सवामी विवेकानंद दा कथन सी कि लोक पहिलां चंगे कंम दी आलोचना करदे हन, फिर विरोध करदे हन, अखीर विच्च तुहाडे नाल तुर पैंदे हन। सकूल अधिआपक तों लैके प्रिंसीपल दे अहुदे तक दे सफ़र विच्च मैं सदा ही असूलां, आदरशां, अनुशासन अते मिहनत नूं तरजीह दिंदा रिहा। प्रिंसीपल बणन तों पहिलां मेरा आपणे आप नाल इह वाअदा सी कि मैं जिस सकूल दा प्रिंसीपल बणांगा, मैं उस नूं इक्क मुकाम तक पहुंचाउण लई अते उसदी इक्क वख्खरी पछाण बणाउण लई बेहद्द मिहनत करन लई वचनवध्ध रहांगा। मैं जिस सकूल दा प्रिंसीपल बणिआ, उस सकूल दा ज़िआदातर सटाफ बहुत मिहनती सी अते गुणां दा भंडार सी पर हर अदारे विच्च कुझ अजिहे लोक ज़रूर हुंदे हन, जिनहां नूं अनुशासन अते मिहनत तों अलकत हुंदी है। तुसीं जदों अजिहे लोकां दीआं आदतां नूं सुधारन दा यतन करदे हो तां उह हर ढंग नाल तुहाडे राह विच्च औकड़ां बणदे हन।

मैं फरवरी 2010 विच्च उस सकूल विच्च बतौर प्रिंसीपल हाज़र होइआ सी। सकूल विच्च इमारत दी घाट अते अकादमिक पध्धर विच्च सुधार लिआउणा मेरे लई दो वड्डीआं चुणौतीआं सन। मैं सटाफ दी मीटिंग लैके इह साफ तौर ’ते सपशट कर दित्ता कि सकूल दे नियमां, मिहनत अते अनुशासन नाल कोई समझौता नहीं कीता जावेगा। सकूल विच्च जिवें ही अनुशासन अते नियम लागू कीते गए अते मिहनत करन लई किहा गिआ तां कुझ अधिआपक अते अधिआपकावां नें मेरा विरोध अते आलोचना करनी शुरू कर दित्ती पर ज़िआदतर अधिआपक अधिआपकावां इस गल्ल तों बहुत खुश सन कि सकूल विच्च अनुशासन, मिहनत अते नियमां दा होर चंगा माहौल बणन लग्गा है। उह मेरे नाल मनों सहियोग करन लग्ग पए। उस सकूल विच्च प्रिंसीपल वजों हाज़र होण तों बाअद सकूल दीआं बोरड दीआं जमातां दा पहिला नतीजा मेरे उदेश मुताबिक नहीं सी।

मैं सकूल दे सरवपख्खी विकास नूं मुख्ख रख्खदिआं आपणे यतनां नूं होर तेज़ कर दित्ता। मेरी आलोचना होर वध्ध गई। मेरे असूलां नूं नां पसंद करन वाले कुझ अधिआपकां अधिआपकावां नें मेरे बारे इह कहिणा शुरू कर दित्ता कि प्रिंसीपल बहुत सख़त है। पर बच्चिआं दे मापे, अनुशासन ते मिहनत पसंद अधिआपक अते अधिआपकावां मेरे कंम दी शलाघा करदे सन। मैं आलोचना अते शलाघा दे दौर विच्चों लंघदिआं अग्गे वधदा गिआ। मेरे सकूल विच्च जेकर कोई असामी खाली हुंदी तां मेरे आलोचक अधिआपक अधिआपकावां सकूल विच्च बदली करवाके आउण दी इछ्छा रख्खण वाले हर अधिआपक अधिआपका नूं इह कहिंदे कि इस सकूल विच्च बदली नां करवाओ, प्रिंसीपल बहुत सख़त है।

सकूल दे अधिआपक अधिआपकावां दी मिहनत सदका सकूल सरवपख्खी विकास दे राह उत्ते तुर पिआ। सकूल दे शानदार नतीजे अते वजीफे आउणे शुरू हो गए। सकूल दी शानदार इमारत तिआर हो गई। सकूल दी आपणी वख्खरी पछाण बण गई पर मेरे आलोचकां नें मेरे असूलां दी आलोचना करनी नहीं छड्डी। इक्क अधिआपका दी सेवा मुकती कारन मेरे सकूल विच्च इक्क समाजिक विशे दी असामी खाली हो गई। समाजिक विशे दी इक्क असामी शहिर दे दूजे सकूल विच्च खाली होई सी। इक्क दिन इक्क अधिआपका दे घर वाला मेरे दफतर विच्च समाजिक विशे दी खाली असामी बारे पुछ्छण आइआ। उह मैनूं कहिण लग्गा, “सर, मेरी पतनी इक्क पिंड दे सकूल विच्च जांदी है, उह बदली करवाके शहिर विच्च आउणा चाहुंदी है। मैं तुहाडे सकूल दी खाली असामी बारे पता करन आइआ सी। असामी दूजे सकूल विच्च वी खाली है। सकूल तां तुहाडा वधीआ है पर असीं इस सकूल नालों दूजे सकूल विच्च बदली करवाउणा चाहुंदे हां।”

मैं उस विअकती नूं प्रशन कीता, “सर, इह लड़कीआं दा सकूल है, तुसीं आपणी पतनी दी बदली इस सकूल विच्च किउं नहीं करवावाउंदे?”

उह बंदा बहुत ही साफ दिल सी, कहिण लग्गा, “सर, सानूं किसे नें किहा है कि इस सकूल विच्च सखती बहुत है, इस लई तुसीं इस सकूल विच्च आपणी बदली नां करवाइउ।”

मैं उस सज्जण नूं आखिआ, “ठीक है जी, जिवें तुहाडा मन करे, कर लैणा।”

उह विअकती चला गिआ पर मेरा मन मैनूं सवाल करन लग्गा कि की लापरवाह लोकां नूं आपणे विच्च सुधार लिआउण नूं कहिणा कोई गुनाह है? खैर कुझ दिनां बाअद उह विअकती आपणी अधिआपका पतनी नूं नाल लैके मेरे दफतर विच्च आके कहिण लग्गा, “सर, असीं तां दूजे सकूल दी बदली लई सिफारश लगवाई सी, पता नहीं तुहाडे सकूल दी बदली किवें हो गई? ... वेखदे हां, जेकर तुसीं सखती कीती तां मुड़ पहिले सकूल विच्च चले जावांगे।”

मैं उस विअकती नूं अग्गों किहा, “सर, वेख लओ, हुण वी तुहाडी बदली रद्द हो सकदी है, मैं फोन कर दिंदा हां।”

मेरी गल्ल सुणके उह विअकती चुप्प रिहा। अधिआपका मेरे सकूल विच्च हाज़र हो गई। उस अधिआपका नूं पहड़ाउण लई अंगरेज़ी अते समाजिक दे विशे दित्ते गए। इक्क हफते विच्च ही उस अधिआपका नें इह सिध्ध कर दित्ता कि सकूल नूं आपणे पेशे नूं समरपित अधिआपका मिल गई है।

फिर इक्क दिन उस अधिआपका दे पिछले सकूल तों मेरे इक्क जाणकार अधिआपक दा फोन आइआ, “प्रिंसीपल साहिब, साडे सकूल दी इक्क बहुत ही मिहनती अधिआपका तुहाडे सकूल पहुंच गई है, साडे सकूल नूं इसदे जाण नाल बहुत वड्डा घाटा पिआ है।”

उह अधिआपका कुझ महीनिआं विच्च ही सकूल दे सटाफ अते बच्चिआं दी चहेती अधिआपका बण गई। उसदी आपणे विशिआं उत्ते पकड़, उसदा पहड़ाउण दा ढंग, प्रारथना सभा विच्च बच्चिआं नूं बोलण लई तिआर करना इस गल्ल दा प्रमाण सी कि उह गुणां दा भंडार सी।

इक्क दिन मैं उस अधिआपका नूं आपणे दफतर विच्च बुलाके किहा, “मैडम, मैं सकूल दे बच्चिआं दी विद्दिअक मुकाबलिआं लई तिआरी करवाउण लई तुहाडा सहियोग चाहुंदा हां।”

उस अधिआपका नें अग्गों किहा, “सर, मैं अज्ज तक तां इह कंम कीता नहीं पर कोशिश करके वेख लैंदी हां।”

उस अधिआपका अते होर अधिआपक, अधिआपकावां दे सहियोग नाल सकूल दे बच्चिआं नें प्रांतक पध्धर तक जित्तां हासल कीतीआं। बच्चिआं दीआं प्रापतीआं नूं वेखदिआं मैं हर साल सकूल दा सालाना इनाम वंड समारोह करवाउंदा हुंदा सी। सकूल दी आरथिक सहाइता लई मैं समागम दे मुख्ख महिमान वजों किसे मंतरी नूं बुलाउंदा सी। समागम दे मंच संचालन लई मैनूं समस्सिआ आउंदी सी। मैं रख्खे होए समागम लई मैडम नूं मंच संचालन लई किहा। पहिलां तां मैडम मंच संचालन करन लई तिआर नहीं होई पर थोहड़ा प्रेरित करन बाअद उह सकूल दे हर समागम दा मंच संचालन करन लग्ग पई। इक्क दिन मैडम मेरे दफतर विच्च आके कहिण लग्गी, “सर, मैनूं आप नूं नहीं पता सी कि मेरे विच्च ऐने गुण हन, तुसीं मैनूं मौके देके मेरे अंदरले गुणां दी पछाण करा दित्ती है।”

इक्क दिन सिख्खिआ विभाग वल्लों मालती देवी गिआन पीठ पुरसकार लई पंजाब दे अधिआपक अधिआपकावां वल्लों अरज़ीआं मंगीआं गईआं। पुरसकार दी राशी इक्क लख्ख रुपए सी। मैं तिंन अधिआपक अधिआपकावां दे नाल उस अधिआपका नूं वी आपणी अरज़ी भेजण लई किहा। पहिलां तां उह अधिआपका आरज़ी भेजण लई तिआर नां होई पर मेरे ज़िआदा कहिण ’ते उस अधिआपका नें उस पुरसाकार लई अरज़ी भेज दित्ती। उह अधिआपका मालती देवी गिआन पीठ पुरसकार लई चुणी गई अते उस नूं केदरी मंतरी वल्लों सनमानित कीता गिआ। इक्क दिन उस अधिआपका दा घर वाला मेरे दफतर विच्च आके कहिण लग्गा, “सर, सानूं हुण समझ आई है कि लोक ऐवें ही तुहाडी लोचना करदे हन, मेरी पतनी दी बदली जेकर दूजे सकूल दी हो जांदी तां बहुत वड्डी गलती हो जांदी। मेरी पतनी तां तुहाडीआं सिफ़तां ही बहुत करदी है।”

उस विअकती दीआं गल्लां सुणके मैनूं इंज जाप रिहा सी कि इह पुरसकार मेरी आलोचना दा है।

* * * * *