इक्क समागम विच्च इक्क गाउण वाला सदीआं पहिलां होए आपणे धारमिक रहिबर नूं वाजां मार रिहा सी कि आ के वेख दुनीआ दा की हाल हो गिआ है, तकड़ा माड़े नूं लुट्ट के खा रिहा है। निआं इनसाफ़ दूर दी कौडी हो गए हन, इत्थे मार धाड़ है, लुट्ट खसुट्ट है, तूं दुबारा आ, ते आ के इस दुनीआं नूं दरुसत कर।

इस रचना मगरों इक्क सिआणा बुलारा बोलिआ ते उस नें आखिआ, “साडे रहिबर जो सदीआं पहिलां हो गए हन, उनहां नें हुण नहीं आउणा। उनहां नें इस दुनीआं नूं चंगा बणाउण लई जो योगदान दित्ता, उह बहुत महान सी। उहनूं विसारिआ नहीं जा सकदा। उह साडे राह दसेरे सन। उनहां दे शबद अज्ज वी साडा मारग दरशन करदे हन पर सच्च इह है कि उनहां नें हुण नहीं आउणा। उनहां दे दस्से राह ’ते चल्ल के असीं आप इस दुनीआं नूं चंगा बणाउण दा यतन करीए जिहा कि उनहां किहा सी।”

ज़माने दे हर दौर विच्च समाज दी बहुगिणती नूं किसे नां किसे करामात दी उडीक हुंदी है। धरम असथानां ’ते हर रोज़ प्रारथनावां, बेनतीआं, अरजोईआं, जोदड़ीआं, अरदासां हुंदीआं हन। भोले-भाले लोकां नूं कुझ चलाक लोक आपणे धरम नूं दूजिआं दे मुकाबले वध्ध करामाती दस्स के उनहां दा धरम परिवरतन वी करवाउंदे हन। इस तरहां दीआं गतीविधीआं दा विरोध वी हुंदा है पर समाज विच्च अजिहे वरतारे चलदे रहिंदे हन। हर धरम विच्च धरम नूं मंनण वाले लोकां दा धरम विच्च विशवास बहुत ज़रूरी है। विशवास करन लई लोक करामात दी आस करदे हन। बेशक किंने वी विगिआनक ढंग नाल सोचण वाले धारमिक लोक होण उनहां विच्चों बहुगिणती दा करामातां विच्च पक्का विशवास हुंदा है।

इस समें करामातां दा बाज़ार इक्क वड्डा कारोबार बण गिआ है। बहुत सारे अखौती जोतिशी, साध संत अते आपणे आप नूं धरम दे आगू अखवाउण वाले करामातां दे नांअ ’ते लोकां नूं वरगलाउंदे हन। किसे नां किसे ढंग नाल आपणे डेरिआं ’ते भीड़ां इकठ्ठीआं करदे हन। इनहां इकठ्ठीआं होईआं भीड़ां तों मोटा पैसा वसूलिआ जांदा है जिस नाल इनहां दीआं जाइदादां दिनां विच्च अंबरवेल वांग वधदीआं हन। साडे भारती लोकां दी बहुगिणती कई तरहां दीआं आरथिक तंगीआं तुरशीआं दी शिकार है। घरां विच्च कई प्रकार दीआं मुशकिलां-प्रेशानीआं हुंदीआं हन। परिवारक रिशतिआं विच्च उह निघ्घ नहीं जो होइआ करदा सी जां होणा चाहीदा है। बाज़ार नें सानूं सिखाइआ है कि सबर संतोख वाला जीवन कोई जीवन नहीं हुंदा। असीं सटेटस लई जिऊण लग्ग पए हां। टी.वी. अते इंटरनैट्ट दी दुनीआ नें साडे तों सुख चैन, शांती, सहिज ते सबर खोह लिआ है। समाज दी बहुगिणती लालसावां, खाहिशां दे विशाल मारूथल विच्च भटक रही है। साडे समाज दी वड्डी गिणती कई तरहां दे मानसिक विकारां दी शिकार है। उदासी, प्रेशानी, कुझ चंगा नां लग्गणा, जीवन विच्चों दिलचसपी मुक्क जाणा, मन काहला पैणा, गल्ल गल्ल ’ते गुस्सा आउणा, जां रोण आउणा, आतम हत्तिआ करन दे विचार आउणे, खुशी नां आउणी, मन दा उतशाह मठ्ठा पै जाणा, मन नूं चैन-टिकाअ नां आउणा आदि कई मानसिक विकार हन जिनहां तों समाज दी वड्डी गिणती पीड़त है। हिसटेरीआ, डिमैनशीआ, सकीज़ोफरेनीआ, मास हिसटेरीआ अते होर मानसिक विकारां दे शिकार लोक धरमां दे अखौती रब्ब नूं मिले होए सिआणिआं, साधां अग्गे डिगदे डंडाउतां करदे चीकां कूकां मारदे भूतां प्रेतां दे मकड़जाल विच्चों निकलण लई वाल खिलार के खेडदे हन। इनहां विच्च 90 फ़ीसद औरतां हुंदीआं हन। आम समझ रख्खण नूं वाले नूं इह ज़रूर लगदा है कि इह किसे करामाती ढंग नाल हो वापर रिहा है। ज़रूर ही इत्थे किसे शैतान दी आतमा नें आ के इनहां मानसिक रोगीआं दे विहार नूं बदल दित्ता है ते किसे पैग़ंबर दी प्रारथना करन वाला, सारा प्रपंच रच रिहा अखौती सिआणा हुण करामाती ढंग नाल इनहां नूं ठीक कर देवेगा। पर अजिहा कुझ नहीं हुंदा। हकीकत इह है कि इह लोक घरां दीआं वख्ख वख्ख मुशकलां समस्सिआवां तों पीड़त होए मानसिक रोगी बण जांदे हन। कुझ लोकां विच्च जैनेटकली मानसिक विकार हुंदे हन। अजिहीआं थांवां, जित्थे भूतां कढ्ढण दा प्रपंच रचिआ गिआ हुंदा है, उत्थे जा के इह लोक इक्क तरहां नाल मास हिसटीरीआ दे प्रभाव हेठ चले जांदे हन अते खेडण लग्ग पैंदे हन। खेड आउण नाल मन हलका हुंदा है, बिलकुल उसे तरहां जिवें किसे नूं बहुत वड्डा दुख्ख होवे ते उह रो-रो के आपणा मन हलका कर लवे। इस तरहां वड्डीआं भीड़ां विच्च जदों कुझ लोक वाल खिलार के खेडदे हन तां इकठ्ठी होई भीड़ होर शरधावान हो जांदी है। इह सभ कुझ जिस ग़ैबी शकतीआं दा दाअवा करन वाले विअकती दी देख-रेख हो रिहा हुंदा है, उह लोकां विच्च आपणे आप नूं वड्डे जेतू अंदाज़ विच्च पेश करदा है जिवें भूतां प्रेतां, कालीआं ताकतां उस दी मुठ्ठ विच्च होण ते किसे रब्बी शकती नाल उह पीड़त लोकां दा करामाती ढंग नाल भला कर रिहा होवे। मनोविगिआनक द्रिशटी तों समझदिआं इस विच्च कुझ वी करामाती नहीं हुंदा, नां ही इह कोई भूतां, बुरीआं आतमावां जां किसे शैतानी ताकत करके हो रिहा हुंदा है। इत्थे विचारनयोग गल्ल इह है कि जेकर किसे थां परमातमा दी प्रारथना हो रही है तां उत्थे शैतान दी आमद किवें हो सकदी है। फिर असीं कहांगे कि प्रमातमा दी हसती तों शैतान दी हसती ताकतवर हो गई, जो प्रमातमा लई कीते जा रहे समागम विच्च आ के विघन पा रही है। कुझ शातर लोक योजनाबध्ध ढंग नाल अजिहे प्रोगराम बणा के पेश करदे हन कि लोकां नूं प्रभावित कीता जा सके। अकसर अजिहे साध-बाबे कुझ सैलेबिरटी हसतीआं नूं आपणे प्रोगरामां विच्च बुला के आपणे वड्डे धरमातमा होण दा प्रचार करन दा प्रपंच रचदे हन। इह सभ कुझ आम लोकां नूं मूरख बणा के वध्ध तों वध्ध लोकां दी लुट्ट करन लई कीता जांदा है।

जिहड़े समाजां विच्च दुख्खां, मुसीबतां, घरेलू मसलिआं, कलेशां अते बेकारी दी भरमार होवेगी उस समाज विच्च उपरोकत किसम दे विकार ज़िआदा होणगे। इस तरहां इनहां खित्तिआं विच्च धरम दे नाम ’ते पाखंड वी ज़िआदा होवेगा अते पाखंड करन वाले वी दुख्खां मुसीबतां दे झंबे लोकां तों कमाईआं कर के आपणे घर भरदे रहिणगे। इत्थे समझण वाली गल्ल इह है कि करामातां दे नाम ’ते भूतां, प्रेतां नूं कढ्ढण दा ढकवंज करन वाले मुसीबतां भोग रहे लोकां तों कमाईआं करदे हन। इह परमारथ वाला कंम नहीं, इह निहाइत घटीआ पध्धर दा कारोबार है जिस विच्च संताप भोग रहे लोकां दा आरथिक शोशण कीता जांदा है।

सानूं समझण दी इह लोड़ है कि हर तरहां दे वरतारिआं दे वापरन पिछ्छे बारीक कारन हुंदे हन जो सानूं सौखिआं कई वार समझ नहीं आउंदे। दूजा, साडे अंदर सदीआं तों बणीआं अंधविशवासी धारनावां वी इक्क वड्डा कारन हुंदीआं हन। सानूं आपणे दुख्खां मुसीबतां दे कारनां नूं समझ के, इनहां नूं दूर करके ,ज़िंदगी विच्च अग्गे वधण दी जुगत सिख्खणी चाहीदी है। उह लोक जो मनुख्ख दीआं मुसीबतां नूं किसे शैतानी शकती नाल जोड़दे हन, तों करामाती ढंग नाल दुख्खां दा निवारन कराउण दी बजाए सानूं आपणीआं मुशकलां दे मनोविगिआनक कारन खोजणे चाहीदे हन। धरती ’ते लख्खां लोक हन जो अंधविशवासां, करामातां, भूतां-प्रेतां, बुरीआं आतमावां, किसमत विच्च विशवास नहीं रख्खदे ते साडे नालों किते बिहतर ज़िंदगी जिउंदे हन। लख्खां लोक हन जो अखौती साधां-संतां, सुआमीआं, जोतशीआं, पुजारीआं अग्गे मत्थे नहीं रगड़दे सगों आपणे विवेक नाल हर मुशकल दा साहमणा करन दी हिंमत रख्खदे हन। इध्धर असीं हां कि असीं जेकर बाहरले मुलकां विच्च जाणा है तां वी अंधविशवास दा आसरा लैंदे हां। धारमिक थांवां ’ते मत्थे रगड़ के असीं किसे बाहरले मुलक जाण दा अशीरवाद लैंदे हां। असीं कदे इह अरदास बेनती नहीं कीती कि हे रब्बा इस मुलक विच्च वी विकसत मुलकां जिहे चंगे हालात पैदा कर दे तां कि सानूं बाहर होर मुलकां दी खाक नां छानणी पवे। की इसदा मतलब इह तां नहीं कि आपणे धुर अंदरों किते नां किते असीं इह समझ रहे हुंदे हां कि अरदास करिआं इह नहीं हो सकदा?

सानूं इह वी समझण दी लोड़ है कि सदीआं पहिलां होए साडे रहिनुमावां नें हुण मुड़ के कदे नहीं आउणा। सानूं इस जीवन नूं चंगा बणाउण लई आप यतन करने पैणे हन। इक्क विअकती जां पूरा समाज जदों जदों वी आपणीआं समस्सिआवां नूं किसे करामाती वरतारे नाल जोड़ देवेगा, ओदों उह समस्सिआवां दे हल्ल लभ्भण तों भटक जावेगा अते होर कई तरहां दीआं समस्सिआवां विच्च घिर जावेगा। धरती दे जिस खित्ते विच्च अंधविशवास, पखंड अते डेरावाद जकड़ वधेरे होवेगी, उस खित्ते विच्च लोकां दीआं समस्सिआवां दूर होण दी बजाए अंबरवेल वांग वधदीआं जाणगीआं। असीं इस समें उस दौर विच्चों गुज़र रहे हां जिस दौर विच्च मज़हब दे नाम ’ते पखंड करन वालिआं वलों अते राजनीतक लोकां वलों मनुख्खता दे दुख्खां नूं वकती तौर ’ते दूर करन दी निरंतर डुगडुगी वजाई जा रही है। सानूं इस वरतारे नूं समझण दी लोड़ है।

समाज नूं उनहां लोकां तों सुचेत होण दी लोड़ है जो करामाती शकतीआं दा प्रपंच रच के लोकाई नूं अंधविशवासां दी दलदल विच्च धक्क रहे हन। अजिहा करके इक्क तरहां नाल सानूं दस्सिआ जा रिहा है कि साडीआं मुशकलां, समस्सिआवां किसे गंदे अति माड़े निज़ाम दी देण नहीं बलकि इह साडी माड़ी किसमत करके हन। अजिही मनोबिरती समाज नूं रूहड़ीवादी धारनावां दे राह तोरदी है। साडे समाज नूं विवेकशील बणन दी लोड़ है। असीं विगिआनक सोच दे धारनी बण के आपणीआं समस्सिआवां तों निजात पा सकदे हां।

*****