कलग़ीआं वाले नें चित्त चा लिआ, बाज़ां वाले नें फ़ैसला कीता, सोहणे साईं नें धरम-बरत धारन कीता । आकाश कंबे, धरती चरनां हेठ थरथराई, चर अचर सहिमे । की असीं निमाणे इस दैवी बल दे प्रवाह नूं झल सकांगे ? बाहरली कुदरत नें सलाम कीता ; मुतीह होई, पर जवाब कोई नां दित्ता । अंग अंग इक अजीब सहिम नाल पाट रिहा है । इक पवित्तर तौखले नाल कुदरत दा दिल हिल्ल रिहा है । पसार दे सुफ़निआं विच हस्सदे फुल्ल आप जी दे बलदे नैणां वल्लों नवीआं ताकतां बख़शीआं गईआं ।

हां जी, इस बेनज़ीर फ़कीरां दे सुलतान दी अख्ख दा इशारा होइआ ते कुदरत नें पुरख दे कप्पड़े पा लए । कलग़ीआं वाले दी सिपाही हो चरनां पर डिग्गी । उह बादशाहां दा बादशाह, जिसदी अख्ख दे इशारे नाल कुल कुदरत फ़ौज होई । इस फ़ौजां वाले नें चित्त चा लिआ । इस बेमिसाल रब्बी जोत नें फ़ैसला कीता ; इस धरम दे शहिनशाह नें धरम बरत धारन कीता । दुनीआ दे कूड़ नें ते दीन दे सच्च नें दोहां नें गरीब बंदिआं नूं दुखी कीता है । बस, हुण जीवन दा कोई राह कढ्ढीए । जीवन नूं राह पाण दी कोई लोड़ नहीं । पिआरे नें दनीआ दे दुख्खां नूं दूर करन दा दरद महिसूस कीता।

नां पंजाब, नां हिंदुसतान, नां दुनीआ, नां खिल्लरे-मिल्लरे बेअरथ मसलिआं दे ढेरां दे ढेर, नां तणीआं-तणांणीआं उच ख़िआलीआं, नां मसलई परउपकार, नां ख़ुदग़रज़ी, नां तेरा-दिली, नां जथेबंदीआं, नां मुलकगीरीआं, नां मोह, नां कौमां, नां धड़ेबंदीआं, नां चिंनह, नां चित्तर, नां मज़हबी मख़ौल ते वहिम । पिआरे नें तां इक सच्चा सुच्चा निरोल, पिआर घर वस्सदे, हस्सदे , रसदे, भरे भकुंने घर दी ताअमीर अरंभी । कोई इस घर नूं हत्थ नां लावे ? इह घर मेरा है, मैं इस विच रहांगा । बस होर, नां कोई दीन नां दुनीआ, इथे नाम, दान, पिआर, मित्तरचारा, मिठ्ठता, हंभे मैंढे मैं हंभ किसे दा । इथे रब्बी प्रकाश, इथे चाअ-उमाह, बिनोद, इथे रब्ब दा निघ्घ, इथे असीस दी ठंड, बरकत । बस, इसदा ख़ुशबूदार फुल्लां दा चुफेरा होवेगा । इह दुनीआ दे शहिनशाहां दी कुटीआ होवेगी । दइआ वाला, धरम वाला, इक मां-बाप दे अनेक बंदे बोटीआं दा घर।

उपर छत्त, आकाश, थल्ले धरती, जल, अगनी, हवा सभ सांझीआं । इथे अंन, मन ; दिल सांझा ; आदरश सांझा, कंम सांझा, किरत सांझी, अरदास सांझी । हां जी त्रिशना दे भुलेखे भी सांझे, गिआन दे उलट लेखे भी सांझे, ते मुड़ दुख्ख सांझे, मौत सांझी, संसार चक्कर सांझा, हुकम सांझा, भाणा सांझा, पशू बिरतीआं सांझीआं, जनम, खंड, जित्त, हार, इक सांझा टबरीला, सुखी घर, इह कलग़ीआं वाले दा पंथ।

इक दैवी मनुख्ख, घर दा दीवा जगाण वाला, गुरू गंथ साहिब जी विच दित्ती तसवीर दी नुहार वाला साधू बंदा, इक रात दे हनेरे विच आपणे मंदर दे चानण वाला वैरागी, तिआगी, गुण-अतीत, रब्बी नूर दा आशक, रब्ब दा बंदा, ते उसदा परिवार, शहिर उसदा, मुलक उसदा, जहान उसदा, आसमान उसदा, बसंत उसदी, बसंत दी बहार उसदी, चमन उसदा, फुल्ल उसदे, रब्ब उसदा मख़लूक उसदी, सभ नाल मिलिआ जुलिआ ते सभ बी अलग्ग, पिआर परोता ते पिआर रूप । इहो वसनी, इहो ईमान, इह कलग़ीआं वाले दा पंथ।

नां बोल, नां कबोल, नां लेख, नां भेख, नां दाउ, नां पेच, नां ज़ोर, नां शोर, नां सोच, नां तोड़, नां जोड़ । धड़ेबंदी, तंग दिली, उपदेश, प्रचार ते ललकार ; ते बंदे नूं किसी दिखावे दे मज़हब, बे-मज़हब विच लै आउणे जां कढ्ढणे दीआं सभ पशू बिरतीआं दा संघार । बस, इक फ़कीरी लटक, इक रब्बी मटक, नाम सरूर, ऐश, ख़ुशी ते चमक दमक, बस, इक घर दी वसनी साधारण सहज वसनी दी ख़ुशबू।

साडा घट्ट जीवन होणा, दमा दम दम, केवल जगत दे हिवारथ ; सुखारथ पर आप गुरू घर दे सरसबज़ निहाल हो के, बलदीआं, जलदीआं धन दीआं लाटां हो के बस लेट लेट करके कलग़ीआं वाले नें चित्त ला लिआ, बाज़ां वाले नें फ़ैसला कीता, सोहणे साईं नें धरम-बरत धारन कीता । आकाश कंबे, धरती चरनां हेठ थरथराई, चर अचर सहिमे । की असीं निमाणे इस दैवी बल नूं झल सकांगे।

रब्बी जोत नें आवाज़ दित्ती, इस दइआ दे परवाह, इस रहिम दे ठिल्ले समुंदर दे समुंदरां दे प्रवाह, इस पिआर दे ब्रहिमंड दे अंम्रित खंड दी चाअ दे प्रवाह, इस अज़ल दे दिल नूं हिला देण वाले आलीशान नैणी शबद अशबद दे प्रवाह, इस महां जवाला दे प्रवाह, इस अग्ग, बिजली, बज्जर, सरब लोह ते खंडे दे प्रवाह नूं संसार विच ठीक कोई झल्लण वाला नहीं ; नां इह झल्लिआ जाएगा । कलग़ीआं वाले नूं ओड़क दा पिआर आइआ है ; इह पिआर मातलोक दे बंदिआं पासों नहीं झल्लिआ जाणा । इह नैण-बिजली दा दीदार इहनां दीआं अख्खां नहीं झल्ल सकणगीआं । सतिगुरू नें उत्तर दित्ता, मेरा ख़ालसा झल्लेगा ; नहीं, जरेगा, जर के हरा होवेगा, उठेगा, उजाड़ दुनीआ आबाद होवेगी, नंगी दुनीआ सज जाएगी । ठरदी, भुख्ख मरदी दुनीआ रज्ज जाएगी । कंगाल बादशाह होणगे, कुल नानक शाही अटुट्ट, अखुट्ट ख़ज़ाना वधेगा, देग तेग़ सावधान रहेगी, घर घर साध दा असंग प्रकाश होवेगा, पुराणे सिलसिले उलट जाणगे, तंग-दिलीआं, बलदीआं लाटां वेख भज्ज जाणगीआं, सिध्धा-पुठ्ठा, निरा वड्डा-नीवां, उच्चा, दुखी-सुखी, सारे इक बोण दे धागे होणगे । ख़ालस ख़ालसाई जदों जागेगी, नाम, धिआन ते पिआर दी अग्ग छाती छाती मघेगी ; पुराणे ढहि जाणगे, नवीआं उसारीआं होणगीआं।

पर ठीक बोल के नहीं चुप्प नाल।

पार उपदेश के नहीं हो के।

जलरी बणा के नहीं, आप बण के।

पर गल्लां नाल नहीं सच्चीं अपणा के।

दिल लै के नहीं दिल दे के।

जीवन किसी दा खोह के नहीं खुहा के।

मार के नहीं मर के।

जी के नहीं जिवा के।

राजा बण के नहीं राजा बणा के।

गिआन अहंकार नाल नहीं पिआर भाव नाल।

किसे आचरन दे माण विच नहीं दइआ राम विच।

सभ दुनीआ ख़ालसे नूं देख के ख़ुश होवेगी, दरशन करके क्रितारथ होवेगी । इह ख़ालस ख़ालसा चिंनह मैं सारी दुनीआ आपणी हत्थीं सदा बख़शांगा, तुसीं काहले नां पैणा ; बस सजे रहो, दीदारे दिओ, ऐन उवें जिवें मैं तुहानूं बणाइआ है । मेरे रूप दे नमूने रहो । साखी हो के जगत खेड देखी जाओ । किसी तंग-दिली दा शिकार नां हो जाणा । आलीशान रहिणा । मनुख्ख जाती थीं वख्खरा कोई फ़िरका फ़ुरका नां बणाणा, कंवल वांग रहिणा, जगमग जोत विच जागदे रहिणा । कुछ इस तरहां दे भावां भरे कलग़ी वाले नें आपणे चिंनहां दे अरथ दस्स, साडीआं अख्खां अग्गों अलोप है गए।

पर जिवें माता जी नूं पंज तीर दित्ते सन कि मैं इहनां विच तुसां नूं दरशन दिआं करांगा, बस उवें ही सच्चे पातिशाह नें आपणे बच्चे ख़ालस ख़ालसे नूं आपणा सारा रूप बख़शिआ । सिरी साहिब बख़शी ; कड़ा, कछ्छ, किरपान, कंघा बख़शे ; केस बख़शे ; दाहड़ा बख़शिआ ; घोड़ा चहड़न नूं बख़शिआ, सरदार शरत बख़शी, सभ कुछ बख़शिआ, ते किहा, ‘इस मेरे रूप विच मैं ज़रूर तैनूं दरशन दिआं करांगा ; मेरी यादगार नूं सांभ के रख्खणा, इह मेरी पूजा ते पिआर है ।’ मेरा घर, मेरा सास, मेरा मंदर, मेरा रूप, इह सभ है ख़ालसा।

मेरे, तेरे पास अमानत रख्खे हन । इह चीज़ां मेरीआं हन, तेरीआं नहीं । मंनिआ तैनूं इहनां दा पता नहीं, समझ नहीं, पर मेरी अमानत आपणे पास रख्खीं ; रोज़ धूप दीप करीं । मैनूं याद करीं । जिवें मैं आपणे इक वेरी इक जामे विच शसतर रख्खे सन ते दूजे जामे विच आ लए सन ; इवें ही मैं इसे बख़शे रूप विच तेरे पास आ के आपणी अमानत सांभांगा । ख़बरदार ! जे मेरी अमानत किसी होर नूं देवें या बख़शें या अजाईं सुट्टे, या त्रिसकारें या रोज़ दीदार नां करें । सांभ के रख्खीं, हे ख़ालसा ! तूं देखेंगा कि जद मेरे रूप दे तूं आपणे इस मेरे दित्ते रूप विच दीदार करेंगा, तैनूं इहो अमानतां किंनीआं ख़ुशी करसन। इहो फ़कीरी, इहो अमीरी, इसे विच तैनूं सभ कुछ प्रापत होवेगा।

इह चिंनह नहीं हन ; मज़हबी रख्खां नहीं हन ; इह मज़हबी वहिम नहीं ; इह भेख नहीं ; इह मेरा रूप, मेरे केस हन, मेरा दाहड़ा, मेरा कड़ा, मेरी तलवार है, मेरी कछ्छ, मेरी किरपान है, इह कंघा मेरा है । हे ख़ालसा ! मेरे पिआर विच, मेरी याद विच, मेरीआं मात लोकी रूप दीआं चीज़ां जो मेरीआं होण करके लाफ़ानी ते अबदल हन, तूं धारन कर । ख़बरदार ! बे-अदबी नां करना।

कलग़ीआं वाले नें चित्त चा लिआ, बाज़ां वाले नें फ़ैसला कीता, सोहणे साईं नें धरम-बरत धारन कीता, आकाश कंबे, धरती चरनां हेठ थरथराई, चर अचर सहिमे, की असीं निमाणे इस दैवी बल नूं झल्ल सकांगे । सतिगुरू नें आपणी हत्थीं ख़ालसा सजाइआ, ख़ालसे नूं आपणा रूप बख़शिआ ते आपणे रूप विच आपणे दरशन देण दा असीसी इकरार कीता:

अज्ज दिओ दीदार

के कर इकरार गए हो।