पिछले दिनीं मेरे इक्क दोसत दे मुंडे दा विआह सी। कारड दे नाल मठिआई दा डब्बा वी सी। उस आखिआ, तुसीं बरात नाल ज़रूर चल्लणा है, सिध्धे ही मैरेज पैलेस पुज्ज जाणा। मैं दस्से समें तों कोई अध्धा घंटा पछड़ के गिआ पर उत्थे जा के वेखिआ कि पहिलां आउण वालिआं विच्च मैं ही सां। कोई वाकफ़ वी नज़र नहीं सी आ रिहा सी। कुड़ी वालिआं दे ही कुझ बंदे हाज़र सन। कोई इक्क घंटे दी उडीक पिछ्छों पता चल्लिआ कि बरात पहुंच गई है। उठ्ठ बरात विच्च जा रलिआ। मिलणीआं होईआं। आपणे दोसत नूं लभ्भिआ। शगन वाला लफाफा फड़ाइआ। उस आखिआ, असीं तां अनंद कारज लई जा रहे हां, तुसीं रोटी खाके ही जाइओ। कोशिश करन उत्ते वी मैं मुड़ उस नूं मिल नहीं सकिआ। रोटी तों पहिलां ही मैं कई कुझ खा लिआ सी पर फिर वी पलेट चुक्की लई। लाईन लग्गी होई सी। इंझ जापदा सी जिवें छत्ती पदारथ परोसे गए होण। सारा कुझ थोहड़ा थोहड़ा पाइआ, पलेट भर गई। कुझ खाधा ते बाकी उवें ही छड्ड दित्ता। जेकर कोई मैनूं पुछ्छदा किहड़ी डिश वधीआ सी तां मैं दस्सण दे काबिल नहीं सी, किउंकि सारा कुझ ही रल गिआ सी। चुप्प करके उत्थों खिसकण दी कीती।

पंजाब विच्च आए हरे इनकलाब दा असर, विदेशां विच्च गए होइआं दा असर जां मीडीए दा असर पंजाब दे समाजिक जीवन विच्च पिछले तिंन दहाकिआं दौरान बड़ी तेज़ी नाल तबदीली आई है। रहिण सहिण दा ढंग, खाण-पीण दीआं आदतां जां सभ्भिआचारक रसमो-रिवाज़ सारे ही तेज़ी नाल बदल गए हन। समाजिक जीवन जिहड़ा चार कु दहाके पहिलां हुंदा सी, उह किते वी नज़र आ रिहा। नवीं पीहड़ी लई उस समें दीआं गल्लां किस्से कहाणीआं वांग ही जापदीआं हन। साडे समाज विच्च विआह दा समागम सभ तों महत्तवपूरन अते खुशी भरिआ मंनिआ जांदा है पर समें दे बीतण नाल इस विच्चों अपणत्त, पिआर दा निघ्घ, मिलाप अलोप हो रिहा है ते इह इक्क रसम बण के ही रहि गिआ है। इस विच्च कोई शक्क नहीं कि विआहां विच्च पहिलां नालों किते वध्ध खरच कीता जांदा है। आपणी शान दा विखावा वध्ध तों वध्ध कीता जांदा है। पर उस विच्च रिशतिआं दा निघ्घ किते वी विखाई नहीं दिंदा।

मेरा बचपन पिंड विच्च बीतिआ है। मैं विआहां समें दी खुशी अते पिआर दे निघ्घ नूं अख्खी वेखिआ ही नहीं सगों उस नूं माणिआ वी है। पिंड विच्च जदों किसे मुंडे कुड़ी दा विआह धरिआ जांदा, सारी गली विच्च खुशी दी लहिर दौड़ जांदी। पिंडां विच्च आम करके इक्क गली जां बीही विच्च इक्को परिवारिक पिछोकड़ दे परिवार वसदे हुंदे सन। सारिआं नूं इंझ जापदा सी जिवें उनहां दे घर विआह धरिआ गिआ होवे। मंगणी दी रसम तों लै के डोली तुरन तक हर रसम पिंड दी पंचाइत भाव सिआणिआं अते शरीके दी हाज़री विच्च पूरी कीती जांदी सी। मंगणी दी रसम सादी पर पिआर भरी हुंदी सी। मुंडे दी झोली विच्च कुड़ी दा पिओ सवा रुपइआ, सत्त छुहारे ते कुझ पताशे जां लड्डू पाउंदा सी। हुण वांग वध चहड़ के लैण देण नहीं हुंदे सन। शरीके दे लोक मुंडे दी झोली विच्च शगन पाउंदे सन, जिस नूं नेउंदा पाउणा आखिआ जांदा सी। हर रिशतेदार वल्लों दित्ते पैसिआं दा वेरवा इक्क कापी विच्च लिखिआ जांदा सी तां जो वारी आउण उत्ते उंने ही पैसे मोड़े जा सकण। इह रिवाज़ शाइद इक्क दूजे दी आरथिक सहाइता करन लई ही पिआ होवेगा। विआह सारे शरीके दी सांझी ज़िंमेवारी गिणिआ जांदा सी। महीना पहिलां ही विआह दी तिआरी शुरू हो जांदी सी। उदों नवें कप्पड़े केवल विआह शादी दे मौके ही सुआए जांदे सन। कप्पड़े खरीदण दा कंम वी रळ के ही कीता जांदा सी। घर विच्च बैठ के दरजी टब्बर दे सारे जीआं दे कप्पड़िआं दी सिलाई करदा सी।

कणक दी सफाई, दालां दी दलाई, मसालिआं दा कुट्टणा सारे शरीके दीआं औरतां रळ के ही करदीआं हन। इत्थे ही उनहां नूं सुहाग दे गीत गाउण दा मौका मिल जांदा सी। वटणा वी तिंन-चार दिन लगदा सी। घट्टो-घट्ट इक्क दिन वटणा शरीके विच्चों सभ तों नेड़ले रिशते वाले घर लगदा सी। रात नूं जागो कढ्ढदीआं औरतां वटणा लग्गण पिछ्छों कुड़ी जां मुंडे नूं आपणे घर लै के आउंदीआं सन। गाउण अते गिध्धे दा प्रोगराम लगभग रोज़ ही हुंदा सी। विआह तों तिंन दिन पहिलां ही सारे पिंड विच्चों ही दुध्ध आउणा शुरू हो जांदा सी। मंजे बिसतरे वी पिंडों ही इकठ्ठे कीते जांदे सन। विआह वालिआं दे रिशतेदार अते बराती सारे पिंडे दे ही प्राहुणे समझे जांदे सन। इक्क इन पहिलां नानका मेला आउंदा सी। नानके वी शरीके विच्चों औरतां मरद इकठ्ठे हो के आउंदे सन। नानका मेल गीत गाउंदिआं ही पिंड वड़दा सी। अग्गों दादकिआं वल्लों वी औरतां दे गीतां नाल उनहां दा सवागत कीता जांदा सी।

आम तौर ’ते बरात दी इक्क रोटी नानकिआं दी हुंदी सी। नानकी छक्क विच्च जो आउंदा सी, उस नूं सतिकार नाल विहड़े विच्च रख्खिआ जांदा सी तां जो दादके उस नूं वेख सकण। बरात आम करके पैदल ही जांदी सी। बरातीआं दा समान गड्डे उत्ते अते विआह वाला मुंडा गड्डी विच्च जां रत्थ विच्च जांदे सन। जेकर वाट लंबी हुंदी सी तां राह विच्च पैंदे किसे पिंड विच्च नज़दीकी रिशतेदार बरात लई दुपहिर दी रोटी दा प्रबंध करदे सन।

पिंडों बाहर पुज्जके बरात वल्लों पिंड विच्च जाण लई पिंडों आउण वाले सद्दे दी उडीक कीती जांदी सी। बरात दे सवागत दा पूरा प्रबंध हो जाण उत्ते पिंडों नाई जां विचोला बरात नूं सद्दण जांदा सी। जंझघर दे बाहर पिंड दी पंचाइत अते सारे रिशतेदार बरात दा सवागत लई तिआर खहड़े हुंदे सन। औरतां वल्लों सिठ्ठणीआं दे विचकार मिलणी दी रसम पूरी कीती जांदी सी। जंझ घर विच्च बरात दा उतारा हुंदा सी। इत्थे ही उनहां नूं चाह पाणी पिलाइआ जांदा सी। बड़ी इज़्ज़त नाल बरात नूं रात दी रोटी लई बुलाइआ जांदा सी। पिंड दी पंचाइत अते बाकी रिशतेदार बरात दा सवागत करदे सन। रोटी लई कोरे विछाए जांदे सन। जदों बरात कोरिआं उत्ते बैठ जांदी सी तां उनहां दे हत्थ धुआए जांदे सन। बरातीआं अग्गे थालीआं, गिलास, कौलीआं अते चमचे रख्खे जांदे सन। फिर खाण-पीण दीआं वसतां वरताईआं जांदीआं सन। जदों सारा कुझ वरत जांदा सी फिर पंचाइत वल्लों रोटी खाण दी बेनती कीती जांदी सी। पंचाइत ते बाकी रिशतेदार इक्क पासे बैठे रहिंदे सन। बनेरिआं उत्ते बैठीआं औरतां सिठ्ठणीआं ते होर गीत गाउंदीआं सन। जदों कदे उनहां दे गीत हद्द पार करन लग्गदे सन तां पंचाइत उनहां नूं रोक दिंदी सी। जदों बरात रोटी खा हटदी सी तां मुड़ उनहां दे हत्थ धुआए जांदे सन। जूठे भांडे चुक्कण पिछ्छों पंचाइत बरात नूं उठ्ठण लई बेनती करदी सी। औरतां वी इसे तरहां दे गीत शुरू कर दिंदीआं सन। रोटी खुआउण दा सारा कंम शरीके दे मुंडे ही करदे सन। कंम करन विच्च पिआर अते उतशाह वेखण नूं मिलदा सी। सारे पासे इक्क अपणत्त हुंदी सी।

दूजे दिन बराती आपणे पिंड दीआं अते गोतर दीआं औरतां जिहड़ीआं इस पिंड विआहीआं आईआं हुंदीआं सन, उनहां नूं आपणीआं धीआं समझ उनहां दे घरीं जा के शगन दिंदे सन। इह शगन भावें इक्क रुपइआ जां पंज रुपए ही हुंदा सी पर रिशतिआं दे निघ्घ वधेरे भारू हुंदा सी। बरात दी इक्क रोटी नानकिआं वल्लों हुंदी सी ते इक्क रोटी कुड़ी दे चाचे जां ताए वल्लों खुआई जांदी सी।

डोली टुरन दा नज़ारा बहुत ही दरद भरिआ हुंदा सी। डोली टुरन तक सारे बराती अते बाकी रिशतेदार हाज़र हुंदे सन। डोली औरतां दे गीतां नाल तोरी जांदी सी। पहिलां डोली डोलिआं विच्च जांदी सी, जिस नूं पिंड दे कहार मोढिआं उत्ते चुक्क के लिजांदे सन। बराती वी आपणे पिंड तक डोली दे नाल ही जांदे सन। मुड़ डोले दी थां गड्डीआं जां रत्थां नें लै लई। गड्डे उत्ते बरातीआं दा समान अते गड्डी विच्च डोली जांदी सी। वधीआ बल्लद गड्डे, गड्डी लई शिंगारे जांदे सन। विआह दीआं रसमां विच्च सादगी सी पर पिआर, अपणत्त अते उतशाह वधेरे हुंदा सी। सारे पिंड नूं ही चा चहड़िआ रहिंदा सी। मेज़ कुरसीआं, बहिरे जां कराकरी दी लोड़ नहीं सी पैंदी। गुरदवारे दे बरतन, दरीआं अते चानणी कंम आउंदे सन। झीऊर कोरे विछाउंदे सन अते बरतन साफ करदे सन। सारे रिशतेदार, शरीक, दोसत पूरी अपणत्त नाल सारे कारजां विच्च भाग लैंदे सन।

समां बदलिआ है। विआह इक्क रसम बण के रहि गई है। विआह हुण घरां विच्च नहीं सगों मैरिज पैलस विच्च हुंदे हन, जिहड़े हुण पिंडां विच्च वी बण गए हन। घर वाले वी उत्थे कारड विच्च लिखे समें तों पिछ्छों ही पुज्जदे हन। रिशतेदार, जाण-पछाण वाले केवल हाज़री लुआउण ही आउंदे हन। रसमां पहिलां वी हुंदीआं सन जिहड़ीआं आपसी पिआर ते खुशी दी निशानी सन। रसमां हुण वी हुंदीआं हन। इह पिआर दी निशानी घट्ट ते विउपार दी निशानी वधेरे बण गईआं हन। विआह भावें हफ़ते विच्च करना होवे पर रसमां सारीआं पूरीआं कीतीआं जांदीआं हन। रोका, मुंदरी पुआई, कुड़माई ते विआह ज़रूरी हन। जिनहां कोल बेईमानी दा पैसा है, उह इसदी खुल्ल्ह के वरतों करदे हन, दूजिआं नूं रीसो रीसी आपणे नक्क लई खरच करना पैंदा है। पंजाब दे पिंडां विच्च बहुते परिवार विआहां उत्ते कीते खरच करके करज़ाई हन। चंगा रिशता प्रापत करन लई उह घर वी चंगा बणाउंदे हन ते टरैकटर वी खरीददे हन ज़मीन, भावें पंज एकड़ तों वी घट्ट ही होवे। किसे चार एकड़ दे मालक किसान नूं पुछ्छिआ गिआ कि उस नें टरैकटर किउं खरीदिआ है। उस दा उत्तर सी कि साडे गुआंढीआं कोल टरैकटर है, उनहां दे मुंडे नूं दहेज विच्च मरूती कार मिली है। फिर असीं भला पिछ्छे किउं रहीए। जिस नें टरैकटर खरीदिआ उस नें करज़ा लिआ, जिस नें दहेज विच्च मरूती दित्ती, उस वी करज़ा लिआ। पिंडां दे आम घरां विच्च टैलीविज़न, फरिज्ज, सकूटर आदि दहेज विच्च ही मिले होए हन।

पहिलां बरात गड्डे, गड्डीआं विच्च जांदी सी। फिर बस्सां दा रिवाज़ पिआ। इस तों अग्गे टैकसीआं दी वारी आई हुण आपणीआं कारां विच्च बरात जांदी है। महिमानां दी खातिर पिआर नाल नहीं, सगों पैसे नाल हुंदी है। वध्ध तों वध्ध पदारथ बणा के वडप्पण दिखाउण दा यतन कीता जांदा है। सारे खुल्ल्ह के शराब पींदे हन। अध्ध नंगीआं कुड़ीआं उकसाऊ नाच नच्चदीआं हन। पर बरात दी विदाई समें केवल घर दे बंदे ही नज़र आउंदे हन। डोले दी थां गड्डी नें लई, मुड़ कार ते हुण विशेश कारां वरतों विच्च लिआंदीआं जांदीआं हन। वड्डे शहिरां विच्च वड्डीआं कारां केवल इसे कंम लई किराए उत्ते मिलदीआं हन। डोली नें भावें उसे शहिर विच्च रहिणा हुंदा है पर हज़ारां रुपए इस कार दे किराए उत्ते खरच हुंदे हन।

समें नाल विकास हुंदा है। समाजिक अते सभ्भिआचारक तबदीलीआं वी आउंदीआं हन। पर इह तबदीली उदों ही सुखावीं हुंदी है जदों विकास दा अधार बणे। लोकां दी सोच, रहिण सहिण अते बोलचाल वधीआ होवे। पर जेकर इह विखावा बण जावे तां विकास दी निशानी नहीं सगों विगाड़ लई ज़िंमेवार बण जांदी है। इस विखावे दी दौड़ विच्च पैसा महत्तवपूरण बण जांदा है। पैसे लई बेईमानी कीती जांदी है। रिशतिआं विच्च त्रेड़ां आउंदीआं हन अते कई वार करज़ाई वी बणना पैंदा है। इस तरहां समाज टुट्टदा है, जुड़दा नहीं अते नां ही विकास वल्ल पुलांघा पुट्टदा है।

* * * * *