देश नूं अज़ाद होइआं 77 वरहे हो गए हन पर असीं नां तां आपणे मनुख्खी वसीलिआं नूं विकसित कर सके हां अते नां ही अबादी विच्च हो रहे तेज़ी नाल वाधे नूं रोक सके हां। देश विच्च अज़ादी दिवस हरेक वरहे धूमधाम नाल मनाइआ जांदा है पर अज़ादी दा निघ्घ सारी वसों माण सके, इस पासे कोई ठोस प्रोगराम नहीं उलीके गए। अज़ादी दिहाड़ा धूमधाम नाल मनाउणा चाहीदा है पर इह वी वेखिआ जाणा चाहीदा है कि की अज़ादी दा निघ्घ सारी वसों माण रही है। इस विच्च कोई शक्क नहीं कि पिछले 77 सालां विच्च देश नें हर खेतर विच्च तरक्की कीती है पर इह वी सच्च है कि देश दी अध्धीउं वध्ध वसों अजिही है, जिसदीआं मुढलीआं लोड़ां दी पूरती नहीं हो रही। इस वसों नूं संतुलित भोजन तां दूर, ढिड्ड भरवीं रोटी वी नसीब नहीं है। आपणा घर नहीं है, विद्दिआ अते सिहत सहूलतां तों वांझे हन। अमीर गरीब विच्च पाड़ा घट्ट होण दी थां इस विच्च वाधा होइआ है। देश दी अध्धीउं वध्ध दौलत केवल दस प्रतीशत लोकां दे कबज़े विच्च आ गई है। अबादी विच्च तेज़ी नाल वाधा होइआ है। भारत दुनीआं दा सभ तों वध्ध अबादी वाला देश बण गिआ है।

संसार दे भुख्खे ते गरीब लोकां दी अध्धी वसों भारत विच्च रहिंदी है। हुण वी सरकार देश दे 80 करोड़ लोकां दा ढिड्ड भरन लई मुफ़त राशन दे रही है। राजनीती देश सेवा दी थां विउपार बण गई है। देश विच्च भ्रिशटाचार दा बोलबाला है ते इस नूं प्रफुल्लित करन विच्च साडे नेता मोहरी हन। देश लोकराज दी थां वोट राज बण रिहा है। चोणां विच्च वोट प्रापती लई बेतहाशा खरच कीता जांदा है। इस खरचे दी भरपाई लई गलत ढंगां नाल पैसा इकठ्ठा कीता जांदा है। असल विच्च देश नूं कुझ कु पूंजीपती चलाउंदे हन। वोटां लैण लई लोकां नूं मुफ़त दीआं रीऊड़ीआं वंडीआं जांदीआं हन, जिसदा आरथिकता उत्ते बुरा प्रभाव पैंदा है।

केंदरी सरकार ते राज सरकारां करज़े हेठ डुब्बीआं होईआं हन। लीडरां अते अफसरशाही नें आपणे खरचे इंने वधा लए हन कि सरकार कोल विकास लई कोई पैसा बचदा ही नहीं है। सरकारी खरचिआं विच्च कटौती करन लई सरकारी नौकरीआं खतम कीतीआं जा रहीआं हन। इस नाल बेरुज़गारी विच्च वाधा हो रिहा है।

साडे प्रधान मंतरी दा सुपना है कि भारत नूं इक्क विकसित देश बणाइआ जावे। इस बारे उनहां पिछले अज़ादी दिन मौके लाल किले तों चरचा कीती सी ते इस वार वी इहो चरचा होवेगी। इह टीचा उनहां अज़ादी दी सौवीं वरहे गंढ तीक पूरा करन दा वाइदा कीता है। उनहां वल्लों उदों तक आपणी ही सरकार बणाई रख्खण दा यतन हो रिहा है। पर इस वार चोणां समें सत्ताधारी पारटी नूं लोकां वल्लों जिहड़ा झटका दित्ता गिआ है, उस नूं वी नज़र अंदाज़ नहीं कीता जा सकदा। देश विच्च लोकराज है ते लोकराज दी सफ़लता लई इक्क मज़बूत विरोधी धिर दी लोड़ हुंदी है। पर सरकार वल्लों विरोधी पारटीआं नूं कमज़ोर नहीं, सगों खतम करन दा यतन कीता जा रिहा है तां जो देश विच्च इक्को इक्क राजनीतक पारटी दी सरदारी बणी रहे। पर लोकां नें इस वार विरोधी धिर नूं मज़बूती बखशी है।

साडे देश दे प्रधान मंतरी सुंदरता दे पुजारी हन। उनहां नें देश नूं साफ सुथरा ते सुंदर बणाउण दा सुपना वेखिआ है। सवछ्छ भारत मुहिंम चलाई गई पर नतीजे साडे साहमणे हन। उह चाहुंदे हन कि देश दीआं सड़कां अमरीकी सड़कां तों वी वधीआ होण। देश दे हवाई अड्डे, बंदरगाहां, रेलवे सटेशन, सकूल अते हसपताल ए कलास होणे चाहीदे हन। उह इह वी जाणदे हन कि सरकार कोल इंने वसीले नहीं हन कि अजिहा कीता जा सके। इस करके फैसला कीता गिआ है कि इह सारा कुझ निज्जी कंपनीआं दे हवाले कीता जावे, सरकार दा कंम तां राज करना है, उस दा कंम हवाई जहाज़ जां रेल गड्डीआं चलाउणा नहीं है। सड़कां वी कंपनीआं ही बणाउण ते इसदी सांभ संभाल करन। लोकां नूं इनहां सड़कां उत्ते सफ़र करन लई फीस देणी पवेगी तां जो कंपनीआं आपणा खरचा पूरा कर लैण। देश विच्च आलीशान हसपताल, सकूल ते यूनीवरसिटीआं बण रहीआं हन, जिनहां अंदर जाण दा देश दी अध्धी वसों हौसला नहीं कर सकदी। इंझ देश दो हिस्सिआं विच्च वंडिआ जा रिहा है। अमीरां दा भारत ते गरीबां दा भारत। इह मंनिआ गिआ है कि देश दी इक्क प्रतीशत वसों कोल देश दी 40 प्रतीशत तों वध्ध दौलत है। इह पाड़ा घट्ट होण दी थां वध रिहा है, जिस नाल बेरुज़गारी ते महिंगाई विच्च वाधा हो रिहा है। निज्जी कंपनीआं दा मंतव लोक सेवा नहीं सगों कमाई करना हुंदा है। पहिलां वी ग़ैर सरकारी सकूल अते हसपताल हुंदे सन पर इह लोकां वल्लों इकठ्ठे हो के उनहां थावां उत्ते बणाए जांदे सन जित्थे सरकारी सहूलतां नहीं सन। पर इनहां दी फीस सरकारी अदारिआं वांग ही हुंदी सी ते मिशन लोक सेवा हुंदा सी।

निज्जीकरन नूं उतशाहित करन लई सरकार वल्लों वसीलिआं दी घाट दा बहाना बणाइआ जांदा है। भारत वरगे वड्डे देश विच्च वसीलिआं दी घाट दा मुख्ख कारन प्रबंधक प्रणाली दीआं घाटां हन। जेकर सुचज्जे ढंग नाल वसीलिआं दा प्रबंध कीता जावे तां देश विच्चों इनहां दी घाट नूं किसे हद्द तक पूरा कीता जा सकदा है। जदों तक देश विच्चों गरीबी अते अनपहड़ता दूर नहीं हुंदी, उदों तक अज़ादी दा निघ्घ सारे नागरिकां नूं नहीं पहुंच सकदा। संसार दीआं दब्बीआं कुचलीआं कौमां नूं दिशा प्रदान करना भारत दी ज़िंमेवारी है पर असीं तां आपणे देश दे गरीबां दी गरीबी वी दूर नहीं कर सके। लोकराज विच्च लोकां नूं भेड बक्करीआं वांग नहीं समझिआ जा सकदा पर साडे देश विच्च लोकराज वोट राज बणदा जा रिहा है। बहुते नेतावां दा मुख्ख मंतव वोटां प्रापत करना ही है। वोट प्रापती लई गलत ढंग तरीके अपणाए जांदे हन। पैसे दी खुल्ल्ह के वरतों कीती जांदी है। आगूआं विच्चों अनुशासन खतम हो रिहा है। इसदा असर लोकां उत्ते वी पैंदा है। उह वी देश प्रती ज़िंमेवारीआं नूं भुल्ल रहे हन।

सानूं आपणे देश लई अजिहा विकास माडल तिआर करना चाहीदा है जिसदा आधार देश दे वसीले होण। देश दा संतुलित अते सरबपख्खी विकास देश दा आपणा विकास माडल विकसित करके ही हो सकदा है। जेकर आपणे वसीलिआं नूं अधार बणा के योजनावां उलीकीआं जाण तां सरबपख्खी विकास वल कदम पुट्टे जा सकदे हन। देश दी सारी वसों नूं रुज़गार मिल सकदा है। इंझ असीं आपणे मनुख्खी वसीलिआं दा पूरा लाहा प्रापत कर सकदे हां। घरेलू उतपाद, आपसी सांझ, आरथिक सुतंतरता अते बराबरी दा प्रतीक है। घरेलू सनअत नूं विकसित करके ही रोज़गार दे वसीले वधाए जा सकदे हन अते देश दी सारी वसों नूं रज़गार मिल सकदा है। इंझ असीं आपणे मनुख्खी वसीलिआं दा पूरा लाहा प्रापत कर सकदे हां अते देश दी गरीब वसों दा आरथिक विकास कीता जा सकदा है। आतम-निरभर होण दा इहो ही राह है।

भारत पिंडां विच्च वसदा है। इस करके पिंडां दे लोकां नूं हुनरी बणा के आपणे पैरां उत्ते खहड़े होण लई उतशाहित कीता जावे। इंझ असीं आपणीआं तिआर कीतीआं वसतां दी आप ही वरतों करनी शुरू कर देवांगे। हुण वाला माडल पिंडां नूं विकसित करन दी थां उनहां नूं खा रिहा है। इसे करके वाही हेठ धरती घट रही है जदों कि किसानां दी गिणती वध रही है। उह गरीबी भोग रहे हन पर होर कोई राह नां होण करके मजबूर खेती कर रहे हन। देश नूं नवीं खेती नीती दी लोड़ है तां जो किसानां दी आमदन विच्च वाधा हो सके अते मंडी विच्च हो रही उनहां दी लुट्ट नूं रोकिआ जा सके।

देश विच्च हो रहे अबादी दे वाधे नूं रोकण दे वी गंभीर यतनां दी लोड़ है। इस समें देश विच्च सारी वसों नूं संतुलित भोजन ही प्रापत नहीं हुंदा सगों पीण लई शुध्ध पाणी वी नसीब नहीं हो रिहा है। पाणी दी सांभ संभाल लई वी समुच्चे देश लई योजना बणाउण दी लोड़ है। अमीर गरीब विच्च वध रहे पाड़े नूं रोकणा सरकार दी ज़िंमेवारी है। इस विच्च कोई शक्क नहीं कि देश दुनीआं दा पंजवां अरथचारा बण गिआ है पर इसदा निघ्घ बहुगिणती वसों तों दूर हो रिहा है। वड्डे सुपने वेखणा गलत नहीं है पर आपणे हालात नूं वेख अजिहे सुपने वेखणे चाहीदे हन जिस नाल देश विच्चों गरीबी, अनपहड़ता अते भ्रिशटाचार खतम हो सके अते अज़ादी दा निघ्घ देश दी सारी वसों माण सके।

* * * * *