मैं अते मेरा दोसत दिल्ली कनाट पलेस विच फिर रहे सां। दुकानां विच लग्गे सामान उते असीं बाहरों बाहरों झातीआं मार रहे सां। समें दी टोर नाल वरतों दीआं वसतां दे बदले मुहांदरे वेख के मन परचा रहे सां। कुझ वसतां बारे तां असीं वेख के वी इह वी नहीं दस्स सकदे सां कि इह किस कंम आउंदीआं हन। साडा बहुता धिआन मौज मेले लई फिर रहे लोकां वल्ल सी।

दुकानां दे विचकार हवाई जहाज़ां दी कंपनी दा दफतर सी। बाहरली कंध अते दरवाज़े शीशे दे सन। अंदरों सभ कुझ दिस रिहा सी। दफतर शाइद मशीन नाल ठंढा कीता होइआ सी किउंकि बाहरों हवा जाण लई कोई रसता नहीं सी। अंदर बड़े सोहणे सोफे अते गलीचे विछे होए सन। इक सिख्ख जिहड़ा मुहांदरे तों पेंडू जापदा सी, खहड़ा हो के आपणे नवें पाए कोट पतलून वल्ल वेख रिहा सी। दो तिंन होर सिख्ख पेंडू कप्पड़िआं विच कोल बैठे सन। कोट पतलून उस नें उमर विच पहिली वार पाई लग्गदी सी। गरम कप्पड़े दा वधीआ सूट सी। जटके तरीके नाल बध्धी पग्ग हेठां इह सूट ओपरा ओपरा लगदा। असीं वेखण लई बाहर खहड़े हो गए। उह आपणीआं वख्खीआं अते लत्तां पैरां वल्ल वेख वेख के अते उते हत्थ फेर फेर के इस दी फब्बत नूं टोह रिहा सी।

हवाई कंपनी दे दफतर विच खलो के इक पेंडू दा गरमीआं विच गरम सूट पाण दा मतलब इह सी कि उह वलाइत जा रिहा है।

इस द्रिश तों मेरे दिल नूं खोह जिही पई। इक आदमी जिहड़ा नां बहुता पहड़िआ होइआ सी अते नां ही पहिलां किधरे भंविआं सी, आपणा देस छड्ड के परदेस जा रिहा सी! मैं उस दे चिहरे तों उस दे भाव पहड़न दी कोशिश कीती। उस नूं इस गल्ल दी बहुती चिंता नहीं सी जापदी। इस वेले उह आपणे सूट विच ही मसत सी।

“इस नूं ते ज़रा झोरा नहीं!” मैं आपणी हैरानी आपणे मित्तर नाल सांझी कीती।

“झोरा किस गल्ल दा?” मेरे मित्तर नें मेरी गल्ल समझदिआं होइआं वी पुछ्छिआ।

उह जलंधर विच सकूल मासटर सी। सैंकड़े आदमी इस तरहां टुरदे वेखे सन।

“ओए, विचारा किधर दा किधर जा डिगेगा। जिथे इह जंमिआ पलिआ ए, उस थां उते इक झात लई तरस जाएगा। आपणे साकां अंगां दे दुख्ख सुख्ख विच जा आ नहीं सकेगा। बंदे दे मन विच होर हुंदा किंना कुझ ए?”

“बंदे दा मन कोई गुथला ए, पई जो कुझ इस विच पिआ होइआ ए, उसे दी संभाल करी जाउ?”

“होर की हुंदा है इह, मासटर जी?” मैं चिड़ के किहा।

“मैं ते समझनां इह इक खेत वांग ए, जिथे हर समें कुझ नवां उगदा सुक्कदा रहिंदा ए।”

“तां हुण इह खेती करू वलाइत जा के, आपणे मन दी।”

“आपे ई होई जाणी ए।”

“तूं ते ऐं गल्लां करना ए, जिवें ओथे रहि के आइआ हुंना एं।”

“रहि के ते नहीं आइआ, पर रहि के आइआं नाल वाह ज़रूर पिआ ए।”

“किथे?”

“लंमी गल्ल ए, बहि के दस्सण वाली।” उस नें साहमणी पारक वल्ल इशारा कर के किहा।

असीं उथे इक बैंच उते बहि गए। उस नें आपणी गल्ल छेड़ी,

“हुण वाले पेंडू सकूल विच बदली होण तों पहिलां मैं जलंधर शहिर विच पहड़ांदा हुंदा सां। नेड़े दे घर विच इक कुड़ी रहिंदी सी। उह वी मासटरनी सी। सकूल ते साडे वख्खो वख्खरे सन, फिर वी इको कंम विच होण कर के वाकफी हो गई ते फिर गूहड़ी दोसती पै गई; उह आपणी इक वडेरी जिही मासी दे नाल रहिंदी सी। इस लई उस नूं घर विच मिलणा कोई औखी गल्ल नहीं सी। दोवें पहड़ाउंदे होण कर के सौ गल्लां साडीआं सांझीआं सन! असीं बाहर अंदर वी इकठ्ठे जाण लग्ग पए। इक दिन असीं दोवें बज़ार विचों लंघ रहे सां कि इक आदमी नें आदर नाल मेरी साथण नूं नमसकार कीती। मैं बड़ा हैरान होइआ। इह शहिर दा इक बहुत वड्डा गुंडा सी। कुड़ी नें वी मुसकरा के जवाब दित्ता, पर कोई धिर वी गल्ल करन लई नां खलोती। आपणी उतसुकता मैं बहुता चिर नां दब्ब सकिआ ते दो पैर ही अग्गे जा के पुछ्छण लग्ग पिआ।

कुड़ी नें दस्सिआ कि इह उस दे भरा दा दोसत है। उस दा भरा हुण अग्गे पहड़न लई इंगलैंड गिआ होइआ है। पहिलां एथे उह इक प्राईवेट कालज विच पहड़ांदा सी। शहिर दे चंगी जान वाले मुंडिआं नाल उहदा उठण बहिण सी। धक्का-मुक्की वी कर लैंदा सी। उह भावें पहड़िआ लिखिआ आदमी सी, पर उस कोलों किसे वेले वी खरहवे तों खरहवे कंम दी आस हो सकदी सी। इह सारे गुंडे उस दे दोसत सन ते ओदों दे ही मैनूं जाणदे नें।

फिर इक दिन उस मैनूं किहा कि मैं इक दुकान तों घड़ी लैणी है। तूं मेरे नाल चल्लीं। जिस दुकान दा पता उस मैनूं दस्सिआ, उह घड़ीआं दी नहीं, सगों सोडे वाटर दी सी। मैं किहा, सोडे वाटर दी दुकान तों घड़ी किस तरहां मिलेगी? उस नें दस्सिआ कि उस दुकान वाले कोल समगलिंग दा माल आउंदा है, विचे ही घड़ीआं वी। उह सानूं बहुत वधीआ घड़ी ससती दे देवेगा। मेरे भरा दा दोसत है। इसे तरहां होइआ। उस आदमी नें नौकर भेज के इक घड़ीआं दा डब्बा मंगवाइआ ते उस विचों इक मशहूर कंपनी दी घड़ी कढ्ढ के उस नें दे दित्ती।

इक दिन मैं उस तों पुछ्छिआ, तूं अजे तक्क विआह किउं नहीं करवाइआ? उह पंझीआं छब्बीआं वरहिआं दी हो गई सी। उस नें किहा, तिंन चार साल होए मैनूं इक मुंडा चंगा लग्गा सी। मासटर ही सी उह वी, उंज घरों माड़ा सी। असीं इको सकूल विच पहड़ांदे सां। उह साडे घर वी आउण जाण लग्ग पिआ। मेरे भरा नूं इह गल्ल बुरी लग्गी। उस मैनूं वरजिआ। मैं किहा, मैं इस तों पिछांह नहीं हट सकदी, मैं इसे नाल विआह करवाणा है। भरा नें किहा, तूं आपणी मरज़ी नहीं कर सकदी।

इक दिन मैं घर आ के वेखिआ, बूहे उहले इक किरपान पई सी। आपणे भरा दे सुभाअ नूं मैं जाणदी सां, डर गई। आपणी खातर वी ते उस मुंडे दी खातर वी। मैं उस दे पैरीं डिग्ग के माफी मंगी ते बचन दित्ता कि फिर कदी उस दे मत्थे नहीं लग्गांगी। इस पासे मेरे भरा दे वसीले खुल्ल्हे सन ते मैं इह वी समझदी सां कि कोई वी कंम उस लई औखा नहीं। उह विचारा मां दा पुत्तर मेरे पिछ्छे किउं जान गवांदा? होर किधरे विआह करवा सकदा सी। मेरा ते होर किसे नाल कराण नूं जी ही नहीं सी करदा। मगरों उस दी एथों बदली हो गई। पिछ्छों मेरे भरा नें मैनूं दस्सिआ कि असां तुहानूं दोहां नूं मार के लाशां खुरद-बुरद कर देणीआं सन ते ठाणे इह परचा देणा सी कि उह मासटर साडी भैण नूं भजा के लै गिआ है। फिर इक दिन उस कुड़ी नें मैनूं दस्सिआ कि मेरा भरा वलाइतों मुड़न ही वाला ए ते मैनूं तेरे वल्लों वी डर लग्गण लग्ग पिआ ए। जे उस नूं पता लग्ग गिआ जां उस नें वेख लिआ तां पता नहीं की बणे! मैं वी आपणे थां डरन लग्ग पिआ। मरना कौण चाहुंदा ए? इनहां नें ते पता ई नहीं सी लग्गण देणा, पई गिआ किधर ए!

पर मैथों छड्डी वी नहीं सी जांदी उह। दो दिन नां जांदा तां उस दा घर ते उस दे अंग अख्खां अग्गे फिरन लग्ग पैंदे। मेरी होश किसे मेरे कंम आउण दी थां उनहां दे विच समाई रहिंदी ते मैं मिट्टी दा बुत्त बण जांदा। कुझ इह वी खिआल आउंदा कि मेरे बिनां उस दा कौण है? उस नें हुण आपणी ज़िंदगी ही कुझ इस तरहां दी बणा लई होई सी। फिर उस दे भरा दे मुड़न दा दिन नेड़े आउण लग्गा। पक्की तरीक कोई नहीं सी। उस नें होर साकां-अंगां नूं मिलदे-मिलांदे किसे दिन आउणा सी। इक दिन मैं गिआ तां इक बड़ी शान वाला आदमी घर बैठा सी। मैं सोचिआ, अज्ज मैं नां ही आउंदा तां चंगा सी। मेरे बारे शाइद मासी नें अते उस कुड़ी नें दस्स दित्ता होइआ सी। उह मैनूं पुराणे वाकफां वांग मिलिआ। मैं सिर नीवां सुट के बैठ गिआ। समझ नहीं सी आउंदी कि किस तक्कणी नाल वेखां। उह कल्ल्ह दा आइआ होइआ सी। चलो, जो होवे, सो होवे, मैं सोचिआ।

“तुसीं चाह पीओगे? असीं हुणे पी की बैठे आं”, भरा नें पुछ्छिआ।

“हां”, मैं किहा। जदों उह आप पुछ्छ रिहा सी तां अग्गों मैं की आख सकदा सां?

कुड़ी नें चाह लिआंदी। मैं पीण लग्ग पिआ। उह आपणे साकां-अंगां दीआं गल्लां करदे रहे। मैं विच कोई गल्ल नहीं कर सकदा सां।

जदों मैं टुरन लग्गा तां उस नें किहा, “ठहिरो, मैं तुहानूं अगांह कर आउंदा हां।”

मैनूं हुण बहुता डर नहीं लग्गदा सी। फिर वी मैं सोचिआ कि साडे सबंधां बारे कोई कौड़ी गल्ल करेगा।

राह विच उस नें किहा, “मैनूं दिल्ली नौकरी मिलदी ए। किवें रहेगी?”

“ऐथे जलंधर होवे तां चंगा ए”, मैं इह दस्सण लई किहा कि उह मैनूं चंगा लग्गा है।

“एथे ते उहो जिही मिलदी नहीं। दिल्ली बहुत महिंगी ए? तिंन कु कमरिआं दा मकान किंने कु तों मिल जाएगा भला? कहिंदे नें मकानां दी तकलीफ ए, होर कोई नहीं।”

“मैनूं ते पता नहीं: मैं ते कदी दिल्ली रिहा ई नहीं।”

“मेरा खिआल ए, पहिलां बच्चे पिंड ई रख्खणे पैणगे। इकल्ले ही ओथे औख सौख करांगे। पिछ्छों वेखी जावेगी।”

“छोटा मकान लै लवो अजे।”

“छोटे नाल नहीं सरना। बेबे वी नाल ए। पर मकान दे दुख्खों मैं नौकरी नहीं छड्ड सकदा। होर की पता कदों मिले?”

“नहीं, नहीं। नौकरी किउं छड्डणी जे? सभ ठीक हो जावेगा।”

“बस तुहाडी दुआ चाहीदी ए।” उस नें पिआर नाल किहा।

सड़क उतों उह मेरे नाल हत्थ मिला के पिछांह मुड़ गिआ।

हैरानी विच मैनूं आपणे आप दी होश नहीं सी। इह उह ही आदमी सी जिस नें आपणी भैण अते उस दे दोसत नूं वढ्ढ सुट्टण लई किरपान घर लिआंदी सी। हुण वी ते ओना ही कसूर सी! मेरे मित्तर नें आपणी कथा खतम कीती।