बुध्धी अते इसदा कारज-खेतर

आपां मनुख्ख आपणे-आप नूं बुध्धीमान समझदे हां अते बुध्धीमान (Homo sapiens) कहाउंदे हां। माण करदे हां कि बुध्धी राहींआपां, विगिआन, तकनालोजी, अरथ-विवसथा, सारे खेतरां ’च चमतकारी तरक्की अते समुच्ची खुशहाली प्रापत कर सके हां। पर महांपुरख सानूं मूरख वी कहिंदे हन अते सबूत वजों, साडी मूरखता कारन वापरीआं भिआनक इतिहासक वारदातां साडे साहमणे रखदे हन। आपां खुद वी इतिहास विच्च होए ज़ुलम अते बरबादीआं तों शरमिंदा हां अते संसार दे मौजूदा मंदे हालातां नूं तां देख ही रहे हां। नाळ ही, आपणीआं माण-मत्तीआं पदारथक प्रापतीआं दे बावजूद अंदरूनी खुशीआं अते सबर-संतोख तों विरवे महिसूस करदे हां। जद इनहां विरोधाभासां संबंधी विवेक नाळ विचार करदे हां तां अहिसास हुंदा है कि महांपुरख ठीक ही सानूं मूरख गरदानदे हन। सानूं इह मंनणा पैंदा है कि बुध्धीमान हो के वी आपां मूरख रहि सकदे हां। इह अहिसास साडे अग्गे इह सवाल खहड़ा करदा है कि: जे अज्ज बुध्धीमान हुंदे होए असीं मूरख हां, तां की बुध्धी दा वाधा भविख्ख ’च सानूं मूरखता तों छुटकारा दिवा सकेगा? की क्रितम बुध्धी साडी सुभाविक मूरखता नूं घटा सकेगी?

मनुख्ख शुरू तों ही इस विशवास दा धारनी रिहा है कि बुध्धी नाळ उह बहुत कुछ कर सकदा है पर समें नाळ उस नूं, इस दीआं सीमावां अते घाटां दा वी पता लगदा रिहा। जिवें कि याद-शकती दा सीमत होणा, हिसाब-किताब लाउण दी गती दा सीमत होणा, धिआन दा भटकणा अते थक्क-अक्क जाणा आदि। इस तों इलावा इह, मनुख्खी कमज़ोरीआं, पख्ख-पातां, खुंदकां अते साडे विकारां दा असर बहुत छेती कबूलदी है। इस दीआं इनहां घाटां नूं दूर करन अते इस दी कारज-कुशलता (Efficiency) वधाउण लई मनुख्ख नें समें-समें सिर लोड़ींदे साधन विकसित कीते। उदाहरन वजों: लिखण दी कला, किताबां, लाइब्रेरीआं, गणित, विगिआन, कैलकूलेटर, कंपिऊटर अते इंटरनैट्ट आदि। इनहां सारिआं दा उदेश मनुख्खी बुध्धी दी मूल प्रविरती नूं बरकरार रखदिआं होइआं, इस दी कारज-कुशलता नूं वधाउणा सी। पर मनुख्ख दी पदारथ दी भुख्ख असीम अते बहु-रंगी है, इस लई पूरी तरहां कारज-कुशल बुध्धी वी उस नूं घट्ट लग्गण लग्गी। ढाई कु सौ साल पहिलां, मशीनरी राहीं सरीरक-बल नूं अनेकां गुणा वधा सकण दीआं सफल कोशिसां दा ताजा इतिहास उस दे साहमणे सी। सो, उस नें बुध्धी दे कुझ गुणां नूं वी मशीनां राहीं होर विकसित करन लई खोजां शुरू कीतीआं अते इस विच्च उस नूं सफलता वी मिलण लग्गी। इस तकनालोजी नूं क्रितम बुध्धी (Artificial Intelligence) किहा गिआ अते पिछले सत्त-अठ्ठ दहाकिआं विच्च इह अमर-वेल्ह वांग फैली है। इकल्ला इस करके ही नहीं, सगों होर तकनालोजीआं अते जीवन दे अनेकां खेतरां विच्च खाह-मखाह आपणी भूमिका वधाउण दी होड़ करके वी इस नूं अमर-वेल्ह कहि सकदे हां। पर दोवें बुधीआं (कुदरती अते क्रितम) रळ के वी आपां नूं मूरखता तों छुटकारा नहीं दिवा सकीआं। अजे वी आपां जंगां-युधां, वातावरणक संकटां, नां-बराबरीआं, प्रेशानीआं, नफ़रत, साधनां दी बरबादी आदि नूं ठल्ल पाउण विच्च असमरत्थ हां।

मूरखता सदीवी अते सरब-विआपी है

सपशट है कि मूरखता तों भाव बुध्धी दी घाट नहीं। मूरखता तां, बुध्धी, गिआन अते साधनां दे बावजूद अजिहे कंम करना है जो विअकती, समाज अते मनुख्खता दे हितां अते मानता-प्रापत कदरां-कीमतां दे विरुध्ध जां नुकसानदाइक होण। हर देश अते काल दे महांपुरख, मूरखता अते इस दा आधार बणे होए विकारां-औगुणां बारे सपशट शबदां ’च समझाउंदे आ रहे हन। भारत दे उपनिशदां, भागवत गीता अते धारमिक ग्रंथां ’च इनहां बारे बहुत चरचा है। हजरत मूसा नाल संबंधित ‘दस हुकम’ (दस कमांडमैंटां) उस समें अते खेतर दे मनुख्खां दीआं मंदीआं प्रविरतीआं दा सबूत हन। इही गल्ल महातमा बुध्ध दे अशट-मारग ’तों समझ आउंदी है। हज़रत ईसा नें मनुख्ख दे अंदरले विकारां, पखंड, लोभ, हंकार अते नफरत दी तिख्खी आलोचना करदिआं प्रेम, दइआ अते खिमा दा उपदेश दित्ता। हज़रत मुहंमद साहिब दीआं सिख्खिआवां विच्च वी नेक-पाक जीवन, इनसाफ़, दइआ अते मनुख्खी ज़िंमेवारी उत्ते ज़ोर दित्ता गिआ है। सिख्ख धरम दे सेवकां लई गुरू ग्रंथ साहिब विच्च पंज मुख्ख विकारां (काम, क्रोध, लोभ, मोह, हंकार) तों इलावा अनेकां होर औगुणां नूं तिआगणा ज़रूरी करार दित्ता गिआ है। हर महांपुरख नें इनहां नूं आपणी-आपणी भाशा, देश अते युग दे परिपेख विच्च समझाइआ है अते हालातां अनुसार इनहां नूं नियंतरित करन लई असूल-नियम वी बणाए हन। हर धरम दा अनुयाई आपो-आपणे मोढी महांपुरखां दीआं सिख्खिआवां ’ते अमल कर के, इनहां औगुणां-विकार नूं तिआग के सिआणप दे रसते ’ते चल्ल सकदा है।

मूरखता केवल विअकतीआं तक्क सीमित नहीं रहिंदी; इह सरकारां, संसथावां अते सभिअतावां दे फ़ैसलिआं विच्च वी परगट हुंदी है। बरबारा टक्कमैन दी किताब ‘Th e March of Folly’ अनुसार मूरखता (Folly) देश अते काल तों अज़ाद हुंदी है। इह सदीवी अते सरब-विआपी है भावें कि वकत अते सथान दीआं मानतावां अते रहु-रीतां अनुसार, इस दा रूप बदलदा रहिंदा है। इस दा हकूमत दी किसम नाळ कोई सबंध नहीं अते नां ही इस दा किसे कौम जां वरग नाळ कोई सबंध है। इह राजतंतर, अलपतंतर अते गणतंतर सभ विच्च दिखदी है। इसे तरहां आधुनिक फिलासफर-इतिहासकार युवाल हरारी आपणी किताब ‘21 Lessons for the 21st Century’ ’च मनुख्खी मूरखता नूं इतिहास दीआं सभ तों वड्डीआं विनाशकारी ताकतां विच्चों इक्क मंनिआ है। कहिंदा है कि सानूं मनुख्खी मूरखता (Human Stupidity) नूं कदे वी घट्ट करके नहीं समझणा चाहींदा – इह भावें विअकतीगत पध्धर दी होवे भावें समूहक पध्धर दी। मनुख्ख विच्च आपणी तबाही आप करन दी प्रविरती कंम करदी है अते बुध्धीमान आगू वी वड्डीआं मूरखतावां कर सकदे हन। वध्ध-घट्ट दे फ़रक नाल इह साडे सभ विच्च मौजूद है। इस लई पछतावा करन दी बजाइ, इस नूं पछाण के घटाउण दी लोड़ है। इस तों बचणा ज़रूरी वी है अते संभव वी—पूरी तरहां भावें नहीं। चंगी गल्ल इह है कि इस तों बचण अते इस नूं घटाउण लई सिआणिआं नें पुराणे समिआं तों ही वख्ख-वख्ख ढंग-तरीके अपणाए हन, जिनहां दे मूल-आधार सारीआं धारमिक परंपरावां विच्च सांझे हन। अज्ज दी मनोविगिआनक खोज इनहां नूं नवें संदरभ विच्च समझण विच्च सहाइता करदी है।

कुझ माडरन खोजां

मूरखता दा कारन बणीआं कुझ प्रविरतीआं नूं अज्ज दे संदरभ ’च समझाउंण वाळीआं कुझ खोजां,इह हन:

o अज्ज दा मनोविगिआन, गिआनी होण दे भुलेखे ( “Knowledge Illusion”) दी गल्ल करदा है। मनुख्ख नूं लग्गदा है कि उह बहुत कुझ जाणदा है, जदकि उस दा गिआन अकसर सतही हुंदा है। इह हउमै है अते इस दे इस अधीन हो के मनुख्ख आपणे अगिआन नूं वी गिआन समझण लग्ग पैंदा है। इस लई सिआणप केवल जाणकारी इकठ्ठी करन विच्च नहीं, सगों आपणी समझ अते मूरखता दीआं हद्दां पछाणन विच्च है।

o इसे तरहां पहिले गिआन ’ते भरोसे दा भुलेखा ( Confirmation Bias ) दसदा है कि असीं उही गल्लां सवीकार करदे हां जो साडे पहिलां तों बणे विचारां नाल मिलदीआं होण।मनुख्ख सच्च दी थां आपणे मनो-वेगां अधीन हो के चलदा है अते अज्ज दा सोशल मीडीआ इसे छलावे नूं वरत के कमाई कर रिहा है।

o समूहिक सोच (Groupthink) दसदा है कि कई वार पूरा समाज गलत दिशा विच्च चल्ल पैंदा है, किउंकि कोई वी विरोध करन दी हिंमत नहीं करदा। सिआणप नूं हमेशां बहुमत दी जद्दी विरासत नहीं मंनिआ जा सकदा।

o “Dunning–Kruger Effect” अनुसार घट्ट योगता वाला मनुख्ख वी आपणे आप नूं वध्ध योग समझण दा अकसर भुलेखा खांदा है। मूरख मनुख्ख आपणे आप नूं सिआणा समझदा फिरदा है जद कि असल सिआणप निमरता तों शुरू हुंदी है।

मूरखता बारे मुढली जाणकारी प्रापत कर के आपां सिआणप दी लोड़ अते इस दे मुढले कुझ गुणां बारे विचार कर सकदे हां अते प्रापत सिट्टिआं ’ते अमल करके इस दा लाहा लै सकदे हां।

परखीआं-अजमाईआं सिआणपां

सिआणप मूरखता दा तोड़ (Antidote) है। इह उह कला है जिस राहीं मनुख्ख आपणी बुध्धी, गिआन अते प्रापतीआं नूं निमरता सहित सरब-सांझे हितां लई वरतदा है। इस नाळ, मनुख्ख कीते जाण वाळे कंमां दे फौरी लाभां नूं देखण दी बजाइ उनहां नूं नैतिक, समाजिक अते अधिआतमिक कदरां-कीमतां अनुसार करन दी सोझी प्रापत कर लैंदा है। सिआणप दा मूल सुभाअ ही विवेक-बुध्ध नाळ मंदे-चंगे दी परख करना है। इह कला है, सो इह सिरड़ अते अभिआस नाल सिख्खणी अते विकसत करनी पैंदी है, जद कि बुध्धी बहुता कर के सुभाविक हुंदी है भावें कि इस नूं वी सिधाइआ जा सकदा है। सिआणप औगुणां-विकारां तों निरलेप करदी है जद कि बुध्धी अकसर इनहां दे अधीन हो के कंम करदी है। सिआणप दस्सदी है कि की करना चाहीदा है अते बुध्धी दस्सदी है कि इह किवें कीता जा सकदा है। बुध्धी अकसर कु-बुध्ध जां कु-मत्त बण जांदी है पर सिआणप मनुख्ख दी इस कमज़ोरी नूं घटा सकदी है। महांपुरखां दीआं परखीआं सिआणपां अज्ज दे युग ’च वी प्रासंगिक हन।

मूरखता अते विकारां तों उपाअ दे उपराले वी आदि-काल तों ही हो रहे हन पर मनुख्ख अज्ज तक्क इनहां दे चुंगळ तों मुकत नहीं हो सकिआ। सपशट है कि मूरखता अते विकारां दे समाधान लई जो उपाअ मनुख्ख करदा रिहा है उह कारगर नहीं। साइंस अते तकनालोजी मनुख्खी समरत्था नूं वधा सकदीआं हन, पर इह फैसला नहीं करदीआं कि उस समरत्था नूं वरतणा किस मंतव लई है। महांपुरख साडे साहमणे इह आदरश रखदे हन कि असीं दोवें किसम दे लाभ प्रापत करीए – बुध्धी दे वी अते सिआणप दे वी। अज्ज दे तकनालोजी-मुखी (Technocratic Paradigm) माहौल विच्च इस आदरश दी प्रापती किवें संभव है? इस लई गुरबाणी (भाव हर इनसान लई उस दे मोढी पहांपुरखां दीआं सिख्खिआवां अते उपदेश) अनुसार समाजिक बदलाअ दा इक्क महत्तवपूरन रसता विअकती दे अंदरों हो के जांदा है, जदकि आधुनिक प्रबंध अकसर संसथागत अते नीतीगत बदलाअ राहीं समाज नूं बदलण दी कोशिश करदे हन। भावें दोवें द्रिशटीकोण इक्क-दूजे दे पूरक हन, पर गुरबाणी इह याद करवाउंदी है कि चंगे समाजिक बदलाअ दा मुख्ख आधार सवै-विकास हुंदा है।

अज्ज गुरबाणी दा संदेश पहिलां नालों वी वध्ध महत्तवपूरन है, किउंकि इह मनुख्ख नूं बुध्धीमान होण दे नाळ सिआणा अते विवेकी बणन लई प्रेरदा है। गुरबाणी समाज नूं बदलण तों पहिलां मनुख्ख नूं बदलण दी गल्ल करदी है। ‘आपा-पछाण’ दी हज़ारां साल पुराणी सिआणप इस विधी दा पक्का सबूत है। इनहां गुणां नूं आधुनिक मनोविगिआनी वी सिआणप ग्रहिण करन लई ज़रूरी समझण लग्ग पए हन। समाज विअकतीआं दा समूह है, जे हर विअकती हउमै, लोभ अते मोह दे अधीन है, तां उही गुण सरकारां, संसथावां अते समाजक प्रबंधां विच्च वी परगट होणगे। केवल संसथावां बदलण नाल समाज ’च सारथिक बदलाअ नहीं आउंदा; चंगीआं संसथावां लई सिआणे मनुख्ख दी वी लोड़ है।

साडे शुरू दे सवालां,

o ‘जे अज्ज बुध्धीमान हुंदे होए असीं मूरख हां, तां की बुध्धी दा वाधा भविख्ख ’च सानूं मूरखता तों छुटकारा दिवा सकेगा?’

o ‘की नकली बुध्धी साडी असली मूरखता नूं घटा सकेगी?’

दा जवाब नहीं विच्च है। आपां देख ही रहे हां कि बुध्धी दी भरमार दे बावजूद, अज्ज दे वड्डे लीडरां दी मूरखता दा खमिआजा सारा संसार भुगत रिहा है अते आउण वाळीआं पीहड़ीआं वी भुगतणगीआं। समुच्ची भलाई दा राज बुध्धी दे बहुते वाधे-विकास ’च नहीं सगों इस दे मनुख्ख, समाज अते धरती दीआं प्रणाळीआं दे बहु-पख्खी भले हित कंम करन ’च है। मनुख्ख दा भविख्ख इस गल्ल 'ते निरभर नहीं करदा कि उस कोल किंनी बुध्धी है सगों इस गल्ल 'ते करदा है कि उह दोवें बुध्धीआं दे सुमेल नूं किंनी सिआणप नाळ वरतदा है।

---0---