साडे समिआं विच्च तकनीकी विकास अते सूचनावां दा हहड़ आ गिआ है जिसदा वेग हर दिन वध रिहा है। असीं सारे किसे नां किसे रूप विच्च इस हहड़ विच्च वहिंदे जा रहे हां। साडा दिमाग हर पल कुझ सैकिंड नवीं चीज़ देखण-जाणन दी लत दे शिकार बण रिहा है। इस सथिती विच्च साडा सुख-चैन, सकून हर पल प्रभावित हो रिहा है।

असीं मोबाइल दी सकरीन तों कोई सोशल साईट खोल्हदे हां तां इक्क वरहिआं बध्धी नां मुक्कण वाला खिलारा पिआ इस विच्च देख सकदे हां। जदों असीं घंटिआं बध्धी हिपनोटाईज़ होए इस खलारे नूं देखदे रहिंदे हां, इहो खिलारा साडे दिमाग विच्च खिलरना शुरू हो जांदा है। सानूं इह भरम हुंदा है कि असीं वध्ध तों वध्ध चीज़ां नूं समझ अते याद कर रहे हां जदकि हकीकत इह है साडा मन भुल्लण, खंडता अते बेचैनी दा शिकार बण रिहा हुंदा है।

दुनीआं भर विच्च उदासी, प्रेशानी, मन नूं टेक नां आउणी, नींद नां आउणी, गुस्सा, बेचैनी अते तलखी आदि मानसिक विकार बड़ी तेज़ी नाल वध रहे हन। इसदे होर कारन वी होणगे पर आधुनिक जीवन शैली अते मनुख्ख दी इकल्लता इसदा मुख्ख कारन हन। सांझे परिवारां दा संकलप लगभग टुट्ट गिआ है। विआह करवा के पती पतनी दा परिवार नालों वख्खरे रहिण दा संकलप वी कुझ मुलकां विच्च तेज़ी नाल खतम होण लग्ग पिआ है। इसदी थां लिव इंन रिलेशनशिप्प नें लै लई है। असीं उस दौर विच्च हां जित्थे लोकां दे आपसी सबंध बड़ी तेज़ी नाल बदल रहे हन। संचार अते इंटरनैट्ट दी दुनीआं नें साडे कंमां विच्च ही तेज़ी नहीं लिआंदी बलकि मनुख्ख दे विहार नूं वी इहने तेज़ कीता है। किसे वी चीज़ तों छेती अक्क जाणा ते किसे होर चीज़ दी होड़ लई हर हरबा वरतण दी प्रविरती वध रही है। सहिज, सबर, सकून दीआं वादीआं तों असीं दूर निकल आए हां अते वसतां लई भटक रहे हां। इहो विहार ही मनुख्ख आपणे रिशतिआं नाल करन लग्गा है। भविख्ख विच्च ए आई दे दौर विच्च मनुख्ख दी भटकणा अजे होर वधेगी।

ए आई गरोक नूं जदों इह पुछ्छिआ गिआ कि अज्ज दे दौर विच्च मोबाइल मनुख्ख दे ज़िहन नूं किवें प्रभावित कर रिहा है? तां उसदा जवाब कुझ इस तरहां सी, ‘मोबाइल फोन नें सानूं तेज़, भावुक, खंडित अते आपणे आप विच्च बंद कर दित्ता है। लोक हुण लंबे लेख किताबां पहड़न दी बजाए छोटीआं छोटीआं रीलां, जो केवल 15 तों 60 सकिंट दीआं होण, वेखणीआं ज़िआदा पसंद करन लग्गे हन। इक्क अधिऐन मुताबिक इह समां हर साल घट रिहा है। 2025 विच्च इह समां 8 सैकिंड तों वी घट्ट है। जो वीडीओ ज़िआदा गुस्सा, डर जां खुशी पैदा करदी है, उह वाइरल हुंदी है। हर रोज़ आपणीआं फोटोआं, सटोरीज़ पाउण नाल लोक इस मनोभरम दा शिकार बण रहे हन कि जिवें उह ही दुनीआं दा केंदर हन। हर चीज़ दी जाणकारी सानूं इंटरनैट्ट साईटां तों मिल जांदी है, इस लई याद रख्खण दी प्रविरती घट्ट हो रही है। जनरेशन अलफा, भाव 2010 तों बाअद पैदा होण वाली पीहड़ी नूं रोज़ाना 7-8 घंटे जां इस तों वी वध्ध समां सकरीन नाल जुड़े रहिणा पैंदा है। जां कहि लईए कि जुड़े रहिण दी आदत बण गई है। इस नाल बच्चिआं नूं उनींदरा, चिड़चिड़ापन, डिपरैशन अते विवहारक समस्सिआवां वध रहीआं हन। इनहां बच्चिआं दा दिमाग मलटीटासकिंग, विज़ूअल थिंकिंग (शबदां दी बजाए तसवीरां राहीं सोचणा) अते हाईपरलिंक (इक्क तों दूजी ते दूजी तों तीजी थां छाल मारन दी प्रविरती) वरगी सोच नाल तिआर हो रिहा है। मानव सभ्भिअता दे इतिहास विच्च इह इक्क वख्खरी तरहां दी मानसिक तबदीली है। तकनीकी विकास नें बेशक मनुख्ख नूं आपणे आप नालों तोड़ दित्ता है पर इसदे बहुत सारे चंगे प्रभाव वी हन। वेखणा अते सोचणा असीं है कि असीं इसदी वरतों किवें करनी है।

इस समें पूरी दुनीआं विच्च सभ तों वध्ध ए आई दी चरचा है। इस नूं लै के ए आई गौडफादर मंने जाण वाले जौफरी हिनटन वरगे तकनीकी माहिर वी इस तों डरे होए हन। खदशा इह है कि जेकर ए आई गलत हत्थां ’ते चहड़ गई, कंटरोल तों बाहर हो गई, जिवें कि इसदी संभावना है तां इस नाल पूरी मनुख्ख जाती खतम हो सकदी है। इह इक्क तरहां नाल दोधारी तलवार है। इस नाल बहुत कुझ ठीक वी कीता जा सकदा है अते तबाही वी हो सकदी है। अगले कुझ सालां विच्च कुझ संकट, जिवें नौकरीआं दा होर घट जाणा, साडे लई दुखदाई सथिती पैदा कर सकदा है। इस नाल नौजवानां विच्च होर गहिरी निराशता फैलेगी। दूजे पासे जेकर ए आई नूं सही ढंग नाल इसदी सुयोग वरतों करन नाल इस नाल हर तरहां दीआं बिमारीआं, गरीबी अते जंग युध्ध खतम हो सकदे हन।

मनुख्खी सभ्भिअता दा इतिहास दुख्ख नूं सुख अते अनंद विच्च बदलण दा इतिहास है। अज्ज दे दौर विच्च मनुख्ख कोल बेशक साधन वध गए हन, सहूलतां बिहतर हो गईआं हन पर मन दा सुख चैन हर दिन गवाच रिहा है। इसदा सभ तों वड्डा कारन साडी सिख्खिआ, सभ्भिआचार, अखौती धरम अते राजनीती, इनहां सभ खेतरां विच्च लालचां दा कोई पारावार नहीं रिहा। इनहां दीआं तरजीहां मनुख्ख दा बौधिक अते मानसिक पध्धर नहीं रिहा बलकि इह धरम असथानां विच्च हुंदीआं अरदासां बेनतीआं वी हुण वसतां दी होड़ लई हन। इसदा इक्क होर अहिम कारन इह वी है कि सूचनावां अते जाणकारीआं दा हहड़ जिवें साडे इस दौर विच्च आइआ है, मानवजात दा बौधिक पध्धर इस लई तिआर कीता जाणा चाहीदा सी, जो कि नहीं कीता गिआ अते भविख्ख विच्च इह खिलारा होर खिलरना है। जिस तरहां दे असीं तकनीकी युग विच्च प्रवेश करन दे कंढे ’ते खहड़े हां दा 99.9% सानूं किआस तक वी नहीं। आउण वाले समें दौरान किंना कुझ किंनी तेज़ी नाल बदलणा है, इस लई असीं मानसिक पध्धर ’ते की तिआरी कीती है? इह अजिही सथिती है जिवें बणमाणस नूं बिजली दीआं तारां अते साज़ो सामान दे देईए ते उस नूं कहीए कि बिजली नूं ठीक करन दा कंम हुण तूं करेंगा।

इस सथिती दा इक्क होर पख्ख वी है, उह इह कि ए आई वरगे ‘जिंन’ लई कंम करन वाले माहिर वी इह समझ रहे हन कि ए आई नाल की कुझ होणा है, इसदा सही सही अंदाज़ा असीं वी अजे नहीं ला सकदे। इसदे बावजूद वी खास तौर ’ते साडे सिख्खिआ अते होर खेतरां विच्च वड्डीआं तबदीलीआं दी लोड़ है। आधुनिक दौर विच्च मनुख्ख नें किवें विचरना है, किवें उसने मानसिक तौर ’ते खुशहाल रहिणा है इह भविख्ख दा होर वड्डा मसला बणन दी संभावना वध रही है।

अज्ज दुनीआं भर विच्च नशिआं दी भरमार हो रही है। मानसिक विकार वध रहे हन। नशे इक्क तरहां मानसिक विकारां नूं ठीक करन लई मानसिक रोगी वल्लों आपणे वल्लों आप आपणा इलाज करन दी विधी हुंदी है जो उस लई टोए विच्चों निकल के खूह विच्च डिगण दा कारन बणदी है। विकसित मुलकां विच्च बच्चिआं नूं सकूलां कालजां विच्च इह तां सिखाइआ जा रिहा है कि उहनां नें ठीक ढंग नाल नशे दी वरतों किवें करनी है पर इह नहीं दस्सिआ जा रिहा कि भविख्ख दी दुनीआं, जो अज्ज दी दुनीआं तों बिलकुल वख्खरी होवेगी, इस विच्च तुसीं किवें विचरना है। इस समें पूरी दुनीआं विच्च मनुख्ख दे मन ’ते सभ तों वध्ध कंम करन दी लोड़ है। मनुख्ख मानसिक तौर ’ते तंदरुसत किवें रहे, इस लई बहुत सारीआं तरजीहां ते बहुत कुझ कीता जा सकदा है जो कि नहीं हो रिहा। इसदे बावजूद वी सानूं जीवन विच्च खुशी देण वालीआं चंगीआं तरजीहां लई यतनशील होणा चाहीदा है। जीवन विच्च कुझ कलातमिकता होवे, इस लई सानूं खोज करदे रहिणा चाहीदा है।

मनोविगिआन सानूं दस्सदा है जो लोक खुशी नूं आपणी आदत बणा लैंदे हन, उह ही वधेरे खुश रहिंदे हन। इसदे उलट जो लोक आपणे मन नूं हर वेले दुखदाई मोड विच्च रख्खदे हन, उह लगातार दुखी रहिंदे हन। इस लई मन दे भाव नूं बदलण लई इह बड़ा ज़रूरी है कि असीं चीज़ां-वसतां तों कुझ समां अलग्ग हो के कुदरत नाल संवाद करीए, कुदरत नाल इकमिकता पैदा करीए। परिवार विच्च बहि के लंमा समां गल्लांबातां करीए। मनोविगिआनी आखदे हन हर दिन सौण तों पहिलां उहनां चंगीआं सुखदाई तिंन गल्लां, तिंन चीज़ां, तिंन शबदां नूं वार वार याद करो जां लिखो जो उस दिन तुहाडे नाल वापरीआं हन। जिवें सूरज दा चहड़ना चंगा लग्गा, किसे नें धंनवाद किहा, कुझ नवां सिख्खिआ, किसे नें मुसकरा के गल्ल कीती, खिड़े होए फुल्ल नूं देखिआ, भाव कुझ वी जो तुहानूं चंगा लग्गा होवे, उस नूं याद करो। इस नाल मनुख्ख चंगीआं गल्लां नूं ग्रहिण करन दा आदी होण लगदा है अते मनुख्ख दा आतमविशवाश वधण लगदा है। हर दिन कुझ मिंट मैडीटेशन (धिआन) करो इस नाल साडा सरीर तणाअ तों मुकत होण लगदा है, मन शांत हुंदा है। किसे दारशनिक नें किहा है कि जेकर मन ठीक होवेगा तां सभ कुझ ठीक ही होवेगा। पर जदों सभ तों वड्डा मसला ही इह बण जावे कि मन ठीक नहीं तां फिर सभ कुझ ठीक किवें होवेगा?

* * * * *