पंजाब इस वकत अगलीआं विधान सभा चोणां वल्ल तेज़ी नाल वध रिहा है। कैलंडरी दिनां दे मुताबिक मसां सवा कु साल बाकी रहिंदा है अते उस सवा साल विच्चों अखीरले छे महीने गिणन वाला समां नहीं हुंदा, किउंकि उदों अफसरशाही मौके दी सरकार दा हुकम मंनण दी थां इहो जिहे अंदाज़े लाउण लग्ग जांदी है कि अजोकी सरकार रहेगी जां इसदी थां कोई होर आ सकदी है। जे कोई होर आ सकदी है तां किहड़ी आ सकदी है! असीं इद्दां दे अंदाज़े लाउण विच्च बहुती रुची विखाउणो आम कर के गुरेज़ करदे हां कि पंजाब दी किसमत विच्च अगला हाकम कौण लिखिआ है, किउंकि हालात दा कोई पता नहीं हुंदा। कई वारी उस चोण दे आखरी हफते दी पूछ नाल बझ्झे होए अंतले दिनां विच्च वी बाज़ी पलटदी वेखी है। इस लई असीं अज्ज दे हालात दी तसवीर ही पाठकां अग्गे पेश कर सकदे हां ते उह तसवीर चंगी नहीं, सगों इह कहिणा पैंदा है कि सारे भारत दे किसे वी कोने विच्च राज-काज़ दी तसवीर चंगी नहीं दिसदी। जिहड़ी बद-अमनी भारत दी हर नुक्कर विच्च है, कदी उस नालों कुझ वध्ध अते कदी उस नालों थोहड़ी घट्ट पंजाब विच्च नज़रीं पै जांदी है अते इंनी तेज़ी नाल पहिले जां दूसरे नंबर वाले हालात बदलदे हन कि सोचण दा वकत ही नहीं मिलदा। अजिहे समें विच्च पंजाब जां देश दे सवा साल बाअद दे नकश उलीकण दी थां अजोके वकत बारे कुझ कहिणा ज़िआदा ठीक लगदा है।
इस वेले जदों मसां सवा साल अगली विधान सभा चोण नूं बाकी रहिंदा है, जिहड़ीआं गल्लां चरचा दा विशा बणदीआं हन, उनहां विच्च इह मुद्दा किते नहीं लभ्भदा कि देश नें आज़ादी पिछ्छों जिहड़ा लोकतंतरी राह चुणिआ सी, उस उत्ते भारत किंना कु चल्ल सकिआ ते लोकतंतर किंना मज़बूत जां कमज़ोर होइआ है! बहुत सारे सिआसी विशलेशणकार इह गिणतीआं करन उत्ते ज़ोर देई जांदे हन कि बिहार विच्च किहड़ीआं गल्लां कारन विरोधी धिर जित्तण दे दाअवे करदी अग्गे नालों कमज़ोर हो गई अते नरिंदर मोदी दी अगवाई हेठ भारत उत्ते राज करदा गठ्ठजोड़ किहड़ीआं गल्लां कारन होर मज़बूत हो गिआ है! इह गल्ल विचार दा विशा ही नहीं बणदी दिखाई दिंदी कि लोकतंतर जदों आपणी लीह तों लत्थ जावे तां जिस आगू हत्थ देश दी कमान होवे, उह आपणी सत्ता सिरफ मज़बूत नहीं, सदीवी करन रुझ्झ सकदा है। कमिऊनिसटां दा राज समेटे जाण मगरों रूस नें लोकतंतरी राह उत्ते चल्लण बारे ऐलान कीता सी, पर चोखा समां इक्को पारटी हेठ राज चल्लदा रहिण नाल लोकां दी मानसिकता इद्दां दी बणदी गई है कि उह इक्को पारटी दा राज खतम होण मगरों इक्को विअकती नूं राजा कहे बगैर राजिआं वांग उसदी सरदारी प्रवान करी जा रहे हन। फरक किहड़ा पिआ है, उदों विचारधारा दे नांअ हेठ सिरफ इक्क पारटी दा राज चल्लदा पिआ सी, जिसदे विरुध्ध सारी दुनीआ दी सरमाएदारी दे ढंडोरची आपसी एकता, कदी ऐलानी अते कदी अण-ऐलानी एकता नाल हर मोड़ उत्ते आढा ला रख्खदे सन ते समां बदलण पिछ्छों इक्को विअकती दे राज विरुध्ध इहो कुझ होई जांदा है। संसार दे बाकी लोकां अते उनहां उत्ते राज करन वालिआं दी मानसिकता उत्ते इह असर होणा चाहीदा सी कि इक्क ही विअकती हत्थ ताकत चंगी नहीं, पर सगों अमरीका तक इसदे उलट मानसिकता पुज्जण लग्गी अते अजोके राशटरपती डौनलड टरंप दे मन विच्च सदीवी सत्ता माणन दा सुपना झलक रिहा है। उह आपणे देश विच्च सिरफ दो वार राशटरपती बण सकण दी विवसथा दा सिध्धा विरोध करी जांदा है।
इह कहिण विच्च झिजक नहीं कि लंमा समां साडे विच्चों बहुत सारे लोकां नूं दुनीआ दे राज प्रबंधां दी हर होर वंनगी दे मुकाबले कमिऊनिसट अगवाई वाला राज वध्ध चंगा जापदा रिहा ते कारन इसदा इह सी कि उस राज विच्च हर कोई बराबर मंनिआ जाण दी गल्ल सी। इंदरा गांधी दे समें रूस दी कमिऊनिसट हकूमत नाल भारत सरकार दे चंगे संबंधां विच्चों कई सज्जण भारत विच्च उसे वरगे राज दे सुपने नूं अग्गे वधदा देखदे हुंदे सन अते जदों उस देश विच्च उह राज नहीं रिहा तां कहिंदे हुंदे सन कि भारत अते रूस दे उहो जिहे रिशते वी नहीं रहि सकणे। दोवें गल्लां अमल विच्च ठीक साबत नहीं होईआं जापदीआं। जदों कदी भारत दी कमिऊनिसट लहिर थोहड़ी मज़बूत हुंदी लगदी सी, संजे गांधी वाली जुंडी वांग कोई नां कोई ढाणी अचानक अग्गे आउंदी अते कमिऊनिसटां दे खिलाफ ज़हिर उगलछ्छण दी खेड शुरू कर दिंदी ते कमिऊनिसट आपणा कंम करन दी बजाए उनहां दे जवाब देण रुझ्झे रहिंदे सन। दूसरी गल्ल इह कि कमिऊनिसट राज तों बाअद रूस नाल भारत दे रिशते उहो जिहे नहीं रहि सकणे, इह धारना वी समें नें गलत साबत कर दित्ती है। अज्ज दी नरिंदर मोदी सरकार वी रूस नाल संबंध तोड़न दा सुपना लैण दा कदे कोई संकेत नहीं देंदी, बलकि उसदी दोसती नूं युग्गां पुराणी कहि के वडिआइआ जांदा है ते युग्गां वाली इह गल्ल करदे समें रूस विच्च कमिऊनिसट अगवाई वाले पौणी सदी दे राज नूं पासे नहीं रख्खिआ जा सकदा। भारत दे लोक शाइद इह नहीं जाणदे कि इह दुवल्ले संबंध सुहिरदता कारन नहीं, हालात दी मजबूरी दे कारन जारी हन। इस वेले संसार दी इकलौती महांशकती कहे जांदे अमरीका दी हकूमत जदों दुनीआ नूं आपणे इशारिआं उत्ते नच्चदा देखण दी चाहवान है, भारत समेत कई देशां दी मजबूरी है कि अमरीकी चहड़तल मोहरे टिके रहिण लई किसे बदलवीं ताकत नाल लोड़ जोगा अख्ख-मटक्का रख्खी जाण अते उह रूस नाल रख्खी जांदे हन।
अमरीकी चहड़तल अग्गे सपीड बरेकर खहड़ा रख्खण दी इसे इछ्छा नें ‘बरिकस’, जिहड़ा भारत, रूस ते चीन दे गठ्ठजोड़ ‘आर आई सी-रिक्क’ तों चल्लिआ अते बराज़ील दी ‘बी’ मोहरे ला के बरिक्क बण जाण पिछ्छों इस पिछ्छे साऊथ अफरीका दा ‘ऐस्स’ जोड़ के बरिकस बणिआ है, लगतार मज़बूत हुंदा जांदा है। संसार दे देश अग्गड़-पिछ्छड़ जिस तरहां इस नाल जुड़ी जांदे हन, उस नाल अमरीकी राशटरपती डौनलड टरंप इस वेले बहुत दुखी हन ते इस नूं रोकण लई हर वसीला वरत रहे हन। भारत दे रूस नाल संबंधां दी सथिती इस गठ्ठजोड़ नाल पैदा हो चुक्के हालात तों पता लगदी है, पर इस तों भारत दे अजोके सत्ताधारीआं अंदर आपणे आगू नरिंदर मोदी दी सदीवी सत्ता लई बहाने वरतण दा पड़ुल्ल वी पक्का हुंदा है। अज्ज दी चीन दी कमिऊनिसट हकूमत दे मुखी दा लगातार सत्ता विच्च रहिणा वी उह बहाने वजों वरतदे हन। भारत दी अज्ज दी राजनीतक हालत विच्च विरोधी धिरां दा कमज़ोर होणा ते आपो-विच्च भिड़दे रहिणा उनहां दी मदद करदा है, शाइद विरोधीआं दे भिड़दे रहिण दे हालात पैदा करन लई केंदरी हाकम ज़ोर वी लाउंदे होणगे।
जदों असीं सवा साल बाअद पंजाब दीआं विधान सभा चोणां होण बारे चरचा करदे हां तां इह दलील लगभग हर बैठक जां विचार सभा विच्च आ जांदी है कि इस वारी भाजपा नें इत्थों दी सत्ता संभालण दी हर कोशिश करनी है, जिस लई गठ्ठजोड़ हो सकदे हन अते जोड़-तोड़ दी राजनीती वी। अकाली दल नाल गठ्ठजोड़ दी गल्ल भाजपा आगू वी रद्द करदे हन, अकाली आगू अते वरकर वी, पर अकाली दल दे प्रधान सुखबीर सिंघ बादल दी मानसिकता साफ झलक रही है कि उह आपणी हैसीअत इद्दां दा गठ्ठजोड़ करन जोगी बणा के भाजपा नाल गल्ल छेड़ना चाहुंदा है, तां कि सीट-वंड लई बहुता थल्ले नां लग्गणा पवे। बहुता थल्ले नां लग्गणा होर गल्ल हो सकदी है, पर इह गल्ल हर कोई मंनदा है कि जे कोई समझौते दा सबब्ब बणिआ तां होर जो वी हुंदा रहे, अकाली दल नूं पहिलां वांग पंजाब दीआं इक्क सौ सतारां विच्चों चुरानवें सीटां देण दी गल्ल भाजपा नें कदे नहीं सुणनी, इनहां नूं अध्ध तों हेठां रख्खण दी गल्ल भाजपा आगू आम कहिंदे हन। इध्धर अकाली दल दे प्रधान लई इंना झुकवां समझौता करना वी शरम दी गल्ल हो सकदी है। इसे लई पिछले साल लोक सभा चोणां मौके समझौता नहीं सी होइआ, किउंकि इनहां नूं भाजपा तेरहां विच्चों सत्त सीटां देणा मंनण लई तिआर सी, पर पहिलां दस सीटां लड़दे रहे अकाली दल नूं उह अठ्ठ सीटां देण नूं तिआर नहीं सी। तरन तारन दी विधान सभा उप चोण विच्च दूसरे नंबर उत्ते आ जाण नूं अकाली दल दा प्रधान इसे लई आपणी पारटी दी हद्दों बाहरी प्रापती अते सिख्खां दी इक्को प्रवानत पारटी वजों पेश करन वासते इसे कारन जुट गिआ है।
दूसरा पख्ख इह है कि बथेरे लोक मंनदे हन कि अगली वार भाजपा लीडरशिप्प पछ्छमी बंगाल विच्च वी आपणा झंडा झुलाउण लई लामबंदी कर रही है अते केरला, तामिल नाढू अते पंजाब दा राज सांभण तक नां वी जावे, इनहां विच्च दूसरे नंबर उत्ते पुज्जण दा ताण ला रही है। उह लोक इस हद्द तक सोचण दे बाअद अगली गल्ल उत्ते अड़ जांदे हन कि भाजपा दी इस चहड़तल नूं रोकण लई अगवाई कौण कर सकदा है अते इंने जोगा कोई है वी जां नहीं, किउंकि इद्दां सोचण वाले सारे सज्जणां दी किसे नां किसे नाल आपणी सांझ दे कारन उह दूसरिआं दी गल्ल सुणन नूं तिआर नहीं। कांगरस आगूआं दी पैसे दी भुख्ख अते खहिबाज़ी दा सिट्टा सी कि उनहां कोलों इक्क पिछ्छों दूसरा राज खुस्सदे गए ते पंजाब वरगे राजां विच्च, जित्थे उह सत्ताधारी धिर दे मुकाबले बहुत कमज़ोर हन, उत्थे वी आपस विच्च पग्गो-हत्थी होण तक जांदे हन। केंदर विच्च विरोधी धिर दी सभ तों वड्डी पारटी हुंदिआं वी कांगरस दी कमज़ोरी है कि इसदा कोई सैम पितोरदा, शशी थरूर जां मणी शंकर अईअर इद्दां दी तान छेड़ दिंदे हन कि पारटी दा नुकसान होण लगदा है अते पंजाब दे कांगरसी वी इहो कुझ करन लई रुझ्झे रहिंदे हन। इत्थे इह गल्ल आम चलदी सुणदी है कि ‘नौं सिपाही, तेरां हवालदार’ दे मुहावरे वांग पंजाब दी कांगरस विच्च ‘चार आगू अते अठ्ठ मुख्ख मंतरी दे दाअवेदार’ फिरदे हन। केंदर विच्च भाजपा अते पंजाब विच्च आम आदमी पारटी नाल सैनत मिला के चल्लदे एजंट इस माहौल विच्च कांगरस दे मोहरले आगूआं विच्चों हर इक्क कोल इह गल्ल कही जांदे हन कि अगली वारी चांस सिरफ तेरा है ते तेरे पिछ्छे पैसा खरचण वाले बंदे मेरे कोल हन। इद्दां दे पराउंठे जिस वी कांगरसी आगू दी थाली विच्च परोसे जांदे हन, उह फिर कुरसी दे सुपने सिरे चाहड़न लई फावा हो के बाकी सभ कुझ भुल्ल जांदा है।
रहि गई पंजाब विच्च राज करदी पारटी दी सथिती, उस बारे इंना कहि लिआ जावे तां काफी है कि उस नाल जुड़े होए लोक उसदा इंना नुकसान करी जा रहे हन, जिंना उनहां दे विरोधी नहीं कर सकदे। इस पारटी दे आपणे अंदर बणदीआं-टुट्टदीआं गुट्टबंदीआं ओनीआं भारू नहीं, जिंना इस पारटी अंदर जहड़ां जमाई जांदी भ्रिशटाचार दी सिउंक तों इस नूं खतरा है। आम आदमी पारटी दी लीडरशिप्प इस तों अणजाण तां हो नहीं सकदी, पर इस नूं रोकण नूं हाले कुझ नहीं हो रिहा। समां उनहां हत्थों दिनो-दिन निकलदा जांदा है। सथिती दा अज्ज दी घड़ी दा सार इहो है, पर अगेते अंदाज़े लाए जाण दा वकत हाले बिलकुल नहीं आइआ।
* * * * *