सिख्ख इतिहास विच्च दसंबर 20 तों 27 तक दा इक्क हफता लहू भिज्जीआं लासानी कुरबानीआं ते अदुत्ती शहादतां दा हफता मंनिआ जांदा है। इस नूं शहीदी साता आखिआ जांदा है। 20 दसंबर नूं अनंदपुर छड्डणा, 21 दसंबर नूं सरसा नदी उत्ते भिआनक जंग, गुरू जी दे परिवार दा खेरूं खेरूं होणा, 22 दसंबर नूं चमकौर दी गहड़ी विच्च वड्डे साहिबज़ादे, अजीत सिंघ ते जुझार सिंघ दी शहीदी, 23 तों 26 तक चार दिन छोटे सहिबज़ादे जोरावर सिंघ ते फतेह सिंघ नूं सरहंद दे हाकमां वल्लों तरहां तरहां दे तसीहे, डरावे ते लालच, अंत 27 दसंबर 1704 नूं नीहां विच्च चिण दित्ते ते शहीद कीते गए।

11 नवंबर 1675 दे दिन गुरू गोबिंद सिंघ जी दी केवल 9 साल दी किशोर उेमर सी; जदों वकत दे जरवाणिआं नें गुरू जी दे पिता नौवें पातशाह गुरू तेग बहादर साहिब नूं दिल्ली विच्च शहीद कर दित्ता। भाई जैता गुरू जी दा सीस लै के अनंदपुर पुज्जा। संसार दी हिसटरी विच्च इह पहिली वार होइआ है कि नौवें पातशाह गुरू तेग बहादर साहिब दे धड़ दा ससकार किसे होर थां दिल्ली विच्च अते सीस दा किसे होर थां अनंदपुर होइआ होवे।

उदों तों ही बाल गोबिंद राइ जी दे अंदर इक्क वख्खरी ते निआरी कौम दी सिरजणा दा संकलप सी। नौं साल तों आपणी सारी आयू 42 विच्चों केवल 33 सालां विच्च आप जी नें सिख्ख जथेबंदी मज़बूत करन, सिख्खां विच्च सूरबीरता भरन, शिकार खेडण, नगारे वजाउण अते किले बणाउण उत्ते ज़ोर दित्ता।

आप जी नें समें दी लोड़ मुताबक, जंगी द्रिशटीकोण तों पंज किलिआं दी उसारी कीती: लोहगहड़, होलगहड़, फतिहगहड़, अनंदगहड़ ते केसगहड़। गुरू साहिबां दे समें अनंदपुर ठीक अरथां विच्च अनंद ते आतमक खुशी दा सोमा सी। सूरमिआं, साहितकारां ते संगीतकारां दा अनंदपुर गहड़ बण गिआ। गुरू जी दे दरबार विच्च कवीआं दी गिणती 52 तक मंनी जांदी है। होली तों होला महल्ला दी रीत तोरी। इक्क पासे जंगां युध्धां लई सिख्खां विच्च जुझारू सपिरट भरी जा रही सी, रणजीत नगारे वज्ज रहे सन, दूजे पासे गुरबाणी ते संगीत दीआं धुनां दी गुंजार सी। साहित रचिआ जा रिहा सी। हर पख्ख तों नवें, नरोए ते समरत्थ मनुख्ख दा माडल तिआर हो रिहा सी।

इस संकलप नूं साकार करन लई गुरू गोबिंद सिंघ जी नें 1699 दी विसाखी नूं केस गहड़ (अनंदपुर) दे सथान ’ते खालसे दी सिरजणा कीती। इह इक्क इनकलाबी जथेबंदी सी, जिसदा रूप सरूप, रहित बहित, पुशाक ते बाहरी दिख्ख संसार दीआं होर कौमां तों अनोखी ते निआरी सी। गुरू जी नें अंम्रित छकाउण दी रसम अरंभ कीती। हर सिख्ख दे नां नाल ‘सिंघ’ अते हर सिख्खणी दे नां नाल ‘कौर’ लाउण दी रीत तोरी। हिंदूआं वालीआं रीतां रसमां ते जातां पातां खतम कीतीआं। सभ नूं इक्को बाटे विच्च अंम्रित छकण, इक्को थां उत्ते इक्को जिहा लंगर छकण अते सभ नूं भाई भाई होण दा संदेश दित्ता।

गुरू गोबिंद सिंघ दे सिख्खां, उस दे परिवार ते मिशन नूं तहिस-नहिस करन लई मुगल फौजां नें हमला कर दित्ता अते अनंदपुर दे किले नूं घेरा पा लिआ। आखिआ जांदा है कि इह घेरा 7 महीने तक लगातार रिहा। अंदर खुराक दी तोट आउण लग्गी। भुख्खे भाणे किंना कु चिर मुकाबला करदे? आखर मुगलां ते हिंदू राजिआं दीआं कसमां उत्ते इतबार कर के 20 दसंबर 1704 नूं गुरू जी नें आपणा पिआरा अनंदपुर छड्ड दित्ता। छड्ड तां दित्ता पर हिंदू राजिआं ते मुगलां दीआं कसमां, भरोसे ते इतबार झूठे निकले। बाहर निकलदिआं ही शाही फौजां नें हमला कर दित्ता। सरसा नदी दे किनारे भिआनक जंग होई। बेअंत सिंघ शहीद होए। परिवार खेरूं खेरूं हो गिआ।

गुरू जी लड़दे होए 40 सिंघां ते दो वड्डे साहिबज़ादिआं समेत चमकौर पहुंचे। उत्थे वी इक्क कच्ची गहड़ी विच्च फिर घिर गए। गहड़ी विच्च घिरे भुख्खे भाणे 40 सिंघां नें मुगल फौजां दा टाकरा कीता। संसार दी सभ तों भिआनक ते असावीं चमकौर दी इस जंग विच्च 40 सिंघ ते दोनों साहिबज़ादे अजीत सिंघ ते जुझार सिंघ शहीद होए। पर गुरू जी इत्थों सही सलामत निलकण विच्च कामयाब हो गए अते माछीवाड़े पहुंच गए। इत्थों उच्च दा पीर बण के दीने कांगड़ गए। इत्थे फारसी विच्च ज़फरनामा (फतिह दी चिठ्ठी) लिख के औरंगज़ेब नूं भेजिआ। इत्थों गुरू जी साबो की तलवंडी (दमदमा साहिब) गए। इत्थे गुरू जी 9 महीने तों वध्ध समां रहे। दमदमा साहिब नूं साहित, संगीत ते कला दा घर बणाइआ। इत्थे ही गुरू ग्रंथ साहिब विच्च नौवें पातशाह दी बाणी चहड़ाई अते गुरू ग्रंथ साहिब दी बीड़ नूं वरतमान सरूप दित्ता।

उध्धर छोटे साहिबज़ादे जोरावर सिंघ, फतेह सिंघ अते माता गुजरी जी नूं गुरू जी दा रसोईआ गंगू राम आपणे पिंड सहेरी लै गिआ सी। उस नें माता जी दा धन ते गहिणे हड़प्प लए अते माता जी ते साहिबज़ादे मुगलां दे हवाले कर दित्ते। सरहिंद दे सूबेदार वज़ीर खान नें सखत ठंढ विच्च ठंढे बुरज विच्च रख्ख के तसीहे दित्ते। अंत 27 दसंबर 1704 नूं साहिबज़ादे बड़ी बेदरदी नाल नीहां विच्च चिणवा के शहीद कर दित्ते। उदों इनहां दी उमर 6 साल ते 8 साल सी। इस भिआनक सदमे नूं उसदा भाणा मंनदे होए माता जी वी उत्थे ही सुरगवास हो गए।

इस पिछ्छों गुरू जी नें कई वड्डे फैसले कीते:

1. मसंदां दीआं आचरणक गिरावटां देख के चौथे गुरू रामदास जी दी अरंभ कीती मसंद परणाली खतम कीती।

2. विअकती गुरता समापत कर के स्री गुरू ग्रंथ साहिब नूं गुर गद्दी बखशी अते पंथ नूं सदा लई गुरू ग्रंथ साहिब दे लड़ लाइआ।

3. बाबा बंदा सिंघ बहादर नूं मुगल सामराज नाल टक्कर लैण अते सिख्ख राज दी नींह रख्खण लई थापड़ा दित्ता अते पंजाब नूं रवाना कीता। बंदा सिंघ बहादर दीआं लासानी जित्तां, प्रापतीआं ते अदुत्ती कुरबानीआं दा बेहद्द सिरड़, सिदक ते दरद भरिआ वख्खरा कांड है।

7 अकतूबर 1708 नूं नादेड़ दे सथान उत्ते गुरू गोबिंद सिंघ जी जोती जोत समाउण पिछ्छों 18वीं सदी सिख्ख कौम दी साहड़सती दी सदी है। इस विच्च दो वड्डे घल्लूघारे होए, हज़ारां सिंघ सिंघणीआं शहीद होए। पूरी कौम घरों बेघर हो गई। पर आण अणख ते सिरड़, सिदक दे नगारे वज्जदे रहे, केसरी निशान झूलदे रहे। इनहां कुरबानीआं सदका ही इसे 18वीं सदी दे अंत तक सिख्ख राज सथापत हो सकिआ।

इतिहास दे तिंन सौ सालां पिछ्छों अज्ज फेर पूरी कौम इक्क जझारू प्रीखिआ विच्चों लंघ रही है। उहो ही दसंबर दा महीना, पोह दीआं ठंढीआं रातां हन। दिल्ली दीआं सड़कां ’ते किरतीआं दा टरालीआं विच्च रैण बसेरा है। पर समें नाल इसदा रूप सरूप बदले होए रंग विच्च है। अज्ज जातां, गोतां, बोली, पहिराविआं ते भिंन भिंन सभिआचारां दे वितकरिआं दे बंधन तोड़ के सारे वरग, सारीआं माईआं बीबीआं, सारे किसान भाई भाई बण के, इक्क मंच उत्ते इकत्तर हो के सांझे काज लई संघरश विच्च कुद्दे होए हन। दिल्ली दे इकहिरी सोच वाळे औरंगज़ेबी हाकमां नाल अज्ज फेर टक्कर है। जोश ते जज़बा सांझा है। निशाना इक्को है: नां धक्का करना है, नां धक्का सहिणा है। किसे दी अज़ादी ते हक्क मारना नहीं, आपणी अज़ादी ते हक्क खोहण नहीं देणे। भै काहूं को देत नहि, नहि भै मानत आन। दिल्ली दी सरकार दे किसान विरोधी बणाए कानूंन किसे वी ढंग नाल लागू नहीं होण देणे। दिल्ली घेरी होई है। कुरबानीआं घट्ट जां वध्ध हो सकदीआं हन, अखीर जित्त सच्च दी ही होवेगी। सच्च दे राह उत्ते चल्ल रहे किसानां दी होवेगी। इह अज्ज दे समिआं दा यकीन है। इह बीते कल्ल्ह दे इतिहास दे पंने पंने, सतर सतर ते लिखिआ यकीन है। किरतीओ डटे रहो। हउमैं दे किंगरे ढहि के रहिणगे, ढहि के रहिणगे, ढहि के ही रहिणगे।