किरपाल सिंघ पंनूं दा नां लैंदिआं ही दिमाग विच्च कंपिऊटर उघ्घड़ पैंदा है। कंपिऊटर किरपाल सिंघ पंनूं दा प्रापती-चिंनह है, उच्चतम प्रापती चिंनह।

बहुपख्खी सखशीअत होण दे नाते उह इक्क कहाणीकार, आलोचकी नज़र वाळा पाठक, कैनेडा दीआं सभ्भिआचारक सरगरमीआं दा समीखिआकार अते लोक-संपरकी सुभाअ वाळा सुहिरद इनसान है। पर जिनहां कारजां नें उस दी पछाण गूहड़ी कीती अते उस नूं भारती पंजाब, पाकिसतानी पंजाब अते बदेशां ’च वसदे पंजाब ’च प्रसिध्धी दुआई, उह हन उस दे पंजाबी फौंटां दी परोडकशन ते कनवरशन सबंधी कीते खोज-कारज।

विगिआनक जीवन-द्रिशटी वाळे सुहिरद, सिरड़ी ते सूझवान किरपाल सिंघ पंनूं नाल मेरी पहिली मुलाकात 1992 जां शाइद 1993 ’च होई। मै, ओंकारप्रीत सिंघ, मेजर मांगट, कुलविंदर खहिरा ते बलतेज पंनूं नें मोढी मैंबरां वज्जों गरेटर टरांटो विखे ‘पंजाबी कलमां दा काफ़ला’ नां दी साहितक संसथा बणाई सी। किरपाल पंनूं शुरू तों ही इस संसथा नाळ जुड़ गिआ सी।

‘काफ़ले’ दी इक्क मासिक इकत्तरता विच्च मैं आपणी कहाणी ‘पछाण’ पहड़ी। कहाणी बारे किरपाल दे विचार सुणदिआं ही मैं समझ गिआ कि इस सज्जण नूं अजोकी जटिल्ल कहाणी बारे चोखा गिआन है। फिर मैं आपणी हर कहाणी उस नूं ज़रूर पहड़ाउंदा। उह आपणी राए विसथार ’च दस्सदा। उस दा जिहड़ा विचार मैनूं टुंबदा, उस अनुसार मैं कहाणी विच्च लोड़ींदी सोध वी कर लैंदा।

मैं भारत तों सत्त अठ्ठ साहितक परचे लुआए होए सन। उनहां परचिआं विच्च छपदीआं दूजे कथाकारां दीआं कहाणीआं बारे वी असीं विचार-वटांदरा करदे रहिंदे। इस साहितक अमल विच्चीं गुज़रदिआं असीं गूहड़े दोसत बण गए।

किरपाल दी साहित नूं वाचण-घोखण दी रुची वधदी गई। उनहीं दिनीं गलपकार बलबीर कौर संघेड़ा नें टरांटो तों ‘आर पार’ नां दा मासिक परचा शुरू कीता। किरपाल उस परचे दी हर रचना दी पुण-छाण करदा। उस दी इह पुण-छाण परचे दे कालम ‘पहड़िआ लिखिआ’ विच्च छे-सत्त साल लगातार छपदी रही।

जदों ‘आर पार’ किसे कारन बंद हो गिआ तां किरपाल नें गरेटर टोरांटो दे हफ़तावारी पंजाबी टी.वी. परोगरामां दी समीखिआ शुरू कर दित्ती। इह समीखिआ ‘पंज पाणी’ अख़बार दे कालम ‘ठरकी दी अख्ख चों’ कई वरहे छपदी रही।

इंडीआ तों बारडर सकिउरिटी फोरस दी नौकरी कर के आए किरपाल पंनूं नें टोरांटो दे इंटनैशनल एअरपोरट ’ते सकिउरटी अफसर दी जौब शुरू कर रख्खी सी। घर विच्च कंपिऊटरी माहौल सी। उस दे वड्डे बेटे नरवंत पाल सिंघ पंनूं दी जौब कंपिऊटर नाळ सबंधित सी। छोटा वाटरलू यूनीवरसिटी विच्च कंपिऊटर साइंस दी डिगरी कर रिहा सी। (विचकारला बेटा उदों अजे इंडीआ ’च सी) पुत्तरां दीआं कीअ-बोरड ’ते नच्चदीआं उंगळां अते नाळ दी नाळ मौनीटर ’ते रूपमान हुंदे निख्खरवें अख्खर-आकार वेखदिआं किरपाल अंदर वी कंपिऊटर सिख्खण दा शौक उगम पिआ। बच्चिआं नें वी उस नूं उतशाहत कीता अते कंपिऊटर मूहरे बैठ उस नें कीअ-बोरड ’ते उंगळां मारनीआं शुरू कर दित्तीआं। पंजाबी फौंट लोड कर के उह टाईपिंग, सेव, फाईल, फोलडर आदि वरगे मुढले फीचरां-फंकशनां तों अगांह वधण लग्गा।

1996 ’च जौब तों मुकत हो के उस नें सार-सारा दिन कंपिऊटर ’ते बहिणा शुरू कर दित्ता। अमरीका दे शहिर सेन मैटीओ (कैलेफोरनीआ) ’च वसदे पंजाबी फौंटां दे निरमाता कुलबीर सिंघ थिंद दीआं फौंटां विच्च किरपाल नूं कुझ्झ सुधारां दी लोड़ जापी। कुझ्झ अख्खर ते लगां-मातर कीअ बोरड दीआं आधारी कीआं तों बहुत दूर पैंदे सन जिस कारन टाईप करदिआं खास कर के खब्बा हत्थ बहुत छेती थक्क जांदा सी। डिकशनरी दीआं 26+26 = 52 कीआं तों बाहरलीआं कीआं कसटम शबदजोड़ चैक्क विच्च वी बखेड़ा खहड़ा करदीआं सन।

उस नें स्री गुरू ग्रंथ साहिब, टोरांटो दीआं सथानक अख़बारां अते पंजाबी यूनीवरसिटी पटिआला दे शबदजोड़-कोश ’ते आधारित इक्क अहिम सरवेखण कर के वध्ध अते घट्ट वरते जाण वाळे अख्खरां दी निशानदेही कीती। इस निशानदेही दे आधार उत्ते उस नें डा: कुलबीर सिंघ थिंद नूं सिफारिश कीती कि घट्ट वरते जाण वाळे अख्खरां दीआं कीआं नूं औखे थावां ’ते अते वधेरे वरते जाण वाळे अख्खरां दीआं सौखे थावां ’ते लाईआं जाण। फिर पैर बिंदी वाळे छे अख्खरां दीआं छे वख्ख-वख्ख बिंदी अख्खरां दी थां इक्क ही बिंदी दी काढ कढ्ढी जो उ तो लै के ड़ तक्क हर अख्खर दे पैर ’च पै जांदी है। इस दी शाहमुखी कनवरशन विच्च बहुत लोड़ पैंदी है।

सोचिआ जावे तां कीअ बोरड दी री-सैट्टिंग, अख्खरां ते लगां-मातरां सबंधी किरपाल सिंघ पंनूं दीआं इह काढां अते तबदीलीआं, पंजाबी भाशा दे कंपिऊटरी सिसटम विच्च इक्क इनकलाबी परिवरतन सन। इस परिवरतन दे आधार ’ते डा: थिंद नें ‘समतोल’ फौंट तिआर कीती जो 1998 विच्च ‘पंजाबी कलमां दे काफ़ले’ दी कानफरंस विच्च रीलीज़ कीती गई। वख्खरी पैर बिंदी नूं यूनीकोड फौंटां विच्च वी परवान अते शामिल कर लिआ गिआ।

1999 विच्च छपे मेरे कथा-संग्रहि ‘दो टापू’ दी टाईप-सैटिंग किरपाल नें ‘समतोल’ फौंट ’च ही कीती। किताब दी परूफ-रीडिंग करदिआं मैं कहाणीआं नूं इंपरूव वी करदा रिहा। कंपिऊटर ’ते बैठा किरपाल रीझ नाळ सोधां करदा रिहा। सारीआं कहाणीआं उस नें पहिलां ही बारीकी नाळ पहड़ीआं होईआं सन। हुण सोधां करदिआं जिवें उस नूं याद हो गईआं। इक्क दिन उस दे मूंहों सहिज-सुभाअ निकळ गिआ, “जरनैल! कहाणीआं बहुत वधीआ बण गईआं नें। तेरी किताब सिलेबसां ’च जाएगी।” ‘दो टापू’ दी भरपूर चरचा होई ते अज्ज तक्क हो रही है। किरपाल दी भविख्ख बाणी वी सही होई। ‘दो टापू’ पंजाबी यूनीवरसिटी ते गुरू नानक देव यूनीवरसिटी तों बाअद अज्ज-कल्ल्ह पंजाब यूनीवरसिटी अते कुरूकशेतर यूनीवरसिटी दे ऐम्म.ए दे सिलेबसां ’च पहड़ाई जा रही है।

किरपाल दी कंपिऊटरी लगन इशक दी हद्द तक्क वी गई। उस नें खोज कर के अजिहा परोगराम तिआर कीता, जिस नाळ पंजाबी दीआं वख्ख-वख्ख फौंटां नूं इक्क-दूजी विच्च तबदील कीता जा सकदा ए।

किरपाल सिंघ पंनूं जदों उप्रोकत कारजां नूं सिरे चाहड़ रिहा सी तां उस दे खोजी-मन दे आकाश ’च इक्क अनोखा सुपना उदे हो चुक्का सी—गुरमुखी तों शाहमुखी अते शाहमुखी तों गुरमुखी दी कनवरशन दा सुपना। इस सुपने नूं साकार करन लई किरपाल नूं लंमी साधना करनी पई। फलसरूप अज्ज असीं पंजाबी तों शाहमुखी अते शाहमुखी तों पंजाबी दा सिध्धा लिपीआंतर कर सकदे हां। हफतिआं-महीनिआं ’च मुक्कण वाळे कंम नूं हुण कुझ्झ कु मिंटां विच्च ही निपटाइआ जा सकदा है। गुरमुखी अते शाहमुखी ’च रचे साहित दा आदान-परदान ढेर सुखाला हो गिआ है। इह कठिन कनवरशन कारज किरपाल पंनूं दी कंपिऊटरी गिआन दे खेतर विच्च बहुत वड्डी प्रापती है। कुझ्झ विदवान सज्जण इह दाअवा कर रहे हन कि इह कारज पहिलां उनहां नें कीता पर हकीकत इह है कि किरपाल सिंघ पंनूं इस दा पहिला खोज-करता है।

किरपाल सिंघ पंनूं आपणे कारजां नूं प्रफैकशन दे पध्धर तक्क लिजाण दा आदी है। समें दी परख नाळ ‘समतोल’ फौंट ’च उस नूं दो कु घाटां रड़कण लग्गीआं। वैब्ब साईट ’ते इस दे अख्खर खिल्लर जांदे सन। टोरांटो निवासी लेखक प्रितपाल सिंघ बिंदरा दे इह बोल, “पंनूं साहिब! हुण कंपिऊटर तुहाडे मूहरे अड़ नहीं सकदा, इह मोरचा वी तुसीं ही फतिह करो।” किरपाल साहवें इक्क नवीं चुणौती खहड़ी कर गए। उह दोश-रहित फौंट दे अख्खर उसारन ’च जुट गिआ ते ‘डीआरचातरिक (धनी राम चातरिक)’ नां दी नवीं फौंट तिआर कर लई। इह किरपाल दी निरमाणता दा सबूत है कि इस फौंट दा होण दे बवजूद वी उस नें इह फौंट आपणे नां करन दी बजाइ डा: थिंद दे नां कीती। अज्ज भारत, कैनेडा ते अमरीका दे अनेकां साहितकार, अख़बार अते वैब्ब साईटां वाळे इस फौंट नूं उमाह नाळ वरत रहे हन।

मेरे कहाणी-संग्रहि ‘टावरज़’ दी तिआरी समें वी किरपाल कंपिऊटर ’ते डटिआ रिहा। ‘दो टापू’ वांग ही ‘टावरज़’ दी वी ढेर चरचा होई। परवासी कहाणीकार वजों बणी मेरी निवेकली पछाण ‘टावरज़’ नाळ विशव-चेतना वाळे कहाणीकार तक पहुंच गई। मेरे पिआरे मित्तर डा: करमजीत सिंघ नें हरिआणा पंजाबी साहित अकादमी दे सहियोग नाळ कुरूकशेतर यूनीवरसिटी विखे ‘टावरज़’ ’ते इक्क शानदार सैमीनार करवाइआ। ढाई घंटे चल्ले उस सैमीनार विच्च कुरूकशेतर यूनीवरसिटी दा उस वेळे दा वाईस-चांसलर मिसटर हुड्डा वी सारा समां हाज़र रिहा। प्रधानगी मंडल विच्च मेरीआं कहाणीआं नूं कंपिऊटर ’ते सजाउण वाळा मेरा गूहड़ा मित्तर किरपाल सिंघ पंनूं वी शामल सी। उस नूं पंजाबी भाशा लई कीतीआं कंपिऊटरी सेवावां लई पंजाबी साहित अकादमी हरिआणा वल्लों सनमानित कीता गिआ। मैनूं आपणे सनमान नाळों किरपाल दे सनमान दी वध्ध खुशी होई सी।

किरपाल नें डा: हरकीरत सिंघ वाळा शबद जोड़ कोश कंपिऊटर ’च पा के साडे लई सपैल्ल-चैक्क दा बंदोबसत वी कर दित्ता है।

किरपाल आपणा कंपिऊटरी गिआन लोकां विच्च मुफ़त वंडदा है। उह अखबारां परचिआं ते वैब्ब साईटां दे ऐडीटरां अते साहितकारां दी सहाइता वासते हमेशा ततपर रहिंदा है। 2008-9 ते 10 विच्च उह टोरांटो ते आस-पास दे सीनीअरज़ नूं कंपिऊटर दे मुढले गुर मुफ़त विच्च सिखाउंदा रिहा है। उह सैंकड़े लोकां नूं कंपिऊटर सिख्खिआ परदान कर चुक्का है।

कमाल दी गल्ल इह है कि किरपाल कंपिऊटर पहड़न लई किसे कालज जां यूनीवरसिटी नहीं गिआ। कंपिऊटर सबंधी उस दा सारा गिआन उस दी तेज़ बुध्धी, करड़ी मिहनत ते उस दे सिरड़ी सुभाअ विच्चों उपजिआ ते विगसिआ है। उस दे कीते होए कारज यूनीवरसिटीआं दे खोज-कारजां जिंनी महत्तता रख्खदे हन।

अंत विच्च किहा जा सकदा है कि किरपाल सिंघ पंनूं नें फौंटां दी प्रोडकशन, कीअ-बोरड दी री-सैटिंग, वख्ख-वख्ख फौंटां दी कनवरशन अते गुरमुखी तों शाहमुखी ते शाहमुखी तों गुरमुखी दी कनवरशन दे खोज ते सोध कारजां राहीं जित्थे पंजाबी भाशा दे कंपिऊटरी विकास विच्च वडमुल्ला योगदान पाइआ है, उत्थे आपणे कंपिऊटर-गिआन नूं लोकां विच्च मुफ़त वंड के पंजाबी मां-बोली दी सेवा वी कीती है।

किरपाल सिंघ पंनूं नूं अनेकां संसथावां वल्लों उस दीआं प्रापतीआं ते सेवावां लई सनमानिआं गिआ है। पर उह किते वड्डे सनमानां दा हक्कदार है। पता नहीं किओं पंजाब दी सरकार ते यूनीवरसिटीआं नें अजे तक्क उस नूं सनमानित नहीं कीता। खै਼र, असीं उस नूं कंपिऊटर दी दुनीआं दा बेताज बादशाह आख सकदे हां।