इह गल्ल कहिण ’ते सुणन नूं काफी चंगी लगदी है कि असीं कैनेडा दे पक्के नागरिक हो गए हां। असीं कैनेडा विच्च तिंन घर खरीद लए हन, साडा इक्क मुंडा अमरीका दा गरीन कारड होलडर है, दूजा आसट्रेलीआ विच्च है अते कुड़ी निऊज़ीलैंड विच्च है। पर ज़मीनी हकीकत उदों साहमणे आउंदी है जदों पारकां विच्च बैठे लोक इक्क दूजे नाल आपणे दुख्ख सांझे करदे होए इह कहिंदे सुणे जांदे हन - की करीए, इत्थे आ के तां फस गए हां। पिछले दो साल तों साडा बंद पिआ घर खराब हो रिहा है। गुआंढीआं नूं चाबी फड़ाके आए होए हां। जिस नूं ज़मीन चगोते उत्ते दित्ती होई सी, उसने ज़मीन उत्ते कबज़ा कर लिआ है। उस नाल पंज साल तों अदालत विच्च केस चल्ल रिहा है।

किसे दी शिकाइत इह हुंदी है कि सारा कुझ वेचके पुत्तरां कोल आ तां गए हां पर हुण दोहां दीआं घर वालीआं सानूं झल्लण नूं तिआर नहीं। किराए दी बेसमैंट विच्च रहिंदे हां। कोई इह कहिंदा सुणिआ जांदा है कि मुंडा अते नूंह सारा दिन निआणे साडे कोल छड्डके डिऊटी ’ते चले जांदे हन, निआणे सारा दिन सांभणे औखे हो जांदे हन। नाले उनहां दे निआणे सांभो ते नाले उनहां दीआं रोटीआं पकाओ, जान साडी चलदी नहीं। डिऊटी तों आके पुत्तर अते नूंह आपणे कमरे विच्च वड़ जांदे हन, उनहां कोल नां साडे नाल गल्ल करन दा समां हुंदा है ते नां सानूं दवाई दिवाउण दा।

किसे दा दुख्ख इह हुंदा है कि पुत्तरां ते नूंहां दा जिंना मरज़ी करी जाओ, फिर वी उह कदे खुश नहीं हुंदे। जेकर बज़ुरग धी कोल चले जाण तां पुत्त अते नूंह दा मूंह विंगा हो जांदा है ते जेकर पुत्त ते नूंह कोल चले जाण तां धी उलांभे दिंदी नहीं थक्कदी। जिनहां पुत्तरां धीआं दे बज़ुरग उनहां कोल उनहां दे बच्चिआं नूं संभालण नां आउण तां उनहां दी हालत वेखण वाली हुंदी है। बच्चे पालण लई कदे मुंडे नूं आपणे मापिआं नूं बुलाउणा पैंदा है ते कदे उसदी पतनी नूं आपणे मापिआं नूं बुलाउणा पैंदा है। जदों बज़ुरग उनहां दे बच्चे पालण आ जांदे हन तां परिवार विच्च अड्ड तरहां दीआं समस्सिआवां खहड़ीआं हो जांदीआं हन। पुत्तां, नूंहां अते बज़ुरगां विच्च कई गल्लां नूं लैके टकराअ हो जांदा है। परिवार विच्च अशांती दा माहौल बण जांदा है। दोवें धिरां विच्च संवाद बंद होण दी नौबत वी आ जांदी है।

आपणिआं दे दुख्ख सुख विच्च शरीक नां होण सकण दी बेवसी विच्च बच्चिआं अते बज़ुरगां दी ज़िंदगी आपणे आप नाल समझौते करदिआं ही लंघ जांदी है। बज़ुरग अते उनहां दे बच्चे इक्क दूजे तों लख्खां मील दूर बैठे इक्क दूजे नूं मिलण लई तरसदे रहिंदे हन। प्रवास दे सभ्भिआचार कारन मुंडे कुड़ीआं दे रिशते नां होणा दोहां धिरां लई बहुत वड्डी चुणौती बणके रहि गिआ है किउंकि दोहां दे मनां विच्च अविशवास दी भावना पैदा हुंदी जा रही है। पता नहीं दोहां विच्चों कदों किसने धोखा दे जाणा है। आपणे ही रिशतेदार इह सोच के कि पता नहीं मुंडे कुड़ी नें पहिलां ही कोई संबंध नां बणाए होण, मुंडे कुड़ी दा रिशता करवाउण लई तिआर नहीं हुंदे। आपणे देश दे रुपइआं नूं डालरां नाल गुणा करके नौजवान मुंडे अते कुड़ीआं चाअ चाअ विच्च आ तां जांदे हन पर जदों आपणिआं तों दूर रहिंदिआं बीमे, घरां, गड्डीआं अते होर समान दीआं किशतां उतारदिआं उनहां दी ज़िंदगी कोहलू दे बैल वांग बण जांदी है तां मन विच्च इहो वलवला उठ्ठदा है कि कित्थे आ के फस गए हां, इसदे नालों तां उत्थे ही चंगे सी। घट्टो घट्ट कोई दुख्ख सुख्ख सुणन वला तां सी उत्थे, इत्थे तां कोई बुलाउंदा वी नहीं। पारकां पलाज़िआं, सैरगाहां ते जनतक थावां ’ते घुंमदे लोकां दे उदास अते उत्तरे होए चिहरे उनहां दी मनां दी दासतां बिआन कर रहे हुंदे हन पर इक्क दूजे नूं वेखो वेखी जीअ रहे हुंदे हन। पारकां विच्च अते होर थावां ’ते बैठे बज़ुरग पती पतनी अते नौजवान पती पतनी उस थां दा आनंद घट्ट माण रहे हुंदे हन, आपणीआं समस्सिआवां दी चरचा वध्ध कर रहे हुंदे हन। पारकां विच्च बच्चिआं नूं खिडाउण आए बज़ुरगां अते पतीआं पतनीआं दे कंनां तों फोन नहीं उत्तरदा किउंकि उह आपणे रिशतेदारां कोल आपणीआं समस्सिआवां सांझीआं कर रहे हुंदे हन। फोन करदे समें तां उह आपणे नाल लिआंदे बच्चिआं नूं वी भुल्ल जांदे हन।

कैनेडा विच्च वसदे इक्क अधिआपक वल्लों आपणे मरे होए बाप दे दाह संसकार ते उस नूं आपणे मोबाइल ’ते दित्ती जा रही शरधांजली दी सोशल मीडीआ ’ते वाइरल हो रही वीडीओ नें प्रवास दी ज़िंदगी दा पोल चंगी तरहां खोल्हके रख्ख दित्ता सी। पछ्छमी देशां विच्च बेरोज़गारी दा संताप भोग रहे, रोज़गार लभ्भ रहे, बेसमैंटां विच्च ज़िंदगी गुज़ार रहे, नां इत्थे रहिण जोगे ते नां ही मुड़ वापस जाण जोगे। मुंडिआं कुड़ीआं दी प्रवास दी ज़िंदगी दी तरासदी नूं इह वीडीओ बहुत चंगी तरहां बिआन करदी है।

कैनेडा सरकार वल्लों नित्त नवें लगाए जा रहे टैकसां, तेज़ी नाल वध रही महिंगाई, नौकरी तों कढ्ढे जाण दा डर, जुरमां, फ़िरौतीआं, चोरीआं, अत्तवाद दीआं वध रहीआं वारदातां, खामीआं भरपूर कानूंनां अते मालक मकानां अते किराएदारां दे वध रहे झगड़िआं नें प्रवासी लोकां दे मनां विच्च इस प्रवास दी ज़िंदगी प्रती अकेवां पैदा कर दित्ता है। पछ्छमी देशां विच्च पहड़न आए बच्चिआं दा नशिआं विच्च गलतान होणा, उनहां दे कतल होणा ते उनहां वल्लों खुदकुशीआं करना प्रवास दी ज़िंदगी प्रती कई खदशे पैदा कर रिहा है। सिहत सेवावां दा मंदा हाल, खामीआं भरपूर सिख्खिआ प्रणाली, पछ्छमी सभ्भिआचार विच्च फसके बागी हुंदे जा रहे बच्चे कमज़ोर कानूंन, नशिआं दा वध रिहा रुझान प्रवास दी ज़िंदगी बसर कर रहे लोकां दे मनां विच्च कई तरहां दे शंके खहड़े कर रिहा है। कैनेडा विच्च पिछले 40 साल तों पक्के तौर वस रहे लुधिआणे ज़िल्हे दे परिवार दे बज़ुरगां नें इस प्रवास दी ज़िंदगी तों अक्कके आपणे पुत्तरां धीआं नूं किहा कि तुसीं इत्थे रहिणा है तों रहो, असीं तां आपणा बुढ्ढापा आपणे मुलक विच्च ही गुजारांगे। अमरीका विच्च वसदे मेरे इक्क जाणकार दोसत दा कहिणा है कि इह वड्डे घर, शानदार गड्डीआं अते डालरां दी कमाई किस कंम दी जेकर बंदा आपणिआं दे रिशतिआं दे निघ्घ नूं मानण लई सारी उमर तरसदा रहे। प्रवास दी इह ज़िंदगी म्रिग त्रिशना तों वधके कुझ वी नहीं है।

* * * * *