"आह देखीं कुड़े फून... कोई भाई बोलदै... कहिंदा थोडे नंबर ते दो लख्ख निआम निकलिआ...पर आपां नूं थोहड़े जे पैसे भरने पैणगे । देख तां की कहिंदा.. कित्थे भरने पैणगे। " मेलो नें नूंह नूं फोन फड़ाउंदिआं किहा । नाल ही नसीहत वी दित्ती,
"चज्ज नाल गल्ल करीं ।"
नूंह नें 'हैलो' आखिआ, अग्गों भाई नें सारी सकीम समझा दित्ती।
" सानूं वीह हज़ार पहिलां भरना पऊ। दो लख्ख लैण वासते?" नूंह नें पुछ्छिआ।
"हां जी। "
"फिर दो लख्ख सानूं आप आ के लैणे पैणगे जां भेज दिओगे?"
" तुसीं बस वीह हज़ार लै के आउणा कैश। दो लख्ख लै जाणा। भावें आपणे खाते पवा लैणा। तुसीं वीह हज़ार खाते विच्च वी जमहां कर सकदे ओ। "
"फेर तां भाई सौखा ई ऐ हल्ल.... तुसीं वीह दी थां तीह हज़ार कट्ट लैणा... दो लख्ख विच्चों.. बाकी पैसे भेज देणा। "
अग्गों फोन कट्ट दित्ता गिआ।
मेलो नें मत्थे ते हत्थ मारिआ " झाड़ां नूं लग्गदै दस हज़ार... मिंट विच्च जीभ हिलिआ ती... तीह कट्ट लैणा। ...मोटे दिमाग आली। " मेलो किंना चिर बुड़ बुड़ करदी रही।
नूंह नें बथेरा किहा कि इह ठग्ग हुंदे नें। भोले भाले लोकां नूं लालच विच्च फसा के लुट्ट लैंदे नें। पर मेलो नूं अज्ज आपणी नूंह कौड़ी ...ज़हिर वरगी लग्ग रही सी।
नूंह नें सस्स नाल बहिस करनी छड्ड दित्ती। उस नूं पता सी कि इस तरहां घर विच्च कलेश पै सकदा है।
सस्स नें उहदे जंमण वालिआं नूं कोसणा सी ते उस नूं गुस्सा आ जाणा सी। जदों वी उह सस्स दी नज़र विच्च गलत हुंदी तां सस्स उस दे पेकिआं नूं जा फड़दी। इसे तरहां ही तां वध जांदे नें घरां दे कलेश। गल्ल राई जिंनी हुंदी है.. पर जिहड़ी उस ते चरचा हुंदी ऐ। उह लोड़ तों वध्ध हो जांदी है। इही गल्लां सोच के नूंह नें चुप्प रहिण विच्च ही भलाई समझी।
सारा दिन मेलो दा मन खराब रिहा। उस नूं लग्ग रिहा सी जिवें उस दी नूंह नें बहुत वड्डा नुकसान कर दित्ता होवे। उस नें आपणी नूंह नाल सिध्धे मूंह गल्ल वी नां कीती। शाम नूं मेलो दा पती ते पुत्तर घर आए।आपस विच्च गल्लां कर रहे सन।
"बंदे नूं अकल तों कंम लैणा चाहीदा। बेसमझी विच्च नुकसान करा के बहि गए। " मेलो दे पती नें किहा।
" कई लोकां दे दिमाग मोटे हुंदे नें ..मिंटां विच्च हजारां दा घाटा पा लैंदे नें। " मेलो नें नूंह वल्ल देख के आखिआ।
" बेबे, असीं पतै कीहदी गल्ल कर रहे आं ? " मुंडे नें पुछ्छिआ। बेबे चुप्प कर गई।
" अज्ज पहिली वार तेरी मां नें मंनिऐ कि उहदे भाईआं दे मोटे दिमाग नें। "
मेलो नूं तां जिवें सत्तीं कप्पड़ीं अग्ग लग्ग गई होवे। इह किवें हो सकदा सी कि कोई उहदे पेकिआं नूं कुझ गलत आखे। उह गुस्से नाल भरी पीती उठ्ठण लग्गी सी। पर मुंडे नें मोढिओं फड़ के बिठा लई।
" मेरे मामे बहुत चंगे नें... पर हर बंदे तों गलती हो जांदी ऐ... । मुंडे नें गल्ल पूरी वी नहीं कीती कि बापू बोल पिआ,
"तेरे सिआणे ते अकलमंद भाईआं तों किसे नें तिंन लख्ख दा लालच दे के.. तीह हजार फुंग लिआ। अगले कहिंदे तीह हजार फलाणे खाते विच्च पवा दिओ... इहनां सिआणिआं नें पवा दित्ते... आहड़तीए तों लै के। जद अगलिआं दे दस्से पते टिकाणे ते पहुंचे... उत्थे कुश वी नां... फोन अगलिआं बंद कर लए......ठग्गे गए विचारे ।" मेलो चुप्प करके सुण रही सी। उस दीआं अख्खां भर आईआं।
" चल बापू गलतीआं तां चंगिआं चंगिआं तों हो जांदीआं नें। " मुंडे नें मां दे मूंह वल्ल देख के आखिआ।
"पर असीं गलतीआं तों सबक लईए तां गल्ल बणदी ऐ। नाले हुण तां जालसाज साडीआं जेबां विच्च ही बैठे होए नें। आपां किवें बचणै इह सानूं सोचणा पऊ।" बापू नें जेब विच्चों मोबाईल कढ्ढदिआं किहा।
" कई वारी दिमाग 'ते ऊईं ठीकरा मूधा वज्ज जांदै, कुश नी पता लग्गदा। " मेलो नें उदास सुर नाल किहा।