नोटबंदी इक्क अजिहा फ़ैसला सी, जिस नें सभनां देशवासीआं नूं हैरान कर दित्ता सी। प्रधान मंतरी दे देर रात इक्क दम कीते ऐलान नें देशवासीआं विच्च नां केवल हैरानी पैदा कीती बलकि हर बंदे नूं भंबळभूसे पा के हफड़ा दफड़ी दा माहौल वी सिरज दित्ता। बहुते लोकां नूं शुरूआती दौर विच्च नोटबंदी वाली खेड समझ वी नहीं पई। नोटबंदी दे सिट्टे वजों अमीर तबके उत्ते कोई बहुता असर नहीं पिआ सी पर आम आदमी उत्ते चोखा असर देखण नूं मिलिआ। अमीर लोक काले धन नूं चिट्टे विच्च बदलण विच्च मसरूफ हो गए। उहनां नूं नोट बदलण विच्च कोई मुशकिल वी नहीं आई किउंकि बैंक मुलाज़मां तक उहनां दी पहुंच सी। पर आम लोकां नूं इस नोटबंदी दी काफी मार झल्लणी पई। नोटबंदी दे लागू होण नाल नोटां दी किल्लत आउणी सुभाविक सी। नतीजा इह होइआ कि एटीऐम्म मशीनां ’ते लोकां दीआं लंबीआं लंबीआं कतारां लग्गण लग्गीआं। घंटिआं बाअद बंदे दी मशीन ’ते वारी आउंदी, फिर किते जा के पैसे नसीब हुंदे।

नोटबंदी वकत इक्क दिन मैं आपणे शहिर दी ऐस्सबीआई बरांच तों पैसे कढवाउण लई एटीऐम्म मशीन वाली कतार विच्च जा खलोता ते लग्गा आपणी वारी दी उडीक करन। कतार चोखी लंबी सी। गल्ल पिआ ढोल वजाउणा ही सी। कतार विच्च खलोते लोक नोटबंदी नूं लैके आपणे आपणे विचार आपस विच्च सांझे कर रहे सन। कोई इसदे पख्ख विच्च ते कोई विरोध विच्च। मैं चुप्प चाप सभनां दीआं गल्लां सुणदा रिहा। कोई कहि रिहा सी सरकार नें नोटबंदी अमीरां दे काले धन नूं चिट्टा करन वासते उहनां दे फाइदे लई कीती है। कोई कहि रिहा सी कि इस नाल काला धन बाहर आ जावेगा ते देश नूं फाइदा पहुंचेगा। कोई लंबा समां कतार विच्च खलो के पैसे कढवाउण तों ख़फ़ा सी। कोई बिमारी तों अवाज़ार होण करके वाहवा वकत खलोते रहिण तों ख़फ़ा सी। कोई नोटबंदी करके लंबीआं लंबीआं कतारां विच्च घंटिआं बध्धी खहड़े रहिण तों औखा सी किउंकि नवें नोटां नूं हासल करन विच्च लोकां नूं भारी मुशकलां दा साहमणा करना पै रिहा सी। नोटबंदी दे इस वरतारे विच्च हज़ारां लोकां नूं आपणीआं कीमती जानां तों हत्थ धोणे पए, जिसदी अज्ज तक किसे दी जवाबदेही नहीं होई नां ही नोटबंदी पिछ्छे छिपे असली कारनां दा अज्ज तक ख़ुलासा होइआ है।

इस नोटबंदी नें देश दी आरथिकता नूं डाढी ढाह लाई। आम अते गरीब लोकां लई नोटबंदी करोना तों घट्ट नहीं सी। कड़कदी धुप्प विच्च पैसे कढवाउण लई घंटिआं बध्धी कतार विच्च खलोणा, फिर जे एटीऐम मशीन विच्चो नोट नां निकलण तां फिर बंदे दी हालत किहो जिही हो सकदी है, इह मेरे तों वध्ध शाइद कोई नहीं जाणदा। जां फिर सिरफ ओही टांवा टावां बंदा जाण सकदा है, जिसदे नोटबंदी दे दिनां विच्च दो दो घंटे कतार विच्च खलोण पिछ्छों ऐन मौके ’ते मशीन विच्चों कैश ख़तम हो गिआ होवे जां कारड नां चलिआ होवे; होर कोई इस नूं नहीं जाणदा। घरों पैसे कढवाउण गए मेरे नाल जो बीती, उह मैं जां मेरा रब्ब जाणदा है। करीब डेढ घंटे पिछ्छों मेरी वारी आई। जदों मशीन विच्च मेरा एटीऐम कारड नां चल्लिआ तां मेरी हालत अधमोए बंदे वांग सी। मैं बहुते लोकां वांग नोटबंदी दे फ़ैसले नूं गलत दस्सदिआं एटीऐम मशीन तों बाहर आ गिआ। आपणी वारी दी उडीक विच्च उमीद लाए खहड़े बेवस्स अते लाचार नज़र आ रहे लोकां वल्ल बिन तक्किआं मैं तेज़ी नाल आपणी कार विच्च बैठ नोटबंदी दे फ़ैसले दी रज्ज के निंदिआ करदिआं घर नूं तुर पिआ।

नोटबंदी दे दिनां दौरान मेरी भतीजी दा विआह रख्खिआ होइआ सी। पुराणे नोट चलदे नहीं सन ते नवें मिल नहीं रहे सन। नोट नां होण करके ख़रीदो फ़रोख़त विच्च वड्डी मुशकिल आ रही सी। नोटबंदी सदका नोट बदलणा खाला जी दा वाड़ा नहीं सी, इस लई पुछ्छो कुछ नां, असीं किंझ उस समागम नूं नेपरे चाहड़िआ।

नोटबंदी दा वेला याद करके मेरे अज्ज वी मेरे लूं कंडे खहड़े हो जांदे हन। एटीऐम्म तों खाली हत्थ परतण वाला वकत मैं कदे नहीं भुल्ल सकदा अते नां ही नोटबंदी दौरान उहनां लोकां दी दासतान भुल्ल सकदा सकदा हां, जिनहां लोकां नें उनहां दिनां विच्च विआह समागम रख्खे होए सन। नोटबंदी नें देश ते लोकां दा नुकसान ही कीता है, फाइदा कोई नहीं कीता। इसे सदका 2016-17 दा वरहा नां भुल्लण वाला हो निब्बड़िआ। नोटबंदी नाल नां तां काला धन ही ख़तम होइआ अते नां ही नकली नोटां दा मसला हल्ल होइआ, जे कुझ मिलिआ तां सिरफ खज्जल खुआरी। अनेकां जानां बिमारी कारन अजाईं चलीआं गईआं। मुलक दे होए आरथिक नुकसान दी भरपाई कौण करगा?

* * * * *