जंग किसे धिर लई वी कोई माण करनयोग सथिती नहीं हुंदी बलकि इह मनुख्खता दा सभ तों शरमनाक वरतारा है। जंग दी शुरूआत उह लोक करदे हन जिहनां दी लड़न दी उमर लंघ गई हुंदी है। इस विच्च मरदे उह हन जिहनां दे मरन दा अजे समां नहीं हुंदा। कई वार आम मनुख्ख नूं लगदा है जंग किसे वड्डे मिशन नूं मुख्ख रख्ख के लड़ी जा रही है पर इह कुरसी दे केवल चार पाविआं दी सलामती लई वी हो सकदी है।

पिछले दिनां तों इज़राईल फलसतीन युध्ध दीआं खबरां पूरी दुनीआं दे अमन पसंद लोकां नूं बेचैन कर रहीआं हन। उत्तरी गाज़ा पट्टी इलाके दे 11 लख्ख तों वध्ध गिणती दे लोक हन, जिहनां नूं किहा गिआ कि इह इलाका खाली कर दिओ। इलाका खाली करन लई ही नहीं किहा गिआ बलकि इस इलाके ’ते इज़राईल नें बंबां दा मींह वरहा दित्ता है। घरां अते होर इमारतां दी तबाही दा मंज़िर अजिहा है कि इत्थे राह रसते वी नहीं बचे। इज़राईल नाल दहाकिआं तों लड़न वाले हमास गरुप्प दीआं गतीविधीआं वी कोई मानवी नहीं सन पर उहनां दा बदला फिलसतीन दे आम लोकां, बुढ्ढिआं, औरतां अते मासूम बच्चिआं नूं मार के लिआ जावे, इस तों अमानवी गल्ल कोई होर नहीं हो सकदी। बंबारी दे सहिम हेठ मासूम बच्चिआं, औरतां दीआं लाशां सड़कां ’ते रुल रहीआं हन। इहनां खंडरां विच्च डरके बैठे बचे लोक भुख्ख पिआस नाल तड़प तड़प के मर रहे हन। करीब 22 लख्ख लोक हन जिहनां नूं तबाह करन दी धमकी इज़राईल दे प्रधान मंतरी नेतनयाहू दे चुक्के हन। जेकर हमास दीआं गतीविधीआं नूं दुनीआं अत्तवादी गतीविधीआं आखदी है तां जो अज्ज इज़राईल वल्लों फलसतीन दे बेदोशे लोकां दा कतलेआम कीता जा रिहा है, इस नूं की कहांगे? की इह उस तों वड्डा अत्तवाद नहीं? हमास संगठन दीआं गतीविधीआं नूं किवें वी जाइज़ नहीं ठहिराइआ जा सकदा पर इज़राइल दी सैना जो इस इलाके विच्च बारूद दी होली खेड रही है, इह वी ज़ुलमो तशद्दद दी सिखर है। संयुकत राशटर अते पछ्छमी देशां दे आगू इस कतलेआम ’ते खामोश हन। दुनीआं दीआं वड्डीआं शकतीआं दी इह खामोशी बेहद्द निराश करन वाली है। अज्ज दे इस आधुनिक दौर विच्च वी जेकर दुनीआ दे किसे खित्ते विच्च वड्डीआं ताकतां दी शहि ’ते हज़ारां लोकां दा कतलेआम हुंदा है तां असीं कहि सकदे हां कि दुनीआं सुरख्खिअत हत्थां विच्च नहीं है।

1948 विच्च इज़राईल होंद विच्च आइआ। इस तों पहिलां इज़राईल दी किते कोई होंद नहीं सी। इह पूरा इलाका जो फिलसतीन कोल सी, नाल इज़राईल दीआं कई जंगां होईआं हर वार जंग दौरान इज़राईल आपणीआं सीमावां वधाउंदा गिआ अते दुनीआं दे नकशे ते फलसतीन दा नकशा छोटा हुंदा गिआ। फलसतीन कोल कोई बाहला आधुनिक जंगी साज़ो सामान नहीं जिस नाल उह इज़राईल दी अति आधुनिक फौज दा मुकाबला कर सके। इज़राईल दी फौज आधुनिक मिज़ाइलां नाल लैस है। हवा विच्च ही दुशमण दीआं मिज़ाइलां नूं खतम करन दी आधुनिक तकनीक वी इज़राईल कोल मौजूद है। इस तों इलावा आधुनिक दौर विच्च किसे दी वी जसूसी करन दी अति आधुनिक तकनीक, जिसदा साडे देश भारत विच्च वी बड़ा रौला पैंदा रिहा है, इज़राईल दे पास है। इस राहीं उह आपणे आस पास दे देशां दे हर बंदे दी बड़ी आसानी नाल जसूसी कर सकदे हन। पता लगा सकदे हन कि कौण उहनां दा दोशी है अते कौण नहीं? इंनी उच्च तकनीक होण दे बावजूद आम लोकां नूं बंबां नाल किउं उडाइआ जा रिहा है?

दुनीआं दा हर अमन पसंद मनुख्ख, जिस अंदर इनसानीअत है, मानवता है इज़राईली सरकार दी ज़िआदती दी नखेधी कर रिहा है। इत्थे विचारनयोग गल्ल इह वी है कि पिछले लंमे समें तों हमास दे लड़ाके ते इज़राईली सैना दोवें खलनाइक दी भूमिका निभा रहे हन। इस सथिती विच्च जित्थे गाज़ा दे लोक बंबां, मिज़ाइलां, गोलीआं दे शिकार बणके के जां मलबिआं हेठ आ के भुख्खे पिआसे दम तोड़ रहे हन, उत्थे इज़राईल दे बेकसूर लोक वी जंग दा शिकार बण रहे हन।

किरिआ दी प्रतीकिरिआ हुंदी है। हर तरहां दे सरोकारां दे इक्क दिन नतीजे वी आउणे हुंदे हन। पिछले 16 सालां तों इज़राइल दी सत्ता ’ते काबज़ नेतनयाहू दे खिलाफ वी आवाजां उच्चीआं हो रहीआं हन। इज़राईली मीडीआ समेत दुनीआं भर दे मीडीआ हाऊसां विच्च इह वी चरचा है कि नेतनयाहू सत्ता ’ते बणे रहिण लई लोकां नूं जंग दी भठ्ठी विच्च झोक रहे हन। जिवें किसे वी देश दी बहुगिणती नहीं चाहुंदी हुंदी कि दूजे मुलक दे बेदोशे लोकां ते ज़ुलमो तशद्दद कीता जावे, अमन पसंद इज़राईली लोकां दे इकठ्ठां विच्च इह नाअरे गूंजण लग्गे हन कि ‘इज़राईल नूं कोई हक्क नहीं कि उह साडे नाम ’ते बेदोशे लोकां नूं मारे।’ इसे तरहां इज़राइल दे अमन पसंद लोक नेतनयाहू दे शासन तों खुश नहीं हन बलकि उहनां विच्च बहुत रोस है। हमास वल्लों बंदी बणाए गए इक्क सौ दे करीब इज़राईलीआं दे वारस वी सड़कां ’ते उत्तर के आपणी सरकार विरुध्ध गुस्से दा इज़हार कर रहे हन। इहनां दे काफले वड्डे हो रहे हन। नेतनयाहू, जिस लई इह जंग इक्क जशन वांग है, दी हैंकड़बाज़ी उस दे आपणे देश दे लोकां नूं वी पसंद नहीं।

जंग अमन दी गरंटी नहीं हुंदी बलकि जंग भविख्ख दीआं होर जंगां अते पहिलां नालों वड्डीआं समस्सिआवां नूं जनम दिंदी है। जंग दी शुरूआत बेशक इक्क धिर करदी है पर इस नूं समापत करना उस दे हत्थ नहीं रहिंदा। बिलकुल इत्थे वी अजिहा ही हो रिहा है। फलसतीन नाल होईआं कई जंगां विच्च हर वार इज़राईल आपणीआं सीमावां अग्गे वधाउंदा रिहा है। इस वार वी इसे मनशा नूं लै के जंगी मुहिंमां नूं अग्गे वधाइआ जा रिहा है। इज़राईल इस समें गाज़ा पट्टी नूं दुनीआं दे नकशे तों खतम करन दे रौं विच्च है। इत्थे फलसतीन दे कोई 22 लख्ख दे करीब लोक वसदे हन। दूजे पासे इत्थे ही आपणीआं गतीविधीआं चलाउण वाला संगठन हमास, जिस नूं कई देशां दी हिमाइत हासल है, इज़राईल दे कुझ इलाकिआं विच्च मिज़ाइला दाग रिहा है। अमरीका समेत कुझ पछ्छमी देश जो हमास नूं इक्क अत्तवादी संगठन मंनदे हन, दी हिमाइत भावें इस समें इज़राईल नाल है पर जदों पूरी दुनीआं विच्च गाज़ा दे लोकां उत्ते इज़राईल वल्लों कीती बंबारी नाल होई तबाही दीआं तसवीरां वाइरल होण लग्गीआं तां अमरीका नूं वी इह बिआन देणा पिआ कि इज़राईल आपणीआं हद्दां तों अगांह जा रिहा है अते इह चंगा नहीं होवेगा। अमरीका समेत कुझ पछ्छमी देशां अते संयुकत राशटर वरगीआं संसथावां दा रोल इस जंग विच्च बड़ा निराशाजनक रिहा है। इत्थे सवाल पैदा हुंदा है कि जेकर इक्क ताकतवर धिर वल्लों दूजी धिर दे हज़ारां लोकां नूं मारिआ जांदा है, लोकां दा खाण पीण, बिजली, पाणी बंद करके जेकर उहनां दे इलाके नूं इक्क वड्डी जेल्ह विच्च तबदील करके मरन लई छड्ड दित्ता जांदा है, तां इस समें इह संसथावां की कर रहीआं हन?

17 अकतूबर मंगलवार नूं गाज़ा दे इक्क हसपताल ते बंबारी नाल पंज सौ तों वध्ध लोक मारे गए। इस विच्च बहुत सारे मासूम बच्चे ते औरतां सन जो ज़ेरे इलाज सन। बेशक इसदी ज़िंमेवारी तों इज़राइल भज्ज रिहा है, उस नें किहा है कि इह हामास नें बंबारी कीती है, पर जिस तरहां पिछले दिनां तों इज़राईल दे वख्ख वख्ख आगू इह बिआन बाज़ी करदे रहे हन कि ‘गाज़ा दे सारे लोक कसूरवार हन, साडीआं सीमावां सीमत नहीं हन, गाज़ा विच्च कोई वी निरदोश नहीं, गाज़ा दे हसपतालां नूं बंबां नाल उडा दित्ता जाणा चाहीदा है।’ हुण तक कोई 45 दे करीब सकूलां नूं इज़राईल दी फौज नें नेसतोनाबूद कर दित्ता है। इह सभ तरहां दी बिआनबाज़ी तों सहिजे ही इह अंदाज़ा लाइआ जा सकदा है बेदोशे लोकां दा कतलेआम इक्क खास नीती नूं अग्गे वधाउण लई कीता जा रिहा है। इक्क राशटर दा दूजे राशटर उत्ते कीता गिआ इह इक्क बेहद्द शरमनाक कारा है। इज़राईल वल्लों गाज़ा पट्टी दे लोकां उत्ते कीती जा रही बंबारी नाल घर तबाह हो रहे हन, बच्चे बुढ्ढे बेहाल हन, हज़ारां लोकां नें आपणे लाडलिआं नूं गवा लिआ है, जंग विच्च फट्टड़ होए हज़ारां लोक इलाज लई तराह तराह कर रहे हन। भुख्खे भाणे बंबां दी शूक विच्च जान बचाउंदे लोक मारे मारे फिर रहे हन। कुझ सत्ता दे नशे, कुझ मज़हब दी रंगत नें रंगीं वसदे लोकां नूं जंग दी भठ्ठी विच्च झोक दित्ता है।

इस जंग विच्च किसे नें आपणे हथिआरां दीआं खेपां वेचणीआं हन अते किसे नें आपणे इलाकिआं नूं विशाल रूप देणा है। इस लई खून दी होली अजे होर खेडी जावेगी। जंग विच्च हुण तक 700 दे करीब बच्चे मर गए हन। इहनां मासूमां दा इस दुनीआं विच्च रत्ती भर वी कसूर नहीं सी। इहनां मासूम बच्चिआं दी आतमावां पुछ्छदीआं होणगीआं कि आपणे आप नूं आधुनिक अखवाउण वालिओ, किंनी ज़ालिम है तुहाडी इह दुनीआं? टाईआं कोट पहिनण वाले सत्ताधारीओ, बंबां, बंदूकां अते मिज़ाइलां दे ताजरो, अंदरों बड़ी घणाउणी, डिराउणी ते खौफनाक है तुहाडी इह दुनीआ। किसे वी देश दे अमन पसंद लोकां नूं इह कदाचित्त मनज़ूर नहीं कि बेदोश लोकां दा खून धरम, जात जां देश दे नाम ’ते वहाइआ जावे। चंगेज़ खानां, तैमूरां, मुसोलिनीआं ते हिटलरां नूं इतिहास नें कदे मुआफ नहीं कीता। दुनीआं नूं चलाउण वालीआं ताकतां अते जंग विच्च जेतू निशान बणाउण वाले सत्ताधारीआं वल्लों ज़ालिम लोकां दी सूची (फहिरिसत) नूं होर लंबा नहीं कीता जाणा चाहीदा। जिंनी वी जलदी हो सके, जंगबंदी होणी चाहीदी है अते लोकां दे जान-माल दी राखी लई सरगरमीआं शुरू होणीआं चाहीदीआं हन।

*****