उह डर के उभड़वाहे उठ के इकदम मंजे 'ते बैठ गिआ। पूरे ज़ोर नाल हो रहे दरद करके सिर फटण नूं आ रिहा सी। अख्खां विचों सेक इंज निकल रिहा सी जिवें पुतलीआं विचों लाटां निकल रहीआं होण। तोट दे मारे शराबी वांग सरीर भंनिआ पिआ सी। हुणे आइआ भिआनक सुपना अते कल्ल्ह शामीं वापरी दुरघटना ज़िहन विच रलगड्ड होए, मैदान-ए-जंग विच चल्लदीआं तलवारां वांग उस दे अंदर नूं कट्ट वढ्ढ रहे सन।
उस नें इस सभ कासे तों धिआन पासे करन लई बलदीआं अख्खां नूं घुट्ट के मीचिआ अते सिर नूं झटकिआ। साहमणे चुबारे उहलिओं हौली हौली उपर उठ रहे सूरज दा सेक चहड़दे दिन नाल ही पूरे जलौअ विच सी। झरने विचों वेखिआ, हेठां विहड़े विच उस दी पतनी सवेर दे निक्के मोटे कंम कर रही सी। जद वी उह हफ़ते दे किसे सनिच्चरवार छुट्टी आउंदा सी तां उस दी पतनी ऐतवार दी सवेर उस नूं अते बच्चिआं नूं सुत्तिआं नूं नहीं सी उठाउंदी। उस दी इछ्छा हुंदी सी कि एने दिनां पिछों थक्किआ आइआ उह आपणी नींद पूरी कर लवे। बच्चे वी उठ के रौला पा के उस नूं जगा नां देण, इस लई उह दोहां बच्चिआं नूं वी नहीं सी जगाउंदी। उस नें वेखिआ, उस दे खब्बे हत्थ वड्डे मंजे 'ते दोवें बच्चे लेटे होए सन। छे कु साल दी बच्ची नें तिंन कु साल दे आपणे छोटे वीर दे गल दुआले बांह इंज वली होई सी जिवें सुत्ते पए दी वी रख्खिआ कर रही होवे। छोटे बच्चे दी इक बांह मंजे दी हीअ तों हेठां उलरी होई सी। ते बड़े मासूम अंदाज़ विच उस दे हत्थ दा पंजा खुल्ल्हा होइआ सी। उस दीआं अख्खां अध्ध-खुल्ल्हीआं होण कर के उह सुत्ता होइआ वी जागदा लग्गदा सी।
पाकिसतान नां जाण कर के इध्धर रहि गिआ फज्जा मरासी अकसर कहिंदा हुंदा सी कि 'संधूआं' दीआं सुत्तिआं दीआं वी अख्खां खुल्ल्हीआं रहिंदीआं हन। उह दस्सदा, इक वार कोई दुशमण किसे सूरमे संधू नूं सुत्ता पिआ वेख के कतल करन आइआ तां सुत्ते पए दीआं अध्ध-खुल्ल्हीआं अख्खां देख के ही उस दा हौसला रेत हो गिआ ते उह डरदा, कंबदा वापस दौड़ गिआ सी। ते इंज फज्जा, "संधू पातशाह! सरदारीआं बणीआं रहिण, दीदार सुंह राजे दा पुत्तर चंदा सुंह राजे दा पोतरा", कहिंदा कुझ मंगण दे आपणे उदेश दे रू-ब-रू आ खलोंदा। फज्जे दीआं गल्लां सुण के उह अग्गिउं हस्स पैंदा, "असीं तां निरे संधू ई आं। ते पातशाह सगों सच्चा पातशाह तां तूं एं जिहड़ा दूजिआं नूं इंज पातशाहीआं बखशदा फिरदैं।" ते हुण जदों उस नें निक्के 'संधू पातशाह' दीआं खुल्ल्हीआं अख्खां वल्ल इक वार फेर वेखिआ तां उस दा कहिण नूं जीअ कर आइआ, "हुण कौण सुत्तिआं दीआं अध्ध-खुल्ल्हीआं अख्खां तों डरदा है। हुण तां जागदिआं दीआं पूरीआं खुल्ल्हीआं अख्खां तों वी कोई नहीं डरदा। जे कोई इंज डरदा हुंदा तां कल्ल्ह वाली घटना किउं वापरदी?" कलपना विच ही उह सारा द्रिश उस दीआं अख्खां अग्गिउं गुज़र गिआ। उह शरम ते गुस्से नाल पाणी पाणी हो गिआ। सेक छड्डदीआं अख्खां नूं इक वार फेर घुट्ट के मीचिआ ते हुणे आए सुपने दे प्रतीकातमक अरथ ढूंडण लग्गा।
उह बहुत सारे जाणे-पछाणे चिहरिआ दी भीड़ विच खलोता सी। बिलकुल उस दे आपणे लोक उस नूं चाहुण वाले, पिआरन वाले, पर अचानक उनहां दे सिर 'ते सिंग उग आए ते उनहां दे दंद भिआनक रूप विच तंगलीआं दीआं सुतां वांग उभर आए। चीकां दा कंन पाड़वां शोर उचा होइआ। उह सारे लोक भिआनक हासा हस्सदे उस दे सिर 'ते पिआर नाल हत्थ फेरन लई घेरा बणा के उस वल्ल वधदे आ रहे सन। उस नें घबरा के वेखिआ, उनहां सभनां दे मूंहां विचों अग्ग दीआं लाटां निकल रहीआं हन। लुहार दी भठ्ठी विच भखदे फाले वांग तिख्खे दंद ते मूंह विचों निकलदीआं लाटां उस दे नेड़े होर नेड़े हुंदीआं जा रहीआं हन। होर पल नूं उह उस नूं लूह देणगे। उह अंदरों पूरी तरहां घबराइआ ते डरिआ होइआ सी। मौत उस नूं हुणे लूह के लै जावेगी, पर उस दे दिल दी किसे अंदरली नुक्कर विच अजे वी हौसला सी। उस नें चुप्प कीते मर जाण नालों बहादरां वांग मरना चाहिआ। जिवें भरे मुज़ाहरिआं विच उह बांह उची कर के नाअरे लाइआ करदा सी, उस नें आपणी बांह उची कीती, जोश नाल मुठ्ठी नूं हवा विच लहिराइआ ते पूरे ज़ोर नाल उनहां विरुध्ध चीकिआ। उस दी चीक उस दे संघ विच ही खुशक हो गई, पर उस दी तणी होई बांह ते घुट्टी होई मुठ्ठी पूरी सिदक-दिली नाल हवा विच लहिरा रहीआं सन।
ते उस वेखिआ, उह बलदे चिहरिआं वाले, लंमे दंदां वाले लोक उथे दे उथे खलोते खलोते रुख्ख बण गए। उस दा हौसला वधिआ ते इक वार फेर उस नें बांह उची कर के ज़ोर दा नाअरा लाइआ, तां की वेखदा है, उहो ही जाणे-पछाणे, उस नूं पिआरन वाले लोकां दी भीड़ विच जलूस दी शकल विच उस दी सहाइता लई नाअरे मारदी आ रही सी। उनहां नें आ के उस नूं जेतू नाइक वांग बाहवां 'ते चुक्क लिआ ते नाअरे मारदे लै तुरे।
उह सुपने दी दुनीआं विचों निकल के सच्च दी दुनीआं विच आइआ। उस पक्का इरादा कर लिआ कि उह चुप्प कर के नहीं बैठेगा। हुणे ही सरपंच वल्ल जावेगा। पहड़िआ लिखिआ मुंडा सी सरपंच, ते उस दे खून नें अजे बोअ वी नहीं सी मारी। उंज वी उस दे आखे लग्गदा सी। उस दा आदर-माण करदा सी। उस सोचिआ कि उह उस नूं साफ़ कहेगा कि जे शरेआम चिट्टे दिन इहो जिहीआं कालीआं करतूतां होणीआं हन ते अग्गिउं किसे नें कुसकणा तक नहीं, तां उस दे सरपंच बणन दा की फाइदा? जे इंज ही जाबर लोक सभ दे वेखदिआं वेखदिआं पिंड दे मूंह 'ते कालख पोत जाण तां वड्डे वड्डे चिट्टे पग्गड़ बंनह के पिंड दे चौधरी परहिआ विच किहड़ा मूंह लै के बैठदे सन। उह तां इह वी कहि दएगा कि जे सरपंच नें जां किसे होर नें कुझ नां कीता तां उह इकल्ला ही मज़लूम धिर दी मदद 'ते खलोवेगा। की होइआ, जे उह सरगरम सिआसत छड्ड गिआ सी। उह तां उखड़-पैड़ी, किसे तण पत्तण नां लाउण वाली सिआसत दा दोश सी, नहीं तां उस दा मन तां नहीं सी मर गिआ उस दीआं अख्खां तां नहीं सन अंनहीआं हो गईआं। अजे तां उस दीआं अख्खां विच जोत सी। रातीं जदों आखरी बस्स तों उतर के उस नें चंन चानणी विच शांत सुत्ते आपणे पिंड नूं वेखिआ सी तां उह सदा वांग पिंड वासते सुखावें ते मोह भरे अहिसास नाल भिज्ज गिआ सी। मुगल काल तों लै के अंगरेज़ी राज तक्क लड़ी गई हर ज़ुलम विरोधी लड़ाई विच उस दा पिंड पेश पेश रिहा सी। इस पिंड नें कई महान शहीद पैदा कीते सन। पिंड दे महान इतिहास उते उस नूं अंतां दा माण सी। लोकां दे सांझे हित्त लई लड़ीआं गईआं लड़ाईआं विच इस पिंड दा उचेचा योगदान सी।
उह खुश सी कि चंगे सांझे कंमां लई रल के चल्लण दी रवाइत उस दे पिंड नें भुलाई नहीं सी। इस मंगलवार नूं अंबू ब्राहमण दी जवान कुड़ी दा विआह सारा पिंड रल के कर रिहा सी, किउंकि अंबू विचारा बिनां कोई जाइदाद छड्डिआं, कुझ महीने होए इक मेले तों साईकल पिछ्छे पेटी बंनही, बरफ़ दे गोले वेच के मुड़दिआं, किसे टरक्क हेठां आ गिआ सी। कुड़ी दा विआह मिथिआ होइआ सी। मुंडे वाले साक छड्डण नूं फिरदे सन। पिंड दे सिआणे मिल बैठे ते अंबू दी धी नूं उनहां पिंड दी धी मंन के उस दे विआह दा ज़िंमा आपणे सिर लैंदिआं मुंडे वालिआं नूं मना लिआ सी। अंबू उस दा निक्के हुंदिआं जमाती सी। इस लई उस सोचिआ कि सांझी उगराही देण तों बिनां इस सांझे समागम विच उस दा शामल होणा वी लाज़मी सी। इसे लई उहने तिंन छुट्टीआं लै लईआं सन ते आउंदा होइआ शहिर उतर के उह अंबू दी कुड़ी लई दो सूट ते विआह वाले दिन उस दे सिर 'ते लैण लई सूहा सालू वी लै आइआ सी। सारे राह उह बस्स विच बैठा अंबू नाल बचपन विच बिताईआं घड़ीआं याद करदा रिहा सी। उह इकठ्ठे इको तप्पड़ 'ते लागे लागे बैठदे रहे सन। उह अंबू दे रगड़ के मुंने सिर उतली बोदी नूं हिला के उस नूं छेड़िआ करदा, "बाहमणा! तेरी बोदी नूं तारा साहमणा।"
अंबू बोदी छुडाउंदिआं झट्ट बुहड़क पैंदा: "जट्ट घड़े दा मट्ट, घड़े नूं हो'गी मोरी। जट्टा! फेर करेंगा चोरी?"
इनहां मिठ्ठीआं झड़पां दे बावजूद उह चंगे यार रहे सन। अंबू अकसर उस दी फट्टी पोच दिंदा ते उमरों वड्डा ते तकड़ा होण कर के दूजे मुंडिआं नाल लड़ाई विच उस दी मदद करदा। ते उह सदा अंबू दी कापी ते सवाल हल्ल कर के दिंदा। कुझ साल इकठ्ठे रहे ते फिर अंबू नें पहड़ाई विचे छड्ड दित्ती। घरदिआं छोटी उमरे ही उस दा विआह कर दित्ता। फिर वहुटी, बच्चे अते घर दा चक्कर।
अड्डे तों पिंड वल्ल तुरदिआं विचकारों उची थां 'ते वस्सिआ ते दोहां पासिआं तों नीवां उस दा पिंड उस नूं उची थां 'ते खंभ खिलार के बैठे कबूतर वांग लग्गा। उस दा जीअ कीता, उह सारे दे सारे पिंड नूं इको वार कलावे विच लै के हिक्क नाल घुट्ट लवे ते चुंम लवे। हुण दूर नौकरी करदा होण कर के पिंड नालों विछड़न दा दरेग वी हो सकदा सी, पर जदों पारटी विच कंम करदे समें वख्ख वख्ख पिंडां विच नवें 'कांटैकट' सथापत करन जां नौजवान सभावां दीआं इकत्तरतावां नूं संबोधन करन जां किसे साहितक समागम 'ते जांदा, तां किसे दे पुछ्छण 'ते आपणे पिंड बारे दस्सदिआं मज़ा आउंदा सी। हिक्क माण नाल फुल्ल जांदी सी। ते उह अकसर आपणे इलाके ते आम कर के आपणे पिंड दे इतहासक गौरव बारे बोलण लग्ग पैंदा। इस गौरव नूं आउण वालीआं नसलां दे दिलां विच सदा ताज़ा रख्खण लई उह चाहुंदा सी कि पिंड विच शहीदां दी योग यादगार उसारी जावे। इह गल्ल उह पिंड दे पतवंते लोकां अग्गे कई वार रख्ख चुक्का सी। ज़बानी-कलामी तां सभ सहिमत हुंदे पर अमल विच कुझ करन लई कोई अग्गे नां आउंदा। एने बहादर ते शहीद पैदा करन वाला पिंड बदकिसमती नाल कोई मंतरी वगैरा पैदा नहीं सी कर सकिआ। नहीं तां सरकारे-दरबारे ही उनहां दी कुझ सुणी जांदी। उस नें बदेश गए आपणे पिंड दे कुझ बंदिआं ते आपणे मित्तरां तों कुझ रुपए इस मकसद लई चिठ्ठीआं लिख के मंगवाए सन। नवां सरपंच उस दे कहिण 'ते ही पिंड वड़दिआं ही सड़क दे बिलकुल नाल लगदी पंचाइती ज़मीन विचों कुझ ज़मीन यादगार बणाउण लई देणा मंन गिआ सी। चंन-चानणी विच उह अठ्ठ मरले थां सड़क दे नाल ही राखवीं रख्खी होई ते तिंन तिंन फुट्ट उची कंध नाल घिरी होई वेख के उस नूं आपणी कारवाई 'ते माण जिहा होइआ। योजना अनुसार हुण मुख्ख दरवाज़े दा फाटक लवा के जगहा दे ऐन विचकार थंम खहड़ा कर के उस 'ते शहीदां दे नां सिल्ल उते लिखवा के ला दित्ते जाणे सन ते इंज इह माणयोग यादगार संपूरन हो जाणी सी।
पिंड वड़दा उह सोच रिहा सी कि इनहां तिंन छुट्टीआं विच अंबू दी कुड़ी दे विआह विच शामल होण तों बिनां सरपंच नाल मिल के उह शहीदी थंम खहड़ा करन ते वड्डी सिल उते शहीदां दे नां लिखवाउण दी योजना नूं वी ज़रूर सिरे चाहड़ेगा।
उस नूं उठिआ वेख पतनी मुसकराउंदी होई कोठे 'ते आई, ते थल्ले जा के बुरश कर के चाह पाणी लई कहिंदी हदाइत देण लग्गी, "जी फिर नहा धो के तिआर हो के सरपंच वल्ल जावो ते होर वी मुअतबर बंदिआं नूं मिलो। जे इंज ई गुंडागरदी होण लग्गी तां किसे दी वी धी भैण दी इज़त सेफ नहीं। कलजुग एसे दा नां ई आ जी होर कलजुग की हुंदा?" उह गल्लां वी करी जा रही सी, ते हलूण के बच्चिआं नूं वी जगा रही सी। निक्के नूं कूलीआं तलीआं नाल अख्खां मलदे नूं उस नें कुछ्छड़ चुक्क के हिक्क नाल घुट्टदिआं चुंम लिआ, "पुत्त तूं चज्ज दा निकलीं मापिआं दी इज़्ज़त नूं चार चंद लावीं।"
"की गल्ल, मैं चज्ज दा नहीं?" उह मुसकराइआ। उह पूरे दंद खोल्ह के मिठ्ठा जिहा हस्सी, "तुसीं तां चंद ओ चंद।" ते फिर गंभीर हुंदिआं बोली, "पर इस मसले मगर ज़रूर तकड़े हो के पवो। जे जा के इक-दो छुट्टीआ वी लै के आउणीआं पैण तां कोई हरज़ नहीं।" उह बच्चे नूं गोद विच लै के उस दे कोल ही मंजे उते बैठ गई। उस नें रातीं उस कोल पहिलां ही तिंन छुट्टीआं लै के आए होण दा ज़िकर नहीं सी कीता। हुण वी पता नहीं किउं उह छुट्टीआं बारे चुप्प ही रिहा, सगों उस नूं उलटा सवाल कीता, "मैं तां रात दा सोचदा, आपां नूं की किसे दे मामले विच लत्त अड़ाउण दी लोड़ है। नां आपणा कोई मतलब, नां कोई वासता!" "बल्ले जी! बल्ले!!" उह विचों ही टुणक के बोली, "अग्गे तां भला सरदार साहिब नें किसे दे मामले विच लत्त अड़ाई है भला! जदों मैं रोकदी हुंदी सी तां मैनूं हनूंमान वाला लतीफ़ा सुणाइआ करदे सन; अखे: पंडत नें रमाइण दी कथा करदिआं साहमणे बैठी संगत नूं पुछ्छिआ, "हनूंमान कौण सी?" तां पिछे खड़ोता इक जट्ट आखण लग्गा, "हनूंमान जट्ट सी।" पंडत नें हैरान होए नें पुछ्छिआ, "जट्ट किवें?" जट्ट कहिण लग्गा, "जी ज़नानी किसे दी, कढ्ढ के कोई होर लै गिआ, उह विच ऐवें आपणी पूछ नूं अग्ग लवाई फिरदा सी, जट्ट नहीं तां होर की सी।" बस्स उदों तां आखणा, आपां तां जट्ट हनूंमान आं। जिथे किते बेइनसाफी होवे, आपणे तों लत्त गड्डिआं तों बिनां रिहा नहीं जांदा।" ते उह उस नूं बाहों फड़ के हलूणदिआं मुसकराई, "उठो! उठो! नहा-धो के तिआर होवो छेती।"
"चंगा हनूंमान जी।" उह हस्सदिआं उठिआ ते बिसतरा वल्हेट के हेठां उतर आइआ।
कल्ल्ह वाली सारी घटना पतनी नें आपणीआं अख्खां नाल वेखी सी। इस लई उस दे मन 'ते होर वी डूंघा असर सी। बच्चिआं नूं तिआर करदी उह कहि रही सी, "ऐदां नहीं सी कदी वेखण सुणन 'च आइआ। मैं कहिंदी आं अजीब है तुहाडा पिंड वी इहो जिहा पिंड नहीं कदी वेखिआ। लोक कोठिआं 'ते खलोते तमाशा वेखदे रहे पर किसे विच हिंमत नां होई कि उस गरीब बेदोशी ज़नानी नूं छुडा ही दईए!"
उस नूं लग्गा, उह उस दे पिंड नूं मिहणा मार रही सी। उस दा जीअ कीता, पतनी नूं समझावे कि जिथे वी किते जानदार लोकां दी जानदार जथेबंदी नहीं, उथे सभनीं थाईं ही इस तरहां हो रिहा सी। गल्ल इक पिंड दी नहीं, सारे पिंडां दी सी। लोक आपो-आपणीआं बुक्कलां विच मूंह ताण के सुत्ते होए सन। भ्रिशट सिआसत दा शेर सभ दे सिर 'ते दहाड़ रिहा सी ते लोक शुतरमुरग वांग रेत विच सिर दे के, अख्खां लुकाई मौत तों बचण दे यतन दी खुशफ़हिमी विच सन। अजिहे वातावरण विच बिल्ली वांग शहि ला के बैठी विगड़ी विवसथा साहमणे हर बंदा कबूतर वांग अख्खां मीची आपणे आप नूं सुरख्खिअत समझ रिहा सी।
पतनी गंभीर हो गई। उस दा चिहरा उदास ते धुआंखिआ गिआ। उह हमदरदी दी मूरती बणी बैठी सी। आपणे पहिले बिआन विच थोहड़ी जिही सोध करदिआं बोली, "नहीं मेरा मतलब इह तां नहीं। सभ थाईं इंज ई बेड़ा गरकण ते आइआ, पर एथे कुझ ज़िआदा ई इहो जिहीआं गल्लां हुंदीआं रहिंदीआं नें। अजे पिछले दिनीं वेखो। बाहर गईआं ज़नानीआं 'चों रात इक दी कंन दी वाली कोई लाह के भज्ज गिआ सी।"
"फिर इह पिंड छड्ड किउं नहीं दिंदी। चल्ल उथे मेरे नाल ही चल्ल।" उस नें हस्स के आखिआ तां उह इकदम बोल उठी, "नां नां मैं तां नहीं छड्ड के जांदी आपणे घर नूं, मैं आपणे हत्थीं बणाइऐ।" ते उस नें पेट कट्ट के, भुख्खिआं रहि के बणाए आपणे मकान वल्ल वेखदिआं माण विच फुल्लवां साह लिआ ते फिर उदास हो गई।
रातीं जदों उह घर पहुंचिआ सी तां पतनी बाहर विहड़े विच मंजे उते बच्चिआं समेत बैठी सी। जिस दिन उस नें आउणा हुंदा, बच्चे उस नूं मिलण लई ते 'चीजी' खाण लई उडीक रहे हुंदे। उह ओना चिर सौंदे नां। अंदर वड़दे दीआं लत्तां नाल निक्का भज्ज के चंबड़ गिआ। वड्डी बच्ची नें उस दे हत्थां विचों फलां वाला लिफ़ाफ़ा झपट मार के खोह लिआ।
बच्चे फल खा के उस दुआले होए उस नाल लाड पिआर कर रहे सन। पतनी रोटी गरम कर के लै आई ते उस कोल बैठ गई।
"हूंअ सुणाओ कोई गल्ल बात फिर?" उस नें मुसकराउंदिआं पतनी नूं पुछ्छिआ, किउंकि उस दे आउंदिआं ही उह पिछले सभ दिनां दीआं आपणे अंदर डक्कीआं गल्लां, बिनां कोई पूरन विराम लाइआं करदी जांदी ते उह मुसकराउंदा उहदा निक्के तों निक्का वेरवा सुणदा जांदा।
"सुणाउणा की आ मिठ्ठिओ। अज्ज तां हद्द ही हो'गी। मैं तां आहनीं आं सत्तिआनास ही हो गिआ दुनीआं दा।" उह बड़ी गंभीर ते घबराई होई सी। उह हैरान होइआ, बुरकी संघों हेठां कर के, उहदे मूंह वल्ल वेखण लग्गा।
कसबा-नुमा पिंड दे सभ तों वध्ध रौणक वाले चौक विचों, जिथे पिंड दीआं वड्डीआं वड्डीआं दुकानां सन ते जिनहां दुकानां 'ते सौदा लैण आए लोकां दी गहि-गच्च भीड़ सी, सौदा लैण आई 'पालेमारां' दी प्रीतम कौर नूं छिब्बूआं दे जीतू हुरां नें आ घेरिआ सी ते सभ दे विंहदिआं चांगरां मारदे, गाल्हां कढ्ढदे, लिशकदे हथिआर हत्थ विच फड़ी पंज सत्त बंदे उस नूं शर्रे बज़ार नंगा करन 'ते तुले होए सन। जीतू नें दुनाली असमान नूं सेध के फाइर कीता ते बघिआड़ वांगूं दहाड़िआ, "जिहड़े मां दे पुत्त नूं जान नहीं पिआरी, उहो अग्गे आइओ इहनूं असीं नंगिआ कर के फेरना जे।"
उस नें बाज़ार विच ते हट्टीआं 'ते खहड़े डौर भौर होए लोकां नूं वंगारिआ ते फिर हत्थ जोड़दी, वासते पाउंदी, "वे पुत्ता! मैनूं बशक लो मैं तुहाडी मांवां वरगी वे।" प्रीतम कौर दी चिट्टी चुंनी लाह के उस नें वगदी गंदी नाली विच सुट्ट दित्ती ते उस दे जुड़े हत्थां 'ते बंदूक दा बट्ट मार के वड्डी सारी भद्दी गाल्ह कढ्ढी।
उस दी पतनी सुणा रही सी ते सुणदिआं सुणदिआं उस दे लूं कंडे खहड़े हो रहे सन।
"पर उनहां इंज कीता किउं? आखर इहदे पिछ्छे वी तां कोई गल्ल होऊ?"
"नां-हक्क जी, गल्ल उस विचारी नाल काहदी होणी ऐं। कहिंदे नें, प्रीतम कौर दे मुंडे नें उनहां दी कुड़ी नूं खेत गिआं मज़ाक कीता।"
"कसूर मुंडे दा ते बदला उस दी मां तों लैणा, ते उह वी इस तरीके नाल?" उह शरम ते गुस्से नाल नहुं टुक्क रिहा सी।
"किसे नें अग्गे हो के छुडाइआ नां?" उस दे अंदरों बलदा होइआ प्रशन निकलिआ।
"मैं मर जां! मैं रोंदी होर किहड़ी गल्ल नूं आं।" ते उह दस्सदी रही।
सारे लोक तमाशाई बण के वेख रहे सन। ज़नानीआं ते बंदे कोठे 'ते चहड़े होए सन, जिवें कोई जलूस निकलदा वेखण लई खहड़े होण।
प्रीतम कौर बहुड़ीआं पाउंदी रही, तरले पाउंदी रही, हत्थ जोड़दी रही।
"वे पुत्तो! मैनूं एतरां बिज़त करन नालों मैनूं गोली मार दो।"
इक नें उस दी गिच्ची विच पूरे ज़ोर नाल धौल मारी ते उह मूंह परने धरती 'ते डिग्ग पई। दूजे नें अग्गे वध के डिग्गी पई दे कुरते नूं हत्थ पाइआ ते इक हुजके नाल कुरते नूं दोफाड़ कर के उस नूं खिच्च के दूर वगाह मारिआ: उह आपणीआं दोहां छातीआं 'ते आपणे हत्थ घुट्ट के तण के बैठ गई।
"तांह उठ! कुत्ती रंन नां होवे तां पाखंड करदी ऐ, इथे दीवान सुणन बैठी एं।"
इक नें उस दे वालां नूं हत्थ पा के उस नूं धूह के खहड़ा कर लिआ ते धूंहदे होए डांगां दीआं हुझ्झां ते बंदूक दे बट्ट मारदे पिछवाड़े दी गली विचों लै तुरे।
प्रीतम कौर भिख्ख-मंगदीआं अख्खां नाल आसे-पासे ते कोठिआं उते खलोते बंदिआं ते ज़नानीआं दे वासते पा रही सी: "वे लोको! मैं तुहाडी भैण वे। मैं तुहाडी मां वे, बहुड़ी मैनूं इनहां राकशां तों बचाओ वे। मेरे सिर 'ते इट्ट मार के ई मैनूं मार दो हाए वे।" उह विलक रही सी।
कोठिआं 'ते चहड़ीआं ज़नानीआं जीतू हुरां नूं उची उची लाहनतां पा रहीआं सन,
"तुहाडा बेड़ा गरक हो'जे। तुहाडा कख्ख नां रहे ज़ालमों।"
पतनी दस्सदी जा रही सी, ते उह लोकां विचों असलों ही मर गई मनुख्खता दा अनुमान ला रिहा सी।
"जी मेरे अंदर तां ऐनी अग्ग बलदी पई सी कि जीअ करे, ज़नानीआं नूं हल्लाशेरी दे के उनहां दे गल पै जीए। ज़नानीआं नूं मार थोहड़ा देण लग्गे सन उह?"
उनहां दी बच्ची अजे जागदी पई सी। उस नें वी सारी घटना आपणीआं अख्खां नाल मां दे नाल कोठे 'ते चहड़ के वेखी सी। उह सहिमीआं नज़रां नाल आपणी मां नूं पिता नाल गल्लां करदिआं वेख रही सी।
"डैडी! उनहां नें उहनूं सारा ही नंगा कीता। किछे वी नां छडाइआ।"
बच्ची दी गल्ल सुणदिआं ही उहने उस नूं गल नाल घुट्ट लिआ। उह शरम नाल गरक हो गिआ। उस दीआं अख्खां विच पाणी सिंम आइआ।
गली दे मोड़ 'ते जा के उह जदों उहदी सलवार लाहुण लग्गे तां करतारा कामरेड अग्गे वधिआ, "अकल करो ओ कुझ अकल! होर कुझ नहीं तां रब्ब तां विंहदा तुहानूं।"
उस नूं अग्गे वधिआ आउंदा देख जीतू नें असमान नूं सेध के फाइर कीता, जिवें रब्ब दे ढिड्ड विच गोली मारी होवे, ते उस नूं मार के निसचिंत हो के ललकारिआ, "अग्गे नां वधीं कामरेडा! अग्गे तेरी खब्बी बांह टुट्टी आ, हुण सज्जी तुड़ा बहेंगा।" ते उस नें गल्हत्था मार के उस नूं गली दे इक पासे वगाह मारिआ।
पतनी दस्स रही सी कि गलीआं विच ते कोठिआं उते 'कठ्ठी होई भीड़ दे साहमणे उह उस औरत नूं अलफ़-नंगिआ कर के लै गए ते गलीआं विच फेरदे रहे।
साहो-साह होई पतनी दीआं गल्लां सुण के उहदा अंदर दरद नाल पछ्छिआ गिआ सी।
"मैं आहनां! लोक असलों ही मर गए। की उनहां कोल सारे पिंड दे लोकां नालों ज़िआदा हथिआर सन? रल के इक वार टुट्ट के उनहां दे गल पै जांदे।" उह अध्धा पतनी नाल ते अध्धा आपणे आप नाल गल्लां कर रिहा सी। उह जिवें आपणे अंदर डुब्ब गिआ।
"मैं तां शामीं गल्लां करदिआं तारे दी वहुटी नूं आखदी सां तुहाडा नां लै के कि जे उह हुंदे तां उनहां तां नहीं सी इस तरहां होण देणा कदी वी, भावें कुझ हुंदा। उह तां लोकां नूं वंगार के, जा कुद्ददे मौत दे मूंह विच पर उहनूं नंगिआं नहीं सन होण दिंदे।"
पतनी दी गल्ल सुण के उहनूं उस 'ते डाढा पिआर आइआ। उस नूं पती 'ते किंना माण सी। उह वी माण नाल भर गिआ। उस दे आपणे जीवन दा निक्का जिहा इतिहास उस दीआं नज़रां अग्गिउं गुज़र गिआ, जदों उह पिंड अते इलाके विच हर बेइनसाफी विरुध्ध जूझण लई तिआर खहड़ा हुंदा सी।
पिंड पिंड बणीआं नौजवान सभावां शकतीशाली जथेबंदी दे रूप विच उभर रहीआं सन ते जिथे किते बेइनसाफी हुंदी, रल के टक्कर लैण लई तिआर हुंदीआं सन।
"जे किते उह दिन हुंदे, तां इनहां नूं इक वार तां गिआन करा दिंदे।" उस नूं हसरत सी कि फुट्ट दी सिआसत अते कुसेध नें जथेबंदी दा ढांचा तोड़ दित्ता सी।
"लै हुण तुसीं की नहीं कर सकदे?" पतनी नूं अजे वी उस दी ताकत 'ते विशवास सी।
"सवेरे सरपंच नूं मिलो, लोकां नूं इकठ्ठिआं कर के इस ज़ुलम विरुध्ध लामबंद करो।"
उह पतनी नाल सहिमत हुंदा होइआ वी हैरानी नाल उस दे मूंह वल्ल वेख रिहा सी। इह उहो औरत सी, जिहड़ी सदा उस नूं अजिहे कंमां तों वरजदी हुंदी सी, "तुसीं सारी दुनीआं ठीक करन दा ठेका लिआ होइऐ, आपणी ज़िंदगी सुख नाल गुज़ारो।" ते हुण जदों उह चंगी नौकरी 'ते लग्ग गिआ सी ते सुख दी ज़िंदगी गुज़ार रिहा सी तां उह उस नूं ज़ुलम विरुध्ध लड़न लई वंगार रही सी।
गई रात तक्क उस नूं नींद नां आई। सारी घटना नशतर बण के उस दीआं अख्खां विच रड़क रही सी। कलपना विच ही नंगी औरत उस दीआं अख्खां अग्गे तुरी जा रही सी ते टुट्टे हत्थां ते टुक्कीआं जीभां वाले लोक आसे-पासे खहड़े चुप्प-चाप वेख रहे सन ते उस दे कंनां विच आवाज़ गूंज रही सी, "वे लोको! मैं तुहाडी भैण जे मैं तुहाडी मां जे बहुड़ी मैनूं बचाओ, इनहां राकशां तों।"
ते उस तहई्ईआ कर लिआ सी कि इस मामले विच, जिंनी वी वध्ध तों वध्ध हो सके, मज़लूम धिर दी मदद करनी है। उस सोचिआ कि समुच्चे पिंड दा इकठ्ठ कर के उनहां ज़ालमां विरुध्ध समूहक कारवाई कीती जावे, उनहां नूं सज़ा दिवाई जावे। कई दलीलां उस दे मन विच आउंदीआं ते तुर जांदीआं। इस उधेड़-बुण विच किते तड़के जिहे किते उस दी अख्ख लग्गी। सुत्तिआं पिआं वी भिआनक ते डराउणे सुपने उस दीआं अख्खां विच रड़कदे रहे।
पतनी दे कहिण 'ते उह नहा-धो के तिआर होइआ ते सोचिआ कि रोटी खाण तों पहिलां इक वार सरपंच नूं मिल आवे ते उस नाल इह मामला सारे पहिलूआं तों विचार आवे।
घरों बाहर निकलिआ ही सी कि बाज़ार विच बिहारी थत्थे दी हट्टी 'ते लोक जुड़े होए सन ते कल्ल्ह वाली घटना नूं ही चित्थ रहे सन। कोई कुझ कहि रिहा सी ते कोई कुझ। उह वी भीड़ दे इक पासे खलो गिआ। उस नूं वेख के डाकटर 'हैं जी' बोल पिआ,
"ज़ुलम होइआ घोर ज़ुलम हैं जी, धब्बा लग्ग गिआ पिंड दे मत्थे 'ते हैं जी। लोक गल्लां करनगे, फलाणे पिंड नें आह करतूत कीती आ, हैं जी।" ते आपणे आदरशक नज़रीए नूं थोहड़ा होर वधा गिआ, "मैं तां इह आखूंगा जी कि सारा पिंड नंगा हो गिआ सारी भारत मां नंगी हो गई। हैं जी।"
घारू अमली नसवार दी डब्बी टुणकाउंदा नक्क विच चूंढी लै रिहा सी। उधरों विहला हुंदिआं ई बोल पिआ, "हैं जी साअहब भारत माता दे जेठे पुत्तर जी साअहब, तेरी दुकान छेआं करमां 'ते सी, ओदों तां दुकान दे थहड़े 'ते खलोता दंदां विचों करेड़ा कढ्ढी जांदा सी।"
सारी भीड़ हस्स पई। छित्था होइआ डाकटर उस वल्ल इशारा करदिआं बोलिआ, "असीं तां जी वेखो! बुढ्ढे बंदे आं। हैं जी, इह तां जी, इनहां वरगे नौजवानां दा कंम ऐ, लड़ना-भिड़ना। हैं जी।"
घारू दा नशा खिड़िआ होइआ सी। विचों बुहड़क पिआ, "हाहो हाहो! इहनूं दिओ सू बलदी दे बुत्थे। इहनूं नां टुक्क खाण दिओ सुख नाल। इहने बोंडी बंदिआं लई फाटां भंनाउण दा ठेका लिआ। इहनूं तहाडी पिंड वालिआं दी करतूत दा पता नहीं नां! इहनूं बचन सुंह वाली गल्ल भुल्ल गई होणी आं।"
घारू दी गल्ल तां सच्ची सी। शराबी होए ठाणेदार नें बाबे बचन सुंह दी दाहड़ी इस कर के पुट्ट सुट्टी सी कि उस नें साहमणिओं तुरे आउंदे थाणेदार नूं दोवें हत्थ जोड़ के फतिह किउं नहीं सी बुलाई, ते बचन सिंघ गरीब किसान दी मदद लई सारे पिंड विचों कोई पतवंता बंदा नहीं सी उठिआ, सगों जे उस नें बाबे दी मदद ते थाणेदार दे विरुध्ध कारवाई करन लई लोकां नूं प्रेरिआ वी, तां उह उस मार-कुट्ट नूं थाणेदार दा जनम सिध्ध अधिकार समझदे होए सगों उस नूं समझौती दे रहे सन, "अफ़सर दे झिड़के दा, ते मींह दे तिलके दा, गुस्सा नहीं करना चाहीदा।" इह तां उहो ही सी जिस नें इलाके दीआं सभावां इकठ्ठीआं कर के पिंड विचों 'माड़े' समझे जांदे बंदिआं नूं नाल लै के, मुज़ाहरे कर के ते वडे अफसरां नूं मिल के तफतीश करवा के थाणेदार नूं लाईन हाज़र करवाइआ सी, नहीं तां तफतीश समें पिंड दे 'पतवंते' तां थाणेदार दे हक्क विच ही भुगते सन ते कहिंदे सन, "जी इनहां नाल दा आहला अफसर तां कदी आइआ नहीं अज्ज तक्क। असीं तां कदी सुणिआ नहीं कि इनहां शराब पीती होवे।"
"ताऊ बचन सुंह वाली गल्ल मैनूं भुल्ली तां नहीं?" उह घारू नूं संबोधन होइआ, "पर इह गल्ल तां माड़ी होई ऐ।"
"माड़ी जी, बिलकुल माड़ी। इंज नहीं सी होणा चाहीदा।" सारे सहिमत सन।
"इंज नहीं सी होणा चाहीदा, तां अग्गे हो के छुडाउणा सी फेर? ओदों किउं सभ नूं सप्प सुंघ गिआ?" उस दे हरखे बोल सुण के सारे उस वल्ल वेखण लग्गे।
अचानक बिहारी थत्थे नें चुप्प नूं तोड़िआ, "ब..ब..बगानी म..म..म..मौते कौण म..म..मरदा जी?"
रोडा धूश जिहड़ा हुण तक्क चुप्प कर के सुण रिहा सी, आपणी मघ्घ वरगी उची आवाज़ विच बोलिआ, "ओ छड्डो खहिड़ा! जाओ! आपो आवदे घर नूं तुसीं आपस विच नां लड़ पिओ। उनहां उनहां दी कुड़ी छेड़ी, उनहां उनहां दी बुढ्ढी नंगी कर'ती। जट्ट इंज बदले लैंदे ई हुंदे आ।" उस आपणे वल्लों दो-टुक्क कर दित्ती ते फिर, "जाओ जाओ घरों घरी।" कहिंदा जंमी भीड़ नूं इंज शिशकारन लग्गा जिवें भेडां-बक्करीआं दे इज्जड़ नूं खिंड जाण लई कहि रिहा होवे।
सरपंच वल्ल जांदिआं उह सारी घटना बारे, हुणे होईआं भीड़ दीआं गल्लां दी तहि विच उतरन दा यतन करदा आ रिहा सी। घारू दी गल्ल वज़नदार सी ते बिहारी थत्थे दी सच्चाई वी कि "बगानी मौते कौण मरदा जी।"
"हां, लोक तां आपणी-आपणी जान बचाउण दी फिकर विच सन।" उस सोचिआ,
"बिगानी मौत कोई कित्थे मरदा सी? अति दा सांझा संकट जां कोई सांझी जथेबंदी ही लोकां नूं इकठ्ठिआं कर के किसे ज़ुलम विरुध्ध लड़न दी प्रेरना दे सकदे हन।" उस नूं याद आइआ, ऐमरजैंसी समें जदों उह जेल्ह विच सी तां उस दे नेड़ले मित्तरां ते रिशतेदारां नूं छड्ड के कोई उस नाल मुलाकात करन वी नहीं सी आइआ, सगों उस दे मित्तरां नूं कहिंदे सन, "ओए उह तां छूत दी बिमारी ए, उहनूं मिल के तुसीं किउं मरदे ओ?"
इस पिंड विच हुण वी तां उहो ही लोक सन ते उनहां दे हुंदिआं जे इह सभ कुझ हो गिआ सी तां गिला किस 'ते? उह मुसकराइआ। उस नूं इक घटना चेते आ गई सी। बहुत साल पहिलां जदों इक शहिर विच कुझ विदिआरथी पुलिस वल्लों मार दित्ते जाण 'ते सारे पंजाब विच सरकार विरुध्ध लहिर उठ खहड़ी होण 'ते इहतिआत वजों उस नूं पुलिस नें फड़ लिआ सी तां उदों कुझ दिन पहिलां उस दे पिता दी होई मौत दा अफ़सोस करन आई उस दी भैण दी दूर दी, 'बाहर-अंदर' मिलण वाली सहेली कहि रही सी, "भैणे! भाऊ दे मरन नाल सारा भार पै गिआ विचारे छोटे वीर दे सिर। वड्डा वीर तां मैं सुणिऐं नलाइक ही निकलिआ।"
उस सोचिआ, "इह तां मेरे वरगे कमले ते नलाइक बंदिआं दा कंम सी कि लोकां दे कंमां विच टंगां अड़ाउंदे फिरन। उस नूं लग्गा, उस कुड़ी दे विचार आम लोकां दे विचार सन ते पिंड दे चौधरी वी उस नूं अंदरों किहड़ा चंगा समझदे सन। लोकां लई लड़दा मरदा सी तां उह नलाइक ते निकंमा सी, पर जदों आराम नाल वधीआ नौकरी 'ते लग्ग गिआ सी तां सारे लोक कहिंदे, "पहिले कंम छड्ड'ते जी।" उह उस वल्ल इंज वेखदे, जिवें उह पहिलां डाके मारदा हुंदा सी जां दस-नंबरीआ बदमाश सी।
"चलो चंगा कीता जे। अज्ज कल्ल्ह ज़माना वी नहीं इहो जिहे कंमां दा। कोई नहीं किसे दी मदद लई बहुड़दा, सभ नूं आपो-आपणी पई होई ए।" ते जदों उह सरपंच दे चुबारे विच वड़िआ तां वेखिआ, उनहां पिउ-पुत्तरां विचकार वी लगभग इसे मसले नूं लै के विवाद चल्ल रिहा सी। पिउ पुराणा बंदा सी। मुढलिआं विच दो वार आप वी सरपंच रहि चुक्का सी। उस नें ज़माने दे सभ उतराअ-चहड़ाअ वेखे होए सन। सरपंच नंगी कीती गई औरत दी मज़लूम धिर वल्ल सी, ते उह शामीं घटना वापरन तों पिछ्छों आप इकल्ला थाणेदार नूं मिल के आइआ सी, ते मज़लूम धिर दी मदद करन लई कहि के आइआ सी। घर उस दा पिता कहि रिहा सी कि जीतू हुरां नें वोटां विच उनहां दी डटवीं मदद कीती सी। उंज वी उह बंदिआं वाले सन, मार-खोरे सन। लोड़ समें हर वेले मोढे नाल मोढा देण लई तिआर रहिंदे सन, ते इस तों वध्ध उह रातीं अध्धी रात तक्क उनहां दे घर आ के बैठे रहे सन ते तरले करदे रहे सन कि उह उनहां दी मुखालफ़त नां करे। उह तां उनहां दे हत्थीं-बध्धे गुलाम सन। नां कदी अग्गे उस तों भज्जे सन ते नां अगांह भज्जणगे। उनहां नें आपणे बंदे इलाके दे सरकारी ऐम. ऐल. ए. वल्ल वी भेजे सन। थाणेदार नूं वी उनहां पहुंच कीती सी, पर सरपंच 'आपणे बंदिआं' नूं छड्ड के रातीं दूजी धिर वल्लों थाणेदार वल्ल किउं गिआ सी?
"ते फेर वेखो जी, जिनहां दी इह मदद करदा जे, उह आप डरदे रातीं घरों ई भज्जे रहे जे। हुण तुहाडे अग्गे अग्गे ई हो के गए जे।" सरपंच दा पिउ उस वल्ल मूंह कर के कहिण लग्गा, "ते साडे सरदार हुरीं रात दे भज्जे फिरदे जे। अखे, मुदई्ई सुसत गवाह चुसत।" उस नें रोटी खा रहे सरपंच वल्ल इशारा कीता। सरपंच वी हस्स पिआ ते उह वी, ते फिर अचानक हस्सदिआं हस्सदिआं चुप्प कर के उह आप आपणे हासे दा विशलेशण करन लग्गा, उस दे हासे विच सरपंच दे पिउ दीआं गल्लां नाल उस दी जिवें अचेत सहिमती सी।
"काका! आह धुप्पे नहीं चिट्टे हो गए?" बज़ुरग नें चिट्टी दाहड़ी नूं हत्थ लाइआ,
"ऐहनां अख्खां नें जहान वेखिऐ लख्खां उतराअ-चहड़ाअ वेखे नें। बंदे नूं तरीके नाल चल्लणा चाहीदै। तैनूं लड़दै जवानी दा खून! होर कुझ नहीं, ते उबलदे खून नाल नहीं कदी सिआसतां चल्लीआं, इह ठंढे-धीरे होइआं सोच समझ के ही चल्लदीआं नें।" बज़ुरग दा उमर दा तजरबा बोल रिहा सी।
"जिनहां नें वोटां लैणीआं होण, उह नहीं इहो जिहे पंगे लैंदे। इहो जिहे पंगे तां जिवें आह सरदार हुरीं लैंदे रहे नें, उहो जिहीआं जथेबंदीआं ई लै सकदीआं।" बज़ुरग उस वल्ल इशारा कर के हस्सिआ ते फिर इकदम गंभीर हो के सरपंच नूं समझाउण लग्गा, "हुण इनहां सरदार हुरां वल्ल ही वेख, इनहां नें नवें लहू दे उबाल विच कोई इक कंम कीता? कईआं पहाड़ां नाल मत्थे लाए पर छिंदिआ! 'कल्ले-कारे दे मत्थे मारिआं किते पहाड़ ढहिंदे नें मैं तां आखूं इनहां हुण सिआणप वरती आ जो सभ कुझ छड्ड गए नें तां वेख लै वधीआ नौकरी 'ते लग्ग'गे आ। सोहणे मकान पा लै आ घर दी वाही चल्लदी आ। लोकां दी शावाशे ते बल्ले बल्ले वाधू दी। इह हुंदी आ सिआणप।"
उह दोहां पिउ-पुत्तरां विचकार सरोता बण के बैठा सी। बज़ुरग वल्लों दित्ती 'सिआणप' दी परिभाशा दे हक्क जां विरोध विच बोलण दा उस दा मन ही नहीं सी रहि रिहा। सरपंच नें मुसकरा के ढिल्ला पैंदिआं उस नूं पुछ्छिआ, "भाअ जी! फिर किवें करीए?"
उह कोई दो-टुक्क राइ देण दी सथिती विच नहीं सी रहि गिआ। फिक्का जिहा मुसकराउंदिआं उस किहा, "तुसीं वी ठीक ओ ते बज़ुरगां दी गल्ल वी कुझ हद्द तक्क ठीक ऐ।"
बज़ुरग नें काहली नाल विचों ही उस दी गल्ल टोक दित्ती: "इह ठीक नहीं जी, ठीक मैं ई आं। उंज वी उनहां मिल लैणै, ठाणेदार दा मूंह वी काला कर देणै। अज्ज जां भलक कोई माड़ी मोटी इनकुआरी होऊ ते होणा-हवाणा कुछ वी नहीं। बहुती गल्ल तां तूं किसे पासे वी नां तुर चुप्प रहि।"
सरपंच नें रोटी खा के थाली मेज़ 'ते इक पासे कर दित्ती। दो-चित्ती विच फसिआ दाहड़ी 'ते हत्थ फेरदा हस्सिआ, "गुट्ट निरलेप हो जावां?"
एने चिर विच नौकर चाह दे तिंन पिआले बणवा लिआइआ। सरपंच नें उस वल्ल पिआला सरकाउंदिआं पुछ्छिआ, "सच्च तुसीं दस्सो भाअ जी, किवें आए? असीं तां तुहानूं गल्ल करन दा मौका ई नहीं दित्ता?"
उह बिनां बहुता सोचिआं झट्ट ही बोल पिआ, "मैं उह शहीदां दी यादगार सबंधी तुहाडे कोल आइआं। कंध होण पिछों कंम उथे ही खड़ोता। मैं कहिंदा सां, बाहर लोहे दा गेट ला के अंदर मिसतरी नूं आख के लाठ जिही खहड़ी करा लईए ते शहिरों शहीदां दे नावां दी सिल खुदवा लिआईए। मेरे कोल कुझ पैसे पए सन मैं सोचिआ, इह लग्ग ई जाण तां चंगा।"
उस दी गल्ल सुण के सरपंच तां अजे चुप्प ई सी कि उस दा पिउ बोल पिआ, "लै गल्ल बण गई सगों इह कंम वी करन ई वालै। निबेड़ो विचों दरवाज़ा ला के उथे ऐवें कुत्ते हग्गदे फिरदे नें।" ते फिर उस नें ठोस सलाह दिंदिआं किहा, "ऐंज करो, अज्ज तां ऐतवार ऐ सिल तां शहिरों खुदवाई नहीं जाणी अज्ज। शहिर दा प्रोगराम भलक 'ते रख्ख लौ। नाले अंबू दी कुड़ी लई भलके पंचाइत वल्लों तूं भांडे वी लै के देणे नें शहिरों ते लोहे दा गेट तुसीं अज्ज ई चौक विच बणना दे आओ। ते कल्ल्ह जे हो सके तां शहिरों सिल वी बणवा लिआवो, पिछों जे कोई आऊ तां मैं आखूंगा, उह यादगार बणाउण वाले कंम गए नें। कंम दा कंम बहाने दा बहाना। दोहां धिरां तों बचाअ।"
सरपंच, पिउ दी गल्ल नाल सहिमत सी। उह तिआर हो के मिसतरी नूं सद्द लिआए। दरवाज़े दी थां मिणी ते उस नूं नाल लै के चौक विच लोहे दा गेट बणना देण चले गए। इह कंम करदिआं ही उनहां नूं शामां पै गईआं। अगले दो दिन छुट्टीआं लईआं होण कर के उस नें अगले दिन शहिर जा के सिल खुदवाउण दा प्रोगराम सरपंच नाल निशचित कर लिआ।
शामीं घर आ के उह थक्किआं-टुट्टिआं वांग निढाल होइआ मंजे 'ते ढहि पिआ। उस दी घर वाली वार वार उस नूं पुछ्छ रही सी कि उह की कर के आइआ सी, गल्ल कित्थों तक्क अप्पड़ी सी? केस दा कुझ बणेगा वी? की किसे उच पुलिस अफ़सर नूं मिले वी सन जां नहीं?
पतनी दे सवालां दा उस कोल कोई जवाब नहीं सी। उस दीआं लत्तां थकावट नाल फुल्लीआं होईआं सन ते मूंह दा सवाद कसैला-कसैला सी।
"अज्ज फिरदे-फिरदे थक्क गए। ऐतवार कर के कोई मिलिआ नहीं। डी. ऐस. पी. वल्ल वी गए सां।"
उह चाहुंदा सी, पतनी कोई सवाल नां पुछ्छे। उस नूं उस दे रहिम 'ते ही रहिण देवे। "तुसीं सवेरे जा के फिर दो-तिंन छुट्टीआं ज़रूर लै आओ।" उहदी पतनी उस नूं ताकीद कर रही सी।
"चंगा।" कहि के उह पासा परत के पै गिआ ते तबीअत खराब होण दा बहाना कर के उस तों सौं जाण दी इजाज़त मंगी।
"लिआओ मैं लत्तां घुट्ट दिआं।" उह उस नूं घुट्टण लग्गी ते उह ज़ोर दी दंदां विच बुल्ल्ह चित्थदा सोची गिआ।
सवेरे तड़के पंज वजे उठदिआं ही उह नौकरी 'ते जाण लई तिआर सी। पतनी उठ के पहिलां वांग रोटी-टुक्क दे आहर विच लग्गी होई सी। उह आप मन ही मन खुश सी कि उस नें पतनी नूं लईआं छुट्टीआं बारे नहीं दस्सिआ। छुट्टीआं दा की सी! उह तां उह जा के कैंसल करवा लवेगा।
तुरन तों पहिलां उस नें पतनी नूं समझाइआ, "राज जे अज्ज सरपंच घर आवे तां उहनूं कहीं कि उह चले गए नें ते कहि गए नें कि शहीदां दी यादगारी सिल्ल आपे किते फेर लग्ग जावेगी। ऐडी काहदी काहल है?" उस दे बोलां विच धुआंखी तलखी सी।
पतनी होर सवाल नां करे, इस लई उस नें काहली नाल आपणा कप्पड़िआं वाला बैग चुक्किआ।
"मैं किहा?" पतनी दी आवाज़ सुणदिआं उह फेर त्रभकिआ।
"सच्च तुहाडे कप्पड़िआं विचों दो ज़नाना सूट ते इक सालू निकलिआ उह?"
उस नें सुख दा साह लैंदिआं किहा, "हां हां हां उह मैं अंबू दी कुड़ी लई लै के आइआ सां। अव्वल तां मैं छुट्टी लै के आ जूं, नहीं तां इह कप्पड़े तूं उनहां दे घर दे आवीं, शगन वी पा आवीं। पिंड दी धी-भैण नूं कज्जणा आपणा फरज़ बणदै।" ते उहदी ज़बान थिहड़क गई।
काहली नाल, तुरन तों पहिलां उह सदा वांग सुत्ते बच्चिआं दा मत्था चुंमण लई उनहां दे मंजे वल्ल वधिआ। बच्ची दा मत्था चुंम के जदों उस नें निक्के 'संधू पातशाह' वल्ल वेखिआ तां उस दीआं सुत्ते पए दीआं अख्खां खुल्ल्हीआं होईआं सन। उस नें नीवां हो के जिउं ही उस दे मत्थे 'ते बुल्ल्ह रख्खे तां की वेखदा है कि निक्के नें खुल्ल्हीआं अख्खां हौली जिही मीच लईआं ते उस दे निक्के गुलाबी बुल्ल्हां उते मुसकराहट फैल गई।
बच्चे नें तां सहिवन ही अख्खां मीचीआं सन, उह तां सहिवन ही मुसकराइआ सी, पर उस नूं लग्गा जिवें बच्चे नें उस वल्ल वेख के अख्खां मीटीआ होण, जिवें उह उस वल्ल वेख के शरारत नाल मुसकराइआ होवे। उस दे मत्थे 'ते मुहड़के दीआं बूंदां सिंम आईआं। उहदा सिर जिवें घुंमण लग्गा ते उस नूं लग्गा, जिवें उस दे पैरां हेठां चीकणी दलदल होवे। ते उह बाहर निकलण दा ज़ोर लाउंदिआं वी उस विच हेठां ही हेठां धसदा जा रिहा होवे ते गल गल खोभे विच खुभ गिआ होवे।