मझ्झ नूं बाहर कढ्ढ के, खुरली विच तूड़ी दा छटाला रलाउंदिआ घुद्दू नें मझ्झ दीआं नासां विचों उडदी हवाड़ नूं तक्किआ ते धार कढ्ढण लई बालटी लिआउण वासते आवाज़ दित्ती । फिर मझ्झ दे पिंडे 'ते पाई गोहे नाल लिब्बड़ी पाटी दरी नूं सूत कीता ते पाले नाल कंबदे अंगां नूं काबू विच करन दी कोशिश करदा धुंद विचों दूर चहड़दे सूरज वल्ल वेखण लग्गा । पर धुंद तां सूरज नूं इंझ नप्प के बैठी सी, जिवें कोई तकड़ा भलवान माड़े भलवान दी गिच्ची 'ते गोडा दित्ती बैठा होवे । घुद्दू दा हत्थ सहिजे ही उस दी धौण 'ते चला गिआ । कई साल पहिलां भलवानी करदिआं; उस नें आपणे उसताद जिंदे पध्धरी वाले दे अते होर भलवानां दे गोडिआं दी मार ज़ोर करदिआं ते घुलदिआं झल्ली सी । उंझ वी उस दी विशेशता ढाहुण नालों ढहिण विच सी । इसे लई ही तां उहनां दे पिंड दे बाबे 'झरल' नें उहनूं मखौल नाल किहा सी, "उए धरमिआ ! भैण देणिआ किड्डा तेरा सरीर आ । जे रोज़ ढहिण दा ही कंम फड़ना सी तां एदूं चंगा सी कंजरा ! तेरे सरीर 'चों मोछे करके दो बंदे बण जांदे । इक हल वाहिआ करदा ते इक पठ्ठे पाउंदा । रब्ब वी सहुरे नूं टके दी अकल नीं …" ते सारे भरावां 'चों छोटा धरम 'घुद्दू' ही रहि गिआ सी । हुण उह नां भलवान सी ते नां ही धौण ते किसे गोडे दा डर । पर फिर वी उहनूं लग्गा उहदी धौण जिवें पीड़ करदी होवे । उस दी धौण 'ते इह किस दा गोडा सी !

मझ्झ चोण लई भाड़ा ते बालटी लई आउंदी भैण बचनो ; जिहड़ी मां दे मरन ते जिस दिन दी सहुरिओं आई सी, इत्थे ही सी– घुद्दू नूं बालटी फड़ा के पठ्ठिआं 'ते आटा धूड़ण लग्गी ।

घुद्दू मझ्झ दे पिंडे 'ते थापी मार के हेठां बहि गिआ ।

" हैं वीरा वेखें नां ! दोवें वड्डे भाऊ आउण ई वाले नें …. वड्डा भाऊ रात दा करम सूंह कोल अड्डे ते आ गिआ होणा …वेखें नां …तूं जिहड़ा साबह कताब बणदा…उहनां नाल नबेड़ लै …वेखें नां ….मां दा कठ्ठ वी करना होइआ …उहदे फुल्ल वी हरदवार लै के जाणे आं …सिआणिआं आखिआ लेखा मावां धीआं दा …वेखें नां …."

घुद्दू नूं बड़ी खिझ आई ।

"इह आगी वड्डी बेबे मिनूं मत्तां देण वाली ।"

उह आप तों छोटी बचनो बारे सोचदा ज़हिरी थुक्क अंदर लंघा गिआ, "कल्ह दी भूतनी….."

बचनो बोली जा रही सी, "वेखें नां …मैनूं पता तेरा हत्थ तंग आ ….पर इह कंम वी अकसर करने होए । मैं तां वड्डिआं नूं वी आखिआ सी ….तहाडा सरदै….तहाडा हत्थ खुल्ल्है …..कोई नीं ..उह अग्गों आंहदे असीं खाण लई दाणे ई खड़दे आं ।…ज़मीन वी इह मुखत 'च वाही जांदै ….वेखें नां ….सारे तेरे भाईए अरगे किवें हो जाण..सारे मुलख ते भैणां आपणा हिस्सा लई जांदीआं पर उहने कदी इक वार वी नहीं आखिआ …."

घुद्दू जिवें गल विच डक्का दित्ती बैठा सी, चीक ही पिआ, "ओ तूं वी लै जाह ते उह वी लै जाण …..ज़मीन सहुरी नें वड़ा मैनूं कारूं पातशाह बणा 'ता।"

उच्ची चीकवीं आवाज़ सुण के ज़ोर नाल थण नप्पिआ जाण करके मझ्झ भुहड़क पई । घुद्दू चित्तड़ां परने डिग्ग पिआ । बचाउंदिआं वी थोहड़ा कु दुध्ध डुल्ल्ह ही गिआ । उस उठ के फौड़ा चुक्क लिआ ते मझ्झ 'ते 'काहड़ ! काहड़ !!' वरह पिआ ।

" वेखें नां …सिध्धिआं नूं पुठ्ठा आउंदै …" बुड़बुड़ाउंदी बचनों " फूं फूं " करदी बालटी फड़ के तुर गई ।

" इहने बेज़बान नें तेरा की विगाड़िआ ?" चौंके 'चों उठ के घुद्दू दी पतनी रतनी चीकी," होरनां दा साड़ विचारे पशू ते किओं कढ्ढदा फिरदां …."

मझ्झ डर के खुरली दे इक बंने कंन खड़े करके, डैंबरीआं अख्खां नाल 'खिमा याचना' दी मुदरा विच खड़ी कंबी जा रही सी ।

दूरों मोटर साईकल दी आवाज़ सुणाई दित्ती । घुद्दू डंगरां दीआं खुरलीआं विच ऐवें हत्थ मारन लग्ग पिआ । कुत्तिआं दे भौंकण दे नाल –नाल आवाज़ नेड़े आउंदी गई ते थोहड़ी देर बाअद मोटर साईकल उहनां दे दरवाज़े अग्गे आ खड़ोता । रतनी नें सिर 'ते पल्ला लैंदिआं डिओढी दा दरवाज़ा खोल्हिआ । उहदे दोवें जेठ सवरन सिंघ ते करम सिंघ सन । उहनां मोटर साईकल डिओढी विचों लंघा के कच्चे विहड़े विच खड़ा कर दित्ता । वड्डे सवरन सिंघ नें आपणीआं अख्खां तों ऐनकां लाहीआं, रुमाल नाल उहनां नूं साफ़ कीता ते फिर दसताने पहिने हत्थां नाल उवरकोट तों सिल्ह नूं पूंझदा डिओढी विच पए आपणे पिओ बिशन सिंघ दे बिसतरे वल्ल वधिआ । छोटे करम सिंघ नें लोई दी बुक्कल ते तिल्ले वाली जुत्ते हेठां लग्गा गोहा उतारन लई पैर नूं चौंतरे दी वट्ट नाल घसाउंदिआं बचनो वल्ल मूंह कीता "घुद्दू किथे आ ?"

बचनो नें बुक्कल 'चों बांह कढ्ढ के डंगरां वल्ल कीती ; जिथे मोटर साईकल दे खड़ाक नाल किल्ला पुटा गए वहिड़के नूं घुद्दू फड़ रिहा सी ।

"ओ आ भई भलवाना ! रता मशवरा कर लीए । भा जी हुरां तों वी रोज रोज नूं छुट्टी नीं आइआ जांदा ….. मैनूं वी सौ कंम रहिंदे नें …..नाले बुढ्ढड़ी दे फुल्ल जे तूं जाणा तूं सही ….ते जे मैं जाणां तां सही ….गंगा पा आईए …."

" आउनां " घुद्दू नें बेप्रवाही नाल जवाब दित्ता ते पुट्टे होए किल्ले नाल बझ्झा वहिड़का दा रस्सा खोल्हदा आपणे मुंडे नूं कहिण लग्गा, "ओ काकू मंजा कढ्ढ के बापू आवदे कोल डिओढी 'च डाह"

इस तों पहिलां कि काकू मंजा लिआउंदा, बुढ्ढे बिशन सिंघ नें किहा, "काकू खुरसी लै आ" ते उह सिध्धा हो के इक पासे नूं खिसक के बैठ गिआ ते सवरन सिंघ लई 'ओना चिर' बैठण लई मंजी ते थां खाली कर दित्ती । पर सवरन सिंघ पग्ग दा पल्ला ठीक करदा मंजी लागे दाहड़ी पलोसण लग्गा ।

सवरन सिंघ तिंनां भरावां 'चों सभ तों वड्डा ते पहड़िआ लिखिआ सी । आपणी हिंमत नाल पहड़ के उह ओवरसीअर लग्ग गिआ सी ते चंगी 'कमाई' करदा सी । उह शहिर ही कोठी पा के रहि रिहा सी । इको इक धी उस नें चंगे घर विआह लई सी । दोवें मुंडे वी चंगीआं नौकरीआं ते लग्गे होए सन । चंगे ते वड्डे लोकां नाल उहदा संपरक सी; लैण देण सी; मिलवरतण सी । उहदा इक आपणा ही विशेश दाइरा बण चुक्का सी । पिंड उस दा आउण जाण घट्ट ही सी । जिहड़ी दो – ढाई किल्ले ज़मीन उस दे हिस्से आउंदी सी, उह घुद्दू ही वाहुंदा सी ते उह बकौल उस दे, " खाण लई साल दे दाणे ही खड़दा सी ।" आपणे अंगां – साकां ते यारां – दोसतां विच उह इहो ही कहिंदा कि उस नें ज़मीन घुद्दू नूं मुफ़त ही दित्ती होई है ।

काकू कुरसी लै आइआ । लोहे दी इह इको कुरसी बड़े सालां तों उहनां दे घर सी । "पुत्त ! खुरसी ते कप्पड़ा फेर लै ज़रा " बुढ्ढड़े बिशन सिंघ नें आपणी उड्डे रंग वाली, खद्दर दे अमरे दी रजाई नूं ठीक कीता ते आपणे केसां दी जटूरी करके कंबदे हत्थां नाल मैली पग्ग सिर 'ते लपेटण लग्गा । बिशन सिंघ जदों वी सवरन सिंघ दे साहमणे हुंदा सी, उहदी अवसथा इंझ ही हुंदी जिवें कोई जट्ट तहिसीलदार दे साहमणे खड़ा होवे । उह उस नूं किसे होर ही मिट्टी दा बणिआ लग्गदा; जिहड़ी डाढी साफ़ वधीआ ते चीकणी होवे । जिसदे ख़बरे गुड्डीआं ते बावे बणदे हन । सवरन दे रहिण सहिण ते उस दी पोचा – पोची दे साहमणे उह आपणे आप नूं डाढा खुरदरा जिहा महिसूस करदा । इस लई शहिर जा के उह कदी वी सवरन दे घर दे कूले जिहे माहौल विच बहुती देर नहीं सी टिक सकिआ । उस नूं लग्गदा, जिवें उहदे पैर उस घर विच ठीक तरहां नां उठ रहे होण । उहदी नूंह ते पोतरे पोतरीआं उहनूं जिवें घूर घूर वेखदे होण । उहनूं लग्गदा जिवें कोई मिट्टी दे घुरनिआं विच खेडदे सहे नूं संगमरमर दी गुफा विच छड्ड आइआ होवे ।

काकू नें कुरसी साफ़ कर दित्ती । बिशन सिंघ सवरन नूं इक – वचन जां बहु – वचन विच संबोधन करन दी दो -चित्ती विच ही सी कि सवरन कुरसी 'ते बैठ गिआ ।

अजिहे समें बिशन सिंघ कई वार आपणे आप 'च डाढा कच्चा जिहा हुंदा । उहदा आपणा आप हुंगारा उठदा, '"इह किहड़ा वैसराए दा बी ऐ मेरा मुंडा ई ऐ …मैं किओं …?"

करम सिंघ आप ही मंजा चुक्क के डिओढी विच लै आइआ । उह घुद्दू तों दो साल वड्डा सी । पहड़ाई वलों लापरवाह ते शरारतां 'च नंबर इक । उह संती महिरी दे बालण विच बसता लुका के हाणीआं नाल खिदो – खूंडी खेडण निकल जांदा ते छुट्टी होण समें बसता चुक्क घर जा वड़दा । छोटा होण करके घुद्दू उहदे नाल रहिंदा । इक्कठे ही उह सकूल गए ते इक्कठे ही पहड़ाई छड्ड के उह घर दे कंम विच पिओ दी मदद कराउण लग्ग पए ।

जवानी चहड़दिआं ही करमा तां पांडी बण के समगलिंग दा माल ढोण लग्ग पिआ ते घुद्दू जिसम दा ताज़ा ते हड्डां पैरां दा खुल्हा होण करके भलवानी । करमे दा पांडी होणा तां सुकारथे आइआ । हौली हौली उहने बलैक दे माल विच आपणा हिस्सा – पत्ती रख्खणा शुरू कर दित्ता । अज्ज होर – कल्ल्ह होर । – ते करमा वी लागले कसबे दे चौंक विच आपणा मकान बणवा के ठाठ नाल रहि रिहा सी । डेअरी ते मुरगी- खाना खोल्ह रख्खिआ सी । उहदे घर पूरी लहिर बहिर सी ।

ते भलवानी करदा करदा धरम सिंघ घुद्दू दा घुद्दू ही रहि गिआ सी । पिओ वाली हल ते जंघी उस दे हत्थ विच सी । बाबे 'झरल' नें भावें मखौल विच ही उहदे दो बंदे बण जाण, इक दे हल वाहुण दूजे दे पठ्ठे पाउण दी गल्ल कीती सी – पर घुद्दू सच्चीं ही वाही विच दूणे ज़ोर नाल लग्गा रिहा सी । उह आपणे वल्लों तां तेज़ दौड़न दा बहुत यतन करदा, पर सुपने विच डर के भज्जण वालिआं वांग, उस दा हर चुक्किआ पैर अग्गे धरे जाण दा नां ही नहीं सी लैंदा । जिवें कोई गैबी शकती उहदे लक्क नूं जफ्फा मारी पिछांह खिच्ची लिजा रही सी ।

वहिड़के दा किल्ला गड्डदिआं घुद्दू जिओं ही किल्ले नूं सट्ट मार रिहा सी उहनूं लग्ग रिहा सी जिवें इह सट्ट उहदे आपणे सिर विच वज्जी होवे अते उह हर सट्ट नाल ही धरती दे अंदर निघर्रदा जा रिहा होवे । मन ही मन उह दोहां भरावां बारे सोच के उह झुंजला उठिआ ते तीजी भैण बचनो ! ….उफ ! इह केहे रिशते सन ।

वड्डे ते उस नूं खिझ सी कि उह अंगा – साकां दे साहमणे उह घुद्दू नूं यतीम जिहा बणा के पेश करदा सी । दाणे लिजा के वी ज़मीन बारे इंझ कहिंदा सी; जिवें घुद्दू नूं दान कर दित्ती होवे । ज़मीन घुद्दू तों छड्डी नहीं सी जांदी जां छड्डिआं उस दा गुज़ारा नहीं सी हुंदा । पर एदां 'मुफत दे अहिसान' हेठां उस तों दब्बिआं वी नहीं सी जांदा । ते करम सिंघ तां बराबर दा हिस्सा वी वंड के लै जांदा सी; पर इह वी इतराज़ करदा सी कि घुद्दू दे हत्थां विच बरकत नहीं । उहनूं हिस्से विचों कुझ नहीं बचदा । अजे कल्ह मां दे फुल्ल चुणदिआं उह आपणे भणवई्ईए नूं कहि रिहा सी," भाईआ ! ऐतकीं मेरी सलाह ए पिंड आली दो किल्ले आप ही टरैकटर नाल वाह के मझ्झां लई पठ्ठे नां बीज छड्डां ? इस 'चों बचदा बचाउंदा तां अग्गे कुछ नही ।"

"माड़ी गल्ल नहीं …माड़ी गल्ल नीं …चंगा रहेगा …" बचनों दे घर वाला बोलिआ सी ।

घुद्दू नूं पता सी कि उह उस नूं सुणा के गल्लां कर रहे हन । उह अंदरों अंदर भरिआ पीता बैठा सी । बोलिआ कुझ नहीं । ज़मीन तां अग्गे ही थोहड़ी सी; जो इह दो किल्ले वी हल्ल हेठों निकल गई ? उस नूं फिकर सी आप तां उह गल्ल करनों झिजकदा सी । ला पा के विचला बंदा भैण – भणवई्ईआ सी जां पिओ; जिनहां नूं उह आपणा दुख्ख दस्स सकदा सी । उहनां दी मद्दद मंग सकदा सी । पर भणवई्ईआ तां उस दे साहमणे करम सिंघ नूं ज़मीन छुडा लैण लई कहि रिहा सी । ते भैण बचनों नें उस दी मद्दद की करनी सी । उस नूं तां अग्गे ही इतराज़ रहिंदा सी कि वड्डे भरा – भरजाई उस नाल चंगा वरतदे सन । उस नाल दुख्ख – सुख्ख वंडाउण आउंदे जांदे सन । औखे सौखे वेले कंम वी आउंदे सन । साल छिमाही सूट वी बणा दिंदे सन । पर घुद्दू सी औखे वेले तां मद्दद तां की करनी सी उहनूं मिलण तां की जाणा ! जे किधरे साल छिमाही उहदा मुंडा आ गिआ तां उस बारे कहिंदी: "हाइआ ! एना नमोहा ! ….मुंडा होण ते उहो जिहड़े चार परोले जिहे दित्ते सी बस्स ….मेरी ज़बान सड़ जे, जे किते मुंडे नूं दो टाकीआं बणा के दित्तीआं होण जां छिलड़ ही हत्थ ते रख्खिआ होवे । वेखो नां …असीं किते इहदे पैसे लीड़िआं ते तां नीं बैठे …पर फिर वी भैण – भरा दा हंमा हुंदा …वेखें नां ….'ते उह अख्खां ते चुंनी फेरन लग्ग पैंदी ।

घुद्दू बचनों 'ते अंदरों अंदर भुज्जिआ पिआ सी । उस दिन मां दा ससकार करन तों पहिलां इशनान कराउण वेले मां दे कंनां विच पईआं सोने दीआं वालीआं लाह के विचकारली भरजाई नूं फड़ा दित्तीआं । उह जिवें वालीआं ते लत्त फेरदी रही सी । इक पल उहनूं मां ते खिझ वी आई । पर फिर मां दा झुरड़ीआं भरिआ चिहरा ते डूंघीआं चमकदीआं अख्खां याद आउण ते उह मां दे पिआर विच भिज्ज गिआ । इको मां ही सी, जिस नें उहनूं अंतां दा पिआर कीता सी । सदा उहदे हक्क विच डट्ट के बोली सी । जिहड़ी गल्ल, जिहड़ी भाशा विच जिंने ज़ोर उह कहिणा चाहुंदा हुंदा, उहदी मां उह गल्ल उस नालों ज़ोरदार अंदाज़ विच किहा करदी । उहो ही सी; जिहड़ी घुद्दू बारे कहिंदी सी, " इह तां मेरा लोल्हड़ पुत्त ए, भोला भाला, शिवां वरगा ..तुसीं तां सभ कांटे ओ …."

घुद्दू नूं अफ़सोस सी कि उह मरदी होई मां दे कोल नहीं सी । सारी उमर मां उहदे कोल रही पर मरन समें उस कोलों चली गई । दो महीने होए उस नूं अचानक बुल्ला वज्ज गिआ ते पासा मारिआ गिआ ।

सवरन सिंघ मां दा पता करन आइआ तां उह मां दे वरजदिआं वी उस नूं आपणे नाल शहिर लै गिआ तां कि उस नूं वड्डे हसपताल विच दाखल करवा के इलाज करवा सके ।

लगपग डेढ महीना इलाज चलदा रिहा, पर बुढ्ढड़ा ते कमज़ोर सरीर बीमारी दी मार नां झल्ल सकिआ ।

ते रहि गिआ सी बाकी बुढ्ढड़ा बिशन सिंघ । जिहड़ा उस दीआं औखिआईआं नूं समझदा सी । उस दी तंगी, जिस दी आपणी तंगी सी । उस नें आप जु सारी उमर किसान दी जून भोगी सी । पर उह विचारा एना निरमाण ते दब्बू जट्ट सी जां इंज कहि लईए कि उहदे वड्डे पुत्तां दे पैसे दा जबहा उस ते कुझ इंझ बैठा सी कि उह उभासर के कोई गल्ल उहनां नूं कहि ही नहीं सकदा ।

" ओ आ मां दिआ शिव जी ! ……हैथे किल्ले नूं ई ठक्क ठक्क करी जानैं …असीं होर वी कंम करनैं……." करम सिंघ नें घुद्दू नूं आवाज़ मारी ।

घुद्दू मिट्टी नाल लिब्बड़े हत्थ तेड़ दी चादर नाल पूंझदा उठ खहड़ा होइआ ते हौली हौली तुरदा डिओढी विच आण के उनहां कोल खहड़ा हो गिआ ।

"बहि जा", करम सिंघ नें घुद्दू नूं मंजे ते बैठ जाण लई इशारा कीता । बचनों वी बुक्कल सवारदी पिओ दी पुआंदी आ बैठी ।

" बज़ुरगा ! भा जी रातीं मेरे कोल आगे सी । असीं ता तहाडे नाल मशवरा करन आए आं……"

"करो पी मशवरा …जिहड़ा करना …की गल्ल ऐ …" बिशन सिंघ नें हौली जिही दाहड़ी खुरकी ।

" वेख सलाह नाल रलके –आपों विच असीं जिहड़ी गल्ल करांगे …उहदे नाल दी रीस नीं ….." करम सिंघ इक पल रुकिआ ते सारिआं दे चिहरिआं वल्ल तक्किआ ।

फिर खंघूरा मार के बोलिआ, " गल्ल तां इह है कि मां दा कठ्ठ करना गज्ज वज्ज के ….सारे अंग – साक सद्दणे नें …बुढ्ढड़ी करमां आली ….दोहतिआं पोतिआं वाली हो के …उमर भोग के गई आ ….उहनूं वड्डिआं करना ….हैं की सलाह ऐ ?"

"पुत्त ! मेरी सलाह की होणी ऐ ….पर साडे अरगे छोटे बंदिआं नूं काहदा वड्डा करना होइआ …" बिशन सिंघ दी टुट्टवीं आवाज़ सी ।

"मैं वी करम सिंघ नूं किहा कि इह फज़ूल खरची ऐ …इह मंनदा नीं …" सवरन सिंघ नें राइ दित्ती ।

"ओ भा जी ! भाईचारा की आखू ! चंगे भले पुत्त कमाउंदे …पैसे वाले …. की मरी पैगी …तुहाडे पहड़िआं लिखिआं लई हऊ फजूल खरची ….नाले तुहानूं की …तुसीं तां शहिर रहिणा । एथे मिहणे तां सानूं वज्जणे नें …."करम सिंघ अजे बोल ही रिहा सी कि बचनो उहदी गल्ल टुक्क के बोल पई:

"…हाहो नहीं नहीं भा जी, तुसीं वी किहो जिहीआं गल्लां करदे ओ …" बचनो सवरन सिंघ नूं तिख्खी हो के पई, " भाऊ करम सिंघ ठीक आंहदा ए ….उधर मेरे सहुरे तां तिआरीआं वी कस्सी बैठे होणे नें …मैनूं तां दराणीआं जेठाणीआं छिब्बीआं दे दे मार छड्डणा …."

घुद्दू नूं पता सी; बिशन सिंघ दे राहीं गल्ल उस नाल हो रही सी । उस दा जीअ कीता बचनों दे वट्ट के चुपेड़ मारे । सवरन सिंघ ठीक कहि रिहा सी कि इह फ़ज़ूल खरची है । घुद्दू नूं आपणा घर दिस रिहा सी "वेखो भाई ! मैं पिछ्छे तां नहीं हटदा । जिंना ख़रच मेरे हिस्से आउंदा, दस्स दिओ अटा सटा …पर मेरा …" सवरन सिंघ बोलिआ ।

घुद्दू नूं आस सी कि सवरन सिंघ इस दे विरोध विच डटेगा । पर उहदे सहारे दी लज्ज छेती ही उहदे हत्थों डिग्ग पई ते उह सोचां ते फ़िकरां दे खूह विच धड़ंम डिग्ग पिआ । उह धुख रिहा सी ते उहदे अंदर ही अंदर धूआं इक्कठा हो रिहा सी ।

"पंज सत्त हज़ार तां सहिजे लग्ग जु । नाले भाजी हुरीं कहिंदे आ, सताई सौ रुपैआ मां दी बीमारी ते इहनां खरच कीता । आपां तिंनां नूं नौ नौ सौ आउंदा…." करम सिंघ सारे ख़रच दा विसथार दस्स रिहा सी ।

मां दी बीमारी दा ख़रच वंडे जाण दी गल्ल सुण घुद्दू नूं धक्का लग्गा । उह दंदा विच बुल्ल्ह टुक्कण लग्गा । उहनूं सुझ्झ नहीं सी रही, की कहे – की नां कहे ?

" मां दी बीमारी ते ख़रच करता । फिर की ऐ ? इहने विचारे नें सारी उमर उहनूं रोटी वी तां खवाई है ।" बिशन सिंघ नें हिंमत करके जिवें गल्ल कहि ही दित्ती ।

"लै वेखें नां बापू….आह रई नही ठीक … जे इहने रोटी खवाई तां सारी उमर गलम्म वी तां इहदा ई करदी रही ऐ । इहदे निआणे सांभे, गूंह मूत धोता …" बचनों बुक्कल 'चों हत्थ कढ्ढ के पंजा हिला हिला गल्लां कर रही सी," वेखो नां मां पिओ दे हिस्से दी जैदाद वी तां फिर इहो खांदा सी …" " …तूं तूं चुप्प वी कर । वड्डी वकीलणी आ 'गी ।" घुद्दू चमक के पिआ ।

उहदीआं नासां फ़रक रहीआं सन । एनी ठंड विच वी उहदा मत्था भख्ख रिहा सी ।

" लै … मैं नही बहिंदी वेखें नां इहनूं तां मैं ज़हिर लग्गदी आं निरही ..वेखें नां ..लै मैं नही बहिंदी …" बचनों हत्थ मारदी गुस्से विच उबलदी तुर गई ।

तणाओ वाला माहौल बण जाण करके करम सिंघ नें गल्ल टालणी चाही कि बचनों मूंह भुआं के फिर बोल पई ।

"वेखें नां ….मेरा हिस्सा वी आ ज़मीन 'च …तूं बहुता आइआं ….वकीलिनी तां वकीलिनी सही …"

"चल्लो छड्डो ! बाकी गल्लां फिर कर लांगे ….शांत होवो …" ते करम सिंघ ऐतकीं सिध्धा घुद्दू नूं संबोधन होइआ, " भाजी कोल टैम नही …बुढड़्ड़ी दे फुल्ल दस्स तूं गंगा लै के जाणे जां मैं …"

दो मिंट घुद्दू चुप्प करके बैठा रिहा । उहदे अंदर अनेकां विचार इक दूसरे नूं लिताड़दे होए, कट्ट – वढ्ढ के भज्जे जा रहे सन ।

पल भर लई बाहरली धुंद जिवें उहदे अंदर पसर गई सी । उह सुंन होइआ गुंम सुंम बैठा रिहा । ते फिर जिवें उहदा धुखदा अंदर मच्च पिआ होवे । उह इक दम उठ के खड़ो गिआ ।

"वेखो जी ! तुहाडे तों कोई गुझ्झी छिपी गल्ल नही….आपां आं मरड़े….आपणे तों तां अजे नही जे इह गंगा गुंगा पुग्गदीआं …।" उह पल भर लई रुकिआ । संघ ' च रुकिआ थुक्क झटक के बोलिआ," जे बहुती गल्ल ऐ …तां बुढ्ढड़ी दे फुल्ल तुसीं गंगा पा आओ …ते ऐह बुढ्ढड़ा बैठा तुहाडे साहमणे जिओंदा जागदा …" उस बिशन सिंघ वल्ल इशारा कीता – "इहदे मैं 'कल्ला ई गंगा पा आऊं …"

तिंने पिओ – पुत्त हैरान होए उस दे मूंह वल्ल वेख रहे सन । पर उह रुकिआ नहीं ।

"…सच्ची गल्ल आ …अजे आपणी पुज्जत नही …ते जे इह सौदा वी नही मनज़ूर तां सरदार जी …औह किल्ली ' ते मेरे तीजे हिस्से दे फुल्ल लिआ के टंग दिओ …जदों मेरी पहुंच पई …मैं आपे पा आऊं …"

ते उह उहनां दे विहंदिआं विहंदिआं मूंह घुट्ट के अंदर तुर गिआ ।