दविंदर! तूं चिखा विच्च सड़ रिहा हैं। अग्ग दे भांबड़ तेरी देह नूं राख़ बणा रहे हन। तूं मर के सड़ रिहा हैं ते असीं जिऊंदे ही इस भठ्ठी विच्च, जंग दी भठ्ठी विच्च सड़ रहे हां। दविंदर! तेरा कोई वी रिशतेदार तेरे कोळ नहीं। कोई वैण पाउण वाला नहीं। कोई रोण वाळा नहीं। इस मारूथल विच्च तूं इकल्ला ही...। किहो जिही धरती है इह। नामुराद जिही। दूर-दूर तीकर रेत ही रेत है, जो उड्ड-उड्ड मेरीआं अख्खां विच्च पै रही है। नां कोई फ़सल है ते नां कोई दरख़्ख़त। झींडे ही झींडे हन। राजसथान दी इस धरती ’ते पंछी-परिंदे वी विरले ही दिखाई दिंदे हन। लागे-चागे कोई पिंड नहीं। दूर इक्क बसती दिखाई दे रही है। तूं हैरान होवेंगा दविंदर! कि मैं तेरी मौत ’ते बिलकुल नहीं रोइआ। मेरे अंदर चिंता दी चिख़ा अते बाहर फ़ैली होई जंग दी अग्ग नें शाइद मेरे हंझू सुका दित्ते हन। कोई वी नहीं सी रोइआ। सारे सुकआडरन विच्चों असीं सिरफ़ पंदरां जणे तेरा ससकार करन आए सां। बाकाइदा गिआरां बंदूकां नाळ आकाश वल्ल फ़ाइरिंग करके असीं तैनूं आखरी सलामी दित्ती सी। शोक-शासतर दी मुदरा विच्च बंदूकां उलटीआं करके इक्क मिंट दा मौन धारिआ सी ते फिर तैनं लांबू लाउण बाअद सारे चले गए। सारे इत्थे किवें रहि सकदे सन? जा के जहाज़ वी तां तिआर करने हन। सानूं हर समें तिआर-बर-तिआर रहिणा चाहीदा है। मैं तेरे कोळ इह देखण वासते अटकिआ होइआ हां कि तेरी देह पूरी तरहां सड़ जावे। कोई अंग अणजलिआ नां रहि जावे।

दविंदर! तैनूं पता ही है कि अज्ज किवें भिआनक मौत नें तैनूं डंग लिआ सी। असीं आपणे शैड्ड अंदर जहाज़ ’ते कंम कर रहे सां। साडे वासते दुपहिर दा खाणा आइआ सी। असीं बाहर खहड़ी गड्डी तों खाणा खा रहे सां। अचानक दुशमण दे जहाज़ साडे सिरां ’ते सन। उह बहुत ही नीवें आए सन जिस करके राडार विच्च पता नहीं लग्गा सी ते वारनिंग दे तौर ’ते कोई साइरन नहीं सी वज्जिआ। सानूं उदों पता लग्गा जदों उनहां साडे उत्ते सटरैफ़िंग शुरू कर दित्ती सी। ठीक ढंग नाळ लुकण दा टाईम ही नहीं सी। हफ़ड़ा-दफ़ड़ी विच्च कोई ऊत्थे ही विछ गिआ सी ते कोई नाळ लग्गदे मोरचे वल्ल दौड़ रिहा सी। कुझ पलां विच्च दोवें जहाज़, सारे हवाई अड्डे ’ते छा गए सन। साथों नौवें शैड्ड विच्च इक्क जहाज़ जो कि अध्धा बाहर ते अध्धा अंदर सी अते दो जीपां साड़ गए सन। जदों साडीआं जहाज़-मारू तोपां ऐकशन विच्च आईआं तां दुशमण दे जहाज़ तबाही मचा के जा चुक्के सन। साडे बाकी जहाज़ मज़बूत अते पक्के शैड्डां विच्च लुकोए होण करके बच गए सन। पर दविंदर तूं... तूं खाणे वाली जळ रही गड्डी कोळ लहू-लुहाण होइआ पिआ सैं। दो होर साथी बुरी तरहां ज़ख़मी हो गए सन। मैं भज्ज के तेरे कोल आइआ सां। तैं पाणी मंगिआ सी। पर पाणी तेरे बुल्ल्हां तों अगांह नहीं सी लंघिआ। तेरीआं अख्खां... असमान वल्ल अड्डीआं होईआं सन, जिवें रब्ब नूं कहि रहीआं होण, 'लै वेख लिआ तेरा संसार। वेख लई तेरी सुहणी दुनीआं। माण लिआ मनुख्खता दा पिआर। मैं वी मनुख्ख हां। मैनूं मारन वाळा वी मनुख्ख सी। मेरी मौत लई वरतिआ हथिआर वी मनुख्ख दा बणाइआ होइआ ए। उस दे तेज़ दिमाग़ दी काढ है। साइंस दा चमतकार है। चमतकार ज़िंदगी नूं लूहण वासते, तोड़न वासते, सुआह करन वासते।' तूं इक्क हटकोरा लिआ सी ते तेरी धौण इक्क पासे नूं लुहड़क गई सी।

दविंदर! तेरी मौत तों बाअद साडे सुकआडरन कमांडर नें पता ए की किहा सी। उस नें किहा सी, "मेरे पिआरे अज़ीज़ो! मैनूं दुख्ख है कि साडा इक्क नौजवान साथी साडे दुशमण दीआं गोलीआं दा निशाना बण गिआ है ते दो ज़ख़मी हो गए हन। उनहां नूं मैं हसपताल भिजवा दित्तै। इह जंग है ते जंग विच्च जानां वारनीआं ही पैंदीआं हन। असीं दविंदर दे सरीर नूं इस दे घर नहीं पहुंचा सकदे। किउंकि साडे कोल नां तां एना वकत है ते नां ही साधन। असीं घरां तों दूर हां। इस दा ससकार इत्थे ही कीता जाएगा, इस शैड्ड तों परले पासे। मैं तुहानूं अपील करदां कि घबराइउ नां। दविंदर दा बदला मैं अज्ज ही लवांगा। इक्क दविंदर बदले मैं उनहां दे सौ दविंदर मार के आवांगा... जै हिंद।"

फिर उह जहाज़ विच्च सवार हो के आकाश विच्च जा चहड़िआ सी। दुशमण उत्ते हमला करन लई। साडे उत्ते होए हमले दा जवाब देण लई... फिर... फिर उह सानूं मारन आउणगे। इसे तरहां मनुख्ख, मनुख्ख नूं कोंहदा रहेगा। भुंनदा रहेगा। मनुख्ख, मनुख्ख नूं ख़तम कर देवेगा। ते इस दुनीआं ’ते राकशां दा राज होवेगा।

दविंदर! परसों दी गल्ल है। बंबां नाळ लद्दी इक्क टराली साडे शैड्ड विच्च पहुंचाई गई सी। बंब फ़िट करदिआं साथों अलाईनमैंट नहीं हो रही सी। पर तूं जलदी ही कर दित्ती सी। भावें इह तेरे टरेड दा कंम नहीं सी। तूं मैनूं फिटकार देंदिआं किहा सी, "अलाईनमैंट तूं किवें करेंगा, हत्थ तां तेरे कंब रहे नें।"

तूं किंनी फ़ुरती नाळ आपणा कंम कर रिहा सैं। इलैकट्रीशन दा कंम। बंब फ़िट करवा के तूं फटा फट कुनैकशन दे दित्ते सन अते सारे कुनैकशन चैक्क करन बाअद जहाज़ नूं थापी देंदिआं आखिआ सी, "जाह ओए बेलीआ! उड़ा दे फक्कीआं दुशमन दीआं। कर दे लीरां। कर दे टोटे।"

फिर जहाज़ जदों वापस आइआ सी तां कई थावां ’ते छेक पए होए सन। जहाज़-मारू तोपां दीआं गोलीआं दे निशान सन। जहाज़ नूं रसीव करन बाअद शैड्ड अंदर लुको के तूं इक्क इक्क छेक नूं धिआन नाल वेख रिहा सैं। तूं रणबीर पाइलट नूं पुछ्छिआ सी, "कैसे रहा?"

"तोपां दी प्रवाह नां करदिआं, तिंन टैंक सणे बंदिआं भुंन आइआं हां।" पाइलट नें वी जोश पर गंभीरता विच्च जुआब दित्ता सी।

"वैल्ल डन सर, कीप इट अप्प।" तूं जोश विच्च पाइलट नाल हत्थ मिलाइआ सी।

फिर तूं फ़ोटो-सैकशन भज्ज गिआ सैं। अते आ के सानूं दस्सिआ सी कि रणबीर दे जहाज़ दे कैमरे दीआं फोटूआं विच्च बंबां नाल सड़ रहे टैंक दिस रहे हन। ते तूं इह वी किहा सी, "जेकर मैं पाइलट सिलैकट हो गिआ हुंदा तां दुशमण दीआं धज्जीआं उड़ा दिंदा।"

"आपां काहदे वासते लड़ रहे हां? किहड़ी गल्ल उत्ते असी इक्क-दूजे नूं मार रहे हां?" मैं तैनूं पुछ्छिआ सी।

"देश नूं साडे उप्पर माण ए। आपां देश दी सेवा कर रहे हां। आपणी धरती दी रख्खिआ कर रहे हां।" तूं हिक्क फुलाउंदिआं किहा सी।

दविंदर! उदों मैं तैनूं पुछ्छणा चाहुंदा सां, 'इह धरती किस दी है? कौण है इस दा मालक? सिकंदर, मुहंमद गौरी, चंगेज़ खां, नैपोलीअन जां हिटलर... जेकर इस धरती दे उह मालक सन तां आपणे नाळ ही किउं नां लै गए इस धरती नूं? उह भुख्खे आए सन ते भुख्खे ही टुर गए। भुख्ख वधदी जा रही ए। भुख्ख भुख्ख नूं खा रही ए। ख़ून ख़ून नूं पी रिहा ए...।'

पर मैं इह सभ कुझ इस करके नहीं सी पुछ्छ सकिआ कि तूं मैनूं निराशावादी कहि देणा सी। डरपोक कहि देणा सी अते मैं सारिआं साहमणे नीवां...।

दविंदर! मैनूं याद है, पिछली छुट्टी विच्च मैं तेरे घर गिआ सां। तूं कुझ चीज़ां आपणे घर वाळिआं नूं भेजीआं सन। तेरे बापू नें खुशी विच्च तेरी बेबे नूं दस्सिआ सी, 'एह आपणे दविंदर दा साथी ऐ। उस कोळों आइऐ। उहदे वांग इह वी जहाज़ ठीक करदा ते बणाउंदा ऐ।"

तेरी बेबे नें तेरे बारे किंनीआं ही गल्लां पुछ्छीआं सन, 'पुत्तरा! उथे तुहानूं रोटी किस तरहां दी मिलदी ए?' इह ग.्.ल उस नें कई वार पुछ्छी सी। तेरे भैण-भरा खुश सन। सारे घर विच्च तेरी ही चरचा हो रही सी।

'असीं कहिंने आं कि दविंदर दा विआह कर देईए पर उह हाले मंनदा ई नहीं। कहिंदा ऐ पहिलां भैण दा करना ऐ।' तेरी बेबे नें दस्सिआ सी।

उनहां तैनूं जलदी छुट्टी आउण लई किहा सी। तूं छुट्टी वासते अपलाई कीता सी। पर जंग छिड़ पई सी ते तैनूं छुट्टी नहीं सी मिळी।

कल्ल्ह ही तेरी भैण दी चिठ्ठी आई सी। तूं मैनूं दिखाई सी। लिखिआ सी, 'वीर, बेबे तेरा बहुत फिकर करदी ऐ। सानूं भरोसा ए कि जित्त तुहाडी होवेगी। असीं अरदास करदे हां कि प्रमातमा तुहानूं ठीक-ठाक रख्खे। जित्तां प्रापत करके तुसीं खुशी-खुशी घरीं पहुंचो...।'

ते हुण... जदों उनहां नूं पता लग्गेगा तां उनहां दे भाअ दी परलो आ जाएगी। असमान फट जाएगा। हनहेरा छा जाएगा...। तूं सारिआं तों वड्डा सैं। कमाऊ पुत्तर सैं। तेरे मां-पिउ दा लक्क टुट्ट जाएगा...।

इक्क साथी मैनूं बुलाउण आ गिआ। मेरी टरेड दा कोई कंम रुक गिआ होणा एं। अछ्छा दविंदर! मैं जा रिहां। तूं सड़ चुक्का हैं। राख हो चुकैं। मैं तेरे वासते... हां... तेरी कुझ मद्दद करन दी कोशिश करांगा। सुकआडरन दे सारे साथीआं कोळों पैसे इकठ्ठे करके तेरे घर वाळिआं नूं माली सहाइता वजों भेजांगा।

दविंदर! मैनूं तेरी इक्क होर गल्ल याद आ गई ए... पिछले साल रेंज-फ़ाइरिंग दी प्रैकटिस दौरान इक्क दिन हवाई जहाज़ दीआं गंनां कलीअर करदिआं, ग़लती नाल, आपणे सुकआडरन दे फ़लाईट सरजैंट मुखरजी दी मौत हो गई सी। तनख़ाह वाले दिन सारिआं तों पैसे इकठ्ठे करन लई इक्क डब्बा रख्खिआ गिआ सी। जिस उत्ते लिखिआ होइआ सी 'फ़.लाईट सरजैंट मुखरजी दी विधवा अते बच्चिआं दी सहाइता वासते आपणा-आपणा हिस्सा पाओ।'

तूं किहा सी कि इह वी किड्डा वड्डा मज़ाक ए। मुखरजी अणखी बंदा सी। जिऊंदिआं किसे अग्गे हत्थ नहीं अड्डिआ पर मरन तों बाअद उस वासते इक्क इक्क रुपिआ मंगिआ जा रिहा ए।

पर दविंदर कीता की जाए... तेरे मापिआं नूं वी पैनशन मिलेगी। भावें मामूली ही होवे। सरकार वी की करे। गरीब जु होई।

मैं आपणे शैड्ड विच्च पहुंच गिआ हां। इंटरकाम ’ते मैनूं हदाइत कीती गई ए कि फ़िऊल दे डराप-टैंक लाह के बंब फ़िट करने हन। हुकम दी पालणा कीती गई है। मिंटां विच्च ही असीं बंब फ़िट कर दित्ते हन। पाइलट जहाज़ लै के उड गिआ है। उस नाल दूसरे शैड्डां तों वी जहाज़ गए हन।

साइरन वज्ज रिहा है। सकिंटां विच्च ही साडे दो जहाज़ गूंजां पाउंदे हवा विच्च पहुंच गए हन अते साडे हवाई अड्डे उत्ते चक्कर मारन लग्ग पए हन। असीं मोरचिआं वल्ल भज्ज रहे हां। दुशमण दे जहाज़ आ धमके हन। साडे पहिरा दे रहे जहाज़ां नें हमलावार जहाज़ां नूं डेगण अते भजाउण दा यतन शुरू कर दित्ता है। डाग-फ़ाईट हो रही है।

दविंदर! मेरीआं अख्खां साहमणे तेरी चिखा घुंम रही है। मैनूं चारे पासे ही चिखा ही चिखा दिखाई दे रहीआं हन। बेशुमार लोकीं मर रहे हन, सड़ रहे हन। सड़-सड़ सुआह दी ढेरी हो रहे हन अते इह सुआह उड्ड-उड्ड मनुख्खता दे आपणे ही सिर विच्च पै रही है।

(सटरैफ़िंग=हवाई जहाज़ दीआं गंनां राहीं वरह रहीआं गोलीआं, फ़िऊल=इक्क किसम दा तेल जिस नाल हवाई जहाज़ दा इंजण चल्लदा है, डाग-फ़ाईट=हवाई जहाज़ां दीआं गोलीआं, मिज़ाईलां आदि राहीं हो रही आपसी हवाई-लड़ाई।)