भारत देश दी राजधानी दी विधान सभा चोण लई हर वड्डी धिर दा सारा ज़ोर लग्ग पिआ है। जिस किसे पारटी दा कदे कोई उस राज विच्च बंदा नहीं जित्तिआ ते जित्तण दा सुपना वी नहीं लैंदी, लीडरशिप्प उनहां दी वी इहो प्रभाव दिंदी दिसदी है कि उह सत्ता हासल करन लई संघरश कर रही है। लोकतंतर दा इहो नवेकला रंग है कि ‘थोथा चना’ इत्थे ‘बाजे घना’ दा मुहावरा सच्चा साबत करन लई लड़दा दिस पवे तां हैरानी किसे नूं नहीं हो सकदी। उंज इह चोण अध्ध-पचध्धे दरजे वाले राज दी विधान सभा दी चोण नहीं, असल विच्च ‘मिनी हिंदुसतान’ दी चोण मंन के लड़ी जांदी है किउंकि इस राज दे वोटरां विच्च भारत देश दे हर वड्डे अते हर छोटे राज दे लोक शामल हुंदे हन। कई लोक इत्थे रोज़ी दी भाल विच्च आए अते वसेबा कर के इत्थों दे हो गए हन अते कुझ आपो-आपणे राज दी सरकारी जां कारोबारी कंपनीआं दी कारिंदगी दे सबब्ब कारन इत्थे कुझ समें लई आए अते वोटां पाउण दा हक्क रख्खदे हन। देश दे हर राज दी हर तरहां दी सोच अते सिआसत दा प्रगटावा इस राज दी चोण विच्च आपणी होंद दा अहिसास कराउंदा है ते इत्थे भारत दे गरीब राजां दे होण जां खुशहाल गिणे जाण वाले राजां दे होण, सारे वोटरां नूं जदों वोटां लैण लई छोटां वाला चोगा खिलारिआ जांदा है तां इस तरहां जापदा है कि सारा देश ही इह चोगा चुगण रुझ्झ गिआ है।

पिछले साल होईआं लोक सभा चोणां वेले भारत दे प्रधान मंतरी नरिंदर मोदी नें कुझ रैलीआं विच्च इह गल्ल कही सी कि कुझ सिआसी पारटीआं दे आगू साडे वोटरां नूं मुफत दीआं रिउड़ीआं वंड के इनहां दे बदले वोटां लैणा चाहुंदे हन। जिहड़ी रैली विच्च पहिली वारी प्रधान मंतरी मोदी नें इह गल्ल कहिण दा मौका वरतिआ, उसे रैली विच्च खुद उस नें वी उस इलाके अते उस राज दे वोटरां लई इद्दां दीआं कई छोटां दा छट्टा दित्ता अते किहा सी कि इंना कुझ सिरफ भाजपा ही दे सकदी है अते मोदी तां मोदी है, जिहड़ी गल्ल उह कहिंदा है, उह फिर करदा वी है। वंडणा तां रिऊड़ीआं दे लारिआं दा लिफाफा सी, उस नाल इह गल्ल कहि देण दा मतलब सी कि बाकीआं दा भरोसा नां करिउ अते जो कुझ मैं किहा है, इसे नूं सच्च जाणिउ। उस वेले पंडाल दीआं अगलीआं कुरसीआं उत्ते बिठाए पक्के समरथकां नूं पता हुंदा है कि इस तरहां दी गल्ल सुण के ताड़ीआं मारन दी शुरूआत उनहां नें करनी अते फिर पंडाल गूंजणा हुंदा है, इस लई इह कंम वकत सिर उनहां नें कर दित्ता सी ते किसे नूं इस दाअवे दा सच्च जां कच्च सोचण दा मौका ही नहीं सी रहिण दित्ता।

अगलिआं दिनां विच्च असीं इह वेखिआ ते सुणिआ कि बाकी पारटीआं नें प्रधान मंतरी नरिंदर मोदी दे इस दाअवे नूं कई तरहां भंडिआ सी, पर उस नूं कोई फरक नहीं पैंदा। इंदरा गांधी वी इद्दां ही करदी हुंदी सी कि इक्क गल्ल कहिंदी अते उस गल्ल बारे विरोधीआं दा प्रतीकरम लोकां तक पहुंचण तों पहिलां इद्दां दा इक्क होर दाअवा कर दिंदी जां शोशा छड्ड दिंदी ते अगले नवें शोशे दी तिआरी करन लग्ग जांदी सी। नरिंदर मोदी वी उसे वांग करदा है। अंगरेज़ी विच्च ‘हिट्ट ऐंड रंन’ दा मुहावरा हादसा कर के भज्ज जाण वालिआं वासते बणिआ है, पर इहो मुहावरा भारत दीआं चोणां दौरान लीडरां वल्लों विरोधीआं उत्ते दोश लाउण अते जवाबी हमला होण तों पहिलां उनहां दी रेंज तों निकल के किसे होर इलाके विच्च नवां नाअरा देण जां नवां सिआसी हादसा कर के अगले हादसे वासते मैदान वल्ल भज्ज जाण लई वरतिआ जा सकदा है। सिरफ नरिंदर मोदी नहीं, भारत दे कई आगू इस तरहां दी राजनीती कर रहे हन अते लोकां नूं बुध्ध बणाई जांदे हन।

असीं इनहां चोणां लई हुंदे प्रचार दौरान आम आदमी पारटी दे मुखी अरविंद केजरीवाल दा बिआन पहड़िआ सी कि दिल्ली विच्च इस वार फिर सरकार बण गई तां उनहां दी पारटी इत्थों दीआं औरतां लई हर महीने इक्की सौ रुपए गरांट भेजिआ करेगी। भाजपा दे बुलारिआं नें उसे शाम टी वी चैनलां उत्ते दुहाई पा दित्ती कि देश दे लोक इह देख लैण कि केजरीवाल फिर मुफत दीआं रिउड़ीआं वंडण लग्ग पिआ है। उस नूं इह वी चिंता नहीं कि इसदे खज़ाने विच्च लोड़ींदे पैसे ही नहीं हन। अगले दिन कांगरस वल्लों इह बिआन आ गिआ कि आम आदमी पारटी तां सिरफ इक्की सौ रुपए देण दा लारा लाउंदी है, कांगरस सरकार बण गई तां हर औरत नूं इक्की सौ नहीं, पंझी सौ रुपए अते हर महीने रसोई गैस दा इक्क सिलंडर सिरफ पंज सौ रुपए दा दित्ता जावेगा। उस शाम भाजपा लीडरां नें अरविंद केजरीवाल दे नाल कांगरस लीडरशिप्प नूं वी मुफत दीआं रिउड़ीआं वंडण वाले कहि के भंडण दी लाईन बंनह दित्ती। इह गल्ल वी सारे जाणदे हन कि मीडीए दा बहुत वड्डा हिस्सा सिरफ भाजपा लीडरशिप्प दी अख्ख दे इशारे दा मुथाज होण कारन इस तरहां दे मामलिआं विच्च नंबर बणाउण नूं ततपर रहिंदा है। इनहां दोवां पारटीआं दी भंडी करन लई हिंदी दे इक्क कौमी पध्धर दे अखबार नें संपादकी लेख वी लिख दित्ता, पर दिन दो नहीं सी लंघ सके कि भाजपा वालिआं दा ‘संकलप पत्तर’ जारी हो गिआ, जिस नें दोवां पारटीआं नूं पछाड़ दित्ता। इस संकलप पत्तर विच्च दिल्ली दे लोकां नाल वाअदा कीता गिआ कि औरतां नूं हर महीने पंझी सौ रुपए दे नाल कांगरस वांग हर महीने पंज सौ रुपए विच्च रसोई गैस दा सिलंडर वी मिलेगा अते अगली गल्ल इह कि होली अते दीवाली दे मौके इक्क-इक्क होर सिलंडर मुफत दित्ता जावेगा। आम आदमी पारटी ते कांगरस नूं भाजपा दे जिहड़े बुलारे दो दिन मुफत दीआं रिउड़ीआं वंडण लई भंडदे रहे सन, उह सारा कुझ भुल्ल के इह कहिण रुझ्झ गए कि भाजपा नें कमाल कर दित्ती, दिल्ली दीआं औरतां लई हर महीने मिलण वाली रकम वी होर पारटीआं तों वध्ध अते नाल गैस सिलंडर दी सहूलत वी भाजपा वध्ध देवेगी। इस तरहां रिउड़ीआं वंडण जां वोटरां दे अख्खीं घट्टा पाउण दी खेड विच्च भारत दा मीडीआ वी सिआसी पारटी दे वांग ही पूरी तरहां निकल तुरिआ है।

इत्थे आण के ज़रा उह दिन याद करो, जदों देशभगतां नें विदेशी हकूमत दे खिलाफ झंडा चुक्किआ ते ओड़कां दीआं सखतीआं सहारदे होए जेल्हां भुगतण अते फांसी दे रस्सिआं नाल झूलण दा राह फड़िआ सी। उनहां नूं अंगरेज़ी राज इस लई बुरा नहीं सी लगदा कि उनहां दी चमड़ी साडे लोकां दे मुकाबले गोरी होण कारन सानूं खिझ चहड़दी सी, गोरी चमड़ी वाले कई गोरे लोक तां साडे देशभगतां दा सहियोग वी करदे सन। भारती लोकां दी लुट्ट विदेशी सरकार दे एजंटां नें बहुत कीती सी, पर इह वी वड्डा कारन नहीं सी हो सकदा, साडे भारत देश दे राजे-रजवाड़े जां उनहां दे रख्खे होए ज़ैलदार आदि वी इनहां लोकां नाल घट्ट नहीं सी करिआ करदे, सारी खून-पसीने दी कमाई आपणे लठ्ठ-मारां नूं नाल लिआ के खोह के लै जांदे सन अते आम लोकां दीआं धीआं चुक्क के आपणीआं हवेलीआं अते महिलां विच्च वी चिट्टे दिन लै जाइआ करदे सन। इह अणख तों वांझा माहौल सी, जिस दौरान देशभगतां नें अंगरेज़ां अते उनहां दे टोडीआं विरुध्ध जानां कुरबान करन वाला संघरश विढ्ढिआ ते अंत तक लड़िआ सी। उह आखिआ करदे सन कि देश दे लोकां दी क्रित दे नाल सनमान नाल जिऊण दा हक्क वी उनहां नूं दिवाउणा है, जिहड़ा उस अंगरेज़ी राज विच्च नहीं मिल सकदा, जिस विच्च वड्डिआं शहिरां विच्च अंगरेज़ां लई राखवींआं माल रोडां तों लंघण दे वकत भारतीआं नूं गोडे टेक के चल्लणा पैंदा जां छांटिआं दी मार खाणी पै जांदी सी। उस बेअणखे जीवन खिलाफ संघरश नें देश दे लोकां नूं आज़ादी दिवाई सी ते उनहां दा सारा कुझ खट्टिआ-कमाइआ अज्ज इस लोकतंतर विच्च रुहड़दा जापदा है।

असीं लोक जदों अजे बच्चे सां, पंजाब दे सकूलां विच्च तिंन गाणे बड़ी उचेच नाल सिखाए अते सनिच्चरवार दीआं सभावां विच्च गाउण लई बच्चिआं नूं तिआर कीता जांदा सी। इक्क गाणा भारत दे राशटरी गीत ‘जन गण मन’ वांग पंजाबी दा राशटरी गीत समझिआ जांदा सी, ‘हे पिआरी भारत मां, तैनूं असीं सीस निवांउंदे हां, तेरे तों सदके जांदे हां ...’, इह गीत तेरा सिंघ चंन दा लिखिआ सी। दूसरा गीत पंजाब दे विकास दी जहड़ बणीआं नहिरां बारे ‘भाखड़े तों आई इक्क मुटिआर नच्चदी’ हुंदा सी। तीसरा गीत सी: ‘उह वेला याद कर, जदों भारत भुख्खा रहि के, हाए ठंढे हउके लै के, पिआ वकत टपाउंदा सी, उह वेला याद कर।’ उस गीत दी सारी कहाणी इह सी कि असीं लोक भोखड़े कट्टदे अते तेरहवें महीने विच्च अगली फसल तों पहिलां दाणे मुक्क जाण कर के सरकारी गरांटां दी झाक रख्खदे हुंदे सां, पर अज्ज खेतां विच्च खाण जोगा अंन पैदा होण लग्ग पिआ है तां उह वेला याद कर के इस माणयोग सथिती दा अहिसास करना चाहीदा है। लेखक नें उह गीत साडी पीहड़ी दे लोकां लई शाइद नहीं, साथों पहिली पीहड़ी दे लोकां दी चेतना नूं टुंबण लई लिखिआ होवे, तां कि आज़ादी अते आपणे सवै-माण दा खिआल रख्खण अते किसे अग्गे हत्थ जां झोली अड्डण तों पहिलां कुझ सोचिआ करन। अज्ज फिर उस तरहां दी सथिती पैदा हुंदी लगदी है, जिस विच्च साडे लोकां नूं किरत करन दी सोझी ते शकती देण दी थां मुफत दीआं रिउड़ीआं चब्बण अते इद्दां दा गफ्फा होर मिलण दी उडीक विच्च किसे अगली चोण दी उडीक विच्च औंसीआं पाउण वाला चसका ला दित्ता है। लीडर आपणे आप नूं सखी दाते वरगा पेश करन लग्गदे हन ते आम लोकां नूं आपणे साहमणे हत्थ जां झोलीआं अड्ड के खहड़े मंगतिआं दे रूप विच्च वेखणा चाहुंदे हन। चोणां दा ऐलान हुंदे सार सबसिडीआं वाले चोण मैनीफैसटो जां अखौती ‘संकलप पत्तर’ जदों पेश कीते जांदे हन, इह सभ आम लोकां दी ज़मीर दी बोली देण वांग जापदे हन। जिहड़ी पारटी जिंने वड्डे पध्धर अते जिंनी पहुंच वाली हुंदी है, ओना वध्ध भाअ पेश कर के ज़मीरां खरीदणीआं चाहुंदी जापदी है।

दिल्ली नूं कोई भारत दा दिल अते कोई होर ‘मिनी हिंदुसतान’ आखदा है अते इस विच्च कोई गलत गल्ल वी नहीं। देश दे लोक किद्दां सोचदे हन, हर राज विच्च चल्ल रही सिआसत दा बहुता जां थोहड़ा कुझ रंग दिल्ली दे सभ्भिआचारक जीवन विच्च वी झलकदा है अते खाहिशां विच्च वी। जदों राजनीतक पारटीआं दे आगू चोणां दा परागा चुक्कण लई लोकां अग्गे इद्दां दीआं छोटां दा छट्टा देण लग्गदे हन तां इसदा कुझ असर इह लोक आपणे राजां विच्च वी लै जाणगे अते अगली वारी इह कुझ उत्थे हुंदा दिसेगा। भारत दे लोकां नूं इज़्ज़त नाल कमाउण अते खाण जोगे होण लई कोई योजना पेश करन वाला आगू अज्जकल्ल्ह लभ्भणा किसे गधे दे सिर तों गुआचे होए सिंग लभ्भण वरगा कंम है, पर ज़मीरां खरीदण लई लारिआं दे लालीपाप वंडण दा कंम हर आगू करी जांदा है। इद्दां लगदा है कि पूरे देश दे लोकां नूं इह बेअणखा कर देणा चाहुंदे हन, तां कि उह आपणे पैरां सिर खहड़े होण तों सिरफ वांझे नां रहिण, इस बारे सोचणा वी छड्ड देण। जिहड़ा कुझ दिल्ली दीआं इनहां चोणां विच्च पेश हुंदा पिआ है, उस कारन भुख्खां कट्टदे वकत वी अणख दा पल्ला फड़ी रख्खण अते विदेशी हाकमां विरुध्ध लड़न वाले भारत दे लोकां नें उदों जो कर विखाइआ सी, उह भुल्ल सकदा है। इस लई अज्ज वाले इस माहौल विच्च मुड़-मुड़ उदों वाला इह गीत याद आउंदा है: उह वेला याद कर, जदों भारत भुख्खा रहि के, हाए ठंढे हउके लै के पिआ वकत टपाउंदा सी, उह वेला याद कर। भोखड़े नूं जरदिआं अते हउके भरदिआं वी घट्टो-घट्ट अणख तां पल्ले सी, आज़ाद देश दा लोकतंतर उह अणख वी खोही जांदा है।