केंदर दी भारती जनता पारटी दी सरकार वल्लों डाकटर मनमोहन सिंघ दी सरकार दी इक्क वड्डी प्रापती वजों लिआंदी गई विकास दी सकीम मनरेगा दा भोग पा दित्ता गिआ है। इस योजना दा मुख्ख मकसद भारत दे पिंडां दा विकास करना, सथानक लोकां नूं घट्टो घट्ट रुज़गार दी गरंटी मुहईआ करवाउणा सी। गरीब अते पछड़े होए इलाकिआं तों पलाइन नूं रोकणा वी इक्क उदेश सी। आरथिक माहिर इस नूं सरकार दा बुलडोज़र इफैकट कहि रहे हन। इह सिरफ नां बदलण दी प्रकिरिआ नहीं सगों इसने समुच्चे रूप विच्च इस कानूंन दी आतमा नूं मार दित्ता है। मुख्ख गल्ल इसदे कंनटैंट दी है। नरेगा बिल्ल लिआउण तों पहिला पूरे भारत विच्च सहिमती बणाई गई सी। पर जदों नवां कानूंन दसंबर 2025 विच्च मनरेगा दी थां लैण लई पेश कीता गिआ तां अजिहा कुझ वी नहीं सी। बिल्ल दे अंदर इक्क उपबंध सैकशन 37 राहीं मनरेगा कानूंन दे नोटीफिकेशन, नियम, आदेश अते दिशा-निरदेश इकठ्ठे ही रद्द कर दित्ते गए हन। इह ही बुल्लडोज़ धारा है जिस राहीं सभ तहिस नहिस करके विगाड़ दित्ता गिआ है। सैकशन 5 राहीं हुण केंदर सरकार तैअ करेगी कि नवीं योजना कदों अते कित्थे लागू करनी है। इह धक्केशाही भरी मनमानी है। केंदर सरकार दा कहिणा है कि मनरेगा वरकर अधारित सकीम सी जदों कि हुण विकास इसदा अधार होवेगा। सैकशन 22, जो कि वित्ती धारा (फाइनैंस कलाज़) है, इह कहिंदी है कि किस प्रांत नूं की, किंना अते कदों देणा है। इसदी हुण सारी ताकत केंदर कोल रहेगी। गरीब कामे अते सूबा सरकार दी ताकत खुस्स गई है। मनरेगा विच्च 90 फीसदी केंदर दा हिस्सा सी, सटेट सिरफ 10% ही पाउंदा सी, जो हुण 60-40 कर दित्ता गिआ है।

मनरेगा विच्च घट्टो घट्ट 100 दिन कंम देण दी गरंटी सी अते हुण प्रचारिआ जा रिहा है कि 125 दिन कंम मिलेगा। पर इह वी किहा जा रिहा है कि असीं इस गल्ल दी गरंटी नहीं दे रहे कि कंम दे दिनां दी गरंटी लागू होवेगी। इह किहो जिही अजीब गरंटी है? इस विच्च वी कोई शक्क नहीं है कि इस योजना विच्च वड्डे सुधार करन दी लोड़ है। शुरूआती दौर दे कुझ साल इह योजना सफलता पूरवक चलदी रही अते चंगे नतीजे साहमणे आए। कंम करन वाले मज़दूरां नूं भुगतान मसटर रोल दी हाज़री राहीं कीता जांदा रिहा। पर बाअद विच्च जदों जाब कारड दा चलण अरंभ होइआ तां गड़बड़ीआं शुरू होईआं। भुगतान प्रणाली विच्च सोध करन दी ज़रूरत सी कि पारदरशता वधे अते भ्रिशटाचार उत्ते रोक लग्गे। इह वी सच्च है कि सिरफ 2% परिवारां नूं ही 100 दिन दा गरंटी वाला कंम मिलदा है। तामिलनाडू विच्च 54 दिन, अरुणाचल प्रदेश विच्च 68 दिन, आंधरा प्रदेश, उत्तर प्रदेश अते उड़ीसा विच्च 51 दिन, तिलंगाना विच्च 46 दिन, राजसथान विच्च 35 दिन, बिहार विच्च 36 दिन, हरिआणा विच्च 34 दिन, पंजाब विच्च सिरफ 26 दिन अते वध्ध गरीब सटेटां मध्ध प्रदेश, बिहार अते उत्तर प्रदेश विच्च वी प्रांतक सरकारां दा प्रदरशन अते कारजुगारी ठीक नहीं रही।

इसदे विरोध अते हक्क विच्च कई तरहां दी बिआनबाज़ी हो रही है। जेकर राजनीतक लोकां दीआं टिप्पणीआं उत्ते विचार करीए तां इसदे पख्ख अते विरोध करन वालिआं दी लंमी सूची है। सरकार दी मुख्ख विरोधी पारटी कांगरस दे नेता राहुल गांधी नें किहा है कि मौजूदा प्रधान मंतरी नरिंदर मोदी महातमा गांधी नूं नफरत करदे हन, इस लई नां बदलिआ गिआ है। कांगरस दे ही होर वड्डे कद्द दे नेता पी चितंबरम नें किहा है कि इह इक्क वार फिर महातमा गांधी दी हत्तिआ है। तिरमूल कांगरस दी तेज़ तरार नेता महूआ मोइतरा नें किहा है कि गांधी नूं महातमा दा खिताब राविंदर नाथ टैगोर नें दित्ता सी; इक्क तरहां नाल इह टैगोर दा वी अपमान है। सोनीआ गांधी नें किहा कि इस नाल करोड़ां लोकां नूं लाभ होइआ अते पंचाइतां नूं ताकत मिली सी। डी के दी लीडर कनीमोज़ी नें किहा है कि योजना दे नां विच्च हिंदी शबद ठोसणा देश दी फैडरलिजम दी नीती दे खिलाफ है।

कांगरस इक्क अज़ादी अंदोलन तों निकली पारटी सी। शुरूआती नहिरू दौर विच्च भाखड़ा डैम, अते पबलिक सैकटर विच्च भारी निवेश नाल बोकारो सटील सिटी, भलाई उदयोग, हिंदुसतान एअरोनाटिकस लिमटिड वरगे विकास दे प्राजैकट अरंभ होए। तरक्की दे इस नहिरू युग विच्च योजना कमिशन, चोण कमिशन, आई आई टी, एमज़ वरगीआं संसथावां बणीआं सन। अज़ादी तों बाअद राजसत्ता, पारटी अते राज संसथावां दे दरमिआन सपशट हद्दां नहीं बण सकीआं। भारत दे लोकतंतर ते कांगरस दे लंबे शासन काल विच्च संविधानक संसथावां राज दी नहीं, अकसर परिवारक-केंदरित राजनीती दी सेवा करन लग्ग पईआं सन। सत्ता दा केंदर नहिरू-गांधी परिवार बणिआ रिहा। नहिरू तों बाअद इंदरा गांधी, राजीव गांधी, सोनीआ गांधी अते हुण अगली पीहड़ी दे राहुल गांधी अते प्रिअंका गांधी सिआसत दा केंदरी धुरा रहे। कांगरस पारटी अंदर अंदरूनी लोकतंतर कमज़ोर होइआ। ख़ास करके इंदरा गांधी दे दौर विच्च गवरनर केंदरी सिआसत दे एजंट बण गए, राशटरपती दी हैसीअत रबड़ सटैंप तों वधीक नां रहि गई अते निआंपालिका दी सुतंतरता ’ते वी वड्डा धब्बा लग्गा। ऐमरजैंसी दा लाउणा भारती लोकतंतर दा इक्क टरनिंग पुआइंट बण गिआ जदों आम लोकां दे मूल अधिकार रद्द कर दित्ते गए, मीडीआ ’ते सखत सैंसर लाइआ गिआ अते बिऊरोक्रेसी दी पूरी सिआसी दुरवरतों कीती गई। संसथावां नूं परिवारक सत्ता बचाउण दा हथिआर बणाइआ गिआ। सारीआं ताकतां बिनां किसे संविधानक अहुदे तों संजै गांधी दे हत्थ आ गईआं। योगता दी थां वफ़ादारी नूं तरजीह दित्ती गई। नियुकतीआं निज्जी नेड़ता दे अधार ’ते होण लग्गीआं। ऐमरजैंसी सिरफ भारती लोकतंतर लई ही नहीं, कांगरस पारटी लई वी सभ तों वड्डा राजनीतिक नुकसान साबत होई। पहिली वार कांगरस केंदर दी सत्ता तों बाहर होई। इंदरा गांधी अते संजे गांधी दोवें चोण हार गए। कांगरस दी नैतिक उचाई डिगी अते गरीब, किसान, मज़दूर वरग दा भरोसा हिल्लिआ। इंदरा गांधी दी दुरगा वाली छवही इक्क तानाशाह दा रूप धार गई। ऐमरजैंसी कांगरस लई सिरफ इक्क गलती ही नां रहि के सगों उसदी सिआसी आतमा ’ते लग्गिआ सथाई दाग़ सी।

जै प्रकाश नराइण दे संपूरन अज़ादी अंदोलन नें कांगरस नूं सत्ता तों विरवा कीता। लोकां नूं डर तों मुकत कीता, विरोध नूं इकठ्ठा कीता अते लोकतंतर नूं नवां जीवन दित्ता। लालू, नितीश, मुलाइम अते जारज फरनांडिस वरगे नेता जै प्रकाश नराइण दे अंदोलन तों उभ्भरे। खेतरी पारटीआं दा उभार होइआ अते देश दे फैडरल ढांचे नूं मज़बूती मिली। शुरूआती दौर विच्च कांगरस 1977 तों 1980 तीक तिंन सालां लई सत्ता तों बाहर होई। जनता पारटी दी अंदरूनी फुट्ट, जलद ही आदरशां दे टकराअ दे चलदिआं, नेतावां विच्च कुरसी प्रापत करन दी लल्हक अते सथिरता दी घाट कारन जनता पारटी दी अंदरूनी फुट्ट वध गई। इस करके इंदरा गांधी दी इक्क वार फिर रणनीतक वापसी तां होई पर सत्ता दा गरूर नां टुट्टा अते उस वल्लों कई इतिहासक गलतीआं कीतीआं गईआं। फलसरूप इंदरा गांधी अते बाअद विच्च राजीव गांधी दीआं हत्तिआवां होईआं। नरसिमहा राओ तों बाअद 1989 तों बाअद कांगरस लगातार हारां दा साहमणा करदी रही। 1998 विच्च सोनीआ गांधी कांगरस प्रधान बणी। उसने बिखरी कांगरस नूं इकठ्ठा कीता। पारटी विच्च अनुशासन अते केंदरीकरन करके पारटी नूं टुट्टण तों बचाइआ। सोनीआ गांधी दी सभ तों वड्डी रणनीतक सफलता नें डीऐम्मके, ऐन्नसीपी, आरजेडी, खब्बे-पख्खी पारटीआं नाल सांझ पा के संयुकत प्रगतीशील गठ्ठजोड़ यूपीए बणाइआ। 2004 दी जित्त संयुकत प्रगतीशील गठ्ठजोड़ दी जित्त सी, जिसने भारती जनता पारटी दे इंडीआ शाईनिंग दे झूठे नैरेटिव नूं तोड़िआ। इस जित्त नें आम आदमी दी राजनीती, गरीबी, पिंड अते रोज़गार दे मुद्दे केंदर विच्च लिआंदे।

इस जित्त तों बाअद सोनीआ गांधी दा प्रधान मंतरी बणन दा हक्क सी पर चोणां हारी सज्जी धिर भारती जनता पारटी दे भारी दबाअ कारन सोनीआ गांधी नें प्रधान मंतरी बणन तों इनकार कर दित्ता अते प्रसिध्ध अरथ शासतरी डाकटर मनमोहन सिंघ नूं प्रधान मंतरी बणाइआ। इस फैसले नें कांगरस नूं मुड़ नैतिक उचाई दित्ती अते गठजोड़ सथिर होइआ। सोनीआ गांधी नें सरकार नूं वैल्लफेअर अते राईटस माडल वल्ल मोड़िआ। 2004 तों 2014 तीक दो टरमां डाकटर मनमोहन सिंघ दी अगवाई विच्च यूपीए सरकार सफलता पूरवक चल्ली। इस दौरान 2005 विच्च राईट आफ इनफरमेशन अते मनरेगा वरगे गरीब अते लोक पख्खी कानूंन बणे। 2009 विच्च सिख्खिआ दा अधिकार, राईट आफ ऐजूकेशन बणिआ। 2013 विच्च भोजन सुरख्खिआ फूड सकिउरटी अते राशटरी सलाहकार कौंसल नैशनल ऐडवाईज़री कौंसल दी सधापना होई। डाकटर मनमोहन सिंघ वेले बणीआं संसथावां नें लोकतंतर मज़बूत कीता।

संघ परिवार अते राईट-विंग नें 2012 नूं दिल्ली विच्च होए निरभया गैंगरेप अते अंना हज़ारे अंदोलन तों बणी जनतक नाराज़गी दी लहिर ’ते सवार हो के सत्ता दी खेड खेडी। शहिरी मध्ध वरग विच्च गहिरी निराशा अते इस गुस्से नूं संसद, पारटीआं, संविधानक प्रकिरिआ ’ते गैर भरोसगी नूं राईट-विंग नें मज़बूत नेता, मज़बूत राज दे नाअरे विच्च बदल दित्ता। सुरख्खिआ, निआं, पुलिस सुधार ’ते सवाल चुक्के गए। कांगरस दी नैतिकता वाली छवही टुट्ट गई, राईट-विंग नें उस खाली थां नूं भरिआ। यूपीए सरकार दी कमज़ोर अते रिऐकटिव छवही इस नराज़गी दा साहमणा नां कर सकी अते हार गई। वड्डी बहुगिणती नाल ताकत विच्च आई भारती जनता पारटी दी सरकार नें आपणा चिर दा सैकूलर धरम निरपख्ख लोकतंतर हेठ दब्बिआ सिधांतक पैतड़ा हिंदूतव लागू करना अरंभिआ। भारत दी वस्सों दे 80 फीसदी हिंदू वरग दे वोट बैंक ’ते आपणीआं ऐडीआलोजीकल कट्टड़पंथी नीतीआं राहीं पकड़ मज़बूत करके तीसरी वार दे लंमे समें लई सत्ता प्रापत कर लई। इस दौरान संविधानक संसथावां दी खुदमुखतिआरी खतम होई अते कारजकारी दबदबा वधिआ। पलैनिंग कमिशन नूं नीती अयोग दा नां दे के अधिकार घटाए गए। रिज़रव बैंक, इलैकशन कमिशन, कैग, आर.टी.आई, जीऐस्सटी कौंसल नाल केंदरीकरन करन नाल देश दा फैडरल ढांचा कमज़ोर होइआ। मीडीआ दी आलोचनातमक पत्तरकारी खतम होई अते नवीं टरम गोदी मीडीआ साहमणे आई। कारपोरेट दा दखल वधिआ, EVM मशीनां बारे सवाल उठ्ठे, इलैकशन कमिशन दा पख्खपाती रवईआ नज़र आइआ। विरोधी सिआसतदानां नूं दबाउण लई सी बी आई, ई डी अते राशटरी जांच एजंसी दी दुरवरतों दे दोश लग्गे। भ्रिशट नेता डर दे मारे बी जे पी विच्च शामल होण लग्गे।

धरम दी राजनीती करनी भावें इक्क खतरनाक खेड हुंदी है पर इसदे फौरी लाभ थोहड़े समें लई राजनीतक पारटीआं लई वरदान बण जांदे हन। इक्क सथानक पध्धर दी घटना दा ज़िकर करदे हां। असीं आपणे पिंड जगदेव कलां विच्च सूफ़ी शाइर हाशम शाह दी याद विच्च इक्क टरसट चलाउंदे हां। जगदेव कलां इस माणमत्ते शाइर दा जद्दी पिंड वी है। इस ट्रसट राहीं पिंड दे विकास दे यतन हमेशा करदे रहिंदे हां। अंम्रितसर तों पिंड नूं जाण वाली सड़क सिरफ दस फुट्ट चौड़ी रूरल रोड सी। पंजाब विच्च कांगरस दी हकूमत समें प्रताप सिंघ बाजवा लोक निरमाण मंतरी नूं कई अणथक्क यतनां सदका सड़क नूं चौड़ी करवाउण लई ट्रसट दे चेअरमैन कुलदीप सिंघ धालीवाल जो हुण आम आदमी पारटी विच्च हन अते बाकी टरस्सटीआं दे कीते लंमे यतनां नाल मनाइआ गिआ। सड़क 18 फुट्ट चौड़ी होई अते जदों उसदा नाम हाशम मारग रख्खण दी गल्ल चल्ली, पिंड दी धड़ेबंदी करैडिट लैण लई हरकत विच्च आई अते अकाली दल नाल सबंधत धिर दे साबका सरपंच नें धारमिक पत्ता खेडदिआं सड़क दा नां गुरू अरजन मारग कहिणा शुरू कर दित्ता किउंकि पिंड तों थोहड़ी वित्थ ते गुरू अरजन देव जी नाल सबंधत गुरदुआरा गुरू का बाग़ है। इह पेंडू लोकां दी आसथा दा इक्क सवाल सी। इस करके ट्रसट वल्लों इसदा विरोध नां संभव सी अते नां ही होइआ। पर अफसोस! अज्ज उस सड़क नूं बाहरों आए लोक इक्क होर राह विच्च पैण वाले छोटे जिहे पिंड लुहारका रोड वजों जाणदे हन। महाराजा रणजीत सिंघ नें जिस कवी नूं माण बखशिआ, पिंड विच्च जगीर दित्ती, उस महान कवी, सूफ़ी दरवेश दा नां सड़क अते पिंड नाल जुड़न दे मौके तों सौड़ी धारमिक राजनीती करके असीं पिंड वाले लोक वांझे रहि गए।

* * * * *