-70-

 

हरीश राए दा वकालत नामा मिसल नाल लगदिआं ही सुत्ती होई सरकार अंगड़ाईआं लैण लग्गी।

तफ़तीश कर रहे थाणेदार नें मिसल मुकंमल कीती। बाकी रहिंदीआं ज़िमनीआं लिख के मिसल नाल लाईआं।

सरकारी वकील नें मिसल मंगवा के इक्क वार फेर पहड़ी। रहि गईआं कमीआं दूर करवाईआं।

पिछली पेशी उपर पंचम दी उमर बारे हलकी जिही बहिस होई सी।

उह बिहार दा रहिण वाला भईआ सी। उह कीड़े मकौड़िआं वांग जंमदे अते मर जांदे सन। कोई उनहां दे जनम मरन दा हिसाब नहीं रख्खदा। पुलिस नूं उसदी असल जनम मिती दा कोई इलम नहीं सी।

पुलिस नें बिहार जा के असल जनम मिती खोजण विच्च दिलचसपी नहीं सी दिखाई। सरकार वल्लों इक्क तरहां नाल उसदे हलफ़ीआ बिआन नूं मंन लिआ गिआ सी।

दोशी दी उमर बारे होण वाला फैसला इक्क अहिम कारवाई सी। सरकारी वकील नें इस कारवाई नूं गंभीरता नाल नहीं सी लिआ। ‘देख लओ’ आखके असिध्धे ढंग नाल मुलज़मां नाल सहिमती प्रगटाई सी।

जे जज्ज चाहुंदा उसे समें पंचम दी उमर अठारां साल तों घट्ट मंन के ज़मानत मनज़ूर कर लैंदा। पर उसने सरकारी वकील दी सहिमती नूं नज़र अंदाज़ कर दित्ता सी। जज्ज नें आपणा फरज़ सोच समझ के निभाउणा सी। उसदे फैसले विरुध हाई कोरट विच्च अपील हो सकदी सी। काहल विच्च कीता फैसला उस लई मुसीबत खहड़ी कर सकदा सी।

इस लई जज्ज नें आपणी तसल्ली लई मुलज़म दा डाकटरी मुआइना कराउण दा हुकम दित्ता सी।

डाकटर नें उसदी उमर सतारां तों उनीं साल दे विचकार तक्की अंकी ही सी।

अज्ज उस रिपोरट दे आधार ’ते बहिस होणी सी।

सफ़ाई धिर दा वकील पूरी तिआरी करके आइआ सी। जज्ज नूं पहड़ाउण लई उह सुपरीम कोरट दे फैसलिआं दी लंबी लिसट लै के आइआ सी। उनहां फैसलिआं विच्च दरज सी कि अज्ज वरगी दोचिती वाली सथिती विच्च जज्ज दा फरज़ बणदा सी कि उह मुलज़म दे हक्क विच्च जांदे तत्थ नूं सच्च मंने। शक्क दा फ़ाइदा मुलज़म नूं दे के उसनूं किशोर घोशित करे।

सरकारी वकील कोल इस कानूंन दी कोई काट नहीं सी। नां उसने काट लभ्भण दी कोशिश कीती सी। नां उसनूं काट लभ्भण दी ज़रूरत सी। उसदे अफ़सरां नें उसनूं चुप्प रहिण दी हदाइत कीती सी।

सरकारी वकील नें सोचिआ सी पिछली वार वांग ‘देख लओ’ आखके उस नें जज्ज दे मूंह विच्च कोहड़ किरली पा देणी है। उह कोहड़ी बणे जां कलंकी।

जज्ज दी मरज़ी।

हुण हरीश राए दे मुदई धिर नाल आ खहड़न नाल सरकारी वकील नूं गंभीर होणा पै रिहा सी।

हरीश राए अख्खड़ सुभाअ दा सी। कदों किस ’ते बरस पए कोई पता नहीं सी। आम केसां विच्च सरकारी वकील मुदई धिर दे वकीलां नूं बहिस नहीं करन दिंदे। पर हरीश राए नूं बहिस करन तों कोई नहीं सी रोकदा। कोई रोकण दी कोशिश करे तां जज्ज उसनूं बोलण दी इजाज़त दे दिंदा सी।

जदों छुपाए जाण वाले नुकते प्राईवेट वकील नें साहमणे लिआ देणे सन तां सरकारी वकील आपणी नलाइकी दा सबूत किउं देवे? इहो सोच के सरकारी वकील नूं मुकंमल बहिस करनी पै जांदी सी।

“तुसीं बहिस करो प्रधान जी!”

बहिस शुरू होण तों पहिलां ही सरकारी वकील नें आपणे सारे अधिकार हरीश नूं सौंप दित्ते।

प्रधान तों बहिस करवा के सरकारी वकील इक्क तीर नाल दो शिकार फुंडना चाहुंदा सी। जदों मुदई धिर दा वकील बहिस कर देवे तां मुदई धिर नूं सरकारी वकील ’ते कोई गिला नहीं रहिंदा। जदों मुदई धिर दा वकील बोल जावे तां सरकारी वकील दे बोलण लई कुझ्झ नहीं बचदा। चुप्प रहिण विच्च असानी हुंदी सी। इह चुप्प मुलज़मां दी तसल्ली कराउण विच्च सहाई हुंदी सी। सरकारी वकील नें हिक्क थापड़ के आखणा सी — “मैं इक्क अख्खर नहीं बोलिआ। दूजे वकील नूं मैं रोक नहीं सकदा। फिकर नां करो। जज्ज नें सरकारी वकील दी बहिस वल्ल धिआन देणा है। प्राईवेट वकील दी बहिस कौण सुणदा है!”

प्रधान सरकारी वकील दी चाल समझ रिहा सी।

“तुसीं आपणा फ़रज़ अदा करो। लोड़ पई तां मैं आपणा फरज़ अदा करांगा।”

नहिले ’ते दहिला मारदे प्रधान नें सरकारी वकील नूं भरी महिफ़ल विच्च नंगा होण लई वंगारिआ।

सरकारी वकील कड़िकी विच्च फस गिआ। उलटा किरली उसदे मूंह विच्च आ गई।

“भठ्ठ पैण मुलज़म। मैं आपणी शिकाइत नहीं कराउणी।” सोच के सरकारी वकील नें बहिस शुरू कीती।

पंचम दी उमर अठारां साल तों वध्ध सी, इह साबत करन लई उसने पुलिस मिसल दा सहारा लिआ। पुछ्छगिछ्छ दौरान उसने आपणी मरज़ी नाल जो उमर दस्सी सी उह चौवी साल सी। हवाले लई उसने मिसल पहड़के सुणाई।

डाकटर दी रिपोरट भरोसेयोग नहीं सी। आपणी रिपोरट दे नाल डाकटर दे दोशी दे ऐकसरे शामल नहीं सन कीते। ऐकसरे बिनां इह किस तरहां मंनिआ जा सकदा सी कि उसदी उमर सतारां तों उनी विचकार सी। डाकटर तों रिपोरट मुकंमल कराउणी ज़रूरी सी।

सरकारी वकील दीआं दोहां दलीलां नाल जज्ज सहिमत होण लग्गा।

गिरगट वांग रंग बदलदे सरकारी वकील नूं देखके जज्ज मिना मिना मुसकराउण वी लग्गा।

“प्रधान जी तुसीं कुझ्झ कहिणा है।” सरकारी वकील तों बाअद जज्ज नें प्रधान नूं मौका दित्ता।

पुलिस नें पंचम दा जो पिछोकड़ मिसल विच्च दरज कीता सी उस तों जापदा सी उह लंबे चौड़े परिवार विच्च जनमिआ सी। उसदे परिवार दे बहुते जीअ हाले बिहार रहिंदे सन। बिहार कोई उत्तरी धरुव नहीं सी कि उथे जाइआ नहीं जा सकदा। शक्क दूर होणा चाहीदा सी। किसे थाणेदार नूं बिहार भेज के जनम सरटीफिकेट मंगवा लैणा चाहीदा है।

इह दलील सभ तों उत्तम सी।

सफ़ाई धिर कोल इस दलील उपर करन लई कोई इतराज़ नहीं सी।

“किउं पी.पी.साहिब तुहाडा की विचार है? जे असल जनम तारीख मिल जावे फेर आपां डाकटर तों की लैणा है?”

जज्ज नें सरकारी वकील तों पुछ्छिआ।

“ठीक फरमा रहे हो जनाब! पंदरां कु दिनां दी तारीख़ पाओ। हुणे थाणेदार नूं बिहार जाण वाली गड्डी चहड़ा दिंदे हां। उस तारीख़ तक मुड़ आएगा।”

सारीआं धिरां दी सहिमती नाल वीह दिनां दी तारीख़ पाई गई।

थाणेदार नूं जनम सरटीफिकेट अते डाकटरां नूं ऐकसरे फिलमां लै के आउण दी हदाइत कीती गई।

जे जनम तारीख दी उघ्घ सुघ्घ नां मिली तां डाकटर दी रिपोरट दे आधार ‘ते फैसला लिआ जा सकदा सी।

जज्ज दा इह विचार सी।

 

-71-

 

हसपतालों उह डाकटरां दी राए दे विरुध आए सन। फेर वी घर आ के उनहां नूं राहत महिसूस होण लग्गी।

घर मुड़दिआं ही नीलम दी हालत सुधर गई। चमचे नाल दवाई उसदे अंदर जाण लग्गी। रिडप उतर गई। नेहा नूं हुण घड़ी मुड़ी रिडप वल्ल झाकण दी ज़रूरत नहीं सी। नेहा नूं सौख हो गई।

रिशतेदार सुखाले हो गए। हसपताल अते कोठी विचकार लगदे चक्कर बंद हो गए। हसपताल रोटी पहुंचाउण दी जहिमत ख़तम हो गई।

वेद राम नाथ अते संगीता नूं घर भेजणा चाहुंदा सी।

पर किसे वी तरहां इह समध्धधिसआ हल्ल नहीं सी हो रही।

ग्रिफ़तारी तों बाअद सारी अदालती मशीनरी पंकज होरां दे हक्क विच्च भुगतण लग्गी सी। उह हर थां आपणी मरज़ी दे हुकम कराउंदे जा रहे सन।

जेल्ह जाण दी थां उह हसपताल दाख़ल हो गए सन। एअर कंडीशन कमरिआं विच्च बैठ के कारोबार चला रहे सन।

राम नाथ इनहां सहूलतां नूं ख़तम कराउण लई जूझ रिहा सी। अरज़ीप ् तर दिंदिआं उसदा सारा दिन कचहिरी लंघ जांदा सी।

किसे नां किसे तरहां नेहा दिन कट्ट लैंदी सी। रात पैंदे ही उसनूं डर लग्गण लगदा सी। कोठी दी हर नुक्कर विच्च उसनूं काले कलोटे, दैतां वरगे भईए चीर हरन करन दी तिआरी करदे नज़र आउंदे सन। कदे उह प्रछावें भईए बण जांदे अते कदे पंकज अते नीरज। कदे उह कमल दे ढिड्ड विच्च छुरा खोभण लगदे। कदे नीलम दा सिर तोड़न लगदे।

अख्ख लगदे ही नेहा नूं भिआनक सुपने आउण लगदे सन। उह हड़ बड़ा के उठ्ठ खहड़दी सी। मुड़ घंटा घंटा उसनूं डर लगदा रहिंदा सी। मुड़ उस दी अख्ख नहीं सी लगदी।

उह संगीता नाल जफ़्फ़ी पा के सौंदी सी। संगीता सारी रात सिर पलोस पलोस उसदा हौंसला वधाउंदी सी।

संगीता दी थां माइआ नगर आउण लई हाले कोई होर औरत विहली नहीं सी।

मजबूरन राम नाथ अते संगीता माइआ नगर टिके होए सन।

घर आउण दी खुशी कुझ्झ दिनां बाअद खंभ ला के उड्डण लग्गी।

घर अते हसपताल दी संभाल दा ज़मीन असमान दा फ़रक सी।

हफ़ता ठीक रहि के कदे नीलम नूं बुख़ार होण लग्गा, कदे इनफैकशन। कदे कबज़ हो जांदी, कदे पिशाब रुक जांदा।

देखण आइआ डाकटर पंज सौ लै जांदा। टैसट लई ख़ून लैण आइआ कंपाऊंडर तिंन सौ लै जांदा।

नीलम संभलदी तां वेद दीआं राडां खिसक जांदीआं। सारे सरीर विच्च चीसां पैण लगदीआं।

उसनूं ऐंबूलैंस विच्च पा के हसपताल लिजाणा पैंदा। कदे ऐकसरे हुंदे, कदे सकैन।

हिल्लजुल कारन हफ़ते विच्च जुड़न वाली हड्डी पंदरां दिनां दी मंग करन लगदी।

डाकटर राए दिंदे। मरीज़ां नूं हसपताल दाख़ल करवा देवो।

हसपताल उनहां दे दुशमण बैठे सन। उनहां दे साहमणे रहिण नालों मरना चंगा सी।

भले दिनां दी आस लाई उह औख सौख कट्ट रहे सन।

 

-72-

 

पहिलां वेद अते नीलम नूं इक्क कमरे विच्च पाइआ गिआ सी। नीलम नूं नां आपणी होश सी नां आले दुआले दी। वेद दे हत्थ पैर तां कंम नहीं सी करदे पर उस दा होशो हवास काइम सी। नीलम दा टट्टी पिशाब ’ते कंटरोल नहीं सी। वेद उस ’ते नज़र रख्खदा सी। नीलम नूं जदों टट्टी पिशाब आउंदा सी उह नेहा जां संगीता नूं आवाज़ मार दिंदा सी। समें सिर सफ़ाई हो जांदी सी।

लंबे समें तों मंजे ’ते पई होण कारन उसनूं ‘बैड्ड सोर’ हो गए सन। डाकटरां दी हदाइत सी उसनूं गिली थां पैण तों बचाइआ जावे। वेद दी नाल दे मंजे ‘ते हाज़री इस औखिआई नूं हल्ल कर रही सी।

वैसे वी दवाई बूटी देण वाला दोहां मरीज़ां दी इको समें देख भाल कर लैंदा सी। उसदा बहुता समां नशट नहीं सी हुंदा।

कुझ्झ दिनां तों नीलम नूं दूसरे कमरे विच्च पा दित्ता गिआ सी। पता नहीं कोई दवाई रिऐकशन कर गई सी जां दिमाग़ दी किसे नाड़ नें कंम करना बंद कर दित्ता सी। नीलम नूं लगे दसत बंद होण दा नां नहीं सी लै रहे। पिशाब वी तुपका तुपका करके आ रिहा सी।

सफ़ाई वाला सफ़ाई करके हटिआ वी नहीं सी हुंदा कि नीलम दे कप्पड़े फेर लिबड़ जांदे सन। उसदे अंदर पता नहीं किस किसम दी गंदगी जमहां हो गई सी। उसदी टट्टी अते पिशाब विचों बहुत भैड़ी बू आउंदी सी। बू सारी कोठी विच्च फैल जांदी सी। नीलम दे कमरे विच्च खहड़ना तां दुभर सी ही, नाल दे कमरिआं विच्च बैठणा वी मुशकल हो जांदा सी।

इसे दिक्कत कारन नीलम नूं दूसरे कमरे विच्च बदलिआ गिआ सी। डाकटर दसतां ’ते काबू पाउण लई सिरतोड़ यतन कर रिहा सी। हर रोज़ दवाई बदली जा रही सी। पर कोई वी दवाई असर नहीं सी कर रही।

नीलम उपर दवाईआं दा असर नहीं सी हो रिहा। पर उसदे दसतां दा घर दे माहौल ’ते असर हो रिहा सी।

बदबू नें पहिलां कपड़े धोण वाली भजाई। उसदा कंम साधारन कपड़े धोणा सी। गंद वाले नहीं।

फेर वारी आई खाणा बणाउण वाली पंडताणी दी। उसदी शिकाइत सी कि उसनूं आपणे कपड़िआं दे नाल नाल आपणे आप विचों वी बू आउण लग्गी सी। सौंदे जागदे, बाहर अंदर हर थां बू उसदा पिछ्छा करदी सी। वेद दी कोठी वल्ल मूंह करदे ही उसनूं उलटी आउण वरगी हो जांदी सी। बीबी दे दसत ठीक हुंदे ही उह कंम ’ते वापस मुड़ आएगी। इह विशवास दिवा के उह लंबी छुट्टी लै गई।

मल्ल्हम पट्टी करन आउंदे कंपाऊडर नें शरत रख्ख दित्ती। उसदे कमरे विच्च वड़न तों पहिलां मरीज़ दा बिसतरा, कपड़े अते सरीर साफ़ होणा चाहीदा सी।

नां उह बू वाले कमरे विच्च वड़ेगा, नां गंद नाल लिबड़े सरीर ’ते पट्टी करेगा।

जमादारनी आपणी वफ़ादारी निभाअ ज़रूर रही सी, पर उसने वी आपणी डिऊटी सवेरे शाम तक सीमत कर दित्ती सी। बाकी समें लई दुगणी तिग्गणी तनख़ाह ते कई जमादारनीआं दा प्रबंध कीता गिआ। पर कमरे विच्च वड़दिआं ही उहनां नूं सप्प सुंघ जांदा। बिनां दिहाड़ी लिआं उह कंम छड्ड के भज्ज जांदीआं।

नतीजे वजों बहुता समां नीलम गंदगी विच्च पई रहिंदी सी।

कदे कदे मन करड़ा करके संगीता कमरे विच्च वड़दी सी।

बहुती वार नेहा नूं हिंमत बटोरनी पैंदी सी। मूंह सिर बंनह के अते हत्थां ‘ते दसताने चहड़ा के नाले उह हुबकीं हुबकीं रोंदी रहिंदी, नाले मां दी सफ़ाई करदी रहिंदी।

हड्डीआं दी मुठ्ठ बणी अते गंदगी दे ढेर विच्च पई नीलम नूं देख के नेहा नूं यकीन नहीं सी आउंदा कि की सच्चमुच्च इह उसदी मां सी। नीलम तां हर समें बण ठण के रहिंदी सी। इतर फरेल लाउणा उसदा शौंक सी।

नीलम दीआं महिंगीआं महिंगीआं साहड़ीआं, नवें फैशन दे सूट, नाईटीआं अते गाउण किसे कंम नहीं सन आ रहे।

पहिलां उस नूं कमीज़ सलवार पहिणाइआ जांदा सी। जदों बैड सोर होए तां कुड़ते दी थां बनैण अते सलवार दी थां काटन दे अंदर वीअर नें लै लई।

माइआ नगर आ के वी नीलम नें आपणा पिछोकड़ नहीं सी छड्डिआ। नां कदे उसने जीन पाई सी नां टी शरट। नीलम नूं अंग प्रदरशन तों चिड़ सी। उह नेहा नूं वी सरकट अते ‘शारट’ पहिनण तों रोकदी सी। उह कहिंदी हुंदी सी परदा ही औरत दा गहिणा है।

बिमारी नें उसदे सारे शौक किल्ली ’ते टंगवा दित्ते सन।

लख्ख यतन करन दे बावजूद वी कपड़े गिल्ले हो जांदे। गिल्ले कपड़िआं कारन पहिले बैड सोर गहिरे हो गए। नवें बैड सोर बणन लग्गे। तन ’ते पाए कपड़े बैड सोरां नूं नुकसान पहुंचा रहे सन। डाकटर नें हदाइत कीती। नीलम नूं इक्क चादर नाल ढक्क के रख्खिआ जावे। कदे चादर खिसक जांदी तां उह अलफ़ नंगी हो जांदी।

उंझ हुण उसदे नंगे जां कज्जे सरीर विच्च बहुता अंतर नहीं सी। उसदे सरीर दा मास लटक गिआ सी। छातीआं मास दे लुथड़े बण गईआं सन। डौले अते पट्ट पट्टीआं दे निशानां कारन भद्दे होए पए सन। अख्खां उपर कालख़ छा गई सी। छाईआं कारन चिहरा डब्बखड़ब्बा हो गिआ सी। बिखरे वालां वाली इह ज़िंदा लाश कोई भूतनी लगदी सी। देखण वाला उसदे नंगे सरीर विचों कामवासना दी पूरती नहीं सी कर सकदा।

छोटे वड्डे जीजिआं, दिओरां जेठां अते मुशकी आंढी गुआंढीआं दी चहेती नीलम हुण किसे नूं चंगी नहीं सी लगदी। उसदी छोह नूं तरसन वाले, उस दी मुसकान नूं मानण वाले आशकाना रिशतेदार फ़ोन ’ते हाल चाल पुछ्छ के सार लिआ करदे सन जां फेर इक्क वार कमरे विच्च वड़के, ओपरी जिही नज़र मार के बाहर नूं भज्ज पैंदे सन।

डाकटर आख रहे सन नीलम दी हालत सुधर रही सी। पर नेहा नूं कोई सुधार नज़र नहीं सी आउंदा। नां नीलम दा कदे कोई अंग हिलिआ सी नां उसने कदे अख्ख पुट्टी सी। नां कदे भुख्ख जिताई सी नां पिआस दा इज़हार कीता सी। नेहा नूं जापदा सी उसदी चेतना नूं कंटरोल करन वाला उसदे दिमाग़ दा हिस्सा मर चुक्का सी। अजिहीआं अनेकां ज़िंदा लाशां घरां विच्च रुलदीआं उसने देखीआं सन। इह दिमाग़ दी सट्ट सी। ठीक हो के वी किसे अंग दा नुकसान कर सकदी सी। याददाशत जा सकदी सी। कोई नुकसान हो गिआ तां नीलम दा की बणेगा? उह किस दे सहारे दिन कध्धटेगी?

नीलम दी तरसयोग हालत देख के कदे कदे नेहा दी सोच टपला खाण लगदी सी। इस तों चंगा सी उह सदा लई अख्खां मीट जावे।

हुण लगदा सी नीलम सदा लई अख्खां मीचण दी तिआरी कर रही सी।

जे दसत इक्क दो दिन होर चलदे रहे तां उस अंदरों पाणी मुक्क जाणा सी। पाणी मुक्कण दे नाल ही प्राणां दा हिसाब किताब मुक्क जाणा सी।

पर तिणका तिणका करके मुक्क रही मां नूं देखदे रहिण तों सिवा नेहा कुझ्झ कर वी तां नहीं सी सकदी।

 

-73-

 

जदों माइआ नगर दे ऐलोपैथी दे डाकटर हंभ गए तां राम नाथ आपणे शहिर वल्ल दौड़िआ। होमोपैथी दे डाकटर मंगला दी पहिली दवाई नें तां नीलम ‘ते असर नहीं सी कीता। शाइद उह दसतां ’ते काबू पा लए।

लग्गे दोसतां दा ज़िकर सुण के डाकटर मंगला नूं खुशी चहड़ गई। उसने राम नाथ नूं मुबारकां दित्तीआं। दसत तां दवाई दे असर होण दी निशानी सी। दवाई नीलम दे अंदरों गंद कढ्ढ रही सी। दो तिंन दिनां बाअद दसतां नें आपे बंद हो जाणा सी। फेर नीलम नें ठीक होण लग्गणा सी।

इंझ ही होइआ। पौणे दो महीने कौमा विच्च रहि के उसने पहिली वार अख्ख पुट्टी। फेर लत्तां बाहां हिलाउणीआं शुरू कीतीआं। चूंढी वढ्ढण ’ते दरद महिसूस करन लग्गी। नां लै के हाक मारन ’ते उसदे चिहरे दे हाव भाव बदलण लगदे।

डाकटर मंगला नें भरोसा दिवाइआ। सिहत विच्च होर सुधार होएगा। जलदी ही उह उठण बैठण लग्गेगी। गल्लबात समझण अते समझाउण लग्गेगी।

डाकटर अते साक संबंधी नीलम दी सिहत विच्च हो रहे सुधार ’ते खुश सन।

पर नेहा नूं कोई ख़ुशी नहीं सी हो रही।

सिर विच्च राड वज्जदिआं ही नीलम गूहड़ी नींद सौं गई सी। उसनूं की पता सी उसदा वस्सदा रस्सदा घर कबरसतान विच्च बदल चुक्का सी। उसनूं की पता सी उसदा छे फुट्ट दो इंच लंबा, छैल छबीला पुत्त हुण आपणे ‘रोइलइन फीलड’ मोटर साईकल उपर बैठ के गलीआं विच्च गेड़े नहीं दिंदा। नां कमल दे दोसत वहीरां घत्त के हुण उनहां दी रसोई विच्च घुसदे सन। नां हुण छत्त ’ते वरज़श हुंदी सी। नां कमल दे कमरे विच्च सारी रात टेबल लैंप जलदा सी। हुण नीलम नूं रात नूं वार वार उठ्ठ के उसनूं पहड़ाई बंद करके सौण दी हदाइत करन लई तंग होण दी ज़रूरत नहीं सी।

उस विचारी नूं की पता सी कि उसदा पती हुण सारा सारा दिन घरों बाहर रहिण दी शिकाइत नहीं सी होण दिंदा। उह हुण सारा दिन घर रहिंदा सी। नां हुण उह दोसतां विच्च बैठ के शराब पींदा सी, नां घर मीट मछ्छी लिआउंदा सी। उह हुण सारा दिन उसदे मंजे नाल मंजा डाही, भीशम पितामा वांग पलस्सतर नाल बंनहिआ उसदे चिहरे वल्ल तक्कदा रहिंदा सी।

नीलम नूं तां इह वी नहीं सी पता कि ‘फैशन पिट्टी’ अखवाउण वाली उह ख़ुद हुण गंदगी दा ढेर बणी पई सी। नां उह हुण आथण उग्गण सूट साहड़ीआं बदलदी सी, नां घंटे घंटे बाअद मेक अप्प करदी सी। बैड सोरां नें उसदा सरीर कोहड़ीआं वरगा बणा दित्ता सी।

नीलम बिमार सी। उसदी पहिचाण मिटणी सुभावक सी।

हुण तां रिशट पुशट नेहा दी पहिचाण मिटी पई सी। गुलाब वांग टहिकण अते महिकण वाली नेहा कंडिआली थोरह बणी होई सी।

भूतनी बणी नेहा नूं हुण नींदों जागी आपणी मां नूं आपणी ही जाण पहिचाण देणी पैणी सी।

नेहा नहीं सी चाहुंदी उसदी मां दी याददाशत वापस आवे। उह चाहुंदी सी उह दुख्खां दी विआखिआ सुणे बिनां ही जहानों तुर जावे।

इहो जिहे विचार उसदे मन विच्च उस समें उठ्ठदे सन, जदों उह आपणी नरक बणी ज़िंदगी ते पिछ्छल झात मारदी सी।

इज़्ज़त दे नाल नाल सभ कुझ्झ गवा चुक्की नेहा नें ख़ुद कई वार मौत चाही सी। पर मौत वी मंगिआं नहीं सी मिल रही। हर वार लाचार मां बाप दी हालत अते कमल दे कातलां नूं फाहे लगवाउण दी पुकार उसदे आड़े आ जांदी सी।

इह जिऊणा वी कोई जिऊणा सी! उह दिन विच्च कई कई वार मरदी सी।

बलातकारी नें नेहा दे अंगां नूं आरे वांग चीरिआ सी। अज्ज तक नां आरा चल्लणों हध्धटिआ सी, नां उनहां दी बू नें उसदा खहिड़ा छड्डिआ सी। इह उसदी पहिली मौत सी।

पूरे वीह दिन, फ़िलमां विच्च हुंदे बलातकारां दे सीन, उस दीआं अख्खां अग्गे नच्चदे रहे सन। अजिहे हादसिआं बाअद फ़िलमी नाइकावां अकसर मां बण जांदीआं सन। किधरे उह वी मां तां नहीं बण गई? इह विचार मन विच्च आउंदे ही उस दी रूह धुर अंदर तक कंब जांदी सी। उस समें नेहा नूं आपणी मां दी याद सभ तों वध्ध सताउंदी सी। जे नीलम ठीक हुंदी नेहा नूं इंनी चिंता नां हुंदी। मावां धीआं इहो जिहीआं गल्लां कर लिआ करदीआं सन। हुण उह दिल दी घुंडी खोल्हे तां किस कोल? मामी कोल? सहेली कोल? जां किसे टीचर कोल? सभ नें मूंह ’ते हमदरदी जिताउणी सी। पिछों ढोल पिट्टणा सी। शुकर करके नेहा नें उह दिन लिआ, जदों उसनूं इस कलंक तों बच रहिण दा इशारा मिलिआ।

नेहा दा मामा वकील सी। परचा दरज कराउंदे समें उसने नेहा नाल होए बलातकार दी गल्ल छुपा लई सी। डाकटर दा मूंह बंनह दित्ता सी। पर लोकां नें पता नहीं किथों सूह कढ्ढ लई सी। थां थां उसदी चरचा हो रही सी।

नेहा नूं कुलटा आखिआ जा रिहा सी। इह उसदी दूसरी मौत सी।

उमर भर साथ निभाउण दा वाअदा करन वाले सागर नूं वी नेहा दे सरीर विचों भईए दी बू आउण लग्गी सी। घुट्ट के हत्थ फड़न दी गल्ल दूर रही, उह इक्क वार अफ़सोस परगट करन वी नहीं सी आइआ। इह उसदी तीसरी मौत सी।

किंनीआं कु मौतां दी ख़बर नेहा आपणी मां नूं सुणाएगी?

चंगा सी वार वार मरन नालों उह इको वार मर जावे।

 

-74-

 

राम नाथ बहुत समां घरों बाहर रहिंदा सी।

इक्क इक्क करके सारे नौकर खिसक गए सन। संगीता नूं उपरले कंमां तों विहल नहीं सी मिलदी।

नेहा मरीज़ां दे सिरहाणे बैठ के उनहां दीआं लोड़ां पूरीआं करदी सी।

इनही दिनीं दीप नगर मुहल्ले विच्च आम चरचा सी। पंकज अते नीरज नें आपणे बेकसूर होण बारे पुलिस नूं जो दरख़ासत दित्ती सी, उह मनज़ूर होण वाली सी।

इस चरचा नें नेहा अंदर माता जी दे आशीरवाद नाल पुंगरे आतमविशवास दे बीज नूं मुड़ सोका ला दित्ता। धिआन विच्च उसदा मन नहीं सी लगदा।

मरीज़ां दे सिरहाणे बैठी नेहा नूं भैड़े भैड़े ख़िआल आउण लगदे सन।

कदे उस दीआं अख्खां अग्गे चचेरे भरा आ खड़ोंदे। कदे उनहां दे चिहरे राकशशां वरगे अते कदे कातल भईआं वरगे हुंदे। कदे उह उसनूं बच्चिआं वांग चिड़ाउण लगदे अते कदे काम भरीआं अख्खां नाल तक्कण लगदे।

कदे जिऊंदा जागदा कमल नज़र आउण लगदा। उह नेहा नूं समझाउण लगदा। “बच के रहि। भईए फेर आउणगे।”

कदे घर दीआं कंधां उसनूं डराउण लगदीआं। गुआंढीआं दा खड़किआ गेट उसनूं आउण वाले डाकूआं दी दसतक जापदा। रात दा संनाटा उस नूं खाण नूं पैण लगदा।

कदे उस नूं लगदा कमल दे नाल ही उसदा वी कतल कर दित्ता गिआ सी। कमल नें आपणी जान आपणी भैण दी इज़्ज़त बचाउंदे गवाई सी। इस लई उसनूं सवरग नसीब होइआ सी। पर नेहा मरन तों पहिलां अपवित्तर हो गई सी। इस लई सवरग उस लई वरजित सी। उह भूत बण के इधर उधर भटक रही सी।

जिथे नेहा हुण विचर रही सी उह उनहां दी कोठी नहीं सी। इह तां कोई भूत बंगला सी। इह बंगला दिन रात हनेरे विच्च डुध्धबिआ रहिंदा सी। इसदे कमरे बदबू नाल भरे होए सन। इस बंगले दे वसनीक सारा दिन हउके भरदे रहिंदे सन। इहो भूत बंगले दीआं निशानीआं हुंदीआं हन।

मरन तों पहिलां नेहा जिस कोठी विच्च रहिंदी सी उह तां सवरग सी।

उथे उसदा भरा कमल वस्सदा सी। उसनूं लंबे कद्द, सुराही वरगी गरदन, गोरे रंग अते गठ्ठवें सरीर दी दात मिली होई सी। मां नें कमल दा लाडला नां भीम रख्खिआ सी। आपणे कमल नूं महां भारत दा भीम बणाउण दे यतन मां नें उसदे बचपन विच्च ही आरंभ दित्ते सन। बी.ए.करदे समें नीलम नें मनोविगिआन इक्क विशे दे तौर ’ते पहड़िआ सी। इस लई कमल दे खिलौणिआं अते किताबां दी चोण सोच समझ के हुंदी सी। थोहड़ा वड्डा होण ते उसनूं हैलथकल ् ब दा मैंबर बणा दित्ता गिआ सी। तैराकी लई सविमिंग पूल जाण लग्गा सी। कालज जाण तक उस उपर बाडी बिलडर बणन दा भूत सवार करवा दित्ता गिआ सी। इह छैल छबीला मुंडा सकूल, कालज अते फेर यूनीवरसिटी दे नाल नाल गली मुहल्ले विच्च वी सतिकारिआ जांदा सी। इस भूत बंगले विच्च कमल दी तसवीर तक नहीं सी।

नेहा दा घर सारी रात रंग बरंगीआं रोशनीआं नाल जगमगाउंदा रहिंदा सी। गेट तों लै के पोरच, गैरज, लाअन अते लाबी तक दीआं बत्तीआं रात नूं तां जगदीआं ही सन, कई वार इह दिने वी जगदीआं रहिंदीआं सन।

सारा दिन उनहां दे घर संगीत वज्जदा सी। कदे कमल दे डैक्क तों पौप मिऊज़क गूंजदा सी अते कदे नेहा दे कमरे विचों भजनां दीआं धुनां आनंद बरसाउंदीआं सन।

बाअद दुपहिर नीलम दी किट्टी पारटी ’ते जुड़ीआं तितलीआं वरगीआं औरतां दे हासे रंग बंनहदे सन। शाम नूं कमल दे दोसत घंटिआं बध्धी गलीआं दे मोड़ां ’ते खड़े हासे ठठ्ठे करदे सन। रात नूं वेद दी महिफल जुड़दी सी।

नेहा दीआं आपणीआं सहेलीआं दी लंबी डार सी। सारा दिन उह सहियोग दे चरचे अते इस नूं वधाउण फैलाउण दे आहर लग्गी रहिंदी सी। कदे विहल मिलदी तां धिआन ला के बैठ जांदी अते कुंडलणी जागरण विच्च मसत हो जांदी सी।

इस बंगले विच्च नां उह नेहा नज़र आउंदी सी नां इथे माता जी दा गुणगाण हुंदा सी। इथे सभ इक्क दूजे नूं कोसदे अते फिटकारदे सन।

नेहा दे घर विच्च धीआं भैणां दी इज़्ज़त सुरख्खिअत सी।

नेहा नूं उह दिन याद सी जदों नेहा दे पिछ्छे आउंदे इक्क मुंडे नूं कमल नें शक्क दे आधार ते ही रोक लिआ सी। इको मुक्के नाल उसदा नक्क लहू लुहान हो गिआ सी। नेहा नूं भैण आख के उसने मसां खहिड़ा छुडाइआ सी।

इस भूत बंगले विचों बाहर निकलणा नेहा नूं वरजित सी। मुंडिआं खुंडिआं नें तां कटाकश करने ही सन, हुण रेहड़ी छाबिआं वाले वी उसनूं टिचर करना आपणा हक्क समझदे सन।

चार दिन पहिलां तीजी कोठी विच्च रहिंदे पिंचू नें उसनूं सड़क ’ते रोक के हाल चाल पुछ्छण दी हिंमत दिखाई सी। नेहा दे चुप्प चाप किनारा करन ते पिंचू नें बेइज़ती महिसूस कीती सी। बदला लैण लई उसने निहोरा मारिआ सी — “असीं भईआं नालों तां माड़े नहीं।”

इक्क वार नेहा दा हत्थ जुत्ती वल्ल वधिआ सी। दिल कीता सी बोदे फड़ के ताड़ ताड़ मूंह रंग देवे। आपणे लंबे नहुंआं नाल उस दीआं अख्खां नोच लए।

पर उसदा खौलिआ खून अख्खां विच्च रुकण दी थां दिमाग़ नूं जा चहड़िआ।

उह पाग़लां वांग सहिम के पिछ्छे हट गई सी। हुण कमल उसदी पिठ्ठ ’ते नहीं सी।

भिज्जी बिल्ली वांग नेहा घर आ दुबकी सी।

उस दिन तों बाअद नेहा नें आपणे आले दुआले लछमण रेखा खिच्च लई।

कोठीउं बाहर निकलण दा उसदा कंम नहीं सी।

ते घर विच्च कैद होई नेहा पाग़लपण दे नेड़े हुंदी जा रही सी।

नेहा उस भूत बंगले तों खहिड़ा छुडाउण लई तरलो मछ्छी हो रही सी। कदे उह वेद अग्गे तरले करदी अते कदे राम नाथ अग्गे।

“मामा मेरा इस कोठी विच्च दिल नहीं लगदा। यादां मेरा पिछ्छा करदीआं हन। आपां एडा घर की करना है? दो कमरे मुकदे नहीं। किरपा करके इस कोठी, इस कालोनी तों मेरा खहिड़ा छुडाओ।”

दोवें जीअ नेहा नाल सहिमत सन। माहौल बदलणा चाहीदा सी।

पर हाले इस तों गंभीर समस्सिआवां हिक्क तानी खहड़ीआं सन। उनहां तों खहिड़ा छुध्धटे। फेर इह घर विके। फेर कोई नवां खरीदिआ जावे।

उह वाअदा करके, नेहा नूं टालण तों वध्ध कुझ्झ नहीं सन कर सकदे।

 

-75-

 

करीब दो महीने तों माइआ नगर विच्च फसी बैठी संगीता हुण इथों भज्ज जाण दा बहाना लभ्भ रही सी।

सवेरे शाम उह राम नाथ नाल लड़दी सी।

राम नाथ दी कमाई बंद हो चुक्की सी। दोबारा कंम चलाउण लई सालांब ् धी फेर मिहनत करनी पैणी सी।

संगीता दी छुट्टी ख़तम हो गई सी। हुण उह बिनां तनख़ाह वाली छुट्टी ‘ते चल्ल रही सी। जे प्रिंसीपल मिहरबानी नां करदी तां हुण तक उसदी किसे खूंझे वाले पिंड विच्च बदली हो गई हुंदी। संगीता मन ला के बच्चिआं नूं पहड़ाउंदी सी। उसदा नतीजा नब्बे फ़ीसदी तों वध्ध हुंदा सी। हिसाब वरगे मुशकल मज़मून विचों वी बहुते बच्चे पहिले दरजे विच्च पास हुंदे सन। लंबी गैर हाज़री दा गिला लै के आउंदे बच्चिआं दे मापिआं नूं प्रिंसीपल मसां समझा के मोड़दी सी। ज़िल्हा सिध्धखिआ अफ़सर प्रिंसीपल दा आखा मंनदा सी। उसतों मनज़ूरी लै के प्रिंसीपल नें पी.टी.ए.फंड विचों आरज़ी तौर ’ते हिसाब मासटर रख्ख दित्ता सी। अधिआपक नवां सी। नां बच्चे उसते खुश सन नां मापे। उसदी थां कोई पक्का अधिआपक किसे वी समें हुकम करवा सकदा सी।

घर दे आरथिक उजाड़े नूं बचाउण लई संगीता दा डिऊटी ’ते हाज़र होणा ज़रूरी सी।

बच्चिआं दे इमतिहान सिर ’ते आ गए सन। हाऊस टैसट दस्सदे सन उह पहड़ाई विच्च बहुत पछ्छड़ गए सन। उनहां नूं मिहनत कराउण लई संगीता दा अपाणे घर रहिणा ज़रूरी सी।

संगीता नूं इक्क होर गिला वी सी। सारी ज़िंमेवारी इकल्ले उसदे परिवार सिर किउं पाई गई सी? होर रिशतेदार वी सन। प्राहुणिआं वांग आउंदे सन।

अध्धा पौणा घंटा बैठ के मुड़ जांदे सन। कोई बज़ारों सौदा लैण आइआ पता लै जांदा सी, कोई किसे दफ़तरों कंम कराउण आइआ।

संगीता राम नाथ ’ते ज़ोर पा रही सी। नीलम सभ भरावां दी भैण सी।

राम नाथ वकील सी। उह थाणे कचहिरी दा कंम इकल्ला देखे इस विच्च उसनूं कोई इतराज़ नहीं सी। घर दी देख भाल लई राम नाथ दीआं भरजाईआं बराबर दी डिऊटी देण। पंदरां पंदरां दिन वंडणे हन, पंदरां पंदरां दिन वंड लैण। महीना महीना वंडणा है, महीना महीना वंड लैण।

राम नाथ उसनूं समझाउंदा आ रिहा सी। उह वड्डे सन। उनहां दे बच्चे आपणा आप संभालण जोगे सन। बाकी भरा छोटे सन। सरकारी मुलाज़म सन।

उनहां नूं छुट्टी लैण विच्च दिक्कत आ रही सी। उनहां दे बच्चे छोटे सन। नां घर छड्डे जा सकदे सन नां इथे नाल लिआंदे जा सकदे सन। नीलम दा घर पूरी तरहां तबाह हो चुक्का सी। थोहड़ा बहुत नुकसान सभ दा होणा सी। लग्गी अग्ग दा सेक दूर दूर तक मार करदा ही करदा है।

संगीता दा गिला दूर करन लई राम नाथ नें हफ़ते विच्च तिंन दिन शहिर जाणा शुरू कर दित्ता। जज्जां नूं बेनती करके केस सोमवार, बुध्धवार अते शुक्करवार नूं रखवा लए।

कदे उह रात वी कट्ट आउंदा। बच्चिआं दीआं समस्सिआवां हल्ल कर आउंदा।

राम नाथ दूजे भरावां ’ते ज़ोर पाउण लग्गा। जे उह हफ़ता हफ़ता वी कटवा देण राम नाथ दा बोझ हलका हो जावे।

अशवनी उपर राम नाथ दीआं गल्लां दा असर होइआ। उह शनीवार अते ऐतवार दीआं छुट्टीआं माइआ नगर लाउण लई मंन गिआ।

अशवनी दे दो दिन, अध्धी अध्धी दिहाड़ी आउण नाल संगीता दा मसला हल्ल नां होइआ। उह आउंदा सी, भैण जां भणोईए दे सिरहाणे बैठ जांदा सी।

इक्क दो वार दवाई दे दिंदा। बाकी दा समां अख़बार पहड़के जां घड़ी देखदेख बिताउंदा। तिंन कु वजे उसनूं बेचैनी हो जांदी। चार कु वजे उह वापसी वाली बस्स फड़ लैंदा।

इक्क दिन अनीता नूं नाल लिआइआ। मुड़ उस नें शकल नां दिखाई।

संगीता नूं कोई रसोई तों खहिड़ा छुडाउण वाला चाहीदा सी। सारा दिन उह बावरचीआं वांग रसोई विच्च खहड़ी रहिंदी सी। कदे खिचड़ी, कदे दलीआ, कदे दुध्ध, कदे चाह। कदे मरीज़ां लई आहार कदे आए गिआं लई चाह पाणी।

सारा दिन पाणी विच्च रहिण कारन उसदे हत्थ गलदे जा रहे सन। अड्डीआं फट गईआं सन। ढूही विच्च दरद रहिण लग्गा सी। उसदे मंजा मल्लण विच्च बहुते दिन नहीं सन।

जिस दिन तों संगीता नूं पंकज होरां दे बे कसूर साबत होण दी संभावना दा पता लग्गा सी उस दिन तों उसदा पारा ज़िआदा चहड़िआ होइआ सी।

उह इक्क वकील दी पतनी सी। राम नाथ नाल हुंदीआं गल्लां कारन उसनूं कुझ्झ कानूंनी नुकतिआं दी समझ सी। मुलज़मां दे बे कसूर साबत होण दा मतलब सी मुदई धिर ’ते मुसीबतां दे पहाड़ दा टुट्टणा। पुलिस दी ज़िंमेवारी दोशीआं विरुध सबूत इकठ्ठे करन दी सी। जे पुलिस ईमानदारी अते तनदेही नाल कंम करे तां मुदई धिर नूं मुकद्दमा जित्तण विच्च कोई औख नहीं हुंदी। जे पुलिस दोशीआं दे हक्क विच्च सबूत इकठ्ठे करन लग जाए तां मुदई धिर नूं दूहरी लड़ाई लड़नी पैंदी सी। पहिली पुलिस वल्लों मुलज़मां दे हक्क विच्च सबूतां दे खहड़े कीते किल्हे नूं ढाहुण लई। दूजी निहत्थे हो के दोशीआं विरुध सबूत इकठ्ठे करन दी लड़ाई।

वेद परिवार लई इह लड़ाई होर वी औखी सी। मुदई धिर दा इक्क वी मैंबर सही सलामत नहीं सी। कोई जान बचाउण लई बिमारी नाल लड़ रिहा सी, कोई विगड़े मानसिक संतुलन नूं ठीक करन लई। पराए लोक कदों तक उनहां लई हिक्क ताण के खड़ो सकदे सन। हिक्क ताण के खड़े रिशतेदारां दे पैरां हेठों ज़मीन खिसकणी शुरू हो गई सी। संगीता ख़ुद मैदान छड्ड के भज्जण लई तिआर सी। नाल उह राम नाथ नूं भजा के लिजाणा चाहुंदी सी। जदों तक मुदईआं नें कानूंन दी जंग लड़न जोगा होणा सी उदों तक महांभारत समापत हो चुक्की होणी सी। कौरवां नें बिनां पांडवां नाल लड़ाई लड़े जंग जित्ते जाण दा ऐलान आपणे हक्क विच्च करवा लैणा सी।

संगीता वितों वध्ध आपणा फरज़ निभाअ चुक्की सी। आपणी सिहत, आपणे पती दा मानसिक संतुलन अते आपणे बच्चिआं दा भविख्ख दाअ ’ते ला के रिशतेदारां नूं बचाउण वाली उह कोई सतयुगी औरत नहीं सी।

उह वार वार राम नाथ उपर ज़ोर पा रही सी। घट्टो घट्ट उसनूं शहिर भेज दित्ता जावे। घर तां चल्लण लग्गे।

उपरों राम नाथ आपणी पतनी नूं सबर करन लई प्रेर रिहा सी, पर अंदरों उह संगीता नाल सहिमत सी।

पहिलां उस दा ख़िआल सी, महीने वीह दिनां विच्च सभ कंम निबड़ जाणगे। चलान पेश होण बाअद खज्जल खुआरी घट जाएगी। महीने महीने दी तारीख़ पैणी सी। महीने दो महीने बाअद तारीख़ भुगतन आउण विच्च उसनूं कोई दिक्कत नहीं सी होणी।

पर हुण कानूंनी लड़ाई लंबी हो जाणी सी। नाले गंभीर वी। हाई कोरट दे नाल नाल सुपरीम कोरट दे चक्करां दी संभावना वध जाणी सी। उह वकील सी। वकीलां नें उस तों वाजिब फ़ीस लैणी सी। वड्डीआं अदालतां दे वकीलां दीआं फ़ीसां असमान छोंहदीआं सन। वाजिब फीसां नें वी उसनूं दीवालीआ बणा देणा सी। उह जिस पड़ाअ ’ते पुज्ज गिआ सी, उथों नां अग्गे वधिआ जा सकदा सी, नां पिछ्छे मुड़िआ जा सकदा सी।

संगीता दे दबाअ हेठ उह भरावां दे नाल नाल भैणां नाल वी गल्ल कर चुक्का सी। भैणां पराए वस्स सन। फेर वी लोक लाज लई ही सही उह कुझ्झ हत्थ वटा गईआं सन।

भरा आपणी मरज़ी दे मालिक सन। उह उक्का ही शरम लाही बैठे सन।

अशवनी साफ़ शबदां विच्च जवाब देण लग्गा सी, “आपां आपणी कबीलदारी वी चलाउणी है। किंना चिर आपां उथे बैठे रहांगे। आपणी बणी उनहां नें आप नबेड़नी है।”

मंगत राए कहिंदा सी: “तूं वकील हैं। थाणे कचहिरी दा मैनूं पता है।

मैं उथे जा के की करूंगा?”

राम नाथ भरावां नूं सलाह दे सकदा सी। उनहां दे फरज़ां तों उनहां नूं जाणू करवा सकदा सी। अड्ड विड्ड भरावां नूं उह मजबूर नहीं सी कर सकदा।

अजिहे तरक दे दे राम नाथ संगीता नूं कुझ्झ देर होर सबर करन लई मनाउंदा आ रिहा सी। पर हुण संगीता दे सबर दे पिआले भर चुक्के सन।

“तुसीं कोई हल्ल लभ्भणा है तां लभ्भो। नहीं मैं कोई कदम चुक्कांगी। फेर बुरा नां मनाउणा।”

इह संगीता दा आख़री फैसला सी।

 

-76-

 

कुझ्झ दिनां तों राम नाथ अते संगीता विचकार खिचाअ वधिआ होइआ सी। इस दी भिणक वेद नूं पै रही सी।

उनहां विचकार बोलचाल बंद सी। इसदी ख़बर वेद नूं अज्ज ही मिली सी।

वेद नें दुनीआं वेखी सी। उनहां विचकारले तनाअ दे कुझ्झ कारन प्रतख्ख सन। करीब दो महीने तों मीआं बीवी इथे फसे बैठे सन। कमाई बंद हो गई सी। खरचा वितों बाहर सी। बच्चे रुल रहे सन। संगीता नौकरी पेशा औरत सी।

उसनूं आराम दी ज़िंदगी जिऊण दी आदत सी। इथे उसनूं नीलम दे गूंह मूत तों लै के रसोई विच्च हत्थ फूकण तक सभ कुझ्झ करना पैंदा सी। ‘इक दिन होर’, ‘इक दिन होर’ करके दो महीने लंघ गए सन। बिमारी अते मुकद्दमा हनूमान दी पूछ वांग लंबे हुंदे जा रहे सन। हालात दे जलदी सुधरन दे कोई आसार नहीं सन।

नीलम दे दसतां नें बलदी ’ते फूस पाइआ सी। नीलम दी देख रेख भावें बहुती नेहा करदी सी पर नेहा नूं दम दिवाउण लई जदों राम नाथ सफ़ाई विच्च जुटदा सी तां शरमो शरमी संगीता नूं उसदे हत्थों कपड़े लीड़े फड़ने पैंदे सन। संगीता नूं राम नाथ कोलों कंम कराउंदिआं दूहरी शरम आउंदी सी। इक्क भैण दा नंगेज भरा दे साहमणे आवे, इह शरमनाक गल्ल सी। दूजा पतनी दे हुंदिआं पती गूंह मूत विच्च हत्थ मारे, इह वी चंगी गल्ल नहीं सी। आदमीआं नूं गूंह मूत दी आदत नहीं हुंदी। औरतां बच्चिआं दा पालन पोशण करदीआं इस कंम दीआं आदी हो जांदीआं हन।

पर नीलम हुण संभल चुक्की सी। इशारे समझण अते पासा परतण लग्गी सी। दसत बंद होइआं नूं कई दिन हो गए सन। टट्टी पिशाब आउण तों पहिलां उसनूं पता लग जांदा सी। उह इशारा करके समझा दिंदी सी।

संगीता दे रुस्सण दा कोई होर कारन होणा चाहीदा सी।

वेद मसले दी तैअ तक जाणा चाहुंदा सी। उंझ उस नूं पता सी कारन लभ्भ के वी उह मसला हल्ल नहीं कर सकेगा।

वेद ख़ुद चाहुंदा सी उह आपणे घर जाण। आपणी कबीलदारी संभालण।

पर उनहां दे जाण नाल वेद होरां दी देख भाल करन वाला कोई नहीं सी बचदा।

नीलम दी जो हालत सी उह सभ नूं पता सी। वेद ख़ुद लाश बणिआ पिआ सी। पासा लैण तों लै के टट्टी पिशाब तक लई उसनूं दो बंदिआं दा सहारा लैणा पैंदा सी। होश विच्च होण कारन उह उपरलिआं नूं बहुती तकलीफ़ नहीं सी दिंदा। पिआस लग्गण दे बावजूद वी उह पाणी नहीं सी पींदा। बहुता पाणी पीएगा तां वार वार पिशाब आएगा। भुख्ख होण दे बावजूद वी उह रज्जवीं रोटी नहीं सी खांदा। बहुती वार टट्टी दी हाजत होएगी। नाले ख़ुद तंग होएगा, नाले दूसरिआं नूं तंग करेगा। उह निंम दी दातण दा शौकीन सी। दातण नां करन कारन उसदा मूंह सारा दिन कौड़ा रहिंदा सी। डाकटरां नें उसनूं पोली दातण करन दी इजाज़त दे दित्ती सी। पर दातण करन लई उसनूं बैठणा पैणा सी। बैठण लई उसनूं दो बंदिआं दी ज़रूरत पैणी सी। कौण दातण मूंह विच्च पाएगा? कौण कुरला करवाएगा? दवाई समें सिर मिलदी रहे इहो बहुत सी। इहो सोच के वेद मूंह दी कड़वाहट बरदाशत करदा आ रिहा सी।

इहो नहीं, उसने कई होर समझौते वी कीते सन। नेहा उस नूं दुनीआं दी हर शैअ नालों वध्ध पिआरी सी। कमल नालों वी वध्ध। कदे बाप धीआं कोलों टट्टी पिशाब वाले भांडे चुकवाउंदा है? राम नाथ जां संगीता नूं तकलीफ़ नां होवे। वेद आपणे दिल ’ते पत्थर रख्ख के नेहा तों इह कंम वी करवा रिहा सी।

आतम गिलानी नाल भरे वेद नें कई वार इस नरक भरी ज़िंदगी तों खहिड़ा छुडाउण लई सोचिआ सी, पर उस अभागे नूं आपणी मरज़ी नाल मरन दी वी इजाज़त नहीं सी। नां ख़ूह खाता गंदा करन लई उह उठ्ठ के बाहर जा सकदा सी। नां किसे कैमिसट दी दुकान तों ज़हिर खरीद सकदा सी। किधरों ज़हिर मिल वी जांदी, किसे नें इह उस दे मूंह विच्च नहीं सी पाउणी।

इक्क दो वार उस नें डाकटरां नरसां कोलों आने बहाने ज़हिरीलीआं दवाईआं दे नां पुछ्छे सन। उसदा इरादा भांप के उह ज़हिर दी थां उसदा हौसला वधाउण लगदे सन। उह आपणी फुल्ल वरगी धी बारे कुझ्झ सोचे।

वेद नें नेहा बारे कदों नहीं सी सोचिआ? कमल दी कोई फरमाइश टल सकदी सी। नेहा दे हर बोल ते वेद नें फुल्ल चहड़ाए सन।

नेहा सी ही भागां वाली।

नेहा दे पैदा हुंदिआं ही उह माइआ नगर आ वस्से सन। इथे पैसा मींह वांग बरसिआ सी। छापां छल्लिआं लई तरसदी नीलम नें हीरिआं दे कई सैट्ट खरीद लए सन। हर नवीं किसम दी साहड़ी पहिलां उनहां दी कोठी आउंदी सी।

बैंकां विचले फिकस डिपाज़िटां अते विकास पत्तरां दी गिणती दिनो दिन वधदी गई सी। शहिर दे मशहूर कलब्बां दी उनहां नूं मैंबरशिप मिल गई। नीलम कई किट्टी कलब्बां अते समाज सेवी संसथावां दी मैंबर बण गई।

वेद नें तंगी तुरशी दे दिन देखे सन। आपणे शहिर उह अठ्ठ सौ विच्च गुज़ारा करदा रिहा सी। बजट बणा के पैसा खरचदा सी। हत्थ घुट्ट के गुज़ारा हुंदा सी।

अचानक हत्थ आई माइआ ’ते उसनूं हैरानी हुंदी सी। लगदा सी इह कोई सुपना सी। माइआ नूं तजौरी विच्च बंद करन दी थां उसनूं सुख्ख सहूलतां मानण दा शौक सी। आए दिन नवीं चीज़ उसदे घर आउंदी सी।

वेद दी नीअत नूं फल लग्गा सी। पतनी सुचज्जता नाल घर चला रही सी। दोवें बच्चे लाइक सन।

नेहा नाल उसनूं इक्क होर गल्लों वी मोह सी। कनटीनां अते पिकनिकां विच्च मसत रहिण वाली अल्ल्हड़ उमर उसने योगा अते आतम शाकशात वरगे अधिआतमिक कंमां लेखे ला रख्खी सी। उमर दी अभोलता कारन उसने सिखरां वी जलदी छोह लईआं सन।

नेहा दे नाल नाल घर दा वातावरण वी पवित्तर होण लग्गा सी। नेहा दी प्रेरना वस्स वेद नें पहिलां मीट मछ्छी घर लिआउणी छड्डी। फेर मास खाणा छड्ड दित्ता। शराब पी के घर वड़न लध्धगिआं उसनूं शरम आउण लग्गी। उसदा धंदा ही अजिहा सी। जिंना चिर किसे नाल बैठ के हम पिआला नां होइआ जावे ओना चिर दूजा आपणा राज़ नहीं दस्सदा। कंपनी सेक उह दारू पींदा सी। नेहा दे बिनां आखिआं ही उसने इस बिमारी ते काबू पाउणा शुरू कर दित्ता। माता जी अग्गे सहुं खा के पहिलां उसने वाअदा कीता उह दो पैग्ग तों वध्ध नहीं पीवेगा। फेर आपणे आप इक्क पैग्ग ते आ गिआ। फेर उह सोफ़ी बण गिआ।

पहिलां उसनूं लगदा सी शराब बिनां कारोबार विच्च तरक्की नहीं कीती जा सकदी। शराब छड्ड के कारोबार होर तरक्की करन लग्गा। ‘धरमी करमी बंदा है’ इह कहि के लोक उसते वध्ध यकीन करन लग्गे।

इनहां सभ तबदीलीआं दा कारन उह नेहा अते उसदी गुरू माता कलिआनी जी नूं समझदा सी।

बाकी सहियोगीआं वांग वेद नूं वी नेहा विचों किसे दैवी शकती दी झलक पैंदी सी। उह आपणे आप नूं ख़ुशकिसमत समझदा सी। उसदे घर इक्क देवी नें अवतार लिआ सी। मन ही मन उह इस देवी नूं प्रणाम करिआ करदा सी।

अते हुण किसे ताड़कासुर नें नेहा दीआं सारीआं दैविक शकतीआं हर लईआं सन। उसनूं इक्क सरापी ज़िंदगी जिऊणी पै रही सी।

दो महीनिआं विच्च ही नेहा दे चिहरे दा नूर खंभ ला गिआ सी। हंसू हंसू करदा चिहरा रोण हाका होइआ रहिंदा सी। उस दीआं जीनां, पैंटां अते शरट सभ अलमारी विच्च बंद सन। कई कई दिन उह सूट नहीं सी बदलदी। उसदे नहुंआं दी पालिश लत्थ गई सी। डउले काने बण गए सन। हत्थां ’ते पलित्तण छा गई सी।

नेहा दे कोल बैठण नाल हुण ठंडीआं हवावां दा अनुभव नहीं सी हुंदा।

नां मन नूं सकून मिलदा सी।

वेद दा जिवें उस नालों मोह भंग हो गिआ सी। दिन विच्च कई कई वार उह उसनूं खिझ खिझ पैंदा सी। छोटी मोटी गलती ’ते झाड़ दिंदा सी।

“दवाई लेट हो गई, पाणी बिसतर उपर डुल्ह गिआ, पासा पलटदिआं हड्ड दुख गए, मूंह विच्च खाणा वध्ध पै गिआ।” जिवें नेहा नूं ताड़न लई उसनूं किसे बहाने दी तलाश रहिंदी सी।

बिमार होण तों पहिलां जे कदे उह नेहा नूं ताड़दा सी तां पिछ्छों ग़लती दा अहिसास करके मुआफ़ी मंग लैंदा सी। हुण सौ फ़ी सदी ग़लत हुंदिआं वी उस तों मुआफ़ी नहीं सी मंगी जांदी। पता सी इह ग़लती वार वार होणी सी।

पहिलां पहिलां बापू दीआं झिड़कां नेहा दीआं अख्खां विच्च हंझू भर दिंदीआं सन। हौली हौली जिवें उस दीआं अख्खां विचों हंझू मुक्क गए। उह सुंन वट्टा जिहा बण गई। किसे झिड़क दा हुण उस ’ते कोई असर नहीं सी हुंदा। जिवें उह कोई रोबोट बण गई सी। हुकम दी तामील करन वाली मशीन।

गऊ वरगी धी उपर वेद तों इस लई अतिआचार हो रिहा सी तां जो संगीता अते राम नाथ नूं कोई तकलीफ़ नां होवे।

उह आपणे परिवार दा बचिआ इको इक्क सहारा खोणा नहीं सी चाहुंदा।

जदों तों पंकज होरां दे जलदी जेल्हों बाहर आउण दी अफ़वाह फैली सी, ख़बर लैण आउण वालिआं दी गिणती सिफ़र ते पुज्ज गई सी। वेद दा भाईचारा सोच रिहा सी, वेद परिवार तां तबाह हो ही गिआ। चल्लदे पुरज़े पंकज होरां नाल किउं विगाड़ी जावे?

पंकज होरां दे मुकद्दमे विचों निकल जाण नाल मुकद्दमे नें लटक जाणा सी।

इक्क साल विच्च मुक्कण वाले मुकद्दमे नूं दस पंदरां साल लग्ग जाणे सन। नां वेद परिवार नें बेइनसाफ़ी नूं बरदाशत करना सी, नां पंकज नूं पैसे दी परवाह सी। छोटे छोटे नुकतिआं उपर वार वार अपीलां होणीआं सन। कई वार उच्चीआं अदालतां विच्च लटकदे फैसले इक्क पीहड़ी तक निगल लैंदे हन।

इस चरचे नाल नीलम दे भैण भरावां अते जीजिआं भरजाईआं दे हौसले पसत हो गए। किंनी कु देर कोई कंम छड्ड के इथे बैठा रहेगा? इक्क दिन मूंह मोटा होणा ही सी। किउं नां पहिलां ही पल्ला छुडा लिआ जावे।

रिशतेदारां दे नाल नाल दोसत मित्तर वी पासा वट्टदे जा रहे सन। करिंदे हाल चाल पुछ्छण आउणों हट गए। किधरे बाबू किसे कंम नूं नां आख देवे। कोई वगार नां पा देवे।

वेद नूं आपणी इस कमज़ोरी दा पता सी।

आपणा घर बचाउण लई उसनूं संगीता अते राम नाथ विचकार सुल्हा कराउणी चाहीदी सी।

 

-77-

 

मन मटाव दा कारन लभ्भण लई वेद नें आने बहाने राम नाथ नूं टोहिआ।

राम नाथ नें पल्ला नां फड़ाइआ।

कई वार संगीता कोलों वी तकलीफ़ पुछ्छी। इक्क दो दिन घर ला आउण दा सुझाअ दित्ता। उह रोण हाकी हो के तुर जांदी सी। घर जाण दी तजवीज़ नां उह मंनदी सी अते नां ठुकराउंदी सी।

वेद नूं लग्ग रिहा सी, मामला घर वापसी नालों वध्ध गंभीर सी।

नेहा सारा दिन संगीता कोल रहिंदी सी। शाइद उसनूं किसे गल्ल दा पता होवे? सोच के वेद नें मसला नेहा नाल सांझा कीता।

“बिमारी अते मुकद्दमे ते पैसा धड़ाधड़ लग्ग रिहा है। सारा पैसा मामे दा ख़रच हो रिहा है। मैनूं लगदा है मामा आपणी कोई चीज़ गहिणे रख्ख के करज़ा लैणा चाहुंदा है। मामी इसदा विरोध कर रही है।”

जिंना कु नेहा नूं पता सी उसने दस्स दित्ता।

वेद पहिलां ही इस समस्सिआ तों जाणू सी। घर विच्च जो गहिणा अते नकदी सी उह लुध्धटिआ पुट्टिआ गिआ सी। पहिले दिन तों लै के हुण तक सारा ख़रच राम नाथ कोलों हो रिहा सी। वेद नें कई वार राम नाथ तों हिसाब किताब पुछ्छिआ सी। उह हर वार टाल जाइआ करदा सी।

घर विचले पैसे दा हिसाब किताब नीलम कोल सी। लाकर अते बैंक ख़ाते नीलम अते कमल दे नां सन। कुझ्झ पलाटां दे हिस्से नीलम दे नां सन, कुझ्झ कमल दे। नेहा हाले छोटी सी। नेहा नूं उसने किसे झंजट विच्च नहीं सी पाइआ। उह पराइआ धन सी। बिगाने पुत्त दा की पता सी, जाइदाद वापस करन लध्धगिआं तकलीफ़ मंन जाए? इह सोच के वेद नें नेहा दे नां ओना कु पैसा जमहां कराइआ सी, जिंना पक्के तौर ’ते उस कोल रहिणा सी। इह रकम वी उसने यारां दोसतां नूं विआज ’ते दित्ती होई सी। धी धिआणी दी रकम विच्च वाधा हो रिहा सी।

नेहा कोल जो पेसा सी उह बैंक विचों कढवा के उह राम नाथ दे हवाले कर चुक्की सी। उसने आपणे ‘फिकस डिपाज़ट’ तुड़वा लए सन। नैशनल सेविंग सरटीफिकेटां उपर लोन लै लिआ सी।

कमल मर चुक्का सी। उसदी वारिस उस दी मां सी। कानूंनी तौर ’ते नीलम ज़िंदा सी। बैंक वाले उस नूं ज़िंदा मंनण लई तिआर नहीं सन। उह होश विच्च नहीं सी। उसदी सहिमती बिनां बैंक लाकर नहीं सन खुल्ह सकदे। नां बैंक खाते विचों पैसा निकल सकदा सी।

कमल दे नां जो जाइदाद सी, उह पहिलां नीलम दे नां चहड़नी सी। फेर उह वेची वट्टी जा सकदी सी। नीलम दे होश विच्च आउण तक जाइदाद उसदे नां चहड़ी जां नां चहड़ी इक्क बराबर सी। कानूंनी तौर ’ते उह जाइदाद दा सौदा करन दे योग नहीं सी।

अजिहीआं अड़चनां कारन उह जाइदाद दे मालक हुंदे होए वी उसदा फ़ाइदा नहीं सन उठा सकदे।

वेद नूं आपणी जेब विच्च चार पंज हज़ार रुपए तों वध्ध रख्खण दी कदे ज़रूरत नहीं सी पैंदी। बाकी सारी पूंजी उसने कारोबार विच्च ला रख्खी सी।

देश विच्च चलदे मंदवाड़े दा माइआ नगर विच्च सभ तों वध्ध असर होइआ सी। पलाटां कोठीआं दे रेट असमानों डिग्ग के पतालां वल्ल नूं चल्ल पए सन।

लोक दित्ते बिआने विचे छड्ड के भज्ज रहे सन।

चंगे दिनां विच्च वेद नें बहुत कारोबार कीता सी। चंगी पैंठ कारन हर कोई उस नाल हिस्सेदार बणन लई तिआर हो जांदा सी। जाइदाद खरीदण अते वेचण वाले उस ते इतबार करदे सन। नां उह बिआना फड़न लग्गे लिखत पहड़त विच्च पैंदे सन नां फड़ाउण वेले। सारा हिसाब किताब ज़ुबानी चल्लदा सी।

उहो विशवास हुण वेद नूं महिंगा पै रिहा सी।

दोसत दुशमणां विच्च वट्टदे जा रहे सन।

लोक वेद दे भविख्ख नूं पहड़ चुक्के सन। उस नूं बिमार अते मुकद्दमे नें घेर लिआ सी। इनहां विचों आई इक्क मुसीबत मान नहीं हुंदी। उस उपर दोवें टुट्ट पईआं सन। मुकद्दमा डाढिआं नाल चल्ल रिहा सी। बिमारी वी ख़तरनाक सी। वेद दी हालत भठ्ठ विच्च पाए भांडे वरगी सी। पता नहीं सी अंग सही जुड़नगे जां नहीं। अपाहज होण दी वध्ध संभावना सी। जे उह ठीक हो गिआ, फेर वी इक्क साल तों पहिलां तुरन फिरन जोगा नहीं होणा। जवान पुत्त गुआ चुक्का सी। पुत्तां दे ख़ुस्स जाण नाल ज़िंदगी दे उदेश बदल जांदे हन। कंम करन दी प्रेरना ख़तम हो जांदी है। उलटा बंदे दीआं प्रविरतीआं ढाहू हो जांदीआं हन। हुण उह पहिली थां आउण वाला नहीं सी।

वेद दे ठीक होण तक सौदे लटका के नहीं सन रख्खे जा सकदे। जाइदाद दा विउपार सट्टा बज़ार वरगा हुंदा है। गाहक तत्ता हुंदा है। वेचण वाला वी अते लैण वाला वी। दलालां दी हेड़ गाहकां नूं भुध्धखे शेर वांग हड़प्पण लई तिआर खहड़ी हुंदी है। सिआणा विउपारी उहो है जो मौके दा फ़ाइदा उठा लए।

हिस्सेदारां नूं वेद नाल हिस्सेदारी घाटे वाला सौदा साबत हो रही सी।

जिहड़े मुनाफ़े विच्च चल्ल रहे सन उनहां नें बिनां वेद नूं पुछ्छे सौदे कट्ट दित्ते।

जिहड़े घाटे विच्च सन उनहां नें घाटा मित्थ के, हिसाब किताब वेद दे घर भेज दित्ता। लैण देण फेर हो जाएगा।

बहुते काहले हसपताल गेड़ा मारन लग्ग पए सन। वेद दे होश विच्च आउंदिआं ही उह वहीआं खोल्ह के बैठ गए सन। मानसिक तनाअ, प्रेशानी, भविख्ख प्रती निराशता अते सरीरक कशट कारन वेद जिऊण दी आस छड्डी बैठा सी। बिजनस विउपार दी गल्ल उसनूं ज़हिर वरगी लगदी सी। तपिआ भखिआ उह जिवें हिस्सेदार आखदे उसे तरहां सहिमत हो जांदा। बहुते हिध्धसिआं विच्च उसनूं घाटा सहिणा पिआ सी। कुझ्झ कु नां मातर मुनाफ़ा दे के इमानदार अते हमदरद होण दा दिखावा वी कर गए सन।

उसदे ठीक हो के घर मुड़न तक उडीक करन वालिआं विच्च बहुती गिणती उनहां मित्तरां दी सी जिनहां दे हत्थ विच्च लिखत पहड़त नां होण कारन, चुप्प करना मजबूरी सी। औखे होए वेद नें नांह विच्च सिर हिला दित्ता तां उह किस दी मां नूं मासी आखणगे। इह सोच के उह दड़ वट्टी बैठे सन।

हुण जदों उह बोलण चल्लण दे काबल हो गिआ सी उह पिआर पुचकार के आपणी लैणदारी मनाउण आउंदे सन। जदों वेद पाई पाई दा हिसाब चुकता करन दा वचन दिंदा सी तां उह पहिली ग़लती नूं दुहराउण तों गुरेज़ करदे सन। बदले हालात विच्च वेद दी ज़ुबान दी पहिली कीमत नहीं सी रही।

ठोस सबूत वजों उह किसे गहिणे गध्धटे जां लिखत पहड़त दी मंग करदे सन। बहुता नहीं तां कोई रिशतेदार जामन ज़रूर बणे।

जिनहां नाल लिखत पहड़त होई सी उनहां दे कानूंनी नोटिस आउण लग्गे।

अजिहे बहुते नोटिस उनहां गाहकां वल्लों आ रहे सन जिनहां नूं वेद नें बिआने फड़ाए होए सन। पलाटां दे भाअ गिर रहे सन। नवां गाहक लभ्भदा नहीं सी।

पध्धलिउं पैसे ख़रच करके रजिसटरी कराउण दी हुण उसदी परोखो नहीं सी। उह कहिंदे सन उह मिआद दे अंदर अंदर रजिसटरी कराए, नहीं तां बिआने तों हत्थ धोण लई तिआर रहे।

कमल दी मौत, बिमारी अते रिशतेदारां दी बेरुखी नालों वध्ध दुख्ख वेद नूं इनहां नोटिसां दा हुंदा सी। इह नोटिस उह लोक दे रहे सन जिहड़े उसे दे पैरों पैरां सिर होए सन।

कुझ्झ दिनां तों इह समस्सिआ गंभीर हो गई सी। किसे नें इह अफ़वाह फैला दित्ती सी कि वेद दा दिवाला निकल रिहा सी।

काहले पए लोक घर आ के धमकीआं अते गाल्हां देण लग्गे। इक्क दो डरावे लई बदमाशां नूं नाल लै आए। कुझ्झ शरीफां नें आपणे हक्क बदमाशां नूं वेच दित्ते। गिद्दड़ चिठ्ठीआं लै लै बदमाशां दे करिंदे वेद दी कोठी अग्गे चक्कर कट्टण लग्गे।

वेद आपणे आप नूं गिरझां विच्च घिरिआ महिसूस कर रिहा सी। जिस तरहां दी कोई तजवीज़ लै के आ रिहा सी वेद उसे नाल सहिमत हुंदा जा रिहा सी। किसे नूं पलाट ’ते कबज़ा करवा दित्ता अते किसे नूं किसे दुकान दी हिस्सेदारी छड्ड दित्ती।

वेद दा सभ कुझ्झ मुक्क गिआ पर लैणदारां दी लिसट नां मुक्की।

 

-78-

 

इस सभ दे बावजूद वी वेद नूं पता सी नीलम दे लाकरां विच्च बथेरा सोना अते नकदी पई सी। इको लाकर नें राम नाथ दा करज़ा लाह देणा सी।

इसे बेफ़िकरी कारन वेद नूं राम नाथ नाल हिसाब किताब करन दी काहल हो रही सी।

नौबर राम नाथ दे घर विच्च फुट्ट पैण तक आ जाएगी इस बारे वेद नूं पहिलां सोचणा चाहीदा सी। घट्टो घट्ट इक्क वार ख़रच हो रही रकम दे वापस कर देण दा भरोसा तां राम नाथ नूं दे देणा चाहीदा सी। राम नाथ सोचदा होएगा शाइद वेद रकम वापस करन दे रौं विच्च नहीं सी। राम नाथ वेद दा साला सी। साले जीजिआं ते ख़रच करदे आए हन।

वेद नूं आपणी ग़लती झट्ट सुधार लैणी चाहीदी सी।

उसे रात वेद नें राम नाथ नूं कोल बैठा के होए ख़रचे दा हिसाब किताब मंग लिआ।

इस वार वेद नें राम नाथ नूं गल्ल टालण नां दित्ती। राम नाथ दा टब्बर उस लई रुल रिहा सी, वेद लई इहो बहुत सी। हज़ार दो हज़ार दी काप झल्ली जा सकदी सी। लख्खां दे ख़रचे दा हिसाब होणा चाहीदा सी।

राम नाथ हुण तक चार लख्ख दे हेठ आ चुक्का सी। बहुता पैसा बिमारी उपर ख़रच होइआ सी। उसदे सारे बिल्ल उस कोल मौजूद सन।

थाणे कचहिरी विच्च राम नाथ नें हत्थ घुट्ट के रख्खिआ सी। फेर वी इक्क लख्ख दे लगभग ख़रच हो गिआ सी। रिशवत दी रसीद नहीं मिलदी। रिशवत दी डीटेल देण तों उह डर रिहा सी। पता नहीं वेद नूं यकीन आएगा जां नां। उसदा मूंह काला हो सकदा सी।

राम नाथ नूं लग्गा सी वेद नूं उस अते संगीता विचकार चलदी तलख़ी दी भिणक पै गई सी। इसे लई उह राम नाथ नूं हिसाब देण लई मजबूर कर रिहा सी।

राम नाथ नूं वेद दी इह अड़ी चंगी लग्ग रही सी। घट्टो घट्ट हुण वेद नूं इह तां पता लग्ग जाणा सी कि राम नाथ आपणे पध्धलिओं किंने पैसे ख़रच चुक्का सी। कुझ्झ ख़रचा बाकी रिशतेदारां नें वी कीता सी। उसदा वी उसनूं पता होणा चाहीदा सी।

राम नाथ विच्च वी होर आरथिक बोझ झल्लण दी हिंमत नहीं सी। होर पैसा चुकाउण लई जे कोई चीज़ गहिणे होणी सी तां उह राम नाथ दी थां वेद दी होणी चाहीदी सी। वेद नूं बीसीआं वाधे घाटे हो रहे सन। इक्क होर सही।

मन करड़ा करके राम नाथ नें मोटा मोटा हिसाब गिणवा दित्ता।

चार लख्ख दा हिसाब सुण के इक्क वार वेद दे खानिओं गई। उसदा अनुमान इक्क लख्ख दे नेड़े तेड़े सी।

कुझ्झ देर सुंन जिहा रहि के वेद नें आपणे आप नूं संभालिआ। बिल्ल उसदे साहमणे पए सन। कुझ्झ ग़लत नहीं सी। इह मोटा मोटा हिसाब सी। होर छोटेमोटे होए ख़रचां दा हिसाब विच्च ज़िकर नहीं सी। उह ख़रचा राम नाथ नें आपणे ख़ाते विच्च पा लिआ सी।

राम नाथ दी सेवा भावना अते कुरबानी अग्गे वेद दा मत्था झुकिआ। राम नाथ दे अहिसान दा बदला उसने आपणीआं अख्खां नम करके जताइआ। उह राम नाथ नूं हिक्क नाल ला के उसदा धंनवाद करना चाहुंदा सी। पर बाहां नें उसदा साथ नां दित्ता। उसनूं बुल्ह फरका के मन दी भावना मन विच्च दबाउणी पई।

“तूं फ़िकर नां कर राम नाथ! मैनूं थोहड़ा जिहा वल्ल हो लैण दे। मैं सारा इंतज़ाम कर देवांगा। इंने कु पैसे तां आपणे इको लाकर विचों निकल आउणगे। नीलम कोल चार लाकर हन। तूं कचहिरी कोलों उसदे लाकर खोल्हण दी इजाज़त लै लै।”

“हाले आपां नूं लाकर जग्गर नहीं करने चाहीदे। किसे लैणदार नें लाकरां दी सूह कढ्ढ के सील करवा देणे नें। मेरे पैसिआं दा फ़िकर नां करो। हौली हौली आ जाणगे। पहिलां इस तूफ़ान नूं लंघ जाण देईए।”

राम नाथ नें लाकरां दे खुल्हण विच्च पेश आउण वाली औकड़ दी याद दिवाई।

वेद वल्लों मिले पैसे मोड़न दे भरोसे नें राम नाथ दे मनों मणां मूंहीं बोझ लाह दित्ता। हुण तक उह सोच रिहा सी उसदा पैसा अजाईं जा रिहा सी।

हुण राम नाथ दीआं दोवें समस्सिआवां हल्ल हो गईआं। वेद नूं होए ख़रच दा पता वी लग गिआ अते पैसे वापस होण दे असार वी बण गए।

“अग्गों तों तूं पैसे दा फ़िकर नां करीं। मैं करदां कोई इंतज़ाम। हुण तूं जाह अते सौं जा।”

राम नाथ नूं सौण लई भेज के वेद नूं लग्गा मीआं बीवी विचकार समझौते दा राह पध्धरा होण लग्गा सी।

 

-79-

 

“वीह पंजाह हज़ार किथों आवे?” सारी रात वेद इहो हेठ उतांह करदा रिहा।

पहिलां उसने माइआ नगर दे यारां दोसतां उपर नज़र मारी। उसनूं इक्क वी नां याद नां आइआ जिसने लोड़ पैण ’ते पैसे धेले दी पेशकश कीती होवे। जिहड़ा कोई आइआ हिसाब करन अते बकाइआ लैण ही आइआ।

जदों आपणे ख़ून नें भाणा वरता दित्ता। पराइआं ’ते काहदा गिला!

इह माइआ नगरी सी। इथे सभ रिशते माइआ दुआले घुंमदे सन।

फेर उसने आपणे पुराणे शहिर दे मित्तरां उपर नज़र मारी। मित्तरां दे नां सोच सोच के उसदा मन गुलाब वांग खिड़न लग्गा। बचपन दे बेलीआं नें हाले तक उसदा साथ नहीं सी छड्डिआ। भले दिनां विच्च कोई आइआ जां नां पर भैड़े दिनां विच्च सभ दे मन वलूंदरे गए। ख़बर लैण भज्जे भज्जे हसपताल गए। हुण घर आउंदे सन। घंटा घंटा बैठ के आई मुसीबत दा खिड़े मत्थे मुकाबला करन दी सलाह दिंदे सन। वेदां गरंथां विचों उदाहरनां दे के अटल्ल सचाई दा अहिसास कराउंदे सन। हर तरहां दी सहाइता दा यकीन दिवाउंदे सन। कदे कोई खाली हत्थ नहीं सी आइआ। कोई दुध्ध लै आउंदा, कोई केले संगतरे। वेद बथेरा रोकदा सी। नां उह फल खा सकदा सी, नां खाण नूं मन करदा सी। पर कोई नहीं सी टलदा, इह पिंडां दा रिवाज सी।

माइआ नगर वासीआं वांग नां उह छुट्टी वाले दिन आउंदे सन नां रात बराते। पूरा दिन विहला करके आउंदे सन। उनहां दा पिआर अते दिलटुंबणीआं गल्लां वेद दे ज़ख़मां नूं कई कई दिन ठंडक पहुंचाउंदीआं सन।

दोसतां दा इह सनेह उसनूं कई वार आतम गलिआनी नाल भर दिंदा सी। पहिलां किसे विआह शादी ’ते आए उह वेद नूं मिलण आ जाइआ करदे सन। उदों वी उह घंटा घंटा बैठ के गल्लां करनीआं चाहुंदे सन। उस समें उनहां कोल बैठे वेद दा मन काहला पैण लगदा सी। उह चाहुण लगदा सी दोसत कंम दी गल्ल करन अते तुरदे होण।

हुण उहो गल्लां उस नूं घिओ दीआं नालां लगदीआं सन। उनहां दा घंटिआंब ् धी बैठणा मिंटां सकिंटां वांग लगदा सी।

उसदे दोसत अमीर नहीं सन। कोई कलरक सी, कोई छोटा दुकानदार।

उह वड्डी रकम दे के वेद दी मदद करन दी सथिती विच्च नहीं सन।

वेद नें हिसाब किताब लाइआ। जे सारे सुदामिआं तों सारे सत्तू इकठ्ठे कर लए जाण तां वी रकम दस पंदरां हज़ार तों नहीं वधणी। की नंगी नहाऊ की नचोड़ू। इंने पैसिआं नाल दस दिन वी नहीं लंघणे।

दोसतां नूं याद कर कर उसनूं आपणे शहिर दी याद सताउण लग्गी। चंगा हुंदा जे उसने माइआ पिछ्छे लग के आपणा शहिर नां छड्डिआ हुंदा। उसदे दोसत बहुते पैसे नहीं कमा सके नां सही। पर सुख्ख शांती उनहां दे घर वस्सदी सी। उनहां दे निशाने बहुते वड्डे नहीं सन। सौ कु गज़ दा मकान, मासटरी जां बैंक विच्च कलरकी। इह उनहां लई गनीमत सी। इहो जिहे सुपने उह आपणे बच्चिआं लई देखदे सन। वेद नें वड्डे वड्डे सुपने देख के की खध्धटिआ?

माइआ नगर विच्च हुण उसदा की रहि गिआ सी? सारे सुपने मिट्टी दे महिल वांग ढेरी हो गए सन। किउं नां हुण वी उह आपणे शहिर मुड़ जावे?

यारां दोसतां विच्च रहि के उसदे दिन कध्धटे जाणे सन। दुख्ख भुल्ल जाणे सन। माइआ नगर विच्च किसे नूं फ़ोन करन तक दी विहल नहीं सी। उथे घर आ के हालचाल पुछ्छण दा शिशटाचार हाले ज़िंदा सी।

वेद पिआ पिआ आपणी कोठी द जाइज़ा लैण लग्गा। छे बैड्ड रूम। दस बाथ रूम। छे गीजर। चार ए.सी.ख़रचा ही ख़रचा। हज़ार रुपए महीना सफ़ाई दा ख़रच। कोठी विच्च रहिण वाले रहि गए तिंन टोटरू।

बदले हालात विच्च वेद नूं दो बैड्ड रूम वाला घर काफ़ी सी। कोठी दा तीह लख्ख वध्धटिआ जा सकदा सी। इंनी रकम दे बैंक विआज नाल उसदा वधीआ गुज़ारा हो सकदा सी।

वैसे वी इह कोठी हुण उसनूं वढ्ढ वढ्ढ खा रही सी। कमल अते नीलम दे परछावें उसदा पिछ्छा करदे सन। उनहां दीआं यादां उसदे ज़ख़मां नूं झरीटदीआं सन।

नेहा वी इस कोठी तों अक्क गई सी। उह कई वार इस कोठी तों खहिड़ा छुडाउण लई आख रही सी।

इक्क होर तौख़ला उसनूं खाण लग्गा। किधरे कोई सिर फिरिआ पैसे लैण दे बहाने उसदी कोठी उपर कबज़ा नां कर लए। कोई कचहिरी विचों डिगरी लै के कुरकी नां करवा देवे। चंगा होवे जे पैसे वट्ट के हत्थ विच्च कर लए जाण।

सवेरे उठदिआं ही वेद नें इह योजना राम नाथ नाल सांझी कीती।

बहाना कमल दीआं यादां तों तंग आउण दा घड़िआ।

कोठी वेचण दी गल्ल सुणके राम नाथ दीआं अख्खां छलक पईआं। वेद परिवार नें बड़ी रीझ नाल इह कोठी बणाई सी। बड़ी रीझ नाल इक्क इक्क चीज़ इस घर विच्च सजाई सी। हाले कोठी मुकंमल वी नहीं सी होई कि वेचण दी नौबत आ गई।

कुझ्झ देर ख़ामोश रहि के राम नाथ नें आपणे जज़बातां ’ते काबू पाइआ।

“कोठी नीलम दे नां है। उसदे दसतख़तां बिनां नां बिआना हो सकदा है नां रजिसटरी।”

कोठी दे विकण विच्च इह कानूंनी दिक्कत सी।

“कोठी विच्च ताज़ी ताज़ी वारदात होई है। जवान मुंडे दी मौत होई है।

लोकां नें कोठी नूं अशुभ आखणा है। किसे नें आखणा है कोठी विच्च मुंडे दा भूत फिरदा है।”

वहिम भरम कोठी दा सही मुल्ल पैण विच्च दूजी दिक्कत सी।

“कदे पुलिस जां सफ़ाई धिर दा वकील मौका देखण कोठी आ सकदे हन।

नवें मालकां नूं इह गल्ल चुभणी है।”

इह विवहारक दिक्कत सी।

कोठी दे विकण विच्च दिकतां ही दिकतां सन।

पहिलां वेद अते राम नाथ आपणे आपणे कंमां विच्च रुध्धझे रहिंदे सन। उनहां विचकार खुल्ल्ह के गल्लां घट्ट वध्ध ही हुंदीआं सन।

हुण राम नाथ दा काफ़ी समां वेद कोल बैठिआं बीतदा सी। राम नाथ दीआं अजिहीआं दलीलां वेद नूं हैरान कर दिंदीआं सन। सच्चमुच्च वकीलां नूं ज़िंदगी दे हर पहिलू बारे भरपूर गिआन हुंदा है। इह अहिसास उसनूं हुण हो रिहा सी।

राम नाथ दीआं दलीलां सौ फ़ीसदी सच्च सन। होर किसे नूं वहिम होवे जां नां पर दलालां नें आपणा कमिशन वधाउण लई इह वहिम ज़रूर लोकां दे मना विच्च पा देणे सन। वेद नें ख़ुद कई वार इहो फारमूला वरतिआ सी।

लाकर खुल्ल्ह नहीं रहे। कोठी विक नहीं रही। होर कोई जाइदाद पल्ले नहीं।

फेर गुज़ारा किस तरहां होएगा? वेद मन ही मन खौझलन लगदा।

उसदा इक्क फ़ैसला पक्का सी। उह जिथों मरज़ी इंतज़ाम करे राम नाथ नूं कुझ्झ पैसे दा इंतज़ाम ज़रूर करके देवेगा।

“चल्ल इंझ कर आह जो वाधू समान है इह वेच दे। आपां हुण दो फरिज़, चार ए.सी., दो सोफा सैट्ट की करने हन? मन भर गिआ सभ कासे तों।”

“कमल दा इह मोटर साईकल वी मैनूं हुण ज़हिर वरगा लगदा है। इसनूं मेरीआं अख्खां अग्गों परहे हटा दे। इस नूं वेच दे। नवां है। चंगे पैसे वट्टो …”

गल्ल पूरी करन तों पहिलां ही वेद दीआं भुब्बां निकल गईआं। मोटरसाईकल ‘ते बैठे कमल दी तसवीर उस दीआं अख्खां अग्गे आ खड़ोती। लंबाचौड़ा, सवा छे फुट्टा जवान मोटर साईकल ते बैठा बड़ा सोहणा लगदा सी।

पहिलां कमल कोल सकूटर सी। उस उपर बैठा उह लंबूतरू जिहा लगदा सी। उस दीआं टंगां दी लंबाई नूं देख के वेद नें उसनूं इह मोटर साईकल लै के दित्ता सी।

उसे मोटर साईकल नूं अख्खां अग्गों परहे करन दी गल्ल सुणके कमल जिवें वेद नाल गुस्से हो रिहा सी। मोटर साईकल कमल नूं आपणी जान नालों पिआरा सी। मोटर साईकल परहां हटाउण दा मतलब सी कमल नूं दिल विचों कढ्ढणा।

वेद कोल होर कोई चारा नहीं सी। पत्थर दिल बणके उसनूं कमल नालों नाता तोड़ना पैणा सी।

कमल दे मोटर साईकल नूं वेचण दी तजवीज़ सुणके राम नाथ दे कलेजे विच्च रुग्ग भरिआ गिआ। उसदा दिल ज़ोर ज़ोर दी धड़कण लग्गा। उसनूं लग्गा उसदा दिल फेल्ह होण वाला है। कमल बड़ा पिआरा बच्चा सी। राम नाथ नूं सभ भाणजे भाणजीआं विचों उसे नाल ज़िआदा मोह सी। मिठ्ठा सुभाअ, गल्लबात करन दा सलीका। वध्धडिआं लई इज़त। सभ दा मन मोह लैण वाला। कमल अमरीका जाण दी सोच रिहा सी। राम नाथ नें उसदे सहारे अमरीका दी सैर करन दा सुपना लिआ सी।

हुण उसे बच्चे नूं भुलाउण दा यतन कीता जा रिहा सी। उस दीआं सीने नाल ला के रख्खण वालीआं यादां नूं वेचण लई सोचिआ जा रिहा सी।

“मैं हाले ज़िंदा हां। कमल दी किसे चीज़ दा नां लिआ तां मैथों बुरा कोई नहीं।”

आखदा राम नाथ ख़ुद भुब्बां मार के रो पिआ।

आपे तों बाहर होइआ राम नाथ, वेद दे गल लग के मन दा भार हलका करन लग्गा।

वेद दा रोण होर उच्ची हो गिआ।

महीनिआं तों डक्के हंझूआं दे दरिआ दोहां दीआं अख्खां विचों वहि तुरे।

जीजे साले नूं उच्ची उच्ची रोंदिआं देख के संगीता अते नेहा नूं हत्थां पैरां दी पै गई।

दोहां नूं लग्गा कोई भाणा वरत गिआ सी।

रोंदीआं कुरलाउंदीआं उह नीलम दे कमरे वल्ल दौड़ीआं। उसदी नबज़ ठीक चल्ल रही सी।

मुड़ उह वेद दे कमरे वल्ल दौड़ीआं। जीजे साले नूं गल लग्ग के हुबकीं हुबकीं रोंदे देख के उनहां दीआं वी धाहां निकल गईआं।

पहिली वार सारा टब्बर इकठ्ठे बैठ के रोइआ सी।