गिआरां सिरकढ्ढ पंजाबी लेखकां नाल लंमीआं मुलाकातां ते अधारित ‘सिरजणा ते संवाद’ डा: प्रीतम सिंघ कैंबो दी 254 पंनिआं वाली पुसतक पंजाबी साहितक जगत नूं, इक इतिहासक, दसतावेज़ी, यादगारी अते सांभण योग देण है। इस पुसतक विच्च प्रिं: ऐस.ऐस. अमोल, प्रिं: सुजान सिंघ, प्रो: प्रीतम सिंघ, प्रो: पिआरा सिंघ पदम, डा: किरपाल सिंघ, डा: करनैल सिंघ थिंद, प्रो: पिआरा सिंघ भोगल, जसवंत सिंघ विरदी, डा: सतिआनंद सेवक, स्रीमती बचिंत कौर अते नज़ीर कहूट नाल पिछले पंदरां वरहिआं दे समें दौरान कीतीआं मुलाकातां नूं कलमबंद कीता गिआ है। किसे वी लेखक दे समुच्चे जीवन नूं जानण, उसदे रचना-जगत दी थाह पाउण, उसदी सिरजणा-कला अते लिखण-प्रकिरआ नूं भली-भांती समझण-विचारन लई, ‘मुलाकातां’ दी कला दा आपणा इक्क विशेश सथान है।

पंजाबी विच मुलाकातां दी श्रेणी अधीन हुण तक्क लगपग ‘अध्धी’ दरजन तों उपर्र पुसतकां मिलदीआं हन रघबीर सिंघ सिरजणा दी ‘मुलाकातां’, जसबीर भुल्लर दी ‘गुफ़तगू ते लिखण वेला’, गुरबचन भुल्लर दी ‘बचन बिलास’ अते बलदेव सिंघ दी ‘वारतालाप’, डा: उमिंदर जौहल दी ‘समीखिआ संवाद’ अते बलबीर परवाना दी ‘कला जिंदगी ते नकसली लहिर’ इसे मुलाकातां दी सूची विच्च आउंदीआं हन। हुणे हुणे छपी ‘तरसेम’ दी पुसतक ‘रू-ब-रू’ उपरंत समुच्चे पंजाबी साहित दे इक्क वडे अंग जां किसे विश਼ेश पुसतक दे अधिऐन तों बाअद विसथार विच्च ‘मुलाकातां’ दा अनोखा रंग जे कर वेखण नूं मिलदा है तां उह है डा: प्रीतम सिंघ कैंबो रचित नवीं पुसतक ‘सिरजणा ते संवाद’ राहीं। इह पुसतक मुलाकात दी कला नूं अगहां तोरदी साडा विशेश धिआन खिच्चहदी है। हत्थले यतन विच्च इस पुसतक दे कुझ दिलचसप पहिलूआं उते ही निगाह मारन दी कोशिश कीती गई है।

पहिली गल्ल: इह पुसतक मुलाकातां दी है। डा: कैंबो नें पुसतक दा नां ‘सिरजणा ते संवाद’ रख्खिआ है। पुसतक सिरलेख ‘सिरजणा ते संवाद’ दे नाल ही, सपशट करन लई, ज़रा कु छोटे अख्खरां विच्च ‘बरैकटां’ अंदर ‘लेखकां नाल लंमीआं मुलाकातां’ वी लिखिआ गिआ है। उंझ जे कर लेखक सपशटीकरण देण लई बरैकटां अधीन कुझ नां वी लिखदा तां वी गल्ल सपशट ही सी। संवाद दा शाबदिक अरथ है गल्लबात, गल्ल-कत्थ, वारतालाप, गुफ़तगू (कनवरसेशन)। इंझ डा: कैंबो अते गिआरां लेखकां विचकार इह गल्लबात, वारतालाप जां संवाद ही तां है। दूजे बंने इह मुलाकातां, सिरजणा वी हन अते सिरजण कला दा उत्तम नमूना वी। किउंकि मुलाकातीआं अते मुलाकात करन वाले दी दुवल्ली गलबात तों होंद विच्च आई रचना दे ‘रचनातमक’ पहिलू नूं नां तां अख्खों उहले ही कीता जा सकदा है अते नां ही अणगौलिआ वी। पुसतक विचले सुआल अते उहनां दे जवाब पहड़न उपरंत पुसतक दा नां होर वी सारथक अते अरथ-भरपूर हो जांदा है।

‘सिरजणा ते संवाद’ दा दूजा पहिलू इह है कि इह सारीआं मुलाकातां नूं हत्थले रूप विच्च आउण लई बहुत ज़िआदा समां लग्गिआ। इतना लंमा समां किवें अते किउं लग्गिआ? इहनां मुलाकातां नूं मुकंमल होण विच्च सारी ‘परकरिआ’ की रही? अगहां कुझ तत्थ हाज़र हन:

(1) गिआरां लेखकां नाल कीती गल्लबात जां मुलाकात केवल हर लेखक दे साधारन जीवन वेरवे तक्क नूं ही नहीं दरसाउंदी सगों हर लेखक दे रचना संसार दी तहि तक्क नूं वी, हर कोण तों फरोलदी है। डा: कैंबो नूं इहनां सारे लेखकां दीआं लगपग सारीआं ही रचनावां नूं चंगी तरहां पहड़ना पिआ। डा: कैंबो नें गिआरां विच्चों दस्स मुलाकाती लेखकां दीआं घट्टो घट्ट 10-10 प्रमुख्ख रचनावां (पुसतकां) अते गिआरहवें लेखक दीआं दो पुसतकां नूं बहुत ही गंभीरता नाल पहड़िआ अते विचारिआ। इसदे नाल ही डा: कैंबो नें इहनां इक्क सौ वीह पुसतकां तों बिनां हर लेखक सबंधी नां केवल होर लोड़ींदी जाणकारी ही परापत कीती सगों चरचा विच्च आईआं रचनावां सबंधी वी होर उपलभ्भद सामगरी पहड़ी-विचारी। फिर इहनां सारीआं पुसतकां नूं आधार बणा के ढुकवें प्रशन तिआर करके वारतालाप दा आधार बणाइआ। गलबात दौरान जिहड़े वी होर नुक्कते साहमणे आए उहनां नूं वी चरचा दा विशा बणाइआ।

(2) पर आखिआ जा सकदा है कि शाइद हर मुलाकातां दी पुसतक लई इंना कु कंम तां करना ही पैंदा है। बिलकुल ठीक। पर आम तौर ते मुलाकातां लई ‘इंटरवीऊ’ लैण वाला लेखक कुझ प्रशनां दी सूची तिआर करदा है अते संबंधित लेखक नूं पहुंचा दिंदा है। उह लेखक आपणी सौख नाल जदों वी समां मिले जवाब लिख्ख के भेज दिंदा है। बस इंटरवीऊ तिआर। पर—–

(3) डा: कैंबो नें इह सुखाली विध्धी नहीं वरती। लेखक नें रू-ब-रू हो रहे हर लेखक दे सारे जवाबां नूं आपणे सवालां समेत ‘टेप-रीकारड’ कीता है। फिर टेप तों सारी इंटरवीऊ नूं काग़ज़ उप्पर लिखिआ। फिर हर लेखक दे इंटरवीऊ दा खरड़ा तिआर करके हर लेखक नूं भेजिआ तां जो संबंधत लेखक आपणे आखे नूं जांच-पड़ताल दी भठ्ठी विच्च पा के लोड़ींदी घाट-वाध कर सके। इस सारे कंम विच्च ही कई कई महीने अते वरहे वी लंघ गए। इसदे नाल ही जिवें जिवें इह इंटरवीऊज़ तिआर हुंदीआं गईआं इह समें समें सिर वख्ख वख्ख परचिआं विच्च प्रकाशित होईआं, चरचा दा विशा बणीआं अते इहनां नूं भरवां हुंगारा मिलिआ। इहो कारन है कि इहनां मुलाकातां नूं हत्थले रूप विच्च आउण लई इंना समां लग्गिआ।

डा: कैंबो नुं इस गल्ल दा मलाल नहीं कि इहनां मुलाकातां नूं नेपरे चाहड़न लई इंने वरहे लग्ग गए। उह लिखदा है:

‘मैनूं बड़ी दिली खुशी हो रही है कि इह मुलाकातां कर के मैं उपरोकत लेखकां दी विचारधारा, भावनावां, अखांखिआवां अते गुझ्झे रह्हसां नूं पंजाबी साहित दे सरमाए वजों अंकित कर सकिआ हां।’

इसदे नाल ही ‘कुझ आपणे वलों’ लिखे मुख्खबंध विच्च डा: कैंंबो नें भावें सपशट कीता है कि उसने निठ्ठ के किसे सकीम अधीन इह मुलाकातां नहीं कीतीआं पर फिर वी उह आपणा मकसद इह कहिंदिआं सपशट कर दिंदा है:

‘लेखकां नाल संवाद रचाउण दा भाव इह वी हुंदा है कि उह भावनावां, विचारां अते गुंझलां जो पाठक रचनावां ‘चों सिध्धे नहीं पकड़ सकदे, उह संवाद राहीं खुल्ह जांदीआं हन।’

हुण जे कर इस पुसतक विच्च शामल सारीआं मुलाकातां उते नज़र मारीए तां सहिजे ही द्रिशटी-गोचर हो जांदा है कि डा: कैंबो नें ‘संवाद’ लई पंजाबी साहित दे वख्ख वख्ख रूपां दी प्रतीनिध्धता कर रहे साहितकारां नूं चुणिआ। इहनां विच्च आलोचक, वारताकार, खोजी अते पत्तरकार तां हन ही पर इसदे नाल ही कवी, कहाणीकार, गलपकार, नाटककार अते लोकयानक विगिआनी, पंजाबी बोली, इतिहास, धरम अते सभिआचार नाल पिआर रख्खण वाले लेखक वी शामल हन। नाल ही पाकिसतानी साहित नाल जुड़िआ अते पंजाबी अदब नाल पिआर रख्खदा लेखक वी इस ‘संवाद’ पुसतक विच्च शामल है।

संखेप विच्च कुझ इंटरवीऊज़ सबंधी:

पहिली इंटरवीऊ प्रिंसीपल ऐस.ऐस. अमोल जी नाल है। उदार ते मानव-वादी विचारां दे हामी प्रिं: अमोल जी नाल कीती मुलाकात जित्थे उहनां दी पंजाबी साहित नूं दित्ती देण दा अहिसास कराउंदी है उथे ‘लेखक’ दी प्रतीबध्धता अते मौलिकता सबंधी वी कुझ सपशटीकरण दिंदी है। निबंधां बारे पुछ्छे गए इक्क सवाल दे जवाब विच्च अमोल जी कहिंदे हन: ‘—-मौलिकता आपणे कोलों नहीं आ जांदी, पहड़न नाल ही आउंदी है। धिआन नाल देखण ते पहड़न नाल ही मौलिकता आउंदी है।’

आलोचना सबंधी डा: कैंबो पुछ्छदे हन: ‘अज्ज दी आलोचना विच शबद-जाल ज़िआदा बुणिआ जांदा है। की इह शबद-जाल आलोचना प्रणालीआं नाल होइआ है जां सिरफ़ रोहब पाउण दी गल्ल है?

जवाब विच्च प्रिं:अमोल जी कहिंदे हन: ‘—औखी बोली ओदों ही लेखक वरतदा है, जदों लेखक आप सपशट नां होवे। सानूं तकनीकी शबदां दी वरतों तां ज़रूर करनी चाहीदी है ते कुझ शबद आपणी लोड़ अनुसार दूजीआं बोलीआं तों वी लै लैणे चाहीदे हन, परंतू जाण-बुझ्झ के भाशा नूं औखे नहीं बणाउणा चाहीदा।’

दूजी मुलाकात प्रिं: सुजान सिंघ जी नाल है। भावें प्रिं: सुजान सिंघ कुझ सुआलां दे जवाब विच्च कहिंदे हन: ‘मैं जमांदरू लेखक नहीं हां’ जां ‘जदों मैं कहाणीआं लिखणीआं शुरू कीतीआं, उदों मैंनूं नां ही मारकसवाद दा पता सी ते नां ही प्रगतीवाद दा’ पर ‘—मैं घोर गरीबी दा जीवन कट्टिआ है। मेरे आले-दुआले ग़रीबी पसरी होई सी। मैं इहनां दे कारनां दी लभ्भ-भाल करदा आपणीआं कहाणीआं विच इहनां ग़रीबां दे जीवन नूं चितरदा सी। जदों मारकसवादी लेखकां नें इहनां कहाणीआं नूं पहड़िआ तां उनहां किहा कि इह तां मारकसवादी लेखक है ते प्रगतीवादी है।’

पर जदों इहनां लेखकां नें मारकसवादी आलोचनातमिक साहित पहड़न लई प्रिं: सुजान सिंघ नूं प्रेरिआ तां प्रिं: हुरां इस गल्ल नूं इस कारण नहीं सवीकारिआ कि इस नाल उहनां दी मौलिकता जांदी रहेगी। हां, इह गल्ल वख्खरी है कि ह्हअट सि ंअरणसिम बे ओमलिे पहड़न ते लेखक नूं इह आभास होइआ कि लोक कित्थे पुज्ज गए हन। उस समें तों ही प्रिं: सुजान सिंघ नें निठ्ठ के मारकसवादी प्रभाव वालीआं कहाणीआं लिखणीआं आरंभ कीतीआं।

डा: प्रीतम सिंघ कैंबो वलों ‘प्रतीबध्धता’सबंधी पुछ्छे गए इक्क प्रशन दा उत्तर दिंदिआं प्रिं: सुजान सिंघ कहिंदे हन: ‘मेरी प्रतीबध्धता किसे इज़म नाल नहीं है, बलकि मानवतावाद नाल है। मैं मनुख्ख नूं चंगी हालत विच वेखणा चाहुंदा हां ते उहनां दी सहाइता करना चाहुंना, जिहड़े इस दुनीआं नूं मनुख्खां दे रहिण योग बणाउण दा उपराला कर रहे हन।’

तीजी मुलाकात: प्रो: प्रीतम सिंघ नाल कीती मुलाकात, पंजाबी भाशा अते गुरमुख्खी लिपी नाल सबंधत कई सुआलां दे निआइ-संगत उत्तर देंदिआं साडी सोच दी पध्धर नूं उचिआई बख़शदी है।

चौथी मुलाकात: इंझ ही प्रो: पिआरा सिंघ पदम नाल कीती मुलाकात राहीं गुरमुख्खी लिपी दे पुरातन सरोत अते बहुत सारे हत्थ-लिखत खरड़िआं दे रू-ब-रू हुंदिआं पंजाबी साहित दे ख़ज़ाने भरपूर हुंदे वेखदे हां जिस नाल खोजारथीआं नूं बहुत सहाइता मिलदी रहेगी।

पंजवीं मुलाकात: डा: किरपाल सिंघ नाल कीती गई मुलाकात सपशट करदी है कि किवें उहनां सारा जीवन, पंजाब ते सिख्ख इतिहास सबंधी अणगौले पख्खां नूं खोजण, नवें तत्थां नूं लभ्भण, पंजाब दी वंड बारे सरकारी रीकारड दे हवाले नाल अंगरेजी सरकार अते राजनीतक पारटीआं दे रोल ंनूं बिनां किसे डर-संकोच दे, प्रगटाउण विच लगाइआ है। पंजाब दी वंड सबंधी पुछ्छे गए सुआल अते जवाब किसे वी महत्तवपूरन इतिहासक दसतावेज़ नालों घट्ट नहीं।

छेवीं मुलाकात: डा: करनैल सिंघ थिंद हुरां नाल कीती गई मुलाकात सपशट करदी है कि डा: थिंद भावें लोकयान खेतर दे उघ्घे विदवान मंने जांदे हन पर उह पंजाबी बोली ते साहित दे समुच्चे विकास नाल वी पूरी तनदेही नाल जुड़े होए हन। अधिआपन अते अकादमिक कंमां दे नाल ही नाल उह साहितक सरगरमीआं, साहितक खोज, पंजाबी सभिआचार अते पाकिसतानी पंजाबी साहित दे मसलिआं नूं वी नजिठ्ठ रहे हन। डा: कैंबो वलों ‘इलैकट्रानिक मीडीए’ कारन पुसतक सभिआचार दी घाट सबंधी पुछ्छे गए इक्क सुआल दे जवाब विच उह कहिंदे हन: ‘ठीक है पुसतक सभिआचार दी घाट है। असीं पाठकां अंदर पहड़न दी भावना पैदा करन तो्ों असमरथ रहे हां। साडे टाकरे ‘ते बंगाल, मदरास, गुजरात, केरला आदि विच पहड़न दी रुच्ची बहुत है। पैरों नंगे, पाटी होई धोती, पर हत्थ विच्च किताब, रिसाला जां अख़बार ज़रूर होवेगी। अंकड़े दसदे हन कि इलैकट्रानिक मीडीए दे आउण नाल पुसतकां छपण दी गिणती विच वाधा होइआ है। पर पंजाब इस पख्ख तों पछड़िआ होइआ है।’

सत्तवीं मुलाकात: प्रो: पिआरा सिंघ भोगल हुरां नाल कीती मुलाकात राहीं बहु-पख्खी लेखक प्रो: भोगल हुरां दे रचनातमक साहित दी विलख्खणता दा पता लगदा है। साहित दीआं वख्ख वख्ख वंनगीआं दा ज़िकर जाणकारी वाला है पर सिरजणातमक लिख्खण प्रकिरिआ सबंधी पुछ्छे गए सुआलां दे नचोड़ वजों कुझ संखैप जवाब हर लेखक दा धिआन मंगदे हेन:

(1) सिरजणातमक कंम मन दीआं शकतीआं दे केंदरीकरन दी मंग करदा है।

(2) आम तौर ते लेखक कहिंदे हन कि लिखण लई माहौल चाहीदा है। मैं लिखण लई माहौल नहीं उडीकदा। मैंनूं बैठण लई थां, काग़ज़ ते पैन्न चाहीदे हन।

(3) जदों मैं आपणे मन नूं केंद्रित कर लैंदा हां तां मैंनूं गल्ल सु्ुझदी रहिंदी है।

(4) लिखण लई प्रेरना मन विच्चों ही पैदा हुंदी है। जो दरद नहीं पहिसूस कर सकदा, उह लेखक नहीं बण सकदा।

अठ्ठवीं मुलाकात: कहाणीकार जसवंत सिंघ विरदी नाल होई मुलाकात राहीं उसदे ज़िंदगी दे विशाल अनुभव्वां नाल ओतपोत, बहु-विसतारी गिअन भरपूर अते गंभीर द्रिशटी दा पता लग्गदा है। सुआलां अते इहनां दे जवाबां राहीं लेखक दी औखिआईआं नाल भरपूर ज़िंदगी, कहाणी कला अते सिरजण प्रकिरिआ सबंधी, परतां दर परतां खुल्हदीआं जांदीआं हन। जसवंत सिंघ विरदी लगपग 50 वरहिआं तों लिखण प्रकिरिआ दा हत्थ फड़ी, सुनहिरी मनुख्खता दी ‘सिरजण-कामना’ करदिआं लिखदे आ रहे हन। जिंना विरदी हुरां लिखिआ जां लिख रहे हन उनीं उहनां नूं मानता (रइचोगनटिोिन)नहीं मिली। इस सबंधी जदों डा: कैंबो हुरां सुआल कीता तां मिले जवाब हर लेखक लई राह-दसेरा बण सकदे हन। विरदी हुरां दे जवाब हन:

(1) ‘मैंं प्रिं: सुजान सिंघ हुरां दी गल्ल नाल शुरू करदा हां। उह किहा करदे सन कि इक राह लिखण वल्ल जांदा है ते दूजा राह इनामां वल्ल नूं, तूं इक्क राह चुण लै। मैं लिखण वाला राह चुणिआ है। निठ्ठ के लिखिआ है । मैं इनामां दी दौड़ विच नहीं पिआ। मेरा रीकारड है कि मैं किसे संपादक कोलों पैसा नहीं मंगिआ, नां ही लिखिआ कि पैसा दिउ तां ही मैं रचना भेजांगा।’

(2) मैं नहीं समझदा कि कोई लेखक अणगौलआि रहि जांदा है।’

(3) मैं कहाणी विच सवै-निखेधी दा तरीका अपणाउंदा हां।’

(4) ‘लेखक दी प्रतीबध्धता जीवन नाल होणी चाहीदी है।’

(5) ‘लेखक नूं दब्बे-कुचले लोकां दा सात्थ देणा चाहीदा है। कमिटमैंट किसे मैनीफैसटो नाल नहीं सगों जीवन लई होणी चाहीदी है।

(6) लेखक नूं उसारू कदरां कीमतां प्रती प्रतीबध्ध होणा चाहीदा है।

(7) जे कोई नहीं पुछ्छदा तां नां सही, मैं आपणे मन दी मौज लई लिखदा हां।

(8) लेखक नूं आपणी सोच विच, जीवन वरतारे विच सपशट होणा चाहदिा है। लेखक दा किरदार दोगला नहीं होणा चाहीदा। साडे बहुते लेखकां विच कहिणी-कथनी विच अंतर है।

नौवीं मुलाकात: डा: कैंबो दे प्रशनां दी रौशनी विच डा: सतिआनंद सेवक वलों मिले जवाबां राही पता लग्गदा है कि डा: सेवक हुरां दा विशेश खेतर भाशा ते सभिआचार दा है, पर इसदे नाल ही उहनां नें आलोचना कीती, नाटक खेडे ते लिखे, कविता वी लिखी अते विशेश करके ग़ज़ल दी रचना वी कीती। अंगरेज़ी दे मुकाबले पंजाबी दी दुरदशा दा ज़िकर अणभोल ही हो जांदा है जदों डा: सेवक नें डा: कैंबो दे इक्क सुआल दे जवाब विच दस्सिआ:

‘मेरे बच्चिआं नें साहित सिरजणा वल्ल धिआन नहीं दित्ता, पर सभ तों वड्डा लड़का अरविंद अंगरेज़ी दा इक कामयाब लेखक ज़रूर बण गिआ है। उह विगिआन, वपार, सिख्खिआ ते कंपिऊटर दे विशिआं ‘ते किताबां लिखदा है। उह मेरे ‘ते हस्सदा वी है कि मेरी चंगी तों चंगी किताब दा मुल्ल 125/-रुपए है, जद कि उस दीआं किताबां दा मुल्ल 500/-तों 2000/- रुपए तक्क हुंदा है। उस नें मेरे अंगरेज़ी दे गिआन दा लाभ तां उठाइआ है, पंजाबी साहितक सूझ दा नहीं।’

दसवीं मुलाकात: स्रीमती बचिंत कौर नाल कीती मुलाकात उसदी कहाणी कला अते कविता तों बिनां उसदी जीवनी ‘पगडंडीआं’ ते अधारित है। स्रीमती बचिंत कौर डा: कैंबो दे पहिले सुआल दे जवाब विच ही सपशट कर दिंदी है:

‘साहित दे जिंने वी रूपां ‘ते मैं हत्थ अज़माइआ है, इनहां सभनां तों ज़िआदा मेरी सवै-जीवनी ही ज़िआदा चरचित होई है। भअसचिअलले मैं कहाणीकार हां।’

किसे बाहरले कबूले प्रभाव भारे जदों डा: कैंबो नें पुछिआ तां स्रीमती बचिंत कौर हुरां जवबा दित्ता:

‘चाहे लेखक जां कोई कलाकार होवे जां साधारण मनुख्ख ही होवे, उह हमेशा किसे नां किसे तों कुझ नां कुझ सिख्खदा ही रहिंदा है।—–पहड़दे पहड़दे सानूं कई दफा µुबजइचट वी सुझ्झ पैंदा है इस तरहां रचना अुटोमअटचिअलले हो जांदी है, जो पहड़िआ हुंदा है, उस दे प्रभाव तों कोई रचना जनम धार लैंदी है। असीं सोच समझ के प्रभाव तां नहीं लिआ हुंदा।’

लिखण प्रकिरिआ सबंधी स्रीमती बचिंत कौर जवाब दिंदी है: ‘जदों मेरा मन मजबूर करदा है तां मैं लिखदी हां। जिस तरहां मां आपणे बच्चे नूं पीड़ां तों प्रभावित हो के जनम दिंदी है, उसे तरहां ही है मेरी सिरजणकला।—-मेरी रचना दे अंत विच मेरी गल्ल लुकी हुंदी है, जो मैं कहिंदी हां उह मेरी कहाणी दे सिरलेख विच हुंदी है।ग़लत कीमतां बारे तुहाडी इक सोच बण जांदी है, जो रचना विच प्रवाहमान हुंदी है।

गिआरवीं मुलाकात: पाकिसतानी पंजाबी सभिआचार नाल जुड़े पत्तरकार नज़ीर कहूट नाल कीती गई इंटरवीऊ राहीं पता लग्गदा है कि लेखक पाकिसतान विच पंजाबी दे हित्त लई लड़ रहे हन, संघरश कर रहे हन अते साहित-सिरजणा दे कंम विच वी जुटे होए हन। पंजाबी अदबी परचे निज्जी यतनां सदके निकल रहे हन अते बंद वी होई जा रहे हन। निझ्झक हो के इक्क सवाल दे उत्तर विच कहूट हुरीं दस्सदे हन कि अज्ज वी सिंध ‘च पंजाबी नाल जबर अमली शकल विच मौजूद है अते पिंडां विच रहिंदे पंजाबीआं दे विरुध पेंडू दहिशतगरद किरिआशील है।

इंझ वख्ख वख्ख लेखकां नूं पुछ्छे गए प्रशनां अते उहनां दे मिले उत्तरां दे आधार ते सहिजे ही आखिआ जा सकदा है कि मुलाकात करन वाले लेखक डा: कैंबो नें मुलाकाती लेखकां पासों उहनां दीआं किरतां दे आधार उते पंजाब, पंजाबी बोली, पंजाबी सभिआचार, पंजाब दे इतिहास, सिख्ख धरम, गुरमुख्खी लिप्पी, पंजाबी वारतक, कहाणी, नावल, लोकयान, पत्तरकारी, मारकसवादी सिधांतां अते पाकिसतानी पंजाबी साहित्त सबंधी सुआल पुछ्छे हन अते लोड़ींदे जवाब परापत कीते हन। डा: कैंबो नें इहनां सारे लेखकां दीआं ‘लिखण भावनावां’, लिखण-मंतवां अते लिख्खतां कारन उप्पजीआं वख्ख वख्ख गुत्थीआं नूं सुलझाइआ है। इक्क तरहां नाल इह ‘मुलाकातां’ इहनां ‘लेखकां’ दीआं ‘लिखण-प्रकिरिआवां’ नूं वी पाठकां गोचरे करदीआं हन। इंझ इहनां मुलाकातां दा होर वी वध्ध महत्तव बण जांदा है।

उदाहरणा दे दे के गल्ल नूं होर वी लंमिआ कीता जा सकदा है पर मुक्कदी अते सिरे दी गल्ल तां इह है कि डा: कैंबो दीआं इहनां गिआरां मुलाकातां दी इह विशेशता है कि उह हर पूरी मुलाकात दे दौरान सहिज विच रहिंदिआं कुरेद कुरेद के प्रशन करदा है अते सबंधत साहितकार दे पूरे विअकतीतव अते समुच्चीआं रचनावां दे गंभीर अते अणगौले पहिलूआं नूं वी उजागर करदा जांदा है। इह पहुंच जित्थे मुलाकात करन वाले लेखक डा: कैंबो दी मानसिक पध्धर दे दरशण करवा दिंदी है उथे पाठकां/लेखकां नूं सुहज अते आनंद वी प्रदान करदी है। लिखण-प्रकिरिआ सबंधी टिप्पणीआं सिरजणहारिआं लई राह-दसेरा मसौदा ही तां हन। ढुकवीआं तसवीरां, जीवन वेरवे, डा कैंबो दीआं हर मुलाकात दे आरंभ विच्च टिप्पणीआं, हत्थ लिख्खतां दे नमूने, हर लेखक दी आवाज़ नूं रीकारड करन दा कारज अते संभाल, लेखक दी इकसार मिहनत अते इक्कसुर लगन दी लखाइक हन। पाठकां दे जज़बिआं नूं हलूनण दी शकती रख्खदी इतिहासक यादगारी पुसतक ‘सिरजणा ते संवाद’ लई डा: कैंबो वधाई दा हक्कदार है।