सिआसत दीआं लोड़ां वासते चल्लदी होई बहिस अचानक भारत देश दे नांअ अते इस नांअ दे मुढ्ढ तक वी जा पहुंची है। मैनूं बड़ी वारी इह उलांभा सुणन नूं मिलिआ है कि तूं आपणीआं लिखतां जां भाशणां विच्च भारत लई हिंदुसतान शबद वरत के ठीक नहीं करदा। मैं फिर वी बदल नहीं सकिआ। कई लोकां नें इह गल्ल वी बहुत वारी उचेच नाल चेते कराई होई है कि देश दे संविधान विच्च इसदे सिरफ दो नांअ भारत ते इंडीआ हन, इस तों बिनां कोई वी नांअ वरतणा गलत है। पर मैं उनहां दी दलील नाल सहिमत नहीं हो सकिआ अते अज्ज वी हिंदुसतान शबद वरतदा पिआ हां। इस हफते भारत विच्च राज करदी भारती जनता पारटी दे इक्क सिख्ख नेता आर पी सिंघ नें इस बहिस नूं इह कहि के नवां मोड़ दे दित्ता कि ‘हिंदुसतान’ शबद इस देश लई सभ तों पहिलां स्री गुरू नानक देव जी नें वरतिआ सी अते इस लई इस नांअ दे नाल सिख्ख भाईचारे नूं कोई विरोध नहीं होणा चाहीदा। उस दी दलील दे हक्क अते विरोध विच्च कई लोक इद्दां दी बहिस छेड़ तुरे, जिहड़ी भारत दा नांअ कानूंनी तौर उत्ते ‘हिंदुसतान’ लिख देण जां इह बहिस हमेशा लई मुकाउण वासते सिरफ संविधान विच्च लिखे होए नांवां ‘भारत’ जां ‘इंडीआ’ दी वरतों ज़रूरी करन वासते कुझ कदम चुक्कण दी मंग तक पहुंची ते फिर हिंदू अते गैर-हिंदू वाले पासे मुड़न लग्ग पई है। हिंदू पख्ख दी गल्ल करन वाले कही जांदे हन कि इस देश विच्च हिंदू बहु-गिणती होण कारन इत्थे हिंदू-राशटर वाला कानूंन वी बण जावे तां हरज़ नहीं होणा चाहीदा अते दूसरे धरम, खास कर के इसलाम अते ईसाई धरम इत्थों दे नहीं, बाहरों आए होण कारन उनहां नूं ‘आपणी हैसीअत’ समझ लैणी चाहीदी है। कुझ मुसलमान ते ईसाई प्रचारक वी अज्ज दी वड्डी सिआसी धिर नाल जुड़न कारन इहो राग गाई जांदे हन।

असीं इस सारे कुझ नूं बेलोड़ी बहिस वी मंनदे हां अते इसदे ओहले इक्क खास किसम दी राजनीती वी सुंघ सकदे हां। हिंदू धरम दे पैरोकार अज्ज इस देश विच्च बाकी धरमां वालिआं तों वध्ध ही नहीं, बहुत ज़िआदा वध्ध हन। बाकी सारे धरम मसां पंजवां हिस्सा बणदे हन अते इकल्ले हिंदू अस्सी फीसद दे करीब हो जांदे हन, पर इह गल्ल भुला दित्ती जांदी है कि जिस भारत विच्च हिंदूतव दी गल्ल चल्लदी है, संविधान विच्च उस देश लई लिखे दोवें नांअ किसे विशेश धरम दे प्रतीक नहीं। भारत पुरातन समिआं तों कई वख्ख-वख्ख नांवां नाल जाणिआ गिआ है। साडी समझ मुताबक चाणकीआ दे ‘अरथ शासतर’ विच्च भारत नूं ‘जंबो दीप’ किहा गिआ सी। उह ईसा तों दो सदीआं पहिलां होए सन। मैगसथनीज़ नें इस नूं ‘इंडीआ’ लिख दित्ता अते इह कंम उस नें ईसा तों तिंन सदीआं पहिलां कर दित्ता सी। ईसा तों कई सदीआं पहिलां दा विशणूं पुराण इस देश दा नांअ ‘भारत’ जां ‘भारतम’ लिखदा है। दसवीं सदी विच्च होए अल मसूदी नें इस देश दा नांअ ‘अल हिंदी’ लिख दित्ता अते तेरहवीं सदी विच्च हसन निज़ामी नें इस नूं ‘हिंद’ लिखिआ सी। इस तों पहिलां किसे अणपछाते लेखक दी इक्क लिखत ‘हुदूद-अल-आलम’ विच्च इस नूं ‘हिंदिसतान’ लिखिआ गिआ होण दे सबूत वी मिलणगे अते कई होर नांअ वी इसे देश नाल जुड़े मिल जाणगे। ज़ोरोसटरेनीअनिज़म नाल जुड़े होए इक्क विदवान नें ईसा तों सत्त-अठ्ठ सौ साल पहिलां इक्क शबद ‘हापता हेंदू’ वरतिआ सी, जिस बारे किहा जांदा है कि इह वी भारत जां पंजाब अते काबल तक दे वसनीकां लई वरतिआ गिआ सी।

भाजपा आगू आर पी सिंघ नें जिहड़ी गल्ल स्री गुरू नानक देव जी बारे कही है, इह सिरफ इस हद्द तक ठीक है कि गुरू साहिब नें सच्चमुच्च गुरबाणी विच्च दो थांवां उत्ते ‘हिंदुसतान’ शबद वरतिआ है। पहिली थां उनहां नें ‘खुरासान खसमाना कीआ, हिंदुसतानु डराइआ’ अते दूसरी थां ‘काइआ कपड़ु टुकु टुकु होसी हिंदुसतान समालसी बोला’ वजों इसदा ज़िकर कीता है। इस पख्खों हर सिख्ख अते हर पंजाबी वी इस शबद नूं इक्क खास थां दे सकदा है अते दिंदा वी है, पर जिवें असीं इस बारे उप्पर लिखिआ है, इह शबद गुरू साहिब तों चोखा पहिलां प्रचल्लत हो चुक्का होण दे कुझ प्रमाण वी मिलदे हन। सिरफ इही साबत नहीं हुंदा कि हिंदुसतान शबद पहिलां तों प्रचल्लत हो चुक्का सी, सगों इस तों हिंदू शबद दी उतपती दा पता वी लग्गदा है कि इह शबद भारत नांअ नाल चल्लदे आए इस देश विच्च इसदे अंदरों पैदा नहीं सी होइआ, जिनहां लोकां बारे किहा जांदा है कि बाहरों आए सन, शबद हिंदू सभ तों पहिलां उनहां नें वरतिआ सी। जदों इह शबद प्रचल्लत हो गिआ तां साडे आज़ादी लहिर दे महान ग़दरी बाबिआं नें वी वरतिआ सी अते उनहां दे अखबार ‘ग़दर’ विच्च वी इहो चल्लदा सी अते ‘हिंदी’ जां ‘हिंदीउ’ शबद सिरफ हिंदू धरम वालिआं लई वरतण दी थां सारे हिंदुसतानी जां भारती लोकां लई वरतिआ जांदा सी। अलामा इकबाल जदों आज़ादी लहिर दी मुख्ख धारा विच्च हुंदा सी, उस नें वी इसे तरहां ‘तराना-इ-हिंदी’ लिखिआ अते किहा सी कि ‘सारे जहां से अछ्छा, हिंदुसतां हमारा’, पिछ्छों जदों उह मुख्ख धारा तों टुट्ट गिआ तां उस नें ‘तराना-इ-मिली’ विच्च ‘मुसलिम हैं हम वतन है, सारा जहां हमारा’ लिख दित्ता सी। जिद्दां इकबाल पुराणे ‘हिंदी’ शबद नूं छड्ड के इक्क विशेश धरम नाल जा जुड़िआ सी, फैज़ अहिमद फैज़ वरगे होर शाइरां नें इद्दां नहीं सी कीता।

दूसरा पख्ख इह है कि जिवें इकबाल सांझे शबद ‘हिंदी’ अते ‘हिंदुसतां’ दी थां इक्क धिर वल्लों बोल के खुश हो गिआ होवेगा, उसे तरहां अज्ज कुझ लोक ‘हिंदी’ अते ‘हिंदुसतान’ नूं हिंदू धरम जां भाईचारे नाल जोड़न दा कंम करदे हन। इकबाल वी ठीक नहीं सी ते इह वी ठीक नहीं करदे। इतिहास विच्च कई नांवां नाल जाणिआ जांदा रिहा भारत अज्ज दे ‘हिंदू’ जां ‘हिंदूतव्व’ वाले अरथां वाला नहीं सी। अज्ज दे संविधान विच्च इसदा नांअ ‘इंडीआ, आलसो नोन ऐज़ भारत’ लिखिआ है, पर इसदा इह अरथ नहीं कि इस तों इलावा लोक-धारा विच्च बीते समें विच्च चल्लदे रहे जां अज्ज वी चल्लदे बाकी नांअ गलत सन, सगों भारत दी रिवाइत दी खासीअत है कि उह नांअ अजे तक लोक-धारा संभाल के चल्ल रही है। जिंने कु नांवां दा ज़िकर असीं उप्पर कीता है, उनहां तों बिनां वी कई नांअ इस लई वरते गए हन। पुराणे समें विच्च बुध्ध धरम दे पैरोकार आपणी तिब्बती बोली मुताबक इस ‘गयागर’ जां ‘फागियूल’ वी कहिंदे रहे हन। जिस तरहां यूरप तों आइआं नें इसदा नांअ ‘इंडीआ’ रख्ख लिआ सी, जापान जां चीन दे लोक इस नूं आपणी बोली मुताबक ‘तिआंगज़ू’ कहिंदे रहे सन। भारत विच्च उनहां दे पैर पक्के नहीं सी लग्ग सके ते इह नांअ प्रचल्लत नहीं सन हो सके, पर अरब देशां तों आइआं दा रख्खिआ ‘हिंदुसतान’ पक्का हो गिआ ते फिर लंमा समां राज कर चुक्के ब्रिटेन वालिआं दी विरासत सांभण वालिआं नें इस विच्च ‘इंडीआ’ वी शामल कर लिआ। अजोके भारत विच्च ‘इंडीआ’ शबद दा कोई खास विरोध हुंदा नहीं दिसदा, ‘हिंदुसतान’ दा इस लई हुंदा पिआ है कि इक्क खास राजसी धिर इस नूं देश दी बहु-गिणती उत्ते आधारत आपणी राजनीती ते आपणे धारमिक विशवासां दे हक्क तक सीमत करन लग्ग पई है। हर गल्ल दा प्रतीकरम (ऐकशन दा रिऐकशन) होण बारे सभ लोक जाणदे हन, इक्क खास धिर वल्लों उभारी जांदी सोच कारन दूसरीआं धिरां वी शबद ‘हिंदुसतान’ दे नाल कौड़ मनाउण लग्गदीआं हन, पर इतिहास नें इतिहास ही रहिणा है, चार शहिरां दे नांअ बदलण नाल देश जां दुनीआ दे सदीआं दे इतिहास विच्च दरज हो चुक्के तत्थ नां बदल सकदे हन, नां बदल ही सकणे हन।