" भजनो ,...मैनूं इक्क गल्ल दस्स मुंडा तेरा फौजी ,धी तेरी आवदे घरें वसदी रसदी, ....तिंन जणे ओ तुसीं। फेर आह मैसहां नूं वेचो परे.......। " दिआल कौर नें अजे गल्ल पूरी वी नहीं सी कीती भजनो मझ्झां लई बठ्ठळ विच्च पाई खळ विच्च पाणी पाउंदिआं बोली ।

" नां.... नां.... अंमां जी, सानूं नहीं सरदा घर दे दुध्ध बिनां। मुल्ल दे किहड़े दुध्ध हुंदे नें... पाणी तां इक्क पासे रिहा, होर पता नहीं की अग्ग सुआह पाउंदे नें विच्च। "

"हां इह तां तेरी गल्ल ठीक ऐ। " दिआल कौर नें सहिमती दित्ती।

"नाले जदों तेज छुट्टी आउंदै तां खोआ, पंजीरी बणा दिंनी आं, घरे खाण नूं वी ते नाल वी लै जांदै। "

" ओथे किहड़ा खांदा होऊ विचारा, नाल दे ई छक जांदे होणगे ।" दिआल कौर मूंह जिहा मरोड़ के आखिआ।

" हाए ! हाए !! अंमां जी की गल्ल कर 'ती तुसीं। उह वी तां मेरे तेज वरगे ई नें। तेज नूं तां मैं घरें ई बथेरा खवा दिंनी आं, जे सच्च पुछ्छे तां मैं तां भेजदी ओ उहदे साथीआं वासते आं। अंदर ठंढ जही पै जांदी ऐ, जदों तेज फोन करके दस्सदा हुंदै..... बई किवें सारे दोसत चाअ नाल खांदे नें। " उस नें खुशी विच्च खीवी हुंदिआं किहा।

ऐने नूं भजन कौर दी नूंह पाली चाह बणा के लै आई। चाह रख्ख के दिआल कौर दे पैरीं हत्थ लाए। दिआल कौर नें मोढे ते हत्थ रख्ख दित्ता।

"तूं चाह बणाउण नूं किहड़े वेले कहि 'ता कुड़े ? " दिआल कौर नें धीमी जिही आवाज़ विच्च पुछ्छिआ।

" कहिण दी की गल्ल ऐ भलां, उहनूं पतै.... बई बुहड़ीआं चाह नाल ई चल्लदीआं नें। " कहि के भजन कौर हस्स पई। उह किंनी देर गल्लां करदीआं रहीआं। दिआल कौर सारे पिंड दी ख़बर रख्खदी सी। भजन कौर कंम वी कर रही सी ते दिआल कौर नाल गल्लां वी।

सूरज आपणी लाली बिखेरदा लहिंदे वल्ल नूं उतरदा वड्डा वड्डा दिसण लग्ग पिआ सी। पंछीआं दी वी आपणे घरां नूं वापसी हो रही सी। कई रुख्खां अते वेल बूटिआं नें वी आपणे पत्तिआं नूं इकठ्ठिआं करना शुरू कर दित्ता ।

" बी जी मैं धार कढ्ढ लिआवां.... फेर कुवेळा हो जू। " पाली नें आपणी सस्स नूं किहा।

" बहू 'कल्ली जाऊगी कुड़े ?" दिआल कौर नें पुछ्छिआ।

" आह पिप्पळ लंघ के बाहरला घर ऐ किहड़ा बहुती दूर जाणै। उत्थे इहदा बापू हैगा ई ऐ। "

" कल्ल्ह नाईआं दी कुड़ी नूं पिप्पळ हेठां दी लंघदी नूं दौरा पै गिआ । थौळहे करा के मसां ठीक होई। कहिंदे नें इस पिप्पळ ते जिहड़ा प्रेत रहिंदै, उहदी झपट 'च आ गी। " दिआल कौर नें दस्सिआ।

" वहिम नें अंमां जी सारे, धख्ख जिंनी तां कुड़ी ऐ, कोई कमजोरी होऊ सरीर 'च।"

दिआल कौर नें इस पुराणे वड्डे पिप्पळ नाल सबंधत होर वी कई गल्लां सुणाईआं। पाली नें बालटी धोंदिआं दिआल कौर दीआं सारीआं गल्लां सुण लईआं सन अते धार कढ्ढण चली गई। अज्ज उहनूं पिप्पळ दा रुख्ख बदलिआ बदलिआ लग्गिआ। जिवें किसे माड़ी रूह दी मार 'च आइआ होवे। पत्तिआं विच्चों लंघदी हवा दी डराउणी जिही आवाज़ उस अंदर घबराहट पैदा कर रही सी। धार कढ्ढ के मुड़ी तां मूंह हनेरा हो चुक्का सी। उस नूं लग्गिआ जिवें उस दे पिछ्छे पैरां दी बिड़क जिही होवे, पिछ्छे मुड़ के देखण दी हिंमत नहीं पई, डर नाल हौल जिहे पैण लग्गे। दिआलो दीआं गल्लां उस दे मनों नहीं सन उतर रहीआं। उस नें रात नूं आपणी सस्स नाल गल्ल छेड़ी। पर उस नें कोई तसल्लीबख़श जवाब नां दित्ता। इक्क दिन पाली दिन छिपण तों पहिलां ही धार कढ्ढ लिआई। मझ्झ नें दुध्ध थोहड़ा दित्ता, नाले वार वार पैर चुक्कदी रही। दुध्ध संभालण दा कंम भजन कौर आप करदी सी।

" पाली ऐनी साझरे नां धार कढ्ढिआ कर, रातां वड्डीआं नें, डंगर औख मंन जांदै। देख अज्ज दुध्ध किंना घट्ट ऐ। " भजनो नें दुध्ध पुण के पतीले विच्च पाउंदिआं किहा।

जिउं जिउं शाम हुंदी पाली नूं डोब पैण लग्ग पैंदे। बाहरले घर जाण दा इक्क मिंट दा रसता उस नूं भवसागर पार करन तों वी औखा लग्गदा । इक्क दिन दुपहिर वेले पिप्पल हेठ लोकां दी भीड़ लग्गी होई सी। गवांढीआं दी नूंह डिग्ग गई ।

" पता ई नहीं लग्गिआ मैं किवें डिग्ग पी । बस्स ऐं लग्गिआ इक्क वारी जिवें किसे नें पिछ्छों धक्का मारिआ हुंदै। " उह कहि रही सी।

" धक्के तां बज्जणगे ई, जदों पोडर सुरखीआं ला के इत्थों दी लंघोगीआं ।" दिआल कौर नें सोटी संभालदिआं किहा।

हुण तां पाली जदों बाहरले घर जांदी उस नूं कंबणी जिही छिड़ पैंदी। उस दा जीअ करदा उह कहि देवे कि उस कोलों धार नहीं कढ्ढी जांदी। पर उस नूं कोई बहाना नां लभ्भदा। कंम तों जीअ चुराउणा तां उस नें सिख्खिआ नहीं सी। बाहरले घर जांदिआं निक्का जिंना खड़ाक वी उस दी जान कढ्ढ के रख्ख दिंदा । सहिम कारन उस दी सिहत ते वी असर पै रिहा सी। उस दा चिहरा वी पीला पै गिआ। इसे तरहां महीना डेढ महीना लंघ गिआ। इक्क दिन भजन कौर दी धी प्रीत ते जवाई उहनां नूं मिलण आए।

" भाबी तैनूं की हो गिआ ? तूं बिमार ऐं?.... सानूं किउं नहीं दस्सिआ ? प्रीत नें पाली नूं घुट्ट के जफ्फी पाउंदिआं किंने सारे सवाल कर दित्ते।

भजनो आपणे धी जवाई नूं बड़े चाअ नाल मिली अते बैठक विच्च बिठा दित्ता। पाली पाणी लै आई । प्रीत पाणी दा गलास फड़ के भाबी दे नाल ही रसोई विच्च चली गई। उस नें फिर पाली नूं उस दी सिहत बारे पुछ्छिआ।

" मैं बिलकुल्ल ठीक आं " उस नें मुसकराउण दी कोशिश कीती अते दुध्ध गैस ते रख्ख दित्ता।

भजनो वी जवाई तों उस दे मापिआं दा हाल-चाल पुछ्छ के बाहर आ गई।

" मां ! की हो गिआ भाबी नूं ?" उस नें भजन कौर नूं पुछ्छिआ।

" की दस्सां, दिआलो बुहड़ी आ बैठदी ऐ, मैनूं तां लग्गदै उहदी नजर लग्ग गी। नां तां सिआणी बिआणी नूं किहा जावे, बई आवदे घरे वग जा।" अग्गे तां कदे भजनो नें धिआन नहीं सी दित्ता पर धी दे कहिण ते उस नूं वी पाली लिस्सी जिही लग्गण लग्ग पई।

" नजरां नुजरां काहनूं लग्गदीआं नें। आवदे मापिआं नूं ओदरी होऊ ।" एने नूं पाली वी खाण-पीण दा सामान लै के आ गई।

प्रीत नें पाली नूं सुणा के किहा,

" मैनूं तां लग्गदै भाबी तेज वीरे नूं ओदरी पई ऐ..। " प्रीत नें मुसकरा के नणद वल्ल मिठ्ठी जिही घूरी वट्टी।

" आ जो अंदर , बाहर तां मख्खीआं भिण भिण करदीआं फिरदीआं नें। " पाली नें बैठक वल्ल जांदिआं किहा।

" नाले वीर जी 'कल्ले बैठे नें। " पाली नें प्रीत वल्ल मशकरी भरी मुसकान सुट्टदिआं किहा। इस तों पहिलां कि प्रीत कुझ्झ बोलदी, बापू जी नें खंघूरा मारिआ। प्रीत ते उस दा पती बड़े अदब नाल बापू जी नूं मिले।

पाली दे चिहरे ते अज्ज थोहड़ी रौणक सी । कंम तां भावें बहुत ज़िआदा सी पर उस दी नणद उस दे नाल नाल रही, अज्ज उस नूं बाहरले घर जांदी नूं वी बहुता डर नां लग्गिआ किउंकि प्रीत उस दे नाल सी। कंम धंदे निपटाउंदिआं बहुत रात हो चुक्की सी । भजनो वी थक्क चुक्की सी। प्रीत अते पाली निक्कीआं निक्कीआं गल्लां कर के हस्स रहीआं सन। पाली नूं याद आइआ कि दुध्ध वाला डोलू तां बाहर विहड़े विच्च ही रहि गिआ। जदों उह डोलू किल्ली तों लाह के मुड़ी तां इक्क दम उस दी निगाह पिप्पळ दे रुख्ख वल्ल गई। उस दा त्राह निकल गिआ। इक्क काला हत्थां पैरां वाला वड्डा सारा आकार उस नें देखिआ। उह भज्ज के अंदर जा वड़ी। उस नें आपणे आप नूं संभालण दी कोशिश कीती। प्रीत दे पुछ्छण ते वी उस नें कुझ्झ नां दस्सिआ। थोहड़ी देर बाअद प्रीत नूं वी नींद नें आ दबोचिआ। पाली नें लाईट बंद कर दित्ती। पर उस नूं नींद नहीं सी आ रही। कुझ्झ समें बाअद पाली दी चीक नें प्रीत ते भजनो नूं जगा दित्ता। प्रीत नें पाली नूं झंजोड़िआ उह बड़बड़ा रही सी 'पिप्पल....... प्रेत......मेरे..... पिछ्छे।' उह प्रीत दे नाल चिंबड़ रही सी जिवें कोई सहिमिआ बच्चा आपणी मां दी बुक्कळ विच्च लुक्कदा है। प्रीत नें पाली नूं आपणे नाल घुट्टदिआं उस नूं जगाइआ। भजनो नें पाली दे मत्थे 'ते हत्थ फेरिआ मिठ्ठी मिठ्ठी ठंढ होण दे बावजूद वी पसीने नाल भिज्जिआ होइआ सी। पाली दी बड़बड़ाहट सुण के भजनो दी तां जिवें जान ही निक्कल गई होवे। पाली उठ्ठ के बैठ गई। पुछ्छण ते उस नें इही किहा कि उस नूं डराउणा सुपना आइआ सी। रात दे दो वज्जे सन। भजन कौर सोच रही सी कि उह तां लोकां दीआं गल्लां उत्ते यकीन नहीं सी करदी कि भूत प्रेत वी हुंदे नें। उह दिआलो बुहड़ी बारे सोच रही सी.......की पतै उस दीआं गल्लां सच्च होण.....हुण उह की करेगी कित्थे लई फिरेगी नूंह नूं। उह इहनां सोचां विच्च डुब्बदी गई । कदे पुत्त बारे सोचदी ,कदे पती बारे जिहड़े ओपरीआं रूहां विच्च भोरा यकीन नहीं सन रख्खदे, सगों इनहां गल्लां दा मखौल उडाउंदे । चार कु वजे गुरदुआरा साहिब वाले भाई नें उठ्ठण लई अते अंम्रित वेले दा लाहा लैण लई होका दित्ता। भजन कौर 'वाहिगुरू वाहिगुरू' करदी उठ्ठ गई प्रीत ते पाली सुत्तीआं सन ।उह बिनां खड़का कीतिआं बाहर आई । चाह रख्ख के कंम धंदे जा लग्गी। थोहड़ी देर बाअद प्रीत वी उठ्ठ के बाहर आ गई। उस नें मां नूं दस्सिआ कि पाली रात बाहरों दुध्ध वाला डोलू चुक्कण गई डरी होई लग्गदी सी, पर पुछ्छण ते उस नें कुझ्झ वी नहीं सी दस्सिआ।

भजनो आप ही सारे कंम निपटाउण लग्गी। उस नें पाली नूं जगाउणा ठीक नां समझिआ। उह बालटी चुक्क के खुद ही धार कढ्ढण चली गई। पर मझ्झ नें उस नूं हत्थ वी नां लाउण दित्ता, छाल मार के.... अहु गई।

" किंनी वारी किहै बई दो चार दिनां बाअद आप वी धार कढ्ढ लिआ कर, पर तैनूं तां हुण सुख पै गिआ । " भजन कौर दा पती मझ्झ अग्गों पठ्ठिआं विच्च हत्थ फेरदिआं बुड़ बुड़ कर रिहा सी।

भजन कौर कुझ्झ नां बोली, बालटी उत्थे छड्ड के घरे आ गई। पाली तां अजे वी नहीं सी उठ्ठी। उस नें पाली नूं उठाउण लई उस दी बांह ते हत्थ लाइआ। उस नूं बांह गरम लग्गी, उस नें मत्थे नूं हत्थ लाइआ, पाली नूं बुख़ार सी। पाली जाग पई, पर उस कोलों उठ्ठिआ नहीं सी जा रिहा। प्रीत नें पाली नूं उठ्ठण तों मनहा कीता अते आपणे परस विच्चों कढ्ढ के बुख़ार उतारन लई गोळी देण लग्गी तां भजनो नें रोकदिआं किहा, ' कहिंदे नें कि बिनां डाकटर दी सलाह दे दवाई नहीं लैणी चाहीदी ' ।

थोहड़ी देर तां प्रीत पाली दे कोल ही बैठी रही । फिर उस नें पाली दी चुंनी लई ते बुक्कळ मार के थोहड़ा मूंह लुकोइआ धार कढ्ढण चली गई। इक्क दो वार मझ्झ नें पैर चुक्किआ। पर फिर खहड़ गई।

पिंड विच्चों ही डाकटर बुलाइआ, उस नें किहा मौसमी बुख़ार है। पर शाम तक्क बुख़ार नां उतरिआ। प्रीत दा पती पाली दी हालत देख के प्रीत नूं दो कु दिनां लई छड्ड के चलिआ गिआ। दिन विच्च दिआल कौर कई गेड़े मार गई। भजन कौर नें उस नूं पाली दे डरन बारे दस्सिआ। पिप्पळ नाल जुड़ीआं उस नें चार कहाणीआं होर सुणा दित्तीआं।

' मैं तां किंने दिनां दी देखदी आं तेरी नूंह नूं। गुस्सा नां करीं भजनो, इह झपट 'च आई होई ऐ। किसे चंगे सिआणे तों इलाज करवा दे नहीं तां पछताउंदी रहेंगी पिछ्छों। " दिआल कौर दीआं गल्लां सुण के भजन कौर होर वी डर गई।

भजन कौर नें आपणे पती नूं सारा कुझ्झ दस्स दित्ता। पहिलां तां उह भजनो नूं भज्ज के पै गिआ। पर नूंह दी हालत देख के उह वी घबरा गिआ। प्रीत पाली दे कोल ही रही। पाली नें प्रीत नूं सारीआं गल्लां दस्स दित्तीआं किवें उस दे पिछ्छे पैरां दी बिड़क आउंदी अते उस नूं पिप्पळ कोलों लंघदिआं डर लग्गदा। रात नूं पिप्पळ ते काळा प्रछावां देखिआ। प्रीत नें आपणे मां पिउ नूं दस्सिआ । बुख़ार तां दूजे दिन ठीक हो गिआ। पर कमज़ोरी कर के उठ्ठिआ नहीं सी जा रिहा पाली कोलों। अखीर ते पाली दे मां पिउ नूं उस दी बिमारी बारे जाणकारी दित्ती गई।

दूजे दिन सवेरे ही पाली दा पिउ आ गिआ। उह दस कु जमातां पहड़िआ होण करके अते पहड़े लिखे सिआणे बंदिआं दी सुहबत विच्च रहिण करके वहिमां भरमां तों दूर अते दलील दे के आपणी गल्ल मंनवाउण वाला बंदा सी। बूहे अग्गे मोटरसाईकल खहड़ा देख के दिआल कौर वी आ गई। पाली दे पिउ नें सभ दीआं गल्लां सुणीआं। पर उस दी दलील दा कोई असर नां होइआ। दिआल कौर उस दी हर गल्ल काट करदी। उस नें बज़ुरग नाल बहिस करनी ठीक नां समझी। उस नें पिप्पल हेठों इक्क पत्थर जरूर उखाड़ दित्ता सी किउंकि उस नाल कई लोकां नें ठोकर खाधी सी।

" मैं दुपहिर तों बाअद दवाई लै के आऊंगा पाली वासते।" उस नें किहा।

"दवाई तां किंने दिनां दी खा ई रही ऐ। दवाई नहीं कंम करदी भाई हुण। " दिआल कौर नें जांदे होए नूं आपणा सुझाअ दित्ता।

उह दो घंटिआं बाअद ही वापस आ गिआ। उस नें प्रीत नूं इक्क तबीत फड़ाइआ अते भजन कौर नें कंबदे हत्थां नाल जक्को तक्की विच्च पाली दे डौळे नाल बंनह दित्ता।

" मैं तां इहनां गल्लां नूं मंनदा नहीं सी, पर बच्चिआं दी तकलीफ़ मापिआं तों बड़ा कुझ करवा दिंदी ऐ । पुत्त पाली! इहनूं जूठा हत्थ नहीं लाउणा। बहुत शकती ऐ इहदे 'च। कोई बुरी रूह नेड़े नहीं फटक सकदी। " थोहड़ी देर गल्लां बातां करके उस नें धी दे सिर 'ते हत्थ रख्खिआ, सारिआं नूं हत्थ जोड़े अते जाण दी इजाज़त मंगी।

दो कु दिनां विच्च ही पाली ठीक होण लग्गी। इक्क दो दिन तां प्रीत नें धार कढ्ढी। पाली ठीक होई तां प्रीत सहुरे चली गई । हुण भजनो अते पाली दोवें 'कठ्ठीआं ही बाहरले घर जांदीआं। पंज सत्त दिन तां इस तरहां हुंदा रिहा, इक्क दिन भजन कौर नूं पता नहीं की कंम आ पिआ । पाली नूं इकल्लिआं ही जाणा पिआ। जदों उह वापस आ रही सी तां उस नूं पिछ्छे पैरां दी बिड़क महिसूस होई, उह अंदरों कंब गई, दूजे ही पल उस नें बांह नाल बंनहे तबीत नूं हत्थ पाइआ। बिड़क उस नूं उह दे बिलकुल्ल नेड़े लग्गी । उस नें पिछ्छे नूं देखिआ इक्क बिल्ली उस दे पिछ्छे आ रही सी शाइद दुध्ध वाली बालटी कर के। पाली आपणे अंदर नवीं शकती महिसूस करदी। उह कई वारी डौले 'ते हत्थ रख्ख के पिप्पळ वल्ल देखदी जिवें उह प्रेत नूं भसम करन दी शकती रख्खदी होवे। पाली हुण डरदी नहीं सी। जे कदे उस नूं डर लग्गदा वी तां उस नूं आपणे बापू दीआं गल्लां याद आउंदीआं, ' इह दे विच्च बहुत शकती ऐ, कोई बुरी रूह नेड़े नहीं फटक सकदी। ' इसे तरहां डेढ कु महीना लंघ गिआ। कई वार उह सोचदी उस दी तकलीफ़ नें बापू नूं किहड़े राह तोर दित्ता। जिस पासे जाण तों उह दूजिआं नूं रोकदे सन। अज्ज आप सिआणिआं दे दरां 'ते सिर झुकाउंदे नें। इक्क वारी उस नें आपणे बापू नूं किहा वी कि उस करके उनहां नूं आपणे असूल छड्डणे पए ,' औलाद पिछ्छे बड़ा कुझ करना पैंदै। ' उस नें इह कहि के गल्ल टाल दित्ती।

कोई महीने डेढ महीने पिछ्छों पाली दा पिउ पता लैण आइआ। धी नूं देख के बड़ा खुश होइआ। सबब्ब नाल उस दिन भजन कौर दी धी प्रीत अते जवाई वी मिलण आ गए। सारे जणे बड़े खुश सन कि पाली हुण बिलकुल्ल ठीक है।

" पाली पुत्त आह तबीत जूठा हो गिआ तेरा। पूरनमाशी नूं ग्रहिण लग्गिआ सी चंद नूं। आह खोल्ह के दे दिओ। बदलणा पऊ ।"

" असीं तां कदे वी आह धागिआं सूतिआं 'च यकीन नहीं करिआ। पर हुण ...... ।" भजन कौर दे पती नें उदास जिही अवाज़ विच्च किहा।

" किहड़े सिआणे तों लिआंदै तबीत भाई ..? जे दस्स देमें.....किसे होर दा भला हो जू। " दिआल कौर नें पुछ्छिआ।

" आह थोडे नाल लग्गदे शहिर विच्च ऐ माता जी।"

पाली नें तबीत खोल्ह के आपणे बापू नूं फड़ा तां दित्ता। पर उस दा दिल नहीं सी कर रिहा किउंकि इस तबीत करके तां प्रेत तों खहिड़ा छुटिआ ते उस विच्च नवीं ताकत आई सी।

"हुण तबीत दी जरूरत वी नहीं, बस्स इस ते लिखे मंतर दा धिआन कर लैणा, बुरीआं रूहां दूर रहिणगीआं।" पाली दे बापू नें वड्डे सारे चौरस तबीत विच्चों मंतर वाला कागज़ दा टुकड़ा कढ्ढदिआं किहा ।

सारे जणे उस लिखे मंतर नूं देखणा चाहुंदे सन। पाली दे बापू नें कागज़ दीआं कई तहिआं खोल्हीआं। सारे देख के हैरान रहि गए कागज़ तां दोवां पासिआं तों साफ़ सी। कुझ्झ वी नहीं सी लिखिआ होइआ। सारे पासे चुप्प सी। पाली आपणे बापू दी हुशिआरी समझ गई।

"पर बापू काळा प्रछावां....?" उस नें सवालीआ नज़रां नाल बापू वल्ल तक्किआ।

आपणे कुड़ते दे खीसे विच्च हत्थ पा के उस नें वरतीआं सरिंजां अते गोलीआं दे खाली पत्ते, अध सड़े कागज़ दिखाए। इह उस नूं पिप्पल दे मुढ्ढ कोलों मिले सन।

"नशे.......? भजनो दे पती नें हैरानी नाल पुछ्छिआ।

" जी हां, भाई साबह । इह प्रेत ऐ ...जिहड़ा लोकां दे घर बरबाद कर रिहै।"