अज्ज साडा लाहौर विच आख़री दिन सी। इह दिन वी असीं लेखे लग्गिआ वेखणा चाहुंदे सां। कसूर विच बाबे बुल्ल्हे शाह दा मज़ार देखण दी तांघ तड़पी तां मैं डा. जगतार नूं किहा कि उह ‘शाह जी’ नूं कहि के कार दा बंदोबसत करे। ‘शाह जी’ प्रमुख्ख उरदू अख़बार ‘नवाए वकत’ दा मुख कालम-नवीस होण करके उहदी कार विच लाहौरों बाहर निकलणा सानूं वधेरे सुरख्खिअत लग्गदा सी। उंज साडे नाल दे सारे लोक ही लाहौरों बाहर घुंम फिर रहे सन ते इक गरुप्प तां रावलपिंडी ते पंजा साहिब दी यातरा ‘ते वी निकल चुक्का सी। ‘‘कोई नहीं पुछ्छदा जी!’’ कहि के सारे तुरे फिरदे सन। असीं वी इस गल्ल तों हौसला फड़िआ पर फिर वी ‘नें जाणीएं’ वाले ख़तरे नूं साहमणे रख्ख के इक पत्तरकार दी कार विच जाणा सानूं ठीक लग्गा।
कल्ल्ह सवेरे अठ्ठ वजे ‘समझौता ऐकसप्रैस’ ‘ते असीं वापस आ जाणा सी, इस लई पुलीस वलों वापसी दी रवानगी वाला सरटीफिकेट वी अज्ज ही प्रापत करना ज़रूरी सी।
‘‘तुसीं मेरी रवानगी वी पुआ लिआओ! मैं उना चिर शाह जी नाल ताल-मेल काइम करदां’’, जगातर नें मैनूं ते रघबीर सिंघ नूं किहा।
‘‘पर उथे निजी रूप विच तुहाडी हाज़री ज़रूरी होवेगी!’’
‘‘लै… इह रवानगी तां थाणिओं ही पैणी आं ते हौलदार मजीद ते तेरा संधू भरा उथे ही होणे नें, फिकर काहदा!’’ जगतार नें भरोसे नाल किहा।
मैं ते रघबीर सिंघ दोवें किल्हा गुज्जर सिंघ थाणे पुज्जे तां अग्गे सच्चमुच्च हवालदार मजीद ही कुरसी ‘ते डटिआ बैठा सी। मैनूं पछाण के उहने पुरख़लूस अंदाज़ विच हत्थ मिलाउंदिआं किहा, ‘‘आओ संधू साहिब! फेर कल्ल्ह दीआं रवानगीआं नें?’’
मुसकराउंदिआं उस नें साडे हत्थों फारम फड़ लए। मैनूं इह चंगा लग्गा कि उस दिन दी छोटी जिही मुलाकात नूं, साडे एने लोकां दीआं मिलणीआं विच वी, उस नें याद रख्खिआ सी। इस अपणत्त भाव ‘चों मैं जगतार दे नां आ सकण बारे ते उस दा फारम वी तसदीक करन दी बेनती कीती तां उस नें उतशाह नाल आखिआ, ‘‘गल्ल ही कोई नहीं बादशाहो! तुसीं होर सेवा दस्सो।’’
उह फुट्टा ते पैनसल फड़ के रजिसटर उते साडे वेरविआं नूं दरज करन वासते ख़ाने बणाउण लग्गा। लिख लिख के सारी कारवाई मुकंमल करके जदों उस नें मेरे फारम दा पिछला पंना मोहर लाउण लई परतिआ तां हैरान होइआ, ‘‘तुसीं ऐस्स.ऐस्स.पी. दे दफतरों अंदराज करा के नहीं आए?’’
‘‘नहीं’’, मैं भोले-भाअ उत्तर दित्ता।
उह हस्सिआ, ‘‘पहिलां उथे जाणा सी। उनहां दी मनज़ूरी ते मोहर तों पिछ्छों ही असीं रवानगी परचा बनाउणा हुंदा है। चल्लो हुण वी कोई नहीं, तुसीं उथों हो आओ। एथों वाला कंम तुहाडा मुकंमल है, जदों उथों लिखवा लिआवोगे तां उहदे हेठां मैं लिखण लग्गिआं हुण अध्धा मिंट वी नहीं लाउणा। पर उथे इह नां दस्सिओ कि थाणे विचों तां असीं रवानगी पुआ वी लिआए हां नहीं तां साडी पुछ्छगिछ हो जाऊ कि बिनां वेखिआं ही असीं…’’
साडे कागज़ां दी पड़ताल कीते बिनां ही हवालदार मजीद वलों तुरंत ही साडे कागज़ पत्तर तिआर करन विच विखाई काहली नें साडे प्रती उहदे विशवास अते अपणत्त नूं ही तसदीक कीता सी। नहीं तां पुलसीआ की आख ते बिनां कागज़ां दी मीन-मेख कढ्ढण तों सुहिरद भाव नाल इंज कंम करना की आख!
असीं ऐस्स.ऐस्स.पी. दे दफतरों परत के मजीद तों दसतख़त करवाए ते उस दुआरा दिखाई खुल्ल्ह-दिली ते पिआर लई उस दा धंनवाद कीता।
‘‘इह तां साडा फरज़ ए बादशाहो। तुसीं साडे महिमान ओ… साडे भरा ओ…’’ उस नें उठ्ठ के साडे नाल गरमजोशी विच अलविदाई हत्थ मिलाइआ।
शाहताज होटल पहंुचे तां जगतार नें दस्सिआ कि ‘शाह जी’ नें डराईवर समेत कार भेज दित्ती है। कुझ ही पलां विच तिआर हो के असीं कसूर वल्ल चाले पा दित्ते। खुल्ल्ही वड्डी कार विच डराईवर दे नेड़े जगतार बैठा सी ते पिछ्छे रघबीर सिंघ, उस दी पतनी सुलेखा अते मैं। मेरा भावुक लगाओ तां समुच्चे पछ्छमी पंजाब नाल ही है पर विशेश तौर ‘ते लाहौर अते कसूर दे इलाके प्रती मेरी खिच्च वधेरे रही है। इस दा इक विशेश कारन इह वी है कि मेरा मौजूदा पिंड सुर सिंघ अते मेरे वडेरिआं दा पिंड भडाणा ज़िला लाहौर दी तहिसील कसूर दा ही हिस्सा रहे सन। इंज मैं आपणे वडेरिआं तों लाहौर ते कसूर नाल सबंधित अनेकां किस्से सुणे होए सन। मुकद्दमिआं दीआं तरीकां भुगतण जां होर कार-विहार लई कसूर जाण दीआं कहाणीआं, रसते विच आउंदे पिंडां दे वेरवे, उथों दे बंदिआं नाल सांझां कई कुझ मेरे अवचेतन विच वस्सिआ होइआ सी।
कार लाहौर दी हद्द पार करके कसूर वल्ल जा रही सी। सड़क उते अते आसे पासे दे पिंडां दे नां अते वेरवे मेरी चेतना विच घुंम रहे सन। कहानां-काछा, ललिआणी, राजा जंग। मैनूं जापदा सी मैं आपणी विछड़ी धरती तों सदीआं बाद किसे दूसरे जनम विच गुज़र रिहा हां।
मैनूं इस धरती तों किउं विछोड़ लिआ गिआ सी!
डराईवर नें टेप ‘औन’ कर दित्ती। नुसरत फतहि अली खां गा रिहा सी:
विगड़ गई ए थोहड़े दिनां तों
दूरी पई ए थोहड़े दिनां तों
की उह मैनूं सुणा के गा रिहा सी। इह किउं विगड़ गई सी। दूरी किउं पै गई सी? थोड़ेह दिनां तों किथे! इह तां उमरां बीत गईआं सन!
मैं उदास हो गिआ सां।
असीं कहानां नवां ते कहानां पुराणा कोलों गुज़र रहे सां। उदासी ‘चों निकलण लई मैं नज़ामदीन दा धिआन धर लिआ। पाकिसतान रेडीओ दा उह कलाकार पाकिसतान बणन पिछ्छों अटारी नेड़ले पिंड मोदे तों उठ्ठ के लाहौर जा वस्सिआ सी पर ख़ानदानी ज़मीन-जाइदाद उस दी कहाने ही सी। रेडीओ उतों चौधरी ते नज़ामदीन गल्लां कर रहे सन।
‘‘नज़ामदीन जी! अल्ला दे फ़ज़ल-ओ-करम नाल पाकिसतान दी सर-ज़मीं, इह खित्ता इसलामक सटेट तां असीं बणा लिआ पर हुण सानूं सच्चे-सुच्चे मुसलमान बणन लई वी सदा कोशिश करदे रहिणा चाहीदा है,’’ चौधरी नें आखिआ तां नज़ामदीन कहिण लग्गा:
‘‘इक कोशिश तां मैं वी कीती सी पर उस तों वड्डी कोशिश मेरे कुझ होर भरावां नें कर दित्ती। कहाने मेरी ज़मीन विचों सूआ लंघदा है। सूए दे कंढे मेरा छोटा जिहा बाग़ है। मैं सोचिआ वगदा राह है, आउंदे जांदे राहगीरां लई साह लैण ते छावें बहिण दा निक्का जिहा जुगाड़ ही कर छड्डां। मैं जी रुख्खां दी छावें इक तख़तपोश बणवा दित्ता, दो बैंच रखवा दित्ते, इक नलका लवा दित्ता। नेड़े गड़वा ते लोटा रख्खवा दित्ता। सफ़ां वी रख्ख दित्तीआं। सोचिआ, लंघदे आउंदे मुसाफिर नाले आराम करनगे, पाणी-धाणी पी लैणगे ते नाले जी चाहे तां वुज़ू करके नमाज़ पहड़ लैणगे। सवाब दा कंम सी जी। पर दो हफ़तिआं बाद जा के वेखिआ तां ‘सच्चे सुच्चे’ मुसलमान भरावां दी बदौलत नलके दी हत्थी, उतला कप्प जिहा, छोटे बैंच ते भांडिआं समेत सफ़ां वल्हेटीआं जा चुक्कीआं सन। मशीन पुट्टणी ते तख़तपोश चुक्कणा वधेरे बंदिआं दा कंम होण करके उह इह कंम अगले हफते उते पा गए नें।’’
‘‘बहुता माड़ी गल्ल ए जी!… एस कंम नूं तां पाकिसतान नहीं सी बणाइआ आपां’’, चौधरी आख रिहा सी।
मैं मन ही मन हस्सिआ, ‘‘साडे वल्ल वी अजिहे ‘सच्चे-सु्ुचे’ हिंदूआं सिख्खां दी घाट नहीं है। आख़र तां इक दूजे दे भरा ही हां।’’
कार सूए दे पुल्ल तों ‘शां’ करके लंघ गई। मैं सज्जे खब्बे दूर तक नज़ामदीन दा बाग़ लभ्भ रिहा सां।
कहाना लंघ के ललिआणी आइआ। सड़क ‘ते दोवें पासीं दूर तक साडे ‘रईआ’ कसबे वांग फैलिआ होइआ।
‘‘कसूर तां बिलकुल बाडर दे नेड़े जा पैंदा है’’, मैं आखिआ तां जगतार बोलिआ, ‘‘बिनां इजाज़त बाडर दे नेड़ले इलाके विच आउणा ख़तरनाक वी है।’’
‘‘आहो! किते जासूसी करन ‘च नां धर लए जाईए… मुड़ के जे बच गए तां जा के लिखदे फिरांगे ‘पाकिसतान विच मेरी कैद दे दिन।’ मैं हस्स के किहा।
किसे समें ज़िल्हा लाहौर दी तहिसील कसूर अज्ज कल्ल्ह इक पूरा ज़िल्हा है। इह लाहौर तों फ़िरोज़पुर जांदी सड़क ‘ते लाहौर तों लगपग चौती मील दूर दख्खण-पूरब विच सथित है। जिवें ‘लहावर’ तों बदल के ‘लाहौर’ बणिआ, इंज ही ‘कशावर’ तों बदल के ‘कसूर’ बणे दी रवाइत सदीआं तों चल्ली आउंदी है। भगवान राम दे पुत्तर ‘कशू’ वल्लों वसाइआ होइआ ‘कसूर’। पर इतिहास विच इस दा ज़िकर पंदरवीं सदी तों पिछ्छों ही लभ्भदा है जदों बाबर दे समें सगों बहुता करके अकबर दे समें 1560 ई: दे करीब इथे पठाणां दा कबज़ा सी।
जदों सिख्ख पंजाब विच इक ताकत बण के उभ्भर रहे सन, उस समें उनहां नूं कसूर दे पठाणां दे विरोध दा अकसर साहमणा करना पिआ। 1763 ते फिर 1770 विच भंगी मिसल दे सरदारां नें पूरे कसूर नूं आपणे कबज़े विच लै लिआ। बहुत वड्डी गिणती विच पठाण कतल कीते गए। इस ख़ानदान दे दो नुमाइंदे भरा निज़ाम-उद-दीन ख़ां अते कुतब-उद-दीन ख़ां आपणे हमलावर मालकां दी नौकरी करन लग्गे। पर उह एने उतशाही अते बहादर निकले कि कुझ सालां बाद 1794 विच उनहां नें सिख्खां नूं उखाड़ के मुड़ कसूर ‘ते पठाणां दा राज काइम कर लिआ। उह इस राज दे 1807 तक मालक रहे। 1807 विच रणजीत सिंघ दी वधदी ताकत दे जलौअ अग्गे कुतब-उद-दीन ख़ां नूं गोडे टेकणे पए ते कसूर सिख्ख राज दा अंग बण गिआ।
कसूर दे नेड़े पहुंचे तां मैं रघबीर सिंघ नूं जो पंजाबी गलप दा प्रमुख्ख आलोचक वी है ; किहा कि साडे महान ढाडी ते नावलकार सोहण सिंघ सीतल दे नावलां विच कसूर अते उस दे आले-दुआले दे पिंडां दा ही वरनण है। ‘तूतां वाला खूह’, ‘जुग बदल गिआ’, ‘पतवंते कातल’ आदि नावलां दे सभ वेरवे इसे ही खित्ते नाल सबंधित हन। उसदा पिंड ‘कादीविंड’ वी कसूर दे नेड़े ही सी।
‘‘हां, इह सारा इलाका तां सीतल दीआं अख्खां राहीं अनेकां वार वेख चुक्के हां, इह तां आपणा ही इलाका लग्गदा है।’’ उस दी गल्ल ठीक सी। मैनूं वी लग्गदा सी कसूर दे बाज़ारां विच किधरे धंने शाह दी दुकान होवेगी। हुणे उहदी दुकान तों उहदा लंगोटीआ लख्खा सिंघ बाहर निकल रिहा होवेगा।
असीं कसूर दे बज़ारां विच वड़े सां। गहिमा-गहिमीं नाल भरे छोटे बाज़ारां ‘चों गुज़रदिआं असीं गौरमिंट हाई सकूल दी इमारत कोलों गुज़रे। इसे सकूल विच सोहण सिंघ सीतल पहड़दा रिहा सी। अग्गे इंटरनैशनल रेंजरज़ खड़ोते सन। बारडर दी सुरख्खिआ लई ज़िंमेवार। असीं डरे ‘‘जे इनहां नें पुछ्छ लिआ।’’
उनहां नें सानूं वेख तां लिआ पर किहा कुझ नां।
इक भीड़ नाल भरे लंमे बाज़ार विचों लंघदिआं डराईवर नें गड्डी साईं बुल्ल्हे शाह दी यादगार अग्गे जा खहड़ी कीती।
असीं कार तों उतर के उस छोटे जिहे कंपलैकस विच दाख़ल होए तां मंगतिआं ते फ़कीरां दी इक भीड़ डूंमणे दीआं मख्खीआं वांग साडे वल्ल उलरी। इनहां मंगतिआं विच ठीक दिख्ख वाले ते जचदे कप्पड़िआं वाले मुंडे वी सन। अजिहे मंगते लाहौर विच वी बहुत वेखण नूं मिलदे नें। असीं उनहां तों किसे नां किसे तरहां खहिड़ा छुडा के, किसे नां किसे नूं कुझ दे के, अग्गे मुख्ख दरवाज़े  उते पुज्जे तां दरवाज़े कोल इक विअकती ढोलक दी थाप नाल बाबा बुल्ल्हे शाह दा कलाम गा रिहा सी:
‘‘बुल्ल्हा की जाणा मैं कौण’’
मैं उस नूं नमसकार वजों कुझ माइआ भेट कीती। इक भावुक तरंग मेरे अंदर उमडी। बाबे नें तां किहा सी कि मैनूं पता ही नहीं मैं कौण हां! मैं तां आपणी पछाण विच रुझिआ होइआ हां पर दूजे पासे असीं हां कि असीं पूरे ज़ोर नाल कहिंदे हां कि असीं जो कुझ हां, सानूं इस दी चंगी तरहां पछाण है ते पता है कि असीं ऐहो कुझ हां। हिंदू, सिख्ख जां मुसलमान, असीं आपणी पछाण बणा लई है। इसे पछाण लई लड़दे हां, मरदे हां।
रमज़ान दे महीने दी उह कहाणी याद आई जदों बुल्ल्हे शाह आपणे हुजरे विच बैठे सन। उनहां नें कुझ गाजरां आप खाधीआं ते कुझ आपणे मुरीदां नूं खाण लई दित्तीआं। जदों मुरीद हुजरे तों बाहर बैठे गाजरां खा रहे सन तां कोलों घोड़िआं उते कुझ हट्टे-कट्टे पठाण लंघे। उनहां रोज़ादारां नें मुरीदां नूं पु्ुछिआ :
‘‘रमज़ान दे दिन हन ते बेशरमों तुसीं लपर लपर गाजरां डफ्फ रहे ओ।’’
‘‘भुख्ख लग्गी सी तां खांदे सां!’’
‘‘पर तुसीं हुंदे कौण ओ?’’
‘‘मुसलमान।’’
खिझ्झ ते गुस्से नाल उब्बलदे घोड़-सवारां नें उनहां मुरीदां नूं चंगा कुटापा चाहड़िआ, ‘‘मुसलमान हो के शरेहआम इसलामी नेमां नूं तोड़ रहे ओ!’’
जाण लग्गे तां ख़िआल आइआ, इनहां दे पीर दी वी ख़बर लईए। जेहे चेले तेहा ही गुरू होवेगा!
बुल्ल्हे शाह आपणे हुजरे विच बैठा बंदगी विच लीन सी। घोड़-सवारां दे सरदार नें गुस्से नाल उस नूं पु्ुछिआ, ‘‘उए तूं कौण एं?’’
अख्खां मीटी बैठे बुल्ल्हे शाह नें बाहवां असमान वल्ल उठा के हत्थ हिला दित्ते। बोलिआ कुझ नां!
‘‘दस्सदा नहीं! तूं हुंदा कौण एं उए?’’
बुल्ल्हे शाह नें ‘बुल्ल्हा की जाणा मैं कौण’ दे अंदाज़ विच फिर बिनां बोलिआं बाहवां असमान वल्ल कर के हत्थ हिला दित्ते।
‘‘चल्लो छड्डो! कोई दीवाना जापदा है।’’ घोड़ सवार इह कहिंदिआं अग्गे निकल गए तां हैरान होए मुरीद हुजरे अंदर आ वड़े ते पुछ्छिआ, ‘‘सानूं उनहां कुटापा चाहड़िआ। तुहानूं कुझ वी नहीं आखिआ। असीं तां रोज़ा तोड़ के इक गुनाह कीता सी पर तुहाडा तां दूहरा गुनाह सी। तुसीं रोज़ा तोड़िआ वी ते तुड़वाइआ वी। तुहानूं उनहां कुझ वी नहीं किहा।’’
‘‘उनहां तुहानूं की पुछ्छिआ सी?’’ साईं नें सवाल कीता।
‘‘पुछ्छदे सन, तुसीं कौण हुंदे ओ?’’
‘‘तुसीं की किहा?’’
‘‘असीं किहा, असीं मुसलमान हुंदे आं।’’
बुल्ल्हे शाह नें हस्स के किहा, ‘‘कुझ बणे ओं तदे तां मार खाधी जे! असीं कुझ वी नहीं बणे, सानूं किसे कुझ वी नहीं किहा।’’
ढोलकी दी थाप ‘ते बुल्ल्हे शाह दी आवाज़ अजे वी मेरे पिछ्छे-पिछ्छे आ रही सी, ‘‘बुल्ल्हा की जाणा मैं कौण!’’
खुल्ल्हे सिहन विच कई कबरां सन, असमान दी नंगी छत्त हेठां पर बाबा बुल्ल्हे शाह दी मज़ार दे सिर ‘ते छत्त  सी, जिस दे अंदर दाख़ल होण वाले दरवाज़े ‘ते फ़ारसी अख्खरां विच लिखिआ होइआ सी :
‘‘सज्जदा सिरफ अल्ल्हा के लीए है
दरगाह शरीफ़ मैं औरत का दाख़ला ममनूह है।’’
इसलाम विच बुत्त पूजा ते विअकती पूजा मनहा होण करके ही एेथे चेता करवाइआ गिआ सी कि बुल्ल्हे शाह नूं कीता जाण वाला सज्जदा असल विच बुल्ल्हे शाह प्रती नहीं, अल्ल्हा प्रती है पर मैं तां बुल्ल्हे शाह नूं ही सज्जदा कर रिहा सां। उहदी शाइरी नूं! उहदी वडिआई नूं, जिस विच ख़ुद रब्ब बोलदा सी।
दरगाह विच औरत दा दाख़ला मनहा होण करके साडे नाल गई बीबी सुलेखा नूं बाहर ही ठहिरना पिआ। दरगाह  दी इक दीवार ‘चों अंदर वल्ल खुल्ल्हदी इक बारी ‘चों अंदर वल्ल मंूह करके इक अध्धखड़ औरत दरगाह विच बैठे बंदे नाल गल्लीं रुझ्झी होई सी ते सानूं अकीदत प्रगटाउंदिआं वी देख रही सी। उह सानूं कहिण लग्गी, ‘‘असीं ‘सरकार’ दे गद्दी नशीन हां।’’
दीवारां उते अंदर बाहर बुल्ल्हे शाह दा कालम फ़ारसी लिपी विच अंकित सी।
ढोला आदमी बण आइआ
अबील कबील आदम दे जाए
आदम किस दा जाइआ
बुल्ल्हा उनहां तों वी अग्गे
दादा गोद खिडाइआ।
…‥
तुसीं हर रंग दे विच वस्सदे हो
…‥
इशक दी नवीओं नवीं बहार
बाहरलीआं दीवारां ‘ते लिखे कलाम नूं मैं नोट-बुक्क ‘ते लिख रिहा सां। किते किते पहड़न विच आ रही मुशकल जगतार ते रघबीर सिंघ हल्ल कर रहे सन। बुल्ल्हे शाह ‘सरकार’ दी गद्दी नशीनी वाले परिवार दी औरत साडे कोल आई ते आउंदिआं ही सवाल कीता, ‘‘तुहाडे ओधर सरकार नें तुहाथों गुरदुआरे खोह लए नें?’’
‘‘नहीं…गुरदुआरिआं दा प्रबंध ते गुरदुआरिआं दी सांभ-संभाल इस मकसद लई बणी कमेटी करदी है।’’
प्रेशान जापदी उह साडा जवाब सुण के होर वी प्रेशान हो गई, ‘‘साडे कोलों तां एधर सरकार नें दरगाहां खोह के आपणे कबज़े विच कर लईआं नें। असीं गद्दी नशीन आं ते साडा एथे कोई कंटरोल नहीं। असीं हत्थल होए बैठे आं। सरकारां नें नवें ई कानूंन बणा धरे नें।’’
ज़ाहिर सी कि पाकिसतान सरकार नें दरगाहां उतों ख़ानदानी कंटरोल हटा के उनहां दी सांभ संभाल ते चहड़ावे लैण दी डिऊटी आप संभाल लई सी पर जिनहां कोलों इह गद्दी खुस्सी सी, उनहां नूं आपणी शान अते माण खुस्स गिआ जापदा सी।
फिर उह सहिज हो के कदे कसूर विच वस्सण वाले हिंदूआं-सिख्खां नाल आपणी सांझ दा ज़िकर छेड़ बैठी, ‘‘भाबड़ा देव राज साडे गुआंढ हुंदा सी। दीवाली उते खोए दी मठिआई सानूं बच्चिआं नूं खुआउणी। मोती लाल खत्तरी हुंदा सी, बड़े वड्डे मकानां वाला। सभ नाल साडा बड़ा मोह पिआर सी। साडे कसूर दे कुझ बंदे खालड़े ते नारली जा बैठे नें।’’
उह पुराणीआं समिआं विच गवाच गई।
आपणी शरधा प्रगटा के वापस परते तां दरवाज़े ‘ते बैठा गाइक आपणी मसती विच गा रिहा सी :
‘‘घड़िआली दिओ निकाल नी,
अज्ज पी घर आइआ लाल नी।’’
दरवाज़े दे बाहर ही कसूरी मेथी ते महिंदी विक रही सी। सुलेखा नें कसूर दीआं इह दोवें विशेश चीज़ां ख़रीदीआं। बचपन तों सुरिंदर कौर नूं गाउंदिआं सुणदे आए सां :
‘जुत्ती कसूरी पैरीं नां पूरी
हाए रब्बा वे सानूं तुरना पिआ।’’
मैं ऐलान कीता, ‘‘बई मैं कसूरी जुत्ती ज़रूर ख़रीदणी है।’’
‘‘ठीक ए!’’ सुलेखा नें हामी भरी, ‘‘मैं वी आपणे ते साहब लई वेख लवांगी।’’
‘‘उए! आपां बिनां मनज़ूरी तों फिरदे आं। वेखिओ किते पंगा नां पुआ लिओ।’’ जगतार नें चितावनी दित्ती।
कार वल्ल वधण लग्गे तां मंगतिआं दी भीड़ फिर हमलावरां वांग उलरी। उनहां दी साडे तों कुझ लैण दी आस जाइज़ सी पर पंझी तीह मंगतिआं दी भीड़ नूं ख़ुश करना साडे वस्स नहीं सी। मेरे कोलों तां पाकिसतानी करंसी दे पंज-दस रुपए दे छोटे नोट ख़तम हो गए सन। एने नूं इक फ़कीर नें उच्ची नाअरा मारिआ :
‘‘नानक शाह!
गोबिंद पीर!!’’
उस नें साडी अंदरली नाड़ नप्पणी चाही सी। मैनूं उस दे मूंहों नानक ते गोबिंद दा नाम लैणा चंगा लग्गा। मैं रघबीर सिंघ नूं किहा, ‘‘इस नूं ज़रूर कुझ नां कुझ दिओ, इस नें साडे गुरूआं दे नां ‘ते मंगिआ है।’’
मैं अंदरे अंदर हैरान वी होइआ। धारमिक संसकार किवें साडी धुर आतमा दे हेठां लुके बैठे हुंदे नें। मैं सोचिआ बुल्ल्हे शाह वी साडा सी पर नानक ते गोबिंद ते नां ‘ते मैं किउं हलूणिआ गिआ सां। की उह मेरे वधेरे आपणे सन। इंज ही जदों नज़ामदीन रेडीओ उते गल्लबात करदिआं कदी कदी, ‘‘मंदे कंमीं नानका, जद कद मंदा हो’’ जां ‘‘कूड़ नखुट्टे नानका ओड़क सच्च रही’’ किहा करदा सी तां मैनूं उस उते वी लाड आउंदा सी।
लंमे हरे चोले ते गल विच मोटे रंगदार मणकिआं वाली माला वाले उस फ़कीर दिसदे बंदे नें रघबीर सिंघ नूं परस खोल्हदिआं वेखिआ तां हत्थ फैला के खलो गिआ। रघबीर सिंघ दे हत्थ विच नोट फड़िआ वेख के दरजन तों वधेरे हत्थ इकठ्ठे उहदे हत्थों नोट खोहण लई लपके। रघबीर सिंघ नें फ़कीर नूं देण लई नोट दूजिआं तों बचा के हत्थ उच्चा कीता। उछ्छल उछ्छल के इक जणे नें लगपग उस दे हत्थों नोट खोह ही लैणा सी कि उस फ़कीर नें बिजली जिही फुरती नाल सारिआं नूं धक्के मार के पिछ्छे कीता ते उस मुंडे नूं धौणों फड़ के वगाह के मारदिआं किहा, ‘‘तेरी ओए मैं भैण नूं…’’
उस नें रघबीर सिंघ हत्थों नोट झपट लिआ तां भीड़ नें फिर सानूं घेर लिआ। असीं तुरंत जान बचा के कार विच बैठ गए ते कार दे शीशे चहड़ाउंदिआं डराईवर नूं छेती-छेती कार तोरन लई किहा।
मंगतिआं दी भीड़ कुझ देर कार दे नाल हत्थ फैला के दौड़दी रही।
‘‘पाकिसतानी रेंजरां नालों तां इह मंगते वधेरे ख़तरनाक निकले।’’ मंगतिआं तों सुरख्खिअत दूरी ‘ते पुज्ज के मैं लंमा साह लैंदिआं डराईवर नूं किहा ‘‘लै बई भरावा! हुण किसे उस बाज़ार विच लै के जाह जिथे तिल्ले दी पूरी कढाई वालीआं कसूरी जुत्तीआं विकदीआं नें।’’
असीं इक दुकान विच वड़े। मैं आपणे लई इक सोहणी तिल्लेदार जुत्ती वेखी। सुलेखा नूं किहा कि उह मेरी पतनी ते धीआं वासते ज़नाना जुत्तीआं ख़रीदण विच मेरी मदद करे।
‘‘छेती-छेती करो यार… किते काबू नां आ जाईए।’’ जगतार ज़ोर दे रिहा सी।
उस दी काहली वेख के असीं दुकानदार नूं होर वी जलदी करन लई किहा। सुलेखा नें आपणे लई वी जुत्तीआं खरीदणीआं सन पर पहिलां उह मेरे लई जुत्तीआं वेख रही सी। जुत्तीआं पसंद करके ते मुल्ल करके हटे तां सुलेखा नें दुकानदार नूं आपणे वासते कुझ जोड़े विखाउण लई किहा। जगतार कहिण लग्गा, ‘‘सुलेखा की करदी एं। छड्ड जुत्तीआं। मुड़ के कोई गल्ल हो गई तां। एथे कोई ज़मानत देण वाला वी नहीं।’’
उह गुस्से नाल दुकान ‘चों बाहर निकल तुरिआ तां रघबीर सिंघ वी सुलेखा नूं कहिण लग्गा, ‘‘चल्ल छड्ड राणी रहिण दे।’’
निराश सुलेखा साडे पिछ्छे-पिछ्छे दुकान दीआं पौड़ीआं ‘चों उतर आई।
असीं कार विच बैठ के वापसी चाले पा दित्ते। बाज़ार विच साडे वफ़द दे कुझ सरदार शरेहआम घुंम के शापिंग कर रहे सन। सुलेखा नें उनहां वल्ल हसरत नाल वेखिआ ते हौली जिही फुसफुसाई, ‘‘औहनां नूं तां कोई कुझ नहीं कहिंदा।’’ रघबीर सिंघ नें हौली जिही उस नूं चुप्प रहिण लई किहा।
भीड़ भरे बाज़ारां ‘चों लंघदी होई कार सड़क ‘ते आ चहड़ी। इसे सड़क तों चल्ल के ही साडा मासटर मुलख़ राज लाहौर गिआ सी, इक सकाऊट दे रूप विच्च, जो उनही दिनी कसूर दे नारमल सकूल विच पहड़िआ करदा सी ते जिनहां दी सकाऊट टोली नें होरनां सकूलां दे सकाऊटां समेत लाहौर आ रहे वाइसराइ दा सवागत करना सी। बड़ा वड्डा जलूस सी। विदिआरथीआं नें हत्थां विच्च ‘यूनीअन जैक’ फड़े होए सन। उह बादशाह सलामत दी बादशाही वधण-फुल्लण  लई नाअरे ला रहे सन। उह अते उहदा पिआरा यार मरहाजदीन ‘यूनीअन जैक’ फड़ी विदिआरथीआं दे अग्गे अग्गे सन। अचानक इक गली विच्चों कुझ नौजवान निकले ते उनहां नाअरे लाउणे शुरू कर दित्ते।
‘‘अप्प! अप्प! दी नैशनल फलैग’’
‘‘डाऊन! डाऊन!! दी यूनीअन जैक’’
मुलख़ राज आखदा हुंदा सी कि नाअरे लाउण वाले जलूस दा आगू स. भगत सिंघ सी। उस नें बांह उलार के नाअरा लाइआ :
‘‘अप्प! अप्प!! दी नैशनल फलैग’’
‘‘डाऊन! डाउून!! दी यूनीअन जैक’’
मुलख़ राज नें मरहाजदीन वल्ल वेखिआ। दोहां दीआं अख्खां मिलीआं ते अख्खां ही अख्खां विच जिवें उनहां नें कोई फ़ैसला कर लिआ। उनहां नें हत्थां विच फड़िआ ‘यूनीअन जैक’ मूधा कर दित्ता। इस दी सज़ा वजों वज्जे बैंतां नाल कई दिन उनहां दोहां दे हत्थ सुज्जे रहे सन पर उह ख़ुश सन कि उनहां नें ‘यूनीअन जैक’ ‘नीवां’ कर दित्ता सी।
पर मुलख़ राज ते मरहाजदीन नें ‘यूनीअन जैक’ इस लई तां ‘नीवां’ नहीं सी कीता कि उनहां नूं आपस विच मिलण तों ही वरज दित्ता जावे। इसे ही सड़क ते रात-बराते भगत सिंघ ते उस दे साथीआं दीआं लाशां नूं लिजा के सतलुज दे कंढे हुसैनीवाला विखे साड़िआ गिआ सी। इसे ही सड़क तों संताली विच ‘गंडा सिंघा’ दे काफ़ले लंघे सन रोंदे कुरलाउंदे होए जिनहां नूं राह विच अगों ‘हुसैन’ हुरां दे विलकदे काफ़ले टक्करे सन पर कढ्ढे जाण दे बावजूद पाकिसतान वाले पासे ‘गंडा सिंघ वाला’ रहि गिआ सी ते हिंदुसतान वाले पासे ‘हुसैनी’ वाला है। गंडा सिंघ ते हुसैन दोवें सरहद्द दे आर-पार इक दूजे नूं मिलण लई बाहवां अड्ड के विलक रहे सन।
नुसरत फ़तहि अली दी आवाज़ कार विच गूंजण लग्गी :
‘‘दिल मर जाणे नूं की होइआ सज्जणा!
कदी वी नहीं अज्ज जिंना रोइआ सज्जणा!’’
की नुसरत वी मेरे चुप्प अत्थरूआं दी गल्ल कर रिहा सी। गंडा सिंघ ते हुसैन दे दरद दी कहाणी पा रिहा सी।
‘‘मैं इह गीत सुण के उदास हो गिआं।’’ रघबीर सिंघ नें अचानक किहा। की उह वी मेरे वांग ही सोच रिहा सी?