इस पुसतक विच उसने कनेडा दे विभिंन भुगोलिक खित्तिआं विच वस्सदे 57 पंजाबी लेखकां दीआं चरचित पुसतकां नूं अधिऐन दा विशा बणाइआ है। इहनां विचों 34 शाइर, अठ्ठ कहाणीकार, अठ्ठ ही वारतक लेखक ते छे नावलकार हन। इक्क नाटककार नूं वी चरचा दा विशा बणाइआ गिआ है। इहनां विचों कुझ पुसतकां संपादत वी कीतीआं होईआं हन। उदाहरण वजों हरजीत दौधरीआ वल्लों संपादित वारतक दी पुसतक ‘दरशन’ उसदी आपणी रचना नहीं सगों दरशन सिंघ कनेडीअन दे जीवन समाचारां नूं बिआनदे विभिंन लेखकां दे जीवनी जां रेखा-चितर नुमा लेखां दा संग्रहि है। इंझ ही कशमीरा सिंघ चमन दा ग़ज़ल-संग्रहि शमशेर सिंघ संधू दुआरा संपादित कीता होइआ है ते बलबीर मोमी नें आपणीआं लिखतां विचों कहाणीआं, निबंध, रेखा-चितर ते विअंग चुण के आप ही विचार-अधीन पुसतक दा संपादन कीता है। बलबीर मोमी दी पुसतक तों इह गल्ल साबत वी हुंदी है ते इह गल्ल असीं वी भलीभांत जाणदे हां कि इहनां चरचा-अधीन लेखकां विचों बहुत सारे लेखक बहु-विधाई लेखक वी हन। उह इक्को वेले वख्ख वख्ख विधावां विच लिख रहे हन। पर लेखक नें उहनां दे किसे इक रूप नूं ही पेश कीता है। पुसतक दी आपणी नौईअत मुताबक ‘रहणु किथाऊ नाहि’ दे लेखक सुखपाल नूं इक्को वेले कवी ते वारताकार वजों जाणिआं गिआ है। इह वी ज़रूरी नहीं कि लेखक दी जिहड़ी विधा दी पुसतक चरचा अधीन है, उह लेखक उस विधा विच ही विशेशग होवे; सगों कई सूरतां विच तां संबंधित लेखक जाणिआं तां किसे होर विधा दे लेखक वजों जांदा है पर एथे उेसदी अजिही विधा वाली पुसतक नूं शामिल कीता गिआ है, जिहड़ी विधा कि संबंधित लेखक दा ‘पहिला पिआर’ नहीं। मसलन: साधू बिनिंग नूं साहितक हलकिआं विच बहुता कहाणीकार वजों ही जाणिआं जांदा है पर सुखिंदर नें एथे उसदा कवी वाला रूप पेश कीता है। इस पख्खों वी इह चंगी गल्ल है किउंकि इसतरहां किसे ‘वख्खरी विधा’ विच कीते लेखक दे यतनां नूं सराह के उसदा उस संबंधित विधा नाल पक्का ते गूहड़ा नाता जोड़न विच सहाइता मिल सकदी है।

सुखिंदर दे आपणे कहिण मुताबक कनेडा विच दो सौ दे लगभग पंजाबी लेखक कारजशील हन। उसने इहनां विचों 57 लेखकां दी चोण कीती है। इहनां विचों बहुत सारे अजिहे नां वी हन जिनहां दा पंजाबी साहित दी मुखधारा विच वी चंगा नां-थां है। इहनां विचों शाइर गुरचरन रामपुरी, सुखमिंदर रामपुरी; कहाणीकार जरनैल सिंघ, वारतक-लेखक सुरजन ज़ीरवी, बहुविधाई लेखक रविंदर रवी ते बलबीर सिंघ मोमी अते निसबतन नवें पर चंगे लेखक सुखपाल, कुलजीत मान ते इंझ ही कुझ होर लेखक पंजाबी साहित दी मुख्खधारा विच वी आदरयोग थां रख्खदे हन। सुखिंदर नें कुझ घट्ट चरचित चिहरिआं नाल वी साडी जाण-पछाण करवाई है। चोण दा आधार उसदा निज्जी है। उसने बहुत सारे उहनां चरचित कनेडीअन लेखकां नूं इस विच शामल नहीं कीता जिहड़े कनेडीअन पंजाबी साहित दे जाणे पछाणे नां हन। इहनां विच अमनपाल सारा, नवतेज भारती, अजमेर रोडे, इकबाल रामूवालीआ ते असलों नविआं विचों बहुचरचित कथाकार हरप्रीत सेखा दे नां शामल कीते जा सकदे हन। सुखिंदर आपणी चोण नूं निआं संगत ठहिराउंदा होइआ आखदा है, ”इहनां लेखकां दी चोण करन वेले इस गल्ल दा वी धिआन रख्खिआ गिआ कि इह पुसतक महिज़ उहनां लेखकां बारे ही नां बण जावे जिहड़े कि पहिलां ही चरचित हन, इस लई इस पुसतक विच कुझ उह लेखक वी शामल कीते गए हन, जो कि अजे पाठकां दा धिआन नहीं खिच्च सके। इसेतरहां कुझ बिलकुल ही नवें लेखकां नूं उतशाह देण लई इस पुसतक विच शामल कीता गिआ है।”

उसदी चोण दे तरक नूं आदर दिंदिआं होइआं वी साडा मत्त है कि जे कुझ होर ज़िकरयोग लेखक इस पुसतक विच शामल कर लए जांदे तां पुसतक होर वी वड्डा साहितक मुल्ल इख़तिआर कर सकदी सी। पर उहनां लेखका दी ग़ैर-शमूलीअत नाल इस पुसतक दा महत्तव ते मुल्ल घट गिआ होवे अजिही गल्ल वी बिलकुल नहीं। सगों सानूं सुखिंदर नूं दाद देणी बणदी है कि उसने पहिली वार इस पसुतक दे माधिअम राहीं कनेडीअन पंजाबी साहित ‘ते साडी संगठित ते समुच्ची झात पुआई है। इस राहीं सानूं पहिली वार एने वड्डे पध्धर ‘ते जाणकारी मिली है कि कनेडा विच वख्ख वख्ख विधावां विच किंने ते किहो जिहे लेखक इक टीम वजों कारजशील हो के कनेडीअन पंजाबी साहित दा मूंह-मत्था बनाउण ते सवारन विच जुट्टे होए हन। वख्ख वख्ख विधावां दे चुनिंदा ते चंगे लेखकां नूं चरचा अधीन लिआ के सुखिंदर नें विभिंन विधावां विच हो रहे कंम नूं रौशनी विच लिआंदा है। किसे कत्थ जां वत्थ दे समुच्च नूं जानण ते पछानण लई अकसर उसदे चोणवें अंशां नूं ‘देग़ ‘चों दाणा टोहण’ वांग पेश कीता जांदा है पर सुखिंदर नें तां ‘इक्क चौथाई पक्की पकाई देग़’ साडे साहमणे लिआ रख्खी है, इह कोई छोटी गल्ल नहीं। इसतों पहिलां कनेडीअन पंजाबी साहित दे इतिहास विच अजिही घटना नहीं वापरी कि कनेडीअन पंजाबी साहित दा अजिहा संगठित बिंब प्रसतुत्त होइआ होवे। इह कनेडीअन पंजाबी आलोचना दी पहिली पुसतक है। इस करके इह पंजाबी साहित दे इतिहास विच आम करके ते कनेडीअन पंजाबी साहित दे इतिहास विच ख़ास करके इक्क महत्तवपूरन साहितक घटना वजों याद रख्खी जावेगी।

इस आलोचना पुसतक दा इस पख्खों वी इतिहासक महत्तव है कि इसने मुख्खधारा दी पंजाबी आलोचना दे सामराज दी जकड़ नूं पहिली वार तोड़िआ है। जित्थे वी ते जिस विधा विच वी कोई साहित रचिआ जा रिहा होवे तां उसदी पहिली लोड़ ओथे ते ओस विधा विच आपणे आलोचक वी पैदा करन दी हुंदी है। इह वाजब नहीं कि कोई लेखक साहित तां कनेडा विच लिखे ते उसदा मुलांकण ते विशलेशण करन/कराउण लई भारत/पंजाब दे आलोचकां दे मूंह वल्ल वेखे जां उहनां दे तरले लवे; उहनां कोल ओथे जावे ते उहनां दी सेवा करे ते जां उहनां नूं आपणे ख़रचे ‘ते ‘बाहर’ सदवाए ते आपणी चरचा करवाए ते उसदी प्राहुणचारी दा ज़िंमा वी लवे। इह बिलकुल उसतरहां ही है जिवें इराक, अफ़गानसितान जां होर मुलकां विच जा के अमरीका दस्से कि ओथे किहो जिहा परबंध है ते किहो जिहा उह ख़ुद होणा ते वेखणा चाहुंदा है। एसे करके मैं इसनूं ‘आलोचना दा सामराज’ आखदा हां। सुखिंदर नें पहिली वार दख़ल दे के इस सामराज विच मघोरा कर दित्ता है। उंझ वी किसे विशेश भुगोलिक खित्ते विच रचे जांदे साहित दा मुलांकण ते विशलेशण करन लई ‘आपणे आलोचक’ दी लोड़ इस करके वी हुंदी है कि उह ‘आपणा आलोचक’ ही उस खित्ते दे जीवन ते समस्सिआवां बारे प्रमाणिक जाणकारी रख्ख सकदा है। बाहरों आए आलोचक कोल उस साहित दी किसे विशेश विधा दी कलातमकता नूं पछानण वाली ‘दूर-द्रिशटी’ तां हो सकदी है पर उस खित्ते दे साहित विच पेश संबंधित जीवन बारे ‘निकट-द्रिशटी’ दी अणहोंद कारन उह संबंधित साहित दा शाइद एना सही मुलांकण नहीं कर सकदा। इस मकसद दी पूरती उस विशेश खित्ते दा ‘आपणा आलोचक’ ही शाइद वधेरे चंगी तरहां कर सकदा है, बशरते कि उस कोल आलोचनातमक प्रतिभा दी अणहोंद नां होवे। कनेडीअन पंजाबी साहित दे धंनभाग हन कि उसनूं इस पुसतक दे माधिअम राहीं पहिली वार उसदा ‘आपणा आलोचक’ प्रापत होइआ है। इस पहिल-पलक्कड़ी पाई इतिहासक पैड़ दे पिछ्छे पैर रख्ख के तुरन लई सुखिंदर नें भविख्ख दे कनेडीअन पंजाबी आलोचकां नूं राह वी विखाइआ है।

अज्ज जदों सारा संसार मंडी कीमतां दे जकड़-जंजाल विच फ़स के रहि गिआ है ते मनुख्ख अते रिशते वी ख़रीदे जाण वाली वसत तक्क घट जां घटा दित्ते गए हन, उस समें विच कोई कारज इस मनशा नाल करना कि उस विच लेखक नूं किसे किसम दा मुनाफ़ा हासल नां होणा होवे, बहुती वार संभव विखाई नहीं दिंदा। इस पुसतक नूं सिरजिदिआं ते छापदिआं सुखिंदर नूं किसे अजिहे ‘मुनाफ़े’ दी झाक नहीं। उसने निरोल बेग़रज़ भावना नाल इस पुसतक नूं केवल इस करके रचिआ है कि इस नाल इक तां समुच्चे कनेडीअन पंजाबी साहित दा इक्क संगठित बिंब उजागर हो सके ते दूजा कनेडीअन पंजाबी आलोचना दा मुढ्ढ बंनहिआं जा सके। हां, पहिले कनेडीअन पंजाबी आलोचक वजों आपणी पैंठ बनाउण दी भावना ज़रूर इस पिछ्छे कारजशील हो सकदी है पर इस भावना नूं किसे वी तरीके नाल मंडी कीमतां दे लालच नाल नहीं जोड़िआ जा सकदा। इस बेग़रज़ कारज-सिधी लई वी सुखिंदर वधाई दा पातर है।

इह पुसतक किउंकि ‘कनेडीअन पंजाबी साहित’ दी समीखिआ नाल संबंधित है, इस लई इसदा पाठक सभ तों पहिलां इह वेखणा जां जानणा चाहवेगा कि ‘कनेडीअन पंजाबी साहित’ दे पछाण-चिंनह की हन। इस साहित नूं ‘कनेडीअन’ अखवाउण लई ज़रूरी है कि जित्थे इस विच्च कनेडा दे भूगोल, प्रकिरती, शहिरां, थावां, मौसम आदि दे दिख्ख दी पध्धर वाले हवाले होण ओथे इस मुलक दे बहु-सभिआचारक सरूप दे परसंग विच्च ‘पंजाबीआं’ अते ‘पछ्छमी’ लोकां दी दवंदातमक रिशतगी दे बिरतांत तों इलावा विशेश परकार दी कनेडीअन जीवन-शैली दा (टरैफ़िक, पुलिस प्रबंध, मालज़, विदिअक माहौल, सिहत सेवावां, रुज़गार, राजनीती जां धारमिक विशवास वग़ैरा आदि दा संकेतिक) सजिंद चितर वी होवे अते कनेडा आण वस्से पंजाबीआं दे उहनां जीवन सरोकारां दी कहाणी वी कही होवे जिहड़े सरोकार; जे उह लोक कनेडा विच्च नां आउंदे तां, कदी पंजाबी साहित दा विशा-वसतू नहीं सन बणने। भावें बहुते परवासी पंजाबीआं दे पछ्छमी रहितल नाल संवाद-विवाद विच्च पैण वाले वधेरे सरोकार बहुत हद्द तक्क सांझे ही होणगे (हेरवा, नसली वितकरा, पीहड़ी-पाड़ा, सभिआचारक तणाओ, सभिआचारक अनुकूलण आदि) फिर वी उहनां मुलकां विच्च वस्सदे लेखकां दे विशेश लिखण-अंदाज़, रचनातमक-द्रिशटी, प्रतिभा अनुसार आपणे अवास दे मुलक दे निरोल निज्जी पछाण-चिंनहां दे ज़िकर दे हवाले नाल उस साहित नूं कनेडीअन पंजाबी साहित नालों निखेड़िआ जा सकदा है। फिर वी ‘अमरीकी पंजाबी साहित’ नालों ‘कनेडीअन पंजाबी साहित’ नूं निखेड़न लई शाइद बाहरी हवालिआं तों इलावा केवल लेखक दे ‘कनेडीअन पंजाबी’ जां ‘अमरीकन पंजाबी’ होण दे हवालिआं नाल ही निखेड़िआ जा सकदा है।

भावें कि अजिही इतिहासक महत्तव वाली पुसतक विच लेखक तों इह उमीद कीती जाणी वाजब है कि उह मुख-बंध विच निरणाजनक ढंग नाल कनेडीअन पंजाबी साहित दे पछाण ते निखेड़-चिंनहां बारे चरचा करदा ते इह वी दस्सदा कि इसनूं होर मुलकां विच अते पंजाब/भारत विच लिखे जा रहे साहित नालों किवें वखरिआइआ जा सकदा है। लेखक अजिही लोड़ नूं मुख्ख-बंध विच संकेतिक तौर ‘ते ही पूरिआं करदा है। उह जाणदा है कि , ‘कनेडीअन समाज विच होरनां पछ्छमी देशां नालों कई गल्लां वख्खरीआं हन’ अते इस वख्खरेपन नूं उह कनेडा दे ‘बहु-सभिआचारक’ समाज वजों पछाणदा है ते इस समाज दीआं प्रापतीआं ते विसंगतीआं दी पेशकारी नूं कनेडीअन पंजाबी साहित दा मुख्ख पछाण-चिंनह निरधारत करदा है। पर साहित दीआं विभिंन विधावां दे समुचे हवाले नाल जे इहनां पछाण-चिंनहां दी निशानदेही कीती जांदी तां वधेरे सारथिक गल्ल होणी सी। इसे करके इहनां निखेड़-चिंनहां नूं जानण पछानण लई पाठक नूं वख्ख वख्ख लेखकां दीआं रचनावां बारे कीती चरचा विच डूंघा उत्तरना पैंदा है। लोड़ इस गल्ल दी वी सी कि साडा आलोचक विभिंन विधावां विच लिखे जा रहे साहित दी विलख्खणता ते वख्खरता बारे कोई जचवां निरणा दिंदा अते दस्सदा कि कनेडीअन पंजाबी कविता, नावल, कहाणी, नाटक जां वारतक दीआं विधावां समुच्चे तौर ‘ते किस पध्धर दीआं हन अते इहनां विधावां नूं मुख्ख धारा विच लिखे जा रहे साहित दे तुल्ल कित्थे कु रख्खिआ जा सकदा है अते उस ‘पध्धर’ नूं मापण दे किहड़े माप-दंड हन! लेखक उस सवाल दे वी सिध्धा रुबरू नहीं हुंदा, जिस सवाल नूं कई चरचित पंजाबी लेखक अकसर उठाउंदे हन कि उहनां दे लिखे साहित नूं ख़ानिआं विच वंड के नां वेखिआ जावे सगों उसदा मुलांकण जां विशलेशण मुख्खधारा दे साहित दे अंतरगत ही कीता जावे। इस पुसतक दे टाईटल कवर ‘ते ही सुखपाल नें साहित नूं ‘देसी-परवासी-पाकिसतानी जां अजिहे होर मनघड़त ख़ितिआं विच वंडे जाण’ ‘ते इतराज़ कीता है। सुखिंदर नूं इस सवाल दे रूबरू वी होणा चाहीदा सी ते सपशट तौर ‘ते कनेडीअन साहित लई वख्खरा ‘ख़ाना’ नियत करन दा तरक वी देणा चाहीदा सी। जिवें मैं पहिलां कहि चुक्का हां कि इह तरक उसदी आलोचना विच वख्ख वख्ख थावां ‘ते खिंडिआ होइआ तां पिआ है पर इसदा संगठित ते समुच्चा उत्तर इक्को थां ते निरणाजनक ढंग नाल उपलबध हुंदा तां पुसतक दी सारथिकता होर वी वध जाणी सी।

इसे कारन कई सवाल होर वी अणसुलझे रहि गए हन। लेखक अनुसार कनेडीअन पंजाबी साहित दा ‘मीरी गुण’ कनेडीअन पंजाबी मानसिकता नूं दरपेश सभिआचारक, समाजिक ते आरथिक संकटां दी निशानदेही करना है (पंना-419)। मुख्खबंध विच वी कनेडीअन बहुसभिआचार दे हवाले नाल लेखक नें कनेडीअन पंजाबी साहित नूं निखेड़िआ सी पर जदों लेखक वल्लों चरचा अधीन लिआंदे लेखकां दीआं संबंधित पुसतकां विचले वसतू वल्ल धिआन मारीए तां उहनां विचों बहुत सारे लेखक अजिहे हन जिनहां दीआं लिखतां विचों कनेडीअन पंजाबी साहित दे पछाण-चिंनहां दे झलकारे नहीं मिलदे। उह मुख्ख धारा दे पंजाबी जीवन दे सरोकारां दी बात ही पाउंदे नज़र आउंदे हन। ‘कनेडा’ उहनां दीआं रचनावां विच किधरे दिखाई नहीं दिंदा। उदाहरण दे तौर ‘ते असीं गुरचरन रामपुरी दी पुसतक ‘अगनार’ दा ज़िकर कर सकदे हां जिस विच पंजाब/ भारत विचले अत्तवाद दे दौर दा ही काविक बिआन है। पूरन सिंघ पांधी दी पुसतक वी समुच्ची जीवन-जाच नाल संबंधित है किसे ‘विशेश कनेडीअन जीवन जाच’ नाल नहीं। जसवीर कालरवी दे नावल विचों वी कनेडीअन परसंग ग़ैर हाज़र हन। ओेसे तरहां गुरदेव चौहान दी पुसतक ‘चशमदीद’ विचले रेखा-चितर अते निबंध किसे वी तरहां ‘कनेडीअन पंजाबी साहित’ दी परिभाशा ‘ते पूरे नहीं उत्तरदे। उह मुखधारा दे पंजाबी साहित दा ही अंग हन। गुरबख़श भंडाल दी कविता दे हवाले वी उसनूं कनेडीअन साहितकार अखवाउण दे राह विच रुकावट बणदे दिखाई दिंदे हन।

मैं इह नहीं कहिंदा कि इहनां लेखकां दीआं होर रचनावां विच वी ‘कनेडीअन जीवन सरोकार’ ग़ैरहाज़र होणगे। हो सकदा है कि उहनां दीआं उह लिखतां सुखिंदर वल्लों सिरजी ‘कनेडीअन पंजाबी साहित’ दी हकीकी कसवट्टी ‘ते पूरा उत्तरदे होए कनेडीअन साहित दा ही अंग होण। पर निरोल कनेडीअन सरोकारां तों बाहर निकल के समुच्चे पंजाबी जीवन नूं जां भारती पंजाबी जीवन नूं कलावे विच लैंदीआं इहनां लेखकां दीआं पुसतकां नूं इस पुसतक विच चरचा अधीन लै आउणा एथे इह सवाल उठाउण लई प्रेरित करदा कि की कनेडा विच आवास ग्रहिण कर लैण नाल ही कोई लेखक ‘कनेडीअन लेखक’ ते उस दुआरा रचित साहित ‘कनेडीअन पंजाबी साहित’ बण जांदा है? लेखक वल्लों आप ही निरधारत कीते ‘कनेडीअन पंजाबी साहित’ दी परिभाशा ‘ते इह गल्ल पूरी नहीं उत्तरदी। लेखक नूं इस मसले नाल वी नजिठ्ठणा चाहीदा सी। सवाल तां इह वी बणदा है कि की कोई लेखक कनेडा दा वसनीक नां होवे; रहिंदा वी पंजाब विच्च होवे पर रचना कनेडीअन जीवन सरोकारां बारे कर रिहा होवे तां उसदी रचना नूं ‘कनेडीअन पंजाबी रचना’ किहा जा सकदा है। भारत वस्सदे बलविंदर गरेवाल दी ‘सूरज दी कोई पिठ्ठ नहीं हुंदी’ बहु-चरचित कहाणी दा इस परसंग विच्च ज़िकर कीता जा सकदा है जिसदे सरोकार ते पेशकारी दा सारा धरातल ही कनेडा है ते उसनूं पंजाबी दीआं बहुत वधीआ कहाणीआं विच वी शामल कीता जांदा है।

किसे आलोचनातमक किरत बारे जानण/समझण लई ज़रूरी है कि उह आलोचक संबंधित रचना नूं परख़ण पड़चोलण लई किस आलोचना-विधी दा सहारा लैंदा है। सुखिंदर नें जो आलोचना-विधी वरती है, उह समाज-शाशतरी आलोचना प्रणाली दे नज़दीक है। किसे रचना नूं समझण लई उह उस विच पेश विशा-वसतू दी विआखिआ ते विवेचन तक्क ही सीमत रहिंदा है। विशा-केंदरित आलोचना विधी अपनाउण करके उह किसे विशेश रचना विच पेश जीवन सरोकारां जां समस्सिआवां बारे पहिलां आपणी साधारनीक्रित राइ प्रसतुत करदा है। फिर संबंधित रचना विचों लंमी टूक, वारतालाप दा लंमां अंश जां कावि-टोटा/टोटे दे के आपणी पहिलां दित्ती होई राइ नूं पुशट ते प्रमाणित करदा है। फिर पहिलां दित्ती राइ दा ही कोई अगला विसथार दिंदा है जां किसे नवें नुकते नूं छूंहदा है ते उसनूं पुशट करन लई उस रचना विचों लंमां हवाला बिआन करदा है। कई वार इह तरतीब बदल वी जांदी है। उह पहिलां समस्सिआ वल्ल संकेत कर दिंदा है ते फिर रचना विचों टूक दिंदा है। उसतों उपरंत उस टूक दे हवाले नाल उस विशेश पख्ख दी विआखिआ वी करदा है ते नाल दे नाल संबंधित मसले बारे आपणा मत्त वी प्रसतुत करदा है। इंझ लड़ी दर लड़ी इह विआखिआ चल्लदी रहिंदी है। इंझ उह मसलिआं प्रती लेखक दे विशेश सिधांतक पैंतड़िआं दी निशानदेही करदा तुरिआ जांदा है।

जदों कोई आलोचक कनेडीअन समाज दीआं समस्सिआवां अते सरोकारां बारे किसे विशेश लेखक दी विशेश रचना दे हवाले नाल आलोचना जां विआखिआ कर रिहा होवे तां उहनां समाजिक-सभिआचारक, राजनीतक, धारमिक ते आरथिक मसलिआं बारे उस कोल लोड़ींदी जाणकारी ते उहनां मसलिआं दा विशलेशण कर सकण दी प्रमाणिक समझ होणी वी लाज़मी है। सुखिंदर इस जाणकारी नाल भरपूर है। उह कनेडीअन पंजाबी समाज, धरम, सभिआचार, राजनीती बारे भरोसेयोग जाणकारी ही नहीं रख्खदा सगों इसदे नाल ही इहनां पख्खां बारे उसदा इक आपणा निसचित मत्त वी है। इस मत्त पिछ्छे उसदा आपणा दि਼शटीकोन कारजशील है। इह द्रिशटीकोन राजनीतक शबदावली अनुसार ‘मारकसवादी’ जां साहितक शबदावाली अनुसार, ‘प्रगतीवादी’ आखिआ जा सकदा है। उह जदों वी रचनावां विच पेश मसलिआं जां वरतारिआं नूं पछाण रिहा हुंदा है तां इस पछाण पिछ्छे उसदा प्रगतीवादी द्रिशटीकोन ही कारजशील दिखाई दिंदा है। विचार अधीन सतवंजा लेखकां नें परवासी पंजाबीआं नाल संबंधित लगभग सारे ही मुद्दे आपणीआं रचनावां विच चरचा अधीन लै आंदे हन अते इहनां मुद्दिआं बारे इक समाज विगिआनी वांग सुखिंदर नें आपणी प्रमाणिक अते निरणाजनक राइ वी प्रसतुत कीती है। पाठक पुसतक नूं पहड़दिआं कनेडीअन पंजाबी परवासीआं दे जीवन इतिहास, एथे सथापत होण लई कीते संघरश अते इथों ते समाज-सभिआचार नाल तणाओशील रिशते दे विभिंन पसारां दी सोझी ग्रहिण करदा है। इस पख्खों साहितक दे नाल नाल इस पुसतक दा समाजिक-सभिआचारक ते इतिहासक महत्तव वी बण जांदा है। कनेडीअन साहित नूं जानण ते खोजण दी इछ्छा रख्खण वालिआं वल्लों इसनूं इक संदरभ-ग्रंथ वजों वी इसतेमाल कीता जा सकेगा।

इह पुसतक किउंकि कनेडीअन पंजाबी साहित बारे पहिली पुसतक है ते इस पख्खों विआपक पध्धर ते इको वेले वख्ख वख्ख विधावां दे लेखकां दीआं अनेकां पुसतकां दे विवेचन नूं इको थां ते प्रसतुत करके ते पाठका नूं इस साहित नूं पहड़न लई ते नवें आलोचकां नूं इस साहित नूं समझण ते परख़ण लई प्रेरित करन लई इस पुसतक नें इतिहासक रोल तां निभाइआ ही है पर इसदे नाल पहिली पुसतक वालीआं कुझ सीमावां वी इस विच द्रिशटीगोचर हुंदीआं हन। किसे वी रचना दी आलोचना करन लई विधी भावें कोई वी वरती जावे, सुचेत पाठक दी आलोचक कोलों इह मंग हुंदी है कि उह संबंधित रचना दे अंदर दाख़ल होण लई उस अग्गे सारे दरवाज़े खोल्हे। मसलन: किसे रचना नूं समझण लई ज़रूरी है कि उस विच पेश रचना वसतू दे विशलेशण लई कारजशील रचना-द्रिशटी नूं वी समझिआ जावे ते फिर इह वी समझिआ जावे कि उस विशेश रचना द्रिशटी दे हवाले नाल किसे वसतू नूं चुणन ते फिर पेश करन लई किस हुनरमंदी दा कमाल कीता गिआ है। कोई वी लेखक आपणे अनुभव अते कलपना दे सहारे विशाल जीवन विचों कुझ टोटे आपणी रचना विच पेश करन लई चुणदा है अते फिर उसनूं आपणे आतम-अनुभव दा भाग बणा के हुनरमंदी नाल उस विशेश विधा दी शकल विच काग़ज़ां ‘ते उेतारदा है। इस लई किसे वी रचना दा सही मुल्ल पाउण लई उस रचना दी विधागत विलख्खणता नूं पछानणा बहुत ज़रूरी है। की उह विशेश रचना कविता, कहाणी, नावल जां नाटक बण वी सकी है जां नहीं, इह जानणा वी बहुत ज़रूरी है। साहित दे सिआणे तां इह वी कहिंदे हन कि सिआणा आलोचक रचना दी तकनीक नूं खोल्हण दा आहर करदिआं ही रचना दी कलातमकता, उस विच पेश रचना द्रिशटी ते रचना वसतू दा सही मुलांकण कर लैंदा है। मारक शोरर दा कथन, ‘तकनीक ही दरिआफ़त है’ इस मकसद लई अकसर ही दुहराइआ जांदा है।

सुखिंदर नें संबंधित रचनावां नूं समझदिआं रचना दी कला, सुहजातमकता जां उसदे तकनीकी पख्ख नूं असलों ही अणगौला कीती रख्खिआ है। उसदी आलोचना पहड़दिआं इह तां पता लग्गदा है कि लेखक नें किहड़े विशे ते कलम-अज़माई कीती है ते उसदी उस मसले ‘ते किंनी कु पकड़ है ते उस विशेश लेखक दा उस विशेश मसले बारे द्रिशटीकोन की है, पर उस रचना दी तकनीक जां कलापख्ख बारे डूंघाई विच जा के उसनूं समझण दी ख़ेचल करनों आलोचक उक्क गिआ है। मिसाल दे तौर ‘ते नदीम परमार दे नावल चिट्टी मौत बारे सुखिंदर दी आलोचना पहड़दिआं मैनूं उस विच पेश पातर दे एडज़ पीड़त होण बारे तां जाणकारी मिलदी है ते एडज़ दी बीमारी दे होण, फ़ैलण जां इलाज बारे गिआन वी मिलदा है पर बतौर ‘नावल’ उह रचना किहो जिही है, इसदी कोई वी जाणकारी उपलबध नहीं। इक सुचेत पाठक वजों मैं इह वी जानणा चाहुंदा हां कि उस विच पातर उसारी दा विधान किहो जिहा है, बिरतांत दी पेशकारी दा पध्धर किहो किहा है, नावलकार दी रचना-शैली किहो जिही है आदि आदि; पर मैनूं इसदी किधरे इक झलक वी नहीं मिलदी। कला दे नां ‘ते लेख दी आख़री सतर विच उह इसनूं ‘ख़ूबसूरत’ नावल आख के वडिआउंदा है पर इह भुल्ल जांदा है कि किसे रचना दी ख़ूबसूरती उसदी कलातमकता दे नकश-निग़ार विच पई हुंदी है। जसवीर कालरवी, त्रिलोचन गिल्ल अते अमरजीत सिंघ दे नावलां बारे वी इहो गल्ल आखी जा सकदी है। केवल उह त्रिलोचन गिल्ल दे नावल विचली विउंतबंदी विच बेलोड़े विसथार वल्ल ही माड़ा जिहा संकेत करदा है ते फिर आम वांग नावल दी विआखिआ करन वल्ल रुचित हो जांदा है। इंझ ही कवीआं दीआं रचनावां बारे इह चरचा किधरे नहीं छिड़दी कि की ‘उहनां दी कविता, कविता वी बणी है कि नहीं?’ जे उह गुरदरशन बादल दे गीतां दी गल्ल कर रिहा है तां मेरी इछ्छा है कि उह इह वी दस्से कि चंगे गीत दी रूह कित्थे लुकी हुंदी है ते गुरदरशन बादल नें उहनां गीतां दी रूह नूं किंनां कु लभ्भिआ है। इंझ ही कशमीरा सिंघ चमन जां शमशेर सिंघ संधू दीआं ग़ज़लां बारे पहड़दिआं सुहिरद पाठक इहनां दी ग़ज़लीअत बारे वी जानणा चाहेगा ते इह पुछ्छणा वी उसदा हक्क है कि ग़ज़ल लेखक नें ग़ज़ल दा विधान किहो जिहा निभाइआ है। वारतक भावें गुरदेव चौहान लिख रिहा होवे, भावें बलबीर मोमी जां इकबाल माहल पाठक दा इह पुछ्छणा वी हक्क-ब-जानब है कि लेखक कोल शबदां नूं जोड़न-बीड़न दा हुनर किहो जिहा है, उसदी रचना शैली दीआं की विशेशताईआं हन, जिनहां दे आधार ‘ते उसनूं होर लेखकां दीआं लिखतां तों निखेड़िआ ते वख्खरा पछाणिआं जा सकदा है। असल विच सुखिंदर दा सारा ज़ोर संबंधित रचनावां विच पेश मसले ते उस विच निहित विचारधारा दी विआखिआ अते विशलेशण ‘ते ही लग्गा रहिंदा है पर कोई विचार साहित किवें बणदा है इस वल्ल उसदा बहुत घट्ट धिआन जांदा है। इह तां ऐवें चल्लदे चल्लदे कुझ इक रचनावां दा हवाला दित्ता गिआ है, पर इस पुसतक विचों बहुत सारीआं अजिहीआं रचनावां हन जिनहां दे कला पख्ख नूं लेखक नें छुहिआ तक्क नहीं। विसथार तों बचण लई मैं होर हवाले देण तों संकोच करदा हां।

कोई लेखक किस कलातमक मुहारत नाल संबंधित मसलिआं नूं बिआन करदा है, एसे विच ही उस लेखक दी हुनरमंदी दा हुसन लुकिआ हुंदा है अते इस ‘हुसन’ नें ही उस लेखक नूं उत्तम, मध्धम जां निमन दरजे दा लेखक साबत करना हुंदा है। अजिही गल्ल वी नहीं कि सुखिंदर कोल किसे रचना दी कला नूं परखण਼ दी असलों ही सोझी नां होवे जां उह साहितक रचनावां दे कलातमक महत्तव नूं असलों घटा के वेखदा होवे। सिधांतक पध्धर ‘ते उह भली-भांत जाणदा है कि किसे लेखक दी वडिआई दा पहिला माप-दंड लेखक दी कला-कौशलता ही है। बलबीर सिंघ मोमी बारे चरचा करदिआं उह दस्सदा है कि मोमी नें संसार दे प्रसिध्ध लेखक पहड़े होए हन अते मोमी दीआं लिखतां विच इहो ‘जिहे महान साहितकारां दीआं लिखतां दे शिलपी झलकारे पैंदे हन, बलबीर मोमी दीआं लिखतां दे अजिहे गुणां करके ही उसनूं कनेडा दे नामवर अते चरचित पंजाबी लेखकां विच शामल कीता जांदा है।'(पंनां:430) पर सुखिंदर आप पता नहीं किउं विचार-अधीन लेखकां दीआं रचनावां विचले शिलपी झलकारिआं तों नज़रां चुरा के लंघ जांदा है। किउंकि आलोचक रचना दे कलातमक पहिलूआं नूं बहुत ही घट्ट छूंहदा है, इस लई साधारन पाठक नूं कनेडीअन नावलकारां, कहाणीकारां, कवीआं जां वारतक लेखकां दीआं रचनावां बारे जाणकारी तां मिल जांदी है,उहनां विच पेश समाज-सभिआचार दीआं वंनगीआं ते शिलेशण वी प्रापत हो जांदा है पर इह पता लाउणा मुशकल हो जांदा है कि कला दे पख्खों इहनां विचों किहड़ा उत्तम, मध्धम जां निमन दरजे दा लेखक है। इस पुसतक विच सारे लेखक इको जिहे नज़र आउंदे हन।

सिरफ़ कुझ इक लेखकां दीआं रचनावां दी गल्ल करदिआं उह संबंधित विधा दे कला-विधान वल्ल वी संकेत करदा है ते विधागत नेमां दी रौशनी विच संबंधित लेखकां दीआं रचनावां बारे आपणी निरणा-जनक राइ वी पेश करदा है। उहनां कुझ इक लेखकां, जिनहां दे लिखण-ढंग बारे उसने संकेतिक जिही चरचा कीती है, विचों इस तत्थ दी निशानदेही कीती जा सकदी है। जरनैल सिंघ कहाणीकार, बलबीर संघेड़ा, कुलजीत मान, जरनैल सिंघ गरचा बारे चरचा करदिआं उह चंगी कलातमक कहाणी दीआं कलातमक लोड़ां वल्ल सहिजे ही धिआन दिवा जांदा है अते किसे कहाणी नूं समझण लई आपणे कलातमक पैमाने वल्ल संकेतिक झात वी पुआ जांदा है। उस अनुसार कहाणी दी धीमी तोर नाल कहाणीआं विच तनाओ वी हौली हौली पैदा हुंदा है। (पंनां:419) ज़ाहिर है कि उस अनुसार कहाणी दी तोर नावली जां मध्धम गती वाली होण दी थां तेज़ गती वाली होणी चाहीदी है अते कहाणी विच पाठक दी जगिआसा जगाई रख्खण लई तनाओ वी मघदा रहिणा चाहीदा है। कहाणी दा अंत वी उस अनुसार ‘झंजोड़न वाला’ होणा चाहीदा है अते कहाणी भाव-विरेचन करन वाली नां हो के पाठक नूं बेचैन करन वाली होवे, जिसनूं पहड़ के पाठक नूं रात भर नींद नां आवे।(पंनां:320-21) जाणदा तां उह इह वी है कि कहाणी विच वारतालाप सिरजण दी वी विशेश कला है ते वारतालाप उहो ही प्रभावशाली होणगे जिनहां दी उचारणी भाशा जीवन अते पातरां दी उमर, कित्ते, पिछोकड़ अते समझ दा यथारथक बिआन करन वाली होवे। नहीं तां वारतालाप ‘नकली'(पंनां:257) जापणगे। कुलजीत मान दी कहाणी ‘चिड़ी’ दे हवाले नाल उह उसदी भाशा विचली वधेरी काविकता वल्ल धिआन दिवाउंदा (पंना: 256) अचेत ही इस गल्ल वल्ल वी अणकिहा संकेत छड्ड जांदा है कि कविता नूं भावें गलप विच वरते जाण दी मनाही नहीं पर गलप लिखदिआं कविता नूं गलप दी भाशा दा अंग बण के ही शामल होणा पैणा है। उह कहाणी विच वरती जाण वाली नवीन कला-जुगत ‘सथिती-मुखता’ दे महत्तव नूं वी पछाणदा ते समझदा है ‘जिवें कि किसे नाटक विच कोई सथिती पेश करन वाले पातर आपणी अदाकारी दिखा रहे हुंदे हन अते पिठ्ठ-भुमी विच परदे उत्ते कोई फ़िलम दिखाई जा रही हुंदी है जां कोई द्रिश दिखाए जा रहे हुंदे हन( पंनां:256)।” इंझ उह कहाणी विच द्रिश सिरजण दी कला दे महत्तव नूं द्रिहड़ाउंदिआं इस जुगत नूं पातरां दे किरदार ते विहार नूं समझण दा कलातमक माधिअम मंनदा है। मेजर मांगट दीआं कहाणीआं विच उह ‘रूपक’ पख्ख अते ‘तत्त’ विच संतुलन सिरजण वाली कला दा इक सतरी संकेत तां करदा है पर इस संतुलन नूं किसे कहाणी दे हवाले नाल पुशट नहीं करदा। मिंनी गरेवाल दीआं कहाणीआं विच उसदी ‘तकनीकी’ विलख्खणता वल्ल इशारा करके वी उह इस विलख्खणता दा कोई दरवाज़ा साडे साहमणे नहीं खोल्हदा। इहनां वेरविआं तों इह तां भलीभांत मालूम हो जांदा है कि उसनूं किसे रचना दे तकनीकी, कलातमक जां सुहजातमक महत्तव दा अहिसास है पर चंगी कहाणी दे कलातमक विधान दी सोझी रख्खदिआं होइआं वी नां तां उह कहाणीकारां नूं ते नां ही दूजीआं विधावां दे लेखकां दीआं रचनावां नूं उस विधा दीआं कलातमक लोड़ां अनुसार परख़दा पड़चोलदा है। इहनां कहाणीकारां बारे वी बहुती वार उह केवल बिआन दी पध्धर ‘ते ही उहनां दी कहाणी कला बारे आपणा मत्त प्रसतुत करदा है, इस मत्त नूं कहाणीआं दे हवाले नाल पुशट नहीं करदा।

रचना विच ‘शिलपी झलकारिआं’ दे महत्तव नूं भली-भांत समझदिआं होइआं वी जे आलोचक दा धिआन इस पासे नहीं गिआ तां सानूं इसदी वी निशानदेही करन दी कोशिस वी करनी चाहीदी है। किसे कुलजीत मान दी कहाणी ‘रंग काट’ बारे गल्ल करदिआं उह इक्क थां लिखदा है, ”इह कहाणी मैनूं बहुत काहली विच लिखी लग्गी।”(पंनां: 257) की किते साडा आलोचक वी किसे अजिही काहली दा शिकार तां नहीं है, जिस काहली करके उह इहनां रचनावां दे सरबपख्खी अधिअन लई लोड़ींदा समां ही नां कढ्ढ सकिआ होवे! आलोचक नें कुझ इक्क लेखां नूं छड्ड के बहुते लेखां हेठ उस लेख दे लिखण दी मिती, महीना, साल ते थां दा नां वी लिखिआ है। असीं वेखिआ है कि इह लेख 2008-9 विच लिखे गए हन। लग्गदा है कि साडा आलोचक इक मुहिंम बणा के इक्क निवेकली पहिलकदमी दा झंडा आपणे हत्थ विच लैण लई दौड़ रिहा है। इहनां दो सालां विच 2008 दा कोई महीना ही है जिहड़ा ख़ाली गिआ होवे ते उसने किसे किताब बारे लेख नां लिखिआ होवे। 2009 विच तां किसे किसे महीने तां उह पंज-पंज, छे-छे किताबां बारे इको साहे लिखदा नज़र आउंदा है। फरवरी 2009 दे महीने विच तां उह आपणे नाल नाल विचारे निक्के जिहे ‘महीने’ नूं वी लेखां दे भार हेठ दब्ब दिंदा है। इस इक्क महीने विच ही उसने तेरां पुसतकां बारे आपणे लेख मुकंमल कीते हन। ज़ाहिर है कि इस महीने उसनूं पुसतक पहड़न अते उस बारे लिखण लई केवल औसतन दो दिन ही नसीब होए हन। इहनां विचों इक दिन पुसतक पहड़न नूं ते दूजा दिन उस पुसतक बारे लिखण नूं दित्ता मंनिआं जा सकदा है। जित्थे दिन रात कीती निरंतर मिहनत पख्खों उसदी दाद देणी बणदी है ओथे इस तत्थ वल्ल वी धिआन जांदा है कि आलोचक नें पुसतक पहड़न ते उस बारे राइ बनाउण अते देण विच काहली कीती लग्गदी है।

किसे वी पुसतक बारे आपणा सरबांगी आलोचनातमक निरणा देण लई उस पुसतक दे इक्क तों वधेरे पाठ करन दी लोड़ हुंदी है ते फिर उस बारे चिंतन-मनन करन लई वी समां दरकार हुंदा है। फिर किते जा के ही कोई आलोचक किसे लिखत बारे निरणा देण दा अधिकारी हो सकदा है। पर असीं वेखदे हां कि साडे आलोचक कोल निसचै ही समें दी घाट वी लग्गदी है। किसे रचना विच डूंघा उत्तरन दी लंमी मानसिक घालणा घालण दी जिहड़ी लोड़ हुंदी है, शाइद इस घालणा लई साडा आलोचक लोड़ींदा समां नहीं जुटा सकिआ। एसे करके ही शाइद उह रचनावां दे ‘शिलपी झलकारिआं’ वल्ल साडा धिआन नहीं दिवा सकिआ। असीं आस करदे हां कि आपणी अगली पुसतक विच, जिसनूं अगले ही साल तक्क मुकंमल कर देण दा उसने ऐलान वी कर दित्ता है, उह साडा इह उल्हामां वी दूर कर देवेगा।

पर ‘उल्हामे’ देई जाणा ते प्रापती नूं अख्खों ओहले करी रख्खणा वी दिआनतदारी नहीं। मैं अजिहा बद-दिआनतदार विशलेशक नहीं हां जिहड़ा सुखिंदर दी इस इतिहासक पहिलकदमी नूं घटा के वेखण दी दुरभावना दा शिकार होवे। सुखिंदर नें कनेडीअन पंजाबी आलोचना दे ख़ेतर विच सचमुच्च इतिहास सिरज दित्ता है। इस पख्खों लेखकां दे नाल नाल कनेडीअन पंजाबी साहित दे भविख्खी आलोचक सदा सुखिंदर दा रिण महिसूस करदे रहिणगे।