़ लिआ। उसने चीकां मारनीआं शुरू कर दित्तीआं। जदों सराभे नें इह सभ तक्किआ तां उसने आपणे साथी दे मत्थे ’ते पिसतौल तण लिआ अते गरज़ के बोलिआ, “तूं मौत दा हक्कदार हैं। छेती कर, जां तां इस कुड़ी दे पैरां विच्च डिग के माफ़ी मंग लै, नहीं मरन लई तिआर हो जा।”

अजिहे घटनाक्रम नूं देख के उस कुड़ी दी मां नें सराभे नूं किहा कि पुत्तर लगदे तां तुसीं बड़े सूझवान हो पर इह डाके मारने तुहाडे वरगिआं लई शोभदे नहीं? तां सराभे नें देश ख़ातर आपणी ज़िंदगी दाअ ’ते लाउण दी सारी गल्ल उस माता नूं समझाई।

जिस घर विच्च डाका मारिआ गिआ सी, उत्थे कुड़ी दा विआह रख्खिआ होइआ सी। कुड़ी दी मां हत्थ जोड़ के सराभे कोल खहड़ गई, “पुत्त आह कुड़ी दे हत्थ पीले करन लई इह समान मसां जोड़िआ सी।”

ऐना कहिण दी देर सी कि सराभे दा मन पिघल गिआ। इह नहीं कि पहिलां सराभा पत्थर दिल सी पर मजबूरीआं कारन उनहां नूं इह रसता इखतिआर करना पै रिहा सी। सराभे नें चुक्किआ होइआ समान उस माई नूं वापस कर दित्ता पर अग्गों माई नें ख़ुश हो के सराभे दी झोली विच्च कुझ वसतां पा दित्तीआं अते कामयाबी दा आशीरवाद दित्ता।

सराभे दे दिल विच्च देश तों कुरबान हो जाण दा जज़बा किंना कुट्ट-कुट्ट भरिआ सी, उह इस गल्ल तों सपशट हो जांदा है कि जेल्ह विच्च मुलाकात लई आइआ सराभे दा दादा बदन सिंघ उस नूं कहिण लग्गिआ, “करतार पुत्तर, तूं छड्ड देश भगती दीआं गल्लां... किउं आपणी जान अजाईं गुआ रिहा हैं?”

इस तरहां दीआं गल्लां करके दादा आपणे मोह दा सबूत दे रिहा सी। गल्लां करदिआं-करदिआं करतार सिंघ नें आपणे दादे तों पुछ्छणा शुरू कर दित्ता, “दादा जी, फलाणे दा की हाल है?”

दादा कहिंदा, “‘पुत्तरा, उह तां पलेग नाल मर गिआ।”

करतार सिंघ नें फिर पुछ्छिआ, “दादा जी, फलाणे दा की हाल है?” तां दादा बोलिआ, “पुत्तरा, उह तां हादसे विच्च मर गिआ।”

बस्स अजिहीआं तिंन-चार मौतां बारे सुण के सराभा बोलिआ, “दादा जी, इक्क दिन सभ नें मर जाणै ... जिहड़ा पलेग नाल जां किसे होर बिमारी नाल मर गिआ, उहनूं कीहने याद करना पर करतार सिंघ नूं दुनीआं याद करेगी। मैं इकल्ला नहीं, मेरे नाल दे होर देश भगत अजिहीआं पैड़ां पा के जा रहे हां, जिनहां नूं लोक याद रख्खणगे।”

सराभे दे इस उत्तर नें आपणे दादे नूं निर-उत्तर कर दित्ता।

सराभे दी समुच्ची जीवनी विच्चों जो सेध मिलदी है, उह इस गल्ल दा प्रगटावा करदी है कि हथिआरबंद घोलां बिनां आज़ादी प्रापत नहीं हो सकदी। लोकां उत्ते ज़ुलम ढाहुण वाले कदे वी मिंनतां-तरले करिआं तों आपणे ज़ुलम बंद नहीं करदे, सगों इट्ट दा जवाब पत्थर नाल देण वाले ही आपणे संघरश विच्च कामयाब हुंदे हन। गुरू गोबिंद सिंघ जी दी सोच नूं प्रणाइआ सराभा इसे गल्ल दा धारनी सी कि जदों दलील, अपील रद्द हो जावे अते ज़ुलम दी अत्त हो जावे, उदों तलवार उठा लैणी चाहीदी है। पंजाब, पंजाबी अते पंजाबीअत नूं प्रणाइआ होइआ सराभा आपणे लोक नाइकां दा कदरदान है अते पंजाबी मां-बोली नूं सतिकार दिंदा होइआ उह अख़बार दी संपादना दा कारज पंजाबी विच्च करदा है पर अफसोस, कुझ अखौती बुध्धीजीवीआं नूं करतार सिंघ सराभे दे सिर सजिआ पंजाबीअत दा माण ‘पग्ग’ रास नहीं आई। पिछले सालां विच्च करतार सिंघ सराभा दी जीवनी नाल सबंधित दो-चार किताबां पहड़न नूं मिलीआं, जिसदे टाइटल पेज उप्पर बिनां पग्ग तों सराभे दी फोटो देख के दिल नूं धूह जिही पैंदी है अते इंझ लगदा है कि जिवें इह कोई नकली सराभा होवे। पग्ग पंजाबीअत दी पछाण है। करतार सिंघ सराभा पंजाब दा माण है। उहदे सिर तों पग्ग लाहुणी शहीद दा अपमान है। अखौती बुध्धीजीवी भरावां नूं बेनती है कि सराभे दे सिर दा ताज उस तरहां ही रहिण दिओ। तुहाडे वल्लों कीती होई भुल्ल इतिहास विच्च नां-बख़शणयोग होवेगी।

अंत विच्च शहीद करतार सिंघ सराभे दी शहीदी नूं मनाउंदिआं सानूं इस गल्ल दा अहिसास होणा चाहीदा है कि अज्ज वी साडे साहमणे बहुत सारीआं समस्सिआवां मूंह अड्डी खहड़ीआं हन। साडे देश दे हाकम लोकां दे लहू नूं पाणी वांग पी रहे हन। याद रख्खणा, सराभे दे आपणे दादे नूं पुछ्छे सवाल, “कोई पलेग नाल मर गिआ, कोई किसे होर बिमारी नाल’, अज्ज वी कोई डेंगू नाल मर रिहा है, कोई कैंसर नाल अते बहुत सारे लोक ख़ुदकुशीआं करके आपणे जीवन दा अंत कर रहे हन। अजिहीआं मौतां नाल इतिहास नहीं सिरजिआ जांदा। आउ! सराभे दी सोच ’ते पहिरा दिंदे होए लामबंद हो के संघरश दे राह पईए।

* * * * *