पुलिस नें पंकज होरां नूं पेशगी ज़मानत दे फैसले तक नां फड़न दा भरोसा दित्ता सी। पुलिस आपणे वाअदे उपर काइम सी।

पर मुलज़म कोई जोख़म नहीं सी उठा रहे। उह पुलिस दी अख्ख तों बचण लई घंटे घंटे बाअद थां बदल रहे सन।

नंद लाल नें वी उनहां नूं भरोसा दिवाइआ होइआ सी। कानूंन दिखा के, रौला पा के उसने पंज चार दिनां लई उनहां दी पेशगी ज़मानत मनज़ूर करवा देणी सी। मुलज़मां नूं पुलिस कोल जा के तफ़तीश विच्च शामल होण अते पुलिस दे शक्क दूर करन दा हुकम करवा देणा सी। इक्क वार उह तफ़तीश विच्च शामल हो गए, फेर उनहां दी पक्की ज़मानत नूं कोई नहीं सी रोक सकदा।

पंकज होरीं नंग मलंग नहीं सन कि शहिर छड्ड के भज्ज जाणगे। उह करोड़ां दे मालक सन। जदों पुलिस नूं उनहां दी लोड़ नहीं, फेर उनहां नूं जेल्ह डक्की रख्खण दा की मतलब? मुकद्दमे दी सुणवाई दौरान अदालत विच्च हाज़र रहिण लई उह भारी तों भारी ज़मानत देण लई तिआर सन। जो फैसला होएगा सिर मत्थे ‘ते। सज़ा होई जेल्ह जाणगे। इज़्ज़तदार बंदिआं नूं बिनां मतलब जेल्ह विच्च नहीं सी डक्किआ जा सकदा। कानूंन इहो आखदा सी।

नंद लाल दी इस हल्लाशेरी दे मद्दे नज़र दोशी तफ़तीश विच्च शामल होण दी योजना घड़ रहे सन। पुलिस उनहां नूं झट्ट पट्ट तफ़तीश विच्च शामल करन लई सहिमत हो चुक्की सी। पुछ्छ गिछ्छ विच्च किसे नूं कोई दिक्कत नां होवे इस लई पुलिस वल्लों इक्क सुझाअ आइआ सी। वैसे इह कानूंन सी कि पुछ्छ गिछ्छ दौरान दोशी इक्क डाकटर अते इक्क वकील आपणे नाल रख्ख सकदा सी। पुलिस नूं इस कानूंन दी पालणा करन विच्च कोई इतराज़ नहीं सी। पर हालात नूं धिआन विच्च रख्खदे होए जे अदालत वल्लों नवें हुकम जारी करवा लए जाण तां ठीक रहिणा सी। पत्तरकार हरल हरल करदे फिरदे सन। कोई भरोसा नहीं, पुछ्छ गिछ्छ दौरान कैमरे लै के आ जाण। उनहां दी हाज़री विच्च पुलिस नूं सख़ती वरतणी पै सकदी सी। डाकटरां अते वकीलां दी हाज़री विच्च पुलिस नूं नरम रहिणा पैणा सी। पत्तरकार वी अदालत दे हुकमां दी उलंघणा नहीं कर सकदे।

पुछ्छ गिछ्छ निरविघन हो जाणी सी।

पंकज सिवल सरजन नूं भरोसे विच्च लैण दा यतन कर रिहा सी। किहड़ा डाकटर नियुकत कीता जावे, उसदा नां सुझाअ रिहा सी।

पर उधरों दरख़ासत साधू सिंघ दे लग्गण अते पेशगी ज़मानत दे इक्क दिन लई टलण दी ख़बर नें सभ दे सिरां विच्च सौ घड़े पाणी पा दित्ता।

नवें सिरे तों नवीआं योजनावां घड़ीआं जाण लग्गीआं।

अजे नूं नंद लाल वल्ल दौड़ाइआ गिआ। विने नूं सिंगले वल्ल।

नंद लाल नें आपणे सुझाअ अजे नूं दस्स दित्ते। सिंगले दा कुझ्झ कंम बाकी सी। उह घंटे तक उनहां कोल पुज्ज रिहा सी।

सिंगले दे आउण तों पहिलां यार दोसत आपस विच्च मशवरा करन लग्गे।

नंद लाल तों सिवा हर कोई आख रिहा सी कि साधू सिंघ सके बाप दा आखा नहीं मंनदा। पर नंद लाल ज़ोर दे रिहा सी कि साधू सिंघ तक पहुंच कीती जावे। उसने सिफारशीआं दे नां वी दस्से सन।

इक्क सिफारश पटिआले साधू सिंघ दे कुड़म दी सी।

दूजी बठिंडे उसदे साले दी।

नंद लाल नें इह वी दाअवा कीता सी कि इह नां सुणे सुणाए नहीं हन।

इह सिफारशां नंद लाल परख चुक्का सी। लोकां नूं की पता सी अंदर ख़ाते की हुंदा सी? सिआणा जज्ज इक्क अध्ध केस विच्च पैसे लैंदा सी। उसे विचों साल दा खरच कढ्ढ लैंदा सी। पंकज दा केस साल दा खरच कढ्ढण वाले केसां विच्च आउंदा सी।

नंद लाल ज़ोर दे रिहा सी। दोहां विचों किसे इक्क रिशतेदार नूं फड़ लओ।

साधू सिंघ दे रिशतेदारां तक पहुंच कीती जावे जां नां? इस भंबल भूसे विचों निकलण लई सिंगले दा इंतज़ार होण लग्गा।

हुण तक सिंगले दे मशवरे ज़िआदा वज़नदार सिध्ध होए सन। उह जो आखदा सी, सच्च निकलदा सी। बाबू पैसे वी बटोरी जांदा सी, कुझ्झ पले वी नहीं सी पैंदा।

तारीख़ नेड़े सी। समां थोहड़ा सी। उनहां नें बहुत थाईं पहुंच करनी सी।

सिंगले दे पुज्जदे ही उनहां नें प्रशनां दी झड़ी ला दित्ती।

सिंगले नूं जवाब सोच समझ के देणे पै रहे सन। इक्क पासे उसने नंद लाल दीआं चलाकीआं नूं नंगा करना सी। दूजे पासे आपणी धौड़ी वी बचा के रख्खणी सी।

नंद लाल साधू सिंघ तक पहुंच करन दा सुझाअ किउं दे रिहा सी, इह सिंगला चंगी तरहां जाणदा सी। साधू सिंघ तक पहुंच होण वाली नहीं सी। टक्करां मार मार पारटी नें थक्क जाणा सी। पिछों दरख़ासत दे नां मनज़ूर होण ’ते नंद लाल नें इह आख के खहिड़ा छुडा लैणा सी कि उह की करे? सिफारशां बिनां अजिहे कंम नहीं हो सकदे। जे पारटी नें डोरी नंद लाल उपर सुट्ट दित्ती तां उसदीआं चारे उंगलां घिओ विच्च हो जाणीआं सन। आपणे बंदे राहीं सिफारश कराउण दे बहाने उसने मोटी रकम वसूल लैणी सी।

इस तरहां इकल्ला नंद लाल ही नहीं सी कर रिहा। आपणी भल्ल बणाई रख्खण लई हर वकील नूं इंझ करना पैंदा सी। सिंगला ख़ुद इस चाल दी खुल्ह के वरतों करदा सी।

पर हुण उसनूं आपणी वकालत चमकाउण लई आपणे धंदे दी अहिम चाल नूं नंगा करना पै रिहा सी।

दंदां विच्च जीभ लै के सिंगले नें नंद लाल दे मनशे सपश्शट कीते।

झट्ट सिंगले नूं आपणा पाला मारन लग्गा। किधरे सिफारश सही नां होवे।

सिंगले दे आखे इह सिफारश तक पहुंच नां करन। कंम उलट होणा ही होणा सी। किधरे ठूठा सिंगले सिर नां फुट्ट जावे।

सोच समझ के सिंगले नें विचकारला राह अपणाइआ।

“पटिआले जां बठिंडे भज्जण दी ज़रूरत नहीं। मेरे कई मित्तर उथे वकालत करदे हन। इथे बैठा मैं उनहां तों पता मंगवा दिंदा हां। तुहाडे बथेरे रिशतेदार उथे होणगे। उनहां नूं आखो अंगली संगली लड़ाउण। जे गल्ल बणदी दिस्सी, आपां जा आवांगे।”

“इह ठीक है। मेरी मासी पटिआले पंजाबी बाग़ विच्च रहिंदी है। साधू सिंघ दे कुड़म दी कोठी दा नंबर सतत्तर है। उनहां दा सत्तर। सभ इक्क दूजे नूं जाणदे होणगे।” अजे नें आपणी वाकफीअत कढ्ढी।

“बठिंडे मेरा ताइआ है। पावर कलोनी दे बाहर उसदा कप्पड़े दा शोअ रूम है। सारी कालोनी उथों कप्पड़ा खरीददी है। उह सारी सूह कढ्ढ देवेगा।”

विने नें आपणी पहिचाण कढ्ढी।

“तुसीं आपणे आपणे रिशतेदारां नूं फ़ोन करो। आखो घंटे तक दस्सण। कुझ्झ बणदा है जां नहीं। उनी देर आपां अगली कारवाई बारे सोचदे हां।”

सिंगले नूं आपणी योजना दे सिरे चहड़ जाण ’ते खुशी हो रही सी।

“दस्सो होर किस किस तक पहुंच करनी है?” रिशतेदारां नूं फ़ोन करवा के पंकज नें अगली कारवाई बारे पुछ्छिआ।

“जज्ज तों बाअद लोड़ पएगी सरकारी वकील दी। पुलिस आपां गठ्ठ लई।

इहो वड्डे ख़रचे नें। बाकी सौ पंजाह दी मार हन। कोई फ़िकर वाली गल्ल नहीं।”

“सरकारी वकील नाल कौण गल्ल करे?”

“मैं करांगा। मेरा मित्तर है। तुहाडी आहमणे साहमणे गल्ल करवावांगा।”

“देणा लैणा की होएगा?”

“हाले दो तिंन हज़ार देवांगे। बाकी जिहो जिहा मौका होइआ विचार लवांगे।”

सिंगला जाण बुझ्झ के घट्ट ख़रच गिणवा रिहा सी। उसनूं पता सी बाबू जी नें सरकारी वकील दा दस हज़ार मंगिआ होणा है। उसनूं देणा उसने हज़ार पंदरां सौ है। बाकी उसने आप खा जाणा है। शाइद उह हुण तक सरकारी वकील लई पैसे मंग चुक्का होवे। सिंगले नें पहिलां इह सवाल जाण बुझ्झ के नहीं सी पुछ्छिआ। हुण इस बारे पुछ्छण दा उचित समां सी।

“बाबू जी नाल सरकारी वकील बारे होई कोई गल्ल?”

“हां होई सी। उह कहिंदे सन सरकारी वकील नूं दस हज़ार देणा पएगा।

पंज पंज सौ नाइब कोरटां दा। इक्क इक्क हज़ार थाणेदार अते मुनशी दा।”

बाबू अते सिंगले दे रेटां विच्च फरक देख के अजे नूं खिझ चहड़न लगी।

“बाबू जी मेरे उसताद हन। उनहां दी बुराई करनी मेरी गुसताख़ी है।

पर तुसीं मेरे साइल हो। तुहाडे हित्तां दी राखी करना मेरा कानूंनी फरज़ है।

मैं इक्क वार फेर आख रिहा हां, बाबू जी दी लुट्ट तों बचो। सरकारी वकील दे नां ’ते लै दस हज़ार लएगा, देवेगा इक्क हज़ार। सरकारी वकील नूं सभ पता हुंदा है, किहड़ी पारटी किंने पैसे देण जोगी है। डरदा उह बाबू नूं उलांभा तां देवेगा नहीं, पर उलट बहिस करके धरन टिकाणे कर देवेगा। पैसे आपणे हत्थीं दिओ। किसे ’ते विशवास नां करो।”

“तुहाडी गल्ल सही है। पहिलां वी देख चुक्के हां। हुण तुहाडी गल्ल ’ते अमल करांगे। जदों किसे अफ़सर दे नां ’ते पैसे मंगेगा आख दिआंगा सिंगले नें गल्ल कर लई है।”

“उह बहुत समझदार बंदा है। इक्क दो वार जवाब दित्ता तां आपणी कमज़ोरी भांप जाएगा। मुड़ तुहाडे वल्ल मूंह नहीं करेगा।”

आपणी कमयाबी ते सिंगले नें मन ही मन आपणी पिठ्ठ थापड़दिआं आखिआ।

छोटे वड्डे नुकतिआं ’ते चरचा चल्ल रही सी। इसे दौरान फ़ोन आउण लग्गे।

पहिलां पटिआले तों फ़ोन आइआ। सतत्तर नंबर कोठी तहिसीलदार दी सी। नंद लाल ग़लत आख रिहा सी। नां उह शराबी सी नां कबाबी। पंझत्तर साल उसदी उमर सी। सारा दिन पाठ करदिआं लंघदा सी। रिशवत कदे उनहां नें आपणे समिआं विच्च नहीं सी लई। रज्जी रूह सन। पुत्तर दी लख्ख रुपए महीने दी प्रैकटिस सी। नूंह प्रोफैसर सी। टब्बर सुखी वस्सदा सी। उनहां नूं पैसे दी भुख्ख नहीं सी।

फेर वी शक्क मिटाउण लई उह तहिसीलदार कोल जा आए सन।

तहिसीलदार नाल उनहां दी वीह साल दी सांझ सी। पर तहिसीलदार नें हत्थ जोड़ के मुआफ़ी मंग लई सी। साधू सिंघ धरमराज दे फरज़ अदा कर रिहा सी।

उह साधू सिंघ दे कंमां विच्च दख़ल नहीं सी दे सकदा।

झट्ट कु पिछों बठिंडे तों रिपोरट मिल गई।

साधू सिंघ दा साला उनहां दा गाहक सी। उह साले नूं चंगी तरहां जाणदे सन। उनहां नूं साधू सिंघ नाल उसदी रिशतेदारी दा वी पहिलां तों पता सी।

रिशतेदारां नें साधू सिंघ दे साले नाल घर जा के गल्ल कीती सी। नां उसदा दिल नांह करन नूं करदा सी नां माइआ नगर आउण नूं। उसने शाम तक सोचण दा वकत लिआ सी।

उंझ उनहां गुआंढ विचों सूह कढ्ढ लई सी। गुआंढी आख रहे सन “पहिलां कई वार लोक इथे आए सन। उह लालची सुभाअ दा बंदा है। चीज़ वसत लै के रख्ख लैंदा है। कोठी गेड़ा दे के मुड़ आउंदा है। जज्ज उसदी उक्का नहीं सुणदा। पिछों कई वार उसदा पारटीआं नाल रौला पिआ है। उस नाल गल्ल करन दा कोई फ़ाइदा नहीं।”

इनहां रिपोरटां बाअद सिंगले दी होर चहड़ मच्ची।

आख़री फैसला लिआ गिआ।

साधू सिंघ दा नां तक नहीं लिआ जाएगा। बाकीआं तक पहुंच करन दी कोई कसर बाकी नहीं छड्डी जाएगी।

‘किस नूं की देणा है?’ अग्गों तों इह सभ सिंगला तैअ करेगा।

 

-31-

 

सरकारी वकील दी आओ भगत दा प्रबंध होटल ‘सिटी हरट’ विच्च कीता गिआ सी। पंकज नें इक्क कमरा उनहां लई राखवां रखवा दित्ता सी।

मूंह हनेरा हुंदे ही इक्क गड्डी पहिलां सिंगले दे घर गई। फेर उनहां सतिंदर सिंघ नूं नाल लिआ।

रसते विच्च सिंगले नें सरकारी वकील नाल सीटी रलाई। असामी मोटी सी। मोटी फ़ीस मिलणी सी। अग्गे सिंगला तीसरा हिस्सा लैंदा सी। अज्ज उसदा अध्ध लैण दा इरादा सी।

सरकारी वकील दी इक्क शरत सी। नंद लाल उसनूं दस हज़ार दी पेशकश कर चुक्का सी। सिंगला जो वध्ध दिवाएगा उस विच्च उसदा अध्ध होएगा।

नंद लाल वल्लों नहिले ’ते मारे दहिले ’ते सिंगला हैरान रहि गिआ। गुरू चेले नूं मात दे गिआ सी। बाज़ी हत्थों जांदी देख के उसने सरकारी वकील नूं उंगल ला दित्ती सी।

“बाबू झूठ मार गिआ। उह पारटी तों दस हज़ार मंग रिहा सी। थोडे किसे सरकारी वकील नें पारटी नूं सलाह दित्ती सी कि हज़ार तों वध्ध नहीं देणा।

पारटी मेरे ’ते धिजदी है। मैं उनहां नूं झाड़िआ। आखिआ हज़ार तां नाइब कोरट नहीं लैंदा। इह वड्डा सरकारी वकील है। कलास वन अफ़सर है। जज्ज उस नूं पुछ्छ के फ़ैसले करदा है। इक्क दबका होर मारिआ। दस्सिआ कि सरकारी वकील मुदई्ईआं दा वकील हुंदै। मुदई कोलों जे चौथा हिस्सा फ़ीस मिल जावे, सरकारी वकील उसनूं तरजीह दिंदा है। मुदई धिर सरकारी वकीलां दे पिछ्छे फिरदी है। सरकारी वकील नें इक्क धिर नाल गल्ल करनी है। दोहां धिरां तों थोहड़ा लै जाणे हन। तां गल्ल बणी है। असीं हिस्सा मुफ़त दा नहीं मंगदे। सानूं बथेरीआं टक्करां मारनीआं पैंदीआं हन पारटी नूं लीह ’ते लिआउण लई।”

मुलज़म पारटी नूं घंटा ठहिर के बुलाइआ गिआ सी। उनहां नूं किसे होर दा इंतज़ार करन दी ज़रूरत नहीं सी।

पहिला पैग्ग सतिंदर नूं फड़ाउंदा सिंगला आपणी वकालत आप करन लग्गा।

“तुसीं वकील लोक बड़े उसताद हुंदे हो। थोडे इह गोरख धंदे मेरे पल्ले नहीं पैंदे। बाबा जिवें मरज़ी कर लईं।”

सतिंदर सिंघ नें दूजा पैग्ग अंदर सुट्टदिआं आपणे हथिआर सुट्ट दित्ते।

“तूं दस हज़ार मंगी, मैं पंज आखूं। जिथे टिके टिका लवांगे। लड्डू भुरिआ है, सारे मूंह मिठ्ठा कर लईए। सोने दी मुरगी है। इक्क इक्क करके आंडे खावांगे।

अगली पेशी होर झाड़ लवांगे।”

सिंगला सरकारी वकील दे नाल रलण लई दूजा पैग्ग बनाउण लग्गा।

“जिवें आखेंगा, कर लवांगे।”

“नमक हराम नां होवे, इसदा कोई ढंग तरीका सोचो! की लग्गदा है?

दरख़ासत मनज़ूर हो जाऊ?”

“सवाह मनज़ूर हो जाऊ। इंना गंभीर मामला है। इह जज्ज मुदई पख्खी है।”

“फेर आपां किहड़े मूंह दस हज़ार मंगीए?”

“आपां आपणे कंम दी फ़ीस लैणी है। चुप्प रहिण दी। होर जो मैं कर सकदा हां, उह मैं करन नूं तिआर हां।”

“चुप्प तूं अदालत विच्च करीं। इथे खुल्ल्ह के बोल। तूं बहुत पुराणा सरकारी वकील हैं। ज़मानत मनज़ूर कराउण दा कोई हीला दस्स।”

“इक हल्ल हो सकदा है। साधू सिंघ नें आखिआ है, मिसल पहड़के फैसला करांगे। जे कल्ल्ह नूं मिसल नां आई उसने फैसला कर देणा है। ज़ुबानी उह सौ आखदा रहे, पर फैसला करदे समें मिसल तों बाहर नहीं जाण लग्गा। परचे विच्च उनहां दा नां नहीं। ख़बरां दे आधार ’ते ज़मानत रद्द होणों रही। दरख़ासत मनज़ूर नहीं करेगा तां की करेगा?”

सतिंदर दे इस सुझाअ ’ते सिंगले दा मन गुलाब वांग खिड़ गिआ। सरकारी वकील नूं दित्ती फ़ीस दा मुल्ल उतर गिआ।

“इक्क वार जे कुझ्झ दिनां लई पेशगी ज़मानत मनज़ूर हो गई, फेर आपां संभाल लवांगे। उना चिर मिसल पेश नहीं करांगे, जिंना चिर तफ़तीश विच्च शामल हो हो उह पुलिस दे हत्थ खहड़े नहीं करवा दिंदे। जदों पुलिस आखू, उनहां दी तफ़तीश मुकंमल है फेर जज्ज ज़मानत किस आधार ’ते रद्द करू?”

“मिसल किस तरहां रोकीए? दूजे पासे इक्क वकील पैरवाई कर रिहा है।

उसदा इह निजी केस है। सारे कानूंनी दाअ पेच जाणदा है। मैनूं पता लग्गा है उसने नाइब कोरट तों नोटिस कटवा के थाणे पहुंचा दित्ता है।”

“थाणे इंतज़ाम कर लओ। पहिलां दस्स दिंदे, मैं नोटिस रुकवा दिंदा। उह वकील सारा दिन मेरे सिरहाणे बैठा रिहा। रोंदा रिहा। मैनूं तरस आ गिआ।

मैं नोटिस उसे नूं फड़ा दित्ता। हाले कुझ्झ नहीं विगड़िआ। मिसल रोको। ज़मानत मनज़ूर कराउण दा इहो तरीका है।”

“साडा इह कंम करो। तफ़तीशी नूं फ़ीस दिवा दिंदे हां। मिसल रोको, करो थाणे फ़ोन।”

“मैनूं छोटे मोटे कंमां विच्च नां घड़ीस। तफ़तीशी हज़ार रुपिआ लैंदा है।

तुसीं दित्ता तां मिसल नहीं आएगी। उनहां नें दे दित्ता आ जाएगी। किधरे कंम अड़न लग्गा, फेर मैं फ़ोन कर दिआंगा।”

“ठीक है, असीं वकील हां। साडा कंम कचहिरी तक है। पारटी दी पुलिस नाल सिध्धी गल्ल है। उनहां नूं सलाह दे दिंदे हां। इह इंतज़ाम उह ख़ुद करन।”

ज़मानत कराउण दे सारे पहिलू विचारे जा चुक्के सन। दारू आपणा असर दिखाउण लग्ग पई सी।

होर बैठे रहिण दा कोई मकसद नहीं सी।

सरकारी वकील काहला पैण लगा। पंकज दे लेट होण ’ते खिझण लग्गा।

पंकज किधरे रुझ्झ गिआ सी। उसदी थां नीरज अते विने आ गए।

नीरज दे साहमणे सिंगले अते सरकारी वकील विच्च बणी योजना इक्क वार फेर दुहराई गई।

नीरज नें ख़ुद सरकारी वकील दी जेब विच्च पैसे पाए।

जो सिंगले नें आखिआ दोहां धिरां नें उह मनज़ूर कर लिआ।

होटल विच्च खहड़ के समां बरबाद करन दी ज़रूरत नहीं सी। नीरज झट्ट मेलू राम कोल जाए। बणी योजना अनुसार मिसल नूं कचहिरी आउण तों रुकवाए।

 

-32-

 

मिसल रोकणा मेलू दे खब्बे हत्थ दी खेड सी। मेलू नें सिध्धी कपतान नाल गल्ल कीती। कपतान नें मुख्ख अफ़सर नूं समझाइआ।

इस मुकद्दमे दे इक्क दोशी दे चंडीगहड़ लुके होण दी मुख़बरी मिसल विच्च दरज कीती जावे। नरिंदर नाथ हौलदार दी सरप्रसती हेठ इक्क पुलिस पारटी बणाई जावे। रेड लई उस पारटी दी रवानगी चंडीगहड़ लई पाई जावे।

अदालत विच्च इक्क बेनती पत्तर भेजिआ जावे। उस विच्च लिखिआ जावे।

अदालत दा हुकम लेट पुज्जा सी। हौलदार समेत मिसल बाहर जा चुक्की सी।

होर तारीख़ पाई जावे।

कपतान तों फ़ोन करवा के मेलू नें मुख्ख अफ़सर नूं फ़ोन कीता। उह नरिंदर नाथ नूं मेलू वल्ल भेज देवे।

मेलू नें नरिंदर नाथ लई इक्क हज़ार रुपए फड़ लए। दो बोतलां विसकी दीआं मंगवा लईआं। उह दारू पिला पिला तफ़तीशी नूं टुन कर देवेगा। दो दिन उसने बेहोश रहिणा सी। मिसल नूं उस नें किथे लिजा सकणा सी। मेलू नें उसनूं ख़ुद नूं तुरन फिरन जोगा नहीं सी रहिण देणा।

बेनती पत्तर समें सिर नहीं सी पुज्जणा चाहीदा। जे इह समें सिर पुज्ज गिआ तां साधू सिंघ नें दरख़ासत मनज़ूर कर लैणी सी। बिनां कोई हुकम सुणाए तारीख़ पा देणी सी।

इह मसला वी मेलू नें हल्ल कर दित्ता।

मुनशी हत्थों परवाना लिखवा के मुख्ख अफ़सर दे रीडर नूं फड़ाइआ गिआ।

परवाना कदों जज्ज नूं फड़ाउणा है उह उसनूं चंगी तरहां समझाइआ गिआ।

मेलू नें रीडर नूं वी डेअरी बुला लिआ। उसदी फ़ीस उसदे हवाले कीती गई। टहिल सेवा लई उसनूं नरिंदर नाथ नाल बिठाइआ गिआ।

रीडर नें थोहड़ी जिही हुशिआरी वरतणी सी। कुझ्झ देर इध्धर उधर घुंमणा सी। जदों इस केस दी सुणवाई हो जावे, फेर कमला जिहा बण के उह इह बेनती पत्तर सरकारी वकील नूं फड़ा देवे। सरकारी वकील तों मुआफ़ी मंगे।

फाटक बंद होण कारन उह लेट हो गिआ। कुझ्झ झिड़कां सरकारी वकील कोलों पैणगीआं। उह बरदाशत कर लए। कुझ्झ बुरा भला जज्ज कोलों सुनणा पै सकदा सी। उसदा उह मुल्ल लै लए।

पुलिस महिकमे नूं मेलू राम नें संभाल लिआ। मेलू राम किहड़ा हदाइतां आपणे कोलों दे रिहा सी? उह उहो करवा रिहा सी जो पुलिस कपतान चाहुंदा सी।

 

-33-

 

पंकज होरां दी अरज़ी दी सुणवाई सभ तों पहिलां होणी सी।

सारीआं कचहिरीआं विच्च अज्ज इसे केस दी चरचा सी।

पंकज होरां दे दोसत मित्तर अते रिशतेदार सवेरे नौं वजे तों कचहिरी पुज्जणा शुरू हो गए सन। तीह चाली वड्डीआं गड्डीआं नें पारकिंग वाली सारी थां मल्ल लई सी। पंजाह सठ्ठ मोटे ताज़े सेठ, हत्थां विच्च मोबाईल फ़ोन फहड़ी, हरल हरल करदे इधर उधर फिर रहे सन। कदे झुरमट नंद लाल दुआले जुड़ जांदा सी कदे सिंगले दुआले। पंकज दा साला आए महिमानां नूं कोका कोला वरता रिहा सी। अजे दा नौकर चाह वाली केतली अते बिसकुट चुक्की फिरदा सी। पैरवाई करन आए समरथकां दे चिहरिआं ’ते कोई तनाअ नहीं सी। हासा मज़ाक अते खाण पीण चल्ल रिहा सी। पिकनिक वरगा माहौल सी।

दूजी धिर सरकारी वकील दे दफ़तर अग्गे जुड़ी खहड़ी सी।

राम नाथ सरकारी वकील दे दफ़तर विच्च बैठा मिसल दी उडीक कर रिहा सी।

बाहर खहड़े नौजवानां विचों कुझ्झ पत्तरकार सन अते कुझ्झ कमल दे दोसत।

कुझ्झ नीलम दे पेकिआं वल्लों आए रिशतेदार। इस धिर दे सारे समरथक थक्के टुट्टे अते हारे हारे महिसूस कर रहे सन।

थाणेदार नूं समेत मिसल साढे नौं वजे सरकारी वकील दे दफ़तर पुज्ज जाणा चाहीदा सी। जदों मिसल पौणे दस वजे तक वी नां पुज्जी तां सतिंदर सिंघ नें राम नाथ नूं सुचेत कीता। फ़ोन करके थाणिउं पता कीता जावे। देरी दा कारन पुछ्छिआ जावे।

थाणे वाले पैरां ’ते पाणी नहीं सन पैण दिंदे। मुनशी तों सिवा थाणे कोई नहीं सी। मिसल किथे है, इस बारे मुनशी नूं कुझ्झ पता नहीं सी।

पूरे दस वजे अदालत दी कारवाई शुरू हो गई।

सरकारी वकील नें मजबूरी ज़ाहर कीती। थाणे तों मिसल नहीं सी आई।

कुझ्झ देर इंतज़ार कीती जावे।

इंतज़ार करना साधू सिंघ दा असूळ नहीं सी। मिसल समें सिर पुज्जणी चाहीदी सी। नहीं तां सरकारी वकील नूं इक्क तरफ़ा हुकम सुणन लई तिआर रहिणा चाहीदा सी।

पर इह मामला गंभीर सी। उस नूं शक्क होइआ मुलज़म पारटी उसदी सख़ती दा नजाइज़ फ़ाइदा उठ्ठा रही सी। मिसल नूं जाण बुझ्झ के लेट करवा रही सी।

इनसाफ़ नूं मद्दे नज़र रखदे होए साधू सिंघ नें आपणा असूल तोड़िआ।

सरकारी वकील नूं सख़त ताड़ना होई। उह ख़ुद थाणे फ़ोन करे। पता करे मिसल किउं नहीं आई।

बहिस गिआरां वजे तक टाल दित्ती गई।

जदों मिसल गिआरां वजे वी नां आई तां साधू सिंघ कोल बहिस सुणन तों सिवा कोई चारा नहीं सी। होर तारीख़ पा के उह आपणे आप नूं मुदई धिर नाल नहीं सी जोड़ सकदा।

नंद लाल वल्लों कल्ल्ह वाली बहिस दुहराई गई।

काइदे अनुसार नंद लाल तों बाअद सरकारी वकील नूं बहिस करन दा मौका दित्ता गिआ। सरकारी वकील कोल मिसल नहीं सी। मिसल बिनां बहिस नहीं सी हो सकदी। बहिस लई उसनूं तारीख़ चाहीदी सी।

राम नाथ बहिस करना चाहुंदा सी। उह मरन वाले दा मामा सी अते मुदई धिर दा वकील। दोहां कारनां करके बहिस करन दा उसदा हक्क बणदा सी।

सफ़ाई धिर दे वकील उसनूं बेहे कड़ाह वांग पै गए। कानूंन दीआं किताबां दे ढेर उनहां जज्ज अग्गे रख्ख दित्ते। इह सरकार दा केस सी। सरकार दा पख्ख पूरन लई सरकारी वकील हाज़र सी। मुदई धिर दे वकील नूं बोलण दा कोई हक्क नहीं सी। सुपरीम कोरट नें इक्क वार नहीं सौ वार इस नियम दी प्रोड़ता कीती सी।

साधू सिंघ राम नाथ नूं सुणन लई तिआर सी। पर उस कोल वी परचे तों सिवा पेश करन लई कुझ्झ नहीं सी। परचा नंद लाल पहड़के सुणा चुक्का सी।

बाकी जो राम नाथ नें दस्सणा सी, जज्ज उसनूं आपणे फैसले दा आधार नहीं सी बणा सकदा। इस लई राम नाथ दा बोलणा जां नां बोलणा इक्क बराबर सी।

पुलिस दी इस अणगहिली ’ते जज्ज नें सख़त नराज़गी प्रगटाई। आपणी नराज़गी प्रगटाउण लई माइआ नगर दे डी.आई.जी.नूं विशेश चिठ्ठी लिखवाई। मुख्ख अफ़सर विरुध विभागी कारवाई दी सिफ़ारश होई। अगली पेशी ‘ते मिसल पेश होवे जां कपतान ख़ुद पेश होवे।

अगली पेशी तिंन दिनां दी पाई गई। तद तक दोशीआं दी पेशगी ज़मानत मनज़ूर कीती गई।

“लै बई पहिली बाज़ी मैं जित्त दित्ती। हुण आपणा असर रसूख़ वरत के तफ़तीश विच्च शामल हो जावो। जो कुझ्झ पुलिस तुहाथों पुछ्छणा चाहुंदी है, दस्स देवो। जो रिकारड मंगदी है, दे देवो। फेर देखो, अगली पेशी मैं किवें ज़मानत पक्की कराउंदा हां।”

कचहिरीउं बाहर निकल के, आपणे दुआले जुड़े हजूम नूं संबोधन करदे नंद लाल नें आपणी तारीफ़ आप करनी शुरू कीती।

“तफ़तीश विच्च शामल होण समें वकीलां नूं नाल लै जाणा। इक्क दोशी इक्क वकील नाल लिजा सकदै। दो वकील लै जाणा। पुलिस दब्बी रहू। सिंगले नूं सारे केस दा पतै। इस नूं ज़रूर लिजाणा। थाणे जाण दी फ़ीस वख्ख हुंदी है।

उह सिंगले नूं दे देणा।”

नंद लाल दे हदाइतां करदे करदे कचहिरी दे अरदली, गंनमैन, रीडर अते सटैनो उनहां नूं घेर के खहड़ गए। झुक झुक सलामां करन अते मुबारकां देण लगे।

“दिओ इनहां नूं पंजाह पंजाह।”

अजे नें झट्ट पंजाह पंजाह दे नोटां दी झड़ी ला दित्ती।

“इक गल्ल होर। किसे पत्तरकार नूं फड़ के ख़बरां लगवा दिओ। अख़बार जिहड़ी ज़हिर उगलदे हन, उसदा उनहां नूं मोड़वां जवाब मिल जाएगा।”

नंद लाल नूं दूसरी अदालत विचों सुनेहा आ चुक्का सी। अदालत वल्ल जांदा जांदा उह हदाइतां दिंदा रिहा।

“प्रैस्स उनहां वल्ल है। आपणी ख़बर कौण लाएगा?” नंद लाल दे नाल नाल तुरदा अजे तौख़ला प्रगट करन लग्गा।

“तूं पंजाब दरपण वाले शिंदे कोल चला जा। मेरा नां लै देईं। पंज सौ दा नोट फड़ा देईं। देख किस तरहां ख़बर लगदी है, वड्डीआं सुरख़ीआं विच्च।”

ख़बर दी तलब साइलां नूं घट्ट नंद लाल नूं ज़िआदा सी।

दरपण समाचार समूह दे अख़बारां नूं शहिरी लोक पहड़दे सन। शिंदे नें तथां दी चरचा घट्ट नंद लाल दी काबलीअत दी चरचा वध्ध करनी सी। उस चरचा नें माइआ नगर वासीआं नूं प्रभावित करना सी। प्रभावत होए लोकां नें नंद लाल वल्ल दौड़ना सी।

नंद लाल दा धंनवाद करके अजे नें सभ तों पहिलां पंकज नूं ख़ुशख़बरी सुणाई। हुण लुक छिप के फिरन दी ज़रूरत नहीं सी। पंकज कचहिरी दे साहमणे ढाबे विच्च बैठा सी। सूचना मिलदे ही उह कचहिरी आ गिआ।

पेशगी ज़मानत दा हुकम जेब विच्च पा के नीरज अते विने मेलू दी डेअरी वल्ल हो लए। उह कपतान नाल गल्ल करे। उनहां नूं तफ़तीश विच्च शामल करवाए।

उह पक्की ज़मानत दे हुकम करवा के बेफिकर होण।

पंकज यारां दोसतां नूं लै के फैकटरी वल्ल चल्ल पिआ। कई दिनां तों दोसत मानसिक तनाअ विच्च सन। जशन होणा चाहीदा सी।

 

-34-

 

पेशगी ज़मानत मनज़ूर होण दी ख़बर सुण के मेलू खुशी नाल झूम उठ्ठिआ।

झट्ट उस नें फरिज़ विचों बोतल कढ्ढ लई।

सोफ़ी रहिणा नीरज होरां दी मजबूरी सी। उनहां नें थाणे जा के तफ़तीश विच्च शामल होणा सी। आपणा बिआन दरज कराउणा सी।

पारटी दा इंतज़ाम फैकटरी विच्च हो रिहा सी। पारटी विच्च शामल होण लई उनहां नें मेलू नूं दाअवत दित्ती।

पर उस तों पहिलां उनहां दे मनों तफ़तीश विच्च शामल होण दा बोझ लहि जाणा चाहीदा सी।

इह अदालत दा हुकम सी। पुलिस नूं इह मंनणा पैणा सी। सारी पुलिस मुलज़मां दे नाल सी। फेर फ़िकर वाली किहड़ी गल्ल सी?

मेलू नें कपतान नूं फ़ोन कीता। उह तफ़तीशी नूं हदाइत करे। तफ़तीशी मिसल दा घर पूरा करे। अजिही ज़िमनी लिखे, जिस नूं पहड़के जज्ज उनहां दी ज़मानत मनज़ूर करन लई मजबूर हो जाए।

इंझ करन विच्च कपतान नूं कोई इतराज़ नहीं सी। पर उसनूं इक्क दिक्कत पेश आ रही सी।

जज्ज वल्लों लिखी विशेश चिठ्ठी डी.आई.जी.कोल पुज्ज चुक्की सी। मिसल कचहिरी किउं नहीं गई? इस गल्ल ’ते उह चिड़िआ बैठा सी। मिसल उसने आपणे कोल मंगवा लई सी। कपतान नूं झाड़ पै चुक्की सी। डी.आई.जी.नूं विशवास विच्च लैणा ज़रूरी सी।

मेलू नें कपतान दी मजबूरी नीरज नूं समझाई।

“डी.आई.जी.नाल गल्ल करनी है तां करो। जो देणा है, दिओ। बस्स खहिड़ा छुडाओ।”

नीरज मसला लटकाउण दे हक्क विच्च नहीं सी।

मेलू नें डी.आई.जी.नाल संपरक कीता। मीटिंग तैअ हो गई।

मदद दा मुल्ल दो पेटीआं (दो लख्ख) चुकाइआ गिआ।

दोशी हाले चुप्प करके बैठे रहिण। पेशी तों इक्क दिन पहिलां डी.आई.जी. तफ़तीशी अते मलज़मां नूं आपणी कोठी बुलाएगा। आपणी हाज़री विच्च ज़िमनी लिखवाएगा। नाल आपणी तसदीक पाएगा। तां दोशीआं दा कंम बणेगा।

डी.आई.जी.तों थापड़ा लै के सारी टोली फैकटरी पुज्ज गई। नवीं ख़ुशखबरी नें जशन विच्च नवीं रूह फूक दित्ती।

देर रात तक जशन चलदा रिहा।

 

-35-

 

पंकज अते नीरज कई दिनां दे देश निकाले बाअद पहिली वार घर सुत्ते सन।

सौण तों पहिलां उनहां नें घरदिआं नूं सख़त हदाइत कीती सी। उनहां नूं कच्ची नींद विचों उठाउण दी जुअरत नां कीती जावे।

पर फ़ौजदारी मुकद्दमिआं विच्च फसे लोक कदे सुख दी नींद नहीं सौं सकदे।

हाले उनहां नूं सुत्तिआं तिंन घंटे वी नहीं सन होए कि सिंगले दे फ़ोन ’ते फ़ोन खड़कण लगे।

पंजाबी तों लै के अंगरेज़ी तक हर अख़बार नें उनहां दे केस नाल सबंधत ख़बरां छापीआं सन। सिंगले अते सरकारी वकील नूं विचे घड़ीसिआ गिआ सी। सिंगले, सतिंदर सिंघ अते नीरज दी सिटी हारट होटल दे बाहर इकठ्ठे खड़िआं दी फोटो तकरीबन हर अख़बार विच्च छपी सी। सिंगले दे सरकारी वकील नूं उसदी कोठीउं लै के आउण तों लै के कोठी छड्डण तक दा वेरवा ख़बरां विच्च दित्ता गिआ सी। सिंगले दा कुझ्झ नहीं सी विगड़न लग्गा। उह प्राईवेट वकील सी। जो मरज़ी करे। सरकारी वकील दी मिली भुगत साबत हो जाण नाल उसदी नौकरी नूं ख़तरा सी। सतिंदर सिंघ वार वार फ़ोन कर रिहा सी।

इहो नहीं। मेलू अते नरिंदर नाथ दी मिली भुगत दी ख़बर वी लूण मिरच ला के छापी गई सी। शराबी हालत विच्च उसनूं मेलू दी डेअरी विच्च लंमा पिआ दिखाइआ गिआ सी। थाणे दे रिकारड दा हवाला दे के इह सिध्ध कीता गिआ सी कि हवालदार किधरे नहीं सी गिआ। माइआ नगर विच्च हाज़र सी। दोशीआं नूं फ़ाइदा पहुंचाउण लई उसदे बाहर जाण दा डरामा रचिआ गिआ सी।

नरिंदर दे सुनेहे आ रहे सन। उसने मिसल कपतान दे कहिण ’ते रोकी सी। उसनूं मुअत्तल होण तों बचाइआ जावे।

पुलिस दी इस जिआदती विरुध मुज़ाहरे, धरने अते हड़ताल दा सद्दा दित्ता गिआ सी।

सारा माइआ नगर जाग चुक्का सी। पंकज होरीं सुत्ते पए सन। उनहां नूं जाग जाणा चाहीदा सी।

जदों वार वार फ़ोन करन ’ते किसे नें फ़ोन नां चुक्किआ तां मजबूरन सिंगले नूं उनहां दी कोठी जाणा पिआ।

दो अख़बार सिंगले कोल आउंदे सन। बाकी दे अख़बार उसने रसते विचों खरीद लए। अख़बारां विच्च छापण लई जिवें अज्ज होर कोई ख़बर ही नहीं सी।

सभ अख़बारां नें इसे मिली भुगत दे चरचे चटकारे लै लै छापे सन।

कई दिनां बाअद मसां दोवें भरा तनाअ मुकत होए सन। देर रात तक उह पींदे रहे सन। हुण आसानी नाल उनहां दी अख्ख नहीं सी खुल्ह रही।

अचानक सिंगले नूं घर आइआ देख के उनहां दे होश उड्ड गए। दोहां नूं तरेलीआं आउण लग्गीआं। बलड्ड प्रैशर उपर हेठ होण लगा। दिलां दीआं धड़कनां तेज़ हो गईआं।

घबराए उह विचार विटांदरे लई बैड रूम विच्च ही बैठ गए।

सिंगले नें इक्क इक्क करके सारे अख़बार उनहां अग्गे रख्खे। किस ख़बर दा किस उप्पर की प्रभाव पएगा, इसदी जाणकारी दित्ती। सरकारी वकील अते हौलदार दे होण वाले नुकसान दा ज़िकर कीता।

सरकारी वकील अते हौलदार दी पंकज होरां नूं कोई परवाह नहीं सी।

कीते कंम दे उनहां नूं पैसे मिले सन। नफ़े नुकसान दे उह ख़ुद ज़िंमेवार सन।

सिंगला इस तरक नाल सहिमत नहीं सी। सरकारी वकील दा नुकसान पंकज होरां दा नुकसान सी। जे हुण उनहां दा बचाअ कर लिआ गिआ तां अफ़सरां विच्च भरोसा बणिआ रहेगा। नहीं तां अगों तों अफ़सर मदद करनों हट्ट जाणगे।

अफ़सर मिट्टी दा मान नहीं हुंदा। इक्क वार पड़त ख़राब हो गई तां किसे नें नोटां दे बोरिआं उपर वी धार नहीं मारनी। हर अफ़सर उनहां नूं कड़ाका चाहड़दा रहेगा।

नरिंदर नाथ दा बहुता नुकसान होण वाला नहीं सी। उस विरुध कारवाई कपतान नें करनी सी। कपतान नें आपे मौका संभाल लैणा सी।

फ़िकर सरकारी वकील दा सी।

अजे दा इक्क जीजा आई.ए.ऐस.अफ़सर सी। पहिलां उह ग्रहि सकत्तर रिहा सी। सतिंदर सिंघ दा महिकमा ग्रहि सकत्तर दे अधीन सी। ज़रूर उसदी पहिले महिकमे विच्च बणदी होवेगी।

अजे नूं जगाइआ गिआ। कंम समझाइआ गिआ।

कुझ्झ देर बाअद उसदा फ़ोन आ गिआ। सरकारी वकील बेफ़िकर रहे। माड़ी मोटी झाड़ झंब हो सकदी सी। नुकसान नहीं सी होण लग्गा।

सरकारी वकील वल्लों बेफ़िकर हो के उह आपणे बचाअ दीआं सकीमां घड़न लगे।

 

-36-

 

हड़तालां धरनिआं दा किसे नूं फ़िकर नहीं सी। अजिहे हर केस विच्च धरने वज्जदे सन। पहिले दिन गिणती पंज सत्त सौ हुंदी सी। दूजे दिन दो तिंन सौ।

हफ़ते बाअद इह गिणती पंजाह सठ्ठ ’ते पुज्ज जांदी सी। फेर घर घर दे रहि जांदे सन। होर महीने बाअद सभ खेडणे खिंड जांदे सन। पैरवी करन वाला टावां टल्ला रहि जांदा सी। इस केस विच्च इसे तरहां हो रिहा सी। तमाशबीनां दी गिणती दिनो दिन घट रही सी।

जिहड़ी चमक बाकी सी, उह प्रैस दी मिहरबानी करके सी। हड़तालां अते धरनिआं दीआं ख़बरां बड़े योजना बध्ध तरीके नाल छापीआं जा रहीआं सन।

हर नाअरा मारन वाले दी फ़ोटो किसे नां किसे अख़बार विच्च छप रही सी। मुहल्ले दे प्रधान तक दा नां किसे नां किसे अख़बार विच्च छप रिहा सी। आपणी फ़ोटो अख़बार विच्च छपवाउण दे लालच विच्च लोक वध चहड़ के हड़तालां धरनिआं विच्च हिस्सा लै रहे सन।

सिंगले दी राए सी, जे प्रैस्स चुप्प कर जाए तां सभ मसले हल्ल हो जाण।

प्रैस ही तां काबू नहीं सी हो रही। प्रैस्स कलब्ब दा सकत्तर नेहा दा प्रेमी सी। उनहां दी सगाई होण वाली सी। इस घटना नाल उसदा निज जुड़िआ होइआ सी। उसदीआं भावनावां नूं ठेस पुज्जी सी। उसदा दिल इनसाफ़ दी पुकार कर रिहा सी। सारे पत्तरकार तनों मनों उसदा साथ दे रहे सन। आशकां नूं नत्थ पाउणा दरिआवां दे वहिणां नूं मोड़न वांग औखा सी।

सागर दा नेहा नालों मोह भंग कीता जाणा चाहीदा सी। इह ठीक सी कि परचे विच्च नेहा नाल होए बलातकार दा ज़िकर नहीं सी। इस तत्थ नूं इक्क सोची समझी चाल तहित छुपा लिआ गिआ सी। पर हर ज़ुबान उपर होए बलातकार दी चरचा सी। कई अख़बारां नें आपणीआं पहिले दिन दीआं ख़बरां विच्च बलातकार दा ज़िकर कीता सी। सागर दे मन विच्च नेहा दी अपवित्तरता दा विश घोलिआ जाणा चाहीदा सी। उसनूं जूठ नालों नाता तोड़न लई प्रेरिआ जाणा चाहीदा सी।

जिंना चिर इह योजना सिरे नहीं चहड़दी उना चिर पत्तरकारां दा खहिड़ा छड्ड के अख़बारां दे संपादकां नाल संपरक कीता जावे। कुझ्झ इशतिहार फौरी तौर ते अख़बारां नूं दित्ते जाण। वड्डे इशतिहारां दा वाअदा कीता जावे।

अख़बारां दी गिणती किहड़ा दो चार सी, बई खरीद लए जाण। कुल्ल मिला के तीह चाली अख़बार माइआ नगर विच्च आउंदे सन। इशतिहारां दा रेट बड़ा महिंगा सी। अंगरेज़ी अख़बारां दी तां नुक्कर विच्च इशतिहार देणा मुशकल सी। वड्डे इशतिहार बारे सोचिआ वी नहीं सी जा सकदा।

इस समस्सिआ नूं नजिठण लई सारे उदयोग पतीआं नूं इक्क जुट हो जाणा चाहीदा सी। माइआ नगर विच्च हज़ारां अजिहे उदयोग सन, जिनहां दे वड्डे इशतिहार अख़बारां विच्च छपदे सन। उनहां नूं आपणीआं पबलीसिटी एजंसीआं राहीं अख़बारां ’ते दबाअ पाउणा चाहीदा सी। बहुता नहीं तां पंकज होरां दे आपणे अते रिशतेदारां दे इशतिहार इस योजना तहित दित्ते जाणे चाहीदे सन। अख़बार छोटा होवे जां वड्डा। इशतिहार बिनहां किसे दा गुज़ारा नहीं।

मजबूरी वस्स अख़बारां नूं उनहां नाल समझौता करना पैणा सी।

सिंगले दा इह सुझाअ वी वज़नदार सी। पंकज आपणे साथीआं नाल इस विशे ते गल्ल करेगा। होर नहीं तां ख़बरां दा सुर मठ्ठा पएगा। कदे कदे उनहां दा पख्ख छप जाइआ करेगा।

सारे पत्तरकार सागर नाल सहिमत नहीं सन हो सकदे। हर संसथा विच्च विरोधी धिर वी हुंदी है। विरोधी धिर दी पहिचाण कीती जावे। तोहफ़े दे के अते पारटीआं विच्च बुला के उस धिर तों फ़ाइदा उठाइआ जावे।

विदिआरथीआं दी एकता नूं खोरा लाइआ जावे। इह उमर बांदरां वरगी हुंदी है। जिस कंम पिछ्छे पा दित्ते, पै जांदे हन। चंगे माड़े नतीजिआं बारे नहीं सोचदे। उनहां दे मापे प्रेशान सन। इमतिहान सिर उपर सन। हड़ताल लंबी हो गई तां कईआं दा साल मारिआ जाएगा। हड़ताली विदिआरथीआं दे मापे आपणे बच्चिआं दे भविख्ख लई पुलिस ’ते ज़ोर पा रहे सन। मुलज़मां नूं जलदी ग्रिफ़तार करो।

यूनीवरसिटी दे अधिकारीआं नाल गल्ल कीती जावे। तिमाही इमतिहानां दी डेट शीट नोटिस बोरड उपर लगवाई जावे। इमतिहान सिर ते आ जाण नाल अध्धे विदिआरथी आपणे कमरिआं विच्च बंद हो जाणगे। बाकी उनहां नूं देखो देखी खिंड जाणगे। मापे उनहां नूं हड़तालां दा खहिड़ा छड्ड के पहड़न लई प्रेरणगे।

वाकिफ़ मापिआं नाल संपरक कीता जावे। उनहां राहीं बच्चिआं नूं सिध्धे राह पाउण दा यतन कीता जावे।

सिंगले दे सभ सुझाअ बहुत कीमती सन। पुलिस ते पैंदे दबाअ नूं घट्ट करन लई इनहां हत्थ कंडिआं दी वरतों ज़रूरी सी। पर इनहां सुझावां नूं अमली रूप देण लई बहुत समां लगणा सी। उनहां अग्गे फौरी समस्सिआ पेशगी ज़मानत मनज़ूर करवाउण अते पुलिस कोलों खहिड़ा छडाउण दी सी। पहिलां इस बारे सोचिआ जावे।

पेशगी ज़मानत तां मनज़ूर होणी सी, जे तफ़तीश विच्च शामल होइआ जावे।

इक्क वार जे तफ़तीश विच्च शामल हो गए, फेर उनहां नूं कोई परवाह नहीं सी।

इस आधार ’ते पहिलां तां साधू सिंघ नें ही ज़मानत लै लैणी सी। उसने नांह कर दित्ती तां हाई कोरटों ज़मानत वट्ट ’ते सी।

पर पंकज ख़तरा मंन रिहा सी। बदले हलातां विच्च पुलिस नें उनहां नूं शामल तफ़तीश नहीं सी करना।

“किउं नहीं करना? अदालत दा हुकम साडे कोल है। जे कपतान जां डी.आई.जी.मदद करे तां तफ़तीश विच्च शामल होण विच्च कोई अड़चन नहीं है।”

सिंगले दे कहिण ते मेलू नाल संपरक करन दा यतन कीता गिआ। उस राहीं जाणिआ जावे कि पुलिस इनहां ख़बरा नूं किंनी कु गंभीरता नाल लैंदी है।

पुलिस कपतान नें चौवी घंटे दे अंदर अंदर दो असल दोशीआं नूं फड़ के मुख्ख मंतरी दा विशवास जित्त लिआ सी। इक्क दो भाशणां विच्च उह कपतान दी इस कारगुज़ारी दी तारीफ़ कर चुक्का सी। मुख्ख मंतरी दी हो रही तफ़तीश ‘ते तसल्ली सी। कपतान नूं किसे पासिउं कोई ख़तरा नहीं सी।

पुलिस अधिकारीआं नूं इनहां ख़बरां दी बहुती परवाह नहीं सी होणी चाहीदी। आपणे उच्च अधिकारीआं नूं विशवास विच्च लै के उह आपणी हाथीआं वाली मसत चाल चल्लदे रहिंदे हन।

मेलू दा मोबाईल फ़ोन बंद सी। घर फ़ोन कीता। पता लग्गा अखाड़े विच्च गिआ है। अखाड़े तों पता लग्गा डेअरी चला गिआ। डेअरी वालिआं पहिलां आखिआ गल्ल कराउंदे हां। फेर पुछ्छिआ कौण बोलदा है? पंकज दा नां फ़ोन सुणन वाले नें अग्गे दस्सिआ। अगों जवाब आइआ “आखदे बाहर गए हन। कल्ल्ह मिलणगे।”

मेलू दी इस हरकत दे संकेत सपश्शट सन। अफ़सर ख़बरां ’ते खफ़ा सन।

हाल दी घड़ी किसे मदद दी कोई संभावना नहीं सी।

फ़िकर वाली कोई गल्ल नहीं सी। हाले दो दिन बाकी सन। दो दिनां विच्च दिल्ली फ़तहि हो सकदी सी। इह किहड़ा मसला सी?

सिंगले नें पंकज होरां दा हौसला वधाइआ।

हाले मूंह हनेरा सी। सभ अफ़सर सुत्ते होए सन। दिन चहड़न ’ते फेर यतन कीते जाणगे।

कुझ्झ वी होवे उह पेशगी ज़मानत हासल करके रहिणगे।

 

-37-

 

पेशगी ज़मानत दी दरख़ासत उपर अज्ज आख़री सुणवाई सी।

अज्ज वी दरख़ासत पहिले नंबर ’ते लग्गी सी। पर इस वार हालात पहिलां नालों उलट सन।

पहिला मुख्ख अफ़सर लाईन हाज़र कर दित्ता गिआ सी। नवां मुख्ख अफ़सर मिसल घंटा पहिलां लै आइआ सी। केस दे संखेप हालात उसने ज़ुबानी याद कर रख्खे सन। सरकारी वकील दी सहूलत लई उसने इक्क लिखती नोट तिआर कर लिआ सी। अहिम गवाहां अते दसतावेज़ां उपर उसने फलैग लगा लए सन।

पहिले सरकारी वकील नूं हेठली अदालत विच्च बदल दित्ता गिआ सी।

नवां सरकारी वकील पूरी तिआरी करके आइआ सी। कल्ल्ह राम नाथ उसनूं मिलिआ सी। अध्धे घंटे दी विहल कढ्ढ के उसने राम नाथ वल्लों सुझाए हर नुकते नूं गहु नाल सुणिआ अते समझिआ सी। कुझ्झ अहमि फैसलिआं दीआं नकलां उह घरों लै के आइआ सी। इनहां फैसलिआं दे आधार ’ते दरख़ासत रद्द कराए जाण दा यतन कीता जाणा सी।

इस वार सरकारी वकील दे दफ़तर बाहर जुड़ी भीड़ दे चिहरिआं उप्पर रौणक अते उतशाह सी।

सिंगला नवें सरकारी वकील नाल संपरक करन लई तरलो मछ्छी हो रिहा सी। नौं वजे तक किसे नूं पता नहीं सी कि इस अदालत विच्च किस सरकारी वकील नें जाणा है। जदों सुदरशन कुमार इस मिसल दे तत्थ नोट करन लग्गा फेर पता लग्गा अज्ज उसदी वारी सी।

इह सरकारी वकील सी तां दूजिआं नालों जूनीअर, पर कंम दूजिआं नालों वध्ध जाणदा सी। बहुता लालची नहीं सी। जो मिल गिआ, लै लैंदा सी। इक्क उस विच्च होर गुण सी। जदों पैसे लै लए, फेर कंम कराउण दा यतन करदा सी। कंम दा भेती सी। किसे नां किसे मोरी निकल के कंम करा लैंदा सी। आपणे इनहां गुणां करके उह वकीलां अते साइलां विच्च सतिकारिआ जांदा सी।

पहिले सरकारी वकील नाल शरेआम घुंम के सिंगला ग़लती कर चुक्का सी। उह हुण उस ग़लती नूं दुहराउणा नहीं सी चाहुंदा।

उह नवें सरकारी वकील नाल गल्ल करे तां किस तरहां?

सोच विचार के सिंगले नें जुगत लड़ाई। आपणे मुनशी राहीं उसने नाइब कोरट नाल संगली अड़ाई। दस हज़ार दी गुट्टी उसदे हत्थ फड़ाई। किवें नां किवें उह सुदरशन नूं मुदई दे चुंगल विचों छुडाए अते सिंगले दा सुनेहा पहुंचाए।

बाकी कंम विचे छड्ड के नाइब कोरट सरकारी वकील दे दफ़तर अग्गे जा खड़ोता।

नाइब कोरट दी फ़ीस सौ रुपिआ सी। हुण उसदे बोझे हज़ार पिआ सी।

नाइब कोरट नूं आपणी फ़ीस हज़म करन दी काहल सी। उह फ़ीस मिलण दी ख़बर सरकारी वकील दे कंनीं पाए अते आपणी ज़िंमेवारी तों मुकत होए। अगों सरकारी वकील जाणे, सिंगला जाणे।

आने बहाने कई वार नाइब कोरट सरकारी वकील कोल गिआ। गल्ल करन दा यतन कीता। इशारे कीते। पर राम नाथ इक्क मिंट लई वी उसनूं इकल्ला नहीं सी छड्ड रिहा।

देखदे देखदे दस वज्जण विच्च पंज मिंट रहि गए। सरकारी वकील दा अदालत जाण दा समां हो गिआ।

पूरे दस वजे पहिली आवाज़ पैणी सी।

“चलीए जनाब! दस वज्जण वाले नें।” जदों राम नाथ नें सरकारी वकील कोलों उठण दा नां ही नां लिआ तां नाइब कोरट नें हो चुक्के समें दी याद करवा के उसनूं कुरसी तों उठाउण दा यतन कीता।

“हां चल्ल! मिसलां संभाल! आह किताबां वी चुक्क लै ….।”

मिसलां अते किताबां नाइब कोरट दे हवाले करके सुदरशन उठ्ठ खड़ोता।

सुदरशन तेज़ तुरन दा आदी सी। उसदी इस आदत दा नाइब कोरट नूं पता सी।

उसे रफ़तार नाल नाइब कोरट नें सरकारी वकील दे कदम नाल कदम मिलाउणा शुरू कर दित्ता।

राम नाथ बहुत पिछ्छे रहि चुक्का सी।

आला दुआला घोख के नाइब कोरट नें सुदरशन दे कंन विच्च घुसर मुसर कीती।

“जनाब सिंगले नें दस हज़ार भेजिआ है। मेरी जेब विच्च है। कहिंदा है मदद कर देणा।”

“तूं मैनूं मरवाएंगा। पहिले सरकारी वकील दा पता नहीं की बणू।

मुदई्ईआं दे सूहीए सी.आई.ए.नालों घट्ट नहीं। फड़े जावांगे। कल्ल्ह नूं आपणी ख़बर छप जाएगी।”

सुदरशन जोख़म लैण नूं तिआर नहीं सी।

“कुझ नहीं हुंदा जनाब। मैं आपे संभाल लऊं।”

“तूं इक्क कंम कर। पहिलां उनहां नाल गल्ल खोल्ह लै। सानूं थोहड़ी बहुत बहिस करनी पऊ। दूजी शरत इह कि कंम बणे जां नां असीं फ़ीस रख्ख लैणी है।”

“इह मैं समझा दित्ता है। उह तुहाडी बहिस कोलों डरदे हन। कहिंदे बहुता उच्ची नां बोलणा। सहिंदी सहिंदी बहिस करना। किताबां घट्ट पेश करनीआं।”

“फेर ठीक है। देख लवांगे।”

सुदरशन दे हां करन ’ते पहिलां नाइब कोरट नें सुख्ख दा साह लिआ। फेर मुलज़म धिर नें।

सरकारी वकील दे अदालत विच्च वड़दिआं ही घुसर मुसर शुरू हो गई।

जज्ज दे सज्जे हत्थ सरकारी धिर खड़ो गई। खब्बे हत्थ मुलज़म धिर।

जज्ज दे बिलकुल साहमणे पंदरां कु कुरसीआं पईआं सन, जिनहां उपर होर मुकद्दमिआं दी बहिस करन आए वकील बैठे सन। कुरसीआं दे पिछ्छे बैंच सन, जिहड़े आम जनता लई सन। इनहां बैंचां उपर पंकज होरां दे समरथकां नें कबज़ा कर रख्खिआ सी। मुदई धिर दे समरथक सरकारी वकील दे पिछ्छे बची खाली थां उपर खड़ो गए।

कुझ्झ पत्तरकार वी आए सन। उह हत्थां विच्च नोट बुक्क फड़ी किसे अजिही थां खड़ोन लई तरलो मछ्छी हो रहे सन, जिथों दोहां धिरां दी बहिस असानी नाल सुणी जा सके।

अज्ज सकूलां विच्च छुट्टी सी, कई दिनां तों इस केस दे किस्से अख़बारां विच्च छप रहे सन। अज्ज होण वाली अंतिम बहिस दी ख़बर मोटीआं सुरख़ीआं विच्च लग्गी सी। ज़िद्द करके कुझ्झ बच्चे आपणे मापिआं नाल कचहिरी आ गए सन।

टी.वी.उपर आउंदे नाटकां अते फ़िलमां विच्च उह अदालत दे सीन अकसर वेखदे सन। मिंटां विच्च वकील केस दा पासा पलट दिंदे सन। अज्ज उह वकीलां दी नोक झोक अख्खीं देखण आए सन।

वड्डिआं नें बच्चिआं दा सतिकार कीता। उनहां नूं सभ तों अग्गे खड़ो के कारवाई देखण अते सुणन दा मौका दित्ता।

सरकारी वकील दे बहिस शुरू करदिआं ही चारे पासे संनाटा छा गिआ।

सभ नें साह घुट्ट लए। सरकारी वकील पता नहीं किस किस रहस्स तों परदा चुक्कण जा रिहा सी।

सरकारी वकील नें पहिलां वेद अते मोहन दे परिवारां दा पिछोकड़ दस्सिआ। उनहां दा असली शहिर किहड़ा सी। उह माइआ नगर कदों अते किउं आए? उनहां विच्च की की सांझा सी अते हुण किस गल्ल कारन पुआड़ा पिआ सी।

फेर उसने होई वारदात दा वेरवा दित्ता। किस समें कोठी विच्च कौण कौण मौजूद सी। किस किस मुलज़म नें, किस किस मजरूब दे, किस किस हथिआर नाल, किथे किथे सट्ट मारी। किहड़ा किहड़ा समान लुध्धटिआ। किहड़ा किहड़ा मुलज़म कदों फड़िआ। उस कोलों लुट्ट दा किहड़ा किहड़ा समान बरामद होइआ।

सरकारी वकील इह सभ कुझ्झ मिसल विचों पहड़ पहड़ सुणा रिहा सी। उसदा अटक अटक के पहड़ना सभ नूं उकता रिहा सी।

पंज चार मिंटां बाअद दरशकां विच्च छाई ख़ामोशी टुट्टण लग्गी। बच्चिआं विच्च सभ तों वध्ध बेचैनी सी। उह आपस विच्च घुसर मुसर करन लग्गे। इह सभ उनहां नें अख़बार विचों पहड़ रख्खिआ सी। सरकारी वकील किहड़ी नवीं गल्ल दस्स रिहा सी? उह इक्क दूजे तों पुछ्छण लग्गे।

“पापा की इहो बहिस है?” इक्क बच्चे नें, जो ज़िआदा ही उकता गिआ सी, आपणे पापा तों पुछ्छिआ।

“चुप्प!” दबका मार के पापा नें बच्चे नूं चुप्प करवा दित्ता। बच्चा सी। उसनूं नहीं सी पता अदालत दी कारवाई उपर उंगल चुक्कणा अदालत दी तौहीन समझी जांदी सी अते इस गुसताख़ी बदले सज़ा हो सकदी सी।

बच्चा सहिम गिआ। चुप्प करके उह बहिस दा अगला हिस्सा समझण दा यतन करन लग्गा।

सरकारी वकील दी सुर उच्ची होण लग्गी। उस विच्च गुस्सा वी रलण लगा।

उह पंकज अते नीरज नूं फटकारन लगा। पंकज होरां वल्लों ठेकेदार नूं दित्ती सुपारी अते मोबाईल फ़ोन उपर घड़ी साज़िश दे वेरवे देण लग्गा। पंकज दीआं फैकटरीआं दे रजिसटर अते उनहां दे इंदराज जज्ज नूं दिखाउण लग्गा।

अख़ीर विच्च उसने ठेकेदार अते उसदे भतीजे पंडित दे इकबालीआ बिआन पहड़के सुणाए।

फेर उसने अदालत तों मंग कीती। तफ़तीश अधूरी सी। पुछ्छगिछ्छ दौरान दोशीआं नें पुलिस दा साथ नहीं सी दित्ता। जिंना चिर दोशीआं दी पुलिस हिरासत विच्च पुछ्छगिछ्छ नहीं हुंदी, उना चिर हनेरिआं विच्च घड़ीआं साज़िशां नूं उजागर नहीं सी कीता जा सकदा।

दोशी धिर बहुत अमीर सी। बाहर रहि के इनहां नें पैसे नाल गवाहां नूं खरीद लैणा सी। जिहड़े खरीदे नहीं जा सकदे, उनहां नूं डरा जां मरवा देणा सी। गवाहीआं भुगत जाण तक उनहां दा जेल्ह अंदर रहिणा ज़रूरी सी।

आपणी बहिस ख़तम करन बाअद सरकारी वकील नें राम नाथ नूं बोलण दी इजाज़त दित्ती। उह चाहे तां सथिती होर सपश्शट कर सकदा सी।

राम नाथ कोल कहिण लई वाधू कुझ्झ नहीं सी। सरकारी वकील सभ कुझ्झ कहि चुक्का सी। उसने नांह विच्च सिर हिला दित्ता।

“फ़िलमां वाले सवाल जवाब तां होए नहीं।” इक्क बच्चे नें दूजे नूं पुछ्छिआ।

दूजे नें इहो प्रशन आपणे पापा अग्गे रख्खिआ जिहड़ा अकसर कचहिरी आउंदा जांदा रहिंदा सी।

“इथे इसे तरहां हुंदा है। फ़िलमां विच्च झूठ मूठ हुंदा है। सिर नां खाओ।

चुप्प करके सुणदे रहो। नहीं तां बाहर चले जाओ।”

पापा नूं किसे अरदली कोलों पैण वाली झिड़क दा डर सी। अरदली दी झिड़क तों पहिलां ही उसने बच्चिआं नूं झिड़क दित्ता।

चुप्प करके बच्चे हुकम दी पालणा करन लग्गे।

बाबू नंद लाल नें वी आपणी बहिस दोहां परिवारां दे पिछोकड़ तों शुरू कीती। पर नंद लाल दा इह पिछोकड़ दस्सण दा मकसद सरकारी वकील नालों वख्खरा सी।

इह मोहन लाल दा आपणे भरा प्रती पिआर सी, जिसने उसनूं इक्क कलरक तों करोड़पती बणाइआ। कोई बदनीअती हुंदी, पहिलां ही भबीखण वांग उसनूं सोने दी लंका विचों बाहर कढ्ढिआ हुंदा। चाचे भतीजिआं विच्च चलदी मुकद्दमेबाज़ी साधारन किसम दी सी। माइआ नगर विच्च अजिहा किहड़ा परिवार है, जिसदी जाइदाद नूं लै के मुकद्दमेबाज़ी नहीं चल्लदी। दस लख्ख दा पलाट पंकज होरां लई बहुती अहिमीअत नहीं रख्खदा। इस मुकद्दमे दे बावजूद दोहां परिवारां विच्च सुख्ख दुख्ख दी सांझ सी। तिथ तिउहार ’ते आउण जाण सी। वेद बिआन देण दे काबल हुंदा उह कदे भतीजिआं नूं मुकद्दमे विच्च नां घड़ीसदा।

उसदा रिशतेदार सोची समझी साज़िश तहित इक्क अमीर परिवार नूं मुकद्दमे विच्च घड़ीस रिहा सी। मकसद साफ़ सी। पैसा बटोरना।

करोड़पती भरावां तों पैसे झाड़न लई पुलिस नें जो सबूत घड़े सन, उह कोई अहिमीअत नहीं रख्खदे। दो चार नहीं हज़ारां राड आए दिन दोशीआं दी फैकटरी विच्च बणदे सन। पंजाह रुपए इसदी कीमत सी। सारा बज़ार राडां नाल भरिआ पिआ सी। जिस दुकान तों मरज़ी खरीद लओ। की सबूत है कि इह राड पंकज नें ठेकेदार नूं दित्ता। कोई कमले तों कमला बंदा वी जुरम करदे समें आपणे टरेड मारक वाले हथिआर नहीं वरतेगा। इह मुंडे वड्डीआंव ् डीआं डिगरीआं लई फिरदे सन। इडी वड्डी बेवकूफ़ी करन वाले नहीं सन।

मौके तों बरामद होए बैगां वरगे हज़ारां बैग पंकज होरां नें आपणे वरकरां विच्च वंडे सन। वेद दे घर वी गए सन। इह किस तरहां आखिआ जा सकदा सी कि बरामद होए बैग नीरज नें ठेकेदार नूं दित्ते सन। ठेकेदार पुलिस हिरासत विच्च सी। उसदी डेअरी विच्च जो चाहो लिखवाइआ जा सकदा सी। पुलिस नें लिखवा लिआ। मोबाईल फ़ोन पंकज दा है ही नहीं। कैश कारड वाला फ़ोन सी। जिहड़ा मरज़ी बज़ार विचों खरीद लए। किस आधार ’ते आखिआ जा रिहा सी कि मोबाईल फ़ोन नीरज दा सी? सभ झूठ सी। साज़िश सी।

दोवें दोशी तफ़तीश विच्च शामल हो चुक्के सन। पुलिस दे हर प्रशन दा उत्तर दे चुक्के सन। जो कुझ्झ इनहां नूं पता सी, दस्स दित्ता गिआ सी। मुकद्दमे दी समाइत कई साल चलणी सी। शक्क दे आधार ’ते पहड़े लिखे मुंडिआं नूं जेल्ह विच्च नहीं सी साड़िआ जा सकदा। कानूंन ‘जेल्ह दी थां बेल’ (ज़मानत) दा पख्खी सी।

नंद लाल दी तकरीर विच्च कुझ्झ दम सी। अदालत विच्च खहड़ी जनता उस नूं धिआन नाल सुण रही सी। बहुते लोक मन ही मन उस नाल सहिमत हो रहे सन। इंने अमीर लोक जे जेल्ह भेज दित्ते गए, इनहां दा विउपार तबाह हो जाएगा। इज़्ज़त मिट्टी विच्च रुल जाएगी। इह किसे नूं मूंह दिखाउण जोगे नहीं रहिणगे। जेल्ह विच्च इनहां तों इक्क रात नहीं कट्टी जाणी। एअर कंडीशन विच्च सौण वालिआं नूं मछ्छरां विचकार नींद किस तरहां आएगी? इह बिमार पै जाणगे, पाग़ल हो जाणगे। साल अंदर रहि के जे बरी होए उसदा की फ़ाइदा होएगा? नंद लाल दी दलील सही सी। अंतम फैसले तक उनहां नूं बाहर रहिणा चाहीदा सी।

“बाबू जी गेट कीपर नें आपणे रजिसटर विच्च जिहड़ी ऐंटरी कीती है उस बारे तुहाडा की कहिणा है?” बहिस नूं विचे रोक के साधू सिंघ नें प्रशन उठाइआ।

इहो इक्क नुकता सी जिस बारे नंद लाल कोल कोई ढुकवां जवाब नहीं सी। दिल ही दिल उह सरकारी वकील दा धंनवाद कर रिहा सी, जिसने इह सबूत जज्ज दे धिआन विच्च नहीं सी लिआंदा। हुण जज्ज नें दुखदी रग ’ते हत्थ रख्खिआ सी तां कुझ्झ कहिणा पैणा सी।

गेट कीपर नूं दो दिन नजाइज़ हिरासत विच्च रख्खिआ गिआ सी। डरा धमका के उस तों रजिसटर विच्च कटिंग करवाई गई सी।

“पुलिस नूं इंना कुझ्झ करन दी की ज़रूरत सी? चलो कोई नहीं! कुझ्झ होर कहिणा है?” नंद लाल दी दलील जज्ज नें मिनहा जिहा मुसकरा के नकार दित्ती।

जज्ज दी मुसकराहट नंद लाल दे सीने विच्च कटार वांग खुभ गई। उह जज्ज दा रुख भांप गिआ। असल मुद्दे तों धिआन मोड़न लई उसने बहिस दा रुख्ख बदलिआ।

वारदात वाले दिन मुलज़म दिल्ली बैठे सन। शहिर दा ऐम.पी.उनहां दे नाल सी। केंदरी मंतरी दे घर उनहां दी हाज़री लग्गी सी। अंतर राशटरी प्रसिधी वाले हसपताल विच्च उनहां दे टैसट होए सन। सारा रिकारड अरज़ी नाल लाइआ गिआ सी। वारदात दी साज़िश घड़ी हुंदी तां मुलज़मां दा दिल धड़कदा हुंदा।

बलड्ड प्रैशर वधिआ हुंदा। पर उह ‘नारमल’ सन। जदों उनहां नें साज़िश घड़ी ही नहीं सी, उनहां उपर असर किथों होणा सी।

“जे उह नारमल सन, फेर हसपताल किउं गए? टैसटां विच्च बिमारी दा नामो निशान नहीं। फेर इह टैसट किउं करवाए? शहिरों ग़ैर हाज़री दे पक्के सबूत घड़न लई? किसे सिआणे वकील दे चंडे लग्गदे हन!”

साधू सिंघ नें इक्क वार फेर नंद लाल दीआं दलीलां नूं कट्टिआ। माहौल नूं सुखावां बनाउण लई साज़िश विच्च किसे वकील दे शामल होण दी चुसकी लई। इशारा नंद लाल वल्ल सी।

इशारा समझ के बाकी वकील मुसकरा पए। नंद लाल दे चिहरे उपर हवाईआं उड्डण लग्गीआं।

“इह किहड़ा वारदात विच्च सिध्धे तौर ’ते शामल सन। साज़िश दे मुलज़म हन। साज़िश घड़ के किते वी जाइआ जा सकदा है। मैडीकल टैसट, ऐम.पी. दा साथ तुहाडी कोई मदद नहीं कर रहे! उलटा इह सबूत तुहाडे उलट जा रहे हन।”

जो बहिस सरकारी वकील नूं करनी चाहीदी सी, उह साधू सिंघ कर रिहा सी।

जज्ज वल्लों उठाए जा रहे इनहां नुकतिआं उपर सरकारी वकील नूं नमोशी हो रही सी। जज्ज उसदी नीअत उपर शक्क कर रिहा सी। वैसे उह खुश हो रिहा सी। उह मुकद्दमे दी कहाणी दस्स के चुप्प कर गिआ सी। जो बहिस हुण जज्ज कर रिहा सी उह उसनूं करनी चाहीदी सी पर उसने नहीं सी कीती। इंझ करके उसने दस हज़ार हज़म कर लिआ सी। पारटी हुण उसनूं उलांभा नहीं सी दे सकदी।

जज्ज नें ख़ुद नुकते उठा के उसदी मुशकल हल्ल कर दित्ती। फैसला की होणा है? सपश्शट नज़र आ रिहा सी। दरख़ासत रद्द होण नाल सरकारी वकील दी बल्ले बल्ले हो जाणी सी। उसदे दोवें हत्थ लड्डू सन।

“मैं कुझ्झ फैसले लै के आइआ हां। हज़ूर दा हुकम होवे तां पेश करां।”

नंद लाल दे इह आखण ’ते जूनीअर वकील किताबां चुक्क चुक्क उसनूं फड़ाउण लग्गे।

“रहिण दिओ। सौरी। मेरी राए विच्च इह पेशगी ज़मानत वाला केस नहीं।

पुलिस नूं तफ़तीश मुकंमल कर लैण दिओ।”

आखदे जज्ज नें तुरंत फ़ैसला सुणा दित्ता।

 

-38-

 

“अजिहे डरपोक जज्ज तों इनसाफ़ दी झाक रख्खणा बेवकूफ़ी है। वड्डे ईमानदार! बदनमी तों डरदे अमीर बंदिआं नूं बणदा हक्क नहीं दिंदे। इह सरासर बेइनसाफ़ी है।”

कचहिरीउं बाहर आउंदा नंद लाल उलट होए हुकम दा कारन जज्ज दी ईमानदारी नूं ठहिराउण लग्गा।

“घबराओ नां मुंडिओ। उपर बथेरीआं अदालतां हन। उह अख़बारां दीआं सुरख़ीआं तों नहीं डरदीआं। आपां अपील करांगे।”

बिनां किसे तों पुछ्छे नंद लाल नें आपणी जेब विचों मोबाईल फ़ोन कढ्ढिआ अते हाई कोरट दे सीनीअर ऐडवोकेट सुंदर सिंघ दा नंबर मिलाउण लग्गा।

“मैं सुंदर सिंघ नूं फ़ोन कर रिहा हां। उह फ़ौजदारी दा चोटी दा वकील है। साडीआं कानूंन दीआं किताबां पहड़के देखो। अध्धे फैसलिआं उपर उस दा नां छपिआ हुंदा है। उसदा जे वकालत नामा लग जाए, समझो कंम हो गिआ।

मैं उसनूं पहिलां ही बंनह दिआं। किधरे दूसरी धिर उस नूं आपणे नालों पहिलां वकील नां कर लए।”

दूसरे पासे घंटी वज्ज रही सी, पर कोई लाईन उपर नहीं सी आ रिहा।

मिले समें दौरान नंद लाल इक्क वार फेर सुंदर सिंघ दीआं ख़ूबीआं गिणाउण लग्गा: “पहिली सरकार विच्च उह ऐडवोकेट जनरल सी। हाई कोरट दे कई जज्ज उसदी सिफारश ’ते भरती होए हन। जदों सरकार बदली, इस नें ख़ुद हाई कोरट दा जज्ज बण जाणा है। उथे जज्जां अते वकीलां दे धड़े बणे होए हन। कोई किसे दा जमाती है, कोई गुर भाई। कोई किसे दा भतीजा है, कोई भाणजा। जज्ज देख देख टिक्के कढ्ढदे हन। जे वकील आपणे धड़े दा होवे तां उसदे साइल नूं फांसी दे फंदे तों मोड़ लिआउंदे हन। वकील विरोधी धड़े दा होवे तां अगले दे दस साल पहिलां बरी होए साइल नूं मोड़ के कैद कोठड़ी विच्च सुट्ट दिंदे हन।

आपणे वकील दी इह खूबी है। उह सभ धड़िआं नाल बणा के रख्खदा है। चंगीआं पारटीआं दे केस लैंदा है। हर तरहां दे जज्ज तों हर तरीका वरत के कंम कराउंदा है।”

नंद लाल दीआं गल्लां सुण के अजे अते उसदे साथीआं दे दिल धड़कन लग्गे। किधरे अजिहा वकील हत्थों नां निकल जाए। उनहां दे मन वकील नूं जलदी कर लैण लई काहले पैण लग्गे।

इंतज़ार दीआं घड़ीआं ख़तम होईआं। सुंदर सिंघ नें फ़ोन चुक्क लिआ सी।

“आह बई साडे इथे इक्क जज्ज है साधू सिंघ। नां ही साधू है। उंझ पूरा पाखंडी है। मेरा पेशगी ज़मानत दी दरख़ासत इस करके रद्द कर दित्ती किउंकि मेरी पारटी अमीर है। … बंदे इह मेरे नें। इनहां दा कंम कराउणै। शाम तक्क तेरे कोल पुज्ज रहे हन। समझणा मैं आ गिआ। बहुत इंतज़ार नां कराईं। झट्ट फारग कर देईं। फ़ीस जाइज़ लैणी है। कंम हर हीले कराउणा है। तूं आपणा रसूख़ वी वरतणा है। पारटी भरोसे वाली है। कोई गल्ल बाहर नहीं निकलेगी।

इह मेरी गरंटी है।”

सुंदर सिंघ कोल पंकज होरां दी सिफारश करके नंद लाल नें इक्क विज़टिंग कारड आपणी जेब विचों कढ्ढिआ अते अजे नूं फड़ाउंदिआं उस दी समस्सिआ होर आसान करन लग्गा: “सुंदर सिंघ नें दस्सिआ है कि जिहड़े दो जज्जां दा बैंच हुण दरख़ासतां सुण रिहा है, उह उसदे लंगोटीए यार हन। इस बैंच दे जज्जां नें दो दिनां बाअद बदल जाणा है। अग्गे आउण वाले जज्ज बहुत माड़े हन। कंम कराउण दा इहो चंगा मौका है। अज्ज ही नठ्ठ जाओ।”

हर तरीका वरत के नंद लाल इह यकीनी बणाउणा चाहुंदा सी कि असामी सुंदर सिंघ कोल पुज्जे अते उह वी जलदी तों जलदी। सुंदर सिंघ नें पचवंजा हज़ार फ़ीस लैणी सी। अध्ध दा बैंक डराफट नंद लाल नूं घर बैठे आ जाणा सी। उनी कमाई नंद लाल नूं आपणी वकालत दी सी उनी हाई कोरट दे वकीलां कोलों मिलदे हिस्से दी। इथे मुकद्दमा कई साल चलदा सी। बहुत मगज़ खपाई हुंदी सी। उथों फ़ीस इक्क फ़ोन घुमाउण नाल आ जांदी सी।

“मैं आपणा जूनीअर नाल भेज दिआंगा। तुहानूं हर कंम विच्च सौख रहेगी।”

नंद लाल असामी दे इधर उधर हो जाण दी हर संभावना ’ते रोक लाउणा चाहुंदा सी।

“मैं हां बाबू जी! मैं हुकम दी नकल तिआर करवा रिहा हां। नकल तिआर हुंदे ही चंडीगहड़ नूं तुर पवांगे।”

पंकज दे दो होर समरथकां नूं होए हुकम दीआं बारीकीआं समझा रहे सिंगले दा इक्क कंन नंद लाल दीआं गल्लां वल्ल सी। उह नंद लाल दीआं रमज़ां समझ रिहा सी। गल्लीं गल्लीं उसने सुंदर सिंघ नूं समझा दित्ता सी पारटी अमीर है।

मतलब कि फ़ीस ठोक के लए। नाल इह वी समझा दित्ता सी जज्जां दे नां उपर वी फ़ीस लई जा सकदी सी। नाल जूनीअर भेज के सिंगले दी रोटी विच्च लत्त मारी जा रही सी।

सिंगला किहड़ा घट्ट सी। उह नंद लाल दा ही चेला सी। बाज़ी हत्थों जांदी देख के उसने आपणी टंग अड़ा लई।

“चल्ल ठीक है। कोई दिकत आवे मैनूं फ़ोन कर लैणा। फ़ीस वध्ध घट्ट करवा देवांगा।”

दूसरी अदालत जाण तों पहिलां नंद लाल नें सिंगले दी पिठ्ठ थापड़ी।

इह की इशारा सी, सिंगले नूं समझ नहीं सी आइआ।

तिआर होण लई फ़ैसले दी नकल नूं कई हत्थां थाईं निकलणा पैणा सी।

सटैनो नें इस नूं टाईप करना सी। जज्ज नें गलतीआं ठीक करनीआं सन। सटैनो नें दोबारा हुकम टाईप करना सी। फेर जज्ज दे उस उपर दसतख़त होणे सन।

जज्ज दे दसतख़तां बाअद मिसल रीडर कोल जाणी सी। उसने मिसल आपणे रजिसटर विच्च चहड़ा के अहिलमद्द कोल भेजणी सी। अहिलमद्द नें आपणे रजिसटर विच्च चहड़ा के नकल कलरक कोल भेजणी सी। कापी कलरक नें नकल तिआर करनी सी। उस नकल ’ते रीडर दे दसतख़त होणे सन। अरदली नें मोहरां लाउणीआं सन। फेर कापी कलरक नें आपणे रजिसटर विच्च दरज करके नकल वकील दे हवाले करनी सी।

जे इस कारवाई नूं आपणे आप होण दित्ता जावे तां नकल मिलण नूं इक्क महीना लग्ग सकदा सी। सिंगले नूं इह हुकम इक्क घंटे दे अंदर अंदर चाहीदा सी। पारटी दे किसे होर विचोले दे हत्थ चहड़ जाण दा जिंना ख़तरा नंद लाल नूं सी, उस तों वध्ध ख़तरा सिंगले नूं सी। सिंगला झट्ट पट्ट चंडीगहड़ दे रसते पैणा चाहुंदा सी।

इनहां सारे अहिलकारां दी बझ्झवीं फ़ीस पंजाह रुपए प्रती अहिलकार सी।

नंद लाल नें नकल तिआर कराउणी हुंदी तां रेट दुग्गणे तिग्गणे लगदे। बहुते उस नें ख़ुद रख्खणे सन, थोहड़े अहिलकारां नूं देणे सन।

सिंगले दी नज़र पंज सौ दी थां पंजाह हज़ार उपर लग्गी होई सी।

“हाले दो वज्जे नें। आपां चार वजे तों पहिलां नहीं चल्ल सकदे। नां चल्लण दा कोई फ़ाइदा है। वकीलां नें आपां नूं सत्त वजे तों बाअद मिलणा है। घर आ के उह दो घंटे आराम करदे हन। फेर दफ़तर बैठदे हन। चार साढे चार चल्लांगे। हुण तुसीं दो घंटे होर कंम कर लओ। चार वजे मैनूं इथों लै लैणा। उना चिर मैं नकल तिआर करवाउंदा हां।”

सिंगला बिनां आखे ही पंकज होरां नाल चंडीगहड़ जाण लई तिआर हो गिआ।

पारटी नाल हाले चंडीगहड़ कीते जाण वाले वकील बारे गल्ल करन दा कोई फ़ाइदा नहीं सी। रसते विच्च सिंगले नें उनहां नाल होणा सी। दो घंटिआं दौरान सिंगले नें असामी नूं सुंदर सिंघ दी खुरली तों मोड़ के किसे होर दे किल्ले ‘ते जा बंनहणा सी।

डोरे पै गए तां सिंगले दा वीह हज़ार खरा। नां पए तां मौज मेला ही सही।

सिंगला आपणे मन विच्च लड्डू भोर रिहा सी।

सिंगले नें साधू सिंघ दे अरदली नूं आपणे कोल बुलाइआ। उसदी पिठ्ठ थापड़ के उस नूं फूक छकाई: “लै छोटे भाई तेरे हुंदे मेरी पिठ्ठ नहीं लग्गणी चाहीदी। हुकम दी नकल मैनूं चार वजे मिलणी चाहीदी है।”

“मैं पहिलां तिआर करवा दूं जनाब! फ़िकर नां करो।”

सिंगले दे गोडिआं वल्ल झुकदा अरदली हुकम दी पालणा दा यकीन दिवाउण लगा।

“इंझ करो … सटैनो, रीडर … कुल्ल बणे पंज … इस नूं पंज सौ … नहीं चलो छे सौ रुपए दिओ … । इह सभ नूं आपे दे देवेगा …”

अजे नूं कोल बुला के सिंगले नें अरदली नूं छे सौ रुपए देण दा हुकम सुणाइआ।

“लै हुण सारे कंम तूं आप करने हन। हुकम ठीक समें ’ते मेरे कैबन विच्च पुज्ज जाणा चाहीदै।”

पहिलां सिंगले नें अरदली नूं ताड़िआ।

फेर अरदली दीआं ताकतां बारे अजे नूं जाणकारी देण लग्गा, “इस अरदली नें सारे अहिलकारां दे हत्थां ’ते सरहों जमा देणी है। उना चिर इस नें उनहां दे सिर ’ते खहड़े रहिणा है, जिंना चिर इसदा कंम नहीं हुंदा। जज्ज कोल इह घड़ी घड़ी जांदै। सभ तों पहिलां इस नें इसे हुकम ’ते दसतख़त कराउणे हन। बस्स हुकम आपणे कोल पुज्जिआ समझो।”

चार वजे इकठ्ठे होण दा प्रोगराम बणा के उह विछड़ गए।

 

-39-

 

पहिलां उह इध्धर उध्धर दीआं गल्लां करदे रहे।

चंडीगहड़ दे अध्ध विच्च पुज्ज के सिंगले नें आपणे मतलब दी गल्ल छेड़ी: “आपां सिध्धा सुंदर सिंघ कोल जाणा है जां किसे होर ’ते वी विचार करना है?”

“जिवें तुसीं ठीक समझो। आपां नूं मतलब कंम तक है।”

हाले तक अजे, पंकज अते सतीश नें नंद लाल दे सुझाअ ’ते अमल करन दा मन बणाइआ सी। सिंगला किधरे होर जाणा चाहुंदा सी तां उस नां उपर विचार हो सकदा सी।

अजे दे कई सीनीअर वकील वाकिफ़ सन। सतीश दा इक्क रिशतेदार मैजिसटरेट सी। उसदा सहुरा नामी वकील सी। आए दिन उसदा नां अख़बारां विच्च छपदा रहिंदा सी। दोवें आपणे वाकिफ़ वकीलां कोल जाणा तां चाहुंदे सन पर अंदरों डर रहे सन। कंम अहिम सी। किधरे हेठली अदालत वांग सिरे नां चहड़िआ तां उनहां सिर सवाह पैणी सी। जिथे पंकज चाहे, उथे ही जाणा चाहीदा सी।

“वड्डा वकील करन दा इह मतलब नहीं हुंदा कि हर हाल विच्च कंम हो जाएगा। कंम होणा कई गल्लां ’ते निरभर करदा है। केस विच्च जे दम होवे फेर मेरे वरगा नवां वकील वी केस जित्त दिंदा है। नहीं तां बाबू नंद लाल वरगे डेढ लख्ख लैण वाले वी हार जांदे हन।

“सुंदर सिंघ सिआणा है, इस विच्च कोई शक्क नहीं। उसदा जज्जां नाल बैठण उठण है, इह वी ठीक है। पर केस ज़िआदा होण कारन उस कोल कंम वल्ल धिआन देण दा वकत नहीं है। हाई कोरट विच्च तीह अदालतां हन।

हर अदालत विच्च उसदे दो तिंन केस लग्गे हुंदे हन। इक्क अनार सौ बिमार।

हर साइल उसनूं आपणी अदालत वल्ल खिच्चदा है। जिस अदालत विच्च फस गिआ, फस गिआ। बाकी केस मेरे वरगे जूनीअर वकील करदे हन।

“बाबू नूं बेशक फ़ोन कर दित्ता है खुल्ल्हा समां दिओ। तुसीं देख लैणा, उस कोल गल्ल करन दी विहल नहीं होणी। मसां इक्क दो मिंट देवेगा। उह वी फ़ीस तैअ करन तक्क। फेर आखेगा केस मेरे जूनीअर नूं समझा देवो। जूनीअर जूनीअर हुंदै। हाई कोरट विच्च सारा मुल्ल दरख़ासत दी डराफ़टिंग दा हुंदै। जज्जां दा मन दरख़ासत पहड़ के बण जांदा है। इक्क वार बणिआ मन बदलणा औखा हो जांदै। इस साहिब कोल दरख़ासत लिखाउण दा टाइम नहीं। जूनीअर वकीलां नूं मोटे मोटे नुकते दस्स दिंदा है। बाकी लूण मसाला उह लाउंदे हन। उनहां कोलों वीह नुकते रहि जांदे हन। जे कंम छोटे वकीलां नें करना है, फेर फ़ीस वड्डे वकील दी किउं दित्ती जावे?”

सिंगले नें सुंदर सिंघ दीआं खामीआं गिणनीआं शुरू कीतीआं।

“तुसीं बाबू जी नूं फ़ोन करदे सुणिआ है। उनहां नें कई पंगे पा दित्ते।

आख दित्ता पारटी अमीर है। हुण सुंदर सिंघ लख्ख रुपिआ फ़ीस मंगेगा। इह अड़ीअल सुभाअ दा बंदा है। जो मूंधहों निकल गिआ, उस तों इसने दुआनी घट्ट नहीं करनी। फेर आख दित्ता, जज्ज नाल गल्ल कर लईं। जज्ज दे नां ’ते जो मंग लिआ उह देणा पएगा। पहिलां उसने दस्सणा कुझ्झ नहीं। आपणी फ़ीस लै के जज्ज दी फ़ीस दस्सेगा। नांह नुक्कर कीती लफ़ाफ़ा वगाह के मारेगा। उसनूं दित्ती फ़ीस खूह खाते जाऊ।”

सुंदर सिंघ तों बाअद सिंगला नंद लाल दीआं चुगलीआं करन लग्गा।

“हाले डुल्ल्हे बेरां दा कुझ्झ नहीं विगड़िआ। उस दे बराबर दा कोई होर वकील देख लओ।”

अजे नें सिंगले दी हां विच्च हां मिलाई। नंद लाल नूं उसने वकील करवाइआ सी। उसदी कारगुज़ारी बहुती वधीआ नहीं सी। फ़ज़ूल खरची करवाकरवा उसने अजे दी बदनामी करवाई सी। जे सुंदर सिंघ नें इसे तरहां कीता अजे दी होर बदनामी होएगी। उह आपणे मत्थे ’ते कलंक दा होर टिक्का नहीं सी लगावाउणा चाहुंदा।

“आपणा केस बहुता पेचीदा नहीं है। हेठां साडी ज़मानत अख़बारां नें नहीं होण दित्ती। हाई कोरट विच्च अजिहे दबाअ नहीं चल्लदे। पहिली पेशी ’ते महीने डेढ महीने लई ज़मानत मनज़ूर हो जाएगी। इंने विच्च रिशतेदारां नूं विच्च पा के समझौता कर लवांगे। चार पैसे दे के पुलिस कोलों पड़ताल करवा लवांगे। निरदोश साबत हो जावांगे। वड्डे वकील नें दस्सो की करनै?”

“तुहाडे विचार विच्च किस वकील कोल जाणा चाहीदा है?” सतीश कुझ्झ वकीलां नूं जाणदा सी। सिंगला उनहां विचों किसे दा नां लवे तां उनहां नूं कोई दिक्कत नहीं सी।

“मैं आपणे उसताद जगजीत सिंघ नूं कई वार परख के देखिआ है। उह लाअ कालज विच्च प्रोफैसर रिहा है। कानूंन ’ते उसदी बहुत पकड़ है। इकइक नुकता अड्ड अड्ड करके रख्ख दिंदा है। प्रोफैसरी छड्ड के वकालत शुरू कीती तां दिनां विच्च चमक गिआ। मुख्ख मंतरी दे बहुत नेड़े है। उह इस नूं ऐडवोकेट जनरल लाउंदा सी। इनहां नें जवाब दे दित्ता। कहिंदै नौकरी नहीं करनी। हाई कोरट दे अध्धे सरकारी वकील इसदे शगिरद नें। उसताद साहमणे बोलदिआं उनहां दी घिग्गी बझ्झ जांदी है।

“उस तक आपणा पूरा ज़ोर है। आप दरख़ासत लिखवाएगा। फ़ीस विच्च अड़ कड़ नहीं करेगा। मेरा खिआल है घट्टो घट्ट उसदी राए ज़रूर लै लैणी चाहीदी है। उह नां जचिआ सुंदर सिंघ कोल आ जावांगे।”

चंडीगहड़ दी जूह विच्च वड़न तों पहिलां पहिलां सिंगला आपणा केस तिआर कर लैणा चाहुंदा सी।

“फेर मोड़ीए गड्डी प्रोफैसर वल्ल?”

प्रोफैसर दी कोठी वल्ल मुड़न तों पहिलां सिंगले नें पंकज तों पुछ्छिआ।

डेढ घंटे दे इस सफ़र दौरान पंकज ख़ामोश रिहा सी। नाल बैठे दोसत की गल्ल कर रहे सन, उसनूं कुझ्झ पता नहीं सी। उसदी मत्त जिही मारी गई सी।

उह बुरे बुरे ख़िआलां विच्च उलझिआ होइआ सी। कदे उस नूं लग्गदा सी जिवें पुलिस उसनूं ग्रिफ़तार कर रही सी। उह अग्गे दौड़ रिहा सी। पुलिस उसदा पिछ्छा कर रही सी। कदे उस नूं लगदा उस नूं हत्थ कड़ी ला के सारे बज़ारां विच्च घुंमाइआ जा रिहा सी। कदे उसनूं फ़िलमां दे सीन याद आउंदे। किसे फ़िलम दे हीरो वांग उह कैदीआं वाले चिध्धटे कपड़े पाई कदे चक्की पीस रिहा सी अते कदे पत्थर तोड़ रिहा सी।

“किहड़े प्रोफैसर वल्ल?” अरध चेतन अवसथा विच्च विचरदे पंकज नूं कुझ्झ पता नहीं सी, उह किस प्रोफैसर दी गल्ल कर रहे सन।

“वकील सुंदर सिंघ नूं करना है जां जगजीत सिंघ नूं?”

दोहां वकीलां दे गुणां औगुणां बारे समझा के सतीश नें फैसला पंकज उपर सुट्टदिआं पुछ्छिआ।

“सभ तों पहिलां आपां प्रताप सिंघ अंकल वल्ल चल्लणा है। तुरन तों पहिलां मेरी उनहां नाल गल्ल होई सी। उह कहिंदे सी सारी कारवाई मैथों पुछ्छ के करनी।

उह आपणा इंतज़ार कर रहे होणगे। पहिलां आपां उधर चल्लदे हां। फेर कोई फैसला करांगे।”

अजे अते सतीश दे मनों तां बोझ लहि गिआ, पर सिंगले दा मन मसोसिआ गिआ। उसदी योजना धरी धराई रहि गई।