बुध्ध देव दा मत्त हिंदुसतानी गवा बैठे हन। इनहां पास इस नूं रख्खण दा बरतन नहीं सी। चीन ते जपान वालिआं पास आरट दुआरा सुझ्झी सुरत सी। आरट दुआरा मन टिकाइआ होइआ सी। टिके मन विच उह अदभुत्त कमाई, जिस नाल बुध्ध देव दा शांती भरिआ मुखड़ा गंधारा दे नीले पत्थरां विच उकरिआ है, हुण तक मनुख्ख भाईचारिआं विच सिंजर रही है। जपान दे बालक मुशकल ही रोंदे हन। जपान दीआं इसतरीआं खिड़े मत्थे सभ नूं मिलदीआं हन। उनहां दे वचन, होंठ परोईआं, मध्धम-मध्धम फुल्ल झाड़न हार मुसकराहटां वांग नरम लचकदार ते हलके फुल्ल गुटकदे हन। इह नहीं कि साडे वांग उतों-उतों, या सिरफ़ दिखावे लई दिखावण। पर घरोगी जीवन दे अंदरले थीं अंदरली तहिआं विच ते पतले तों पतले मुलंमिआं विच उहो 'मिठ्ठे बोल' हन। आपणे कंम नाल वासता; दूसरे दे कंमां, गल्लां विच कोई दख़ल नां देणा, इक तरहां दी कौमी रूह दी समाधी ते निरवाण दा अरथ रख्खदी है। मिठ्ठा बोलणा, निव चल्लणा, आपा नां जणावणा, पवित्तरता, सादगी, हलकापण, आपणे कंम 'च मगनता; जिनहां नाल रिशते पैण या पाणे, उह इंने डूंघे नां पाणे जिस कर के बखेड़े निकलण, हलके फुल्ल सलूक, कोमल रिशते पाणे इक तरहां दा कौमी वैराग ते तिआग दे चिंनह हन।

जपान विच कोई आदमी सारी धरती फिर के कुल मुलकां नूं मिल के आइआ होवेगा, पर उस दी शकल ते पहिरावे आदि थीं कोई नहीं जाण सकदा कि इह इतना लाइक है। इह उस शख़सी रूप विच भिखूआं दी साध भरावें दा वटिआ कौमी रूप है। कंम करना, बाहरलीआं गल्लां नां करनीआं, मिहनत कर के आपणी किरत ते सुच्ची मिहनत कर रोटी खाणी, इह उस शख़सी संजम दा वटाइआ रूप है। इउं आरट नें सुरत, मन ते दिल मांज के संवार के रख्खे होए हन। जद बुध्ध दे भिखूआं दा निरवाण सुख्ख नाल भखदा चिहरा, मनुख्खी चरितर देखिआ; तक (के) द्रिड़ धिआन हो के दिल विच खुभ गिआ।

सिख्खी आदरश नें भी इस तरहां दा मन आपणे निवास लई टोलिआ सी। अमीरां पास नहीं गिआ। जो शरन आइआ, सो निवाजिआ गिआ। उहनूं लोड़ींदी गरीबी बख़शी। गरीबी उपर उस ज़ोर नहीं दिता। जो गरीब शरन आइआ, उसे नूं लोड़ींदी अमीरी बख़शी ते गरीबी अमीरी थीं परे दा जीवन अंदाज़ सिखाइआ। इस लई मन दीआं गरीबीआं अमीरीआं (तां) पैर रख्खण वासते उस तरहां दे पत्थर दस्से जिहड़े पहाड़ां विच नदीआं नूं पार करन लई पहाड़ी लोक रख्ख लैंदे हन; झट्ट दा झट्ट लंघाउण लई, पार जाण लई। गरीबी-अमीरी पैर रख्खण लई पत्थर हन, पर सिख्खी आदरश नें टोल कीती कि उह बंदे किथे हन जिनहां नूं आपणी किरत ते रसिक किरत थीं विहल नहीं, ते जिहड़े किरत दुआरा ते खास कर रसिक किरत दुआरा आपे विच मिटे सिके चुप्पे बंदे हन?

बाबा (नानक) जी, भाई लालो दे गुझ्झे मित्तर निकले। उनहां दे घर जा के महिमान होए। किरत दुआरा सुरती सुरत वाले कमाई करन वाले साईं लोक सन। गुरू नानक देव जी दी पूरन सिख्खी ते पूरन बुध्ध होण दी किरत आतमिक किरत गलोखड़ लोकां विच जहड़ नहीं पकड़ सकदी सी। फ़िलासफ़ी विच बहि चुक्की फोकी चरचा करन वाले लोक बाबा जी दे आदरश नूं धारन नहीं कर सकदे। चुप्प ते मिहनती बंदे बाबा जी दे नाम नूं आपणे दिल दा देवता बणा सकदे हन।

'ओ' पिआर करन दा आरट सभ आरटां दी श्रोमणी है। सभ आरटां थीं वध्ध पिआर, सुरत नूं मांजदा है। दिल नूं टिकाअ विच लिआंदा है 'पर' ते 'बाहर मुखी' मन दीआं करतूतां थीं उपराम करके पिआर चिंतन विच चेते नूं इकरार सूते करदा है। सो, बाबा जी नें होर आरटां दा आसरा नां लैंदे होए, 'पिआर आरट' नूं मुख्ख रख्खिआ है।

इह 'पिआर आरट' वी गल्लां करन वालीआं पर निंदा करन वालीआं निकंमीआं कौमां विच नां जंम सकदा है, नां वड्डा हो सकदा है। कंम करन वाले लोकां विच सुते सिध्ध पिआर दी अंश जंमदी उगदी ते बलदी है, जो होर किसे तरहां नहीं आ सकदी। कंम करन नाल सुते सिध्ध आप नूं भुल्ल जांदा है। मनुख्ख मन या मन थीं वी उची हालत विच आप मुहारा चहड़ जांदा है। हर कोई चहड़ जांदा है ते आप मुहारी पिआर दी कणी दुनीआं दे दुख्खां सुख्खां 'च निवास करदी दिस्स पैंदी है।

इक ग़रीब जोड़ा इक वेरी किसी बिपता कर के पूअर हाऊस (ग़रीबां लई जो खास घर हुंदे हन, जिथे उनहां नूं मज़दूरी ते मिहनत करन नूं मिलदी है) विच लिआंदा गिआ। गरीब किसान किरती मिहनती जोड़ा सी ते मरद नूं मरदां विच थां दिती गई ते उहदी बंनड़ी नूं जनानीआं विच थां दिती गई। जद मज़दूरी कर चुक्का, रात पई सौंण दा वेला आइआ, तद पुछ्छण लग्गा, "मेरी 'मेरी' कित्थे है?" जवाब मिलदा है, उह तां अज्ज रात नूं नहीं मिल सकदी। उह ग़रीब बंदा हैरान हो के कहिंदा है, "हैं! अज्ज रात मैनूं मेरी 'मेरी' दे दीदार नहीं होणगे? किउं? चाली साल हो गए हन, मैं हर रात आपणी 'मेरी' नूं गुड्ड नाईट दा पिआर दे लै के सौण जांदा रिहा हां।"

इह पिआर मिहनती ते सुच्ची किरत करन वालिआं विच आप मुहारा पैदा हुंदा है। उनहां नूं पैसे रुपए थीं बंदे वध्ध पिआरे लग्गदे हन। बाबा जी दा सिख्खी आदरश कंम करन वालीआं इहो जिहीआं सोहणीआं जोड़ीआं विच समा सकदा है। भोले-भाले मूंह तले कीते किरती लोकां विच आप मुहारा सिंजर सकदा है। पर सतिगुरू दी सिख्खी दे चरन शरन आए होर सभ आरट उस पिआर दी इक लिशक हन, जिहड़ी साडे सिर पए झमेलिआं कर के अजे नहीं लिशकी। ते आरट दी व्रिधी इक अंदरले जीवन ते जीवन दे 'सुभर भरे प्रेम रस रंग' दा आप मुहारा छिड़ पिआ राग है। सिख्खी विच हाले इस लिशक दा नां आउणा दस्सदा है कि साडे विच उस जगमग दग दग बलदे पिआर प्रकाश दा घाटा है। असीं आपणे आस पास वसदे लोकां गलोखड़ लोकां नाल मिल के लाभदायक किरत दा राह भुल्ली बैठे हां।

आशा त्रिशना दे काले समुंदर दीआं लहिरां उपर चहड़ के उस बे-नैण कशमकश जिहड़ी विहले शख़सां ते निकंमीआं कौमां विच उनहां दे जीवन दे छक्के छुड़ांदी है, विच पै के आपणा उस चुप्प रस भरे लख्ख नैणां वाले जीवन आदरश नूं भुला बैठे हां। नहीं तां जद इटली नूं ईसा दे पिआर दी चिणग मिली सी, उथे कुल पछ्छमी दुनीआं दा आलीशान आरट, रफ़ैल ते माईकल एंजलो ते लीनारडो आदि दी जीनीअस विच प्रगट होइआ। गिरजे बनाण विच पिआर, आरट रूप हो छुप्प गिआ। हुण तक उनहां पिआर मंदरां नूं वेख-वेख ईसा दे नां मने जो उतशाह (इनसपीरेशन) कुझ्झ पछ्छमी सभिअता नूं दिता, उह आरट दे अमुल्ल किरतां ते करनीआं विच सदा लई अंकित होइआ है। कदी अख्खों ओहले नहीं हो सकदा। दिल दी पिआर धड़कन पत्थर विच प्रगट करना पिआर कावि थीं, पिआर राग थीं, पिआर सेवा थीं किसी हालत घट्ट नहीं।

जिथे गुरू नानक देव जी दा फेरा होइआ, उथे साडे पिआर नें मुड़ फेरा उस तरहां नहीं पाइआ। नहीं तां अज्ज तक सिख्ख कौम नें गुरू ग्रंथ साहिब दा उच मनुख्खी आदरश तारिआं दे अख्खरां विच कुल्ल दुनीआं दा आकाश बणा देणा सी। साडे गुरदुआरिआं दीआं इमारतां ताज महल नूं फिक्का पाण वालीआं होणीआं चाहीदीआं सन। ताज महल इक 'पूरी रूह' दे पिआर विच बणी मूरत है; पर जिस गुरू दी चरन धूड़ लै परी सुहप्पण दा जनम हुंदा है, उस गुरू दे नाम विच हुंदीआं थांवां हुण तक साडे पिआर नें चंनां नाल जहड़ छड्डणीआं लोड़ीदीआं सन। हाले तक कुछ्छ नहीं किहा जा सकदा। असीं गरीब कौम हां, इह माइआ दीआं खेडां हन। ईसा दे हवारीआं पास कोई माइआ दी खेड नहीं सी। सेंट पाल इक हत्थकड़ी लग्गा कैदी दी हैसीअत विच यरूप पहुंचिआ सी ; माइकल एंजलो पास हुनर सी, पैसा नहीं सी; रफ़ैल राजा नहीं सी। इह जीनीअस अरशों उतरदे हन। इह अमीरी, रब्बी, अबचली जोत पिआर भरे दिलां दे मंदरां मिनारां 'ते उतरदी है।

आरट दी जीनीअस बादशाहीआं नूं तां इट्टां, गारे, चूने वांग हत्थां विच फेरदी है। पिआर सुफ़ने रूपी धन दी लोड़ है, किसी उचे महल, किसी ताज दे बनाण वाले दी लोड़ है। बाकी मिसाल है ते मिल सकदी है। मिसाल 'ते उह सिदक रख्खदे हन, जिनहां अंदर जीवन कणी है। उह चीड़ दे बूटे वांग जींदी सैल सुक्कीआं चटानां विचों आपणा भोजन खिच्च लैंदी है। सो, जीवन कणी वाली जीनीअस दी लोड़ है। इह संसार इकल्ला नहीं। उपरले महांपुरख जिउंदे हन। साडे नाम जपण वाले वंड छक्कण वाले, कमाई वाले सिख्ख सतिगुरू जी दा अकाली बेड़ा साडी चोण (चुआइस) नूं वेखदा है। जे असां चुणी दुनीआंदारी, माइआ, ख़ुदगरज़ी; तद उह परहे हो गए, ते सानूं वेखदे हन कि कद सट्ट लग्गे, कद्द होश आवे, जो असीं इनहां मूरखां दी मदद कर सकीए।

जे असां चुणिआ सतिगुरू दा पिआर, तीबर पिआर, मुड़ पिआर, तद उह साडे पर अमीरी गुणां दी बरखा अवशय कर रहे हन। बरतन सिध्धा होए तद पैसी, जे बरतन मूधा पा दिता; तद मिहर दे हहड़ां दे हहड़ उपरों लंघ जांदे हन।

वेला है कि असीं आपणे दिल विच कंघी मार के देखीए कि साडी चोण (चुआइस) की है?

पिआर कि गाल्हां;

कमाई कि निंदा, उसतत, झगड़े;

मिहर कणी दा पालणा कि म्रिग त्रिशना वल्ल दौड़ना;

अंतरमुखी किरत दवारा होणा कि... अख़बारां ते लोकां मगर साहो साही नस्सी जाणा, बदफ़ैलीआं वल्ल आपणे आतमा दे टोटे कर कर सुट्टणा।

आपणे मन, जिसम 'ते सुरत दी सरीरक मानसिक कंम नाल रब्ब वल्ल भाणा कि आपे नूं चक्क मार मार पुट्टणा ते आपणे लहू दा सवाद लैणा।

दुनीआं दा बावल है ही; पर सतिगुरू दे आदरश दा दम भरन वालिआं दी चोण की होणी चाहीदी है? हुण वेला है कि हर सिख्ख सिख्खी नूं धारन करे ते पाले। जद साडी शख़सी ते कौमी चोण (चुआइस) गुरमुखां वाली हो जाएगी, तद गुरमुखी गुण जिनहां विचों इक पिआर किरत थीं पैदा होई रसिक किरत है, साडे अंदर अरशां थीं आप मुहारी सिंजरेगी; ते जद तक सहिज विच सहिजे सहिजे अरशी गुणां नूं सिंजन दी थां नहीं दिंदे, तद तक शख़सीअत, सिख्ख परसनैलिटी, हौले-हौले डिसीपेट, अरथात बेअरथ धूड़ विच धूड़ समान गुंम जाएगी। तद सिख्ख परसनैलिटी अरथात सिख्ख सूरत आपणीआं बेचैनीआं ते बाहर मुखी निकंमीआं गल्लां विच, बिखड़े केसां वांग, उलझावां विच, घबरावां विच घोप सुट्टांगे; तद की पिआर ते की आरट ते की होर मनुख्खी गुण सभ थीं वांझे जावांगे।

हरी-मंदिर दरबार साहिब दी छत्त विच साडे हीरे नां चमकणा, पर साडीआं जनानीआं दे कंनां विच हीरे लटकणा दस्सदे हन कि साडा गुरू नाल पिआर हाले उस तीबरता 'ते नहीं पुज्जा, जिस विच अरशां थीं जीनीअस ते पिआर उतरदा है। ननकाणे साहिब जी दी इमारत ही इंनी आलीशान होणी चाहीदी है कि सारी दुनीआं दे आरट रसिक उहदे दीदार नूं आउण। साडे रहिण दे घरां दी बनावट साडिआं विहड़िआं दी लंबाई चौड़ाई अनोखी होणी चहीदी है। जे सिख्खां दे विहड़े विच सारा जस नां मिटिआ, तद इस विहड़े ते होरनां दे विहड़े विच फरक की? सिख्ख दा पिआर चानणी रात वांग अमीर गरीब 'ते इको जिहा नां पिआ, सिख्ख दे मुखड़े दा गुरमुखी अनोखापण की, जे बिन गहिणे सिख्खणी ते सिख्ख दे किसी थां 'ते खड़ो जाण नाल ही उह सुहावा ते पिआर पैदा करन वाला नवां केंदर नां बणिआ? सिख्खां दे दरशन दा लाभ की?

सो, हे सतिगुरां दी सजाई कौम! तेरा जल-पाणी सतिगुरू दी नीली अकाली पिआर पाती विच है। इथे नहीं, जिथे निरा जानवरां दा चोग धरिआ है। पिआर दी कणी धारन करन नाल तेरी धरती तेरी नवीं बणी सुरति विच तेरे रहिण लई उतरेगी। तूं तां उह हैं जिस दा हुकम तारे ते चंद मंनणगे। तूं उह हैं जिस दे पिआर नाल सभ जगत दा दिल परोइआ होइआ है। अरश कुरश तेरी वल्ल वेख रहे हन। बस्स, चोण गुरमुखी कर ते देवी देवतिआं दे समूह तेरे सतिगुरू जी दी आगिआ 'च तेरी मदद लई खहड़े हन।