“मेरे उत्ते मेरे शौक दा जनूंन इस कदर भारू सी कि जदों मेरे घर पुत्तर दा जनम ...”

इह पंजाबण आसट्रेलीआ दी सिआसत विच्च किसे वी राज दे पहिले पंजाबी महिला मैंबर पारलीमैंट बणे हन। इस तों पहिलां गुरमेश सिंघ निऊ साऊथ वेलस तों पहिले ‘सिंघ’ मैंबर पारलीमैंट बणे सन। ते हुण डा परविंदर कौर नूं आसट्रेलीआ दे तकरीबन दो सौ साल दे इतिहास विच्च पहिले ‘कौर’ मैंबर पारलीमैंट बणन दा सुभाग मिलिआ है। आउ तुहानूं मिलाईए पंजाब दे इक्क पिंड तों पछ्छमी आसट्रेलीआ दे पारलीमैंट तक दा सफ़र तैअ करन वाली माणमत्ती डा. परविंदर कौर नाल।

गल्ल 2014 दी है। सिख्ख खेडां दे सिलसिले विच्च असीं परथ विच्च सां। खेडां दौरान बहुत सारे चाहुण वाले मिले। इसे दौरान बहुत ही ख़ूबसूरत, हसूं-हसूं करदे चिहरे दी मालक इक्क कुड़ी नें भीड़ विच्चों दी अग्गे हुंदीआं सति स्री अकाल बुलाउंदिआं किहा, “मिंटू भाजी, काफ़ी चिर तों सुणदे अते पहड़दे आ रहे हां, बस्स मिलण दा सबब्ब नहीं बणिआ।”

मेरे धंनवाद कहिण ’ते उहनां अग्गे गल्ल तोरदिआं दस्सिआ, “मेरा नाम परविंदर है ते मैनूं वी रेडीओ मेज़बानी दा बड़ा शौक है।”

परविंदर नें सानूं दूजे दिन आपणे दफ़तर आउण दा सद्दा दित्ता। इस दौरान मैनूं इध्धरों उध्धरों पता चल्लिआ कि उह इक्क विगिआनी हन। जदों दूजे दिन असीं उहनां कोल पुज्जे तां चिट्टे कोट विच्च आपणी लैब विच्च मसरूफ़ डा परविंदर नें साडा खुल्ल्हे दिल नाल सवागत कीता अते सारी यूनीवरसिटी दा गेड़ा लवा के आपणे चल्ल रहे कंमां-कारां तों जाणू करवाइआ।

नवां शहिर ज़िल्हे दे पिंड हिआतपुर रुड़की दे सरदार कशमीर सिंघ जो कि हुण भारती फ़ौज विच्च सेवा निवरत हन अते बीबी जरनैल कौर दे घर परविंदर दा जनम होइआ। उह दो भैण भरा हन। उहनां दी सकूली विद्दिआ वख्ख-वख्ख फ़ौजी सकूलां विच्च होई, जिनहां विच्च जलंधर कैंट अते अंबाला कैंट ज़िकरयोग हन। इस उपरंत उहनां पटिआले तों आपणी गिआरहवीं अते बारहवीं दी सिख्खिआ हासल कीती। भावें फ़ौज दी नौकरी कारन परविंदर नूं वख्ख-वख्ख थांवां ’ते रहिणा पिआ पर हर साल छुट्टीआं पिंड विच्च गुज़ारन नें किते नां किते उस दी पिंड नाल अते खेती कित्ते नाल सांझ बहुत गूहड़ी कर दित्ती। उह दस्सदे हन, “गिआरहवीं विच्च उहनां नूं कुझ नहीं पता सी कि मेरी मंज़िल की है! भावें मेरी मुढ्ढ तों साइंस विच्च रुची सी पर मैं गिआरहवीं विच्च मिले-जुले जिहे विशे चुण लए। पर बारहवीं तक आउंदे-आउंदे मैनूं इंना कु अहिसास हो गिआ सी कि बिनां टीचा मिथिआं कामयाबी हासल नहीं हो सकदी। कुझ कु दिनां लई दंदां दी डाकटरी चुण लई सी, भावें मेरी पसंद दे विशे जीव विगिआन (Biology) सी।

“पर उसे वकत किसमत नाल मैनूं लुधिआणे खेतीबाड़ी यूनीवरसिटी विच्च थां मिल गई, उह वी सकालरशिप नाल किउंकि मैं पहिले पंज विदिआरथीआं विच्च आपणा नाम दरज करवाउण विच्च कामयाब हो गई सी। पिंड विच्च गुज़ारे समें नें मैनूं सिखा दित्ता सी कि अंनदाता कहाउणा किंना कु औखा। शाइद इसे करके इह मेरा जनूंन बण गिआ।

“गरैजूएशन दौरान कीती मिहनत दा फळ मासटरज़ लई सकालरशिप दे रूप विच्च मिलिआ ते मासटरज़ विच्च कीती मिहनत दा फळ आसट्रेलीआ दे शहिर परथ दी मशहूर यूनीवरसिटी आफ़ वैसटरन आसट्रेलीआ नें सकालरशिप दे रूप विच्च दित्ता। जदों मैं आपणे रिटाइर हो चुक्के पिता जी नूं दस्सिआ कि मैं विदेश जाणा तांहै उह कहिंदे आपां इक्क छोटे ज़िमींदार हां, सो इंना ख़रच किवें करांगे? जदों मैं उहनां नूं दस्सिआ कि यूनीवरसिटी मेरा सारा ख़रच चुक्केगी, तां किसे नूं यकीन नहीं सी आइआ। पर सच्च दस्सां मेरा इक्क पैसा वी नहीं लग्गिआ इत्थे आ के पहड़न लिखण अते रहिण बहिण ’ते।”

परविंदर तों रुज़गार बारे पुछ्छण ते उहनां दस्सिआ कि सभ तों पहिलां आपणे आप नूं समझणा बहुत ज़रूरी हुंदा। दूजा उह भागां वाला हुंदा, जिस नूं उसदे शौक मुताबिक कित्ता मिल जावे। डी.ऐन्न.ए. उत्ते कंम करना मेरा शौक सी पर हुण मैनूं इसदे पैसे मिलदे हन।

इत्थे ज़िकरयोग है कि परविंदर नें आसट्रेलीआ दी बहुत वड्डी समस्सिआ उत्ते कंम कीता ते जिस कारन आसट्रेलीआ दे प्रधान मंतरी हत्थों सनमान वी हासल होइआ। उहनां दे दस्सण मुताबक आसट्रेलीआ दे पशूआं दे चारे विच्च कुझ अजिहे तत्त सन, जिनहां कारन बहुत ज़िआदा मीथन गैस बणदी है, जो कि ओज़ोन विच्च होए सुराख़ लई ज़िंमेवार है। आसट्रेलीआ विच्च बणदी कुल्ल मीथन गैस दा चाली प्रतीशत हिस्सा इस चारे नूं खा के इह जानवर बणाउंदे सन। पर परविंदर दी मिहनत सदका इस ’ते काबू पैणा शुरू हो गिआ है।

जदों करोना दा काल दुनीआ ’ते मंडलाउण लग्गिआ तां परविंदर नूं फिर सुभाग मिलिआ मानवता दी सेवा करन दा, जिस नूं उस नें खिड़े मत्थे सवीकार करदिआं दस्सिआ कि कोरोना दा डी.ऐन्न.ए. कोड फ़सलां दे कोड नालों बहुत छोटा कोड है पर इसदा सिध्धा इनसान दी सिहत नाल संबंध है। इस लई इस नूं हलके विच्च नहीं लिआ जा सकदा। उस नें सख़त मिहनत करके करोना दे कोड नूं डी कोड कीता।

परिवार बारे पुछ्छण ते परविंदर दा कहिणा है कि मेरी मंमी जी परवारिक मजबूरीआं कारन बचपन विच्च आपणी पहड़ाई पूरी नहीं सन कर सके ते उहनां उसे वकत ही आपणे आप नाल वाअदा कीता सी कि मैं आपणे सुपने आपणे बच्चिआं दे ज़रीए पूरे करांगी।

हर मां बाप वांग मेरे मां बाप दे साहमणे वी इक्क वड्डी समस्सिआ सी कि उह आपणी ज़िंदगी भर दी कमाई आपणे पुत्तर उत्ते लाउण जां धी उत्ते। किउंकि इस विच्च कोई दो राइ नहीं है कि साडे समाज इह फ़रक मुढ्ढ कदीम तों चल्लदा आइआ है। पर मैं इत्थे वी ख़ुश किसमत रही ते मेरे मां बाप नें आपणी धी उत्ते विशवास जिताइआ अते मैनूं हर थां लोड़ तों वध्ध साथ दित्ता।

मैं इत्थे वी भागां वाली रही हां के मैनूं मेरे सहिपाठी अमित दा साथ मिलिआ। मेरे मां बाप भावें विगिआन दी भाशा समझदे नहीं पर फिर वी उह जदों मेरी हर गल्ल विच्च हुंगारा भरदे हन तां मेरी अध्धी जित्त तैअ हो जांदी है। अमित गिआरहवीं कलास विच्च पहड़ाई दौरान मेरा मुकाबलेबाज़ सी। संजोग वस्स लंमे अंतराल बाअद असीं फिर परदेस आ मिले अते जीवन साथी बण गए।

मेरे उत्ते मेरे शौक दा जनूंन इस कदर भारू सी कि जदों मेरे घर पुत्तर दा जनम होइआ, भावें मैं छे महीनिआं दी छुट्टी लै सकदी सी पर आपणे शुरू कीते कारज नूं नहीं सी छड्ड सकदी। मेरा मंनणा है कि तुसीं आपणे हत्थीं लाए बूटे नूं उदों नहीं छड्ड सकदे, जदों उस नूं तुहाडी बहुत ज़िआदा लोड़ है। सो मैं सिरफ़ पंदरां दिनां बाअद आपणी लैब विच्च सी ते तिंन महीनिआं दा आपणा बच्चा छड्ड वख्ख-वख्ख मुलकां विच्च रिसरच दी लग्गी डिऊटी लई तुर पई सां। इह इक्क वड्डा फ़ैसला सी जो मैं इकल्ली नहीं लै सकदी सी, अमित अते मेरा सहुरा परिवार मेरे पिछ्छे आ खहड़िआ सी। मेरे मंमी कहिंदे, सारी उमर पछताउण नालों तैनूं आपणे मिशन ’ते जाणा चाहीदा है। मेरे मन विच्च इह सी की मेरा पुत्तर वड्डा हो के की सोचेगा कि मेरी मां मैनूं इंने छोटे नूं छड्ड परदेस आपणे मिशन ’ते चली गई। पर उस वकत मेरे मां बाप नें समझाइआ कि उह वड्डा हो के तेरे ’ते माण करेगा।

इह सच्च वी हो रिहा है कि मेरे सारे वड्डे माअरके उसे वकत मैनूं मिले। जेकर मेरा परिवार मैनूं हल्लाशेरी नां दिंदा तां शाइद मैं इह कुझ हासल नां कर पाउंदी। तिंन महीने बाअद जदों मैं घर वापस आई तां मेरे पुत्तर ‘अकशर’ नें मैनूं पछाणिआ तक नहीं सी। इक्क मां लई इह पल बहुत औखे हुंदे हन। पर कुझ पाउण लई कुझ गुआउण वी तां पैंदा ही है। पर उस तों बाअद मैं आपणे पुत्तर नूं हर थां नाल रख्खिआ। जदों उह हाले ए बी सी वी नहीं सी जाणदा पर मेरे नाल लैकचर सुणदा, कानफरैंसां ’ते जांदा, कलासां लाउंदा। इह तां शुक्कर है इस मुलक दा, जो इक्क मां दी इस जद्दोजहिद नूं समझदे होए हर हालात विच्च सहियोग दिंदा है। अज्ज गिआरहां वरहिआं दे पुत्तर विच्चों मैनूं जदों परपक्कता दिसदी है तां महिसूस हुंदा है कि मिहनत अजाईं नहीं गई।”

परविंदर दा भरा वी भैण दीआं पैड़ां नप्पदा, वज़ीफ़े लैंदा आसट्रेलीआ आ पुज्जिआ। उह वी अज्जकल्ल्ह पछ्छमी आसट्रेलीआ विच्च इक्क कौंसलर वजों आपणीआं सेवावां निभा रिहा है। अज्ज दोनों परिवार परथ विखे नाल-नाल घर पा के इक्क सांझे परिवार वांग विचर रहे हन।

परविंदर इक्क बहुत ही ख़ूब सूरत अते ख़ूब सीरत वाली कुड़ी है। इह वी नहीं कहि सकदे कि उह आधुनिक नहीं है, उह नवें ख़िआलां दी है, मरज़ी नाल बणदी संवरदी है, मरज़ी दे कप्पड़े पाउंदी है। उस नूं पेकिआं नें आज़ादी दित्ती, उसदे सहुरिआं नें उस दी आज़ादी बरकरार रख्खी पर उस नें उस आज़ादी नूं माणिआ नां कि उस दा नाजाइज़ फ़ाइदा चुक्किआ। पर उस नें कदे वी ससती शुहरत दा राह नहीं चुणिआ। उह इक्क पहिले सफ़िआं दी विगिआनी बणी, पर नां तां उह रब्ब नूं भुल्ली है नां विरसे नूं। विगिआन दे नां ’ते रब्ब तों मुनकर होणा सही राह नहीं है। सगों जो साडे ग्रंथां विच्च पहिलां तों ही दरज है, विगिआन उसे नूं ही आपणा अधार बणा के चल्ल रिहा है। सानूं मंनणा पैणा है कि दुनीआ ’ते कोई तां सिरमौर ताकत है जो इह सभ चला रही है। विरसे नूं सांभण लई परविंदर तुहानूं कदे परथ विच्च हुंदे सभ्भिआचारक प्रोगराम विच्च हिस्सा लैंदी दिखाई देवेगी, कदे रेडीओ ’ते मेज़बानी करदी सुणाई देवेगी।

यूनीवरसिटी विच्च इक्क सहाइक प्रोफैसर वजों कंम करदिआं उस नें नाल-नाल सरकारे दरबारे वी आपणी हाज़री लगवाउणी शुरू कीती, जिस दौरान उस नूं आसट्रेलीआ दे प्रधान मंतरी तों लै के बहुत सारे मंतरीआं अते वड्डे महिकमिआं विच्च कंम करन दा मौका मिलिआ। उहनां दीआं इनहां रुचीआं नूं देखदे होए पछ्छमी आसट्रेलीआ दी लेबर पारटी नें उहनां नूं उतले सदन लई आपणा नुमाइंदा बणाउंदे होए टिकट दित्ती, जिस नूं उह असानी नाल जित्तण विच्च कामयाब होए। सौंह चुक्कण तों पहिलां ही उहनां नें इक्क मनशा ज़ाहिर करदे होए किहा कि उह इक्क सिआसतदान नालों दुनीआ दा सभ तों चंगा सांसद बणन विच्च विशवास रख्खदे हन।

अखीर विच्च परविंदर कौर नें जो सुनेहा दित्ता, उह इह सी कि आपणा इक्क निशाना मिथो, उस ’ते धिआन केंदरित कर लवो ते जदों तुसीं उस नूं हासल कर लवो तां होर वी निमर हो जाओ किउंकि इहो जिही कामयाबी कदे वी आळे दुआळे दे सहियोग बिनां नहीं मिल सकदी। सो वाहिगुरू समेत सभ दा शुकरगुज़ार होणा ही कामयाबी दा असल सिखर है। सो इह सी प्रो. परविंदर कौर दी वड्डी कामयाबी दा संखेप वरणन।