इक्क मुसाफिर सफर ’ते सी। रसते विच्च इक्क छोटी जिही नदी आई। आपणे समान समेत उह बंदा नदी पार करन ही वाला सी कि उस नूं आपणे तों कुझ कदम दूरी ’ते नदी दे कंडे इक्क चमकदी चीज़ दिखाई दित्ती। उह आपणा समान रख्ख के उस चीज़ नूं वेखण गिआ। उस नें वेखिआ, इह सोने दीआं पंज मोहरां सन, जो किसे नें नदी दे तट्ट उत्ते दब्ब दित्तीआं सन अते छल्ल्हां नाल मिट्टी खुरन नाल दिखाई देण लग्ग पईआं सन। उस नें पंजे मोहरां लै के नदी दे पाणी नाल धोतीआं, झोले विच्च पाईआं ते नदी पार करन लग्गा। अजे उह पाणी विच्च उत्तरिआ ही सी, उहदे मन विच्च खिआल आइआ कि मोहरां तां होर वी हो सकदीआं हन। मैंनूं नदी दे तट्ट ’ते दूर तक तुर के वेखणा चाहीदा है। आपणे मन दी इस तेज़ तरार सोच दी उडारी ’ते उस नूं कुझ पल फखर वी महिसूस होइआ। मोहरां वाला झोला ते बाकी समान इक्क पासे रख्ख के नदी दे कंडे कंडे तुर पिआ। उह दूर तक निकल गिआ पर कितों होर मोहरां नहीं लभ्भीआं। निराश जिहा हो के जदों वापस आइआ तां उहदा मोहरां वाला झोला ते बाकी समान उत्थों गाइब सी। लालच नें जो कुझ उस दे कोल सी, उस तों वी उस नूं विरवा कर दित्ता सी। साडे समाज दी बहु गिणती दी हालत इस समें उस मुसाफिर वरगी है। असीं फड़ीआं छड्ड के उडदीआं मगर भज्ज रहे हां। इह ठीक है साडे देश दी वागडोर हुण तक उहनां लोकां दे हत्थ विच्च रही जिहनां नें लोक हितां दी बजाए आपणे निज्जी सवारथां अते राजसी हितां नूं पहिल दित्ती। इसदा नतीजा इह होइआ कि समाज विच्च बहुत सारीआं समस्सिआवां मुशकलां पैदा होईआं।

पंजाब, जो खेती प्रधान सूबा है, पूरे देश दा अंन नाल ढिड्ड भरदा आइआ है, नाल वख्ख वख्ख समिआं ते होए वितकरिआं दी लंमी दासतान है। हुण तक अजिहा माहौल सिरजिआ जांदा रिहा है कि जिस विच्च पंजाब दे किसान नूं किहा जांदा है, इह जो अनाज तुसीं पैदा करदे हो, इसदी किते लोड़ नहीं, इह तां तुहाडे उत्ते रहिम करके खरीद लिआ जांदा है। इस तों वड्डी अक्रितघणता होर की हो सकदी है? कणक झोने दे फसली चक्कर नें पंजाब दे पाणी दा खातमा कर दित्ता। खेतीबाड़ी सबंधी गलत नीतीआं, रेहां सपरेहां, तेल दे भाअ नें किसानां सिर करज़े दीआं पंडां दा भार विच्च हर दिन वाधा कीता। खेती ते बज़ार दे गलबे नें नवीं पीहड़ी दा खेतां नालों मोह तोड़ दित्ता। नवीं पीहड़ी हुण होर मुलकां विच्च आपणा भविख्ख तलाश रही है। पंजाब दे गुरदवारिआं ते होर धरम असथानां उत्ते बाहरले मुलक जाण लई सुख्खणा वजों जहाज़ां दे खिडौणे चहड़ाए जा रहे हन। विचारन वाली गल्ल इह है कि छोटे किसान मजबूरी वस्स आपणी भोएं दा टोटा वेच के आपणे बच्चिआं नूं होर मुलकां वल्ल तोर रहे हन। बाहर गए लोक वी आपणीआं इध्धरलीआं जाइदादां वेच वट्ट के दूजे मुलकां विच्च सरमाइआ लाउण नूं तरजीह देण लग्ग पए हन। अजिहे कई होर कारनां करके ज़मीन बहुते लोकां तों थोहड़े लोकां दे हत्थां विच्च जा रही है। इह पंजाब लई इक्क तरहां नाल खतरे दी घंटी है। भविख्ख विच्च इह अमल होर वधेगा। इसदे अजिहे सिट्टे निकलणगे जिसदा किआस फिलहाल सानूं नहीं, नां ही इस खतरे सबंधी किते कोई चरचा हो रही है। किसान अंदोलन दौरान लख्खां लोक आपणीआं ज़मीनां बचाउण लई सड़कां ’ते आए। हज़ारां दी गिणती विच्च टरैकटर टरालीआं दी शमूलीअत नें इस संघरश नूं इक्क नवेकली पहिचाण दित्ती। ज़रा सोचो, जेकर इहो ज़मीनां कुझ कु लोकां दे हत्थां विच्च हुंदीआं तां की इंनी वड्डी गिणती विच्च लोक इस संघरश दा हिस्सा बणदे? भविख्ख विच्च जदों ज़मीनां थोहड़े लोकां दे हत्थां विच्च होणगीआं, बहुगिणती लोक होर धंदिआं विच्च लग्गे होणगे तां खेती खेतर विच्च अजिहे संकट पैदा होणगे जिनहां दा सानूं किआस नहीं।

पंजाब नूं इस समें बड़ी सूझ वाली राजसी अगवाई दी लोड़ है जो इस नूं वख्ख वख्ख संकटां मुशकलां मुसीबतां तों निजात दिवा के इस नूं हकीकी विकास दे राह ’ते तोर सके। इस समें जित्थे पंजाब विच्च वातावरण दा बहुत वड्डा संकट है, उत्थे पंजाब दे पाणीआं ’ते वी डाके वज्ज रहे रहे हन। धरती हेठले पाणी दा संकट अजिहा संकट है जिस सबंधी साडी हालत खतरा वेख के शुतरमुरग दे अख्खां मीटण जिही है। दूशित वातावरण नाल बिमारीआं, दुशवारीआं दा दावानल हर दिन विशाल हो रिहा है। पीलीए अते कैंसर वरगीआं बिमारीआं दा संताप पंजाब दे लख्खां लोक भुगत रहे हन। इस सबंधी सानूं बहुत गंभीर होण दी लोड़ है।

पाणी दा संकट इक्क तरहां नाल पंजाब दी सभ्भिअता दा संकट है जिस नाल पंजाब दी होंद नूं बहुत वड्डा खतरा है। छोटीआं छोटीआं बरसाती नदीआं नूं मुड़ सुरजीत करके, दरिआवां ते वख्ख वख्ख थाईं विशाल वैट्टलैंड बणा के, कणक झोने दे फसली चक्कर विच्चों निकल के इस संकट तों बचिआ जा सकदा है पर इह अजिहे कंम हन जो आम लोकां नें नहीं, सरकारां नें करने हुंदे हन। सरकार नूं सूझ सिआणप नाल वड्डे प्रोगराम बणा के उहनां ’ते अज्ज तों कंम करन दी लोड़ है। नहीं तां पाणी दा संकट अगले हर दिन भिआनक तों भिआनक हुंदा जावेगा।

पंजाब नूं बचाउण लई इह बड़ा ज़रूरी है कि असीं किरत वल्ल मुड़ीए। पंजाब दे उहनां घरां दे मुंडे कुड़ीआं, जिहनां कोल रिज़क दे थोहड़े बहुते साधन हन, उह इत्थे कंम करके राज़ी नहीं। उहनां दी मानसिकता इह है कि असीं पहड़ लिख गए हां, असीं कंम किउं करीए। पंजाबी सभ्भिअता जो किरत दे खासे नाल जुड़ी होई सभ्भिअता सी, इत्थे नौजुवानी दा किरत तों किनारा करना इक्क बहुत वड्डी समस्सिआ बण गिआ। किरत तों टुट्टी नौजवान पीहड़ी नें जित्थे खेती तों किनारा कर लिआ, उत्थे इह नशिआं दी भिआनक दलदल विच्च गरक होण लग्गी। नशा इस समें पंजाब दे हर इलाके ते हर पिंड दी बहुत वड्डी समस्सिआ बण गिआ है। हर इलाके विच्च वड्डे वड्डे जेल्हां नुमा नशा छडाऊ केंदर बण गए हन, जित्थे हज़ारां नौजवानां नूं नशिआं तों निजात दिवाउण लई मापिआं तों मोटीआं रकमां लईआं जांदीआं हन। सरकारां नूं नशिआं दी समस्सिआ नूं हल्ल करन लई जिंनी गंभीरता नाल कंम करना चाहीदा सी, नहीं हो सकिआ। बेशक विकसित देशां विच्च वी नशिआं दी समस्सिआ हर दिन भिआनक हो रही है पर पंजाब दी जिस धरती नूं गुरूआं महांपुरशां दी धरती आखदे हां, इहदे मत्थे ’ते नशिआं दा कलंक लग्गणा साडे लई वड्डे फिकर वाली गल्ल है। इस लई बड़ा ज़रूरी है कि नौजवान लड़के लड़कीआं इत्थे रहि के किरत नाल जुड़न, वख्ख वख्ख कित्तिआं विच्च निपुंन होण। इत्थे रहि के जिहनां नूं कंम करन विच्च शरम महिसूस हुंदी है, उहनां लोकां दा बाहरले मुलक विच्च जा के जहाज़ विच्चों उत्तरदिआं ही हैंकड़बाज़ी वाला धौण दा किल्ला झट्ट निकल जांदा है। अज्ज लोड़ है असीं किरत नाल जुड़ीए ते पंजाब नूं खुशहाल बणाउण लई यतनशील होईए।

पंजाब अनेकां वार उज्जड़िआ ते मुड़ वसिआ है अते वसदा रहेगा। दूजे पासे समें दा सच्च इह वी है कि पंजाबी समाज इस समें वड्डी उथल पुथल विच्चों गुज़र रिहा है। पंजाब नें पहिलां वी वड्डीआं तबदीलीआं वेखीआं पर इह दौर इक्क वख्खरी तरहां दी तबदीली दा दौर है। इस विच्च जित्थे वड्डी गिणती विच्च पंजाब दे वारिस इस नूं बेदावा दे के जा रहे हन उत्थे वड्डी गिणती उहनां दी वी है जो नशिआं दी करोपी नाल मौत मूंदे ह पै रहे हन। भविख्ख दे दस बारां सालां दौरान पंजाबी समाज दे वड्डी गिणती परिवारां विच्च वख्खरी तरहां दे संताप होणगे। इह उह समां होवेगा जदों बाहर गए नौजवानां नें इध्धर परतणा नहीं, बुढ्ढे मां बाप जिहनां नूं उदों सहारिआं दी लोड़ होवेगी, उहनां दी सार लैण वाला कोई नहीं होवेगा। भविख्ख दे समें दा इह दौर, वड्डी गिणती विच्च बाहरले मुलकां विच्च वसे पंजाबीआं अते इध्धर रहि गए उहनां दे परिवारक जीआं दीआं वख्खरी तरहां दीआं कहाणीआं लिखेगा।

इस समें सानूं समझण दी लोड़ है कि बंदा इस धरती ’ते मशीन बणन नहीं आइआ, नां ही मनुख्ख दी हर सरगरमी पैसे लई होणी चाहीदी है। पंजाबी समाज दी विरासत सरबत्त दा भला चाहुण दी विरासत है। साडी लोकधारा विच्च थां थां ’ते किरत दा सुनेहा है। असीं किरती कमाऊ पुत्तरां वजों जाणे जाण वाले लोक हां। पंजाब दी विरासत इह वी रही है कि असीं मुशकलां, समस्सिआवां नूं खिड़े मत्थे प्रवान करन वाले लोक हां। इस समें लोड़ इस गल्ल दी है कि वख्ख वख्ख संकटां विच्चों पंजाब नूं बाहर कढ्ढण लई इत्थे पंजाब विच्च रहि के संघरश कीता जावे। किसे समें करतार सिंघ सराभा, बाबा सोहण सिंघ भकना, बाबा गुरदित्त सिंघ कामागाटा मारू वरगे सिरलत्थ सूरमे आपणी धरती मां दे गलों गुलामी दा जूला लाहुण लई बाहरले मुलकां तों इध्धर आए सन। अज्ज लोड़ है पंजाब दी जिस धरती नूं गुरूआं, पीरां अते शहीदां दी धरती होण दा माण हासिल है, नूं हस्सदा वसदा पंजाब बणाउण लई सभ धिरां यतनशील होण। इस समें पंजाब, पंजाबी अते पंजाबीअत दा भला चाहुण वाले वख्ख वख्ख बैनरां हेठ संघरश कर रहे हन पर इहनां सभ धिरां नूं इक्क मंच ’ते इकठ्ठे हो के पंजाब नूं खुशहाल पंजाब बणाउण लई सांझे यतन करने चाहीदे हन। पंजाब बारे किहा जांदा है कि पंजाब वसदा गुरां दे नाम ’ते। बड़ीआं वड्डीआं मुसीबतां संकटां अते दुशवारीआं दे बावजूद पंजाब वसदा रिहा है अते वसदा रहेगा। बस्स लोड़ है असीं निराश नां होईए इहदे भले लई यतनशील होईए।

*****