होटल पुज्ज के खाणा खाण तों बाअद जगतार तां लेट गिआ ते मैं सवेर दे लंमे सफर बारे सोचण लग्गा। जे मैं सवेरे रावलपिंडी, पंजा साहिब दी यातरा ‘ते जाणा सी तां मैनूं आपणा सामान पैक करके नाल ही लिजाणा पैणा सी किउंकि यातरा उपरंत 19 अप्रैल नूं सिध्धा सवेरे लाहौर रेलवे सटेशन ‘ते ही पुज्जण दा प्रोगराम सी। रात नूं मैं सामान सांभदिआं डा. जगतार नूं अजे वी आपणे नाल जाण लई मना रिहा सां पर, ‘सिहत एने लंमे सफर दी इजाज़त नहीं दिंदी’ वाला उहदा बहाना सच्चा ही लगदा सी। लाहौर दी यातरा करदिआं वी उह अकसर हफ थक्क जांदा सी। कुझ वी सी, मैनूं उस दा साथ छड्ड के जाण दा अफसोस वी सी पर पाकिसतान यातरा दी ख़ुशी ते चाअ नें इस अफसोस नूं छोटा कर दित्ता सी।
इसे समें ही मैनूं इलिआस घंुमण अते सतनाम माणक दा फलैटीज़ होटल तों फ़ोन आइआ सी कि मैं सवेरे ननकाणे जाण लई तिआर तिआर हो के सत्त वजे फलैटीज़ विच पहंुच जावां। इलिआस घंुमण नें मैनूं ननकाणा विखाउण दा वाअदा चेते रख्खिआ सी। पर असीं तां रावलपिंडी वाली यातरा लई तिआर हो चुक्के सां ते मेरे नाल रघबीर सिंघ अते सुलेखा वी तां जुड़े होए सन। मैं इह समस्सिआ दस्सी तां माणक कहिंदा ‘‘ओ छड्ड यार! उधर राह ‘च किसे नें पुछ्छ लिआ तां पंगा पऊ, एधर औकाफ वालिआं नें साडे नाल आपणा बंदा भेजण दा प्रबंध कर दित्तै। उहदे हंुदिआं बेझिजक विचरांगे। ते रघबीर हुरीं आह मेरे नाल ही खलोते नें, इनहां नाल गल्ल कर लवो।’’
मैं दिलों माणक दी गल्ल नाल सहिमत सां ते रघबीर सिंघ नूं तां पहिलां ही लंमी यातरा लई मैं ते सुलेखा नें मनाइआ सी। पर यातरा फीस असीं पहिलां ही रूप सिंघ रूपा नूं जमहां करवा बैठे सां। रघबीर सिंघ कहिण लग्गा, ‘‘रूप सिंघ रूपा नूं पुछ्छ वेख। जे पैसे नां वी मोड़ू, तां वी कोई गल्ल नहीं।’’
ननकाणे जाण दा निरणा लै के मैं जगतार नूं किहा कि हुण तां उह साडे नाल जा सकदा है। शाम नूं तां वापस आ ही जाणा सी पर जगतार नहीं मंनिआ।
मैं आपणे ही होटल विच ठहिरे रूप सिंघ रूपा नूं फोन करके उनहां नाल यातरा ‘ते नां जा सकण दी असमरथा प्रगटाई, राह विच, आगिआ तों बिनां ‘पंगा’ पै जाण दा तौख़ला वी जताइआ ते अंतिम गल्ल कहि दित्ती कि जे पैसे वापस कर सकदे हो तां ठीक है जे नहीं तद वी तुहाडी मरज़ी। उस नें किहा कि सवेरे तुरन तों पहिलां मैं उनहां कोलों पैसे वापस लै सकदा हां।
थकावें लंमे सफ़र दा भार सिरों लहि जाण करके ते ननकाणे जाण बारे पूरा मन बणा के मैं फिर जगतार नूं किहा, ‘‘बाबिओ! हुण चले चल्लो! ननकाणे दा सफ़र तां थकाउण वाला नहीं।’’
‘‘नहीं, तुसीं हो आवो, मैं ऐथे कुझ दोसतां नूं मिल-मिला लवांगा।’’ उस नें बेदिली नाल किहा।
उस दा अटल्ल फैसला सुण के मैं वी चुप्प कर गिआ।
‘‘इह जिवें तेरे जुगाड़ नें नां जाण-आउण दे, इंज आपणे वी बहुत नें।’’ अचनचेत उस नें किहा तां मैनूं हैरानी होई।
‘‘इह तां आपणा सांझा जुगाड़ ई ए। मेरा इथे कौण जाणू ए। तुहाडा एथे सालां तों आदर-माण एं। तुहाडे दोसत मित्तर नें।’’
पर जगतार जाण लई तिआर नहीं सी।
सवेरे नहा धो के मैं ‘रूपा’ तों पैसे फड़ लिआइआ ते सत्त वजे तक फलैटीज़ होटल पहंुच गिआ। इलिआस घंुमण घरेलू रुझेविआं ते पिछले दिनीं वापरे दुख्खदाई परिवारक हादसे कारन साडे नाल नहीं सी जा रिहा पर उस दी कार ते डराईवर हाज़र सन। उस दे घर ठहिरी बाजवा दंपती वी साडे नाल जा रही सी। दूजी कार राइ अज़ीज़ उला खां दी सी। असीं तिआर हो के खड़ोते सां पर ‘औकाफ़’ वाला करमचारी अजे नहीं सी पुज्जा ते उस दी उडीक हो रही सी। रावलपिंडी वाली बस्स वी होटल दे अहाते विच खहड़ोती सवारीआं उडीक रही सी। प्रिंसीपल सरवण सिंघ ते कुझ होर साथी वी ननकाणे वासते इक वैन तिआर कीती खड़ोते सन।
‘औकाफ़’ दा करमचारी आइआ तां असीं कारां विच बैठण दी कीती। इलिआस घंुमण वाली कार विच ‘बाजवा दंपती’ दे नाल रघबीर सिंघ ते सुलेखा बैठ गए। दूजी कार विच राइ अज़ीज़ उला खां आप ही डराईवर दी सीट उते बैठ गए तां कि इक बंदे दी थां बच सके। उस नाल प्रेम सिंघ ऐडवोकेट अग्गे बैठ गिआ। पिछली सीट ‘ते सजिओं खब्बे मैं, सतनाम माणक ते औकाफ़ दा करमचारी अनवर जावेद बैठ गए।
कारां फलैटीज़ तों निकल के माल रोड ‘ते तुर पईआं तां सतिनाम माणक नें किहा कि कुझ अख़बारां ख़रीद लईआं जाण। उस दी कानफ़रंस दीआं रिपोरटां देखण विच बहुत दिलचसपी सी, उंज वी उह भारत-पाकि सबंधां बारे बहुत ‘उतशाही जिऊड़ा’ है। कानफ़रंस दी सफलता नूं लै के उह पूरे जोश विच सी।
‘‘इक नवीं तारीख़ दी शुरूआत हो गई है’’, राइ अज़ीज़-उल्ला नें आखिआ तां माणक हुलारिआ गिआ।
‘‘आपां रल के नवां इतिहास सिरज देणा है’’, सारे जणे अख़बारां दे वरके पलटण लग्गे। मेरी अख़बारां दीआं ख़बरां नालों बाहरले संसार विच ज़िआदा रुची सी। असीं लाहौरों बाहर निकल रहे सां। रावी आ गई सी। सुक्की होई रावी! विच घाह उगिआ होइआ। बचपन विच ढाडीआं तों सुणिआ गीत चेते विच थरथराइआ:
मुड़-मुड़ के याद आवे पछ्छमी पंजाब दी।
अख्खीआं विच सूरत फिरदी ए रावी-चनाब दी।
किते रावी नें विछड़े पुत्तरां दी याद विच रो रो के हंझू तां नहीं सन सुका लए! उहदीआं अख्खां ख़ुशक तां नहीं सन हो गईआं!!
इह तां मेरी भावुकता सी। रावी तां पिछ्छे ‘बझ्झे बंनहां’ नें सुका दित्ती सी। मेरी चेतना अतीत ते वरतमान विच रलगड हो रही सी। कलपना विच वेखिआ इह इलाका मैं यथारथ दीआं अख्खां नाल वी घोख रिहा सां। कार शेख़ूपुरे नूं जाण वाली सड़क ‘ते रिहड़ी जा रही सी। सड़क दे समानंतर इक होर सड़क जा रही सी। असल विच इह दोवें सड़कां ‘वन’ वेअ सन। साडे वाली सड़क वाहणां दे लाहौरों शेख़ूपुरा जाण वाली सी ते दूजी शेख़ूपुरे तों लाहौर आउण वाले वाहणां वासते। दोहां सड़कां दे विचकार इक सड़क जिंना थां कच्चा सी। लोड़ मुताबक इस कच्चे थां नूं वी पक्का करके इह वड्डी शाह-राह बणाई जा सकदी सी। तिंने सड़कां मिल के बहुत खुल्ल्ही सड़क बण सकदी सी। मैनूं इह विचकार ख़ाली थां छड्डण वाली योजनाबंदी वधीआ लग्गी। साडे पासे जदों सड़कां चौड़ीआं करनीआं होण तां आसे-पासे वालीआं दुकानां ते मकानां दा पंगा विच खहड़ा हो जांदा है। भावें इह दुकानां ते मकान अगलिआं नें सरकारी थां ‘ते नाजाइज़ कबज़ा करके ही किउं नां बणाए होण। एथे सड़क दी चौड़ाई दी गुंजाइश बाहरवार रख्खण दी थां अंदरवार रख्खी गई सी ते इस ‘ते किसे प्रकार दे नाजाइज़ कबज़े दी कोई संभावना नहीं सी।
बस्सां, टरक्क, मोटर साईकल ते साईकल सड़कां उते इधरों-उधर घूक रहे सन। सड़कां दी हालत साडे पासे दीआं सड़कां तों किसे सूरत विच वी माड़ी नहीं सी। पाकिसतान विच चल्लण वालीआं बस्सां उते बहुत रंग-बरंगे चित्तर अते मीनाकारी कीती हुंदी है। साडीआं नज़रां नूं इह सजावट कुझ अजीब वी लग्गदी है। इधर चल्लण वाले टरक्कां दी तां बणतर ही बड़ी अजीब है। इस दा ‘टूल-बकस’ तों अगला हिस्सा मत्थे तों अगांह नूं इंज वधाइआ हुंदा है जिवें टीपू-सुलतान दी पग्ग होए। मैं टरक्कां दी अजिही अजीबो-गरीब बणतर ‘ते टिप्पणी कीती तां सतिनाम माणक नें इक गल्ल सुणाई।
इक वार किसे वफ़द नाल आए बलवंत सिंघ रामूवालीआ नें जनरल ज़िआ-उल-हक्क नूं इनहां टरक्कां बारे दस्सिआ कि छत्त वलों अग्गे नूं वधिआ होण करके अजिहे टरक्कां दे अगले हिस्से विच हवा रुक जाण कारन इंजण दा ज़ोर ज़िआदा लग्गदा है ते इस नाल सपीड ‘ते वी फरक पैंदा है तां ज़िआ-उल-हक्क नें हस्सदिआं किहा सी, ‘‘टरक्कां बारे तुहाडे सरदारां तों वध्ध होर कौण जाणू हो सकदा है!’’
सड़कां दे दोहीं पासीं थोहड़ी-थोहड़ी वित्थ ‘ते कारख़ाने सन। कोई सटील दा, कोई ‘बब्बर शेर यूरीआ’ दा, कोई कप्पड़े दा। चहड़दे पंजाब दी तुलना विच शेख़ूपुरा रोड उते बणे कारख़ाने वेखके हैरानी होई। मैं इस दा ज़िकर कीता तां प्रेम सिंघ ऐडवोकेट नें किहा, ‘‘वेख लौ संधू साहिब! कहिंदे पाकिसतान नें तरक्की नहीं कीती…’’
उस दी गल्ल ठीक ही सी। इंडसटरी दे पख्खों ‘साडा पंजाब’ उधर नालों बहुत पिछ्छे नज़र आइआ।
अनवर जावेद नें दस्सिआ, ‘‘इकल्ले शेख़ूपुरे ज़िले विच ही छे हज़ार फैकटरी है…’’
होवेगी! लाहौर दे गुलबरग ते माडल टाऊन दीआं अमीरीआं ते रौशनीआं विच इनहां फैकटरीआं दा पैसा ही तां बल ते चमक रिहा सी।
अनवर जावेद साडे नाल रच-मिच गिआ सी। उह नाल दी नाल राह विच पैंदीआं फैकटरीआं बारे ही नहीं, होर वी लोड़ींदा भूगोलिक ते इतिहासक वेरवा देई जांदा सी। उह समझदार बंदा सी। उस नें इक दुध्ध बणाउण वाली फैकटरी वल्ल इशारा कीता। मैं पुछ्छिआ कि साडे पासे दे बनावटी ते मिलावटी दुध्ध वांग इधर वी कुझ इहो जिहा वापरदा है तां उस नें हस्स के किहा,’’दोहीं पासीं इको जिहे लोक ई नें…’’
दुध्ध विच पाणी दी मिलावट बारे मैनूं इक लतीफ़ा याद आइआ, ‘‘दुध्ध जदों दोधी नूं आपणे वल्ल आउंदिआं वेखदा है तां आपणे आप ही शरम नाल ‘पाणी-पाणी’ हो जांदा है।’’
सड़कां ‘ते बणीआं फैकटरीआं तों पिछ्छे नज़र मारदा सां तां दूर दूर तक खेती नज़र नहीं सी आउंदी। जित्थे सी वी तां बहुती वधीआ नहीं। निसचे ही खेती दे खेतर विच पाकिसतानी पंजाब साडे नालों काफी पछड़िआ होइआ दिखाई दे रिहा सी। मैं इस दा कारन राइ साहिब नूं पुछ्छिआ। उनहां कोल दस मुरब्बे ज़मीन है ते उह ख़ुद वी खेती करवाउंदे हन।
‘‘संधू साहिब! इक तां पाणी दा पूरा बंदोबसत नहीं। दूजा ज़मीनां ‘ते, काशत उते सरकार नें टैकस बहुत ला दित्ते नें। इंडसटरी वाला तां टैकस दिंदा नहीं ते किसान विचारे दा टैकस देण बिनां छुटकारा नहीं।’’
उनहां दी गल्ल नूं अग्गे विसथार दिंदिआं अनवर जावेद नें दस्सिआ, ‘‘इक तां ज़मीन उते मालकाना टैकस है ते इह ‘फी एकड़ पंजाह रुपए’ हरेक काशतकार नूं देणा पैंदा है। इस तों बिनां रकबे दे हिसाब नाल इनकम टैकस मुकर्रर है। दो मुरब्बे वाले काशतकार नूं 400 रुपए, इक मुरब्बे वाले नूं तिंन सौ रुपए फी एकड़ इह टैकस अदा करना पैंदा है। इक पैली तक वी इह टैकस अदा करना पैंदा है।’’
एनी माड़ी फसल विचों टैकस दे के किसान नूं की बचदा होवेगा! मैं सोच ही रिहा सां कि अनवर जावेद नें दस्सिआ, ‘‘अजे तां फसल मुताबक इक वख्खरा टैकस है, जिस नूं मामला वी आख सकदे हां। मुंजी दा 150 रुपए, कणक नूं 125 रुपए फी एकड़। उंज जे फ़सल नां होवे तां इह टैकस नहीं लग्गदा।’’
असीं चहड़दे पंजाब विच किसानां दी मंदी आरथिक हालत, ख़ुदकुशीआं दे वधदे रुझान अते फसलां दी सरकार वलों ठीक ख़रीद नां होण दी गल्ल वी कीती तां अनवर नें किहा, ‘‘इधर वी एही हालत ए। फसल दा ख़रीददार कोई नहीं। सरकार ख़रीददी नहीं। हुण गौरमिंट नें कणक दी कीमत तिंन सौ रुपए मण मुकरर कीती ए पर मिल्लां वाले ढाई सौ तों वध्ध नहीं दिंदे…’’
किते किते सड़क दे किनारे फ़सल दिखाई दे रही सी। जिथे जिथे फ़सल हुंदी उथे मिट्टी दीआं वड्डीआं वड्डीआं कली कीतीआं बुरजीआं उते उरदू विच कुझ लिखिआ होइआ सी। मैं चल्लदी कार विचों वी मोटे अख्खरां ‘च ‘गंदम’ लिखिआ पहड़िआ। मेरे ख़िआल विच तां इह मील-पत्थर सन ते इनहां उते शेख़ूपुरा दी दूरी लिखी होवेगी पर इह ‘गंदम’ की? अगली बुरजी ‘ते ‘गंदम’ दे हेठां यूरीआ लिखिआ पहड़िआ। पुछ्छण ‘ते अनवर नें दस्सिआ कि इह ‘महिकमा काशतकारी’ वालिआं नें बुरजीआं बणाईआं नें। उनहां वलों हरेक फ़सल मुताबक उस नूं किंने पाणी किंने किंने वकफे बाअद लाए जाण, किहड़ी किहड़ी खाद कदों कदों किंनी किंनी पाई जावे, नदीनां नूं मारन लई किहड़ी दवाई दी वरतों कीती जावे—सभ कुझ लिख दित्ता जांदा है। काशतकार दीआं नज़रां साहमणे हर वेले रहिण वालीआं बुरजीआं ‘ते लिखीआं इह हदाइतां उनहां दे बड़ा कंम आउंदीआं हन। किसानां दी अगवाई लई वरतिआ जाण वाला इह तरीका मैनूं बहुत चंगा लग्गा।
‘‘इक एकड़ पिछ्छे ज़िमींदार नूं किंनी कु बच्चत हो जांदी है…?’’
‘‘खरचे कढ्ढ के चार पंज हज़ार बच ही जांदे नें अछ्छी ज़मीन विचों’’
असल विच अनवर शेखुपूरे दे नज़दीक ही किसे पिंड दा रहिण वाला सी ते किसानी दे दुख्खां-सुखां नाल नेड़िओं सबंधत जापदा सी।
‘‘हुण ठेके वाले नूं तां ज़मीन वारा ही नहीं खांदी। ठेका देवे तां विचों बचावे की। डीज़ल होर महिंगा हो गिऐ।’’
असल विच पाकिसतानी पंजाब विच सिंजाई दा वधीआ बंदोबसत नहीं। बिजली नाल चल्लण वाले टिऊबवैल्ल दी थां लोक सिंजाई लई पीटर इंजणां दी वरतों करदे हन। नहिरी पाणी लोड़ींदी मातरा विच प्रापत नहीं। पाकिसतान विच बिजली सरपलस्स है पर उहदा खेती लई उपयोग नांमातर ही कीता जांदा है।
‘‘हकीकत तां इह है कि छोटा किसान बुरी तरहां पिस रिहै…’’ अनवर नें तोड़ा झाड़िआ।
‘‘मुआफ़ करना! गुस्सा नां करना।’’ साडीआं गल्लां सुण रहे प्रेम सिंघ नें किहा, ‘‘इधर माड़ी काशत दा इक वड्डा कारन इह है कि इधर उनहां लोकां नूं ज़मीन मिली जिहड़े ग़ैर-काशतकार सन। उनहां कोल वाही-खेती दा तजरबा कोई नहीं सी। नहीं तां वंड तों पहिलां इहो ज़मीनां सोना उगलदीआं सन।’’
प्रेम सिंघ दी गल्ल नूं अग्गे वधाउणा मुनासिब नहीं सी। राइ साहिब ते अनवर नें इस दा कोई हुंगारा नहीं सी भरिआ। उनहां दी इस बारे राइ मुख़तलिफ़ हो सकदी सी। दानशवर लोक पिछले समें तों भावें सांझ दे टुट्टे होए सूतर लभ्भ के उनहां नूं जोड़न दी कोशिश विच सन ते दोहां पंजाबां नूं इक-दूजे दे चिहरे ‘चों आपणे ही नकश पछानण दी आदत पा रहे सन पर दूजे पासे इह वी इक कौड़ी हकीकत सी कि इक-दूजे प्रती सालां तों कीते जांदे प्रचार दा अचेत असर साडी सोचणी दा अंग बण गिआ सी। असीं कई मुद्दिआं ‘ते उपरोकत सांझी राइ बणाउण दी कोशिश कर रहे हुंदे हां पर कुझ होर मुद्दे नाल दी नाल सानूं साडे विरोधी पैंतड़े दा अहिसास वी करवाउंदे रहिंदे हन। इस विरोधी पैंतड़े नूं तां मुहंमद अली जिनाह नें पाकिसतान दी मंग करदिआं दो कौमी सिधांत दे नज़रीए तों बड़े सपशट रूप विच पेश कीता सी। उस अनुसार : ‘‘हिंदू अते मुसलमान दो वख्ख वख्ख धारमिक फ़लसफ़े हन जिनहां दे अलग्ग समाजिक रसमो-रिवाज ते आपणा अलग्ग साहित है। नां तां इह इक दूजे नाल विआह-शादी करदे हन ते नां ही इक्कठे खांदे हन। निरसंदेह इह दोवें धरम वख्खो-वख्खरीआं सभिआतावां नाल सबंधत हन जिहड़ीआं मुख्ख तौर ‘ते विरोधी विचारां अते संकलपां ‘ते आधारित हन। ज़िंदगी बारे उनहां दे संकलप इक दूजे तों भिंन हन। इह बड़ी साफ गल्ल है कि हिंदू अते मुसलमान वख्खो-वख्खरीआं घटनावां अते नाइकां तों प्रेरना लैंदे हन। आम तौर ‘ते इक धिर दा नाइक दूजे दा दुशमण हुंदा है अते इक धिर दी इतिहास विच प्रापत कीती जित्त दूजे दी हार हुंदी है।’’
हुण पे्रम सिंघ ऐडवोकेट दी गल्ल दा वी इक आपणा तरक सी कि जिनहां लोकां नूं खेती करन दी सार नहीं सी उनहां नूं ज़मीनां मिल गईआं दूजे पासे नज़ामदीन वाला तरक सी कि सांझे मुलक विच तां उनहां कोल ‘कुझ वी नहीं सी’। इह पाकिसतान दी होंद सदका ही संभव होइआ कि बेज़मीने वी ज़मीनां वाले बण गए।
अजिहे टकराउंदे सवाल-जवाब तों असीं बच के उपरों उपरों सदभावना बणाई रख्खणा लोड़दे हां पर मुहंमद अली जिनाह दी गल्ल विचला तरक वी अख्खों परोखे नहीं हुंदा कि इतिहास दी इक धिर दे नाइक दूजी धिर दे दुशमण ते इक धिर दी हार दूजी धिर दी जित्त नज़र आउंदी है। औरंगज़ेब सिख्खां लई ख़लनाइक है पर मुसलमानां लई ‘इसलाम दा मुदई ते वड्डा प्रचारक’। अजिहे टकराउंदे विचारां विच उलझण नालों चुप्प वट्ट लैणी चंगी हुंदी है। असीं वी कुझ चिर लई चुप्प कर गए ते बाहर दा नज़ारा वेखण लग्गे।
राइ अज़ीज़-उल्हा कार दी किल्ली नप्पी जा रिहा सी।