25 दसंबर 2021 नूं पुलाड़-विगिआनीआं नें विशव-पध्धर ’ते इक्क इतिहासक अते महत्तव-पूरन प्रापती कीती है, जिसदा बाहर दे जगत नूं घट्ट पता लग्गिआ है। इस दिन ‘जेमस वैब्ब’ नाउं दी इक्क बहु-मंतवी ‘दूरबीन’ पुलाड़ विच्च भेजी गई है जिहड़ी कि हुण तक बणी सभ तों शकतीशाली अते सभ तों उन्नत किसम दी दूरबीन है। इसदी कीमत 75 हज़ार करोड़ रुपए है अते इसदी योजना-बंदी करन अते इस नूं बणाउण विच्च 25 साल लग्गे हन। गुंझळदार तकनीकी प्रोजैकट होण अते माइक कारनां कर के इस नूं इंना समां लग्ग गिआ। भावें इह अमरीका, कनेडा अते यूरपी देशां दी सांझी परियोजना है पर इस नूं होर देश अते साइंसदान वी वरत सकदे हन।

इस तों पहिलां, आपणे वेलिआं दी ‘हबल’ नाउं दी बहुत सफल दूरबीन पिछले 31 सालां तों पुलाड़ दी खोज विच्च आपणा योगदान पा रही है। इह वी आपणे समें दी सभ तों वड्डी अते शकतीशाली दूरबीन सी। इस नें उस तों किते वध्ध कंम कीता है जिंने वासते इह बणाई गई सी अते अजे वी इस नूं छेती रिटाइर करन दी कोई तजवीज़ नहीं। ब्रहिमंड दी खोज विच्च इसदीआं प्रापतीआं वी क्रांतीकारी रहीआं हन अते मुख्ख पंज इह हन:

* ब्रहिमंड दी उमर दा गिआन।

* इस दे फैलण दी गती।

* इस विच्च गलैकसीआं अते साडे सूरज वरगे तारे रेत दे कणां वांग हन, दे तत्थ दी जाणकारी।

* सुपरमैसिव बलैक-होलां दी पछाण।

* सभ पासे धरतीआं ही धरतीआं होण दी खोज।

‘जेमस वैब्ब पुलाड़ दूरबीन’ (जेमस वैब्ब सपेस टैलीसकोप) होर वी उन्नत अते बिलकुल वख्खरी तकनीक नाल बणी है। इह पहिली नालों सौ-गुणा वध्ध शकती-शाली है। हबल दूरबीन सिरफ दिखण-योग रौशनी अते अलटरा-वाइओलट रौशनी नूं ही पछाणदी है जद कि ‘जेमस वैब्ब’ इनफरा-रैड्ड नूं वी पछाणदी है। इह इसदी इक्क वड्डी ख़ासीअत है अते इसदी समरत्था अते इसदी वध्ध ‘रेंज’ दा भेद है। किहा जा सकदा है कि ‘जेमस वैब्ब’ दूरबीन आपणी पूरवज हबल दी सुयोग उत्तरा-अधिकारी है। ज़िकरयोग है कि ब्रहिमंड बारे सभ तों वध्ध जाणकारी सानूं अड्ड-अड्ड किसम दीआं रौशनीआं तों ही प्रापत हुंदी है। इस तरहां दीआं दूरबीनां, सूरजां अते होर ब्रहिमंडी वसतूआं विच्चों निकळ रहीआं अड्ड-अड्ड तरहां दीआं रौशनीआं दे कंपिऊटरां राहीं कीते विशलेशणां दे, अधार ’ते कंम करदीआं हन।

‘जेमस वैब्ब’ नूं पुलाड़ विच्च भेजण वासते इक्क खास किसम दे राकट दा इंतज़ाम कीता गिआ सी जिसदे अगले भाग विच्च इस नूं छतरी वांग इकठ्ठी कर के बंद कीता होइआ सी अते 25 दसंबर, 2021 नूं सफलता-पूरन पुलाड़ विच्च छड्डी जा चुक्की है। धरती ’तों उप्पर जा के, राकट विच्चों बाहर निकळ के छतरी-नुमा इह दूरबीन इक्क मिथी तरतीब अनुसार हौळी-हौळी खुल्ल्ह चुक्की है। इस वासते दो हफ़तिआं दा समां लग्गिआ अते खुल्ल्हण तों बाअद इसदा साईज़ चार कमरिआं दे दो-मंज़ले मकान जिंना हो गिआ है। इसदे खुल्ल्हण दी प्रकिरिआ बहुत ही सनसनीखेज़ सी जिस बारे इसदे संचालक पूरी तरहां साह रोक के बैठे होए सन। इसदे खुल्ल्हण दीआं तिंन सौ तों वध्ध प्रक्रिआवां सन अते हर सटेज ’ते नुकस पैण दा डर बणिआ होइआ सी। आम कर के पुलाड़ विच्च भेजे जाण वाळे राकटां दी सभ तों गंभीर घड़ी इनहां दे धरती तों उड्डण वेले दी हुंदी है। पर इस प्रोजैकट विच्च इसदे पूरी तरहां खुल्ल्ह के कारजशील होण दी घड़ी इस तों वी किते वध्ध जान-सुकाऊ सी। खुशकिसमती नाल इह सभ कुछ पूरे तसल्ली-बख़श ढंग नाल हो चुक्किआ है अते इस अदुत्ती परियोजना नाल जुड़े जगत विच्च पूरी खुशी अते उतशाह है।

हुण इह 2,100 किलोमीटर प्रती घंटे दी औसत सपीड नाल आपणी मंज़ल वल वध रही है अते इसदे सफर बारे लगातार ‘लाईव’ प्रसारन हो रिहा है। इक्क महीने बाअद (23 जनवरी, 2022 तक) इह आपणी मंज़ल ’ते पहुंच जावेगी जिहड़ी धरती ’तों 15 लख्ख किलो-मीटर दूर है। इह फासला धरती तों चंद दे फासले नालों चार गुणा वध्ध है जिहड़ा कि पौणे चार लख्ख किलोमीटर है। अजोकी दूरबीन ‘हबल’ धरती तों 540 किलोमीटर उप्पर इसदे आळे-दुआळे चक्कर ला रही है जद कि नवीं दूरबीन धरती तों 15 लख्ख किलो-मीटर दूर इसदे बाहरले पासे रहि के, इसदे नाळ-नाळ सूरज दे दुआळे घुंमेगी। सपशट है कि इह धरती दे इरद-गिरद नहीं घुंमेगी। ‘हबल’ नूं धरती तों इंनी कु दूरी ’ते इस कर के रख्खिआ गिआ है तां कि इस ’ते वातावरण दा प्रभाव वी नां पवे अते इसदी मुरंमत वी हुंदी रहे। मुरंमत हुंदी रहिण कर के ही इह इंनी देर तों कंम कर रही है। नवीं दूरबीन दी मुरंमत तां बिलकुल ही संभव नहीं इस लई इसदी उमर दस साल मंनी गई है।

जुलाई 2022 तों इह आपणे सारे कंम करने शुरू कर देवेगी। इह पुलाड़-विगिआनीआं दा इक्क इतिहासक कारनामा है अते इस तों उनहां सणे होर कई खेतरां दे साइंसदानां नूं बहुत उमीदां हन। इस राहीं ब्रहिमंड (यूनीवरस) दे उनहां गुपत भेदां दा राज खुल्ल्हेगा जिहड़े हुण तक मनुख्ख नूं पता नहीं बलकि इसदी कलपना तों ही बाहर हन। किउंकि इह धरती दे आळे-दुआळे नहीं घुंमेगी इस कर के इस ’ते धरती दा परछावां नहीं पवेगा। इस नूं इक्क खास जगहा ’ते रख्खिआ गिआ है जित्थे इस ’ते नां सूरज दी, नां धरती दी अते नां ही चंद दी गरमी पै सकेगी। इसदा तापमान- 266 डिगरी सैंटीग्रेड रहेगा जिस नाल इह इनफरा-रैड्ड किरनां दी पूरी कारज-कुशलता नाल पकड़ कर सकेगी। इह गुण इसदीआं खास विशेशतावां विच्चों इक्क है।

इह खास कर के साडे ब्रहिमंड दीआं सभ तों दूर उहनां गलैकसीआं दा अधिऐन करेगी जिहड़ीआं इसदी रचना तों थोहड़ी देर बाअद बणीआं पर जिनहां दा सरूप अते साईज़ हुण तक बदल चुक्किआ है। इस तरहां इह मनुख्ख नूं बीत चुक्किआ समां दिखा सकेगी। इह साडे सूरजी परिवार तों बाहरलीआं धरतीआं बारे वी खोज करेगी। इसे करके साइंसदान इस नूं ‘खोज मशीन’ कहिंदे हन।

सरसरी नज़र नाल देखिआं पुलाड़ दा विशा नीरस लगदा है किउंकि इस विच्च अंकड़िआं दा बहुत प्रयोग हुंदा है। पर इह इस विशे दी वडिआई है अते इनहां राहीं इह सानूं कुदरत दे अथाह अते बेअंत होण दा अमली गिआन प्रापत हुंदा है। किसे अलौकिक शकती विच्च भरोसा नां रख्खण वालिआं वासते वी इह ज़रूरी ‘सधारन-गिआन’ दा विशा है पर परमातमा अते कुदरत विच्च भरोसा रख्खण वालिआं वासते तां इह उस दी अदभुत अते विसमाद-मई रचना दा प्रतख्ख सबूत है। इत्थे इह गल्ल प्रसंगक है कि अज्ज लगभग हर विगिआनक थिऊरी नें इह सवीकार कर लिआ है कि ब्रहिमंड दी रचना 1,380 करोड़ साल पहिलां वापरे महां-विसफोट (बिग्ग-बैंग) नाल होई है। निर-संदेह इसदे हो रहे फैलाओ बारे मत्त-भेद ज़रूर हन।

हबल दूरबीन वल्लों कीते वडमुल्ले कंम अते हुण भेजी गई ‘जेमस वैब्ब’ दूरबीन दे भविख्ख दे कारनामिआं नूं समझण वासते पुलाड़ दे कुछ मुढले तत्थां अते अंकड़िआं ’ते नज़रसानी ज़रूरी है। इनहां विच्च रौशनी दी सपीड दा खास महत्तव है। साडीआं रोज-मर्ररा दीआं गिणतीआं-मिणतीआं दी तुलना विच्च पुलाड़ दे फासले असीम अते बेअंत हन। इनहां नूं नापण दे ढंग-तरीके वी इनहां फासलिआं अनुसार ही हन अते इनहां दा पैमाना ‘रौशनी दी सपीड’ है। इह सपीड तिंन लख्ख किलोमीटर प्रती सैकंड है। लाईट दी इंनी सपीड होण दे बावजूद वी पुलाड़ दीआं दूरीआं नापण वासते इंना ही काफी नहीं। इस वासते होर वड्डा ‘गज़’ बणाइआ गिआ है जिस नूं रौशनी-साल (लाईट यीअर) किहा जांदा है। इह रौशनी वल्लों इक्क साल विच्च तहि कीते किलोमीटरां बराबर अरथात साढे नौ लख्ख करोड़ किलोमीटर दा है। उदाहरण वजों सूरज, जो साडी धरती तों पंदरां करोड़ किलोमीटर दूर है, दी रौशनी धरती तक पहुंचण विच्च सिरफ अठ्ठ मिंट लगदे हन।

इंने वड्डे ‘गज़’ दी ‘जरूरत समझण वासते साडे ब्रहिमंड (यूनीवरस) दी अनंतता ’ते नज़रसानी दी लोड़ है। अज्ज दे सभ तों प्रसिध्ध पुलाड़-विगिआनी ‘नील डी-गरैस टाईसन’ अनुसार:

* साडे सूरज दे सभ तों नेड़े दा होर सूरज इस तों सवा चार (4.3) ‘रौशनी-साल’ दूर है।

* साडी गलैकसी विच्च दस हज़ार करोड़ सूरज हन।

* साडे ब्रहिमंड विच्च अग्गे दस हज़ार करोड़ गलैकसीआं हन।

* अज्ज समझिआ जा रिहा है कि अनेकां ब्रहिमंड हन।

* गुरबाणी विच्च “कोटि ब्रहिमंड को ठाकुरु सुआमी” दा ज़िकर है।

नवीं दूरबीन दे ज़िंमे लग्गे कंमां दी किसम अते विलख्खणता समझण वासते इह वी ज़रूरी है कि ब्रहिमंड दी रचना अते इसदी बणतर बारे मुढली जाणकारी दी दुहराई कीती जावे। इह किसे धारमिक ग्रंथ दीआं गल्लां नहीं बलकि इह विगिआनक तत्थ हन। कुछ दिलचसप अते ज़रूरी तत्थ इह हन:

* 1,380 करोड़ साल पहिलां ‘बिग्ग-बैंग’ दे अदभुत वरतारे नाल ब्रहिमंड दी रचना शुरू होई।

* 1,370 करोड़ साल पहिलां शुरू दे तारे बणे।

* 1,270 करोड़ साल पहिलां शुरू दीआं गलैकसीआं बणीआं।

* 1,000 करोड़ साल पहिलां आधुनिक गलैकसीआं बणीआं।

* 460 करोड़ साल पहिलां साडा सूरजी सिसटम बणिआ। साडा सूरज इक्क तारा है।

* 455 करोड़ साल पहिलां धरती बणी।

जाणनयोग है कि कुदरत नें ब्रहिमंड नूं इक्क ही वार पक्के तौर ’ते नहीं बणाइआ बलकि इह शुरू तों ही गतीशील है भाव हर पल फैल रिहा है। हैरानी दी गल्ल है कि गलैकसीआं इक्क दूजी तों दूर जा रहीआं हन पर इनहां दा आपणा आकार अते आपणी शकल सथिर है। इसे कर के पुलाड़-विगिआनी इह समझणा चाहुंदे हन कि ‘बिग्ग-बैंग’ राहीं रचना तों कुछ चिर बाअद इह किहो जिहा सी अते हुण किहो जिहा है। बिग्ग-बैंग (ज़ीरो-पुआइंट) वेले अते उस तों तुरत बाअद दी सथिती बारे पता लाउणा अज्ज दी तकनालोजी वासते संभव नहीं। पर नवीं दूरबीन बिग्ग-बैंग वापरन तों 20 करोड़ साल बाअद दी सथिती दा पता कर सकण दे समरत्थ है जद कि पहिली दूरबीन ‘हबल’, 40 करोड़ साल बाअद वापरे वरतारिआं दा पता कर सकदी सी। आम सवाल पुछ्छिआ जा रिहा है कि इंने कु फरक नाल किंनी कु जाणकारी वध सकेगी। जवाब है कि ‘बिग्ग-बैंग’ तों तुरत बाअद घटनावां बहुत ही तेज़ गती नाल वापरीआं, इस कर के पहिले वीह करोड़ सालां अंदर रचना दी बणतर दे बहुत ज़िआदा अहिम भेद समोए होए हन। पुलाड़-विगिआनी अते साइंसदान इही भेद जाणन दे इछ्छुक हन जो साडे गिआन विच्च साडी कलपना तों वी किते ज़िआदा वाधा करनगे। इस तरहां ‘जेमस वैब्ब पुलाड़ दूरबीन’ सही अरथां विच्च ब्रहिमंडी पसारे नूं देखण वाली विगिआनक अख्ख साबत होवेगी अते आपणे ’ते खरचे धन अते कीती विगिआनक मिहनत दा पूरा मुल्ल मोड़ सकेगी।