वातावरण विच्च वध रही तपश नें मौसम दा मिजाज़ बदल दित्ता है। लंबे समें लई ठंढ, कई दिन धुंद, मुड़ इकदम गरमी विच्च वाधा, पारे दा 47 नूं पार कर जाणा खतरे दी घंटी है। इसदे नुकसान प्रतख नज़र आ रहे हन। इस मौसमी तबदीली दा सभ तों वध्ध हरजाना किसानां नूं भुगतणा पै रिहा है। इस वार कणक दी पैदावार तकरीबन 20% घट गई। वध रही अबादी नूं वेख इह घाट फिकरमंदी वाली है। इस वार पई गरमी नाल कई रुख्ख सुक्क गए हन। सभ तों वध्ध असर निंम उत्ते पिआ है। घरां, खेतां जां सड़कां कंढे सुक्के रुख्ख आम नज़र आ रहे हन। इनहां दे सोके दा कारन कोई बिमारी नहीं है, सगों गरमी विच्च होइआ वाधा है। वध रही तपश लई सभ तों वध्ध ज़िंमेवार गरीन हाऊस गैसां हन। साडे देश विच्च पिछले कुझ सालां विच्च गड्डीआं दी गिणती तेज़ी नाल वधी है। शाइद ही कोई घर अजिहा होवेगा जिस कोल कोई नां कोई वाहन नां होवे। गड्डीआं दा धूंआं अते अंदर लग्गे एसी तपश विच्च वाधा करदे हन। हुण बहुत सारे घरां, दफतरां, दुकानां, फैकटरीआं आदि विच्च एसी लग्ग गए हन। फरिज्ज वी हरेक घर विच्च है। इह अंदर तां ठंढा करदे हन पर बाहर गरम हवा कढ्ढदे हन। धूंआं छडण वाले कारखाने वी आपणा योगदान पाउंदे हन।

रुख्ख साडी धरती उत्ते छतरी दा कंम करदे हन ते तपश नूं धरती तक पहुंचण तों रोकदे हन। पर असीं बेरहिमी नाल रुख्खां दा कतल कीता है। पंजाब विच्च जंगल तां है ही नहीं, रुख्ख वी टावां टावां नज़र आउंदा है। सूबे विच्च होई मुरब्बेबंदी नाल सड़कां सिध्धीआं होईआं, किसानां दी ज़मीन इक्क थां इकठ्ठी होई, सांझे कंमां लई ज़मीन छड्डी गई। पर खेतां दी अदला बलदी समें किसानां नें आपो आपणे रुख्खां नूं कट्ट लिआ। हरेक पिंड दी झिड़ी हुंदी सी। खाली थावां उत्ते रुख्ख आम ही हुंदे सन। साडे पिंडां विच्च ढक्क दे रुख्ख खालिआं दे नाल आम ही हुंदे सन। उनहां दे खिड़े लाल फुल्ल इंझ जापदा सी जिवें सूरज दी लाली धरती उत्ते उत्तर आई होवे। सिंचाई सहूलतां विच्च होए वाधे नाल किसान दी लालसा वध्ध तों वध्ध धरती उत्ते खेती करन दी हो गई ते सारे रुख्ख कट्टे गए। डा. महिंदर सिंघ रंधावा दी अगवाई हेठ सरकार नें सड़कां कंढे रुख्ख लगाए सन पर सड़कां नूं चौड़ा करन दे प्रोगराम अधीन इह रुख्ख वी कट्टे गए। ठंढीआं सड़कां तपण लग्ग पईआं हन। पंजाब विच्च हुण वण महाउतसत मौके लख्खां नवें बूटे लगाए जांदे हन पर सूबे विच्च रुख्खां दी गिणती घट रही है। इस नाल तपश विच्च होए वाधे कारन सरकार ते होर बहुत सारीआं संसथावां वल्लों रुख्ख लगाउण दी मुहिंम शुरू कीती गई है। इक्क दूजे दे मुकाबले वध्ध तों वध्ध रुख्ख लगाउण दे दाअवे कीते जा रहे हन। जून विच्च अंतरराशटरी वातावरण दिवस मौके लख्खां बूटे लगाए गए। गरमी इंनी सी कि शाइद ही कोई जिऊंदा रिहा होवेगा। हुण वी हर पासे वातावरण प्रेमी बूटे चुक्की नज़र आ रहे हन। उह जित्थे वी खाली थां वेखदे हन अते जिहड़ा वी बूटा मिल जावे, खुरपे नाल छोटा जिहा टोइआ पुट्ट के बूटा गड्ड दिंदे हन। कई तां पाणी पाउण दा वी कशट नहीं करदे। की इह बूटे रुख्ख बण सकणगे? इह प्रशन बहुत गंभीर है। जदों तक बूटिआं दी चोण, लगाउण दा ढंग अते देखभाल सही ढंग नाल नहीं कीती जांदी, इस मुहिंम दा सफ़ल होणा शक्क दे घेरे विच्च आ जांदा है।

इत्थे पाठकां नाल पंजाब ऐगरीकलचरल यूनीवरसिटी वल्लों डा. सतिबीर सिंघ गोसल, वाईस चांसलर दी अगवाई हेठ रुख्ख लगाउण दी योजना बारे दस्सणा ज़रूरी हो जांदा है, जिस अधीन बूटिआं दी सफलता यकीनी हो जावेगी। पी ए यू दा इह माडल सारे वातावरण प्रेमीआं नूं आपणे मिशन दी सफ़लता लई अपणाउणा चाहीदा है। इह फैसला कीता गिआ कि जिहड़ा वी विदिआरथी इस यूनीवरसिटी विच्च दाखला लवेगा, उह इक्क रुख्ख लगावेगा। जिंना समां उह इत्थे रहेगा उस रुख्ख दी देखभाल दी ज़िंमेवारी उसे विदिआरथी दी होवेगी। समें सिर पाणी देणा, नदीनां दी रोकथाम, किसे कीड़े जां बिमारी दे हमले समें संबंधित विभाग दी सहाइता नाल रोकथाम उह ही करेगा। हरेक विदिआरथी नें घट्टो घट्ट चार साल तां यूनीवरसिटी विच्च रहिणा ही हुंदा है। इंझ इह रुख्ख तिआर हो जाणगे। किहड़ा रुख्ख कित्थे लगाउणा है, इसदा फ़ैसला यूनीवरसिटी दे संबंधित विभाग करनगे। टोए पुट्टणे अते मुड़ उनहां नूं भरन दा कंम वी विभाग ही करनगे पर बूटा विदिआरथी आप आपणे हत्थां नाल लगावेगा। हरेक रुख्ख उत्ते बैरीकोड लगाइआ जावेगा, जिस विच्च रुख्ख दा पूरा वेरवा होवेगा। पहड़ाई खतम करके जदों विदिआरथी जावेगा तां यूनीवरसिटी वल्लों उस नूं प्रशंसा पत्तर वी दित्ता जावेगा। इस नाल जित्थे बूटिआं दी सफ़लता यकीनी हो जावेगी, उत्थे विदिआरथीआं नूं वी रुख्खां नाल पिआर हो जावेगा अते उह जित्थे वी होणगे रुख्ख लगाउण अते उनहां दी देखभाल दा कंम जारी रख्खणगे।

यूनीवरसिटी वल्लों इह वी फ़ैसला कीता गिआ है कि अलोप हो रहे रिवाइती रुख्खां दी झिड़ीआं लगाईआं जाणगीआं तां जो पंजाब दे इस अमीर विरसे नूं संभालिआ जा सके। हुण वी यूनीवरसिटी विच्च रुख्खां दी होंद कारन तापमान बाहर नालों दो डिगरी घट ही हुंदा है।

तकरीबन अध्धी सदी पहिलां उदों दे वाईस चांसलर डा. महिंदर सिंघ रंधावा नें यूनीवरसिटी दीआं सड़कां नूं योजनाबध्ध ढंग नाल रुख्खां नाल शिंगारिआ सी। हरेक घर विच्च घट्टो घट्ट दो फ़लदार बूटे जिनहां विच्च अंब, निंबू, अंगूर, किंनो आदि शामिल हन, लगाए सी। इनहां विच्च बहुते हुण वी फ़ल दिंदे हन। चंडीगहड़ अते पंजाब दीआं सड़कां नूं रुख्खां नाल उनहां दी अगवाई हेठ ही शिंगारिआ गिआ सी। यूनीवरसिटी नें आपणे सठ्ठ साल पूरे कर लए हन। पंजाब सरकार दी सहाइता नाल इस नूं मुड़ शिंगारन दा कारज पूरे ज़ोरां नाल चल्ल रिहा है। पंजाब दी खेती विच्च जित्थे इस यूनीवरसिटी दी अहिम भूमिका है, उत्थे इसदे रुख्ख, फ़ल बूटे आपणे विच्च विलख्खणता पेश करदे हन। सूबे दीआं सारीआं संसथावां नूं पी ए यू माडल अपणाउणा चाहीदा है तां जो सही अरथां विच्च पंजाब नूं हरिआ भरिआ बणाइआ जा सके। जेकर अजिहा नां कीता गिआ तां सारे यतन केवल विखावा बण के रहि जाणगे।

पंजाब दे वातावरण दी संभाल, धरती हेठ घट रहे पाणी नूं बचाउण अते आमदन विच्च वाधे लई रुख्ख लगाउण वल विशेश धिआन देण दी लोड़ है। बरसात दा मौसम (जुलाई-अगसत) सदा बहार रुख्ख लगाउण लई बहुत ढुकवां है। इनहां दो महीनिआं विच्च पंजब विच्च वध्ध तों वध्ध रुख लगाउणे चाहीदे हन पर इसदे नाल ही रुख्खां दी सांभ-संभाल वी ज़रूरी है। हरेक किसान नूं इस वार पंज रुख्खां दा टीचा मिथणा चाहीदा है। उस नूं आपणी बंबी उत्ते जां खेत दे बंनहिआ उत्ते घट्टो घट्ट पंज रुख्ख ज़रूर लगाउणे चाहीदे हन।

पंजाब विच्च लक्कड़ दी घाट है। लक्कड़ वेच के पैसे वी कमाए जा सकदे हन। साडीआं पंचाइतां इस पासे अहिम भूमिका निभा सकदीआं हन। कुझ थावीं पंचाइतां दे सहियोग नाल अजिहे तजरबे कीते गए हन, जिहड़े चोखे सफल होए हन। खडूर साहिब वाले बाबा सेवा सिंघ होरां खडूर साहिब नूं जांदीआं सारीआं सड़कां नूं रुख्खां नाल शिंगार दित्ता है। पंजाब दे महापुरखां नूं चाहीदा है कि उह वी इस पासे आपणा योगदान पाउण। इह दो महीने संगतां नूं बूटिआं दा प्रशाद दित्ता जावे अते संगत नूं इनहां बूटिआं दी बच्चिआं वांग देखभाल दा आदेश वी देण। आप वी समें समें सिर पिंडां विच्च जा के इस मुहिंम दी अगवाई कीती जावे।

किसानां वल्लों वण खेती बारे वी सोचणा चाहीदा है। धरती हेठले पाणी विच्च आ रही गिरावट नूं वेखदिआं होइआं वी पंजाब विच्च वण खेती नूं उतशाहित करन दी लोड़ है। कुझ रकबे विच्च वण खेती ज़रूर करनी चाहीदी है। मुढले तिंन साल इनहां विचकार फसलां दी काशत वी कीती जा सकदी है। माहिरां दे अंदाज़े अनुसार वण खेती राहीं फसलां नालों वध्ध आमदन हो जांदी है। इस नाल पाणी दी बच्चत हुंदी है अते खेचल वी बहुत घट है। रसाइणां दी वी नां मातर ही लोड़ पैंदी है। जेकर वण खेती करनी है तां टोटे पुट्ट लवो। इक्क मीटर घेरा ’ते इक्क मीटर ही डूंघा टोइआ पुट्टिआ जावे। जेकर किक्कर, डेक ते निंम दे बूटे लगाउणे हन तां कतारां अते रुख्खां विचकार तिंन मीटर दा फासला रख्खिआ जावे। जेकर बूटिआं नूं वट्टां उत्ते लगाउणा है तां बूटिआं विचकार तिंन मीटर दा फासला रख्खणा चाहीदा है। टाहली लई 2X2 मीटर दा फासला रख्खो। सागवान दे बूटे 2X2 मीटर उत्ते लगाए जाण। इनहां रुख्खां दे नाल कुझ सजावटी रुख्ख वी लगाए जा सकदे हन। गुलमोहर, रात दी राणी, चांदनी, राहफ़ीमीआ, मोतीआ, सावनी, कनेर, हार शिंगार सजावटी बूटे हन। इस वार पंजाब विच्च ‘रुख्ख लगावो’ मुहिंम सही अरथां विच्च शुरू करनी चाहीदी है।

* * * * *