करमा महिरा पिंड दा सभ तों कमज़ोर आदमी सी। पाणी ढोण ते रोटीआं पकाण दा आपणा जद्दी कंम छड्ड के उस हिस्से ते भोइं लै के वाही शुरू कीती होई सी। पिंड दे होर आदमीआं विचों कोई तगड़ा सी ते कोई माड़ा। पिंड दी खहि मखहि विच कदी कोई हत्थां ते थुक्कदा ते कदी गल्ल वला जांदा, लड़ाई झगड़े विच कदी कोई नीवीं खिच्चदा ते कोई आकड़ के शख़सीअत दा पूरा निखार विखांदा, पर करमे लई हर वेले हर थां नीवीं खिच्चणा सुभावक हो चुकिआ सी। इह इक रोज़ दी ते इंनी मामूली गल्ल बण चुकी सी कि इस दा कोई नवां रूप सुनण विच वी किसे नूं दिलचसपी नहीं सी। करमे नूं लत्त हेठों लंघाण नाल किसे आदमी दी इज़्ज़त विच भोरा वाधा नहीं हो सकदा सी, हां उह घट सकदी सी। कोई आदमी जिहड़ा पिंड विच किसे गिनण मिथण विच आउंदा होवे करमे नाल उलझिआं आप हौला होणों नहीं बच सकदा सी। हां छोटे छोटे मुंडे उस दी कमज़ोरी तों फ़ाइदा उठा लैंदे सन। उह उस दे डक्के होए घाह विच आपणे डंगर चारनो जां उस दी ख़रबूज़िआं दी किआरी विचों ख़रबूज़े तोड़नों नहीं झिजकदे सन। जदों करमा दूरों देख के उहनां वल्ल भज्ज के आउंदा तां उह अगों आकड़ के खलो जांदे। ‘‘आ जा फिर वेख लै हत्थ अज्ज’’ कोई मुंडा उस नूं वंगार के आखदा ते करमे दी दौड़ मठ्ठी पै जांदी। शाइद उस विच साहमणे आकी होए खलोते निक्के जिहे मुंडे जिंना ज़ोर वी नहीं सी, जां फिर उस मुंडे दी शकल विचों उस नूं उस दा कोई वड्डा भरा जां पिउ दिसदा ते उस दा ख़ून पाणी बण जांदा। लत्तां धरूंदा उह उस मुंडे तक अपड़दा ते फिर गहु नाल उस वल्ल वेखदा होइआ बनौटी दाबे जिहे नाल कहिंदा, ‘‘इथे डंगर किउं छड्डे नी? इह घाह तां असां रख्खिआ होइआ ए।’’

‘‘छड्डे नी फेर’’ अग्गों मुंडा आकड़ के कहिंदा ते फिर करमा गल्ल नूं गलों लाहण लई कहिंदा:

‘‘हला मैनूं की पता सी तेरे कौले विच वी पाणी पिआ होइआ ए।’’

‘‘कौले विच पाणी पैण’’ दे की अरथ सन, इह शाइद करमा वी नहीं दस्स सकदा सी पर अट्टा सट्टा इह सी कि ‘‘तूं वी जवान हो गिआ एं ते आपणी ताकत दी प्रीखिआ करनी चाहुंदा एं।’’

इह गल्ल सुण के सारे मुंडे हस्स पैंदे ते करमे दी नमोशी रौले विच पै जांदी।

जिस तरहां करमा आप माड़ा सी इसे तरहां उस दे मुंडे वी माड़े सन। जट्टां दे निक्के निक्के उठ रहे मुंडे उहनां नूं ढाह के आपणे सवैमाण विच वाधा करदे। उहनां विचों किसे नूं लंघदा देखदे सार ही सारे मुंडिआं दा घुलण नूं जी कर आउंदा। उस दे ‘छड्ड वी’ आखदिआं आखदिआं कोई निक्का जिहा मुंडा पट्ट ते थापीआं मारदा उस नूं ज़मीन ते लिटा दिंदा।

करमे दे संढिआं दा वी इही हाल सी। सारे जोतरे विच करमा उहनां नाल मसां तिंन कनालां भोइं वाह सकदा। नां उहनां दा टुरन नूं जी करदा ते नां करमे दा उहनां नूं टोरण नूं। हलां दीआं मांगीआं विच जिथे बहुत सारे हल हुंदे करमे दी जोग होर जोगां दे कदम रोक छडदी सी। इहो जिहे मौकिआं ते उहनां नूं इक वख्खरा भोइं दा टोटा वाहुण नूं दे दित्ता जांदा। चुग्गण लग्गिआं वी दूसरे डंगर उहनां नूं आपणे नेड़े चुग्गण नहीं दिंदे सन, सगों ढुड्ड मार के दूर भजा दिंदे।

करमे दे इस सारे चौगिरदे विच जो कोई जिंद वाला जी सी तां उह सी करमे दी वहुटी, मालण। मालण करमे दीआं हिस्से ते लईआं पैलीआं विचों सबज़ीआं खोह के पिंड विच वेचदी ते इस तरहां दुपहिर तक बहुत सारी कणक इकठ्ठी कर लैंदी। आम ख़िआल इह सी कि टब्बर दीआं रोटीआं मालण दी चतुराई ते दौड़ भज्ज विचों ही निकलदीआं नें, करमे दी वाही विचों नहीं। आपणी चुसती ते मिहनत कर के मालण पिंड दे वातावरण विच खिलरी रहिंदी। लोकां दीआं गल्लां बातां विच उस दा नां आउंदा रहिंदा।

‘‘ज़रा खलो जा यारा, मैं वी नहा लां, इकठ्ठे चलांगे’’ पिंड दे खूह ते नहाउंदा कोई ग़भरेटा दूसरे नूं कहिंदा।

‘‘आ जाईं, तूं किहड़ा मेरे कंधाड़े चहड़ के जाणा एं, टुक्कर दी बुरकी मूंह विच पाईए चल्ल के’’ उह अग्गों जवाब दिंदा। ते फिर कोल खड़ा कोई तीसरा चोट लांदा ‘‘इह नहीओं खलोंदा हुण, इहनूं ते घर मालण दे टींडे उडीकदे नी’’ मालण तों लै के रिनही होई सबज़ी विच बहुता सवाद समझिआ जांदा सी। ते फिर इक साल करमे नें आपणी पहिली ज़मीन छड्ड के सरदार भूपिंदर सिंघ दी ज़मीन हिस्से ते लै लई। इह सरदार पहड़िआ होइआ सी ते आपणी पहड़ाई दे दिनां विच वी कांगरस पारटी दा कंम करदा हुंदा सी। हुण वी उहदी रुची उसे पासे ही रहिंदी। कांगरस दा परापेगंडा करन दी ते लोकां नूं उस वल्ल प्रेरण दी उस विच बड़ी लगन सी। करमे नूं ते पिंड दे होर लोकां नूं उह अख़बार पहड़ के सुणांदा ते गल्लां बातां नाल उहनां विच कांगरस दा साथ देण दा हौंसला भरदा रहिंदा। पिंड दे अठ्ठ दस जोशीले आदमी ते नंगे मुनंगे उस दे नाल सन ते जिहड़े इंने मलंग नहीं होए सन, उह वी पिंड दे वायू मंडल विच इहनां ख़िआलां दी होंद कर के आपणे अंदर ताकत महिसूस करदे। करमा वी इहनां गल्लां दे असर हेठ आ रिहा सी। आपणे नवें ख़िआलां कर के उह आपणे आप नूं अंगरेज़ां दे विरुध लड़ रहे योधिआं दी पाल विच खड़ा देखदा सी। गांधी ते नहिरू उस दे सज्जे खब्बे खड़े सन। वडे दुशमणां दे वडे ख़तरिआं दे साहमणे होण कर के उस पिंड दे छोटे लोकां तों डरना छड्ड दिता सी। पिंड विच कोई वड्डा छोटा जां ताकतवर कमज़ोर नहीं सी। इथे अमीर गरीब सारे उस नूं पर-अधीन ही दिसदे। उह हुण ज़िमींदारां नाल मंजी ते बैठण लग्ग पिआ सी। ते इक दिन जद पिंड विच बाज़ीगरां नें बाज़ी पाणी सी तां उस नें भरे परहे विच इह कहि दिता सी कि भावें कोई ज़िमीदार होवे भावें कंमी, उस दी जिथे मरज़ी होवे मंजी डाह के बाज़ी वेखे। बाज़ी पैंदी ते किसे दी मंजी चुकाई नां जावे ते ज़िमींदारां नें इह कहि के उस दी गल्ल मंन लई सी कि बाज़ी सारे पिंड दे वेखण लई पैणी ए, ते पैसे किसे नें आपणी मरज़ी नाल ते सोभा लई देणे नें। किसे दी मंजी चुकाण दा किसे नूं कोई हक्क नहीं, इह माड़ा कंम है।

इह सारा असर भूपिंदर सिंघ दे परचार दा सी। उनहां दी परअधीनता कर के करमे नूं सारे लोकां नाल कुझ हमदरदी जिही हो गई सी ते इस लई उस तों उनहां दा डर लहि गिआ सी। ‘‘इस वेले साडी किसे दी कोई हसती नहीं’’, भूपिंदर सिंघ उस नूं दस्सदा, ‘‘साडा कोई क्रोड़पती किसे आज़ाद मुलक दे इक गरीब आदमी दे बराबर नहीं तुल सकदा।’’ आपणी इस गल्ल दी पुशटी लई उह इक घटना सुणांदा हुंदा। ‘कहिंदे नें बंबई दे इक समुंदरी जहाज़ बनाण दे कारख़ाने दा मालक वलाइत गिआ। उथे उस दे कारख़ाने ते दौलत बारे बहुत कहाणीआं चल्लीआं। लोकीं उस नूं पुछदे सन कि तेरे कोल किंना कु रुपिआ है?’’ बजाइ इस दे उह आपणे रुपए दे हिसाब किताब विच पैंदा ते वलाइत दे कारखाने वालिआं नाल आपणा मुकाबला करदा, उस नें सिध्धा किहा ‘‘इक असवतंतर आदमी कोल माइआ होण दे वी कुझ अरथ नहीं। मैं ते आपणे घर दा वी मालक नहीं। मैं पूरा आदमी ही नहीं हां।’’

अख़ीर इस पिंड दीआं ते होरनां लख्खां पिंडां ते शहिरां दीआं सध्धरां रंग लिआईआं ते देश आज़ाद हो गिआ। सारे हिंदुसतानी आज़ाद हो गए। सरदार भूपिंदर दे नाल करमा वी आज़ाद हो गिआ।

आज़ाद हो के वी उह किसे तरहां हिस्से ते लई होई ज़मीन विच वाही करी गिआ। पर उस दी सूझ बूझ ते सवैमाण वध रिहा सी।

इक दिन पिंड विच खेतीबाड़ी महिकमे दे कुझ करमचारी आए। उह लोकां नूं सांझी खेती वल परेरन लई आए हन। उह इह चाहुंदे सन कि करमे दा सारा पिंड मिल के इकठ्ठी वाही करे। पिंड दी हवेली विच इकठ्ठे होए आदमीआं नूं उनहां आपणीआं गल्लां बातां दस्सीआं। ‘‘खेती दे परचल्लत तरीकिआं नाल तुहाडी हालत विच बहुती तरक्की दी उमीद नहीं हो सकदी।’’ उनहां समझाइआ, ‘‘हुण ते नवीआं लीहां ते चलिआं ही कुझ पैर अगे नूं जा सकदा है। पिंड दी सारी ज़मीन नूं तुसीं इकठ्ठा कर के इको ही फ़ारम बणा दिओ। इस तरहां तुहानूं खेती दे नवीन तरीके चलाउण लई मुनासब रकबा मिल जाएगा। अज्ज कल्ह दे तरीके विच फ़ारम छोटी होण दे इलावा इक घाटा इह है कि जो ज़मीन दा मालक है उही उस विच खेती उगाउण दा बंदोबसत करदा है। पर इह ज़रूरी नहीं कि मालक विच ज़मीन तों वध्ध लाभ उठाउण दी अकल होवे। सांझीवालता नाल मालक ते मैनेजर होर होर हो जांदे हन ते इस तरहां योग कंम योग आदमीआं दे हत्थ सौंपिआ जांदा है।’’ ते अखीर वधेरे दलेरी दिंदिआं उनहां किहा, ‘‘इह असीं मंनदे हां कि इस कंम दे अरंभ विच तुहानूं औकड़ां आउणगीआं पर जदों ज़मीन दी उपज वधेगी तां बहुत सारीआं औकड़ां आपे ही हल्ल हो जाणगीआं।’’

ते फिर उनहां कुझ होर गल्लांबातां दस्सीआं, उस पिंड दी भोइं लई कपाह दा किहड़ा बीज चंगा सी ते कणक दा किहड़ा। उनहां दी नहिर कदों बंद हो जाएगी ते उस विच फिर कदों पाणी आवेगा। किस किस दा नहिरी मुआमला ख़राबे करके मुआफ़ हो गिआ है ते किस किस दा नहीं होइआ।

आपणा कंम ख़तम करके करमचारी वापस टुर पए। रसते विच करमा ते दो होर मुज़ारे गली विच इक पासे लक्कड़ां ते बैठे सन। ज़िमींदार दा उच्चा मकान गली विच उनहां उते छां कर रिहा सी। ओपरे आदमी पिंड विच वेख के उनहां नूं निमसकार कीती। करमचारी वी उनहां कोल आ के खड़े हो गए। करमा उनहां नूं जाणदा नहीं सी पर ओपरे आदमी होण करके उनहां नूं जानण दा चाहवान ज़रूर सी।

‘‘कोई लस्सी पाणी लिआईए’’ उस नें गल्ल छेड़न लई किहा।

‘‘नहीं कोई त्रेह नहीं, हुणे ही एथों पीती ए।’’

‘‘एथों किथों? किनहां वल्ल आए साओ?’’

किसे इक वल्ल ते ख़ास नहीं सां आए, सारिआं वल्ल ही आए सां। असीं सरकार दे खेतीबाड़ी दे महिकमे दे करमचारी आं। इथे गल्लां बातां दस्सण आए सी।’’

‘‘सानूं वी कुझ दस्सी जाओ, असीं वी तिंने वाही करने आं। हिस्से ते लै के भोइं वाहने आं।’’

‘‘दस्सण तों ते साडी कोई नांह नहीं, दस्सण लई ही इथे आए सां। पर असीं ते पिंड दी वाही सांझी करन दीआं गल्लां करदे आए आं ते इह गल्लां मुज़ारिआं दे कंम दीआं नहीं। इह ते ठीक है कि भोइं तुहाडे कबज़े विच हुंदी है ते तुहाडे नाल मिल के ही आपणा रंग दिखांदी है पर तुसीं आपणे आप सांझी वाही दा सिलसिला तां नहीं नां चला सकदे। होर गल्लां असां बीआं दीआं दस्सीआं नें। भोइं ते भावें तुसीं तिआर करदे हो पर बी ते मालक ही ख़रीद के देवेगा। ते मुआमला वी मालक ही तारेगा। जो कुझ असां उथे दस्सिआं ए उह सारा इनहां गल्लां बारे ही सी।’’

‘‘हूं…. ठीक’’ करमे नें इक लंमा साह लै के दो अख्खर ठहिर ठहिर के मूंहों कढे ते नाल ही आपणे सिर नूं उतांह तों हेठां वल हौली हौली दो तिंन वार हलाइआ ते इस तरहां मुलाकात ख़तम कर दिती।

करमचारी ख़ुश सन कि उनहां नें इंनी छेती आपणी गल्ल समझा लई है पर करमे दा मन किसे होर पासे तुर पिआ सी। आज़ादी पिछों करमे नूं सौ तरहां दे हक्क सहूलतां दित्तीआं गईआं सन। पर धरती दे जिस टुकड़े नूं उह हर वेले बणांदा संवारदा रहिंदा सी, जिस विच उगे दरख़तां दीआं टहिणीआं उह घर बैठा गिण सकदा सी, जिस दी किसे वट्ट दा कोई डिंग उस दी अख्ख विच रड़कदा रहिंदा सी, जिस दे उचे नीवें थां उस नूं इस तरहां चुभदे सन जिवें किसे शुकीन आदमी दे कप्पड़े ते दाग़, उस धरती ते उस दा कोई वी हक्क नहीं सी।

जहाज़ां दे कारख़ाने दे मालक दी जिहड़ी गल्ल भूपिंदर सिंघ नें दस्सी सी, उह उस नूं याद आ रही सी। इक असवतंतर आदमी कोल माइआ होण दे वी कुझ अरथ नहीं। मैं ते आपणे घर दा वी मालक नहीं, मैं पूरा आदमी नहीं हां।’’ करमे नूं इस तरहां लग्गा जिवें भूपिंदर सिंघ दी दस्सी होई आज़ादी विच उस लई अजे कसर सी। जहाज़ां दे कारख़ाने दे मालक वांग उह अजे पूरा आदमी नहीं सी बणिआ, पौणा ही सी।