रुतबा अमीरी अते ज़मीन जाइदाद दा नहीं सगों सवैमाण अते ज़मीर दा हुंदा है

जेकर भौतिकवादी अते दुनिआवी नज़रीए नाल तक्किआ जावे तां अमीर अते ज़मीन जाइदाद वाले लोकां दा रुतबा समाज विच्च उच्चा लग्गदा है। इह गल्ल किसे हद्द तक्क ठीक वी है पर प्रबुध्ध, विदवान अते सूखम अहिसासां दे धनी लोकां दी सोच इस तों उलट हुंदी है। उनहां दा कहिणा इह है कि अमीरी अते ज़मीन जाइदाद नालों सवैमाण अते ज़मीर दा रुतबा जिआदा उच्चा ते महत्तव पूरन हुंदा है किउंकि धन अते ज़मीन जाइदाद आउंदी जांदी रहिंदी है। अमीरी ग़ुरबत विच बदल जाण ’ते मुड़ धन दौलत कमाके, ज़मीन जाइदाद इक्क वार खतम हो जाण ते मुड़ ज़मीन जाइदाद बणाके अमीरी दा रुतबा हासल कीता जा सकदा है पर सवैमाण अते ज़मीर जिंदगी विच्च इक्को वार हासल कीती जा सकदी है। सवैमाण अते ज़मीर दा रुतबा अमीरी अते ज़मीन जाइदाद दे रुतबे नालों होर वी उच्चा अते महत्तवपूरन इस लई वी हो जांदा है कि बंदे नें धन दौलत अते ज़मीन जाइदाद इमानदारी नाल बणाई है जां बेईमानी नाल। जिहड़े लोक हक्क हलाल, मिहनत मुशक्कत, खून पसीने अते इमानदारी दी कमाई नाल अमीर होए हुंदे हन, जिनहां नें ज़मीन जाइदाद बणाउण लग्गिआं कोई लुट्ट खसुट्ट नहीं कीती हुंदी अते नां ही किसे नाल धोखाधड़ी कीती हुंदी है, उह बहुत ही सवैमाण दी जिंदगी जिउंदे हन। उनहां दी ज़मीर सदा ही जिउंदी रहिंदी है। लोक उनहां दा दिलों सतिकार करदे हन। उह कदे वी समाज दे लोकां दीआं नज़रां विच्चों डिगदे नहीं। उह छाती ठोकके अते सिर उच्चा करके कहिंदे हन कि उनहां दी कमाई नेक अते हक्क सच्च दी है। पर लुटेरे अते बेईमान लोक कदे वी सवैमाण अते जिउंदी जागदी ज़मीर नाल इह गल्ल नहीं कहि सकदे कि उह इमानदारी नाल धन दौलत अते ज़मीन जाइदाद दे मालिक बणे हन।

जिनहां लोकां नें अंगरेजां दे पिठ्ठू बणके जगीरां प्रापत कीतीआं, उह जगीरदार तां कहाए पर उनहां नूं समाज विच्च उच्चा रुतबा हासल होण दी बजाए देश ध्रोही किहा गिआ। शहीदीआं पाउण वाले अते जेल्हां कट्टण वाले लोकां नूं आपणा सारा कुझ्झ गुआउणा पिआ। उनहां नूं गुरबत हासल होई पर उह देश भगत कहाए। उनहां नूं सवैमाण अते जिउंदी जागदी ज़मीर वाले होण दा रुतबा हासल होइआ। कमिऊनिसट परिवार नाल संबंध रख्खण वाले मेरे इक्क मित्तर दे पिउ दीदार सिंघ नें लोक हितां लई आपणी नौकरी गुआ लई, जेल्ह कट्टी, उसदे परिवार नूं अत्त दे माड़े दिन वेखणे पए पर उसदी समाज सेवा अते तिआग दे सवैमाण अते जिउंदी जागदी ज़मीर दा फल उसदा परिवार खा रिहा है। सारा इलाका उस परिवार दा दिलों सतिकार करदा है। उसदे भोग उत्ते विरोधी पारटीआं वाले वी उसदी सवैमाण अते जिउंदी जागदी ज़मीर वाली जिंदगी दी शलाघा कर रहे सन। उसदे इस संसार तों तुर जाण तों बाअद वी उह जिउंदा है। उसदे बच्चे वी उसनूं आपणा पिउ होण ’ते माण महिसूस करदे हन अते उसदे समाज सेवी कंमां नूं आपणा आदरश मंनदे हन।

सवैमाण अते जागदी ज़मीर दी शोहरत रख्खण वाले लोक बिना धन दौलत अते ज़मीन जाइदाद तों वी अमीर हुंदे हन किउंकि उनहां कोल सच्च झूठ, सोने तांबे, कणक अते तूड़ी नूं अड्ड करके वेखण वाली बुध्धी अते गिआन हुंदा है। उनहां कोल आपणे लई नहीं सगों दूजिआं लई जिऊण दी प्रतीबध्धता हुंदी है। रूसी लेखक कैसिन कुलसी कहिंदा है कि धन दौलत अते ज़मीन जाइदाद हासल करन वाले लोक वरतमान लई जिउंदे हन पर सवैमाण अते जिऊंदी जागदी ज़मीर वाले लोक भविख्ख लई जिऊंदे हन। सवैमाण अते जिऊंदी जागदी ज़मीर वाले लोकां अंदर मनुख्खी जीवन दे आदरशां अते नैतिक कदरां कीमतां लई संघरश करन दी समरथा ते उतशाह हुंदा है। इसे लई उह आउण वालीआं पीहड़ीआं लई राह दसेरे अते इतिहास बण जांदे हन पर धन दौलत अते ज़मीन जाइदाद बणाउण वाले केवल आपणिआं तक्क सीमत हो के रहि जांदे हन।

* * *