डाकटर नानी कोरी अनपहड़ सी। उसने सकूल दा मूंह तक नहीं वेखिआ होइआ सी। लोड़ पैण ’ते जेकर किसे सरकारी कागज़ उत्ते उस नूं अंगूठा लाउणा पै जांदा तां उह अंगूठा लाउण तों पहिलां सौ तरहां दे सवाल करदी हुंदी सी। जेकर हासे विच्च नानी नूं कोई इह सवाल कर दिंदा सी कि नानी तूं पहड़ी किउं नहीं, तां उसदे दो रटे रटाए जवाब हुंदे सन, बच्चा, “साडे वेले कुड़ीआं नूं भला कौण पहड़ाउंदा हुंदा सी ते नाले अज्जकल्ल्ह वांग सकूल वी कित्थे हुंदे सन?”
नानी दी ज़िंदगी नाल जुड़े दो सवालां बारे हर कोई जाणन दी इछ्छा रख्खदा सी। पहिला सवाल हुंदा सी कि कोरी अनपहड़ होण दे बावजूद उस नूं डाकटर नानी किउं कहिंदे सन। दूजा सवाल हुंदा सी कि उस नूं ताई, चाची अते भूआ नां कहि के नानी ही किउं किहा जांदा सी? नानी दा नाम सरनी सी। जिहो जिहा उस दा नां सी, उसे तरहां दा उसदा सुभाअ हुंदा सी। हर इक्क दे दुख्ख सुख विच्च कंम आउणा उसदी आदत सी। नानी नूं बच्चिआं दीआं बिमारीआं दा देसी इलाज अते बच्चिआं दे जणेपे बारे बहुत गिआन सी। साडे पिंड विच्च आर.ऐम्म.पी डाकटरां दीआं दुकानां अते इक्क सरकारी हसपताल वी सी पर साडे पिंड दे लोकां दा ज़िआदातर इह विशवास हुंदा सी कि नानी दे हत्थ विच्च जस्स है, बच्चे उसदे हत्थों ही ठीक हुंदे हन। उसदीआं दवाईआं वी आपणीआं देसी ही हुंदीआं सन। उह बच्चिआं नूं अंगरेज़ी दवाई तां देण ही नहीं सी दिंदी। बच्चिआं नूं टट्टीआं, उलटीआं लग्गण, गला खराब, बुखार, सिरदरद, कबज़, दाहड़-दंद दरद अते होर छोटी मोटी बिमारी होण ’ते उह काह जुऐण दा अरक, सौंफ अते पदीने दा पाणी, मगां, जैफल, लौंग, मलठ्ठी, हरड़, बहेड़े अते आमले दी फक्की, इसबगोल, भुज्जी होई हिंग अते होर उसदे देसी नुसखे बच्चिआं नूं झट्ट ठीक कर दिंदे सन। बच्चिआं दा गला खराब होण ’ते नानी दे हत्थों उनहां दे गले विच्च गलैसलीन दा लगाइआ होइआ तूंबा राम बाण हुंदा सी।
चंगे ऐकसपरट डाकटर वांग उह बच्चिआं दे गले विच्च तूंबा लगाउंदी सी। बच्चा रोंदा रहि जांदा सी कि उह तूंबा लगाके इह शबद बोल दिंदी सी, इक्क वार तूंबा होर लवा लिओ, ठीक हो जावेगा। बच्चिआं दे मां बाप आपणे बच्चिआं नूं डाकटरां कोल उदों ही लिजांदे सन, जदों नानी उनहां नूं इह कहि दिंदी सी कि भाई इस नूं डाकटर नूं ही विखा लओ। पिंड विच्च कोई वी जणेपा नानी तों बगैर नहीं हुंदा सी। नानी दाई नहीं सगों इक्क अनुभवी औरत सी। नानी खुद ही बच्चा होण वाले परिवार दे संपरक विच्च रहिंदी सी। उह बच्चा होण तक ही नहीं सगों जणेपे तों बाअद वी मां अते उसदे बच्चे दा पूरा धिआन रख्खदी सी। जणेपे तों बच्चे दी मां दीआं मालिशां, बच्चे अते उसदी मां दी खुराक अते देखभाल, सभ कुझ नानी दे कहिण अनुसार हुंदा सी। इक्क वार साडे मुहल्ले दी इक्क कुड़ी किसे वड्डे शहिर विच्च विआही होई सी। उसदा सहुरा परिवार काफी पहड़िआ लिखिआ सी। उस कुड़ी दे होण वाला बच्चा पहिला सी। पेके परिवार दी परंपरा अनुसार पहिला बच्चा कुड़ी दे पेके घर होणा सी। कुड़ी दे शहिरी सहुरे पिंड अते जणेपे दा केस खराब होण दे डर कारन कुड़ी नूं जणेपे लई उसदे पेके घर नहीं भेजणा चाहुंदे सन। कुड़ी दे पेके परिवार नें नानी नूं पुछ्छिआ कि कुड़ी दे सहुरे उस नूं जणेपे लई पिंड होण करके साडे कोल भेजणा नहीं चाहुंदे, तूं दस्स की करीए? नानी नें अग्गों किहा, “तुसीं बेफ़िकर होके कुड़ी नूं बुला लओ, रब्ब सुख्ख रख्खे, सभ कुझ ठीक हो जावेगा।”
नानी दी गल्ल मंनके कुड़ी दे मापिआं नें कुड़ी नूं जणेपे लई आपणे कोल बुला लिआ। नानी नें बगैर किसे अलटरासाऊंड तों पहिलां ही दस्स दित्ता कि बच्चे दो हन, पर घबराओ नां, सभ कुझ ठीक हो जावेगा। कुड़ी दे मापिआं अते सहुरिआं दा फिकर होर वध गिआ। जणेपे तों कुझ दिनां पहिलां कुड़ी नूं तकलीफ़ होर वध गई। नानी नें कुड़ी नूं किहा, बच्चा, मैं अज्ज तक अनेकां बच्चिआं दा जणेपा करवाइआ है, जेकर मैनूं कोई फ़िकर वाली गल्ल लगदी तां मैं तेरे मापिआं नूं पहिलां ही कहि देणा सी। मेरी वी इज़्ज़त दा सवाल है। तूं मेरे कहिण अनुसार चल्लदी जा। परमातमा भली करेगा। नानी जणेपे तों दो दिन पहिलां ही उनहां दे घर बैठ गई।
कुड़ी दे जुड़वां बच्चे ही होए। जणेपा वी ठीक ढंग नाल हो गिआ। कुड़ी दे सहुरे नानी नूं विशेश तों मिलण आए। उनहां नें नानी नूं आपणी खुशी नाल कप्पड़े अते होर कीमती चीज़ां देण दी कोशिश कीती। नानी नें अग्गों किहा, असीं कुड़ी वाले हां। कुड़ी वाले, मुंडे वालिआं तों लैंदे नहीं, सगों उनहां नूं दिंदे हन। नानी नें आपणी हिंमत अनुसार उनहां नूं कोलों दे के तोरिआ। उह किसे तों नवां पैसा नहीं लैंदी सी। दवाईआं वी आपणे पलिओं दिंदी सी।
नानी साडे पिंड दी धी नहीं सगों नूंह सी। उह पिंड दे लोकां दे बच्चिआं दा इलाज, नूंहां अते कुड़ीआं दा जणेपा कराउण कारन उनहां नूं आपणीआं धीआं कहिण लग्ग पैंदी सी अते उह उस नूं आपणी मां कहिण लग्ग पैंदीआं सन। बच्चे उस नूं नानी कहिण लग्ग पैंदे सन। नानी दी आपणी इक्को कुड़ी सी, जिसदा विआह हो चुक्का सी। पिंड दे बच्चे उस नूं नानी पर उसदे घर वाले नूं ताइआ कहिंदे सन। नानी आपणे घर वाले नाल आपणे दिउर दे घर दे नाल ही रहिंदी सी। साडे परिवार नाल तां नानी दा बहुत ज़िआदा पिआर हुंदा सी। उसने मेरी मां नूं सच्चमुच्च दी धी बणाइआ होइआ सी। साडे परिवार दे सुख्ख दुख्ख विच्च उह झट्ट आ खहड़ी हुंदी। जदों साडा परिवार किसे ज़रूरी कंम बाहर जांदा सी तां सारा घर नानी दे हवाले हुंदा सी। उह नेक रूह अज्ज भावें इस दुनीआ विच्च नहीं है पर आपणे नेक कंमां अते परउपकारी सुभाअ कारन हर दिल विच्च वसदी है। उस नूं उस अकाल पुरख नें यकीनी तौर ’ते आपणे चरनां विच्च निवास दित्ता होवेगा।
* * * * *