अज्ज असीं लाहौर दा शाही किला देखण जाणा सी। उमर गनी, रिज़वान अहिमद समेत आपणी कार लै के हाज़र सी। असीं नहा धो के तिआर होए तां खावर राजा वी आपणी लड़की अलबरकात ते आपणे दो सोहणे मंुडिआं दे साथ विच गुजरांवाला तों आ पुज्जी। उह आपणे मुकंमल परिवार समेत डा. जगतार नाल दिहाड़ी गुज़ारना चाहुंदी सी।
नाशता तां होटल विच वी कीता जा सकदा सी पर जगतार दी इछ्छा सी कि किले वल्ल जाण तों पहिलां लाहौर दी बहुचरचित ‘फूड सटरीट’ विच नाशता करीए। इस बहाने उह वी उस जगहा नूं देख लवेगा। उह गवाल मंडी विचली ‘फूड सटरीट’ दे जलौअ दीआं गल्लां मेरेे कोलों सुण चुक्का सी ; पर जदों ‘फूड सटरीट’ पुज्जे तां उते उस रात वाला जल-जलौअ ग़ैरहाज़र सी। आम बज़ारां वांग दुकानां खुल्ल्हीआं होईआं सन। वाहनां दी आवाजाई बंद करन लई लग्गीआं रुकावटां चुक्क दित्तीआं सन। ज़ाहिर है दुकानां दे बाहर सड़कां उते गाहकां लई डाहीआं मेज़ कुरसीआं वी चुक्क लईआं गईआं सन। असल विच ‘फूड सटरीट’ दी ‘उह’ विशेश दिख्ख है ही रात नाल सबंधत सी। हुण तां इह आम बाज़ारां जिहा बाज़ार सी। रातां वाली मोढे खहिंदी भीड़ दी बजाइ सड़क उतों इक्का-दुक्का आदमी गुज़र रिहा सी। इक आदमी नूं रोक के असीं उस नूं नाशता करन लई ‘बिहतर दुकान’ बारे दस्सण लई किहा। उस नें पूरे उतशाह नाल दस्सिआ।
‘‘दुकानां तां ऐथे वी चंगीआं नें पर तुसीं औह अगले बाज़ार विच जा के सज्जे हत्थ थोहड़ा कु अग्गे जाणा। उथे इक दुकान वाले हन उह देसी घिओ दीआं पूरीआं बणाउंदे हन। राह विच होर बहुत नें पूरीआ बणाउण वाले। पर तुसीं महिमान हो, तुसीं उथे ही जाओ।’’
उस बाज़ार विच सज्जे मुड़दिआं ही दो दुकानां नज़र आईआं। असीं इनहां विचों ‘चंगी दुकान’ बारे किसे नूं पुछ्छिआ तां उस नें वी किहा, ‘दुकानां तां इह वी ठीक नें पर तुसीं अग्गे जाओ। उथे देसी घिओ…’’
किंनी चंगी गल्ल सी। उह लोक चाहुंदे सन कि असीं ‘चंगी दुकान’ तों ही नाशता करीए। उनहां नें किहड़ा दुकान वाले तों ‘कमिशन’ लैणा सी! इंज कर के वी उह आपणी महिमान-नवाज़ी दा फ़रज़ अदा कर रहे सन।
वेखण नूं तां उह दुकान वी आम दुकानां वरगी ही सी। दुकान विच लंमे मेज़ां नाल पए बैंचां उपर बैठ के असीं नाशता कीता। पूरीआं, दहीं, छोले, हलवा ते दहीं दी मिठ्ठी लस्सी सच्चमुच्च डाढे सवाद सन। असीं उथों आनंद-प्रसंन हो के उठे।
नाशते दे पैसे उमर गनी नें ही दित्ते। उहदे हुंदिआं असीं आपणी जेब नूं हत्थ नहीं सां ला सकदे।
बाहर गली विच राज-मज़दूर आपणा संद-संधेड़ा लै के बैठे सन। मैं ‘सलाम’ कहि के हाल-हाल पुछ्छिआ तां इक जणा कहिंदा, ‘‘सरदार जी, उथे राज मिसतरी दी दिहाड़ी की जे?’’
मैं मुसकराइआ। उस दिन रिकशे वाला वी भारत दे रिकशे वालिआं बारे पुछ्छ रिहा सी। इह वी मुकाबलेबाज़ी दा इक अंदाज़ सी शाइद!… ते जां दोवां मुलकां विच आपणे जिहे गरीब लोकां दी होणी जानण दी उतसुकता सी।
असीं हौली हौली बाज़ार विच वापस तुरे आ रहे सां। मैं बाज़ार विचों सज्जे खब्बे निकलदीआं छोटीआं छोटीआं गलीआं दे दोपासीं दो-मंज़िले, तिंन-मंज़िले मकानां नूं देखदिआं इतिहास विच उतर गिआ सां। इसे गवाल मंडी विच किसे वेले भगत सिंघ दे घरदिआं नें उस नूं सरगरम सिआसत वलों मोड़न लई गावां ‘पा के’ दित्तीआं सन तां कि उह कंम-धंदे विच रुझ्झ जावे। पर भगत सिंघ इथों दे रुझेविआं विचों वी समां कढ्ढ के रात-ब-राते हुंदीआं मीटिंगां विच हाज़री भर आउंदा सी। इह ‘गवाल मंडी’ उस नूं बंनह के नहीं सी रख्ख सकी। इनहां गलीआं विचों ‘निकल के’ उह सारे भारत ‘ते छा गिआ सी। इनहां ही गलीआं विचों कदी ‘47’ दा दैंत दनदनाउंदा लंघिआ सी ते इनहां इमारतां विचों ही सड़दा धूआं आसमान तक उठिआ सी। इनहां ही गलीआं विच कई निरदोश लोकां दीआं वख्खीआं विच छुरे खुभे सन। इनहां ही गलीआं विच ‘इक-दूजे’ नूं देख के असीं नफरत दा लहू थुक्किआ सी। इनहां ही गलीआं विच उस रात नौजवान मैनूं कहि रिहा सी, ‘‘तुहाडीआं पग्गां दी हाज़री विच ही इह शहिर मुकंमल लगदा है… तुहाडे बिनां पंजाब अधूरा है!’’
उमन गनी, रिज़वान, खावर राजा साडे अंग-संग सन। असीं कुझ पलां लई आपणे आप नूं ‘पूरे-पंजाब’ होण दा भरम पालिआ होइआ सी। ते इह पूरा पंजाब लाहौर दे शाही किले वल्ल तुरिआ जा रिहा सी।
असीं किले दे गेट अग्गे पुज्जे तां रिज़वान नें किहा कि उह उमर गनी दी कार लै जांदा है ते कानफ़रंस ‘ते आए भारती वफ़द दे डैलीगेट सुरिंदर सिंघ जौहर नूं एअरपोरट ‘ते छड्ड के घंटे, डेढ घंटे विच वापस परत आएगा। उमर गनी नूं इस विच कोई इतराज़ नहीं सी। एना कु चिर तां सानूं किल्हा अते होर आला-दुआला देखदिआं लग्ग ही जाणा सी।
किल्हे दे साहमणे पासे हजूरी बाग़, सज्जे हत्थ रणजीत सिंघ दी समाध ते गुरदुआरा डेरा साहिब सन। हज़ूरी बाग़ दे पार अलामा इकबाल दी यादगार उहदे सिर उते शाही मसजिद। मैं इस समुच्चे द्रिश नूं निहारिआ।
असीं किल्हे दे मुख्ख दरवाज़े वल्ल परते। कल्ल्ह वांग अज्ज वी जथे नाल आए ‘सिंघ’ सड़क, बाग़ ते किल्हे दे अंदर बाहर घंुम रहे सन। इंज लग्ग रिहा सी जिवें साडा वी लाहौर विच ‘हिस्सा’ है।  उमर गनी नें किल्हे दे प्रवेश दुआर अग्गे खलो के टिकटां खरीदीआं अते किल्हे दे अंदर दाख़ल होए। किल्हे दा इह साहमणा पासा पूरब तों पछ्छम वल्ल पंज सौ फु्ुट चौड़ा है। खावर राजा आपणे बच्चिआं नूं जगतार नूं मिलाउण लिआई सी, इस लई उनहां नूं थोहड़ी वित्थ अते गल्लां करन दी विहल दे के मैं अते उमर गनी नाल नाल तुरन लग्गे। लग्गदा ही नहीं सी कि साडी दो कु दिनां दी मुलाकात है। उमरां दा जाणू लगदा सी उमर गनी।
किल्हे ‘च दाख़ल हुंदिआं ही सदीआं दा इतिहास मेरे अंग-संग तुरन लग्गा। किल्हा लाहौर दे 1883-84 दे गज़टीअर दे पंना 176-77 ‘ते दरज है कि गुरू अरजन देव दे गुरदुआरे दे नाल ही, किल्हे ‘च दाख़ल हंुदिआं ‘सीता’ दे नां ‘ते बणाइआ इक मंदर है, जो हुण खंडर बण चुक्का है। किहा जांदा है कि किल्हे दे बणन तों पहिलां रावी दरिआ दे किनारे उते इह मंदर बणाइआ गिआ सी। इह उस समें ही यादगार वजों सी जदों सीता आपणे पुत्तरां ‘लव’ अते ‘कुश’ नाल महांरिशी बालमीक कोल ठहिरी होई सी। ‘लव’ दे नां ‘ते ही लाहौर वसिआ किहा जांदा है। पर सदी तों वध्ध समां पहिलां जिहड़ा मंदर खंडर बण चुक्का सी, उस दे अवशेश हुण किथों लभ्भणे सन। हुण तां किल्हे अंदरले महिल वी लुड़ींदी सांभ संभाल नूं तरसदे खंडरात विच तबदील हुंदे जा रहे सन।
इह गल्ल सोच के बंदा ज़रूर रोमांचित हो जांदा है कि इस किल्हे नूं उसारन विच ते इस विच समें समें वाधा करन वाले बादशाह कदी इनहां राहां उते विचरदे रहे सन। अकबर, जहांगीर, शाह जहान, औरंगज़ेब ते रणजीत सिंघ हाथीआं ‘ते सवार घुंम रहे सन। शाहां नूं याद करदिआं शाहां दे ज़ुलम वी याद आए। इथे ही जहांगीर नें संमण बुरज विच घड़िआल टंगिआ होइआ सी जिस नूं खड़का के फ़रिआदी फ़रिआद कर सकदा सी। जहांगीर दा ‘अदल’ किल्हे दे साहमणे गुरू अरजन देव दी यादगार नूं वेखदिआं पता चल्ल जांदा सी! इसे ही किल्हे विच रणजीत सिंघ तों बाअद शुरू होए कतलां दे सिलसिले विच खड़क सिंघ दे नज़दीकी मित्तर चेत सिंघ दा डोगरिआं नें पहिलां कतल कीता सी ते फिर हौली हौली ज़हिर दे के खड़क सिंघ नूं मौत दे घाट उतारिआ गिआ। इंज इथों शुरू होइआ कतलां दा अमुक्क सिलसिला पंजाब दे कतल दी कहाणी बण गिआ। इसे शाही किल्हे विच अंगरेज़ां नें देश-भगतां नूं अकहि-असहि तसीहे दित्ते सन। इथे ही सिर ‘ते निक्के जिहे जूड़े ते उतरदी दाहड़ी वाली भगत सिंघ दी, हत्थकड़ीआं ते बेड़ीआं समेत अलाणी मंजी उते बैठे दी, तसवीर खिच्ची मिलदी है। शाइद इथे ही अरजन सिंघ गड़गज्ज दे वालां नूं छत्त नाल बंनहिआं गिआ सी ते सिर दी चमड़ी ते वाल उखड़ के उपर टंगे रहि गए सन ते गड़गज्ज ज़मीन ‘ते डिग्ग पिआ सी। अज्ज वी शाही किले दा इक हिस्सा तसीहा केंदर वजों वरतों विच लिआंदा जा रिहा सी। पर उस पासे दरशकां दा जाणा वरजित सी।
उमर गनी आपणी जाणकारी अनुसार दस्सी जा रिहा सी। किते किते डा. जगतार वी कोई सूचना दिंदा। इस राहों शाही औरतां हाथीआं ‘ते बैठ के हवाखोरी लई निकलदीआं सन। ऐधर ‘हरम’ सन। इह दीवाने-आम सी। अग्गे खुल्ल्हा दलान छत्तिआ होइआ। साहमणे उच्चे सथान ते इमारत विचों अग्गे नूं वधिआ होइआ संगमरमरी थहड़ा, जिथे आ के बादशाह बैठिआ करदा सी ते साहमणे उस दीआं नज़रां हेठां आदमीआं, घोड़िआं, हाथीआं दा जलूस लंघदा सी। शाह जहान दे समें इस शाही निरीखण दा समां लगपग इक घंटा हुंदा सी।
मैं उमर गनी नूं किहा, ‘‘चलो आपां उधर चल्लीए ते उस थां ‘ते खलो के वेखीए जिथे कदी भारत दा बादशाह खलोंदा सी। असीं दोवें पौड़ीआं चहड़ के तख़त दे उपर जा चहड़े। हेठों डा. जगतार नें साडी तसवीर खिच्च दित्ती। इस जगहा दे पिछ्छे ही सज्जे खब्बे कई कमरे सन जिहड़े ‘ख़वाबगाह’ वजों जाणे जांदे सन, जिथे बादशाह सौंदे सन। आराम करदे सन ते फिर उठ के जनता नूं दरशन दिंदे सन।
मैनूं साइंस दी तरक्की दा ख़िआल आइआ। उपरली श्रेणी दे अति-आधुनिक सहूलतां वाले बैड्ड-रूम चेते आए तां मैनूं भारत दे उह बादशाह गरीब लग्गे। मैं हस्सदिआं होइआं उमर गनी नूं किहा, ‘‘इनहां छोटे छोटे कमरिआं विच सौण वाले बादशाह कोल अज्ज दे मिडल कालस दे बंदे वरगे वी बैड्ड-रूम नहीं सन।
उमर गनी नें किहा, ‘‘ए.सी. दी सहूलत तां छड्डो। उहदे सिर ‘ते तां किल्हे गरमीआं विच बिजली दा पख्खा वी नहीं सी चल्लदा।’’
‘‘वड्डे बादशाह बणे फिरदे सन!’’ असीं ठहाका लाइआ। ठीक ही साइंस नें आदमी नूं शाहां वालीआं सहूलतां प्रदान कीतीआं सन। पर ‘शाह’ फिर वी शाह सन।
इह दीवाने आम सी, इस दे नाल जुड़वें कई इशनान कमरे। इथे ही कई वार बादशाह मंतरी मंडल नाल मीटिंग वी कर लैंदा।
किल्हे विच सिख्ख इतिहास नाल सबंधत इक अजाइब घर वी है ते मुग़ल राज नाल सबंधत वी। जदों कोई सिख्ख जथा आउंदा है तां मुग़लां वाला अजाइब घर बंद कर दित्ता जांदा है ते सिख्खां वाला खोल्ह दित्ता जांदा है। असीं पौड़ीआं चहड़ के सिख्ख अजाइब घर विच दाख़ल होए। महाराजा रणजीत सिंघ ते उस दे राजकाल ते उस दे वारसां नाल सबंधत वसतां, हथिआर, तलवारां आदि दी प्रदरशनी लग्गी होई सी। बहुत समां बंद रहिण करके तसवीरां जां होर वसतां विच कोई विगाड़ आ जांदा होवेगा, शाइद इसे लई बहुत सारीआं वसतां ते तसवीरां पलेटफारमां ‘ते हाज़र नहीं सन ते उनहां नूं ठीक करन वासते उतारे जाण दी सूचना लग्गी होई सी।
राणी जिंदां इक तसवीर विच अध्धलेटी तकीए नाल ढो ला के पई सी। दो मुसलमान मुंडे उस तसवीर वल्ल वेख के हौली-हौली गल्लां कर रहे हन।
‘‘इह किउं लंमी पई ए?’’
‘‘इह आराम करदी ए।’’
‘‘इनहां नूं की पता आराम करन दा?’’
पहिले मुंडे नें किहा तां कोल खड़ोता जगतार कहिण लग्गा, ‘पुत्तर! इनहां लोकां नूं ही तां आराम करना आउंदा सी।’’
असीं हाल विच घुंम रहे सां ते मेरे मन विच बच्चिआं ते जगतार दी गल्ल दे आपणे आपणे अरथ घुंम रहे सन ते नाल ही जिंदां दी दुख्ख भरी कहाणी जिस नूं रणजीत सिंघ दी मौत तों बाअद इक पल वी चैन ते आराम दी ज़िंदगी जिऊण नूं नहीं सी मिली।
असीं पौड़ीआं उत्तर रहे सां ते अग्गों साधारन पेंडू दिसदे इक नौजवान नें सलाम बुलाई ते किहा, ‘‘सरदार जी! साडे पिंड नहीं जे जाणा।’’
असीं उहदी पेशकश दा धंनवाद कीता। ‘‘सरदार जी, मैं किसे ऐसे वैसे पिंडों नहीं जे आइआ। मैं हीर दे पिंडों जे… झंग सिआल तों।’’
किहा जांदा है कि हर बंदा हीर दी तारीफ़ तां करदा है पर इह नहीं चाहुंदा कि उस दी कोई धी भैण हीर बणे। आपणी धी दा ‘हीर’ बणना उस दे मान-सनमान नूं वट्टा लाउंदा है। पर इह हीर दे पिंड दा नौजवान ‘हीर’ उते माण कर रिहा सी। इसे माण विचों ही सानूं आपणे पिंड सद्द रिहा सी। उस नूं पता सी ‘हीर’ साडे लई वी ओनी ही माण-मत्ती है जिंनी उस लई। पूरन सिंघ बोल उठिआ।
आ वीरा रांझिआ!
ते आ भैण हीरे!
तुध बाझों असीं सख्खणे!
एने चिर नूं जगतार वी पौड़ीआं उतर के साडे कोल आ गिआ। नौजवान नें उस नूं वी उसे उतशाह नाल सद्दा दित्ता। जगतार नें उस दी पिठ्ठ थापड़ी ते पिआर नाल किहा, ‘‘जदों माई हीर नें चाहिआ, ज़रूर आवांगे… तेरे पिंड  वी…’’
बाबा फरीद दे असथान पाक-पटन बारे वी उह इक दिन इसे अंदाज़ विच कहि रिहा सी। ‘‘जदों मेरे बाबे नें बुलाइआ, उदों जाणों किसे रोक नहीं सकणा।’’
‘‘मेरा पता लिख लवो। ते आणा ज़रूर जे… मैं सभ थां दिखावांगा… ते जिंना चिर चाहो आपणे कोल रख्खांगां… ऐथे करके…’’
उसने हत्थ आपणी छाती नाल लाइआ।
शीश महिल ते होर महिलां वल्ल चलावीं जिही नज़र मारदे असीं अग्गे तों अग्गे तुरे जा रहे सां। गरमी दा मौसम सी ते जगतार थकावट महिसूस कर रिहा सी। असीं आराम करन लई किल्हे दे वड्डे बाग़ दे किनारे बणी खाण-पान दी दुकान ‘ते गए। पिप्पल दे वड्डे दरखतां दी छावें बैठ गए, ठंढा पाणी पीता ते कुझ चिर विशराम कीता। रिज़वान नूं गिआं दो घंटे हो गए सन। किते बाहर आ के सानूं उडीक ही नां रिहा होवे।
असीं छेती छेती बाहर गए पर नां तां रिज़वान अते नां ही किधरे कार दिखाई दित्ती।
‘‘हुण तक उस नूं आ तां जाणा चाहीदा सी।’’ उमर गनी नें आपणे आप नाल गल्ल कीती।
किल्हे दे दरवाज़े अते हज़ूरी बाग़ दे दरमिआन केवल इक सड़क ही सी। सड़क पार करके असीं प्रसिध्ध हज़ूरी बाग़ विच दाख़ल होए जिस दे ऐन विचकार संगमरमरी बारांदरी बणी होई सी ते गरमी तों बचण लई कुझ लोक उस दी छावें हवा-हरे बैठे सन। हज़ूरी बाग़ दे सज्जे हत्थ ही है उह दरवाज़ा जिस विचों लंघण समें कंवर नौ निहाल सिघ नूं छज्जे हेठां दे के कतल कीता गिआ सी। उस दे नाल ही महाराजा रणजीत सिंघ दी समाध ‘ते नाल जुड़वां गुरदुआरा डेरा साहिब सी।
किल्हे दे साहमणे हज़ूरी बाग़ तों पार सी जामा मसजिद, जिस नूं शाही मसजिद वी किहा जांदा है। मसजिद दे पैरां विच सज्जे हत्थ अलामा इकबाल दा मकबरा सी। जगतार, खावर राजा अते उस दे बच्चे बारांदरी दी छावें बैठ गए। इक तां जगतार नें सभ कुझ पहिलां वेखिआ होइआ सी ते दूजा इथे बैठे उह रिज़वान नूं लभ्भ सकदे सन।
मैं ते उमर गनी डा. इकबाल दे मकबरे ‘ते गए अते आपणा सतिकार पेश कीता। ‘पाकिसतान’ दे विचार दे जनमदाता डा. इकबाल दे मकबरे ते सुरख्खिआ करमचारी तैनात सन। दीवारां ‘ते अंदरवार डा. इकबाल दे प्रसिध्ध शिअर दरज सन। ‘सारे जहां से अछ्छा, हिंदुसतान हमारा’ लिखण वाले शाइर नूं आख़र किउं ‘पाकिसतान’ बणाउण दा विचार पेश करना पिआ। की उहदे इसे तराने विच ही इक हकीकत नहीं सी छुपी होई जदों उस नें इह वी किहा:
इकबाल कोई महिरम अपना नहीं जहां में,
कोई नहीं जो समझे दर दे निहां हमारा।
इह अंदर दा किहड़ा दरद सी जिहड़ा नहीं सी समझिआ गिआ। किते इह हिंदू धरम दी उह कट्टड़ता तां नहीं सी, जिस नें मुसलमानां नूं मज़हबी तौर ‘ते सदा ही आपणे तों हीणे अते बौणे समझिआ। उनहां नूं आपणे नेड़े नां लग्गण दित्ता। हमेशा अछूत समझ के विहार कीता।
लाहौर रेडीओ ते इक वार पाकिसतान बणन दे हक्क विच नज़ामदीन इक मिसाल दे रिहा सी।
‘‘चौधरी जी, पाकिसतान बणन नाल सानूं साडा घर मिलिऐ। इज़्ज़त ते आबरू मिली है। असीं वी ज़मीनां जाइदादां वाले बणे आं। पाकिसतान बणन तों पहिलां साडे गरीब मुसलमानां दी हालत की सी, उह वी सुण लओ।
साडे पिंड इक कांशी बाहमण हुंदा सी। उहदी कुड़ी दा विआह सी। उनहां नें हलवा बणा के परातां विच पा के बाहर विहड़े विच ठंढा होण लई रख्खिआ। उनहां दे विहड़े दी इक कंध ‘ते मुसलमान सन ते दूजी ‘ते कुत्ते। ‘घुर घुर’ करदे कुुत्ते आपस विच लड़ पए ते इक कुत्ता इक परात विच डिग्ग पिआ। उस परात वाला हलवा उनहां नें साडे मुसलमानां विच वंडिआ। इह सी हालत साडे मुसलमानां दी।’’
नज़ामदीन दा हसाउणे ढंग नाल बहुत ही काटवीं गल्ल करन दा इक आपणा ही अंदाज़ सी। निसचै ही पाकिसतान बणन तों पहिलां सारे मुसलमानां दी अजिही हालत नहीं सी। उह वड्डीआं ज़मीनां, जाइदादां ते सरदारीआं वाले वी सन। पर नज़ामदीन इथे उनहां लोकां दी गल्ल नहीं सी कर रिहा। उह गल्ल कर रिहा सी छोटे ग़रीब मुसलमानां दी आरथिक तंगदसती दी, जिनहां दी हालत, बकौल उस दे पाकिसतान बणन तों बाअद सुधर गई सी। किंनी कु सुधरी सी इह तां पाकिसतान दे लोक ही जाणदे नें पर नज़ामदीन दी इक गल्ल बहुत बारीक ते डूंघी सी। उस अनुसार समाजिक ते सभिआचारक जां जातीगत पध्धर ‘ते कट्टड़ हिंदू भाईचारे नें मुसलमानां नूं कदी वी आपणे बराबर नहीं सी समझिआ। उनहां दी हालत नूं इनसान दी ‘कुत्ते’ नाल तुलना वजों पेश करना बहुत वड्डा दुखांतक विअंग सी। की डा. इकबाल दे अंदर वी मुसलमानां दे ‘अछूत’ समझे जाण दा दरद ही तां नहीं सी विलकदा पिआ जिहड़ा आख़रकार ‘पाकिसतान’ दा विचार बण के उस दे मन विचों उब्बल पिआ।
असीं डा. इकबाल दे सदा जिउंदे शिअरां दा ज़िकर करके इक वार फेर उस महान शाइर नूं नमसकार कीती ते बाहर आए। रिज़वान किसे वेले वी आ सकदा सी ते असीं वापस वी जाणा सी, किउंकि उमर गनी नें सानूं उतार के अज्ज पाक पटन वी परतणा सी।
‘‘कोई नहीं जे रहिणा पिआ तां मैं अज्ज वी ठहिर जावांगा। इह दिन किहड़े रोज़ रोज़ लभ्भणे नें।’’
उमर गनी नें किहा तां सच्चीं-मुच्ची हवा दा ठंढा बुल्ला आइआ। इस दे नाल ही गुरदुआरा डेरा साहिब वलों काले सिआह बद्दल आसमान ‘ते उभरदे दिसे अते कुझ  ही पलां विच असमान बद्दलां नाल भर गिआ। मौसम बहुत ही ख़ुशगवार हो गिआ सी। लग्गदा सी, मींह हुणे ही आइआ कि आइआ।
असीं छेती छेती शाही मसजिद दीआं पौड़ीआं चहड़े अते शाही शान वाला दरवाज़ा लंघ के अंदर गए। इस मसजिद दी उसारी लाल पत्थर नाल होई है। पहिला प्रभाव जो मसजिद दे अंदर वड़दिआं पिआ उह सी इस दी महान विशालता दा ; खुल्ल्हेपन दा। इस दे उच्चे मीनार मीलां तक दिखाई दिंदे हन। 1084 हिजरी जां 1674 विच इह मसजिद फ़िदा ख़ान नें शहिनशाह औरगज़ेब लई बणवाई सी।
हवा तेज़ हो गई सी ते निक्की जिही कणी वी डिग्गण लग्गी।
‘‘मैनूं धारमिक सथानां दी अजिही विशालता मन नूं बहुत सकून देण वाली लग्गदी है। इह माहौल शाइद बंदे अंदरले नूं वी सौड़ापण छड्ड के चुड़ितण बख़शदा होवे।’’
उमर गनी मेरी इस गल्ल नाल सहिमत सी। असीं दूर तक निक्कीआं निक्कीआं कणीआं विच निक्कीआं गल्लां करदे गए। मसजिद विच इक वड्डा अजाइब घर वी है, जिथे हज़रत मुहंमद साहिब दीआं पवित्तर वसतां ते कप्पड़े वी सांभे होए हन। पर इक तां मींह आउण वाला सी ते दूजा जगतार हुरीं बाहर हज़ूरी बाग़ विच बैठे होए सानूं उडीक रहे सन। उधर शाइद रिज़वान वी आ गिआ होवे। इस लई असीं शाही मसजिद दे थोहड़े दरशनां नूं बहुता समझदे होए बाहर आए।
मसजिद दीआं विशाल पौड़ीआं उतरदे समें असीं वेखिआ जगतार हुरीं बारांदरी दे फरश ‘ते बैठे किसे मुसलमान परिवार नाल गल्लीं रुझ्झे होए सन। जगतार नें उनहां नाल साडी जाण-पछाण करवाई। उस आदमी नें मोटे मोटे संतरे साडे हत्थ फड़ाए। उह कैनेडा तों आपणे वतन पाकिसतान आइआ होइआ सी ते आपणे परिवार नाल सैर-सपाटे लई निकलिआ होइआ सी। उह वार वार आपणा पता दस्स रिहा सी ते कैनेडा आपणे कोल आ के ठहिरन दा सद्दा दे रिहा सी।
दुपहिर ढल चुक्की सी, पर रिज़वान अजे वी नहीं सी आइआ। दस्से समें तों तां तिगुणा समां हो गिआ सी। असीं चिंता विच सां कि किते ऐकसीडैंट ही नां हो गिआ होवे।
‘‘ओ नहीं, उह जौहर नूं लै के उहदे कंम धंदे करवाउंदा फिरदा होणै…’’ जगतार खिझ गिआ सी। उस दी खिझ जाइज़ सी।
‘‘कोई नहीं डाकटर साहिब! हुण उडीकण बिनां चारा ही कोई नहीं’’ मैं जगतार नूं शांत करना चाहिआ।
‘‘उमर गनी यार! तूं मेरी गल्ल सुण!’’ जगतार नें उमर गनी नूं बाहों फड़िआ, ‘‘तूं दस्स! तैनूं फोन करके मैं पाक पटन तों सद्दिऐ नां? तूं कार मेरे लई लै के आइआ नां’’
उमर गनी मुसकराउंदा होइआ हां आखी जा रिहा सी ते हकीकत वी इहो सी।
‘‘तां फिर इह सवेर दा कार ‘ते कबज़ा किउं करी फिरदा ए। असीं मूंह चुक्क के उहनूं उडीकदे पए आं।’’
‘‘हुण उह आखदा सी। एना तां करना ही पैंदा। सुख्ख होवे सही।’’ गनी आप वी छित्था पिआ होइआ सी। हुण होर उह की जुआब दिंदा।
‘‘सुख ही होणी एं, सुख नूं की ऐं’’, जगतार नें किहा।
कुझ चिर उथे होर उडीक के असीं किल्हे वाली सड़क वल्ल आ गए। कार एथे ही आउणी सी। बेसबरी नाल मूंह चुक्क के दूर तक विंहदे असीं सड़क ‘ते ही एधर उधर घुंमण लग्गे। अचनचेत कणीआं तेज़ हो गईआं ते छड़ाके नाल मींह उतर पिआ। असीं भज्ज के किल्हे दे दरवाज़े हेठां जा खड़ोते। होर लोक वी मींह तों बचदे बचाउंदे दरवाज़े दी डिउढी हेठां आ गए। काफ़ी भीड़ हो गई सी। कुझ सिख्ख यातरी वी सन पर बहुती भीड़ सथानक मुसलमानां दी सी। साडीआं अख्खां वरहदे मींह विच लंघदी आउंदी हर कार ‘ते नज़र रख्ख लईआं सन।
‘‘औह लंघे नें…’’ उमर गनी नें डिउढी अग्गों लंघदी आपणी कार पछाण लई। डराईवर नें मोड़ के कार डिउढी अग्गे लाई ते रिज़वान साडे कोल आण खलोता। उह आपे ही सपशटीकरन देण लग्गिआ, ‘‘जौहर साहिब नें पहिलां तां सामान पैक करदिआं वाहवा चिर ला दित्ता। फिर कहिंदे थोहड़ी जिही शापिंग कर लईए। हुण आपणे महिमान सन, विचों छड्ड के तां आ नहीं सां सकदा। मैनूं पता सी तुसीं इंतज़ार करदे होवोगे… पर…’’
जगतार भरिआ पीता उहदे मूंह वल्ल वेख रिहा सी। उस तों रिहा नां गिआ, ‘‘जे आपणे महिमान सन ते उनहां नूं छड्डिआ नहीं सी जा सकदा तां वीर आप पैसे खरच के आपणी टैकसी कर लैणी सी। असीं जू एने चिर दा तेरे वल्ल…’’
‘‘कोई नहीं डाकटर साहिब कोई नहीं’’ उमर गनी नें जगतार नूं शांत करना चाहिआ। बबोलिक्के रिज़वान नूं कोई गल्ल औड़ नहीं सी रही। मैं उहदे मोढे ‘ते हत्थ रख्ख के उस नूं चुप्प ही रहिण लई किहा। मैं उमर गनी नूं किहा कि जगतार ते खावर हुरीं कार ‘ते बैठ के चले जाण। आपां तिने पिछ्छों वख्खरे तौर ‘ते चले जांदे हां। जगतार हुरीं साडे आखे लग्ग के चले गए। असीं कणीआं हटण दी इंतज़ार विच रुके होए सां। डिउढी विच रुकी होई भीड़ साडी वारतालाप सुण चुक्की सी ते दिलचसपी नाल साडे वल्ल वेख रही सी। रिज़वान अजे वी सपशटीकरन देणा चाह रिहा सी। मैं उस नूं चुप्प रहिण लई किहा।
‘‘डाकटर साहिब नराज़ हो गए नें,’’ अफसोस विच उमर गनी नें किहा।
‘‘फ़िकर नां करो। डाकटर साहिब दे मन विच लंमे गुस्से नहीं हुंदे। उनहां दा गुस्सा पल दी पल औह मींह दे छराटे वांग ही हुंदा है, हुण वरहिआ ते फेर सुक्क पुका…’’
बाहर मींह ठल्ल्ह गिआ सी ते लोक डिउढी ‘चों हौली हौली बाहर निकलण लग्गे।
असीं वी फलैटीज़ होटल जाण लई सड़क ‘ते निकल आए।