विदेश दौरे लई अमरीका गए कांगरस आगू राहुल गांधी नें आपणे पिछले रिकारड मुताबक अगला विवाद छेड़ धरिआ है। इक्क मीटिंग विच्च उस नें भारत विच्च सिख्खां नूं उनहां दे कक्कार पहिने जाण तों रोकण समेत कई गल्लां दा ज़िकर कर दित्ता ते इस ज़िकर नूं चुक्क के भाजपा दे तिख्खे बुलारिआं नें कांगरस पारटी ते राहुल गांधी दे खिलाफ इक्क नवीं मुहिंम विढ्ढ दित्ती है। उह इहो जिहा कंम शुरू करन अते भाजपा हाई कमान कोल आपणे नंबर बणाउण लई हमेशा तिआर हुंदे हन। कुझ लोक राहुल गांधी दे विचार प्रगटावे दे हक्क दी वकालत करदे हन अते कुझ होर इह कहिंदे सुणींदे हन कि उह बिनां वजाह कुझ नां कुझ बोलण दी आदत छड्डदा नहीं अते हर नवें दिन नवें विवाद विच्च फसदे रहिण दा आदी हो चुक्का है। इक्क तीसरी धिर इह कहिंदी है कि राहुल गांधी दीआं गल्लां भावें गलत नहीं, पर विदेश जा के इद्दां कहिण नाल भारत बारे माड़ा प्रभाव पैंदा है, उस नूं देश तों बाहर हुंदिआं इद्दां दी किसे टिप्पणी तों बचणा चाहीदा है। दलील किसे वी पासे दी होवे, भारत दी राजनीती नूं इक्क मुद्दा मिल गिआ है अते उह भखण लग्ग पई है।

जित्थों तक राहुल गांधी दा सवाल है, उह कई वारी मुद्दे किसे होर बारे बोल रिहा हुंदा है अते उत्थे आपणे साहमणे बैठे लोकां दा धिआन खिच्चण लई उनहां विच्चों किसे नां किसे नूं संबोधन कर के कोई इद्दां दी गल्ल कहि बैठदा है, जिहड़ी विवाद दा कारन बण जांदी है। दूसरी गल्ल इह कि उह आपणे सलाहकारां बारे सुचेत नहीं अते जिहड़े बंदिआं कारन पहिलां विवाद पैदा हो चुक्के होण, फिर उनहां दी राए नूं बहुता वज़न देण लगदा है अते हद्दों बाहली अकल वाले उनहां सज्जणा तों खहिड़ा नहीं छुडाउंदा। मिसाल वजों राहुल दी आपणे पिता राजीव गांधी दे साथी सैम पैतरोदा नाल सांझ अते उस दीआं खुद कीतीआं टिप्पणीआं दे कारन कई वारी कांगरस पारटी कसूती फस चुक्की है। पिछलीआं लोक सभा चोणां मौके इक्क ठीक गल्ल गलत शबदां विच्च पेश करन कर के कांगरस नूं चोणां दौरान ही सैम पैतोरदा नूं पारटी तों कढ्ढण दा ऐलान करना पिआ सी ते अज्जकल्ल्ह उह फिर राहुल गांधी नाल प्रछावें वांग जुड़िआ पिआ है। सैम पैतरोदा होवे जां मणी शंकर अईअर, इनहां दी अकल इनहां दे सिर विच्च जदों खौरू पाउंदी है तां इह कोई नां कोई बखेड़ा खहड़ा कर दिंदे हन।

दूसरे पासे भाजपा दे आगू अते बुलारे जदों इह कहिंदे हन कि राहुल गांधी विदेश जा के भारत दी भंडी करदा है तां उनहां नूं इह समझणा चाहीदा है कि भारती राजनीती दे खिद्दो दीआं बदबू मारदीआं लीरां तां प्रधान मंतरी नरिंदर मोदी वी विदेश दौरिआं वेले उनहां देशां विच्च खोल्ह बैठदे हन। जिहड़े देशां विच्च जा के उनहां नें इद्दां दा कंम कीता होइआ है, उनहां दी सूची बणाउणी थका देण वाला कंम होवेगा। राहुल गांधी होवे जां नरिंदर मोदी जां फिर कोई वी होर, इनहां सारिआं नूं सोचणा चाहीदा है कि ‘घर की बात घर में ही रहे तों अछ्छा है’, पर सोचदा कोई वी नहीं। लागू करना है तां पैमाना सारिआं लई इक्को चाहीदा है।

इस वारी राहुल गांधी दीआं अमरीका जा के इक्क सिख्ख दे हवाले नाल कीतीआं टिप्पणीआं तों बाअद भाजपा दे आगूआं नें तुफान लिआ दित्ता ते अपरेशन बलिऊ सटार तों शुरू कर के दोशां दी लंमी सूची लोकां अग्गे रख्ख दित्ती है। देश दे लोक इह सभ कुझ पहिलां तों जाणदे हन ते जिहड़े आम लोक राजनीतक गलतीआं नूं भुगतदे हन, उनहां नूं नां कांगरस दे किसे पख्ख बारे कोई भुलेखा है ते नां भाजपा लीडरां दे किरदार बारे उनहां तों कोई गल्ल छुपी होई है। गल्लां सिरफ भुल्ल जांदीआं हन, पता उनहां बारे लोकां नूं हुंदा है। दिल्ली विच्च भाजपा दे इक्क सिख्ख लीडर नें राहुल गांधी विरुध्ध प्रदरशन करदिआं इत्थों तक वी उस नूं कहि दित्ता कि जो कुझ तेरी दादी नाल होइआ सी, उहो कुझ तेरे नाल होवेगा। उस दे शबदां विच्च धमकी होण दी धमक हर किसे नें नोट कीती है, पर बहुते लोक इह गल्ल नहीं जाणदे कि कांगरस पारटी दी कमान सोनीआ गांधी हत्थ आउण वाले साल विच्च इस सिख्ख आगू नें कांगरस दी टिकट उत्ते दिल्ली विधान सभा दी चोण लड़ी अते जित्त गिआ सी ते फिर पंदरां साल उसे कांगरस वल्लों दिल्ली दा विधाइक बणदा रिहा सी। उस वकत उह इंदरा गांधी दे सोहले गाउण वाले लोकां दी कतार विच्च खहड़ा दिखाई दिंदा सी ते बाअद विच्च अकाली दल तों हुंदा होइआ अज्जकल्ल्ह उह भाजपा विच्च पहुंच के राहुल गांधी नूं उसे हशर दी धमकी दिंदा पिआ है। जे देश दी राजनीती इहो जिहे डड्डू वांग छड़प्पे मारन वाले लीडरां दी भाशा तों तैअ होण लग्ग पई तां हालात विगड़न विच्च जिहड़ी कोई कसर बाकी रहिंदी है, उह वी निकल जावेगी, पर किसे नूं इसदी चिंता नहीं।

कांगरस पारटी जदों केंदर विच्च वी ते राज सरकारां दे वड्डे हिस्से उत्ते वी उह पूरी काबज़ हुंदी सी तां उह आम लोकां नाल अते खास कर के घट्ट-गिणतीआं नाल वधीकीआं करन विच्च कोई कसर नहीं रहिण दिंदी सी, पर अज्जकल्ल्ह उह सत्ता तों लांभे है अते उहो सारा कुझ भाजपा करदी पई है। फरक सिरफ इह है कि कांगरस आपणे ऐलानां विच्च किसे इक्क खास घट्ट-गिणती बारे ओदां दी कुड़त्तण दी भावना दा प्रगटावा नहीं सी करदी, पर भाजपा उस खास भाईचारे बारे आपणी नफरत लुकाए बिनां बाकी भाईचारिआं वासते मोह जां हमदरदी दा विखावा करन दा यतन करदी है। जिनहां भाईचारिआं वल्ल भाजपा आगू अज्जकल्ल्ह बाहले मोह दा प्रभाव पाउण दा यतन करदे हन, सिख्ख भाईचारा उनहां विच्चों है, पर रिकारड दस्सदा है कि देश आज़ाद होण दी घड़ी तों लै के भाजपा जां इसदा इस तों पहिला रूप ‘भारती जन संघ’ इक्क खास विरोध दी धारना उत्ते चल्लदा रिहा है। कांगरस उत्ते दोश लगदा है कि जदों सारे भारत विच्च भाशा आधार उत्ते राजां दी हद्दबंदी अते मानता शुरू कीती जाण लग्गी सी तां पंजाब नूं इहो हक्क देण तों नांह करदी सी। इह दोश बिलकुल ठीक है, पर इह गल्ल नाल नोट कीती जाण वाली है कि जदों कदी अकाली आगू ‘पंजाबी सूबा’ लैण दी गल्ल करदे जां मोरचा लाउंदे सन तां उनहां अग्गे पहिला अड़िक्का जन संघ लाइआ करदी सी। आपणी मंग लई अकाली आगू दरबार साहिब विच्च मरन वरत रख्खण लग्गदे तां मसां दो सौ गज़ दूर मलका दे बुत्त कोल तंबू गड्ड के भाजपा दा इक्क आगू मरन वरत रख्ख के बैठ जांदा अते इस मंग दे विरुध्ध मैदान मल्ल लिआ करदा सी। इह वरतारा बोली दे आधार उत्ते अजोका पंजाब बणाउण दी मंग मंने जाण तक इद्दां ही चल्लदा रिहा सी अते उस दे बाअद दी राजनीती विच्च वी जन संघ दी इह सोच प्रगट हुंदी रही सी।

कुझ लोक 1967 दीआं उनहां आम चोणां नूं कुड़त्तण दा इक्क पड़ाअ पूरा होणा मंनदे हन, जिनहां मगरों पंजाब विच्च पहिली वारी गैर कांगरसी सरकार बणी अते अकाली मुख्ख मंतरी दी अगवाई विच्च भारती जन संघ दे उह लोक मंतरी बणे सन, जिहड़े पिछ्छों भाजपा बणाउण वालिआं विच्च शामल सन। इह ठीक है कि इसदा पहिला प्रभाव इस राज विच्च हिंदू-सिख्ख एके वाला सी, पर जदों पंजाब सरकार नें स्री गुरू नानक देव जी दे पंज सौ साला प्रकाश दिवस मौके अंम्रितसर विच्च गुरू नानक देव यूनीवरसिटी बणाउण दा फैसला लिआ तां हिंदू-सिख्ख एके दीआं गल्लां करन वाले जन संघी आगू असतीफे दे के बाहर हो गए सन। अज्ज उह कांगरस नूं ‘पंडित नहिरू वेले तों’ सिख्खां दी विरोधी दस्सदे हन ते इस विच्चों कई गल्लां ठीक वी कहिंदे हन, पर आपणे बारे नहीं दस्सदे कि उनहां नें वी कई वारी सिख्खां नाल इह कुझ कीता होइआ है। भाजपा लीडर अज्जकल्ल्ह अपरेशन बलिऊ सटार दी मंदभागी कारवाई लई इकल्ली कांगरस नूं दोशी दस्सण अते आपणी भूमिका लुकाउण दा यतन करदे हन। सचाई इह है कि उस घटना तों बाअद पारलीमैंट दा पहिला सैशन जदों होइआ तां उस विच्च भाजपा लीडर अटल बिहारी वाजपाई नें इस नूं ठीक, पर देरी नाल कीती गई कारवाई किहा सी। उह गल्ल बाअद विच्च शाइद आई-गई हो जांदी, पर वाजपाई सरकार दे वकत उनहां नाल डिपटी प्रधान मंतरी बणाए गए लाल क्रिशन अडवानी नें ‘माई कंटरी, माई लाईफ’ सिरलेख वाली आपणी जीवनी लिखी तां उस विच्च इह गल्ल लिख दित्ती कि इंदरा गांधी अपरेशन बलिऊ करन नूं मंनदी नहीं सी, भाजपा लीडरां नें दबाअ पा के करवाइआ सी। जिहड़े लीडर खुद कहिंदे रहे सन कि इंदरा गांधी तों दबाअ पा के उनहां नें इह फौजी करवाई करवाई सी, उनहां दे पिछलग्ग अज्ज उस अपरेशन नूं कांगरस दी सिख्खां नाल दुशमणी दा रंग दे के पेश करदे अते आपणी भूमिका छुपा जाणा चाहुंदे हन।

इतिहास कदे वी कुझ पड़ावां तक सीमत नहीं हुंदा अते कदे इक्क थां जा के रुकदा नहीं, इह अगले पड़ाअ पार करदा नवां कई कुझ चंगा वी अते माड़ा वी इस दुनीआं मोहरे परोसदा रहिंदा है अते अज्ज वी इह इतिहासक वरातारा जारी है। सभ नूं पता है कि दिल्ली दे बारडरां उत्ते जदों संघरश करन पहुंचे होए किसानां दे कारन केंदर सरकार मुशकिल विच्च सी, उनहां किसानां विच्च वड्डी गिणती किउंकि सिख्ख किसानां दी सी, इस लई भाजपा आगूआं नें किसान मोरचे नूं खालिसतानी साज़िश अते किसान लीडरां नूं पाकिसतान दे एजंट तक आखिआ सी। इह गल्ल कहिण वेले भाजपा आगूआं नें इह सच्च अख्खों ओहले कर दित्ता सी कि उनहां विच्च बड़ी वड्डी गिणती विच्च हरिआणा दे किसान वी सन अते उनहां विच्च हर धरम नाल जुड़े किसानां दे उस इकठ्ठ दी इक्कसुरता उनहां दे नाअरिआं तक सीमत नहीं सी, लंगर वी सांझा बणदा सी। कांगरस दे लीडरां दी सिआसत विच्च कुचज्ज अते लोकां नाल कीते धक्किआं दी कहाणी आपणी थां है अते उस नूं अख्खों ओहले कोई नहीं करना चाहेगा, पर भाजपा नें वी देश दे आम लोकां नाल घट्ट नहीं कीती। जिद्दां दे पुठ्ठे कंम कांगरसी करिआ करदे सन, हर विगड़े होए अते बदनाम कांगरसी आगू नूं आपणे विच्च रलाउण लई तिआर रहिण वाली भाजपा दे आगू वी उह सारे पुठ्ठे कंम करदे हन अते सगों इनहां पुठ्ठे कंमां नूं आपणी फिरकू सोच दी पुठ्ठ चाहड़ के होर वड्डे गुनाह करदे पए हन। दोवां धिरां दी सोच विच्च इक्क पासे सिध्धी तां दूसरे पासे लुकवीं तंगनज़री दा फरक हुंदा है, पर जदों इनहां दोवां दा तोल-तुलावा करन दी लोड़ पवे तां सिख्खां सणे सारीआं घट्ट-गिणतीआं बारे भाजपा दे गुनाह कांगरस तों घट्ट नहीं निकलणे। भारत दे लोकां दी बदकिसमती है कि उनहां साहमणे इस वकत वी कोई तीसरा बदल नहीं अते उह इनहां दोवां नूं भुगतदे पए हन।