अहिमदाबाद तों उडारी भर के लंडन-गैटविक जाण वाले एअर इंडीआ दे जहाज़ दा कुझ कु मिंटां पिछ्छों डिग पैणा भारती लोकां नूं हिला देण वाला हादसा सी। इस हादसे दा झटका पूरी दुनीआ दे लोकां नें महिसूस कीता होवेगा, पर भारत लई इह कई पख्खां तों मारू सट्ट सी। पहिली गल्ल इह कि डिगण वाला जहाज़ भारत दा सी अते उस कंपनी दा सी, जिहड़ी कई दहाकिआं तक भारत सरकार दी मालकी रहिण दे बाअद जदों डुब्बण वाले हालात नूं पुज्ज गई तां उदों इह इक्क निज्जी कंपनी ‘टाटा गरुप्प’ नूं वेचण दे नाल सरकार नें इक्क तरहां खहिड़ा छुडाइआ सी। उस वकत दे टाटा गरुप्प दे मुखी रतन टाटा लई परिवार दी विरासत दा सवाल बण गिआ सी, किउंकि इह कंपनी पिछली सदी दे चौथे दहाके विच्च शुरू वी इसे टाटा परिवार नें कीती सी अते जदों भारत सरकार नें आपणे हत्थां विच्च लैणी चाही तां दे दित्ती सी। बहुत वधीआ चलदी कंपनी दा भठ्ठा वख्ख-वख्ख समें आईआं भारत दीआं सरकारां नें बिठाइआ सी। इह चरचा कई वार हुंदी रही सी कि सरकारां इस कंपनी दे जहाज़ वी वरतदीआं सन, सीटां वी मंतरीआं, अफसरां अते सरकारी कंमां लई आउण-जाण वाले लोकां लई चोखा वरतदीआं सन, पर मगरों पैसे देण विच्च उह कदे वी वाअदे उत्ते पूरीआं नहीं सी उत्तरीआं। पारलीमैंट विच्च इस सरकारी हवाई कंपनी बारे बहिस बहुत वारी होई सी, पर इसदी हालत सुधारन दा कोई फैसला लैण दी थां पारलीमैंट मैंबरां नूं इस कंपनी दे जहाज़ां दा सफर करन दे वकत होर वध्ध सनमानत ढंग नाल पेश होण दीआं हदाइतां तक गल्ल रुक जांदी सी।
इस सरकारी कंपनी अते इस नाल जुड़े लोकां नाल जिद्दां दा दुर-विहार हुंदा रिहा सी, उह आपणे आप विच्च इक्क भद्दा रिकारड है। मनमोहन सिंघ दी सरकार दे वकत इक्क वारी जदों आई पी ऐल्ल क्रिकट चल्ल रिहा सी तां दिल्ली तों मुंबई लई उड्डिआ जहाज़ अचानक राह विच्चों चंडीगहड़ वल्ल मोड़ दित्ता गिआ ते उत्थों इक्क क्रिकट टीम चहड़ा के उस नूं कोलकाता पहुंचाउण दे बाअद मुंबई वल्ल मोड़िआ गिआ। नतीजा इह निकलिआ कि जिहड़े मुसाफरां नें ढाई घंटे बाअद मुंबई पुज्ज जाणा सी, उह करीब गिआरां घंटे जहाज़ जां एअरपोरटां उत्ते बिठा के खज्जल कीते जांदे रहे सन। कारन इह सी कि उस वेले दे हवाई जहाज़ मंतराले दा मंतरी कांगरस दी भाईवाल पारटी दा सी ते उस दी धी इक्क आई पी ऐल्ल वाली क्रिकट टीम दी लोक संपरक अफसर सी। उनहां नें आपणी टीम वासते जिस जहाज़ दी बुकिंग कराउणी सी, उस दा शाइद चेता नहीं सी रिहा अते अचानक जदों चंडीगहड़ बैठी टीम कोलकाता पहुंचाउण दी मुशकिल बण गई तां उस वकत धी नें मंतरी बाप नूं किहा ते बाप दे कहिण उत्ते एअर इंडीआ नें मुंबई जांदा जहाज़ चंडीगहड़ नूं मोड़ के मंतरी दी धी दी मुशकिल हल्ल करन लई मुसाफरां दे लई मुशकलां वधा दित्तीआं सन। उस दिन सिखरां दी खज्जल-खुआरी झल्ल चुक्के लोक फिर किसे अगली वारी एअर इंडीआ वल्ल मूंह कदे नहीं करनगे।
दूसरा मामला इस नालों थोहड़ा जिहा वख्खरा सी। आम कर के हवाई कंपनीआं आपणे अधिकारीआं अते करमचारीआं नूं मुफत सफर दी सहूलत दिंदीआं हन, पर बहुत ही खास कारन तों बिनां उनहां नूं मुसाफरां तों पहिल कदे नहीं दित्ती जांदी। आम कर के उनहां नूं हदाइत हुंदी है कि जे मुसाफर वध्ध मिलदे हन तां उनहां मुसाफरां नूं पहिल देण लई कंपनी दे आपणे करमचारी जां अफसर नूं औख वी झल्लणी पै सकदी है ते उह इनकार नहीं करनगे। इक्क वारी चंडीगहड़ तों जहाज़ जाणा सी। जिस मुसाफर दी कनफरम टिकट सी, उस नूं सीट नंबर अलाट हो चुक्का सी, उस दी थां कंपनी दे इक्क अफसर दे रिशतेदारां नूं उहो सीट अलाट कर दित्ती गई अते संबंधत मुसाफर नूं इसदी थां उह सीट लैण लई कहि दित्ता गिआ, जिस उत्ते सफर दौरान वार-वार टराली अते एअर होसटैस्स दे लंघण वेले उठ्ठणा पै जांदा है। इद्दां दी सीट लैण तों बहुत सारे मुसाफर नांह करदे हन, पर मजबूरी विच्च लैणी पै जांदी है, जदों कि उत्थे कोई मजबूरी नहीं, मुसाफर दी थां एअर इंडीआ दे इक्क अधिकारी दे रिशतेदार नूं पहिल दित्ती जाण दा मामला सी।
इहो नहीं, भारत दे मंतरी अते पारलीमैंट मैंबर जिद्दां दी बदतमीज़ी एअर इंडीआ दे सटाफ नाल करदे रहे हन, उह कंपनी दी बदनामी दा कारन बणदी सी। नरिंदर मोदी दी पहिली सरकार दौरान केंदर विच्च महाराशटर दी शिव सैना वी भाईवाल सी अते उसदे पारलीमैंट मैंबर हर गल्ल विच्च हद्दां टप्पण दा रिकारड बणाई जांदे सन। इक्क वारी मुंबई तों चहड़िआ शिव सैना दा इक्क पारलीमैंट मैंबर किसे गल्ल तों इंना भड़क पिआ कि दिल्ली आण के जहाज़ विच्च ही एअर इंडीआ दे एअरपोरट मैनेजर नूं सद्द के उस नूं गाल्हां कढ्ढण लग्ग पिआ। इस नाल वी मन नां भरिआ तां आपणे पैर दी जुत्ती लाही ते उस नूं छित्तरां नाल कुट्टण लग्ग पिआ ते जदों बाहर आइआ तां मीडीआ कैमरिआं साहमणे बड़े माण नाल इह कहिंदा सी, “मैने उस को गिन-गिन कर पच्चीस जूते लाए।’ मामला सारे देश विच्च चरचा दा मुद्दा बणिआ। शिव सैना आपणे आगू दे हक्क विच्च खड़ो गई अते मोदी सरकार उस दा बचा करन लग्ग पई। कई दिन चरचा तों बाअद उह मामला ठप्प कर दित्ता गिआ। इद्दां दे माहौल विच्च करमचारी कंम किहो जिहा कर सकदे हन!
सिरफ इह नहीं कि एअर इंडीआ नूं इत्थे वरतिआ अते करमचारीआं नाल बद-सलूकी कीती जांदी सी। इस कंपनी नूं सरकारां नें आपणे बंदे विदेशां विच्च सैट्ट करन वासते वी वरतिआ सी। इक्क वारी इह वड्डी हैरानी वाली खबर आई सी कि एअर इंडीआ नें ढाई दरजन दे करीब इहो जिहे देशां विच्च आपणे दफतर खोल्हे होए हन अते उत्थे सटाफ बिठा रख्खिआ है, जित्थे इसदी कोई फलाईट ही नहीं जांदी। सपशट गल्ल सी कि उत्थे बैठा मैनेजर, उस नाल लाइआ सहाइक अते सेवादार बिनां कंम करन तों तनखाहां लई जांदे सन अते कुझ समां उत्थे आरज़ी डिऊटी करन मगरों जदों उनहां देशां विच्च पैर पक्के लग्ग जांदे तां उस वकत उनहां दी थां कोई होर इहो जिहा लोड़वंद उत्थे ऐडजसट करवा लिआ जांदा सी। पारलीमैंट विच्च इस चक्कर दा सवाल पुछ्छिआ गिआ तां उस वकत दी सरकार नें गल्ल गोल-मोल कर दित्ती ते मसला टल गिआ सी।
एअर इंडीआ नाल तां जो हुंदा रिहा, उह सभ नूं पता है, एअरपोरट सकिउरटी दे मामले विच्च वी किसे नियम-कानूंन दी प्रवाह भारत दे सिआसी आगू बहुती नहीं करदे। इक्क वार उत्तर प्रदेश दे इक्क एअरपोरट उत्ते ते इक्क वारी पटने दे एअरपोरट उत्ते केंदरी आगूआं नूं लैण वासते पहुंचे होए उनहां दी पारटी दे लीडर अते वरकर रंनवेअ तक जाण दी अड़ी कर बैठे सन। आखर नूं सरकार नें दबाअ हेठ उनहां दी गल्ल मंनी सी अते सारे नियम-कानूंन तोड़ के अंदर तक जाण दित्ता गिआ सी। गुजरात दे इक्क एअरपोरट उत्ते इक्क वारी कुझ पारलीमैंट मैंबरां नें रंनवेअ उत्ते खहड़े हो के फोटो खिचवाए सन अते इह सभ कुझ उस वकत कीता गिआ, जदों उनहां दे पिछ्छे इक्क जहाज़ लैंड करदा पिआ सी। उस वकत वाली फोटो अज्ज तक मेरी फाईल विच्च पई है, पर कमाल दी गल्ल इह कि उनहां लीडरां जां एअरपोरट अथारटी वाले अफसरां दा वाल वी विंगा नहीं सी होइआ, किउंकि जिनहां लोकां नें इह गलत हरकत कीती ते करवाई सी, उह केंदर विच्च राज करदी पारटी नाल संबंधत पारलीमैंट मैंबर सन। जिहड़े एअरपोरटां उत्ते इस हद्द तक नियमां दी उलंघणा हुंदी होवे अते उत्थों दे अधिकारी अते करमचारी नां चाहुंदे होए वी सिआसत दे धनंतरां अग्गे झुकण लई मजबूर हो जांदे होण, उत्थे सुरख्खिआ खामी होणा हैरानी वाली गल्ल नहीं हुंदी।
इस वेले एअर इंडीआ फिर चरचा विच्च है अते जिस रतन टाटा नें आपणे खानदान दी विरासत दा खिआल कर के इस नूं डुब्बदी पई नूं आपणे कंटरोल विच्च लै के सुधारन दा वाअदा कीता सी, उह वाअदे उत्ते पूरा उत्तरन वाला सनअतकार अज्ज दुनीआ विच्च नहीं है। जिनहां लोकां दे हत्थां विच्च एअर इंडीआ दी कमान इस वकत है, उनहां दी अकलमंदी अते फरज़ वल्ल संजीदगी उत्ते कई लोकां वल्लों समें समें उंगलां उठाईआं जांदीआं रहीआं हन। नां उनहां दा इस अदारे नाल कोई खास मोह जापदा है, नां इस नूं संभालण अते सुधारन दा बीड़ा चुक्कण वाले सनअतकार दे परिवारक पिछोकड़ अते विरासत नाल वासता है, उनहां दी लोड़ सिरफ आपणी नौकरी चलदी रख्खण अते लाभ माणन तक दी जापदी है। संसार दे किसे वी विकसित देश दे किसे अदारे, किसे टरेन जां बस्स सहूलत जां किसे किशती अते जहाज़ विच्च चहड़न जावो तां आम कर के इक्क नाअरा लिखिआ दिस पैंदा है, “युअर सेफटी, अवर परिऔरेटी’, भाव तुहाडी सुरख्खिआ साडे लई हर होर गल्ल तों वड्डी पहिल है, पर भारत विच्च इहो गल्ल किते लिखी जां लागू हुंदी नहीं वेखी जांदी। भारत दे लोक जिद्दां दा राज-प्रबंध भुगतदे पए हन, उस विच्च एअर इंडीआ दी हालत विगड़ना, हादसे वापर जाणा ते इक्को वार ढाई सौ तों वध्ध लोकां दा मारिआ जाणा इक्क केंदरी मंतरी दे कहिण मुताबक ‘आम जिही’ घटना है। उनहां लई हादसे होणा बेशक आम गल्ल हो सकदी है, आम लोकां वासते नहीं अते जिनहां लोकां नें दुनीआ भर दे वख्ख-वख्ख देशां विच्च जाणा-आउणा हुंदा है, उनहां लई तां इंनी आम गल्ल कदे नहीं हो सकदी। विशव गुरू बणन दे दाअवे करन वाली भारत दी सरकार जे इनहां गल्लां वल्लों अख्खां मीटी रख्खेगी तां इस तरहां दे नुकसान कदी वी रोके नहीं जा सकणे। आखर कदों तक चल्लदा रहेगा इह कुझ!