मैं पहिली वार कैनेडा दे शहिर टोरांटो गिआ तां मेरी मुलाकात किरपाल सिंघ पंनूं होरां नाळ होई। इहनां दा नां मेरे लई कोई नवां नहीं सी। इह नां मैं लाहौर विच्च कई वार सुण चुक्का सी। जदों वी गुरमुखी लिप्पी नूं शाहमुखी जां शहमुखी नूं गुरमुखी लिप्पी विच्च बदलण लई किसे कंपिऊटर परोगराम दी लोड़ दा ज़िकर आउंदा तां एस मुशकल दा हल्ल पेश करन वालिआं विच्चों किरपाल सिंघ पंनूं होरां दा नां सभ तों उत्ते हुंदा। पता चल्लिआ सी कि पंनूं होरां एस ज़रूरी मसले नूं बड़े सोहणे ते माहराना तरीके नाळ हल्ल कर दित्ता ए। उहनां इहनां दोनां लिप्पीआं नूं इक्क दूजी विच्च कनवरट करन दा बड़ा कारगर परोगराम बणाइआ ए।

मैं टोरांटो आइआ तां मैनूं बिलकुल पता नहीं सी कि किरपाल सिंघ पंनूं होरीं वी एसे शहिर दे वसनीक नें। उहनां नाळ मेरी होई पहिली मुलाकात दी कहाणी कुझ्झ इस तरहां ए। एथे दे इक्क लिखारी बलविंदर सैणी दूजे मुलकां तों आवण वाळे लिखारीआं दे इंटरविऊ ‘साडे महिमान’ दे सिरनावें हेठ गुरमुखी लिप्पी विच्च छपण वाळे अख़बार ‘वतन’ विच्च छापदे रहिंदे सन। गुरदिआल कंवल होरां दे घर इक्क समागम विच्च जेहड़ा मेरे कैनेडा आउण दे सनमान वजों कीता जा रिहा सी मेरी मुलाकात उहनां नाळ होई तां उनहां नें ‘वतन’ विच्च मेरा वी इंटरविऊ छाप दित्ता। मैं अख़बार विच्च छपिआ इंटरविऊ पहड़ लिआ सी पर तिंन चार दिन बाअद जदों बलविंदर सैणी होरां नाल मेरी फिर मुलाकात होई तां उहनां मेरा उही इंटरविऊ ‘साडे महिमान’ उरदू लिप्पी विच्च बदलिआ होइआ मैनूं दित्ता। मैं उह इंटरविऊ पहड़िआ तां उहदे विच्च शबदजोड़ां दीआं कुझ्झ ग़लतीआं नज़र आईआं। मैं इत्थे सारीआं तां नहीं लिख सकदा सिरफ इक्क दी मिशाल दिंनां। मेरे नां दी इमला ई ‘आशिक’ (ऐन, अलफ, शीन अते क਼ाफ कैंची वाळा) ते ‘रहील’ (रे, हे हाकम वाळी, छोटी ये अते लाम) दी थां ‘आशिक’ (अलफ़, अलमद्दा, शीन अते काफ करम वाळा) ते ‘रहील’ (रे, हे गोळ, छोटी ये अते लाम) वजों लिखी होई सी। मैं इहो जेहीआं ग़लतीआं सैणी होरां नूं दिखाईआं तां उहनां आखिआ मैनूं तां शाहमुखी लिप्पी पहड़नी नहीं आउंदी। इह लिप्पी उतारा एथे दे मशहूर ते माहिर इनसान किरपाल सिंघ पंनूं होरां अपणे कंपिऊटर परोगराम दे ज़रीए कीता ए। तुसीं उहनां नाळ गल्ल कर लैणा। मैं उहनां दा फोन नंबर तुहानूं दे दिंना । पंनूं होरां दा नां सुण के मैनूं अंतां दी ख़ुशी होई। इंज लग्गा गवाची होई बहुत ही कीमती शैअ अचनचेती मिळ गई होवे। मैं सैणी कोळों पंनूं होरां दे फोन दा नंबर लिआ ते घर आ गिआ। उस वेळे रात दे गिआरां वज्जे सन। एस लई एनी रात गए मैं उहनां नूं फोन करन मुनासिब नां समझिआ।

दूजी फजरे मैं उनहां नूं फोन कीता। अपणा नां दस्सिआ ते नाळ ई बलविंदर सैणी होरां दे कीते होए अपणे इंटरविऊ दी गल्ल कीती। उहनां जवाब दित्ता तां उहनां दी आवाज़ विच्च बड़ी ई मिठास ते गल्ल बात दा अंदाज़ बड़ा सूझवाना सी। उहनां आपणे लिप्पी उतारे बारे मेरे इतराज़ सुणे तां ग़ुस्से होण दी थां बड़ी ख़ुशी दा इज़हार कीता ते आखिआ, “मैं तुहाडा बहुत शुकरगुज़ार हां कि तुसीं मेरीआं ग़लतीआं बारे दस्सिआ। मैं किसे शाहमुखी जानण वाळे नाळ मिलणा चाहुंदा सां। तुसीं मेरे घर आओ। मैनूं आपणे विहले टाईम बारे दस्सो। मैं खुद आ के लै जावांगा। फेर इतमीनान नाळ बैठ के ‘लिप्पी अंतर’ बारे गल्ल बात करांगे”। अंनहा की चाहे दो अख्खां? खूह चल्ल के तिरहाए कोळ आ रिहा सी। एनी मशहूर शख़सीअत नाळ मिलण दा मौका मिल रिहा सी। मैं फौरन हां कर दित्ती ते उहनां नाळ वेळा अते थां मिथ लिआ, जित्थे आ के उहनां मैनूं अपणे घर लै के जाणा सी।

किरपाल सिंघ पंनूं होरां टोरांटो दे नाळ लगदे शहिर बरैंपटन तों आउणा सी ते मैं इक्क होर अजेहे ई शहिर मिसीसागा विच्च आपणे पुत्तर दे घर रहि रिहा सी। पुत्तर दा दफतर टोरांटो दी एअरपोरट दे नेड़े सी जित्थों बरैंपटन दा फासला घट जांदा सी। मैं मिथी होई थां आ के पंनूं होरां नूं फोन कर दित्ता ते खुद उहनां दी उडीक विच्च खलो के ज़िहन विच्च उहनां दीआं तसवीरां बनाउण लग्ग पिआ। मैनूं इंज लग्गिआ जिवें उहनां दी उडीक विच्च मैं सदीआं तों खहड़ा होवां। अचानक मेरे कोल इक्क वड्डी सारी कार आ रुकी जिहनूं इक्क जवान लड़की चला रही सी ते उहदे नाळ इक्क पुरवक਼ार शख़सीअत बैठी सी जिस दे चिहरे ते खेड़ा अते बुल्ल्हीआं ’ते निंमीं-निंमीं मुसकान सी। उहनां गड्डी तों उतरदिआं ई मैनूं आपणीआं बाहवां विच्च लै लिआ। उहनां दे अंग-अंग तों अपणाइत ज़ाहर हो रही सी। उह मैनूं आपणी कार दी पिछली सीट ते बैठा के खुद वी मेरे नाळ ई बैठ गए ते गड्डी चलाउण वाळी लड़की नाळ मेरा तुआरफ कराइआ जिहड़ी उहनां दी धी सी। घर अपड़न ताईं मैं पंनूं होरां दी मिकनातीसी शख़सीअत तों बहुत मुतासर हो चुक्का सी।

उह मिलापड़ी त਼बीअत रख्खण वाळे बड़े सोहणे सुनख्खे इनसान सन। अधखड़ उमर विच्च वी उहनां विच्च नौजवानां वाळा नरोआपन सी। रख्ख रखा वालीआं आदतां तों बहुत दूर अते सिर तों पैरां ताईं आपणे ई आपणे जापदे सन। मैनूं इस तरहां जापिआ जिवें उह मेरे वरहिआं दे जाणूं होण। इह ज़िल्हा लुधिआणा ते मैं ज़िल्हा जलंधर विच्च जंमिआ, जिनहां दीआं सरहद्दां मिळीआं होईआं नें। अज्ज साडे दिल वी इंज ई मिल गए। घर अप्पड़े तां देखिआ कि उहनां चाअ दे नाळ मेरे लई कई क਼िसम दे ख़ुशक मेवे ते वंन सवंनीआं मठिआईआं सजाईआं होईआं सन। मेरी हद्द तों वध्ध सेवा करन तों बाअद उह मैनूं अपणे घर दी बेसमैंट विच्च लै गए जेहड़ी उहनां दी ‘लैबारटरी’ जापदी सी। इहदे विच्च कंपिऊटर, मानीटर आदि तों इलावा कंपिऊटर परोगरामिंग अते होर कई किसम दिआं किताबां नाळ भरीआं अलमारीआं ते वरजश करन वाळी इक्क ‘टरेडमिल’ मशीन वी खहड़ी सी। जेहदे तों अंदाज़ा हुंदा सी कि पंनूं होरीं दिमाग़ ते जिसम दा इक्को जेहा ख़िआल रखदे नें। बाअद विच्च उहनां इह वी दस्सिआ कि उह सिरफ लिखारी ई नहीं खिडारी वी रहे नें। कबड्डी अते हाकी उहनां दे मन पसंद खेल सन।

पंनूं होरी कंपिऊटर आन कर के बैठ गए ते मेरीआं दस्सीआं इमला दीआं ग़लतीआं दूर करन बारे ग़ौर करन लग्गे। मैं अंदर ई अंदर परेशान हो रिहा सी किओं जो मैं कंपिऊटर बारे कुझ्झ वी नहीं जाणदा सी ते इहदे एडे वड्डे माहिर मेरे नाळ सलाह मशवरिआं विच्च रुझे होए सन। पंनूं होरीं बहुत ज़हीन ते मिहनती इनसान नें। उह धुन दे पक्के ते जिस कंम करन दा इरादा कर लैण उहनूं तोड़ ताईं अपड़ा के छड्डदे नें। उह सभ तों पहिलां ‘आशिक रहील’ दी ग़लत इमला नूं ठीक करन विच्च खुभ गए। एस दौरान फोन वी आउंदे रहे जिनहां तों अंदाज़ा हुंदा सी कि एस मुलक विच्च उनहां नूं चाहुण वाळे बहुत मौजूद नें। उह हर काल दा जवाब वी दिंदे रहे। उहनां दी तबीअत विच्च बड़ी निमरता अते ठहिराअ सी। वरना मसरूफ इनसान दे कंम विच्च रुकावट पैदा होवे तां उह चिड़चिड़ा हो जांदा ए। पर उह बड़े इतमीनान नाळ आपणा कंम करदे रहे। उह शाहमुखी वी जाणदे नें ते उहनां आपणी अलमारी विच्चों शाहमुखी दी इक्क किताब लई ते उहनां खोहल के ‘ऐन’ ते ‘ग़ैन’ वाळे अख्खर देखे। कुझ्झ सोचिआ ते फेर कंपिऊटर दीआं कीआं ते उंगळां मारनीआं शुरू कर दित्तीआं। मेरे देखदिआं-देखदिआं उहनां एस मुशकल दा हल्ल लभ्भ लिआ।

फेर उहनां नाळ मेरीआं कई मुलाकातां होईआं। मैं ते मेरे बाल बच्चे उहनां दे परिवार नाळ घुळ मिळ गए। सारा रख्ख रखा मुक्क गिआ, बेतकल्लफी शुरू हो गई। उह जद वी मिळदे खिड़े मत्थे मिळदे। उहनां दी शख़सीअत दीआं कई परतां नें। उह कबड्डी ते हाकी दे कामिआब खिडारी वी रहे। पुलस दी मुलाज़मत वी कीती ते आरमी (बारडर सकिउरिटी फोरस) दे अहिम अहुदे ’ते वी रहे। इहनां अहुदिआं दी वजाह तों उहनां विच्च अफसरी दी हउं पैदा हो जाणी कुदरती सी, आकड़ ते फूं आ जाणी चाहीदी सी ते हुण तां कंपिऊटर परोगरामर दे तौर ’ते उहनां नूं दुनीआं जाणदी ए। अदबी संसथावां दी उह जिंद जान नें पर एनी शुहरत रखदिआं वी इनसानीअत उहनां विच्च कुट्ट-कुट्ट के भरी होई ए। उहनां दे बूहे यारां अते अदबी पिआरिआं लई खुल्ले रहिंदे नें। उह सहितकारां दी घर विच्च ते घरों बाहर वी सेवा करदे रहिंदे नें। इक्क वारी मैं आपणे परिवार नाळ उहनां दे घर गिआ तां बेसमैंट विच्च टोरांटो दे सारे वड्डे-वड्डे कहाणीकार इकठ्ठे होए-होए सन। जिनहां विच्च मेरे दोसत वरिआम सिंघ संधू, जरनैल सिंघ कहाणीकार, प्रिं. सरवण सिंघ, सुदागर सिंघ बराड़, जरनैल सिंघ गरचा, बलबीर कौर संघेड़ा, रछपाल कौर, अरविंदर कौर मठारू, मिनी गरेवाल, डा. सुजान कौर, डा. गुरमीत सिंघ, इंजनीअर सुजाता अते होर बहुत सारे सन। इहनां सारिआं लई पंनूं होरां खाण पीण दा बड़ा सोहणा बंदोबसत कीता होइआ सी। एसे तरहां मैं इक्क वार साहितक संसथा ‘कलमां दा काफला’ विच्च गिआ तां ओथे वी उस दिन चाह पाणी दा बंदोबसत उहनां अपणे ज़िंमे लिआ होइआ सी।

किरपाल सिंघ पंनूं होरीं आपणे उच्चे-सुच्चे अते एनीआं ख़ूबीआं दे मालिक इनसान हन कि मेरी निरमाण कलम इहनां नूं बिआन करन दी ताकत नहीं रख्खदी। मुकदी गल्ल इह है कि सूरज नूं सूरज कहि देणा ई काफी ए, इहदे चानण दा शबूत पेश करन दी लोड़ नहीं।