देश दा सभ तों विकसित सूबा पंजाब हुण बहुत सारीआं मुशकिलां विच्च घिरिआ होइआ है। हर पासे निरासता दा माहौल है। राजसी आगूआं, जिनहां नूं सूबे दा फ़िकर होणा चाहीदा सी, उह केवल आपणी कुरसी दी लड़ाई विच्च उलझे होए हन। उनहां दा मुख्ख कंम इक्क दूजे उत्ते चिक्कड़ सुट्टणा ही है। धारमिक आगू वी केवल आपणी सथापती लई ही यतन कर रहे हन। सूबे विच्च विद्दिआ अते सिहत सहूलतां दा बुरा हाल है। लोक मजबूर हो के महिंगे निज्जी अदारिआं दे लड़ लग्ग रहे हन। केंदरी सेवावां विच्च पंजाबीआं दी गिणती घट रही है। इत्थों तक सूबे दीआं उच्च पदवीआं उत्ते वी ग़ैर पंजाबी ही बैठे हन। नशिआं नूं किसे वी सरकार तों ठल्ल्ह नहीं पाई जा सकी। मैं काफ़ी समें तों इह लिखदा आ रिहा हां कि सानूं आपणे हत्थीं आपणे काज आप सवारने चाहीदे हन। पिंडां दीआं पंचाइतां इस पासे अहिम भूमिका निभा सकदीआं हन, पिंडां विच्च नशिआं दी विकरी नूं रोकण अते सरकारी सकूलां नूं वधीआ बणाउण विच्च अहिम योगदान पा सकदीआं हन। पिंडां विच्च विखावे उत्ते कीते जा रहे खरच नूं वी ठल्ल्ह पाई जा सकदी है। बच्चिआं नूं परेर के विद्दिआ दे लड़ लाइआ जा सकदा है।

इह जाण के तसल्ली हो रही है कि नवींआं चुणीआं पंचाइतां वल्लों इस पासे यतन शुरू हो गए हन। नशिआं विरुध्ध मते पास कीते जा रहे हन अते सकूलां लई विशेश फंड बणाए जा रहे हन। मैनूं इह दस्स के खुशी हो रही है कि इनहां पहिल कदमीआं विच्च मेरा पिंड सूरापुर वी अग्गे आइआ है। इह पिंड सदीआं पुराणी नवेकली ढंग दी आपणी छिंझ लई मशहूर सी। मुड़ गाइक गुरक्रिपाल सूरापुरी नें पिंड दा नाम चमकाइआ ते हुण सूरापुर दे पिछोकड़ वाले अजैपाल सिंघ बंगा नें विशव बैंक दे मुखी बण के इस पिंड दा नाम रौशन कीता है। नवीं बणी पंचाइत नें कुझ मते पास करके थां थां बोरड लाए हन। इनहां विच्चों कुझ मुख्ख मते इस प्रकार हन:

1. पिंड विच्च नशा वेचण वाले जां नशा करन वाले अगर पुलिस वल्लों फड़े जांदे हन तां पंचाइत दोशी दा साथ नहीं देवेगी। नशे वेचण वाले दा नाम दस्सण ते 2000 रुपए नकद इनाम दित्ता जावेगा ते नाम गुपत रख्खिआ जावेगा।

2. पिंड विच्च टरैकटर, गड्डी ’ते उच्ची अवाज़ विच्च गीत वजाउणा, मोटर साईकल दे पटाके मारन अते तेज़ सपीड नाल लंघण ’ते सखत पाबंदी है।

3. पंचाइत दी मनज़ूरी तों बिनां बाहरला कोई वी विअकती जां धारमिक संसथा पिंड विच्च उगराही नहीं कर सकदे।

4. पिंड विच्च जिंने वी खोळे जां खाली पलाट पए हन अते दोवें सकूलां दे कोल जगहा पईआं हन, उनहां विच्च कूड़ा सुट्टणा सखत मनहा है।

5. गराऊंड दे विच्च दोवां सकूलां कोल, पारक अते गुरू घरां दीआं इमारतां दे कोल बैठ के किसे वी किसम दा नशा करना सखत मनहा है। जेकर कोई विअकती फड़िआ जांदा है तां जुरमाना अते कानूंनी कारवाई कीती जावेगी।

हुण साडे पिंडों बहुते परिवार विदेश चले गए हन। जित्थे उह गुरू घरां नूं खुल्ल्ह के दान दिंदे हन, उत्थे इक्क विद्दिअक फंड वी बणाइआ गिआ है। जदों असीं पहड़दे सां तां साडे पिंड कोई सकूल नहीं सी। लोकां नें आपणी हिंमत नाल पहिलां कुड़ीआं लई सकूल बणाइआ, फिर मुंडिआं लई हाई सकूल बणिआ। हुण इह दोवें सरकारी सकूल हन। सरकारी सकूलां विच्च होर सहूलतां दी घाट दे नालो नाल अधिआपकां दी वी घाट है। इस फंड विच्चों सकूल विच्च लोड़ींदीआं सहूलतां देण दे नालो नाल लोड़ींदे अधिआपक वी नियुकत कीते गए हन तां जो पहड़ाई ठीक ढंग नाल हो सके।

पिंडां विच्च लाइबरेरी खोल्हण वाला वी इह पुराणा पिंड है, जित्थे 1954 विच्च लाइबरेरी खोल्ही गई सी। मैनूं किताबां पहड़न अते खेडां विच्च हिस्सा लैण दी चेटक इत्थों ही लग्गी सी। कैनेडा वाले पासे निआगरा फाल उत्ते हर वरहे पंजाबी मेला लाउण वाले बलजिंदर सिंघ तंबड़ वी इसे पिंड तों ही हन। पंचाइत दा पंचाइत घर अते आपणी मारकीट है। सहिकारी सभा वी सभ तों पुराणी है। विदेशां विच्च गए परिवार पिंड विच्च डाकटरी कैंप लगाउंदे हन अते कबड्डी कप्प वी करवाउंदे हन। दसवीं पास करके किसे तकनीकी कालिज विच्च दाखल होण दा माण मैनूं वी प्रापत होइआ है। मैं 1957 विच्च सरकारी खेती कालिज लुधिआणा विखे दाखला लिआ सी। इह पिंड नवां शहिर दा आखरी पिंड है।

खेती विच्च नवें ढंग तरीके अपनाउण वालिआं विच्च वी इह पिंड मोहरी हो गिआ है। आलूआं दी काशत लई प्रसिध्ध साडे पिंड दी उपज विउपारी खेतां विच्चों ही खरीद लैंदे हन। इस वरहे तां चंगा भा होण करके वारे-निआरे हो गए हन। इस वार किसे वी किसान नें पराली नूं अग्ग नहीं लाई। बसंत रुत्ती मक्की तों 40 कुइंटल तों वी वध्ध झाड़ प्रापत करन वाले इह किसान हमेशा खेती विगिआनीआं तों वी अग्गे सोचदे हन। साडे पिंडां विच्च आई इह जाग्रती शुभ शगन है।

पिंडां विच्च नशिआं दी रोकथाम पिंड वासी ही कर सकदे हन। हरेक पिंड नूं बाहर गए होए टब्बरां दी सहाइता नाल विद्दिआ फंड काइम करना चाहीदा है तां जो पिंड दे सकूल नूं समें दा हाणी बणाइआ जा सके। बच्चिआं लई पहड़ाई दे नालो नाल तकनीकी सिखलाई दा प्रबंध करना वी ज़रूरी है। कंपिऊटर सिखलाई तां हरेक बच्चे लई लाज़मी कीती जाणी चाहीदी है। सरकारां जां लीडरां वल्ल झाकण दी थां आपणे आप पिंडां दा नकशा बदलीए। इक्क सुधार लहिर शुरू कीते जावे। पिंडां विच्चों केवल कुरीतीआं ही समापत नां होण सगों पिंडां दे बच्चे पहड़ लिख वधीआ नौकरीआं प्रापत करन अते आपणे पिंडां दा नाम रौशन करन।

* * * * *