पंजाब विच्च धरती हेठला पाणी ख़तम हो रिहा है। इसदे कारनां दी घोख करन अते पाणी विच्च वाधे लई ढंग तरीकिआं बारे विचार विटांदरा करन दी थां सारा भांडा किसानां दे सिर भंनिआ जा रिहा है। की पंजाब विच्च हो रही पाणी दी घाट लई केवल किसान ही ज़िंमेवार हन? किसान तां अंनदाता है। आप भावें ढिड्डों भुख्खा रहे पर लोकाई दा ढिड्ड ज़रूर भरदा है। उह तां कुदरत दे नेड़े है अते पाणी नूं देवता मंनदा है। पाणी दी बरबादी जां इस नूं गंधला करन बारे उह कदे सोच वी नहीं सकदा। उस दा कित्ता ही अजिहा है, होर किसे कित्ते विच्च इंनी मिहनत नहीं करनी पैंदी। इसदे नाल ही कुदरत दी मार वी उसे नूं सभ तों वध्ध झल्लणी पैंदी है। किसान पाणी दी वरतों अनाज पैदा करन लई करदा है साडे वांग उस दी बरबादी नहीं करदा। उह जदों खेत नूं पाणी लगाउंदा है तां लगभग अध्धा पाणी मुड़ धरती हेठ चला जांदा है। इक्क हिस्सा भाफ बण के उडदा है ते मुड़ शुध्ध हो के वरखा दे रूप विच्च वापस धरती नूं सिंजदा है ते बाकी पाणी दाणिआं अते नाड़ दे राहीं मनुख्ख ते पशू खांदे हन।

साडे माहिर सारे फसाद दी जहड़ झोने नूं मंनदे हन। इत्थे इह दस्सणा उचित होवेगा कि झोना पंजाब दी रिवाइती फसल है। चौलां दा गुणगाण तां वेदां विच्च वी कीता गिआ है। मक्की बाहरों आई फसल है। वारस शाह नें आपणी हीर विच्च बासमती दीआं वीह तों वी वध्ध किसमां दा ज़िकर कीता है। जदों सिंचाई दे साधन खूह सन उदों साउणी विच्च बहुत घट रकबे विच्च फसल बीजी जांदी सी। निआईं विच्च मक्की, कमाद, कुझ दालां, सबज़ीआं ते चरही जां बाजरा। बहुती धरती खाली ही रख्खी जांदी सी। मींह पैण ’ते उस दी मुड़ मुड़ वहाई कीती जांदी सी। हाहड़ी दी बिजाई लई बारश पिछ्छों खेत विच्च गिल्ल दब्ब लई जांदी सी। नीवें खेतां विच्च झोने दी बिजाई कीती जांदी सी। उदों बरसात बहुत हुंदी सी। हफते हफते दीआं झड़ीआं लग्गदीआं सन। जदों पाणी दी सहूलत होई तां किसान नें साउणी विच्च वी पूरी फसल बीजणी शुरू कर दित्ती। किसान सभ तों वध्ध मिहनत करदा है। सभ तों वध्ध खतरे सहेड़दा है पर फिर वी उस दा गुज़ारा मुशकिल नाल हुंदा है। इह झोने दी फसल ही है कि किसान दे घर चुल्ल्हा मघदा है। झोना साउणी दी सभ तों घट खतरे वाली फसल है। जेकर इसदी लुआई 20 जून तों पिछ्छों कीती जावे तां माहिरां अनुसार वरते पाणी ते उपज दा आपो विचला अनुपात झोने दा सभ तों वध्ध है। तिंन महीनिआं दी फसल ते 35 कुइंटल तों वध्ध इक्क एकड़ विच्चों झाड़ प्रापत हो जांदा है।

इस विच्च कोई शक्क नहीं कि झोने हेठ कोई दस लख्ख हैकटर धरती कढ्ढ के दूजीआं फसलां हेठ लिजाण दी लोड़ है। की किसे माहिर नें दस्सिआ है कि उस दस लख्ख हैकटर विच्च की बीजिआ जावे? असल विच्च कोई सरकार नहीं चाहुंदी कि झोने दी पैदावार घट्ट कीती जावे। हरेक वरहे केंदर सरकार राजां नूं पैदावार दे टीचे दिंदी है ते इस विच्च हरेक वार वाधा कीता जांदा है। वाही हेठ धरती घट रही है जदों कि अबादी विच्च वाधा हो रिहा है। देश दी सारी वसों नूं रज्जवीं रोटी अजे वी नसीब नहीं हो रही है। पंजाब सरकार नें गरमीआं विच्च मूंगी बीजण नूं उतशाहित कीता है। इस नाल किसान दी आमदन तां भावें वध जावे पर पाणी दी बरबादी तां हुंदी है। इह समरथन मुल्ल मुख्ख मौसम दी मूंगी ते मक्की लई देणा चाहीदा है। पाणी बारे किसे विदवान नें तां इत्थों तक लिख दित्ता है कि 90% पाणी दी वरतों किसान ही करदे हन। शाइद उह भुल्ल गिआ कि किसानां दे 14 लख्ख टिऊबवैल हन जिहड़े साल विच्च छे कु महीने ही चलदे हन। जदों कि गैर किसानी खेतर विच्च 25 लख्ख टिऊबवैल हन। जिहड़े आकार विच्च वी वड्डे हन ते दिन रात चलदे हन। घरां विच्च पाणी दी वरतों समें कोई संजम नहीं वरतिआ जांदा। अज्ज तों अध्धी सदी पहिलां जदों सूबे दी आबादी इक्क करोड़ तों घट्ट सी तां पाणी दी वरतों संजम नाल कीती जांदी सी। घर विच्च सारे दिन विच्च मसां तिंन चार घड़े पाणी दी वरतों हुंदी है। मरद सारे खूहां ’ते जा के नहाउंदे सन ते औरतां इक्क बालटी नाल नहा लैंदीआं सन। हुण अबादी तिंन करोड़ होण वाली है। घरां विच्च टुट्टीआं, फलश्श, बाथरूम, धो धुआई ते गड्डीआं दी धुआई लई पाणी दी अंनेवाह बरबादी कीती जा रही है। इस नूं रोकण दी लोड़ है किउंकि बरबादी गैर खेती खेतर विच्च हुंदी है ते सज़ा किसान नूं भुगतणी पैंदी है। इवें ही घरां, कारां, दुकानां, दफतरां सभ थांईं ए सी लग्गे हन। इस नाल आलमी तपश विच्च वाधा हो रिहा है। नुकसान किसान दा हो रिहा है। इस वार कणक दे घटे झाड़ दा इहो ही कारन है।

जेकर पाणी दी बच्चत करनी है तां इस पासे संजीदा यतन होणे चाहीदे हन। घरां विच्च पाणी दे मीटर लगाए जाण ’ते मित्थे समें ’ते ही पाणी दित्ता जावे। किसान तों मक्की, दालां दी खरीद कीती जावे तां जो उह उच्चीआं ते रेतलीआं धरतीआं विच्च झोने दी खेती नां करे। धरती हेठ पाणी भेजण लई इमानदारी नाल यतन कीते जाण। धरती हेठ पाणी दा कोई भंडार नहीं है। इह तां बरसात ते दरिआवां राहीं भंडार बणाइआ जांदा है। मालवे ते बहुते इलाके विच्च तां हुण वी पीण वाला शुध्ध पाणी नहीं मिलदा है। जदों सिंचाई हलटां नाल हुंदी सी उदों वी गरमीआं विच्च खूहां दा पाणी हेठां चला जांदा सी ते वाधू टिंडां पाउणीआं पैंदीआं सन। कई वार तां खूह सुक्क जांदे सन ते मींह पैण नाल मुड़ भरदे सन। पंजाब विच्च कैरों साहिब नें इस समस्सिआ दे हल्ल लई पंजाब दे लगभग हरेक खेत तीक नहिरी पाणी पहुंचाइआ सी। इनहां नहिरां दी बदौलत ही धरती हेठ पाणी दे भंडार विच्च वाधा होइआ सी। जेकर टिऊबवैल नां लगदे तां पंजाब दे बहुते हिस्से विच्च सेम हो जाणी सी। हुण वी सानूं इह नहिरां ते खालिआं नूं बरसात तों पहिलां साफ करवा के पाणी नाल भरना चाहीदा है। बरसात विच्च दरिआ पाणी नाल भर जांदे हन। इस करके सारीआं नहिरां विच्च पाणी छड्डिआ जा सकदा है। अग्गे पिंडां शहिरां विच्च तलाब ते टोभे हुंदे सन। सड़कां वी कच्चीआं सन। इंझ पाणी धरती हेठ चला जांदा सी हुण टोभे पूर दित्ते गए हन। सड़कां पक्कीआं हो गईआं हन। इस करके बरसात दे पाणी नूं धरती हेठ भेजण लई सरकार वल्लों विशेश प्रोगराम उलीकणा चाहीदा है। टोभिआं नूं मुड़ सुरजीत करन दी लोड़ है।

हुण पाणी दे गंदे होण बारे चरचा करदे हन। इसदा दोशी वी किसान नूं ही बणाइआ जा रिहा है। इस विच्च कोई शक्क नहीं कि खेती विच्च ज़हिरां दी वरतों घट्ट करन दी लोड़ है पर इह पाणी विच्च घुलदीआं नहीं हन। पाणी नूं तां शहिरी लोक गंदा करदे हन। लुधिआणे कोल वगदा बुढ्ढा दरिआ गंदा नाला बण गिआ है। इह ज़हिरीला पाणी सतलुज विच्च पैंदा है ते उत्थों नहिरां राहीं मालवे ते राजसथान नूं जांदा है। लोकीं इसे ज़हिरीले पाणी नूं पींदे हन। इस इलाके नूं कैंसर पट्टी इसे पाणी नें बणाइआ है। अध्धी सदी तों रौला पै रिहा है पर अजे तक इस गंदे पाणी नूं सतलुज विच्च जाण तों रोकिआ नहीं गिआ। इस नूं साफ करके सिंचाई लई वरतण दा वी कोई यतन नहीं होइआ। बहुते घरां विच्च गरकी टौइलटां हन। इह सारा गंद धरती हेठ पाणी नूं गंदा करदा है। बहुतीआं फैकटरीआं दा गंदा पाणी इवें ही धरती हेठ भेजिआ जांदा है। इस बारे कदे चरचा नहीं होई। जेकर असीं सच्चमुच्च चाहुंदे हां कि पाणी दी बच्चत होवे ते इस नूं गंदा होण तों रोकिआ जावे तां सरकार ते लोकां दे सहियोग नाल इक्क कारजकारी योजना बणाई जावे ते उस उत्ते संजीदगी नाल यतन कीते जाण। केवल किसानां दे सिर दोश महड़न नाल कोई सुधार नहीं होवेगा। किसान दी तां वाही हेठ धरती हर साल घट रही है ते असीं उस नूं खाली रख्खण दी सलाह दे रहे हां। इस शाइद संभव नहीं होवेगा। सानूं सारिआं नूं आपणे अंदर झात मारनी चाहीदी है। सरकारी यतन ते लोकां दे सहियोग नाल ही इस गंभीर मसले दा हल्ल लभ्भिआ जा सकदा है। किसान जथेबंदीआं दा वी फरज़ बणदा है कि नहिरी प्रबंध नूं मुड़ के चालू करवाउण। इस नाल जित्थे धरती हेठ पाणी जावेगा, उत्थे टिऊबवैल बंद हो जाणगे। पाणी ते बिजली दी बच्चत होवेगी। घट रहे पाणी अते वध रही आलमी तपश दा सभ तों वध्ध नुकसान किसानां नूं ही होवेगा। किसान जथेबंदीआं सरकार नूं इस पासे फौरी कदम चुक्कण लई मजबूर कर सकदीआं हन। अजिहा कीतिआं किसानां दे हक्कां दी सभ तों वधीआ ढंग नाल राखी हो सकेगी।