कुलवंत सिंघ विरक जिऊंदा हुंदा तां उहने 2023 दी 20 मई नूं 103 साल दे हो जाणा सी। पर की कुलवंत सिंघ विरक सच्चीं ‘मर’ गिआ है। विरक नें अनेकां अमर कहाणीआं दी रचना कीती। जद तक्क उह कहाणीआं जिऊंदीआं रहिणगीआं तां विरक नूं कौण मार सकेगा! विरक ओना चिर तक्क जिऊंदा है, जिंना चिर पंजाबी कहाणी दा इतिहास जिऊंदा है।

विरक पंजाबी दा इक्को-इक्क कहाणीकार है जिसनूं सारे समिआं दे लेखक, आलोचक ते पाठक इक्को जिंनी मुहब्बत नाल याद करदे ते उसनूं पंजाबी दा सरव-स्रेठ कथाकार आख के माण नाल वडिआउंदे हन।

अज्ज जे पंजाबी कहाणी किसे उचाण ’ते होण दा दाअवा करदी है तां उहदे पैरां हेठां कुलवंत सिघ विरक दा हत्थ है। उह पंजाबी कहाणी दा ‘धरती हेठला बौलद’ सी। इह कुलवंत सिंघ विरक ही सी जिसने छोटी कहाणी तों इलावा किसे वी होर विधा ’ते हत्थ नहीं अज़माइआ; सगों उसने छोटी कहाणी नूं ही वसतू ते पेशकारी दे संतुलत संयोग राहीं इस कलातमक बुलंदी ’ते पहुंचा दित्ता कि उसनूं ‘छोटी कहाणी दे वड्डे लेखक’ वजों याद कीता जाण लग्गा।

विरक बहुत बरीक-बुध्ध कथाकार सी। कई वार आम जिहे पाठक नूं उहदी सूख़म गल्ल दे अरथ समझण लई सोचणा पैंदा है।

नवीं-नवी गिआनी पास कर के आए साडे गिआनी मासटर नें सानूं नौवीं जमात विच्च कहाणी पहड़ाउण समें विरक दी कहाणी, ‘मुरदे दी ताकत’ बारे किहा, “इह विरक ऐवें जिहा ही कहाणीकार है। पता ई नहीं लग्गदा कि कहिणा की चाहुंदा ए! इहनूं छड्डो अगली कहाणी पहड़दे हां!”

मेरी ज़िंदगी विच्च उह पहिला ते आख़री बंदा सी जिस नें विरक बारे अजिही टिप्पणी कीती।

पहिली मिलणी

विरक नाल निज्जी तौर ’ते कदी मेरा बहुता नेड़ला रिशता नहीं रिहा। इसदा वड्डा कारन तां इह सी कि मैं दूर सरहद्द दे इक्क पसित्ते जिहे पिंड विच रहिंदा सां ते विरक मेरे पिंडों दूर वख्ख-वख्ख शहिरां दा वसनीक रिहा सी। साडीआं उमरां ते लिखण-उमर विच्च वी वड्डा फ़रक सी। जे किते किसे साहितक-समागम ’ते मिलण दा मौका मिलदा वी तां विरक नूं दूरों वेख के ही सार छड्डीदा सी। वड्डे बंदिआं नूं ‘भज्ज के’ मिलण तों मैनूं सदा झिजक रही है। मैनूं तां इह वी इलम नहीं सी कि विरक साहिब नें मेरी कोई कहाणी पहड़ी वी होवेगी।

पर इक्क वार विरक साहिब नें मैनूं हैरान कर दित्ता। राम सरूप अणख़ी दी ‘छपड़ी विहड़ा’ किताब ’ते लाइलपुर ख़ालसा कालज जलंधर दे पंजाबी विभाग नें इक्क गोशटी करवाई। मैं उदों आपणे पिंड ही पहड़ाउंदा सां। उस गोशटी ’ते मैनूं वी बुलाइआ गिआ सी। जदों मैं अंबरसरों बस्स लै के जलंधर दे बस्स अड्डे ’ते उत्तरिआ तां वेखिआ कि कुलवंत सिंघ विरक रिकशे ’ते बैठा अड्डे तों बाहर निकल रिहा सी। मैनूं पता सी कि विरक नें इस गोशटी दी प्रधानगी करनी है। मैं वी रिकशा लै के उहदे मगर हो तुरिआ। कालज विच्च असीं अग्गड़-पिछ्छड़ आपो-आपणे रिकशिआं तों उत्तरे। सवागत लई खलोते पंजाबी विभाग दे मुखी ते मेरे मित्तर निरंजन सिंघ ढेसी नें पहिलां विरक नूं ‘फ़तहि’ बुला के ‘जी आइआं’ किहा ते फिर मैनूं जफ़्फ़ी पाउंदिआं, विरक नूं आखिआ, “विरक साहिब! कहाणी विच्च तुहाडा वारस ते साडा यार वरिआम।”

विरक नें पुशटी करन लई हौली जिही किहा, “वरिआम संधू?”

“जीअ!”

जवाब सुण के विरक ख़ामोश रिहा। असलों निरभाव चिहरा। मैं किउंकि पहिली वार विरक नूं मिल रिहा सां, ते मेरी जाण-पछाण वी बड़े चंगे शबदां विच्च करवाई गई सी, इस लई मैं अदब नाल थोड़ा कु झुक के विरक अग्गे दोवें हत्थ जोड़े। मैनूं याद नहीं, उहने मेरे नाल हत्थ मिलाइआ कि नहीं? कालज दी लाइब्रेरी, जित्थे समागम होणा सी, विच्च गए तां पहिलां आ चुक्के लेखकां नें विरक नूं वारी वारी फ़तहि बुलाई। आए महिमानां लई चाह ते पकौड़िआं दा इंतज़ाम कीता होइआ सी। सारे जणे चाह दे कप्प लै के गरमा-गरम पकौड़िआं दा सवाद लै रहे सन। लेखकां विच्च घिरिआ विरक मेरे तों दूर ख़लोता सी। मैं उधर ही वेख रिहा सां। आपणे महिबूब कथाकार वल्ल। अचनचेत विरक दीआं नज़रां मेरे नाल मिलीआं ते उह लेखकां दी ढाणी छड्ड के मेरे कोल आ गिआ ते मैनूं इशारा कर के आपणे नाल लाइब्रेरी दी नुक्कर वल्ल लै तुरिआ। मैं बड़ा हैरान। इक्कलवंझे जिहे होए तां विरक कहिंदा, “मैं इस वार दे ‘सिरजणा’ विच्च तेरी कहाणी ‘दलदल’ पहड़ी ऐ।”

मेरी हैरानी ते ख़ुशी दा कोई हद्द-बंना नां रिहा। ‘विरक साहिब नें वी मेरी कहाणी पहड़ी ए!!’

पर मन विच्च ख़ुतख़ुती वी कि पता नहीं विरक साहिब नूं कहाणी पसंद वी आई है जां नहीं!

मैं उहनां दे शांत-चित्त चिहरे वल्ल वेख रिहा सां।

विरक पुछ्छदा, “तेरी कहाणी दे अख़ीर ’ते तूं ज़िकर कीता है कि सुत्ते पए संधूआं दीआं अख्खां खुल्ल्हीआं रहिंदीआं नें। तैनूं इस गल्ल दा किवें पतै?”

मैं विरक नाल सुत्ते पए संधूआं दीआं अख्खां खुल्ल्हीआं रहिण बारे चली आउंदी मित्थ सांझी कीती। सुण के विरक दे चिहरे ’ते मिंनही जिही मुसकाण लिशकी।

विरक नूं इहनां गल्लां दा बड़ा पता सी। मैनूं पता सी, विरक दी पंजाब दे लोक-जीवन, पंजाबी मित्थां ते लोक कहाणीआं विच्च डाढी दिलचसपी सी। खोजीआं वाली दिलचसपी। उह मेरा प्रीखिअक बण के मेरी समझ दे डूंघ नूं टोह रिहा सी।

मेरा जवाब सुण के उहने मेरे मोढे ’ते हत्थ रख्ख के पोले जिहे किहा, “ठीक ए!”

मैं सुख दा साह लिआ। लग्गा, जिवें बड़ा औखा इमतिहान पास कर लिआ है।

एने नूं प्रबंधकां नें सटेज तों समागम दी कारवाई शुरू करदिआं विरक नूं प्रधानगी दी कुरसी सांभण दी बेनती कीती ते असीं सटेज वल्ल तुर पए।

इह मेरी विरक नाल संखेप जिही पहिली मिलणी ते गल्लबात सी। पर मैं एने नाल ही माला-माल हो गिआ सां कि विरक नें मेरी कहाणी पहड़ी है ते उहदे बिरतांत दे हवाले उहनूं याद वी नें।

साडी (विरक दी ते मेरी) सांझ ते वखरेवां-विरक दी ज़बानी

1979 विच्च पंजाब खेतीबाड़ी यूनीवरसिटी विच्च डा साधू सिंघ ते सुरजीत पातर हुरां दे उद्दम नाल मेरे नवें छपे कहाणी-संग्रहि ‘अंग-संग’ ’ते गोशटी रख्खी गई, जिस विच्च विरक साहिब नें उदघाटनी भाशन दिंदिआं किहा, “दो कहाणीकार मेरे बहुत नज़दीक नें। इक्क सुखवंत कौर मान ते दूजा वरिआम संधू। सुखवंत कुझ्झ ज़िआदा नेड़े, औरत होण कर के नहीं, मीलां विच्च। उहदा पिंड साडे पिंड दे नेड़े सी। वरिआम वी किहड़ा दूर सी, साडे दरमिआन निक्का जिहा रावी दरिआ पैंदा सी। दरिआ वी काहदा सी! ऐवें पाणी दी लीक जिही। वरिआम दीआं कहाणीआं पहड़ के मैनूं लग्गदा ए ऐह मेरा पिंड ए। मैं ओथे बैठां।”

फेर उहनां मिठ्ठी जिही मशकरी कीती, “इक्क गल्ल वरिआम नाल मेरी होर सांझी ए। उह इह वे कि विरक अते संधू दोवें जाहिल कौमां नें!”

उसतों बाअद उहनां साडे दोवां दे वख्खरेपन बारे गल्ल करदिआं किहा, “इक गल्ल वरिआम दीआं कहाणीआं विच्च मेरे तों वख्खरी ए। मैनूं लभ्भी नहीं। साडे वेले पिंड विच्च कुलैकटव ऐकशन हुंदा सी। मसलन खाळ खालणा होवे तां रात नूं पिंड विच्च पीपा खड़का दिओ, सवेरे लोक आपणीआं कहीआं लै के आ जांदे। रात-बराते चोर दा खड़का सुण के किसे आवज़ देणी तां सारा पिंड उठ्ठ के भज्ज तुरदा सी। वरिआम दीआं कहाणीआं विच्च इह मिसिंग ए। शाइद हुण दा पिंड इंज दा ही हो गिआ होवे। मैनूं नहीं पता, वरिआम नूं बहुता पता हो सकदा ए।”

“इक्क होर गल्ल वरिआम दीआं कहाणीआं विच्च मेरे तों वख्खरी ए। असीं कमिऊसटां तों डरदे हुंदे सां जां घट्टो घट्ट उहनां दे नेड़े दिसण दी कोशिश करदे सां, पर वरिआम कमिऊनिसटां दी खुल्ल्ह के आलोचना करदा ए!”

उहनां नें बड़े ही सादा शबदां विच आपणे वेले दे पिंड ते मेरे वेलिआं दे पिंड विच आई तबदीली दी निशानदेही कर दित्ती सी।

विरक दे दौर दी इक्क विशेशता इह सी कि किरसानी समाज भावें वंडिआ तां जातां, जमातां विच्च सी पर इहनां वंडीआं दे बावजूद पिंडां दी भाईचारक सांझ बड़ी मज़बूत सी। आपसी भाईचारा बड़ा संगठित सी। पिछ्छों हौली हौली पूंजीवादी कीमतां दे प्रवेश नाल इस सांझ विच्च फ़रक पैणा शुरू हो गिआ सी ते निज्जमुख्खता दे रुझान विच्च वाधा हो जाण कारन पहिलीआं पीचवीआं भाईचारक सांझां तिड़कण टुट्टण वी लग्ग पईआं सन। कुलवंत सिंघ विरक दी बरीक नज़र किरसाणी समाज विच्च वापर रहे इस परिवरतन नूं ताड़ गई सी। विरक दीआं कहाणीआं विच्च जित्थे पुरातन संगठित भाईचारे दा गलप-बिंब बड़ी कुशलता नाल उसारिआ गिआ है ओथे उसने नवें ज़माने दीआं नवीआं रौआं दे वहाउ अधीन बदल रहे जीवन नूं वी कलातमक ज़बान दित्ती है। उसदीआं कहाणीआं; ‘उजाड़’, ‘तूड़ी दी पंड’, ‘उलामहां’ ते ‘मुकतसर’ आदि विच्च सानूं जित्थे संगठित भाईचारे ते आपसी भरप्पी सांझ दे प्रमाणिक हवाले मिलदे हन ओथे पूंजीवादी कीमतां दे प्रवेश नाल टुट्ट-तिड़क रहे भाईचारे दा प्रमाणिक द्रिश वी द्रिशटीगोचर हुंदा है।

विरक दीआं पहिले दौर दी कहाणीआं विच्च विशेश करके ते पिछले दौर दीआं कहाणी विच्च आम करके, सानूं पंजाब दा पिंड आपणी सारी विभिंनता ते रंग-ब-रंगता विच्च बोलदा सुणदा अते जिऊंदा-विचरदा विखाई दिंदा है। देश वंड तों पहिलां दे पंजाब नूं जे जानणा, समझणा जां वेखणा होवे तां सानूं विरक दीआं कहाणीआं दा पाठ तां करना ही पवेगा।

तूं साडे हिस्से दे वरके सानूं दे जा।

विरक किताबी भाशा विच गल्ल नहीं सी करदा। नां ही विदवानी घोटदा। बड़ी सादा ज़बान विच सहिज नाल गल्ल करदा, पर गल्ल हुंदी बड़ी डूंघी। आपणी गल्ल नूं विअंग जां मिठ्ठी मशकरी दी पाण वी चाहड़ दिंदा।

इक्क वार गुरभजन गिल्ल नें जगराउं कालज विच्च कहाणी दरबार करवाइआ। राम सरूप अणख़ी ते मैनूं कहाणीआं पहड़न लई बुलाइआ। इक्क जणा शाइद कोई होर वी सी। याद नहीं रिहा। विरक साहिब नें कहाणी दरबार दी प्रधानगी कीती। मैं आपणी कहाणी ‘आपणा आपणा हिस्सा’ पहड़ी। मर गई मां दे फुल्ल गंगा पा के आउण अते उहदे इलाज ’ते होए ख़रचे दी वंड-वंडाई दे मुद्दे नूं लै के कहाणी दे अख़ीर ’ते आपणे वड्डे भरावां ते भैण दी वधीकी तों अक्किआ होइआ, कहाणी दा मुख्ख-पातर घुद्दू कहिंदा ए कि उहदी हाल दी घड़ी पुज्जत नहीं। उहदे हिस्से दे फुल्ल किल्ली ’ते टंग दिओ। जदों पुज्जत होई मैं पा आऊंगा। फुल्ल वंड दे हवाले नाल प्रधानगी भाशन दिंदिआं विरक नें कहाणी बारे ‘विरक-सटाईल’ विच्च मज़ाहीआ टिप्पणी कीती।

“साडे किसे पहड़े-लिखे विरक नें विरकां दे पिंडां विच्च जा के किहा, “मैं विरकां दा इतिहास लिख रिहां। जदों छप गिआ, विरक अमर हो जाणगे। पर किताब छापण ’ते पैसे लग्गणे नें। उहनां दा रळ-मिळ के इंतज़ाम कर देवो। तां अग्गों विरक कहिंदे, “तूं साडे हिस्से दे वरके सानूं दे जा। असीं आपे छाप लवांगे।”

ऐडा तेरा किहड़ा दरदी!

जद मैं ऐम फ़िल करनी सी तां मेरा गुणा सहिजे ही आपणे सभ तों पसंदीदा कहाणीकार विरक ’ते ही पैणा सी। जो मैं लिखिआ, उसनूं बाअद विच्च किताबी शकल विच्च छाप दित्ता, “कुलवंत सिंघ विरक दा कहाणी-संसार।” जगराउं वाले कहाणी दरबार मौके मैं उह किताब विरक साहिब नूं भेट कीती।

किताब देण तों बाअद मैनूं कई वार विरक साहिब नूं मिलण दा मौका मिलिआ। आपणे मित्तर डा साधू सिंघ नें भाई रणधीर सिंघ नगर कोल बणी नवीं अबादी विच घर लिआ तां विरक नें साधू सिंघ नूं किहा कि उसनूं वी आपणे नेड़े घर लै देवे। जद मैं साधू सिंघ कोल रात रहिंदा तां सवेरे सैर नूं जांदिआं विरक राह विच मिलदा। घर आउण लई कहिंदा। असीं घर वी जांदे। ऐधर-ओधर दीआं बथेरीआं गल्लां हुंदीआं, पर उहने मेरी किताब बारे कदी इक्क वी शबद नां बोलिआ।

विरक बहुत घट्ट बोलदा सी। जद वी बोलदा, पते दी गल्ल करदा ते चुप्प हो जांदा। अगला उडीकदा रहिंदा कि कुझ्झ होर वी कहेगा, पर कही जाण वाली गल्ल तां कही जा चुक्की हुंदी सी।

कई साल बाअद मैनूं जोगिंदर सिंघ निराला दी विरक साहिब नाल कीती इक्क इंटरवीऊ लभ्भी, जो उहनां दे सदीवी विछोड़े तों कई साल बाअद छपी सी। उस विच्च निराले नें उहनां ’ते होए आलोचनातक कंम बारे पुछ्छिआ तां उहनां किहा, “मेरे बारे जिंनां वी लिखिआ गिआ ए, उस विचों सभ तों वधीआ किताब वरिआम सिंघ संधू दी है।”

इह शबद मेरे लई बहुत वड्डा सनमान सन। अणमुल्ला सरमाइआ!

मैनूं भुशन नें अंदरली गल्ल इह वी दस्सी सी, कि जदों 1981 विच्च मेरे कहाणी-संग्रहि ‘अंग-संग’ नूं पंजाब आरटस कौंसल चंडीगहड़ वल्लों इनाम दित्ता गिआ सी तां इस लई विरक साहिब नें ही मेरी सिफ़ारिश कीती सी।

मैनूं उदों लोक बोली याद आई, “ऐडा तेरा किहड़ा दरदी, सुत्ती पई नूं पख्खी दी झल्ल मारे!”

वाह! मेरे धंनभाग! विरक साहिब नें इसतरहां वी हमातड़ां नूं पख्खी दी झल्ल मारी सी।

जिवें उस दीआं कहाणीआं विच बहुत कुझ अणकिहा हुंदा सी, उह विआखिआ विच्च नहीं सी पैंदा, इंझ ही रिशतिआं विच वी उह विआखिआ विच नहीं सी पैंदा। होरनां वांग, “मैं तैनूं ऐं समझदां जां मैं तैनूं ओं समझदां।” आखण विच उहदा विशवास नहीं सी। कहाणीआं विच वी उहदी चुप्प बोलदी सी ते सांझां विच वी। शाइद एसे कर के उहने कदी मैनूं नहीं सी दस्सिआ कि मेरी लिखी किताब उहनूं किहो जिही लग्गी सी जां उहने मैनूं पंजाब आरटस कौंसल दा इनाम दिवाउण दी सिफ़ारिश कीती सी।

अज्ज विरक नूं याद करदिआं सानूं सभनां नूं, कहाणी लिखण वालिआं नूं, उहनां दे पाठकां नूं विरक साहिब दीआं कहाणीआं दी पख्खी दी झल्ल वज्ज रही है ते कलेजे नूं ठंढ पा रही है।

मेरे समेत पंजाबी पाठकां दे मनां विच कुलवंत सिंघ विरक बोलदा रहिंदा है:

सुरजीत बिंदरख़ीए दा गाइआ शमशेर संधू दा गीत है, “तूं नहीं बोलदी रकाने, तूं नहीं बोलदी, तेरे ’चों तेरा यार बोलदा!” इंझ ही मेरे अंदरों कुलवंत सिंघ विरक दीआं दीआं कहाणीआं किवें बोलदीआं रहीआं नें, इसदे कुझ वेरवे सांझे करन दी आगिआ दिउ:

विरक दीआं समुच्चीआं कहाणीआं दे अधिअन तों इह तत्थ भली भांत उजागर हुंदा है कि उह औरत बारे बड़ा ही संवेदनशील है अते नवें समाज दी उसारी विच्च उसनूं औरत दा रोल बड़ा ही महत्तवपूरन लग्गदा है। पिछले दौर विच्च, जदों उह शहिरी जीवन विच्च पहड़, बदल ते समाज दी उसारी विच्च हिस्सा पा रही औरत दे चितर उलीकदा है, तां उसनूं अजिहीआं औरतां ‘शेरनीआं’ लग्गदीआं हन अते उहनां विच्च उसनूं नवें भारत दी आतमा वस्सदी नज़र आउंदी है। नवें भारत दीआं प्रतीनिध अजिहीआं समरत्थ औरतां नूं उह ‘नमसकार’ करदा है। उह औरत दी सिरजणहारी समरत्था नूं वी नमसकार करदा है जिस विच्च मरद नालों बरदाशत करन दी शकती वी वधेरे है अते उह आपणे आप नूं हालात दे मुताबक ढाल सकण दी वड्डेरी समरत्था दी मालक वी है। औरत दी नवें हालात नाल निपटण ते उस अनुकूल आपणे आप नूं ढाल सकण ते आपणीआं जहड़ां नवीं ज़मीन विच्च गड्ड सकण दी अथाह समरत्था दी उदाहरण ‘खब्बल’ कहाणी विचों वेखी जा सकदी है।

विरक दीआं अनेकां कहाणीआं असीं हवालिआं वांग वरतदे हां। इक्क हवाला आपणे सफ़रनामे , ‘परदेसी पंजाब’ विचों है। 1997 विच अमरीका विच होण वाली विशव पंजाबी कानफ़रंस विच शामल होण लई वीज़े लवाउण तों बाअद असीं टिकटां देण वाली आपणी एजंट परिअग्गिआ दे दफ़तर असीं शाम अठ्ठ वजे दे करीब पुज्जे। सलवार कमीज़ ते पंजाबी जुत्ती विच फब्ब रही उह दफ़तर विच बैठी होई हथले कंम निपटा रही सी। असीं आपणे नां दस्स के टिकटां ओ. के. हो जाण दी पुशटी करनी चाही। उस नें कट्टे वाळां दी लिट धौण दा झटका दे के मत्थे उपर कीती ते काहळी-काहळी काग़ज़-पत्तर फोलदी कहिण लग्गी, ‘‘ठहिरो एक मिंट! एक तों येह वरिआम बहुत हैं लिसट में....’’

पर लभ्भे उस नूं जगदीश सिंघ वरिआम ते वरिआम सिंघ संधू ही।

मैं जाण-बुझ्झ के उस नूं सुरिंदर गिल्ल वाळा सवाल कीता कि कैनेडा दे वख्ख-वख्ख शहिरां विच जाण लई इथों ही कोई ससती टिकट वग़ैरा मिल सकदी होवे! उस नें उंझ ही सज्जे हत्थ दे अंगूठे नाळ पहिली उंगल जोड़ी। हत्थ हवा विच लहिराइआ, ‘‘एक वूज़ा होता है नां....वोह आप ले जाएं यहां से....मैं बनवा दूंगी.....आप चिंता नां करें....हो जाएगा सभ....हो जाएगा....।’’ उस नें उंझ ही ‘हो जाएगा’ नूं पुशट करन लई हत्थ हवा विच लहिराइआ।

एनी रात गए उह इकल्ली निक्की जिही लग्गदी कुड़ी एने सवै-विशवास नाळ बैठी सभ दीआं नज़रां दा केंदर बणी होई सी। औरत दा इह उभ्भर रिहा माण-मत्ता रूप मैनूं बड़ा चंगा लग्गा। नां उहनूं कोई फ़िकर सी कि मैं एने मरदां विच इकल्ली निक्की जिही जान घिरी बैठी हां ते नां ही उसदे घरदिआं नूं कोई फिकर सी कि एनी रात गए उहनां दी धी अजे तक्क घर नहीं पहुंची।

परिअग्गिआ मैनूं कुलवंत सिंघ विरक दी कहाणी ‘शेरनीआं’ दी पातर ‘शेरनी’ कुड़ी लग्गी। मरदां दे समाज विच बेख़ौफ विचर रही....जंगलां ’चों आपणे लई राह बणा रही।

असल विच्च विरक औरत मरद संबंधां नूं भूपवादी कीमतां दे चौख़टे विच्च रख्ख के वेखण दी थां नज़र दी ताज़गी नाल वेखदा है। उह औरत मरद संबंधां नाल जुड़ी साधूवादी नैतिकता दा मुदई्ई नहीं। नां ही उह इह समझदा है कि कोई विशा इस करके ज़िकर योग नहीं कि समाज उसनूं वरजित समझदा है। उस अनुसार तां जिहड़ा जज़बा लख्खां लोकां दे दिलां विच्च धड़कदा है, उसनूं साहित विच्च वी पेश करना कोई माड़ी गल्ल नहीं।

औरत ही नहीं पंजाब दे किसानी भाईचारे विच्च मरद कोल वी दुख्ख नूं सहि सकण दी बेमिसाल समरत्था है। असल विच्च पंजाब दे किरसान दा जीवन बड़ा संकटां भरिआ रिहा है। धरती दी हिक्क चीरदे, धरती जिड्डे जेरिआं वाले, इह लोक सिरां उत्ते पए संकटां दे सनमुख्ख होणा ते उहनां नूं सहिणा जाणदे सन। इसदी सभ तों उत्तम उदाहरण विरक दी कहाणी ‘धरती हेठला बौलद’ है। बज़ुरग बाप आपणे पुत्त दी मौत दी ख़बर आपणे पुत्त दे दोसत तों लुकाई रख्खदा है किउंकि उह नहीं चाहुंदा कि आपणे पिआरे दोसत दी मौत दी ख़बर सुण के उहदे पुत्त दे दोसत मान सिंघ दी छुट्टी ख़राब होवे। कहाणी दूजे दे सुख लई आप दुख्ख सहि सकण दी साधारन बंदे दी असधारन समरत्था दा बिरतांत है।

विरक दे पंजाबी कहाणी अते मेरे उत्ते असर दा इक्क होर बिरतांत सांझा करन दा लालच कर लैण दिउ।

आपणे पुत्त दी मौत दी ख़बर, घर दे जीआं तों वी लुका के, कनेडा पहुंचण दे हवाले दुआले बुणी मेरी कहाणी ‘जमरौद’ दे सच्च दा इह दुख्ख दस-बारां साल मेरे अंदर रिझ्झदा रिहा। इस विशे ’ते कहाणी लिखी तां जा सकदी सी, पर इसे विशे नूं लै के मेरे साहमणे पहाड़ जिड्डी कहाणी पहिलां ही खलोती सी, ‘धरती हेठला बौलद’! मैं मन विच्च लिखे जाण वाली कहाणी दी भंन-तोड़ करदा रिहा। आख़रकार कहाणी लिखण लई प्रेरक नुकता मेरे मन विच्च लिशकिआ। ‘धरती हेठला बौलद’ दा बिरतांत ‘मानवी दाइरे’ विच्च विचरन वाला सी पर मैं आपणी कहाणी नूं पंजाबीआं दे परवास धारन करन दी लंमी प्रकिरिआ दे इतिहास नाल जोड़ के ‘इतिहासक दाइरे’ विच्च सिरजण दा मन बणा लिआ। पर अजिहा करदिआं मैं ‘धरती हेठला बौलद’ तों अख्ख चुरा के नहीं सां लंघ सकदा। ‘अरजन’ नूं ‘आपणा युध्ध’ शुरू करन तों पहिलां द्रोणाचारय दे पैरां विच्च नमसकारी तीर चलाउणा चाहीदा सी! मैं कुलवंत सिंघ विरक नूं नमसकार कीती ते आपणी कहाणी नूं वी ‘धरती हेठला बौलद’ वाले पिंड अते परिवार नाल जोड़ दित्ता।

धिआन नाल वेखिआं पता चल्ल जावेगा कि कहाणी विच्च जरनैल सिंघ दा पातर उस मुंडे नूं बणाइआ गिआ है, जो ‘धरती हेठला बौलद’ वाले ‘करम सिंघ’ दा पुत्तर है, जिहड़ा मान सिंघ दे आउण ’ते डिउहड़ी विच्च खेडदा फिरदा सी। ‘धरती हेठला बौलद’ वाला करम सिंघ ‘जमरौद’ विच्च वी ‘करम सिंघ’ ही रहिंदा है, पर, ‘धरती हेठला बौलद’ विचले करम सिंघ दे छोटे भरा जसवंत दा नां मैं ‘जमरौद’ विच्च जाण-बुझ्झ के साहितक ओहला रख्खण लई धरम सिंघ रख्खिआ है। बरहमां दे फ़रंट ’ते करम सिंघ दे मारे जाण दा बिरतांत अते जद उह जिऊंदे-जी छुट्टी आउंदा सी, तां, उहदा खूही ’ते नहाउण दा बिरतांत, विरक दी कहाणी नाल जुड़दे संकेत ही नें। जिवें विरक दी कहाणी विच्च तरनतारन मत्था टेकण दा हवाला है, ‘जमरौद’ विच्च वी इह हवाला मिलदा है। सो उन्नी-इक्की दे फरक नाल इह ओहो परिवार है, चहड़त सिंघ दा, जो विरक दी कहाणी विचला दुख्ख सहिण वाला बज़ुरग वी है; भावें आपणी कहाणी दीआं आपणीआं लोड़ां मुताबक इस विच्च कई तबदीलीआं वी करनीआं पईआं। मसलन: करम सिंघ दी मौत वेले मेरा पातर चहड़त सिंघ जेल्ह विच्च है ते विरक दी कहाणी वाला बज़ुरग बाप घर विच्च ही है। उंझ फौजी गारद कोलों हथिआर खोहण लई ‘वल्ले’ पिंड दी नहिर दे पुल ’ते मारे डाके विच्च होरनां ग़दरीआं नाल जिहड़े ग़दरी गए सन, उहनां विच्च ठठ्ठी खारे पिंड दे ग़दरी हरनाम सिंघ ते आतमा सिंघ वी सन, जिहड़े फड़े जाण बाअद आपणे तिंन होर साथीआं नाल फ़ांसी ला दित्ते गए। सो मूल रूप विच्च इह माझे दा उहो पिंड है, जो विरक दी कहाणी वाला पिंड ही है, ‘ठठ्ठी खारा’।

असल विच्च ‘जमरौद’ विच्च ‘ठठ्ठी खारा’ पिंड नूं जाण-बुझ्झ के बेनाम रख्खिआ गिआ है। इह इस कर के, किउंकि, इह इक्क पिंड ही नहीं, पूरा पंजाब है, पंजाब दा कई सदीआं दा गतीशीळ इतिहास है। राजनीतक, समाजिक, सभिआचारक जां आरथिक ही नहीं, साहितक-इतिहास वी है। पंजाब दीआं रगां विच्च वहिंदा होइआ लहू है। कहाणी विच्च इस इतिहासक निरंतरता दे संकेत साफ़ लभ्भदे हन। इह कहाणी ‘धरती हेठला बौलद’ वाली परंपरा दी वारिस कहाणी है, जिस दे नाइक असलों साधारन मनुख्ख होण दे बावजूद, सिर ते पई झल्लण वेले असाधारन जिगरे वाले हो निब्बड़दे नें। इहो बंदे पंजाबी बंदे दी प्रमाणिक पछाण नें; जिहड़े डिग्गण-डिग्गण करदे पंजाब नूं आपणे मोढिआं ते चुक्क के मुड़ खड़ा कर सकदे सन।

इंझ हालात अते इतिहास दे दबावां अधीन ओसे पिंड/पंजाब दे असाधारन जिगरिआं वाले इह लोक हुण डिग्ग रहे पंजाब नूं मोढा देण तों असमरत्थ किउं हुंदे जा रहे नें! हुण इह ‘धरती हेठले बौलद’ कित्थे ते किउं ग़रकदे जा रहे नें ते इहनां हेठले पैरां हेठली ज़मीन अमरीका कनेडा किउं खोह के लै चल्लिआ ए! ?

इह लंमा हवाला इस कर के दित्ता है कि पाठक जाण सकण कि विरक दीआं कहाणीआं दा जादू किवें पंजाबी पाठकां अते लेखकां दे सिर चहड़ बोलदा रिहा है, बोलदा रहिणा है।

विरक दी कहाणी दी खिच्च

सधारन लोकां नूं वी किवें उहदी कहाणी आपणे वल्ल खिच्च लैंदी सी, इसदी होर प्रमाणिक उदाहरण पेश है।

मैं 1975 विच्च ऐमरजैंसी लग्गण कर के जेल्ह विच्च सां। जिहल विचली ‘विहल’ दा लाभ लैण लई मैं पंजाबी दी ऐम ए करन वासते किताबां जेल्ह विच्च ही मंगवा लईआं। आपणे अनपहड़ साथी कैदीआं नूं विरक दीआं कहाणीआं, ‘उजाड़’, ‘तूड़ी दी पंड’, खब्बहल वरगीआं पेंडू जीवन नाल जुड़ीआं कहाणीआं पहड़ के सुणाउंदा तां उह पूरे धिआन नाल सुणदे ते कहिंदे, “मजा आ गिआ यार। कमाल दा बंदा ऐ। साडे मनां दीआं बुझ्झ लैंदा ए इह तां। साडीआं ई गल्लां करी जांदै।”

रोज़ इक्क घंटा कहाणी पाठ चल्लदा ते हवालाती मेरे दुआले संगत वांग जुड़ बैठदे।

इह हुंदी है कहाणी दी करामात!

नवें कहाणी लिखण वालिआं नूं वी कदी आपणीआं कहाणीआं, जिनहां बारे लिखीआं गईआं नें पहड़ के पिंड दी सत्थ विच सुनाउणीआं चाहीदीआं नें। फिर पता चलू किस भाअ विकदी ए!

अजिहा माण पंजाबी दे किसे कहाणीकार नूं नहीं मिलिआ।

किरसाणी जीवन दे सिरहड़, संघरश ते सहिण-शकती दा प्रमाणिक लेखक विरक मौत अते ज़िंदगी दी कशमकश नूं सहिज-संतुलन विच्च बंनह के पेश कर सकण दे हुनर दा बेमिसाल सिरजक है। आउण वालीआं नवीआं पीहड़ीआं नूं सदा विरक दी कहाणी वचों सिख्खण लई मिलदा रहेगा।

किरसाणी जीवन दे कठिन जीवन दी झाकी दा दीदार करन लई असीं उहदे लेख, ‘जट्ट लोक’ विचों हवाला देणा चाहुंदे हां।

उह आपणे दरशनी सरीर वाले, लंमे-लंझे किरसान भरा दा हवाला दिंदा है जिहड़ा वंड तों बाअद मिली नवीं ज़मीन नूं आबाद करन विच्च लग्गा होइआ है ते अज्ज विरक कोल आइआ होइआ है। उसदे भरा दे पैर उत्तों हेठों ज़ख़मी ते सुज्जे होए हन ते उहनां विच्च पाक पई होई है।

विरक उसदे पैरां दी अजिही हालत हो जाण दा कारन पुछ्छदा है। दोवां भरावां दे सवाल जवाब विचों किरसानी जीवन दी अथाह मिहनत, सरीरक तकलीफ़ अते तकलीफ़ नूं सहि सकण दा सिरहड़ भलीभांत दिखाई दे जांदा है:

“… इह पैरां ’ते तैनूं की बिमारी हो गई ए?” मैं पुछ्छिआ।

“बिमारी कोई नहीं। मुंजी ला के आइआ हां। नवीं भोइं होण करके उत्थे गंद बहुत सी। मुढ्ढीआं सन कानिआं दीआं, बरूटीआं दीआं। सप्प सलूंगड़ा वी बहुत सी, पर बचा ही हो गिआ ए।”

“इहो जिहे पैरां नाल तूं कद्दू मारदा रिहैं?” मैं बेयकीन हो के पुछ्छिआ।

“होर की करना सी। जे कंम रहि जांदा तां माड़ी गल्ल सी। लोकीं आंहदे चाईं चाईं गिआ ते सी, पर ज़मीन सांभी नहीं गई इहदे तों। धंमी वेले उठ्ठणा, पैर पाले नाल आकड़े होणे। भोइं ’ते धरे नां जाणे। हत्थां भार हो के मंजी तों उत्तरना। फिर मंजी दा आसरा लै के सहिंदा-सहिंदा भार पैरां ’ते पाणा ते इसतरहां पंज सत्त पैर पुट्ट के इनहां नूं गरम करना। हौली हौली सिध्धे टुरन जोगे हो जाणा ते ढग्गे जो लैणे। इक्क वार कद्दू विच्च जा वड़े फिर दिन डुब्बे ही निकलणा। मगर दूजे हल लगे आउंदे। अगले दिन फिर इसे तरहां।”

इह कोई मंनण वाली गल्ल सी। इक्क आदमी दे लत्तां पैर गले पए हन, पर उह फिर उनहां तरक्के होए, कंडिआं वाले खेतां दे चिक्कड़ विच्च हल वांहदा है। जिथों उसनूं इह रोग होइआ है, ओथे इतिहास विच्च कदे कोई फ़सल बीजी ही नहीं गई। सैपटिक टैटनिस आदि की चीज़ां हन।’

इह है पंजाबी किरसाण दी अथाह समरत्था, सिरहड़, ताकत ते वड्डी तों वड्डी पीड़ नूं कसीस वट्ट के पी जाण दा जेरा।

जदों मैं विरक दी किताब, ‘मेरीआं सारीआं कहाणीआं’, चोरी कीती:

जदों असीं बच्चिआं दे कहिण ’ते कनेडा जाण दा फ़ैसला कर लिआ तां मैं आपणीआं बहुत सारीआं किताबां वख्ख वख्ख लाइब्रेरीआं विच वंड दित्तीआं। आपणे कोल मैं चार कु सौ चुनिंदा किताबां रख्ख लईआं। तुरगनेव, गोरकी, टालसटाइ, शोलोख़ोव दे नावल, चैख़व, मंटो, बेदी, क्रिशन चंदर दीआं कहाणीआं ते इंझ दीआं ही कई होर मुल्लवान किताबां।

कुझ साल पहिलां मेरे मित्तर मलूक सिंघ नें आपणे पिंड लाइब्रेरी बणवाई अते उस इमारत दा उदघाटन किसे लीडर कोलों करवाउण दी बजाइ मेरे कोलों करवाइआ।

इक्क दिन असीं कार विच कुझ किताबां रख्ख के उहदे पिंड गए। ओथे हाज़र सज्जण किताबां कार विचों कढ्ढ के अलमारी विच रख्खण लग्गे। मैं वी किताबां नूं ख़ानिआं विच ठीक कर के रख्खण विच उहनां दी मदद कर रिहा सां। अलमारी विच किताबां रख्खदिआं अचनचेत इक्क किताब हत्थों छुट्ट के फ़रश ’ते डिग्ग पई। मैं वेखिआ; किताब सी, विरक दी , ‘मेरीआं सारीआं कहाणीआं।’

किताब मैं फ़रश तों चुक्की ते झाड़ के हत्थ विच फड़ लई। खाली लिफ़ाफ़ा लभ्भिआ ते अख्ख बचा के, समझो चोरी कर के, किताब लिफ़ाफ़े विच ‘लुका’ के हिक्क नाल घुट्ट लई। आख़र विरक दी किताब सी! जे चोरी कर वी लई सी तां की आख़र आ गई! विरक वी तां चोरी करन लई मशहूर हन। किताब चोरी कर के मैं विरक भाईचारे दी ते विरक दी वी ‘लाज’ रख्ख लई सी!

उंझ असलीअत इह सी कि लाइब्रेरी नूं दित्तीआं गईआं इह सारीआं किताबां मेरीआं ही सन। इह किताब वी ‘मेरी’ ही सी। आप ही दित्ती किताब मैं चुरा लई सी। जे मलूक सिंघ नूं दस्स वी दिंदा कि इह किताब मैं वापस लै जाणी है तां उहने मैनूं की आखणा सी!

पर इक्क वार तां किताब मलूक सिंघ दी लाइब्रेरी दी हो गई सी नां! पर विरक नाल आपणी बेओड़क मुहब्बत ’चों मेरे अंदर नें किहा, ‘नहीं, इह किताब मैं लाइब्रेरी नूं नहीं देणी। दे ही नहीं सकदा। इह मेरी निज्जी जाइदाद है। ते इह मेरे कोल ही रहेगी। रहिणी चाहीदी है। विरक नूं कोई आपणे तों दूर किवें कर सकदा है!’

मैं मलूक सिंघ नूं पता ही नहीं लग्गण दित्ता कि मैं उहदी लाइब्रेरी दी किताब चोरी कर के लै आइआ हां!

कहाणी दा शहिनशाह वी ते सुभाअ दा वी शहिनशाह

कुलवंत सिंघ विरक लेखक तां वड्डा है ही सी पर इनसान वी लासानी सी। साधू सिंघ ते विरक नें इक्को यूनीवरसिटी विच्च वी कंम कीता ते इक्को कालोनी विच्च गवांढी बण के वी रहे। मैं साधू भाअ जी कोल जांदा तां असीं सवेरे सैर करदिआं अग्गों विरक नूं सैर कर के परतदिआं वेखदे/मिलदे। विरक दे घर वी मिलण गए। विरक दी शख़सीअत दे सुरख रंग दे दीदार हुंदे रहे। साधू भा जी तों उहनां दे बादशाही सुभाअ दीआं कई गल्लां सुणन नूं मिलीआं। उह आपणे नेड़लिआं ’ते किंना भरोसा करदे सन, साधू सिंघ दे हवाले नाल उहदीआं दो मिसालां देणीआं चाहांगा।

विरक दी धी दा विआह सी ते उहने धी दी जंज दी आउ-भगत ते होर कंमां दी ज़िंमेवारी भुगताउण लई आपणे पी ए विरदी दे हत्थ ’ते पैसिआं दा थब्बा रख्ख दित्ता ते आप सुरख़रू हो गिआ। विआह भुगत गिआ तां विरदी पूरी तरतीब नाल सांभ के रख्खीआं ख़रचे दीआं रसीदां वाली फ़ाईल दा मूंह खोल्ह के विरक वल्ल घुमाउण ही लग्गा सी तां उह कहिंदा, “विरदी तूं मेरा बड़ा भार वंडाइआ है। वंडाइआ वी की, सारा ख़ुद ही चुक्किआ है।”

“उह तां साडा फ़रज़ सी जी।”

“किद्दां, पैसिआं दा सर गिआ सी। थुड़े तां नीं?”

“नहीं जी, सगों बचे नें बहुत सारे।”

विरदी नें बचे पैसिआं वाला लिफ़ाफ़ा पेश कर दित्ता।

विरक नें बिनां गिणिआं लिफ़ाफ़ा दराज़ विच्च रख्खिआ, “रसीदां दी कोई लोड़ नहीं। शाम नूं सारे मुंडिआं नूं नाल लै के घर आ जाईं। गल्ल-शप्प मारांगे।”

एने वड्डे दिल वाला सी कुलवंत सिंघ विरक।

इक्क होर बिरतांत मुलाहज़ा होवे। विरक नें साधू सिंघ हुरां दी कालोनी विच्च घर लैण दा निरणा कर लिआ। साधू सिंघ नें इक्क मकान दे पैंहठ हज़ार विच्च बणदे सौदे दी दस्स पाई तां विरक साहिब नें अलमारी खोल्ह के पंज हज़ार रुपए उहदे हत्थ फड़ा के किहा, “जाह, साई दे आ। पंदरां दिनां दी मोहलत लै आईं। उदों बाकी बचदे पैसे वी दे आवांगे।”

“विरक साहिब मकान ’ते इक्क वार निगाह तां मार लैंदे।”

“मैं की निगाह मारनी है। तूं मारी होई आ निगाह।”

सोचणा ही औखा लग्गदा है कि आपणा घर ख़रीदणा होवे तां उहनूं वेखण दी वी लोड़ नां समझी जावे किउंकि मकान उहदे किसे अज़ीज़ नें ही वेख ते पसंद कर लिआ है।

कित्थे लभ्भदे नें अजिहे वड्डे दिलां वाले बंदे!

अज्ज विरक साहिब नूं पंजाबी दा सभ तों वड्डा कथाकार मंनिआं जांदा है, पर, उह किहा करदे सन, “लेखक कोई बहुत वड्डे लोक नहीं हुंदे। आपणे भाईचारे दे मिरासी ही तां हुंदे नें। बस्स थोहड़ा जिहा ही फ़रक हुंदा है लेखकां दा मिरासीआं नालों। मिरासी आपणा कंम लाग लैण ख़ातर करदे हन ते लेखक मुफ़त ही, बस्स, आपणे शौक वजों।”

इह विरक साहिब दी वडिआई सी कि उह आपणे आप नूं लोकां दा मिरासी आखदे सन। साधू सिंघ विरक दी निमरता नूं आपणे खित्ते दे महां कवी बाबा नानक तों बख़शिश विच्च प्रापत होई मंनदा है, जिस बाबे नूं जगत गुरू दे लकब नाल याद कीता जांदा है, पर उह आपणे आप नूं ‘बेकार ढाडी’ आखिआ ही प्रसंन हो जाइआ करदे सन।

सो अजिहा सी साडा विरक! कहाणी दा शहिनशाह ते दिल दा वी शहिनशाह!

ज़िंदाबाद विरक साहिब!

('हीरे बंदे : शबद चित्तर' विच्चों)