उदों मैं नौंवीं जमात विच्च पहड़दा सी। मैनूं दूजे विशिआं दे मुकाबले हिसाब दा विशा थोहड़ा जिहा औखा लग्गदा सी। साडे हिसाब विशे दे अधिआपक थोहड़े मिहनती घट्ट सन। जेकर कोई बच्चा उनहां नूं हिसाब दा सवाल दुबारा समझाउण लई कहि दिंदा तां उह अग्गों उस बच्चे नूं इह कहिके बिठा दिंदे कि तैनूं इक्क वार समझाउण ’ते समझ किउं नहीं आई, जमात दे किसे बच्चे तों समझ लै। दूजी वार वी कहिण ’ते वी उह बच्चिआं दी गल्ल नहीं सुणदे सन। मैं इक्क दिन पिता जी नूं किहा कि साडा गणित अधिआपक बहुता मिहनती नहीं, दूजे सैकशन दा गणित अधिआपक बहुत मिहनती है। सकूल मुखी साडी दुकान ’ते आउंदे रहिंदे हन, तुसीं उनहां नूं कहिके मेरा सैकशन ही बदला दिओ। पिता जी नें अग्गों किहा, “काका, तेरी जमात दे बाकी बच्चे वी तां उसे जमात विच्च पहड़दे हन। मिहनत तूं आप नहीं करदा, नुकस अधिआपक विच्च कढ्ढ रिहा हैं। जेकर पहड़न नूं दिल नहीं करदा तां पहड़ाई छड्डके दुकान ’ते बैठ।”

मेरे विच्च ऐनी हिंमत नहीं सी कि मैं पिता जी अग्गे बोल सकदा। कोई हल्ल निकलदा नां वेख मैं मां नूं किहा कि उह पिता जी नूं मेरा सैकशन बदलाउण लई कहहण। मां नें अग्गों किहा, “बेटा, तूं किसे नां किसे ढंग नाल नौंवीं जमात पास कर लै, मैं दसवीं जमात विच्च तेरा सैकशन बदलाउण लई कहि दिआंगी।”

मां दी गल्ल मेरे मन नूं जच गई। मैं सैकशन बदलण दा विचार छड्ड दित्ता। मैं हिसाब दे विशे दी टिउशन रख्खण बारे सोच रिहा सां। पिता जी नें मेरी समस्सिआ हल्ल करन लई हिसाब दे विशे दी टिउशन पहड़ाउण वाले अधिआपक दी भाल वी शुरू कर दित्ती सी। साडी सतंबर महीने दी प्रीखिआ खतम हो चुक्की सी।

सानूं सारे विशिआं दे परचे मिल गए सन पर हिसाब दा परचा नहीं मिल रिहा सी ते नां ही उस विशे दा पीरीअड लग्ग रिहा सी। इक्क दिन बच्चे आपणी समस्सिआ लै के सकूल मुखी दे दफतर विच्च पहुंच गए। सकूल मुखी नें दस्सिआ, “बच्चिओ, मैनूं तुहाडी पहड़ाई दा फिकर है तुहाडे हिसाब अधिआपक दी बदली हो चुक्की है ते नवें अधिआपक इक्क दो दिनां विच्च आउण वाले हन।”

फिर इक्क दिन हिसाब दे विशे दा नवां अधिआपक आ गिआ। उसने जमात विच्च आउंदिआं ही पहिले अधिआपक वल्लों करवाए सिलेबस बारे पुछ्छ के साडी जमात नूं 20 नंबर दा टैसट पा दित्ता। दूजे दिन वेखे होए टैसट बच्चिआं नूं देण तों बाअद उस अधिआपक नें साडी जमात नूं तिंन वरगां विच्च वंडके अड्ड अड्ड कतारां विच्च बिठा दित्ता ते नाल ही आख दित्ता कि तुसीं मेरी जमात विच्च हर रोज़ इस तरहां ही बैठणा है। तुहाडे विच्चों पहिला वरग बहुत ही मिहनती बच्चिआं दा है, जो आपणे अधिआपक दी गल्ल धिआन नाल सुणदे हन ते उस उत्ते अमल करदे हन। इसे लई उनहां दे टैसट विच्चों सभ तों वध्ध अंक आए हन। दूजा वरग उनहां बच्चिआं दा है जो बच्चे घट्ट मिहनती घट्ट ते लापरवाह हन। तीजे वरग विच्च उह बच्चे हन जो सकूल केवल जमातां पास करन ही आउंदे हन, उनहां नूं मिहनत करन दा अरथ ही नहीं पता। जिहड़े बच्चे अठ्ठवीं जमात पास कर गए, उह नलाइक नहीं हो सकदे। तुहानूं तीजे वरग तों दूजे वरग विच दूजे वरग तों पहिले वरग विच्च आउण लई आपणी तीजी अख्ख खोल्हणी पवेगी। उह तीजी अख्ख मिहनत करन अते लापरवाही बंद करन दी हुंदी है। मैं पत्थरां नूं वी हिसाब पहड़ाउण वाला अधिआपक हां। मैं आपणी जमात दे किसे वी बच्चे नूं टिउशन नहीं पहड़न दिंदा पर जिहड़ा बच्चा पहड़दा नहीं, उस बच्चे नाल मैं बहुत सख़ती नाल पेश आउंदा हां।”

उस अधिआपक नें मैनूं तीजे वरग विच्च रख्खिआ होइआ सी। साडी जमात दा नवां हिसाब अधिआपक पहिले अधिआपक नालों बिलकुल अड्ड सी। उसने आउंदिआं ही साडी जमात दे बच्चिआं तों पुसतकां चुका दित्तीआं। उह बच्चिआं नूं कहिंदा वी कुझ नहीं सी पर सख़त वी बहुत सी। उह जमात विच्च जो पहड़ा दिंदा सी, दूजे दिन उह अग्गे तां पहड़ाउंदा सी, जदों पहिले दा टैसट लै लैंदा सी। आप नूं तीजे वरग विच्च पिआ वेख मैनूं आपणे पिता जी दी गल्ल याद आ गई कि पहड़दा तां तूं आप नहीं, नुकस तूं आपणे अधिआपक विच्च कढ्ढ रिहा हैं। हुण तां पिता जी नूं आपणा सैकशन बदलण लई वी नहीं किहा जा सकदा सी। अधिआपक दीआं गल्लां नें साडी जमात दे बच्चिआं दी तीजी अख्ख खोल्ह दित्ती। बच्चे जदों वेखो हिसाब दा विशा पहड़दे नज़र आउण लग्ग पए। इक्क दिन हिसाब अधिआपक नूं साडी जमात दे बच्चिआं नें किहा कि उनहां नूं सतंबर प्रीखिआ दा हिसाब विशे दा परचा नहीं मिलिआ। अधिआपक नें अग्गों किहा, “बच्चिओ, दसंबर महीने विच्च तुहाडा टैसट होवेगा। उसदी तिआरी हुण तों शुरू कर दिओ। ओही टैसट तुहाडा सतंबर टैसट होवेगा। उस टैसट दे अधार ’ते ही बच्चिआं दा दूजा ते तीजा वरग बदलिआ जावेगा।” उस अधिआपक दा जवाब सुणके जमात दे बच्चे हैरान हो गए।

इक्क दिन साडे अधिआपक नें जमात नूं किहा, “सारे बच्चे सकूल लग्गण तों इक्क घंटा पहिलां सकूल आइआ करनगे। तुहाडी हिसाब दे विशे दी कलास लग्गिआ करेगी।”

किसे बच्चे दी की मज़ाल सी कि उह सवेर दी कलास विच्च नां आउंदा। साडे नाल दसवीं जमात वी हुंदी। अधिआपक दोहां जमातां नूं दसंबर टैसट दी तिआरी करवाउंदा। नाल दी नाल टैस्सट चैक्क करके दे दित्ते जांदे। जिहड़े बच्चे दे नंबर घट्ट हुंदे उस नूं हुशिआर बच्चे सवाल समझाउंदे। हौली हौली उस अधिपापक नें बच्चिआं दे मनां विच्चों हिसाब विशे दा डर कढ्ढ दित्ता। इक्क दिन जमात दे मनीटर नें दो तिंन बच्चिआं दे नां लै के अधिआपक नूं दस्सिआ कि उह किसे अधिआपक कोल टिउशन पहड़दे हन। अधिआपक नें उनहां बच्चिआं नूं आपणे कोल बुलाइआ। उह बच्चे इह सोचके बहुत डरे होए सन कि अधिआपक तों उनहां नूं सज़ा मिलेगी। अधिआपक नें उनहां बच्चिआं नूं जो कुझ आखिआ उह सज़ा नालों वी ज़िआदा सी। अधिआपक नें किहा, “बच्चिओ, जिस अधिआपक दे पहड़ाए होए बच्चिआं नूं टिउशन दी लोड़ पवे इसदा मतलब इह होइआ कि जां तां उस अधिआपक नूं पहड़ाउणा नहीं आउंदा जां फेर उह बच्चे पहड़ना नहीं चाहुंदे। तुसीं आपणे टिउशन वाले पैसे बचा के रख्खो। जो कुझ तुहानूं समझ नहीं आउंदा, उह कुझ मेरे कोलों जिंनी वार मरज़ी पुछ्छो।”

उनहां बच्चिआं नें आपणी गलती मंनके टिउशन पहड़नी छड्ड दित्ती ते होर मिहनत करनी शुरू कर दित्ती। फिर साडा दसंबर टैसट होइआ। अधिआपक नें सतंबर अते दसंबर दोनों टैसट चैक्क करके दिंदे होए किहा, बच्चिओ, “दोवें टैसट तुसीं ही कीते होए हन। दोहां टैसटां विच्च फरक तुहाडी मिहनत दा ही है।”

जिस दिन बच्चिआं नूं इह फरक समझ आ जांदा है, उस दिन उनहां नूं हिसाब दा विशा औखा नहीं लग्गदा। इह फरक मैनूं मेरे हिसाब अधिआपक नें समझाइआ सी। दसंबर टैसट विच्च ही साडी जमात दा तीजा वरग खतम हो गिआ। दूजे वरग दे कई बच्चे पहिले वरग विच्च चले गए।

फिर इक्क दिन उह अधिआपक लोक सेवा कमिशन दा टैसट पास करके कालज अधिआपक बणके चला गिआ पर उह साडे सकूल दे गणित अधिआपकां अते बच्चिआं नूं समझा गिआ कि हिसाब दा विशा औखा नहीं हुंदा, नुकस पहड़न पहड़ाउण विच्च ही हुंदा है।

उस तों बाअद नां मैं आपणा सैकशन बदलिआ ते नां ही मैनूं हिसाब दा विशा औखा लग्गिआ।