किसे कंम नूं करन दा पक्का इरादा जां संकलप करना इक्क गल्ल है पर कीते होए संकलप सबंधी जागरूक हो के पहिरा देणा अते उसनूं पूरा करन दा सिर तोड़ यतन करना दूजी गल्ल। सानूं साडे आले दुआले विच्च अजिहे मनुख्ख वेखण नूं हर वेले मिल्ल सकदे हन जिहनां नें कुझ करन दा द्रिड़ मन बणाइआ अते फिर उहनां आपणी लगन, हठ्ठ धरमी अते ईमानदारी सदका आपणे इरादे दी पूरती विच्च सफ़लता परापत कीती। निसचै ही इसदे उलट अजिहे नज़ारे वी वेखण नूं मिल जांदे हन जदों किसे नें ‘शेख चिल्लीआं’ वांग दिने सुपने वेखे, हवा विच्च महिल खड़े कीते, कदम दो कदम आपणे मित्थे होए टीचे वलां तुरे अते फिर नवीं सोच दे घोड़े दुड़ाउण विच्च रुझ्झह गए। इस लई ही संकलप अते संकलप उते पहिरा देण दी गल्ल बड़ी महत्तता वाली है। पर---विचार नूं अग्गे तोरन तों पहिलां कुझ ‘शबदां’ सबंधी सुचेत होणा ज़रूरी है।

अंगरेज़ी शबद ‘रेज़ूलेशनस’ की पछ्छमी अते की पूरबी समाज विच्च थोड़ा बहुत जाणिआ पहिचाणिआ शबद है। जीवन दे खास मौकिआं ते, नवें वरहे दे आगमन ते जां हर नवें दिन दा आरंभ करन लई लोकीं अकसर ‘किसे नां किसे रैज़ूलेशनस’ दा सहारा लैंदे हन। शबद कोश अनुसार, रैज़ूलेशनस दे पंजाबी विच्च कई अरथ जिवें कि रूपांतर, दूजे रूप विच्च परिवरतन, सवाल दा हल्ल, समस्सिआ दा निराकरन, मता, प्रसताव, संकलप, द्रिड़ संकलप, निशचै, सथिरचित्त, इरादे दी तकड़ाई आदि दित्ते गए हन।

निज्जी तौर ते जां संमूहक तौर ते ‘मते’ जां ‘प्रसताव’ वी कोई नवें शबद नहीं। सरकारी तौर ते देशां दीआं पारलीमैंटां विच्च, सरकारी जां नीम-सरकारी संसथावां विच्च, धारमक, समाजक जां सभिआचारक तौर ते वी मतिआं जां प्रसतावां दा पास करना सुणन विच आउंदा ही रहिंदा है। पर हाल दी घड़ी संमूहक मतिआं जां प्रसतावां दी पूरती जां अपूरती दी गल्ल नहीं कीती जा रही। गल्ल उहनां मतिआं तक्क सीमत है जिहनां दा सबंध विअकतीगत तौर ते किसे वी निज्ज नाल हो सकदा है। कीते गए संकलपां नूं नेपरे चाहड़न लई इरादे दी तकड़ाई बेहद्द ज़रूरी है।

उदाहरण लई, साडे निज्जी जीवन विच्च, साडे सुभा जां आदतां कारन कई किसम दीआं कमज़ोरीआं हो सकदीआं हन। हो सकदा है सानूं बिनां कारन ही क्रोध बहुत आउंदा होवे। चिंतां सानूं घुण्ण वांगू खांदी जा रही होवे। साडा भार बहुत वध्ध गिआ होवे। सानूं शराब पीण, डरग्ग खाण जां सिगरटां फूकण दी आदत पै चुक्की होवे। असीं आपणा समां वाधू दिआं कंमां विच्च बरबाद करदे होईए। आपणे जीवन साथी दीआं भावनावां नूं रात-दिन ठोकरां मारन दे आदी होईए। अते फिर अचानक सानूं किसे दे कहिण, दस्सण जां कोई परोगराम वेख के इहनां आदतां विच्च सुधार करन दी लोड़ सबंधी थोड़ी बहुत सोझही हो जावे। बंदा आपणे जीवन विच्च किसे परकार दा सुधार, रूपांतर जां परिवरतन लोड़दा होवे तां फिर की कीता जावे? हत्थली लिखत इसे रूपांतर दी कारज विधी वल्ल इशारां करदी है। अजिहे मौकिआं ते ही निज्जी ‘रेज़ूलेशनस’ भाव मत्तिआं जां संकलपां दा सहारा लिआ जांदा है।

इक्क गल्ल समझ आ सकण वाली है कि संसार दे हर बंदे पास नां चाहुंदिआं होइआं वी इक्को जिहा ही समां उपलभ्भद हुंदा है। दिन रात विच्च चौवी घंटे ही हुंदे हन। गल्ल, समें दी सही अते सुचज्जी वरतों करन दी है। हां सुचज्जी वरतों करन दी परिभाशा सभ लई आपणी निज्जी अते वख्खरी वख्खरी हो सकदी है। पर जेकर समें दी सुचज्जी वरतों करन दी विध्धी अपनाई जावे तां हर कंम करन विच्च सौख हो सकदी है।

आपणे किसे वी मते दी पूरती लई, बंदा घट्टो-घट्ट, आपणे लई रोज दे वीह मिंनट तां साइद हर कोई खरच कर ही सकदा है। इस लई आपणी किसे वी आदत/सुभा दे रूपांतर लई पहिला गुर्र है आपणे लई वीह मिंनट राखवें रख्खणे।

माईक मोगैनो (Mike Mogano) आपणी पुसतक: Improving your Life Style विच्च इक्क बहुत ही पते दी गल्ल कहिंदी है: ‘Do not feel guilty. Consider how much time you devote to other people — you deserve a little selfish devotion.’

आपणे विच्च तबदीली लिआउण लई वीह मिंनट रोज़ दे केवल आपणे लई ही खरच करन नाल भला किहड़ा लोहड़ा आ जावेगा?

पंज महीनिआं दी बच्ची दी मां बलबीर कौर नें इक्क गल्लबात समें दस्सिआ: ‘सवेर उठ्ठदे सार ही मैं बहुत रुझ्झह जांदी हां। रातीं देर नाल सौण अते छोटी बच्ची कारन मैंनूं बहुत बे-अरामी हुंदी है। फिर सवेरे उठ्ठ के सवेर दा नाशता तिआर करना, पती नूं कंम ते तोरना, कपड़े-लत्ते बदलना, बच्ची नूं नहिलाउणा अते फिर बच्ची दा दुध्ध बणा के उसनूं चुंगाउणा आदि। दुध्ध पींदिआं ही बच्ची फिर सौं जांदी है। उह घट्टो-घट्ट डेढ-दो घंटे सवेरे ज़रूर ही सौंदी है। मैं बच्ची दी इस आदत दा लाभ लैंदी हां। मेरे लई इह समां बड़ा ही कीमती बण गिआ है। मैं आपणी सारी चिंता, थकावट अते बोझह नूं हलका करन लई गरम पाणी नाल बाथ दा टब्ब भरदी हां अते इस विच्च लंमी पै जांदी हां। गरम पाणी दी टकोर नाल मेरे सरीर दा रोम रोम तरो-ताज़ा हो जांदा है। मैंनूं मसां ही इंझ गरम पाणी विच्च पैण लई वीह कु मिंनट ही लगदे हन। अते नतीजे वजों मैं हुण आपणे चिड़चिड़े सुभा दी थां सारा दिन ही खुश खुश रहिंदी हां। इह मेरा आपणा, निरोल आपणे ढंग दे मनोरंजन लई कीती जाण वाली साधना दा समां है।’ हो सकदा है कोई होर वी इस ढंग तों लाभ लै सकदा होवे।

कुझ पहड़े-लिखे उदमीआं लई निज्जी डाइरी जां जौरनल लिखणा आपणीआं कमज़ोरीआं नूं जानण अते उहनां विच्च सुधार लिआउण दा इक बहुत ही वधीआं ते ससता ढंग है। इस कारज लई वी मसां दस-वीह मिंनट तों वध्ध रोज़ाना खरच करन दी लोड़ नहीं पैंदी। दिमाग विच्च विचारां दी उथल-पुथल किस पास नहीं? सभ पास अहिसास हन। जेकर किसे नूं अज्ज दा दिन भल्ला लग्गा अते उसदा सारा दिन चंगे कारजां विच्च गुज़रिआ तां उह आपणी सफ़लता दे कारनां दी घोख-पड़ताल करदिआं लिख सकदा है। पर जेकर दिन, आपणी उसदी किसे वी आदत जां कमज़ोरी कारन, भैड़ा रिहा अते सारा दिन खराब गिआ तां वी उह आपणे विउहार दी पुण-छाण करके सुधारन सबंधी आपणी सोच नूं कलम-बध्ध करके अगहां लई सारथक कदमां दी निशान-दही कर सकदा है। जिहड़े ज़रा पहड़न-लिखण दी समरथा तों कोरे हन उह आपणे विचार छोटे ‘टेप-रीकारडर’ जां आपणे ‘समारट फोन’ उते रिकारड वी कर सकदे हन।

संबंधां दी मनो-विगिआनी (Susan Quilliam) डाइरी लिखण सबंधी कहिंदी है: डाइरी, हादसिआं/सथितीआं नूं नवें परिपेख जां द्रिशटीकोण राहीं वेखण विच सहाई हुंदिआं, मुलांकण करन विच्च सहाई हो सकदी है अते इह जानण विच्च वी कि उसदा वरतारा, किवें दूजिआं नूं प्रभावत करदा है।

इक्क बैंक मैनेज़र दा कहिणा सी कि उह सारी दिहाड़ी ‘उवर-डराफटां, करजि਼आं अते होर तरहां तरहां दीआं उलझणां अते समस्सिआवां’ कारन बहुत ही संवेदनशील अते चिंतत रहिण लग्ग पिआ। लगातार सिगरटां फूकण अते रात नूं शराब पीण नाल वी उसदे दफ़तरी विउहार विच्च विघन पैण लग्ग पिआ। उसनूं आपणी नौकरी जाण अते मानसक संतुलन विगड़न दी चिंता वी रहिण लग्गी। अते फिर उसने आपणे सुभा नूं रूपांतरित करन सबंधी पक्का मन बणा लिआ अते कंम तों घर पुज्ज के आपणे सारे दिन दे सारे कारजां सबंधी डाइरी लिखण लग्ग पिआ। इस लिखण कारज नें ‘इक्क शुध्धी कारक विरैचक’ अरथात Catharctic दा कंम करना आरंभ दित्ता। उसनूं आम हालत विच्च जिहड़ीआं समस्सिआवां दा कोई हल्ल नहीं सी सुझद्दा अते गुत्थीआं सुलझण तों इनकारी सन हुण उहनां दे समाधान वी लभ्भण लग्ग पए। उसदी मानसिकता विच्च वी संतुलन आउण लग्ग पिआ।

मनुख्ख दा अज्ज दा जीवन बहुत ही विअसत अते रुझेविआं भरिआ है। इस कारन अकसर अजिही अणगहिली सुभाइके ही होण दी संभावना है कि कोई आपणे बहुत ही नज़दीकी सबंधां दी वी अवहेलना कर जावे। पर इह गल्ल समझ लैण वाली है कि जेकर साडे आपणे नेड़े-तेड़े दे सबंधां विच ‘रिशते’ दी सांझ बणी रहिंदी है तां दैनिक औखिआईआं नूं दूर करन विच्च सहाइता मिलदी है। इस लई हफ़ते दसां दिनां बाअद आपणे परवार दे जीआं, सके सबंधीआं, दोसतां-मित्तरां नाल होई किसे वी नाचाकी जां पैदा होई ग़लत-फ़हिमी दे सबंध विच्च ज़रूर ही विचार कर लई जावे तां चंगा रहि सकदा है। विचार करन ते जेकर तुसीं समझो कि तुहाडे पासों कोई ग़लती हो गई है तां इस नूं सुधारन लई तुरंत ही कारज-शील हुंदिआं ‘खि਼मां’ मंगण विच्च झिझ्झक नां करो। बाईबल दा कथन वी है: ‘दिन दा सूरज छिपण तों पहिलां पहिलां आपणे वैरी नाल सुलह ज़रूर कर लउ।’ जेकर इंझ वी समझ रहे होवो कि तुहाडी ग़लती नहीं है तां वी समें समें सिर ग़लबात करन दे मिले मौकिआं नूं नां गंवाउ। चंगे सबंध जिंने दूजी धिर ते निरभर करदे हन उसतों वी वध्ध उहनां दी जि਼ंमेवारी तुहाडे उते है। चंगे सबंधां नूं किसमत ते नां छड्डो।

इक्क तलाक-शुदा भारती इसतरी इक्क दफ़तर विच्च कंम करदी सी। उसने आपणे तलाक दे बारे विच्च गल्ल करदिआं इक्क अहिम तत्थ तों परदा लाहिआ: ‘मेरे तलाक दा कारन मेरी आपणे पती विच्च घट्ट दिलचसपी लैणा, आपणे दफतरी कंम नुं जि਼आदा तरज़ीह देणा अते किसे वी मौके ते आपणे पती नाल गलबात दी सांझ नां पैदा कर सकणा, सी। अज्ज मैंनूं आपणी ग़लती दा अहिसास होइआ है पर हुण बहुत देर हो चुक्की है।’ उसने दस्सिआ कि बिनां शक्क अज्ज दे पदारथवादी जुग्ग विच्च बहुत भज्ज-दौड़ है अते काहल भरे जीवन विच्च तिड़क रहे रिशतिआं दा पता ही नहीं चल्लदा। इस लई हर इक्क लई ज़रूरी है कि उह आपणे परवार जां नेड़े दे बंदिआं नाल घट्टो-घट्ट हर दूजे तीजे दिन खुल्हके गलबात करे।

किंना सच्च है उपरोकत गल्लां विच्च? जीवन, चीक चिहाड़ा पा के असमान सिर ते चुक्कण दा नां नहीं। आपणीआं समस्सिआवां बारे खुल्हके गल्ल करन नाल जीवन सौखा लंघ सकदा है। साडा सभ दा इह संकलप वी होणा लाज़मी है।

गुत्थीआं सुलझाउ, मूंह नां लटकाउ अते गंढां नां पाउ। इह कथन हर सथिती अते हर इक्क लई लागू हो सकदे हन। जे घर परवार दे फरंट ते गल्ल करनी होवे तां की घर विच्च कीते जाण वाले सारे ही कंमां दी कोई तालिका नहीं बणाई जा सकदी? की घर विच्च कीते जाण वाले कंमां नूं पूरिआं करन दी जि਼ंमेवारी लई वख्ख वख्ख प्रतीनिध्ध नहीं चुणे जा सकदे? पती, पतनी अते सरीरों सशकत किरिआ-शील कोई वी विरध जां छे-सत्त वरहिआं तों वड्डी उम्मर दे कोई वी बच्चे निक्के मोटे कंमां दी जि਼ंमेवारी आपणे सिर लै सकदे हन।

भारत दी गल्ल कुझ होर है। अमीर जां मध-वरगी परवारां विच्च, छोटे छोटे कंमां लई वी, नौकरां दी हेड़ लाउण विच्च इज़त समझी जांदी है।

पछ्छमी देशां विच्च वी, एसि਼आई घरां दे मुकाबले, घर दे कंमां लई ‘कंम दी वंड’ दा ढंग वरतिआ जांदा है। सूज़न, साडी तिंन घर छड्ड के गवांढण, आपणे घर दे सारे कंमां विच्च आपणे सकूल जांदे तिंन पुत्तरां अते पती नूं शामल करदी है। इस तरहां जित्थे पूरी विवसथा नाल घर दा सारा कंम चल्लदा है उसदे नाल ही सूज़न आपणे आप नूं हुण नालों वध्ध चंगा बनाउण अते आपणे आप विच्च लोड़ींदा सुधार लिआउण लई सोच सकदी है। अंगरेज़ ही किउं सगों एसि਼आई वी अजिहे सुधार लई हुण तों ही लोड़ींदे ‘निज्जी मते’ अरथात रैज़ूलेशनस पास करके उहनां ते पहिरा दे सकदे हन।

हस्सण विच्च कोई खरच नहीं आउंदा, कोई इकठ्ठा कीता खज़ाना नहीं घट्टदा। कोई उचेची खेचल वी नहीं करनी पैंदी अते नां ही साडे सरीरक अंगां नूं कोई तकलीफ़ ही पुज्जदी है। पर फिर वी वेखण विच्च आउंदा है कि लोकीं हस्सण विच्च कंजूसी करदे हन। पता नहीं किउं? हस्सण दे सबंध विच्च वी निज्जी ‘मता’ निसचै ही कंम देवेगा।

मंन लिआ मौसम बहुत खराब है, ज़ोरां दा मींह पै रिहा है। तूफ़ान है। तेज़ वग्गदी हवा पैर उखाड़ रही है। टी.वी. ते खबर नशर होई है कि लागले शहिर दे कुझ मुहल्लिआं विच्च पाणी आ गिआ। सड़क दे कंढे इक्क वड्डा दरखत जहड़ों उख्खड़ के राह जांदी कार ते आ डिग्गिआ अते डराईवर दे बहुत सट्टां लग्गीआं। कार पूरी तरहां टुट्ट भज्ज गई। डराईवर दी हालत बहुत गंभीर है। बिनां शक्क इह सथिती चिंता वाली है। पर तुहाडी मेरी चिंता की बणाएगी?

डाकटरां दी इक्क गल्ल याद रख्खण वाली है कि चंगा खुल्हा-ठुल्हा हासा सरीर अते मन नूं तंदरुसत रख्खण विच्च सहाई हुंदा है। किसे मोटर-वे ते होई कार दुरघटना समें ‘ऐंबूलैंस’ वालिआं दी मिसाल दित्ती जा सकदी है। तुसीं वेखोगे कि अजिहे मौकिआं ते वी उह आपणा संतुलन नहीं गंवाउंदे। हस्सदे, मुसकरांदे रहिंदे हन पर पूरी तन-देही अते फुरती नाल सारी सथिती नूं संभालदे हन। जेकर उह फिकरमंद जां चिंतत हो के घबरा जाण तां उह किसे दूजे दी की सहाइता कर सकणगे? इस लई हर सथिती विच्च हासे विखारन ते हासे लिआउण लई तिआर रहो। आपणे आप ते अते आपणिआं नाल हस्सो, रज़्ज़ के हस्सो पर किसे दूजे ते नां हस्सो।

आपणे आप नूं ही चुट्टकले सुनाउण दा अभिआस करो। भैड़ी तों भैड़ी, खतरनाक तों खतरनाक अते गंभीर तों गंभीर सथिती नूं चुट्टकले दी लपेट विच्च लिआंदा जा सकदा है।

किसे वी हासा-वखेरू नूं पुछ्छ के वेखो—उह इक्को जिही ही गल्ल आखेगा—जिहड़ी मरज़ी सथिती होवे उह हर हाल विच्च हासे विखेरदा है। हस्सदा है। इक्क बहुत ही दिलचसप घटना दा जि਼कर कामेडीअन फेथ बराऊन नें आपणी मरी सस्स दे ‘फीऊनरिल’ सबंधी जि਼कर करदिआं दस्सिआ: सस्स दी मौत दा उसनूं बड़ा दुख्ख सी। पर जिस दिन म्रितक दी अंतिम किरिआ होणी सी सूरज पूरे जोबन ते चमक रिहा सी अते दिन बड़ा ही सुहावणा सी। चौहीं पासीं फुल्ल लहि-लहा रहे सन। पादरी नें सरविस वी बड़ी चंगी कीती। सारी रसम मगरों चरच दे बाहर निकलदिआं उसने आपणे नेड़े दे इक्क मित्तर नूं संबोधित हो के आखिआ: ‘किंनां चंगा विआह होइआ।’ मौके दी नज़ाकत नूं भुल्लदिआं, आपणे मूंहों निकले शबदां दी बे-रहिमी बारे हालां उह सोच वी नहीं सी सकिआ कि सारे ही हस्सण लग्ग पए।

रब्ब जाणे! शाइद उसदी मरी सस्स नूं वी उहनां सभ दे हासिआं नाल तसल्ली हो गई होवे।

हां, ते लेखक गल्ल कर रिहा सी संकलप दी अते कीते गए संकलपां नूं नेपरे चाहड़न लई यतन शील होण सबंधी। आपणे रूपांतर लई यतनशील होण लई जिहड़े कदम वी उठाए जाण उह बड़ी द्रिड़ता नाल पुट्टे जाण तां जो आपणे मंतव विच्च पूरिआं उतरिआ जा सके।

***